အပိုင်း ၇၀

လျို့ဝှက်သောသူကြွယ်၏ ချစ်ဇနီးလေး

အပိုင်း ၇၀ - သူ့မိန်းမကျေနပ်စေရန် သိကောင်းစရာများ

 ချန်းရှန့်က သူ၏ယခင် crush ၏ အကောင့်ထဲသို့၀င်ပြီးနောက် သူမက လက်မထပ်ရသေးဘဲ တစ်ယောက်ထဲ ဖြစ်နေတာကို သူအမှတ်တမဲ့ သိလိုက်ရသည်။  သူ့နှလုံးသားက တစ်ဖန်ပြန်လည်ရှင်သန်လာခဲ့သည်။

 ချန်းရှန့် - "ငါအရမ်းစိတ်ပူနေတယ်။ အဖွဲ့ထဲမှာတစ်ယောက်ယောက်ရှိလား?"

 အနုပညာဌာန ခေါင်းဆောင် အကြီးအကဲ တိုင့်ကျီသည် အလွန်အလုပ်များနေပြီး အဖွဲ့စကားပြောခန်းတွင်လူသေ (offline) ဟန်ဆောင်နေခဲ့သည်။ ချန်ရှု့က သူ၏ကိုယ်ပိုင်အလုပ်ကိုသာ ဂရုတစိုက်လုပ်ပြီး ဤကိစ္စများအား မည်သည့်အခါမျှ ဂရုမစိုက်ခဲ့ပေ။

 ဝမ်ချွမ်းကသာ“ ငါဒီမှာရှိတယ်” လို့ပြန်ဖြေခဲ့သည်။

 ချန်းရှန့် - “ ငါမိန်းကလေးတစ်ယောက်ကို မလိုက်ခဲ့တာအနှစ် ၃၀ ရှိပြီ။  မိန်းကလေး တစ်ယောက်ကို ငါဘယ်လိုကျေနပ်အောင် လုပ်ပေးရမလဲ?  "

 ဝမ်ချွမ်း - “ ဒါကအရမ်းရိုးရှင်းတယ်။ ချော့မော့တာနဲ့ ရိုးသားမှု  မင်းရဲ့အစ်ကိုက ငါက အမျိုးသမီးတစ်ယောက်ကို နှစ်ပေါင်း ၃၀ လောက်ချစ်ခဲ့တာ "

 ချန်းရှန့် - "ကျေးဇူးတင်ပါတယ် အစ်ကို  ငါတစ်ယောက်တည်းသမားဘ၀ကနေ ရုန်းထွက်နိုင်လား ရုန်းမနိုင်ဘူးလားဆိုတာ မင်းအပေါ်မှာမူတည်သွားပြီ ”

 သူတို့နှစ်ဦးသားသည် အဖွဲ့ထဲ၌ ပျော်ရွှင်စွာစကားစမြည်ပြောနေကြပြီး တစ်ယောက်ကကြွားလုံးထုတ်လိုက်သည်နှင့် အခြားတစ်ယောက်ကသူ့ကို မြှောက်ပင့်နေခဲ့သည်။  ချန်ရှု့၏လက်ကိုင်ဖုန်းက သတိပေးချက်များနှင့်အတူ တောက်ပနေခဲ့သည်။

 ထို့နောက် ချန်ရှု့က သူ့ရဲ့လက်ကိုဆန့်ထုတ်လိုက်ပြီး အဖွဲ့စကားပြောခန်းကို ဖွင့်လိုက်သည်။  ထိုနှစ်ဦးသား၏ အရူးအမူးလို စကားပြောခန်း မှတ်တမ်းများကို ဂရုမစိုက်ဘဲ သူကလိုင်းမှာ စာသားတစ်ခုကို အေးအေးဆေးဆေးရိုက်ပြီး ပစ်ထုတ်လိုက်သည်။

 သူတို့ရဲ့ကိုယ်ပိုင်သူဌေးက ရုတ်တရက်ဆိုသလို စာပို့လာသည်။ “ကောင်းပြီ၊  အစီရင်ခံစာတစ်စောင်ရေးပြီး အဲဒါကိုလာပို့လိုက်”

 သူ၏အတွေ့အကြုံကို ဝင့်ကြွားစွာပြောပြီးနောက် သူဌေး၏ဖမ်းခြင်းခံရသော ဝမ်ချွမ်း -  "....... "

 ဝမ်ချွမ်းသည် အခြားသူများထက် အနည်းငယ်အတွေ့အကြုံပိုရှိသည်။ သို့သော် သူ၏ အချစ်ရေးကို လက်တစ်ဖက်တည်းနှင့် ရေတွက်နိုင်သည်။ သူဌေးကိုသူ့ရဲ့ အချစ်သတင်းတစ်ပုဒ်ကို ဘယ်လိုရဲရဲဝံ့ဝံ့ပြောနိုင်မှာလဲ?

