အပိုင်း ၁၀၈

လျို့ဝှက်သောသူကြွယ်၏ ချစ်ဇနီးလေး

အပိုင်း ၁၀၈ - ချန်မိသားစု၏ကံကြမ္မာအတွက်

တိုက်ရိုက်ထုတ်လွှင့်မှုပြီးဆုံးသည်နှင့် သတင်းဆောင်းပါးများစွာက အင်တာနက်ပေါ်တွင် ပေါ်ထွက်လာခဲ့သည်။

  [တန့်ကျွီက ယဲ့ဆွေနဲ့အရမ်းတူတာပဲ။ သူတို့ကတစ်ဦးနဲ့တစ်ဦးယှဉ်ပြိုင်ဖို့ တူညီတဲ့ ရသစုံရှိုးမှာပေါ်လာကြတယ်။ ]

["ယဲ့ဆွေလေး " တန့်ကျွီက သဘာဝလွန် ရသစုံရှိုးတစ်ခုမှာ ပွဲဦးထွက်ခဲ့တယ်။ ယဲ့ဆွေနဲ့ အခြားသူတွေက ဘေးဖယ်ထားတယ်လို့ သံသယဝင်မိတယ်။ ]

 [ကြံစည်နေတဲ့ ယဲ့ဆွေက မြောက်ဘက် အနုပညာတက္ကသိုလ်ရဲ့ ကျောင်ပန်းလေး ဖြစ်တဲ့ တန့်ကျွီကို တွန်းဖယ်ထားသည်။  ]

 ခြွင်းချက်မရှိဘဲ တန့်ကျွီရဲ့အဖွဲ့မှ ထုတ်သောဆောင်းပါးများသည် ယဲ့ဆွေ ဟူသော အမည်ကို သယ်ဆောင်ထားသည်။  ပထမအကြည့်တစ်ချက်တွင် ဤဆောင်းပါးများသည် ကောင်းစွာပြင်ဆင်ထားပြီး ရှင်းလင်းသော ပန်းတိုင်များရှိသည်။

ယဲ့ဆွေ၏ လက်ရှိအသွားအလာ မည်မျှရှိသည်ကို သူတို့သိသည်။ ယဲ့ဆွေနှင့်ဆက်စပ်နေသရွေ့ ဆောင်းပါးတစ်ပုဒ်ချင်းစီ၏ အရေအတွက်သည် နှစ်ဆတိုးသွားလိမ့်မည်။

တန့်ကျွီက မြောက်ဘက်အနုပညာတက္ကသိုလ်မှဘွဲ့ရခဲ့သည်။ ကျောင်းတုန်းက ဝဘ် ဒရမ်မာအချို့မှာလည်း သူမသရုပ်ဆောင်ဖူးသည်။  အနီးကပ်စစ်ဆေးမှုအရ သူမနှင့် ယဲ့ဆွေ၏ မျက်ခုံးများနှင့် မျက်လုံးများက တစ်ယောက်နဲ့တစ်ယောက် တကယ်တူကြသည်။ ဒါပေမယ့် သူတို့နှစ်ဦးစလုံးက ညင်သာသောပုံစံများဖြစ်သည်။

 တန့်ကျွီက ယဲ့ဆွေ ရဲ့ ကုတ်အင်္ကျီရဲ့နောက်အမြီးစကို စီးချင်ခဲ့တာက အံ့သြစရာတော့မဟုတ်ဘူး။ သူမက ယဲ့ဆွေကို မှီဝဲနေသရွေ့ သူမရဲ့အနာဂတ်မှာ လူသိရှင်ကြား ကြိုးစားမှုတစ်ဝက်နဲ့ ရလဒ်နှစ်ဆရလိမ့်မည်။

သတိထားမိတဲ့ အချို့သော အင်တာနက်သုံးစွဲသူတွေက ရှိုး၌ တန့်ကျွီဝတ်ဆင်ခဲ့သော လက်ဝတ်ရတနာများကိုပင် ကောက်ယူခဲ့ကြသည်။ နားကပ်မှသည်လည်ဆွဲအထိ၊ သူတို့အားလုံးနီးပါးသည် ယဲ့ဆွေနှင့်ပုံစံတူဖြစ်သည်။

 တန့်ကျွီက ယဲ့ဆွေကဲ့သို့ ဆင်တူဖက်ရှင်ကို ၀တ်ဆင်ခဲ့ပြီး ကာဗွန်ကော်ပီနီးပါးဖြစ်လာသည်။  သူမက အခြားသူတွေကို မျက်စိစုံမှိတ်ပြီး ပုံတူကူးချကာ သူ့ကိုယ်သူရူးသွပ်နေပုံရသည်။

ဒါကနည်းနည်းများများ အတုခိုးတာမဟုတ်လား? ရှိုးမှာ တန့်ကျွီ၏ သနားစရာအမူအရာကို ထည့်ခြင်းက ယဲ့ဆွေ ၏ ပုံစံနှင့် လုံးဝကွဲပြားခြားနားခဲ့သည်။

တိတ်ဆိတ်နေတဲ့မင်းသမီး တန့်ကျွီက သူမ ဒီ ရသစုံရှိုးမှာပါ၀င်ရလိမ့်မယ်။ ပြီးတော့ ပြင်ဆင်မှုတွေအပြည့်လုပ်ထားရတယ်ဆိုတာကို သိတယ်။ သူမက ယဲ့ဆွေအတွက် လာခဲ့တာဖြစ်သည်။

 အင်တာနက်သုံးစွဲသူများတွင် ကွဲပြားခြားနားသောအမြင်များရှိသည်။  အချို့က ယဲ့ဆွေကို ရန်စရန် အခွင့်အရေးယူတဲ့ ခြေလှမ်းစတင်နေတာလို့ကောက်ယူခဲ့သော်လည်း တန့်ကျွီကို ပို၍ပင်ဝေဖန်ခံရစေခဲ့သည်။

