အပိုင်း ၇၂

လျို့ဝှက်သောသူကြွယ်၏ ချစ်ဇနီးလေး

အပိုင်း ၇၂ - ပံ့ပိုးမှု

ဤအခိုက်အတန့်တွင် ချန်းယင်နဲ့ ချန်ရှို့တို့က ကောင်းကောင်းမစားနိုင်တော့ပေ။  ညတစ်ညရဲ့အဆုံးမှာ စားဖို့အတွက် သူတို့ရဲ့တူများကို ရွှေ့ဖို့ ခဲယဉ်းလှသည်။

ချန်ရှို့က သူ့ရဲ့စွမ်းရည်နဲ့ ချန်မိသားစုရဲ့ ဆက်ခံသူအဖြစ် အဆက်အသွယ်တွေကို အမြဲသံသယဝင်ခဲ့သည်။သူစဥ်းစားကို မတတ်နိုင်ခဲ့ဘူး။  ယဲ့ဆွေက သူ့ထက်ပိုသာတာလား?

အခြားတစ်ဖက်တွင်မူ ချန်းယင်က သိပ်မကောင်းပေ။  ချန်ရှို့က ချန်ရှု့ရဲ့ အခြေအနေအကြောင်း ပြောပြတာကို သူမကြားဖူးသည်။  ချန်ရှု့ရဲ့ စွမ်းရည်အရဆိုရင်၊ သူရဲ့ ဦးလေးက ဒီလည်ဆွဲကို၀ယ်ယူပြီး ယဲ့ဆွေကို ပေးအပ်ရန် နည်းလမ်းမရှိချေ။

ဖြစ်ကောင်းဖြစ်နိုင်တာက ယဲ့ဆွေမှာ သူဌေးတစ်ဦးနှင့် တရားမ၀င်ဆက်ဆံရေး ရှိကောင်းရှိရမည်။ နောက်ဆုံးတော့ သူမက ချန်ရှို့ကိုသေအောင်အပူကပ်မယ် ပြီးရင် ယဲ့ဆွေ အဲ့တာကို လုပ်နိုင်စွမ်းရှိတယ်ဆိုတာ ချန်းယင်သေချာသိသည်။

ညစာစားပွဲအခမ်းအနား အဆုံးတွင်ဒါရိုက်တာက အရက်မူးလုနီးပါးဖြစ်ခဲ့သည်။  <အိမ်ရှေ့စံမင်းသား>  က ဤမျှအဆင့်မြင့်ခဲ့သဖြင့် သူကအခြားသူများထက်ပို၍ စိတ်အားထက်သန်ခဲ့သည်။

အခမ်းအနားကျင်းပရာတွင် လေထုကတက်ကြွနေသော်လည်း အခန်းက ကျဉ်းကျပ်နေသည်။  ယဲ့ဆွေက မတ်တပ်ရပ်ပြီး လေကိုရှုရှိုက်ချင်သည်။ ယဲ့ဆွေထွက်သွားတာကို ဘယ်သူမှသတိမထားမိကြပေ။

ယဲ့ဆွေ စင်္ကြံမှထွက်လာသောအခါ တစ်စုံတစ်ယောက်က သူမအားရုတ်တရက် တားလိုက်သည်။  အဲဒါက ချန်ရှို့ပါ။

ချန်ရှို့က ယဲ့ဆွေရဲ့လည်ဆွဲကို ကြည့်လိုက်သည်။  "ဒီလည်ဆွဲကို မင်းဝယ်ထားတာလား? "  သူကငယ်ရွယ်စဉ်ကတည်းက အလိုလိုက်ခံထားရပြီး ဤထိုးနှက်ချက်က သူ့ကိုဂနာမငြိမ်ဖြစ်စေသည်။

ယဲ့ဆွေက စကားကိုနူးညံစွာမပြောခင်  ချန်ရှို့ကို ကြောင်တောင်တောင်အကြည့်နဲ့  စိုက်ကြည့်လိုက်ရင်းသူမက ပြန်ပြောလိုက်သည်။ "ဒါကိုကျွန်မယောကျ်ား ရှင့်ရဲ့ ဦးလေးက ပေးထားတာ"

ချန်ရှု့ ကြက်သေသေသွားသည်။ သူ့ရဲ့ဦးလေးက ဒီလိုအစွမ်းအစကို ဘယ်တုန်းကရခဲ့တာလဲ?  ချန်ရှု့ နောက်ဆုံးအကြိမ်တုန်းက အသေးစားလုပ်ငန်းတစ်ခုအကြောင်းကိုလည်း ပြောဖူးသည်။  ဒါကသေးငယ်တဲ့စီးပွားရေးလုပ်ငန်းလား?