 အိမ်ထောင်ကျပြီး စကားနည်းတဲ့သူ တိုင့်ကျီက အုပ်စုထဲမှာမကြွားခဲ့ဘူး။ ထို့ကြောင့် သူကလွတ်မြောက်ခဲ့သည်။

 ချန်းရှန့်နဲ့ ဝမ်ချွမ်းတို့က တစ်နေ့တာလုပ်ငန်း ပြီးစီးပြီးနောက် ၎င်းကိုချက်ချင်းရရှိခဲ့သည်။

 သတင်းထုတ်ပြန်ရေး ရုပ်ရှင်နှင့်ပြည်သူ့ဆက်ဆံရေးဌာနများမှ ၀န်ထမ်းများသည် သူတို့၏ပုံမှန် အေးဆေးတည်ငြိမ်တဲ့ ခေါင်းဆောင်တွေက  ခေါင်းများကိုကုတ်နေကာ သူတို့၏ရုံးခန်း၌ စဉ်းစားနေကြသည်ကို ကြည့်နေခဲ့ကြသည်။

 သူတို့ရဲ့အလုပ်တွေကို သတင်းပို့ဖို့ ၀န်ထမ်းတစ်ဦး - " ခေါင်းဆောင် ဒီရိုက်ကူးထားတဲ့ ဒီရုပ်ရှင်က ချန် ... "

 ဝမ်ချွမ်းက ရုတ်တရက်ကြားဖြတ်ပြောလာခဲ့တယ် - “မင်းအချစ်ခံရရင် မင်းဘာလုပ်ခဲ့လဲ? ”

 ဝန်ထမ်း၏ မျက်နှာအမူအရာက ရှုပ်ထွေးသွားသည်။  "???"

 ထိုနေ့မွန်းလွဲပိုင်းတွင် သူတို့၏အစီရင်ခံစာများကို အတော်လေး အသေးစိတ်ဖြစ်သော ချန်ရှု့ထံသို့လွှဲပြောင်းပေးခဲ့ပြီး၊ အပြင်အဆင်သည် အလွန်ဆင်တူသည်။

 သူတို့က ဟွာရွေ့ရဲ့အဆင့်မြင့် အမှုဆောင် အကြီးအကဲတွေဖြစ်ပြီး ပထမတန်းစား အလုပ်စွမ်းရည်နဲ့ ထိုက်တန်တဲ့အချစ်မှတ်တမ်းတစ်ခုကို ရေးတာတောင်မှပျော်စရာကောင်းသည်။

 ချန်ရှု့သည် သူတို့၏မကြာသေးမီက ဖျော်ဖြေမှုအတွက်ဝမ်းသာသွားပြီး သူတို့ကိုလက်ဝှေ့ယမ်းကာဆုကြေးငွေပေးခဲ့သည်။ ချန်းရှန့်နဲ့ ဝမ်ချွမ်း တို့သည်သူတို့၏အိတ်ကပ်များထဲတွင် တိုးလာသောငွေပမာဏကိုကြည့်ပြီး သူတို့၏ကြိုးစားမှုသည် အချည်းနှီးမဖြစ်ခဲ့ဟုခံစားမိသည်။

 ဝမ်ချွမ်းသည် ချန်ရှု့၏ စားပွဲရှေ့တွင် ထိုင်လိုက်ပြီး ထိုသူက အစီရင်ခံစာကို ဖြည်းဖြည်းချင်းဖွင့်ပြီး စာမျက်နှာတစ်မျက်နှာချင်းစီကြည့်နေသည်။

 ထုံးစံအတိုင်း သူကအာရုံစူးစိုက်မှုအပြည့်နဲ့ အစီရင်ခံစာကိုကြည့်တယ်၊ သူ့မျက်လုံးတွေကညတစ်ချိန်ချိန်မှာစဉ်းစားနေသလိုပဲ၊ ဒါပေမယ့် တစ်ချိန်ချိန်မှာရပ်သွားသည်။

 ဝမ်ချွမ်းသည် ဟွာရွေ့၏ ၀န်ထမ်းဟောင်းတစ်ဦး ဖြစ်သည်။ ဒါပေမယ့် သူချစ်နေတဲ့အခါမှာ သူဌေးရဲ့ထူးဆန်းတဲ့ဒေါသကို သူ့ခေါင်းမှာပတ်လို့မရဘူး။  သူသည်တစ်ခါတစ်ရံ မေးခွန်းများမေးလေ့ရှိပြီး တစ်ခါတစ်ရံ အစီရင်ခံစာများကို တောင်းသည်။  နောက်ထပ်က ဘာဖြစ်ဦးမှာလဲ?