 "ယဲ့ဆွေက ချန်းယင်အသေးစားလေးဆိုတာနဲ့ အရင်တုန်းက ကျော်ကြားခဲ့တာ မဟုတ်ဘူးလား? အခုလက်ခံမှု အဆုံးသတ်ရတာကို ဘယ်လိုခံစားရလဲ? ချန်းယင်ရဲ့ပရိတ်သတ်တွေက အဲဒါကိုအရင်တုန်းက ရှင်းပစ်လိုက်တာပဲ"

 "အဲ့ဒါက ယဲ့ဆွေ ရဲ့ အေဂျင်စီဟောင်းရဲ့အပြစ်မဟုတ်ဘူးလား? ရှုပ်ပွနေတဲ့ လူသိရှင်ကြားထားမှာကို မူလအေးဂျင့်က လုပ်ခဲ့တာလေ။ နောက်ပိုင်းမှာ ယဲ့ဆွေက အဲဒါကိုရှင်းဖို့ သူမရဲ့ကျွမ်းကျင်မှုကို အားကိုးခဲ့တယ်။ "

   "တန့်ကျွီကကော? သူမမှာအရည်အချင်းရှိရင် ယဲ့ဆွေလိုမျိုး လက်ရာအချို့ကို သူမလွှတ်ပေးသင့်တယ်။ အာ၊ ကျွမ်းကျင်မှုမရှိတဲ့ အသစ်တွေက နာမည်အကြီးဆုံးအမျိုးသမီးစတားတွေနဲ့ လူကြိုက်များချင်ကြတယ်။ တိုက်ရိုက်ကူးတာက ယူဖို့လွယ်ကူတယ်"

တန့်ကျွီ၏ဆောင်းပါး၌ သူမက ယဲ့ဆွေလိုလိမ်းကျံရုံသာမကဘဲ သားကောင်အဖြစ် သူ့ကိုယ်သူသရုပ်ဖော်ကာ ပရိုဂရမ်အဖွဲ့ကိုလည်း စော်ကားလိုက်သေးသည်။ သူမက အတတ်နိုင်ဆုံး သနားစရာဖြစ်အောင် ကြိုးစားခဲ့သည်။

ယဲ့ဆွေရဲ့ စီမံခန့်ခွဲမှုအဖွဲ့က အင်တာနက်၌ ထိုသတင်းကိုမြင်သော်လည်း မည်သည့်တုံ့ပြန်မှုကိုမှ မပြင်ဆင်ခဲ့ပေ။

တန့်ကျွီက လူသစ်တစ်ယောက်ဖြစ်နေစဥ်တွင် ယဲ့ဆွေက သူမ၏ခါးပတ်အောက်၌ ခရက်ဒစ်ကဒ်များစွာနှင့် နာမည်ကြီးမင်းသမီးတစ်ဦးဖြစ်သည်။ ယဲ့ဆွေအပေါ် မူတည်၍ ကျော်ကြားလိုခြင်းသည် စည်းကျော်သွားခြင်းဟု မှတ်ယူခံရသည်။  သူတို့က သူမလို လူတွေကိုဘာကြောင့် ဖျော်ဖြေကြတာလဲ?

ယဲ့ဆွေက တစ်စုံတစ်ရာထုတ်ဖော်ပြောဆိုခြင်းမရှိသလို သူမ၏ ဝေ့ပေါ်သည်လည်း တိတ်ဆိတ်နေခဲ့သည်။  သို့သော် ကျင်းကွမ်းက  နံနက်စောစောတွင် အွန်လိုင်းပေါ်တက်ပြီး ပိုစ့်တင်ခဲ့သည်။ "ငါအနိုင်ကျင့်ခံရတယ်၊ ငါငိုချင်နေပြီ။ အွန်လိုင်းပေါ်မှာ သက်တောင့်သက်သာရှိဖို့ ငါတောင်းဆိုပါတယ်။ "

 စုန့်ပိုင်က အောက်ကနေ စာပြန်ထားသည်။ "ဟမ်?  ကျင်းကွမ်း၊ ရှင်လည်းအနိုင်ကျင့်ခံရတာလား? ရှူး ....မငိုပါနဲ့ "

 ကျောက်ဟွေ့ -  "ပိုင်လေးရဲ့မေမေ၊ ပိုင်လေးက အတန်းထဲမှာ သူမရဲ့ဖုန်းနဲ့ ဆော့နေပါတယ်။ သူမရဲ့ဖုန်းအသိမ်းခံရဖို့ ကျွန်မအကြံပေးပါတယ်။ "

 ဆရာမကြီး ကျူး - "ရဲဘော် ကျင်းကွမ်း၊ ဘယ်နတ်ဆိုးနဲ့သရဲတွေကို မင်းတွေ့ခဲ့လဲ? မင်းကိုကူညီပြီး နတ်ဆိုးတွေနှင်ထုတ်ဖို့ ဒီဆရာမကြီးကို ထွက်လာစေချင်လား? "

ကျင်းကွမ်းရဲ့ ဝေ့ပေါ် ပို့စ်အောက်၌ ရှိုးရှိဧည့်သည်သရုပ်ဆောင်တိုင်းက ပြန်ဖြေထားကြသည်။

ပရိုဂရမ်အဖွဲ့က ကျင်းကွမ်း၏ ဝေ့ပေါ်ကို ဟန်ဆောင်အပြုံးလေးနှင့် ပြန်လည်ပြီးပိုစ့်တင်ခဲ့သည်။  "အိုး၊ မင်းကို ဘယ်သူအနိုင်ကျင့်ရဲတာလဲ? ကျင်းကွမ်းက ငါတို့က ကာကွယ်မှုကို အဓိကထားတာနော် "