"တခြားရှိသေးလား?"  ယဲ့ဆွေက ချန်ရှို့ရဲ့ တင်းမာသောအကြည့်ကိုကြည့်ပြီး သန့်စင်ခန်းကို တိုက်ရိုက်ထွက်သွားလိုက်သည်။

မမျှော်လင့်ဘဲ ချန်ရှို့ကို ရှောင်လိုက်ပြီးနောက် မဖိတ်ကြားထားသော ဧည့်သည်တစ်ဦးလည်း ဒီနေရာမှာရှိခဲ့သည်။

ယဲ့ဆွေ သူမရဲ့လက်များကို ဆေးနေစဉ်တွင် ချန်းယင်က အိမ်သာမှ ထွက်လာခဲ့သည်။ သူမ မျက်လုံးထဲတွင် ရှုပ်ထွေးသော စိတ်ခံစားချက်များဖြင့် ယဲ့ဆွေကိုကြည့်လိုက်သည်။

ချန်းယင်က ယဲ့ဆွေရဲ့ လည်ဆွဲကို မှန်မှတဆင့်ကြည့်လိုက်ပြီး အေးစက်စွာ ရယ်မောလိုက်သည်။  "နင့်ရဲ့ကျွမ်းကျင်မှုနဲ့ ဒီလည်ဆွဲကို ဘယ်လိုများတတ်နိုင်ခဲ့တာလဲ? "

ယဲ့ဆွေကလက်ကို သူမရဲ့အနားတစ်ဝိုက်မှာ ဝှေ့ယမ်းလိုက်သည်။ “ ဆူညံလွန်းတယ်။  နေရာတိုင်းမှာ ယင်ကောင်တွေရှိနေတာပဲ။ နင်တို့ကယင်ကောင်နဲ့စုံတွဲလား? ပြီးခဲ့တဲ့တစ်မိနစ်က ချန်ရှို့လည်း တူညီတဲ့မေးခွန်းကိုမေးခဲ့တယ်”

ယဲ့ဆွေက လှည့်ကြည့်လိုက်ပြီး ချန်းယင် ကိုကြည့်ကာ လက်ဆေးကန်ကို မှီလိုက်သည်။

“ ငါ့ယောကျ်ားက ငါ့ကိုလက်ဆောင်ပေးသင့်တာ သဘာဝပဲ။ နင့်မှာအရည်အချင်းရှိရင် ချန်ရှို့ကိုလည်းပေးခိုင်းလိုက်လေ” ယဲ့ဆွေက ချန်းယင်ကို မျက်နှာသာမပေးခဲ့ဘူး။ သူမကလှောင်ပြောင်လိုက်ပြီး တိုက်ရိုက်ထွက်သွားလိုက်သည်။

ချန်းယင်က ဒေါသဖြင့်ဆို့နင့်သွားခဲ့သည်။  ငါ့ရဲ့ချန်ရှို့မှာ အရည်အချင်းမရှိဘူးလို့ ပြောနေတယ်!  နောက်ဆုံးတော့ သူမကမေးဖို့အပြင်ကို ထွက်လာခဲ့သည်။

 ယဲ့ဆွေရေချိုးခန်းထဲက ထွက်လာပြီး ရိုးရိုးလည်ဆွဲလို့ထင်ရတဲ့လည်ဆွဲကို ငုံ့ကြည့်လိုက်ပြီး မျက်မှောင်ကြုတ်လိုက်သည်။  ဒီလည်ဆွဲက ဒီလောက်အဖိုးတန်လို့လား?  ချန်းယင်နဲ့ ချန်ရှို့တို့ရဲ့ မနာလိုမှုနဲ့ ဒါကထိုက်တန်တာလား?