 ချန်ရှု့၏အကြည့်သည် လိုင်းတစ်ခုပေါ်တွင် ခဏတာရပ်တန့်သွားခဲ့သည်။ ထို့နောက် သူ၏မျက်လုံးများမှေးစင်းသွားသည်။

 အပိုဒ် ၁၀။ အမျိုးသမီးတစ်ဦး၏ နှလုံးသားကို ဆုပ်ကိုင်ရန် သင်သည် သူမ၏အစာအိမ်ကို ဦးစွာဆုပ်ကိုင်ရမည်။

 သူသည် ၎င်းအား စမ်းသပ်ပြီးသားဖြစ်သောကြောင့် ၎င်းကို လျင်မြန်စွာ ပယ်ဖျက်ခဲ့သည်။ ယဲ့ဆွေ ချက်ပြုတ်တာက အရမ်းကောင်းနေပြီ။  အခြားတစ်ဖက်တွင် ချန်ရှု့ ချက်ပြုတ်ဖို့ ကြိုးစားစဉ်မှာ မီးဖိုချောင် ပေါက်ကွဲလုနီးပါးဖြစ်ခဲ့သည်။

 ပြင်းထန်စွာဒဏ်ခတ်ခံခဲ့ရသော ချန်ရှု့သည် ခဏတာစိတ်ဝင်စားမှုပျောက်သွားသည်။ သူသည် မီးဖိုချောင်ထဲသို့အကြာကြီး မ၀င်နိုင်ပေ။

 စကားလုံးထောင်ပေါင်းများစွာကို စာကြောင်းတစ်ကြောင်းတည်းတွင် စုစည်းလိုက်သည် - ယဲ့ဆွေသည် သူ၏အစာအိမ်ကို ဆုပ်ကိုင်နိုင်ခဲ့သော်လည်း သူကမူ မတတ်နိုင်ခဲ့ပေ။

 ချန်ရှု့သည် တစ်ကြောင်းချင်းစီကို ချောချောချူချူနှင့် ဆက်ဖတ်သွားသည်။ သူသည် နောက်စာမျက်နှာသို့ လှန်ကာ တစ်စုံတစ်ခုကို ရုတ်တရက် စဉ်းစားလိုက်ပြီး ပြန်လှန်လိုက်သည်။

 အပိုဒ် ၃၀၊ လက်ဆောင်လမ်းညွှန်  လက်ဆောင်များသည် စျေးသက်သာပြီး စျေးမကြီးသင့်ပါ။  လက်ဆောင်သည် အလွန်အဖိုးတန်လျှင် ၎င်းသည်အမျိုးသမီးအတွက် အလွန်တရာအကျိုးရှိတာ ဖြစ်သင့်သည်။

 ချန်ရှု့သည် ယဲ့ဆွေအား သူပေးမည့်လက်ဆောင်သည် တန်ဖိုးကြီးရန်သာမက စျေးလည်းသက်သာပြီး ရိုးရိုးအတန်းစားထဲကလည်း မဟုတ်ရမှာကို နားလည်ခဲ့သည်။

 ချန်ရှု့က သူ့မျက်ခုံးကိုပင့်လိုက်ပြီး ဝမ်ချွမ်းကိုမသိမသာ ကြည့်လိုက်သည်။  ဝမ်ချွမ်းသည် အဖွဲ့ထဲ၌ ကြီးမားသောအခန်းကဏ္ဌတွင် ပါဝင်ခဲ့ပြီးသူ၏အကြံဥာဏ်ကို သူမှတ်မိနေသေးသည်။ 

ချန်ရှု့ - "အမျိုးသမီးတွေက ဘယ်လိုလက်ဆောင်ကိုကြိုက်လဲ?"

ဝမ်ချွမ်းက သတိကြီးစွာစုံစမ်းနေသည်။  "လက်ဝတ်ရတနာလား?"