တစ်ဖန် သူတို့၏ပူးပေါင်းဆောင်ရွက်မှုသည် အတော်ပင်ဖွင့်မပြောဘဲသိသာလာခဲ့သည်။

ပိုင်းခြားသိမြင်သော မျက်လုံးရှိသူတိုင်းသည် ပို့စ်ပေါ်ရှိအပြုံးက တန့်ကျွီ အတွက်ဖြစ်သည်ဆိုတာကိုမြင်နိုင်သည်။ တန့်ကျွီသာပရိသတ်တွေရဲ့ မီးတောက်များကိုခံရဲဝံ့လျှင်၊ သူတို့ပြောသောအရာက ပြုံးရုံသာမဟုတ်ပေ။

အစီအစဉ်သို့ အသစ်ရောက်လာသူက ယဲ့ဆွေကိုဖျစ်ညှစ်ရန် ငွေညှစ်ခြင်းများကို လူသိရှင်ကြားလုပ်ခြင်းနှင့် အခြားတစ်ဖက်တွင် အင်တာနက်သုံးစွဲသူများ၏ ကိုယ်ချင်းစာတရားကို အနိုင်ယူချင်လာသည်။  ရှိုးအတွက် ဒါကရှက်စရာမဟုတ်ဘူးလား?

သူမက ဒီလောက်ကြီးမားတဲ့အားသာချက်ကို သူမတစ်ယောက်ထဲ ဘယ်လိုယူနိုင်မှာလဲ?

အစီအစဉ်အဖွဲ့သားများက တန့်ကျွီ ရဲ့မျက်နှာကို တိုက်ရိုက် ရိုက်လိုက်ချသည်။ အဲ့လိုပြုလုပ်နေစဉ် ထိုသတင်းတွေကို တန့်ကျွီ၏အဖွဲ့မှ စျေးသက်သက်သာသာဖြင့် ကြေငြာခဲ့သည်ဟု ပရိသတ်အားပြောကြားခဲ့သည်။

ဤဧည့်သည်အုပ်စုသည် အစီအစဉ်တစ်ခုတွင် ပူးပေါင်းလုပ်ဆောင်ခဲ့ပြီး သူတို့၏သိကျွမ်းမှုအချိန်သည် တန့်ကျွီနှင့်သိပ်မကွာခြားပေ။  မင်းတစ်ယောက်ယောက်နဲ့တွေ့ပြီးတစ်ရက်အကြာမှာ သူတို့ကိုဘယ်လိုအနိုင်ကျင့်နိုင်မလဲ?

စကားအနည်းငယ်ပြောသော အမျိုးသမီးနှင့်တိတ်ဆိတ်သော ကိုယ်ရည်ကိုယ်သွေးရှိသော ဆရာမကြီး ကျူး လည်း ရှိခဲ့သည်။  သူတစ်ပါးကိုအနိုင်ကျင့်နေတဲ့ ဆရာမကြီးကျူးကို သူတို့ဘာလို့မမြင်ရတာလဲ?

သူမ၏ပင်ကိုယ်စရိုက်နှင့်ပင် လူတိုင်းနှင့်အချိန်အနည်းငယ်ယူပြီးနောက် ဆရာမကြီးကျူးသည်လည်း သူတို့နှင့်ပိုမိုရင်းနှီးလာပြီး အွန်လိုင်းမှ အင်တာနက်သုံးစွဲသူတွေနဲ့ စတင်ဆက်ဆံခဲ့သည်။

 မကြာခင်မှာဘဲလူတိုင်းက နိဂုံးချုပ်သွားခဲ့သည်။ သိသာထင်ရှားတာက အဲဒါက တန့်ကျွီ ပြဿနာဘဲ တခြားသူတွေရဲ့ဟာမဟုတ်ဘူး။

တန့်ကျွီက  <ဒီကမ္ဘာပေါ်မှာသရဲတွေတကယ်မရှိတာလား?>မှာ  အထူးဧည့်သည်တစ်ဦးအဖြစ်ရောက်လာခဲ့သည်။  သူမရဲ့ပထမဆုံးနေ့မှာ သူမကဒုက္ခများစွာပေးလိမ့်မယ်ဆိုတာ ဘယ်သူကသိမှာလဲ?

တန့်ကျွီကိုသူတို့ရဲ့ ရသစုံရှိုးမှာ ဖိတ်ခေါ်ချင်တဲ့ ရှိုးရဲ့ ဒါရိုက်တာတွေက အခုသူတို့ရဲ့နှလုံးသားထဲမှာ မေးခွန်းအမှတ်အသားတွေရှိရမည်။  ဒီလူကနေရာတိုင်းကိုထိခိုက်စေတာနဲ့ သူမပြီးသွားရင် ရသစုံရှိုးကို ရွှံ့တွေနဲ့ပစ်ခဲ့မှာလား?

ဒီလိုဧည့်သည်ကို ဘယ်သူမှမဖိတ်ရဲဘူး။

 ထို့ကြောင့် "ယဲ့ဆွေလေး " ဟူသော ခေါင်းစဉ်သည် ဆွဲဆောင်မှုရှိသကဲ့သို့ တန့်ကျွီ၏ ရသစုံရှိုး အလားအလာသည်လည်း ရုတ်တရက် ဖြတ်တောက်ခံခဲ့ရသည်။  သူတို့ရဲ့ ရှိုး တွေမှာ ဘယ်သူကမှ သူမကို လက်မှတ်မထိုးရဲဘူး။

.........