ညစာစားပွဲ အခမ်းအနားပြီးခါနီးပြီ ဖြစ်၍ လူအုပ်ကြီးက တစ်ယောက်ပြီး တစ်ယောက် ထွက်ခွာသွားကြသည်။ ယဲ့ဆွေလည်း တံခါးမှထွက်၍ ဓာတ်လှေကားထဲသို့ဝင်လိုက်သည်။  သူမနှင့်အတူ အခြားမည်သူမျှမရှိပေ။  သူမက ဖုန်းကိုငုံ့ကြည့်လိုက်သည်။

ဒီအချိန်မှာ လူတစ်ယောက်ဝင်လာတော့ ယဲ့ဆွေ  မော့ကြည့်လိုက်သည်။ သူမ ဒီလူကိုမသိဘူး ဒါပေမယ့် ယခုညစာစားပွဲအခမ်းအနားတွင် သူမသူ့ကိုမြင်ခဲ့သည်။  သူက <အိမ်ရှေ့စံမင်းသား>ရဲ့ ရင်းနှီးမြှုပ်နှံသူနှင့်တူညီသော စားပွဲ၌ထိုင်နေခဲ့ပုံရသည်။

ယဉ်ကျေးမှုအတွက် ယဲ့ဆွေက ထိုလူအားခေါင်းညိတ်ပြလိုက်သည်။  ထို့နောက် သူမမျက်လုံးများကို ပြန်ဆုတ်ခွာလိုက်ပြီး သူမရဲ့ဆဲလ်ဖုန်းကို ဆက်လက်ကြည့်နေလိုက်သည်။

ထိုလူက လုရုံဖူ ဖြစ်သည်။  သူဓာတ်လှေကားထဲဝင်ကတည်းက သူ့မျက်လုံးတွေက ယဲ့ဆွေနားက မခွာနိုင်ခဲ့ဘူး။  ပွဲအခမ်းအနားတွင် သူကလည်း သူမကိုအာရုံစိုက်နေခဲ့သည်။

လက်ရှိမင်းသမီးအားလုံးထဲမှာ ယဲ့ဆွေက အလှဆုံးဖြစ်ခဲ့သည်။ သူက သူစိတ်ထဲမှာဆုံးဖြတ်ပြီး ယဲ့ဆွေထွက်သွားသောအခါမှာ သူမနောက်ကို ချက်ချင်းလိုက်သွားခဲ့သည်။

လုရုံဖူက ယဲ့ဆွေကို စီးပွားရေးကတ်ပြား တစ်ခုပေးခဲ့သည်။  “မစ္စယဲ့ဆွေ ကျွန်တော် ဖူကွမ်း ရုပ်ရှင်ထဲက လုရုံဖူပါ။  ဒါကျွန်တော့် စီးပွားရေးကတ်ပါ"

 ယဲ့ဆွေက စီးပွားရေးကတ်ကို ယူခဲ့သော်လည်း သူမကသူနှင့်တမင်တကာ ဝေးဝေးရှောင်ခဲ့သည်။

 လုရုံဖူ၏မျက်လုံးများသည် ယဲ့ဆွေ၏ လက်များပေါ်တွင် အချိန်အတော်ကြာကြာနေပြီးနောက် သူက "မင်း <အိမ်ရှေ့စံမင်းသား> ထဲမှာ အလုပ်ကောင်းကောင်း လုပ်ခဲ့ပါတယ်" ဟုပြောခဲ့သည်။

 လုရူံဖူသည် စကားစမြည်ပြောပြီး မကြာခဏ ဖွင့်ပြောရန် ကြိုးစားသော်လည်း ယဲ့ဆွေက သတိရှိနေပြီးသားဖြစ်သည်။  သူမက ဓာတ်လှေကားရဲ့ အခြားတစ်ဖက်ဆုံးသို့ရောက်သွားခဲ့သည်။ "ကျေးဇူးတင်ပါတယ်"

 လုရုံဖူသည် ယဲ့ဆွေ၏ လျစ်လျူရှုတဲ့ သဘောထားကိုမြင်ပြီး သူမပိုကြည့်ကောင်းသည်ဟု ထင်ခဲ့သည်။  သူကအခိုင်အမာပြောလာခဲ့သည်။ “ မင်းမှာကြီးမားတဲ့အလားအလာရှိတယ်ဆိုတာ ငါခံစားခဲ့ရတာကြာပြီ။  မင်းငါနဲ့စကားစမြည်ပြောချင်လား? "

 “ ငါ့ကားက အပြင်မှာရပ်ထားတာ။  မင်း ငါ့နောက်ကိုတိုက်ရိုက် လိုက်နိုင်တယ် ”

 လုရုံဖူ၏စကားများကိုကြားရသောအခါ ယဲ့ဆွေ ၏မျက်နှာက ရုတ်တရက် အေးစက်သွားသည်။ ခဏအကြာမှာ သူမက အေးစက်စွာ ပြောခဲ့သည်။ “ တောင်းပန်ပါတယ် ကျွန်မနောက်မှလုပ်စရာရှိသေးတယ်။ ကျွန်မ ရှင့်ကို အနှောက်အယှက်မပေးတော့ပါဘူး"