ချန်ရှု့က စားပွဲခုံကို သေချာကြည့်ပြီး စဉ်းစားလိုက်သည်။  ခဏအကြာတွင် သူကလက်ဝတ်ရတနာဆိုင်တစ်ခုသို့ ဖုန်းဆက်လိုက်သည်။

နောက်ဆုံးတွင် ချန်ရှု့က လက်ဝတ်ရတနာဆိုင်သို့ သွား၍ လည်ဆွဲတစ်ခုကိုကောက်ယူလိုက်သည်။  လက်ဝတ်ရတနာ ဘရန်းအမှတ်တံဆိပ်ကို တည်ထောင်သူက ဒ်ိီလည်ဆွဲက အရမ်းအဓိပ္ပါယ်ရှိပြီး ပုံပြင်ရှိသည်ဟု ပြောကြားခဲ့သည်။  သူကပုံမှန်အားဖြင့် အဲ့တာကို လူတွေကို ရောင်းမှာမဟုတ်ဘူး။

သို့သော် ချန်ရှု့က သူ့နဲ့ခင်မင်မှုတချို့ရှိခဲ့သောကြောင့် လည်ဆွဲကို သူ့အားရောင်းဖို့ သဘောတူခဲ့သည်။

ချန်ရှု့က ဒီလည်ဆွဲဟာ ယဲ့ဆွေရဲ့ စိတ်ထားနဲ့လိုက်ဖက်တယ်လို့ သူတွေးလိုက်သည်။ သူမ ဒီဟာကိုကြိုက်သင့်သည်။

=======

ပါပါရာဇီးက ယဲ့ဆွေနဲ့ပတ်သက်၍ မည်သည့်သတင်းမျှမရခဲ့ပေ။ အဲဒီအစား သူတို့က သူမရဲ့တိုက်ရိုက်ထုတ်လွှင့်မှုကြောင့် ရှုံးနိမ့်ခဲ့ကြတာမို့ သူတို့ကဆက်ပြီးသာ လိုက်နိုင်ခဲ့ကြူည်။

နာမည်ကျော်အမျိုးသမီးစတားနဲ့တွဲပြီး အနက်ရောင်ပစ္စည်းမရှိတာက ဘယ်လိုလုပ်ဖြစ်နိုင်မလဲ?

  *t/n: အရှုပ်အရှင်းသတင်း

နာမည်ကျော် ပါပါရာဇီး ဟူအန်းက သူ့ရဲ့သင်တန်းသားအသစ်အား ယဲ့ဆွေ  နောက်သို့လိုက်စေခဲ့သည်။ ၎င်းသည်သူ့အတွက် လေ့ကျင့်မှုတစ်ခုလည်းဖြစ်သည်။

ပါပါရာဇီး အငယ်လေးက ယဲ့ဆွေရဲ့ နောက်ဆက်တွဲဇာတ်လမ်းတွဲတွင် လဝက်ကြာလိုက်သော်လည်း မည်သည့်ခြားနားချက်ကိုမှ မမြင်ခဲ့ပေ။ ယဲ့ဆွေက ညဘက်အိမ်ပြန်လာသောအခါ ပါပါရာဇီးရဲ့ကားက သူမနောက်မှ လူ့အဖွဲ့အစည်း ဂိတ်တံခါးအထိသာ လိုက်သွားနိုင်ပြီး လုံခြုံရေးအစောင့်က တားလိမ့်မည်။

သူပြန်လာသည့်ညတိုင်း ပါပါရာဇီးအငယ်လေးက အဲဒီနေ့က ရိုက်ထားတဲ့ဓါတ်ပုံတွေကို စုစည်းပြီး တိုးတက်နေတဲ့စတူဒီယိုထဲမှာ ရှိနေလိမ့်မည်။  လောလောဆယ်တော့ ညကတော်တော်နက်နေပြီ။ သူ့ရဲ့မျက်ခွံများက ပွင့်လိုက်၊ ပိတ်လိုက်ဖြစ်လာခဲ့သည်။  သူအရမ်းအိပ်ငိုက်လာပြီး စက္ကန့်တိုင်း သူ သမ်းနေခဲ့သည်။

ပါပါရာဇီးရဲ့ အကြည့်က ဓာတ်ပုံပေါ်တွင်ရှိနေခဲ့ပြီး ရုတ်တရက် သူ့မျက်လုံးများက ပြူးကျယ်သွားကာ သူ့ရဲ့အိပ်ငိုက်မှုက ပြေသွားတော့သည်။  သူ့မျက်နှာမှာ ကြောက်ရွံ့ထိတ်လန့်တဲ့ အမူအရာရှိနေသည်။  ထိုနေ့ရဲ့ဓာတ်ပုံတွေက ခါတိုင်းနှင့်မတူတော့ပေ။

ဟူအန်း အာရုံစိုက်ပြီးကြည့်လိုက်တော့ သစ်ပင်ကြီးတစ်ပင်နားမှာ ရိုက်ထားခဲ့တဲ့ ဒီဓာတ်ပုံတွေကို တွေ့လိုက်ရသည်။ ယဲ့ဆွေက တစ်ခါတစ်ရံဇာတ်ညွှန်းကို ကိုင်ထားပြီး တစ်ခါတစ်ရံ သူမရဲ့လက်ထောက်နှင့် စကားပြောနေသည်။