 သခင်ကြီးချန်က ချန်ရှု့အား သူ့ရဲ့အမွေဆက်ခံအဖြစ်ပြုလုပ်တော့မှာကို ချန်ရှို့သိပြီးနောက် သူကြောက်လန့်လာသည်။  သူက ချန်းယင်အား ထိုအကြောင်းပြောပြပြီး နောက်ဆုံးတွင် သူမက တန်ပြန် တုံ့ပြန်မှုတစ်ခုရလာခဲ့သည်။

ချန်ရှီက သူ့ရဲ့ဆက်ခံသူကို မကြေငြာမီ သူကချန်ရှု့ရဲ့ဂုဏ်သိက္ခာကို ထိခိုက်အောင်လုပ်ပြီး လူထုရဲ့ထင်မြင်ယူဆချက်တွေကို ဆက်လက်ပြီးစွဲမြဲစေလိမ့်မည်။နောက်ဆုံးတွင် သူက စိတ်ကိုပြောင်းလဲရန် ချန်ရှီအားဖိအားပေးစေခိုင်းလိမ့်မည်။

  မကြာသေးမီက အင်တာနက်ပေါ်တွင် သတင်းအချို့ပေါ်လာခဲ့သည်။

[ချန်မိသားစုရဲ့ အငယ်ဆုံးသားက ကံမကောင်းသောကြောင့် သူ့အစ်ကိုတွေကို ဘေးသင့်စေခဲ့တယ် ]

  [ကံဆိုးသူက ခေါင်းဆောင်ကောင်းမဖြစ်နိုင်ပါ။ နောက်တော့ ချန် မိသားစုမှ စွန့်ပစ်ခြင်းခံရသည်။ ]

[ချန်မိသားစု၏ အငယ်ဆုံးသားကို မတွေ့ရတာ နှစ်အတော်ကြာပြီ။  သူကအမှန်ပင်ဆိုးဝါးလှသော လူတစ်ယောက်ဖြစ်ပြီး သူ့ရဲ့ကံကြမ္မာကညံ့ဖျင်းသည်]

 စကားလုံးတိုင်းနှင့် စာကြောင်းတိုင်းသည် ချန်မိသားစု၏ အငယ်ဆုံးသားကို ဂုဏ်ပျက်စေသည်။

  ချန်မိသားစု၏ အငယ်ဆုံးသားရဲ့ ဝိသေသလက္ခဏာနှင့် ပတ်သက်၍ လူအများက စူးစမ်းလိုကြသည်။ သို့သော် ဤဆောင်းပါးများကိုဖတ်ပြီးနောက် သူတို့ထဲကအများစုက ဆန့်ကျင်ဘက် မလိုမုန်းထားမှုအချို့ကို စတင်ခဲ့ကြသည်။

ချန်မိသားစုက သူတို့ရဲ့အငယ်ဆုံးသား တည်ရှိမှုကိုနှစ်ပေါင်းများစွာ ဖုံးကွယ်ထားခဲ့တာမဆန်းတော့ဘူး။ အဲ့တာ ထွက်ပေါ်လာသည့်အတိုင်း သူကကျိန်စာတိုက်တာကိုခံရပြီး သူ့အစ်ကိုနှစ်ယောက်ကို သေစေခဲ့သည်။

 အငယ်ဆုံးသားမှာ ပြဿနာတစ်ခုခုရှိပုံရတယ်။ ဒါကြောင့်ချန်မိသားစု၏ အမွေစားအမွေခံက သူမဖြစ်သင့်တာသေချာတယ်။

 လူထုထင်မြင်ချက်သည် ချန်ရှို့ကို ဘက်လိုက်၍ လူအများစုက ချန်ရှို့က ချန်ရဲ့ အငယ်ဆုံးသားနှင့် နှိုင်းယှဉ်ရန် အလွန်ကောင်းသည်ဟု ယုံကြည်ကြသည်။ သခင်ကြီးချန်က မျက်စိကန်းနေပြီး သူ့ရဲ့အငယ်ဆုံးသားက အရည်အချင်းရှိသူဟုပင် ထင်ခဲ့သည်။

ဒီရေးသားချက်များကို မြင်သောအခါ ယဲ့ဆွေက ဒေါသဖြင့်တုန်နေခဲ့သည်။  ချန် မိသားစုကသာ ချန်ရှု့ကျိန်စာတိုက်တာကိုခံရပြီး သူကသူ့အစ်ကိုတွေ သေဆုံးရခြင်း၏ အကြောင်းရင်းဖြစ်သည်ဟု ဖော်ပြလိမ့်မည်။

ထို့ပြင် ချန်ရှီက သူ့သတင်းစာရှင်းလင်းပွဲပြီးသည်နှင့် လူတစ်ချို့က ချန်ရှု့ကို စတင်ဝေဖန်လာကြသည်။  ယဲ့ဆွေက ချန်ရှု့ရဲ့အကျိုးစီးပွားကို ဘယ်သူခြိမ်းခြောက်နေလဲဆိုတာကို အခြားသူတွေထက် သူမကပိုပြီးသိသည်။ 

ချန်ရှို့က ချန်ရှု့ ချန်မိသားစု ပိုင်ဆိုင်မှုများကို သိမ်းယူမည်ကို ကြောက်ရွံ့တာကြောင့် သူက ချန်ရှု့အားထိခိုက်နစ်နာစေသော နည်းလမ်းများကို သုံးခဲ့သည်။

 ယဲ့ဆွေက ချန်ရှု့ကို အလွန်ချစ်မြတ်နိုးပြီး ချန်ရှု့ ပျော်ရွှင်စွာနေထိုင်နိုင်မှာကို သူမဘယ်လောက်မျှော်လင့်ခဲ့ရသလဲ? ဒါပေမယ့် သူတို့ဘ၀ကို နှောင့်ယှက်ဖို့ မလိုအပ်သောအရာများကို ပြုလုပ်ခဲ့သော တန်ဖိုးမဲ့သောလူအချို့အမြဲရှိခဲ့သည်။

  အခြားသူများအားရှောင်တခင် ဆဲဆိုခြင်းက မည်မျှထိခိုက်စေနိုင်သည်ကို အဲ့လူတွေဘယ်တော့မှမသိကြပေ။ စကားလုံးတိုင်းသည် ချွန်ထက်သောဓားတစ်လက်ဖြစ်လာပြီး ချန်ရှု့အား ပြင်းထန်စွာထိုးနှက်နေသည်။

ယဲ့ဆွေ ဒီပိုစ့်တွေ ဖတ်နေတာကို ချန်ရှု့မြင်လိုက်ရတော့ သူကသူမရဲ့လက်ကိုအုပ်လိုက်ပြီး တင်းကျပ်စွာညှစ်လိုက်သည်။  "ကိုယ်ဒီကိစ္စကို ဖြေရှင်းဖို့ တစ်ယောက်ယောက်ကို တောင်းဆိုပြီးပြီ "

ယဲ့ဆွေက   "ချန်ရှု့၊ ကျွန်မ အရမ်း ဒေါသထွက်တယ်။ သူတို့က ရှင့်ကိုဘယ်လိုဖြစ်ပြီး ဒီလိုဆက်ဆံနိုင်ရတာလဲ?"လို့ ညည်းတွားလိုက်သည်။

သူမတောင် အရမ်းဒေါသထွက်တယ်ဆိုရင် ချန်ရှု့ဆိုရင်ကော?  သူ့ဆွေမျိုးသားချင်းတွေရဲ့ ဘောင်ခတ်ခံရတာကို သူဘယ်လိုတွေးလဲ?