 သူမ၏ ငြင်းဆိုချက်ကိုကြားရသောအခါ လုရုံဖူက နှာခေါင်းရှုံ့လိုက်သည်။  "မင်းက ဘယ်လောက် မြင့်မြတ်နေလို့လဲ?  မင်းလိုသေးငယ်တဲ့ ကြယ်ပွင့်လေးတွေက ချမ်းသာတဲ့ စီးပွားရေးသမားတွေအတွက် ဟင်းချက်ဖို့စိတ်ထက်သန်တယ် မဟုတ်ဘူးလား?  "

 ယဲ့ဆွေ ဒေါသတကြီးပြုံးလိုက်သည်။  "လူတိုင်းက ရှင့်နဲ့တူတယ်လို့မထင်နဲ့"

 ယဲ့ဆွေက ဤလူကို အချိန်ပိုပေးရန် မရည်ရွယ်ခဲ့ပါ။  သူမခေါင်းကို လှည့်လိုက်ချိန်မှာ သူမမျက်လုံးများက စိတ်ပျက်မှုများဖြင့် တောက်ပလာသည်။  ဓာတ်လှေကားတံခါးပွင့်လာသည်နှင့် သူမတိုက်ရိုက်ထွက်သွားလိုသည်။

 လုရုံဖူသည် ယဲ့ဆွေနှင့် စကားထပ်ပြောရန်ရှိသော်လည်း ယခုအချိန်တွင် ဓာတ်လှေကားတံခါးပွင့်သွားပြီး အပြင်ဘက်တွင် လူနှစ်ယောက်က ရပ်နေသည်။  တစ်ယောက်က ဝမ်ချွမ်း ဖြစ်ပြီး သူ့ဘေးရှိထူးခြားသော မျက်နှာသွင်ပြင်နှင့် အရပ်ရှည်ရှည်သူမှာ ချန်ရှု့ ဖြစ်သည်။

 ယဲ့ဆွေ သူတို့ကိုဒီမှာတွေ့ဖို့ မမျှော်လင့်ခဲ့ဘူး။ သူမထွက်ခွာရန် စီစဉ်ခဲ့သော်လည်း ယခု သူမတွင် အရန်ခုံကောင်းကောင်းရှိခဲ့သည်။

 ယဲ့ဆွေ ယခုအချိန်တွင် ချန်ရှု့နှင့်ဝမ်ချွမ်းတို့ ဘာကြောင့် မရှင်းမရှင်း ဖြစ်နေမှန်းမသော်လည်း ချန်ရှု့ကိုမြင်လိုက်ရချိန်မှာ သူမ၏စိုးရိမ်စိတ်များ ရုတ်တရက်ပျောက်ကွယ်သွားသည်။

 ယဲ့ဆွေကို မြင်လိုက်ချိန်မှာ ချန်ရှု့ အံ့သြသွားခဲ့သည်။  ဒီည သူမမှာ ဂုဏ်ပြုညစာစားပွဲရှိတယ်ဆိုတာ သူသိပေမယ့် ဘယ်မှာလဲဆိုတာကို သူ မမေးခဲ့ဘူး။

 သူက ဝမ်ချွမ်းနဲ့ အလုပ်ကိစ္စအတွက် ဒီနေ့ဒီကိုရောက်လာတာ၊ ဒါပေမယ့် မမျှော်လင်ဘဲ ယဲ့ဆွေနဲ့လာတွေ့သည်။

 ချန်ရှု့က အလွန်သတိကြီးသည်။ ယဲ့ဆွေက ဓာတ်လှေကားထဲမှာ ထိုလူနဲ့  ခပ်ဝေးဝေးတွင်ရပ်နေသည်ကို သူသတိပြုမိပြီး သူမ မျက်နှာ၌ရွံမုန်းသော အမူအရာတစ်ခုရှိနေကြောင်းကိုလည်း သတိပြုမိသည်။

 သူ့အမူအရာက အနည်းငယ် ပျက်ယွင်းသွားသည်။  နောက်ဆုံးတော့ ဖျော်ဖြေရေးနယ်ပယ်က ဘယ်လောက်ရွှံထူနေမှန်း သူသိသည်။  လုရုံဖူ၏ ယဲ့ဆွေကို ကြိုးစားမှုသည် သိသာထင်ရှားတာကြောင့် ချန်ရှု့မျက်လုံးများကို အေးစက်သွားစေသည်။