ယဲ့ဆွေရဲ့လှုပ်ရှားမှုများက သံသယဖြစ်ဖွယ်မရှိပေ။  တစ်ခုတည်းသော ခြားနားချက်က ထောင့်နားရှိအရိပ်ဖြစ်သည်။ ၎င်းသည် အလွန်မှောင်မိုက်ပြီး လူတစ် ဦး၏ပုံသဏ္ဌန်အဖြစ်ယူဆနိုင်သည်။

 “ ဆရာ၊ ကျွန်တော် မမှားဘူး။  ဒီ၊ ဒီ၊ ဒီ၊ ဒီ ... ဒီဓာတ်ပုံတွေမှာ တစ်ခုခုမှားနေတာရှိရမယ်! "  ယခုပင် သူ့ရဲ့အသက်မွေးဝမ်းကျောင်းကို စတင်ခဲ့သော ပါပါရာဇီအငယ်လေးက ဤလအနည်းငယ်အတွင်း နာမည်ကြီးတွေရဲ့ ဓာတ်ပုံအချို့ကိုသာရိုက်ခဲ့သည်။ ဒါပေမယ့် သူကစကားထစ်တဲ့လူ ဖြစ်သည်။

ဟူအန်းက ပါပါရာဇီရဲ့ ခေါင်းကိုရိုက်လိုက်သည်။  "ဒီပုံမကောင်းဘူးလို့ မင်းထင်လား?"

ပါပါရာဇီကခေါင်းခါလိုက်သည်။  “ မထင်ပါဘူး”

ဟူအန်းက ပြုံးလိုက်သည်။"  ရသစုံရှိုးမှာ ယဲ့ဆွေရဲ့ လျှို့ဝှက်ဆန်းကြယ်တဲ့ ဇာတ်လမ်းနှစ်ခုကို မင်းမှတ်မိလား?  ဒါကအကောင်းဆုံး ဇာတ်လမ်းလို့ ငါထင်တယ်။ ”

အခြားမီဒီယာများနှင့် အမီလိုက်နိုင်ရန် ဟူအန်းက သူ့ရဲ့ ဝေ့ပေါ်တွင် ညအချိန်၌ ရိုက်ကူးခဲ့သော ယဲ့ဆွေရဲ့ ဓာတ်ပုံများကိုတင်ခဲ့သည်။

ခေါင်းစဉ်က အလွန်ဆွဲဆောင်မှုရှိပြီး လူတို့က၎င်းကိုမစဉ်းစားဘဲမနေနိုင်ကြပေ။  [ယဲ့ဆွေရဲ့ ရုပ်ရှင်အသစ် ရိုက်ကူးနေတဲ့နေရာကို ငါတို့စူးစမ်းရှာဖွေကြည့်လိုက်တော့ တစ္ဆေသရဲတွေတောင် သူမရဲ့ရုပ်ရှင်တွေကိုကြည့်ရတာကြိုက်တာကို တွေ့လိုက်တယ်။ ]

 ပါပါရာဇီရဲ့  ဓာတ်ပုံတွေက အာရုံစူးစိုက်မှုကိုပိုမိုဆွဲဆောင်ရန် လုပ်ဇာတ်ခင်းထားတာလို့ အင်တာနက်သုံးစွဲသူတွေက ယုံကြည်ထားကြသည်။ ဒါပေမယ့်  သူတို့ အဲ့တာကိုဖွင့်လိုက်သောအခါ ဓာတ်ပုံများတွင်သရဲများရှိနေတာကြောင့် သူတို့ အော်ဟစ်ခဲ့ကြသည်။

 "အဲဒါက ငါ့လက်ကိုင်ဖုန်းရဲ့ ဖန်သားပြင်ကြောင့်လို့ ထင်ခဲ့ပေမယ့် ဓာတ်ပုံထဲမှာ အမည်းရောင်အရိပ်ဖြစ်လိမ့်မယ်လို့ ငါမမျှော်လင့်ထားခဲ့ဘူး။ "

 "ယဲ့ဆွေ ဘယ်မှာရိုက်ကူးရေးလုပ်တာလဲ? ရှုတင်နေရာက သရဲခြောက်တာလား?  ဖြစ်နိုင်တာက အဲ့တာ ဖိုတိုရှော့လုပ်ထားတာဖြစ်နိုင်တယ်။ အဲဒါကအမှန်လို့ ဘယ်လိုပြောနိုင်မှာလဲ?  အခုသူတို့က သူမကိုနာမည်ကြီးဖို့ သဘာဝလွန်ဖြစ်ရပ်တွေကို သုံးနေတာလား? ”