ချန်ရှု့နဲ့ ယဲ့ဆွေတို့ အကြည့်ချင်းဆုံမိသွားကြသည်။   သူ့မျက်လုံးများက မည်းနက်နေပြီး လှိုင်းတွေကင်းစင်တဲ့ ရေကန်ကဲ့သို့ငြိမ်သက်နေသည်။  သူက ဒီလိုနေ့မျိုးကို မျှော်လင့်ထားပုံရသည်။

ချန်ရှု့က ယဲ့ဆွေကို ကြည့်ပြီးလေးနက်စွာပြောလိုက်သည်။  "ကိုယ်ဒီကိစ္စကိုရှင်းမယ်။ ကိုယ်တို့နဲ့ မသက်ဆိုင်တဲ့လူတွေကြောင့် ကိုယ်တို့ရဲ့ခံစားချက်တွေကို အထိခိုက်မခံသင့်ဘူး "

 အချိန်အတော်ကြာပြီးနောက် ယဲ့ဆွေ ခေါင်းညိတ်လိုက်သည်။

နောက်ပိုင်းမှာ ပို့စ်ကိုဖျက်ခဲ့ပေမယ့် ယဲ့ဆွေက ဒီကိစ္စကိုခွင့်မလွှတ်နိုင်ခဲ့ဘူး။ ချန်ရှု့ သက်သာစေဖို့ သူမ ချန်းယင်နဲ့ ချန်ရှို့တို့ကို ဆက်ဆံရမည့် နည်းလမ်းကို စဉ်းစားခဲ့ရသည်။

 ရက်အနည်းငယ်အကြာတွင် ချန်းယင်က တစ်စုံတစ်ရာကို နှစ်သက်မြတ်နိုးပြီး ပရဟိတလေလံပွဲကို သွားမှာကို ယဲ့ဆွေ သိလိုက်ရသည်။ ယဲ့ဆွေ ပြုံးလိုက်သည်။  ချန်းယင် လိုချင်တာကို သူမဘယ်လိုလုပ် ပေးနိုင်မှာလဲ?

 မကြာခင်မှာပဲ ပရဟိတလေလံပွဲက ရောက်လာသည်။  ယနေ့ညနေတွင် ကောင်းကင်၌ ကြယ်များနှင့်ပြည့်နေသည်။  ကားများကို တံခါးဝတွင်ရပ်ထားကြပြီး လေလံပွဲခန်းမက လင်းလက်တောက်ပနေသည်။  မှောင်နေသော်လည်း နေ့ရဲ့အလင်းရောင်ကဲ့သို့ထင်ရသည်။

 ချန်းယင်က ပွဲကိုရောက်နေပြီဖြစ်သည်။ သူမက သူမကိုယ်စားလှယ်နှင့်အတူ ထိုင်နေသည်။

  လေလံပွဲတွင် နောက်ဆုံးပစ္စည်းက ကျောက်စိမ်းလက်ကောက်ဖြစ်လိမ့်မယ်ဆိုတာ ချန်းယင်သိသည်။  သူမကဒီလိုအရာတွေကို အမြဲကြိုက်နှစ်သက်ပြီး အရည်အသွေးမြင့် ကျောက်စိမ်းပစ္စည်းများရှိသည့်အခါတိုင်း သူမစုဆောင်းလိမ့်မည်။

  ထို့ပြင် ချန်ရှု့ကို ရှုတ်ချဖို့ မကောင်းသောအကြံဥာဏ်ကိုပေးပြီးသောအခါ အင်တာနက်ပေါ်ရှိ လူထုအမြင်သည် ချန်ရှို့ဆီပြောင်းသွားသည်။

  ဒီပို့စ်က ရှင်းပြလို့မရအောင် ပျောက်သွားခဲ့ပေမယ့် ချန်ရှို့က ချန်မိသားစုရဲ့ အမွေခံဖြစ်လာတော့မှာမို့လို့ သူမစိတ်သက်သာရာရနေဆဲပဲ။

 ခဏအကြာမှာချန်းယင်က သူမဘေးတွင်ထိုင်နေသော သူကိုသတိပြုမိလိုက်သည်။  သူမခေါင်းကိုလှည့်ကြည့်လိုက်တာနဲ့  မထင်မှတ်စွာဘဲ ယဲ့ဆွေကို မမျှော်လင့်ဘဲတွေ့လိုက်ရကာ ချန်းယင် မျက်နှာက ရုတ်တရက်မည်းမှောင်သွားသည်။  "နင် ဒီမှာဘာလုပ်နေတာလဲ?"

 ယဲ့ဆွေက ချန်းယင်ကို ကြည့်တောင်မကြည့်ခဲ့ဘူး။  သူမက လက်ဖဝါးကို ညင်ညင်သာသာနမ်းပြီး ပြောလိုက်သည်။ "နင်တောင်လာနိုင်သေးတာဘဲ ငါကဘာလို့မလာနိုင်ရမှာလဲ?"