 ချန်ရှု့နှင့် ဝမ်ချွမ်းတို့က ဓာတ်လှေကားထဲ ရောက်သည်နှင့် သူကယဲ့ဆွေ ဘေးနားရပ်လိုက်ပြီး လုရုံဖူ၏ မြင်ကွင်းကို တိုက်ရိုက်ပိတ်ဆို့လိုက်သည်။

 လုရုံဖူက ဝမ်ချွမ်းသည် ဟွာရွေ့၏ အကြီးတန်းအမှုဆောင်ဖြစ်ကြောင်းကို သေချာစွာသိသော်လည်း သူသည် ချန်ရှု့ကိုတစ်ခါမှ မတွေ့ခဲ့ဖူးတာကြောင့်“ မစ္စတာဝမ် ဒါက? ” ဟုမေးခဲ့သည်။

 ဝမ်ချွမ်းက ချန်ရှု့ကို တစ်ချက်ကြည့်လိုက်သည်။  "သူငယ်ချင်းတစ်ယောက်"

 ချန်ရှု့၏အစစ်အမှန်အထောက်အထား၊ ချန်ရှု့နဲ့ယဲ့ဆွေ တို့အကြားဆက်ဆံရေးသည် အပြင်လူများအားလုံးကိုလျှို့ဝှက်ထားသည်။  ထုံးစံအတိုင်း သူကထုတ်ဖော်ပြောမှာမဟုတ်ဘူး။

 လုရုံဖူက ချန်ရှု့မှာနောက်ခံမရှိဘူးထင်သည်။ ဒါကြောင့်သူက သူ(ချန်ရှု့)နဲ့ ကောင်းကောင်းကစားဖို့ရည်ရွယ်ချက်မရှိဘူး။

 ဒါ့အပြင် သူကယဲ့ဆွေ လက်မလျှော့သေးဘူး၊ ဒါကြောင့် သူကပြန်ကြည့်လိုက်ပြီး "မစ္စယဲ့ ငါ့ကိုခေါ်လိုက်ပါလား? "

 ဝမ်ချွမ်းက လုရုံဖူကို အရူးတစ်ယောက်လိုကြည့်လိုက်သည်။ ထိုသူသည် သူ့သူဌေး၏ဇနီးသည်အား ချန်ရှု့ရှေ့မှာဘဲ သွေးဆောင်ရန်လုပ်ရဲသည်။

 ဝမ်ချွမ်း -  "မင်းနဲ့ မစ္စယဲ့ ... "

 လုရုံဖူက ဟိတ်ဟန်များတဲ့ အကြောင်းပြချက်ကို ပေးလာခဲ့သည်။ “ကျွန်တော်က မစ္စယဲ့ကို ညစာစားဖို့ ဖိတ်ထားတာ။  ဒါ့အပြင် အရမ်းနောက်ကျနေပြီ။  သူမတစ်ယောက်တည်း အိမ်ပြန်ရတာအဆင်မပြေဘူး။ ကျွန်တော် သူမကို လိုက်ပို့ဖို့ စီစဥ်နေတာပါ  "

 တိတ်ဆိတ်ငြိမ်သက်နေချိန်မှာ ချန်ရှု့၏ အသံသည်ရုတ်တရက် အေးခဲသွားသောလေနှင့်တူသည်။  "မစ္စယဲ့က မင်းကိုခေါ်ဖို့ကတိပေးခဲ့တာလား? "

 လုရုံဖူက ဒီလူဘာကြောင့် ဒီကိစ္စကိုမမေးတာလဲ မသိဘူး။ ဒါပေမယ့် သူက ဝမ်ချွမ်းရဲ့သူငယ်ချင်းဖြစ်တာကြောင့်သူက“ မဟုတ်ဘူး” လို့ဖြေခဲ့သည်။

 ချန်ရှု့က လုရုံဖူကို ကြည့်လိုက်သည်။ သူ့အသံက လုံးဝမပြောင်းဘူး၊ လေသံကအေးပြီး နိမ့်သည်။  "မစ္စယဲ့က မင်းကို သူမကို အိမ်ပြန်ပို့ခွင့်ပေးမယ်လို့ ကတိပေးခဲ့လား? "