“ ရုပ်ရှင်ကိုအရှိန်မြှင့်ဖို့ ဓာတ်ပုံတွေရိုက်ဖို့ တမင်လိုက်ရှာနေတဲ့အဖွဲ့သားတွေကို ငါသံသယရှိတယ်။  ဖြစ်နိုင်တာ လုံးဝမရှိပေ။  ဒါ့အပြင် ပုံက အရမ်းမကြည်ဘူး။ အဲ့လိုဖြစ်နိုင်တာက ပါပါရာဇီးရဲ့လက်တွေတုန်နေလို့ပဲ ဖြစ်ရမယ် ”

 <ကျို့ယွမ်> ရဲ့ ဓာတ်ပုံများကို အတင်းအဖျင်း ဖိုရမ်သို့ မကြာမီလွှဲပြောင်းပေးပြီး အခုဒီချိန်မှာ ဆွေးနွေးမှုများစွာရှိခဲ့သည်။  အချို့က အဖွဲ့သားများနှင့် ပါပါရာဇီး တို့က အုံကြွမှုကိုဖန်တီးရန် ကြံစည်နေကြသည်ဟု ထင်ကြပြီး အချို့ကစတူဒီယိုက သရဲခြောက်သည်ဟု ယုံကြည်ကြသည်။

အဲ့တာကမှန်သည်ဖြစ်စေ မှားသည်ဖြစ်စေ ဒီကိစ္စကို အင်တာနက်မှာ အပြင်းအထန်ရှာဖွေပြီး မြှင့်တင်ခဲ့တာကြောင့် ဒီအပတ်မှာ ဆွေးနွေးမှုအများဆုံးကောလဟာလ ဖြစ်လာခဲ့သည်။

ဤအချိန်တွင် အင်တာနက်သုံးစွဲသူတစ်ဦးက လွန်ခဲ့သောနှစ်အနည်းငယ်က ပို့စ်တစ်ခုကိုတူးဖော်ခဲ့သည်။ ၎င်းကိုထူးဆန်းသောအုပ်စုက ထုတ်လွှင့်ခဲ့သော်လည်း လူများစွာက ၎င်းကိုတုံ့ပြန်ခြင်းမရှိပေ။ယနေ့တွင် ၎င်းကိုတွန်းပို့လိုက်သည်။

 [မင်း ရင်းရှီကမ္ဘာ့စတူဒီယိုကို ရောက်ဖူးလား?  အဲဒီမှာသဘာဝလွန်ဖြစ်ရပ်တစ်ခုကို ငါဖမ်းမိခဲ့တယ်။ ]

ဖိုရမ်ပိုင်ရှင်သည် ဓာတ်ပုံအနည်းငယ်ကိုလည်း တွဲတင်ထားသည်။ ၎င်းတို့တွင် သူမ မပါ၀င်ပေမယ့် ယဲ့ဆွေ ရိုက်ကူးခဲ့သောသစ်ပင်ကြီးတစ်ပင်ဖြစ်သည့်နေရာ၏ ပုံများကိုသာဖမ်းယူနိုင်ခဲ့သည်။

 ထူးဆန်းတာက ရှုတင် နေ့က တိမ်ထူတဲ့နေ့ဖြစ်ခဲ့သည်။  ကောင်းကင်သည် မီးခိုးရောင်က ရွှံ့ကဲ့သို့ထူနေပြီး ဖိနှိပ်ခံထားရသည်။

 ထိုအချိန်တွင် ဓာတ်ပုံများသည် မှောင်မဲကာ အုံ့မှိုင်းနေပြီး သစ်ပင်အောက်တွင် တစ်စုံတစ်ယောက်ရပ်နေပုံရသည်။  ဒါပေမယ့် မျက်နှာကို ရှင်းရှင်းလင်းလင်းမမြင်ရဘူး၊ အမှောင်နဲ့မှိုင်းနေတဲ့အရိပ်တစ်ခုသာ။

 ပါပါရာဇီ ရိုက်ထားတဲ့ပုံလိုပဲ။

 ပိုကြောက်စရာကောင်းသည်မှာ လွန်ခဲ့သောနှစ်နှစ်က ပိုစတာသည် စာမပြန်ခဲ့ခြင်းကြောင့် ထင်ကြေးများစွာပေးသောကြောင့်ဖြစ်သည်။  ပိုစတာမှာဘာဖြစ်ခဲ့လဲ?   သူတို့မှာ တစ်ခုခုမှားနေတာလား?