 "နင်အဲ့လို ပြောနေတာတွေက လေလံခန်းမတစ်ခုလုံးကို ဝယ်ထားလို့လား?  "

  ချန်းယင်က ဖျော့တော့သွားသည်။  သူမ ယဲ့ဆွေကို နှုတ်ဆက်ဖို့ အဆင်သင့်မဖြစ်သေးဘူး။ ချန်းယင်က သူမနှင့်အတူ မထိုင်ချင်သော်လည်း မတ်တပ်ရပ်ပြီးထွက်သွားရင် သူမက ယဲ့ဆွေကို အရှုံးပေးလိုက်သလိုပဲ။

  ဒါကြောင့် ချန်းယင်က သူမထိုင်ခုံ၌သာနေခဲ့သည်။

 ယဲ့ဆွေက ချန်းယင်ကိုမကြည့်ဘဲ သူမမျက်နှာက ရေခဲတုံးလို အေးစက်နေတာဘဲ။   "နင်က အင်တာနက်မှာသတင်းတင်တဲ့သူဘဲ "

 ယဲ့ဆွေက ချုံပတ်လည်ကို ရိုက်နှက်ခြင်းမပြုခဲ့ဘဲ အမှန်အတိုင်းကိုသာ တည်တည်ငြိမ်ငြိမ်ဖြင့် ပြောဆိုခဲ့သည်။

 ချန်းယင် လန့်သွားသည်။  သူမက ယဲ့ဆွေရဲ့ အဓိပ္ပါယ်ကိုနားလည်ခဲ့ပေမဲ့ သူမပြုံးပြုံးရွှင်ရွှင် ပြန်ပြောခဲ့သေးသည်။ "အဲ့တော့ ဘာဖြစ်လဲ?"

  ဘယ်လိုပဲဖြစ်ဖြစ် သူမနဲ့ ယဲ့ဆွေက အတိုက်အခံဖြစ်နေတာက ကြာပြီ။ ချန်ရှို့နဲ့ ချန်ရှု့တို့လည်းဆက်ဆံရေးမကောင်းခဲ့ပေ။  သူတို့နှစ်ဦးက ရန်သူများဖြစ်ဖို့ ရည်ရွယ်ခဲ့ကြသည်။

  ချန်းယင်က ထပ်ပြောခဲ့သည်။  "ငါပြောသမျှအားလုံးက မှန်နေတာဘဲလေ စဥ်းစားကြည့်ပေါ့" ချန်ရှု့ရဲ့ ပုံရိပ်ပျက်စီးသရွေ့ အမွေခံအဖြစ် သူ့အခွင့်အလမ်းက သိသိသာသာကျဆင်းသွားလိမ့်မည်။

 နောက်ဆုံးတွင် ယဲ့ဆွေက ခေါင်းကိုလှည့်ကာ ချန်းယင်ကိုအေးစက်သောအကြည့်ဖြင့် ကြည့်လိုက်သည်။  သူမအသံက နှစ်တစ်ထောင်နှင်းကဲ့သို့ အလွန်အေးစက်နေခဲ့သည်။  "အမှန်တရားလား။ နင့်ရဲ့မျက်လုံးထဲမှာ နင်လိုချင်တာကိုရဖို့ လူတွေကို ထိခိုက်နစ်နာအောင် လုပ်နိုင်တယ်ပေါ့။ "

 "နင့်ရဲ့အောက်ခြေမျဉ်းက အရမ်းနိမ့်နေတာလား?  "

 ချန်းယင် - "ချန် မိသားစုမှာ အမွေခံတစ်ယောက်ဘဲ ရှိလိမ့်မယ် "

 ယဲ့ဆွေ မျက်မှောင်ကြုတ်လိုက်သည်။  "ချန်မိသားစုရဲ့ဂုဏ်သိက္ခာတွေကို ငါတို့နည်းနည်းလေးမှ ဂရုမစိုက်ခဲ့ဘူး။ နင် ငါ့ကို ရန်စဖို့ဆုံးဖြတ်ပြီးကတည်းက မယဉ်ကျေးဘူးဆိုပြီး ငါ့ကိုအပြစ်မတင်နဲ့"

 ချန်းယင်က ယဲ့ဆွေကို ချန်မိသားစုရဲ့ ကိစ္စကို ဂရုမစိုက်ဘူးဆိုတာက ဘာကိုဆိုလိုတာလဲလို့ မေးဖို့ပြင်ချိန်မှာ ပရဟိတလေလံပွဲက စလာခဲ့သည်။ 

 ပစ္စည်းတွေကို တစ်ခုပြီးတစ်ခု လေလံတင်သွားသည်။  နောက်ဆုံးတော့ လေလံပွဲရဲ့နောက်ဆုံးပစ္စည်းအလှည့် ရောက်လာခဲ့သည်။ မော်ဒယ်က အလွန်ကောင်းမွန်တဲ့ အနေအထားရှိပြီး အလင်းရောင်အောက်မှာ တောက်ပတဲ့ ကျောက်စိမ်း လက်ကောက်နှင့်အတူ စင်မြင့်ပေါ်လမ်းလျှောက်လာခဲ့သည်။

 ချန်းယင် မျက်လုံးများက အရောင်တောက်လာသည်။  သူမက ဒီလက်ကောက်ကို လိုချင်ခဲ့တာကြာပြီ။ ဒီနေ့သူမဒီကိုရောက်လာတာရဲ့အကြောင်းအရင်းတစ်ခုလည်းဖြစ်သည်။ တစ်ဖက်မှ ယဲ့ဆွေက ချန်ယင်း၏ တုံ့ပြန်မှုကို တစ်ချက်ကြည့်ပြီး နှာခေါင်းရှုံ့လိုက်သည်။

 'ဒီနေ့ ဒီလက်ကောက်ကို နင်ရနိုင်မလား ကြည့်ကြတာပေါ့ '

  လေလံဆွဲသူက စင်မြင့်ပေါ်တွင် ကြေငြာလာခဲ့သည်။ " နောက်ဆုံးပစ္စည်းက ကျောက်စိမ်းလက်ကောက်ဖြစ်ပါတယ်။ စျေးနှုန်း ၄ သိန်းဖြစ်ပြီး စျေးနှုန်းကို ခုခုစတင်လိုက်ကြရအောင်ပါ "