 သူက ငြိမ်သက်နေပုံရသော်လည်း သူ့စိတ်ခံစားချက်ကိုချုပ်တည်းထားပုံရသည်။

 လုရုံဖူ အံ့သြသွားသည်။ သူ့ မသိစိတ်ကနေ“ မဟုတ်ဘူး” လို့ပြန်ပြောခဲ့သည်။

ချန်ရှု့က ခေါင်းကိုလှည့်လိုက်ပြီး ယဲ့ဆွေ ကြည့်လိုက်တယ်၊ သူ့လေသံကတော်တော် လျော့သွားခဲ့သည်။  သူ့နက်မှောင်သော မျက်လုံးများက ယဲ့ဆွေကို စိုက်ကြည့်နေသည်။  "မစ္စယဲ့ မင်းသူ့ကို စကားပြောချင်လား? "

 သူက "မကြောက်ပါနဲ့၊ ငါဒီမှာရှိတယ်" ဟုပြောသကဲ့သို့ ယဲ့ဆွေကို တည်ကြည်စွာကြည့်နေသည်။

 ယဲ့ဆွေကချန်ရှု့ သူမကူညီနေသည်ကို မြင်ချိန်မှာ သူမ၏နှုတ်ခမ်းထောင့်များက အနည်းငယ်ကွေးညွတ်သွားသည်။  "သေချာပေါက် မပြောချင်ဘူး "

 ချန်ရှု့သည် လုရုံဖူကို အေးစက်စွာကြည့်လိုက်ပြီး "အဲဒါကို ကြားလား ?" လို့ပြောခဲ့သည်။

 သူသည် သူ၏စကားလုံးတိုင်းကို ဖော်ပြခဲ့သည်။  "မစ္စယဲ့က ပြောနေတယ် သူမ မင်းနဲ့စကားမပြောချင်ဘူးတဲ့၊ ဒါကြောင့် အခုကစပြီး မင်းပါးစပ်ပိတ်ထားလိုက်"

 လုရုံဖူက ရှက်သွားသည်။ ယဲ့ဆွေက နောက်ခံမရှိတဲ့ စတားလေးတစ်ယောက်သာ ဖြစ်သည်ကိုသူနားလည်သည်။ သူက သူမအကြောင်း တွေးမိရင်တောင် အဲဒါကို သူတို့က ဘာကြောင့်စိုးရိမ်တာလဲ?

 သူသည် ချန်ရှု့က မည်သူမည်ဝါဖြစ်ကြောင်း မသိသော်လည်း သူသည်ကြီးမားတဲ့နောက်ခံရှိတယ်ဆိုတာ မသိစိတ်က ခံစားခဲ့ရသည်။

 လုရုံဖူ - "သူမကစတားတစ်ယောက်ပဲ။  အဲလိုဖြစ်ဖို့မလို......."

 သူစကားမဆုံးခင် ချန်ရှု့က တိုက်ရိုက်ကြားဖြတ်ပြောခဲ့သည်။  “မစ္စယဲ့က ဟွာရွေ့နဲ့စာချုပ်ချုပ်ပြီးပြီ။ ဒီလိုပြောပြီး မင်းဆိုလိုတာက ဟွာရွေ့က ကျပန်းကုမ္ပဏီငယ်တစ်ခုလို့ဆိုလိုတာလား?  ”

 ယဲ့ဆွေက ဟွာရွေ့နဲ့ လက်မှတ်ထိုးခဲ့ပေမဲ့ ခုထိလူသိရှင်ကြားမကြေငြာရသေးပေ။ လုရုံဖူက အံ့သြသွားသည်။  ဘာ?  ယဲ့ဆွေက ဘယ်ချိန်က ဟွာရွေ့ရဲ့ အနုပညာရှင်ဖြစ်လာတာလဲ?

 ဒါကိုသာ သူသိရင် ယဲ့ဆွေကို ထိမှာမဟုတ်ဘူး။

 လုရုံဖူသည် ဝမ်ချွမ်းကို ကြည့်ပြီး ထိတ်လန့်လာသည်။  သူ့စကားတွေတောင် မတည်မငြိမ်ဖြစ်လာသည်။  “ မ မဟုတ်ဘူး ဟုတ် ဟုတ်တယ် ကျွန်တော် အဲ့လို ဆိုလိုတာမဟုတ်ဘူး…”