 တကယ်တော့ ပိုစတာက ပဟေဋ္ဌိအုပ်စုထဲမှာမရှိတော့ဘူး။  သူမအကောင့်ကို ဖွင့်လိုက်သောအခါ သူမမျက်နှာသည် မှင်သက်သွားသည်။  ဖန်သားပြင်အပြည့်တွင် သူမကိုပုဂ္ဂလိကမက်ဆေ့ခ်ျများဖြင့် မေးနေသည်မှာ 'အခုလုံခြုံနေလား?  '

 အခြားရွေးချယ်စရာမရှိဘူး။  ပိုစတာသည် ထိုပိုစ့်ကိုသာဖွင့်နိုင်ပြီး လူတိုင်းအားအစီရင်ခံပါ၊ ကြေငြာရတော့သည်-“ မင်းတို့စိတ်ပူပေးတဲ့အတွက် ကျေးဇူးတင်ပါတယ်။  ငါရိုက်တဲ့ ဓာတ်ပုံတွေနဲ့ ငါတင်တဲ့ ပို့စ်တွေက အမှန်တွေပါ ”

 ထိုမှသာ ပါပါရာဇီသည် လူတွေကိုလှည့်ဖြားခြင်းမဟုတ်ကြောင်း၊ သရဲခြောက်ခံရသော <ကျို့ယွမ်>ရိုက်ကွင်း၏ အစုလိုက်အပြုံလိုက်၏ ကောလာဟလများသည် အခြေအမြစ်မရှိတာ မဟုတ်ကြောင်း ယုံကြည်ကြသည်။ သူတို့ပြောတာ အမှန်တွေ။

 ချန်းယင် ပန်းအိုးသရဲ အခြောက်ခံရပြီး လူသိများတဲ့သတင်းကို အင်တာနက်သုံးစွဲသူတွေကို ပြန်လည်အမှတ်ရစေခဲ့သည်။  သူမအဖွဲ့သားများသည် ယဲ့ဆွေ အပေါ်အာရုံစိုက်ရန် လမ်းညွှန်ချက် သတင်းထုတ်ပြန်ချက်တစ်ခုသာ ပေးပို့နိုင်ခဲ့သည်။

 [ယဲ့ဆွေကြောင့် <ကျို့ယွမ်> ရိုက်ကွင်းတည်နေရာတွင် ထူးဆန်းသော ဖြစ်ရပ်များမကြာခဏ ဖြစ်ပေါ်သည်လို့ သံသယအဝင်ခံနေရသည် ]

 ဤသတင်းကို ကွန်ယက်တစ်ခုမှထုတ်ဝေခဲ့သည်။  <ကျို့ယွမ်> ကို ရိုက်ကူးနေစဉ် ကင်မရာ၌ပြဿနာတစ်ခုရှိခဲ့သည်။ ခဏအကြာတွင် ရုတ်တရက် နှင်းပွင့်ကဲ့သို့ပေါ်လာသည်။ ထို့နောက် ခဏအကြာတွင် ဗီဒီယိုဆက်တင်သည်။ လွန်ခဲ့သော နှစ်ပေါင်းများစွာကတည်းကပေါ်ထွက်လာသည်။

 ဤအရာကို ချန်းယင်ရဲ့အဖွဲ့က ကျို့ယွမ်မှ ၀ယ်ခဲ့ပြီး ၎င်းတို့လက်ထဲရောက်ရန် အလွန်ကြိုးစားခဲ့ရသည်။  ယခင်က ထုတ်လုပ်ရေးအဖွဲ့သည် ၎င်းကိုပြင်ပကမ္ဘာကိုမရောက်အောင် ထိန်းသိမ်းခဲ့သည်။  ဒါက လူထုကို မုန်တိုင်းတကယ်ဖြစ်စေတဲ့ အရာကို သူတို့ပထမဆုံးအကြိမ်ထုတ်လွှတ်လိုက်တာပဲ။

 ထူးခြားဆန်းကြယ်သော အဖြစ်အပျက်များအားလုံးသည် ရုပ်ရှင်၏ခေါင်းဆောင်မင်းသမီးဖြစ်တဲ့ ယဲ့ဆွေနဲ့ အလွန်ဆက်စပ်နေပုံရသည်။

 "ငါက ချန်းယင်ကို စဉ်းစားမိခဲ့တဲ့ တစ်ဦးတည်းသောသူလား?  ယဲ့ဆွေကလည်း အခြေအနေတူတူဘဲလို့ မင်းတို့ထင်လား?  ယဲ့ဆွေက ဆိုးသွမ်းတဲ့သရဲအခြောက်ခံရပြီး ဝန်ထမ်းတွေက ထူးဆန်းတဲ့ အရာတွေမကြာခဏဖြစ်ပေါ်တာကို မြင်ခဲ့ရတယ် "