 အော်ဒါ စတင်သောအခါ ချန်းယင်က "၆ သန်း" လို့ပထမဆုံးပြောခဲ့သည်။

ချန်ယင်က သူမပါးစပ်ကိုဖွင့်လိုက်တာနဲ့ ၂ သန်းထပ်ထည့်လိုက်သောအခါ လူတိုင်းက သူမကိုဦးတည်လာသည်။  အဲဒီအခါမှာ သူတို့က မူလနာမည်ကျော် ကျောင်းဝန်းက ကလေးတွေလည်း ဒီကိုရောက်လာတာကို သူတို့တွေ့ခဲ့သည်။

ချန်းယင် ဘေးမှာထိုင်နေတဲ့ဘယ်သူလဲ ခဏလေး အဲဒါ ယဲ့ဆွေပဲ!  သူတို့နှစ်ယောက်က အမြဲရန်ဖြစ်နေကြတာမဟုတ်ဘူးလား?

 ချန်းယင်က သူတို့ထင်တာကို ဂရုမစိုက်ဘူး။  သူမလက်ကောက်ကိုသာ ယူချင်သည်။ သူမကစင်ပေါ်က လက်ကောက်ကို ငေးစိုက်ကြည့်နေတုန်း အေးစက်တဲ့အသံတစ်ခုက သူမဘေးမှာ ရုတ်တရက် ထွက်ပေါ်လာသည်။

 "၇ သန်း"

  ချန်းယင်က အံ့သြစွာကြည့်လိုက်ချိန် ယဲ့ဆွေရဲ့ပြုံးနေတဲ့ မျက်လုံးများနှင့် တွေ့လိုက်ရသည်။ ယဲ့ဆွေ ဒီကိုလာတဲ့ ရည်ရွယ်ချက်ကို သူမရုတ်တရက် နားလည်လိုက်သည်။ ချန်းယင်က ဒေါသထွက်ပြီး ပြောလာသည်။"နင်ဒီနေ့ငါနဲ့ ရန်ဖြစ်ဖို့စီစဉ်နေတာလား? "

  ယဲ့ဆွေက သူမနှုတ်ခမ်းကို ကွေးလိုက်သော်လည်းသူမမျက်လုံးများက အေးစက်နေဆဲဖြစ်သည်။  "နင်ဒီကျောက်စိမ်းလက်ကောက်ကို ကြိုက်တာ​လား?  တိုက်ဆိုင်တာဘဲ၊ ငါလည်း အရမ်းကြိုက်တာ "

  ယဲ့ဆွေရဲ့ လေသံက တင်းမာသွားသည်။  "ဒီနေ့ ဒီလက်ကောက်ကို ငါရလိမ့်မယ် "

  ချန်းယင်က ဒေါသကြောင့် ဆို့နင့်လာသည်။ ယဲ့ဆွေ ဘာကြောင့် ဒီလိုလုပ်ရတာလဲဆိုတာ သူမသိသည်။ ယဲ့ဆွေက သူမနဲ့ချန်ရှို့တို့ ချန်ရှု့ကို အသရေဖျက်သည်ကိုဒေါသထွက်နေသည်။ ဒါကြောင့်သူမ(ယဲ့ဆွေ) က သူမ(ချန်းယင်)ကို တိုက်ခိုက်ချင်သည်။

 ချန်ရှို့က ချန် မိသားစု အမွေဆက်ခံခွင့်ကို ဆုံးရှုံးနေပြီဖြစ်သည်။  သူမ ဒီနေ့ ဒီလေလံပွဲမှာ ပစ္စည်းမရခဲ့ရင် သူလည်းရှုံးလိမ့်မည်။

 သူမမျက်နှာပျက်သွားရင် ဘယ်လိုလုပ်ရမလဲ!?

  ချန်းယင်က လေလံကို ချက်ချင်းမြှင့်လိုက်သည်။  "၈.၅ သန်း"

 ယဲ့ဆွေအသံက ဖြည်းဖြည်းနှင့် နားနားနေနေရှိနေခဲ့သည်။  "၉.၅ သန်း"

 ချန်းယင်က သူမ၏နောက်ထပ်နာကျင်မှုနဲ့အတူ“ ၁၁ သန်း” လို့ပြောခဲ့သည်။  ယဲ့ဆွေ သူမကို လိုက်မှီလိမ့်မယ်လို့ သူမ မယုံခဲ့ဘူး။

 ယဲ့ဆွေ အသံက သူမဘေးမှ ထွက်ပေါ်လာခဲ့သည်။

  "၁၂ သန်း"

 ချန်းယင် -  "၁၄.၅ သန်း"

 ယဲ့ဆွေက ချန်းယင်ကို ကြည့်ပြီး "၁၅.၅ သန်း" လို့ဖြည်းဖြည်းချင်းပြောခဲ့သည်။

 ယဲ့ဆွေနဲ့ ချန်းယင်တို့အကြား လေလံစစ်ပွဲကို နှစ်သက်သောကြောင့် ယခုအချိန်တွင် အခြားသူများအားလုံးက လေလံဆွဲခြင်းကို ရပ်တန့်လိုက်သည်။ အခြားတစ်ဖက်တွင်မူ ကျောက်စိမ်းလက်ကောက်၏ စျေးနှုန်းက ပိုမိုမြင့်မားလာခဲ့သည်။

 ချန်ရှု့ လေလံပွဲကိုရောက်လာတာကို ယဲ့ဆွေမသိခဲ့ပေ။ သူမဒီကိုရောက်တာနဲ့ သူက သူမကိုရှာတွေ့ခဲ့ပြီး သူမကိုစောင့်ကြည့်နေခဲ့သည်။

  VIP စားပွဲ၌ ဝမ်ချွမ်းက ချန်ရှု့ကို ပြောလာသည်။ "ဥက္ကဌချန်၊ ယဲ့ဆွေက ချန်းယင်နဲ့ အောက်ဘက်မှာ စျေးပြိုင်ပေးနေကြတယ် "  ပြီးတော့ ပြိုင်ဆိုင်မှုလည်း ပြင်းထန်တယ်။