 ဤအချိန်၌ ဓာတ်လှေကားတံခါးပွင့်သွားပြီး ချန်ရှု့က ယဲ့ဆွေနှင့်အတူ ထွက်သွားသည်။  လုရုံဖူသည် ဝမ်ချွမ်းကိုလှမ်းဆွဲလိုက်ပြီး "မင်းသူငယ်ချင်းက ဘယ်သူလဲ? " ဟုမဝံ့မရဲ မေးလိုက်သည်။

 သူ့ပုံစအသွင်အပြင်ကိုကြည့်ရတာ ယဲ့ဆွေနဲ့ ပတ်သက်မှုတစ်ခု ရှိပုံပဲ။

 ဝမ်ချွမ်းက သူ့သူဌေး သူ့ဇနီးအားအကာအကွယ်ပေးနေသည်ကို မျက်မြင်ကြုံဖူးသည်။  သူက လုရုံဖူကိုတစ်ချက်သာကြည့်လိုက်သည်။  "မင်းသိဖို့မလိုဘူး "  ဘာပဲဖြစ်ဖြစ် မင်းကမကြာခင်ပြီးသွားတော့မယ့်ဟာကို။  မင်းကို ဥက္ကဌ ဒေါသထွက်အောင်လုပ်ဖို့ ဘယ်သူပြောလဲ!

 ချန်ရှု့ ရောက်ရှိလာခြင်းကြောင့် ယဲ့ဆွေ၏ ဒုက္ခများကိုလုံးလုံးလျားလျား ဖြေရှင်းနိုင်ခဲ့သည်။  သူမက သူ့အနားကိုလျှောက်သွားပြီး "ချန်ရှု့ ရှင်က အစောက အရမ်းအထင်ကြီးစရာကောင်းတာပဲ" လို့ပြုံးပြီးပြောခဲ့သည်။

 ချန်ရှု့က ရှေ့ကိုတိုးလာပြီး သူမရဲ့ဘေးဘက်ကိုကြည့်ပြီး "အားလုံးအဆင်ပြေရဲ့လား? " ဟုစိုးရိမ်စိတ်ဖြင့် မေးလိုက်သည်။

 ယဲ့ဆွေ ခေါင်းငြိမ့်လိုက်သည်။  "အဆင်ပြေပါတယ် "

 ထို့နောက် သူမခဏစဉ်းစားမိလိုက်တဲ့ မေးခွန်းကို မေးလိုက်သည်။ "ဝမ်ချွမ်းကို ရှင်ဘယ်တုန်းကသိတာလဲ? "

 ချန်ရှု့က ဝမ်ချွမ်းကို မော့ကြည့်လိုက်ပြီး " ချန်ရှု့ မိသားစု စုဝေးပွဲမှာငါ သူ့ကိုတွေ့ခဲ့တာ" ဟုတိုးတိုးလေးပြောသည်။

 ဝမ်ချွမ်းက 'သူက ငါ့ရဲ့သူဌေး' လို့ပြောချင်ရုံဘဲ။ ဒါပေမယ့် ချန်ရှု့​ရဲ့မျက်လုံးတွေကို မြင်လိုက်ရတော့ သူ့နှလုံးသား တုန်လှုပ်သွားခဲ့သည်။  သူကဦးဆောင်လမ်းပြပြီး ချောမွေ့စွာဖြေခဲ့သည်။  "ဟုတ်တယ်၊ ငါတို့ ချန်မိသားစုရဲ့ စုဝေးပွဲမှာ တွေ့ခဲ့တာ "

 ယဲ့ဆွေက သူတို့ကိုသံသယမ၀င်ခဲ့ဘူး။  "ဒါဆိုရှင်ဒီနေ့ဘာလို့ဒီကိုရောက်နေတာလဲ? "

 ချန်ရှု့က ဝမ်ချွမ်းကို တစ်ချက်ကြည့်လိုက်သည်။  သူ့နှလုံးသားက ထပ်ခုန်လာပြန်သည်။  သိသာထင်ရှားတာက သူ့ဥက္ကဌက သူ့ကိုဆက်လိမ်စေချင်နေတယ်။  ဝမ်ချွမ်းက ပြင်းပြင်းထန်ထန် စဉ်းစားလိုက်သည်။  "ဒါ ... ဒီနေ့ ငါတို့စားဖို့ ဒီကိုလာခဲ့တာ"

 ယဲ့ဆွေ ထိုအကြောင်းကို ဆက်၍ မပူပန်တော့တာကြောင့် ဝမ်ချွမ်းလည်း သက်ပြင်းချလိုက်သည်။  ချန်ရှု့ -“ ဒီနေ့မင်းပင်ပန်းသွားပြီ  ကိုယ်မင်းအိမ်ပြန် လိုက်ပို့မယ် "