 “ အဲဒီအချိန်တုန်းက ချန်းယင်က ဆိုးရွားတဲ့အခြေအနေမှာရှိနေတယ်။  သူမမျက်နှာက ရုပ်ဆိုးလာပြီးသူမ၏စိတ်နေစိတ်ထားကလည်း ဆိုးဝါးလာတယ်။ သူမက ဘယ်လို လူမှုရေးအခမ်းအနားကိုမှ မတက်ရောက်ခဲ့ဘူး။ ယဲ့ဆွေက အတူတူပဲလို့မထင်ဘူး။ သူမမျက်နှာက ချစ်ဖို့ကောင်းတုန်းဘဲ လူတကိုယ်လုံးကလည်း အရမ်းတက်ကြွနေတယ် "

 "ယဲ့ဆွေကို အာရုံစိုက်! ချန်းယင်ကို သူမနဲ့အတူမဆွဲထည့်နဲ့ !  အခု ဒါက ယဲ့ဆွေရဲ့ ကိစ္စဘဲ အဲ့ဒါကကြောက်စရာကောင်းတယ်။ ဒီပုံတွေ အားလုံးက ဖိုတိုရှော့စ် ဖြစ်နိုင်တယ်။  ရုပ်ရှင်ကိုမြှင့်တင်ဖို့အတွက် သုံးခဲ့တာလား?  ”

 “ လွန်ခဲ့တဲ့ နှစ်အနည်းငယ်က တစ်ယောက်ယောက်က ဒီလိုပုံတွေရိုက်ခဲ့တာ မင်းမမြင်ဘူးလား။ လွန်ခဲ့တဲ့ နှစ်အနည်းငယ်က စတင်ခဲ့တဲ့ ဒီလိုကြီးမားတဲ့ ဂိမ်းကိုဘယ်သူက သူတို့ ရုပ်ရှင်တစ်ခုထဲကို မြှင့်တင်ဖို့ ပြုလုပ်နိုင်မှာလဲ?  ဒါက ကြောက်စရ ာရုပ်ရှင် ဒါမှမဟုတ် အက်ရှင်ဇာတ်ကားမလို့လား?  ”

 အင်တာနက်သုံးစွဲများမှ သတင်းနှင့်မှတ်ချက်များနှင့်အတူ ကျိုယွမ်၏ ထုတ်လုပ်မှုသည် အင်တာနက်ပေါ်တွင်ပေါက်ကွဲသွားပြီး ချက်ချင်းနာမည်ကြီး  ခရီးသွား ဆွဲဆောင်မှုတစ်ခုဖြစ်လာခဲ့သည်။

 <ကျို့ယွမ်> ကိုရိုက်ကူးနေစဉ် လူသိနည်းသောအရာအနည်းငယ်ရှိခဲ့သည်။ သူတို့၏ ကျော်ကြားမှု မြင့်တက်ပြီးနောက် အဓိက မီဒီယာများသည် အလိုအလျောက်အခမဲ့ကြော်ငြာများကို ပြုလုပ်ခဲ့သည်။

 <ကျို့ယွမ်> ထုတ်လုပ်ရေးအဖွဲ့အကြောင်း ပြောသောလူတိုင်းသည် မုန်တိုင်း၏ အထွဋ်အထိပ်သို့ တစ်ဖန်ရောက်ခဲ့ဖူးသော ယဲ့ဆွေကိုသာ ပြောလိမ့်မည်။

 ဆွေးနွေးမှုများက ပြင်းထန်နေသော်လည်း အဖွဲ့သားများက စိတ်မပူကြပေ။  ထုတ်လုပ်ရေးအဖွဲ့ရဲ့ရိုက်ကူးရေးကို လူတွေနေ့တိုင်းလာကြည့်ကြငည်။

 ရုပ်ရှင်အဖွဲ့သားများသည်ထို နေရာကို မသုံးသောအခါတစ်စုံတစ်ယောက်သည် သစ်ပင်ကြီးအောက်၌ ဓာတ်ပုံရိုက်လိမ့်မည်။ သူတို့ထဲက အများစုက ပုံမှန်အတိုင်းထွက်လာသည်။ ဒါပေမယ့် လူအနည်းစုကအနက်ရောင်အရိပ်တွေကိုဖမ်းမိကြသည်။

 ပရိသတ်သည် ရိုက်ကူးရေးလုပ်ငန်းစဉ်ကို ဆက်လက်နှောင့်ယှက်လာသည်နှင့်အမျှ သရဲတစ္ဆေများ၏ကောလဟာလများသည် ပို၍ ပို၍ အဓိပ္ပာယ်မဲ့လာသည်။

 ယဲ့ဆွေကတော့ ချန်ရှု့ ဦးဆောင်ရမည့်အချိန်ဟု ခံစားခဲ့ရသည်။