 ယဲ့ဆွေ - "ကောင်းပြီ"

 _______________________

 သူတို့အိမ်ကိုရောက်တာနဲ့ ချန်ရှု့က အခန်းထဲ ဝင်သွားပြီး ဝမ်ချွမ်းကို ချက်ချင်းခေါ်လိုက်သည်။  "ဓာတ်လှေကားထဲက အဲ့ဒီလူက ဘယ်သူလဲ? "

 ဝမ်ချွမ်းက လုရုံဖူကို သိပြီးသားဖြစ်သော်လည်းသူသည် တမင်တကာသတင်းကို အတည်ပြုရန်သွားခဲ့သည်။  “ သူ့နာမည်က လုရုံဖူ ဖြစ်ပြီးသူက ဖူကွမ်း ရုပ်ရှင် ရဲ့အကြီးအကဲပါ ”

 ချန်ရှု့က စကားမပြောဘဲ ငြိမ်ငြိမ်လေးပဲ နားထောင်နေသည်။

 ဝမ်ချွမ်းက ဆက်ပြီး ပြောလာသည်။ “ ဖူကွမ်း ရုပ်ရှင်က ကုမ္ပဏီသေးသေးလေးတစ်ခုပါ။  များသောအားဖြင့် ၎င်းကတန်ဖိုးနည်းဝဘ်ဒရမ်မာအချို့မှာသာ ရင်းနှီးမြှုပ်နှံခဲ့တယ်။  စျေးကွက်တန်ဖိုးက မကောင်းဘူး။ ”

 “ ဒါပေမယ့် မကြာခင်က သူကတီဗီစီးရီးတစ်ခုကို ပြင်ဆင်နေတယ်။  သူက ရင်းနှီးမြုပ်နှံမှုတစ်ခုလုပ်ပြီး သူ့ရဲ့ကံကြမ္မာကို လွှဲပြောင်းပေးဖို့ အဆင်သင့်ဖြစ်နေပြီဆိုတာ ကြားလိုက်ရ ... "

 ချန်ရှု့က စကားတစ်ခွန်းသာပြောခဲ့သည်။  “ ဒီတီဗီစီးရီးကို ရိုက်ကူးဖို့ သူ့အတွက်မလိုဘူး ”

 ချန်ရှူ့၏အသံသည် ဝမ်ချွမ်း၏နားသို့ရောက်ချိန် ငြိမ်သက်နေတယ်လို့ ထင်သော်လည်း ဒေါသသံကိုကြားရပြီး သူက ချန်ရှု့ရဲ့ဒေါသကိုရှင်းရှင်းလင်းလင်း သိနိုင်သည်။  လုရုံဖူက ယဲ့ဆွေကို ဘယ်လိုတောင်ရန်စရဲတာလဲ? 

 ချန်ရှု့၏စကားများက လုရုံဖူရဲ့ ရှေ့ရေးလမ်းကြောင်းကို လုံးလုံးလျားလျား ပျက်ပြားသွားစေခဲ့သည်။  သူကတီဗီစီးရီးတစ်ခုလုပ်ချင်ပေမယ့် အခုသူ့စိတ်ကူးထဲကသာလုပ်နိုင်သည်။

 ဟွာရွေ့က အကြီးမားဆုံး ဖျော်ဖြေရေးကုမ္ပဏီဖြစ်သည်။  သိသာထင်ရှားတဲ့အချက်က ရင်းနှီးမြှုပ်နှံသူတွေက ဟွာရွေ့ကို မျက်နှာအနည်းငယ် ပေးလိမ့်မည်။  လုရုံဖူဆီ ရင်းနှီးပြီးသားဖြစ်ရင်တောင် မနက်ဖြန်မှာသူတို့ရဲ့အရင်းအနှီးအားလုံးကို ပြန်ရုတ်သိမ်းလိမ့်မည်။

 လုရုံဖူသည် ဟွာရွေ့ ဥက္ကဌရဲ့ ဇနီးကိုစိတ်အနှောင့်အယှက် ဖြစ်စေခဲ့သည်။  ယနေ့ သူ၏ အပြုအမူအတွက် နာကျင်စေသော အဖိုးအခကို ပေးဆပ်ခြင်းက သာမာန်သာ ဖြစ်သည်။