 ချန်ရှု့က  "အမ်း " လို့သာခပ်တိုးတိုးပြောလာသည်။

 ဝမ်ချွမ်းက စုံစမ်းဖို့ကြိုးစားခဲ့သည်။  "ငါတို့ဘာလုပ်ရမလဲ? "  ဟွာရွေ့ရဲ့သူဌေးကတော်က တစ်စုံတစ်ခုကို စိတ်၀င်စားတာကြောင့် ဥက္ကဌချန်က သူမကိုလက်ကမ်းပေးလိမ့်မည်။

  စက္ကန့်အနည်းငယ်စဉ်းစားပြီးနောက်မှာ ချန်ရှု့က ပြောလာသည်။ "သူမမှာ ကိုယ်ပိုင် စိတ်ကူးရှိတယ်။ သူမဆန္ဒအတိုင်းလုပ်ခွင့်ပြုလိုက်။ မလိုအပ်ရင် ငါဝင်မစွက်ဖက်ဘူး။"

 ယဲ့ဆွေ ဘာတွေတွေးနေလဲဆိုတာကို သူအတိအကျသိသည်။ သူမက သူ့အတွက် လက်စားချေချင်နေသည်။

 ချန်ရှု့ရဲ့ နှုတ်ခမ်းထောင့်စွန်းက အပြုံးတစ်ခုနှင့်တွန့်ကွေးသွားသည်။  သူမဘာပဲလုပ်လုပ် သူက သူမကိုနှစ်သိမ့်ပေးလိမ့်မည်။

 ဝမ်ချွမ်းက ထိုမြင်ကွင်းကို ခဏကြည့်လိုက်ပြီး ပုံမှန်မဟုတ်သည့်အရာတစ်ခုကို ဖမ်းမိလိုက်သည်။  "ဥက္ကဌ မဒမ်ရဲ့ စျေးပြိုင်ပေးတာက အလွန်စိတ်ဝင်စားစရာကောင်းတယ်"

 ချန်းယင်က စျေးနှုန်းကို တစ်ဖန်မြှင့်တင်ခဲ့သည်။ ထို့ကြောင့် ယဲ့ဆွေကလည်း သူမနောက်ကိုလိုက်ခဲ့သည်။  သို့သော် ၎င်းသည် ချန်းယင် ထက် ၁ သန်းသာပိုမြင့်သည်။ နည်းလည်းမနည်းသလို များလဲမများပေ။

 ချန်ရှု့လည်း ၎င်းကအတော် စိတ်ဝင်စားဖွယ်ကောင်းသည်ကိုတွေ့သည်။  ကြွက်တစ်ကောင်နှင့်ကစားနေသည့် ကြောင်နှင့်တူသည်။  ကြွက်ကဘာပဲဖြစ်ဖြစ်ကြောင်ရဲ့လက်ဖဝါးအောက်က ဘယ်တော့မှလွတ်မြောက်နိုင်မှာမဟုတ်ဘူး။

 ယဲ့ဆွေက အမြော်အမြင်ရှိသော ကြောင်ဖြစ်ပြီး ချန်းယင်က ကြွက်ဖြစ်သည်။  ယဲ့ဆွေက စျေးနှုန်းကိုတဖြည်းဖြည်း မြှင့်တင်လိုက်ပြီး ချန်းယင် အတွက်မျှော်လင့်ချက်ရောင်ခြည်တစ်ခု ချန်ထားခဲ့သည်။

 သို့သော်လည်း တစ်သန်းတိုးခြင်းက ချန်းယင်ကို ယဲ့ဆွေက သူမကိုဘယ်တော့မှ အနိုင်ယူနိုင်မှာမဟုတ်ကြောင်း အနည်းငယ် ထင်ယောင်ထင်မှားဖြစ်စေခဲ့သည်။

 ဤနည်းအားဖြင့် ချန်းယင်က တစ်ချိန်လုံး မျှော်လင့်ချက် အပြည့်ရှိလိမ့်မည်။ ထို့နောက် အခြား၌ စိတ်ပျက်လိမ့်မည်။  မျှော်လင့်ခြင်း၊ စိတ်ပျက်ခြင်း၊ သူမကစိတ်ခံစားချက်နှစ်ခုအကြားတွင် အမြဲစက်ဘီးစီးနေခဲ့သည်။

 ယဲ့ဆွေက ချန်းယင်ရဲ့ သည်းခံမှုနှင့် မျှော်လင့်ချက်တို့ကိုအဆုံးထိတိုင်အောင် ဖြည်းဖြည်းချင်း ကုန်ဆုံးစေလိမ့်မည်။

 ချန်းယင်က သည်းမခံနိုင်တော့ပေ။  သူမအသက်ပြင်းပြင်းရှူလိုက်ပြီး ပြောခဲ့သည်။ "ယဲ့ဆွေ နင်ရူးနေလား? ကျောက်စိမ်းလက်ကောက်တစ်ခု ၀ယ်ဖို့ဒီလောက်ဈေးကြီးပေးရလား? "

ယဲ့ဆွေက သူမကိုတစ်ချက်ကြည့်လိုက်ပြီး "ငါစိတ်ထဲမထည့်ဘူး " ဆိုတဲ့စကားသုံးခွန်းကိုသာ ဖြည်းဖြည်းချင်းပြောခဲ့သည်။

 ယဲ့ဆွေက ချန်းယင်ကိုကြည့်ပြီး မေးလိုက်သည်။ "စျေးနှုန်းကနည်းနည်းမြင့်နေတယ်၊ ​​ဒါပေမယ့် အခုနင် ငါ့ကိုကြောက်နေတာလား? "

ချန်းယင်က တစ်ဖန်ဒေါသထွက်လာခဲ့သည်။  သူမဒီလိုအခြေအနေရောက်လာလိမ့်မယ်လို့ မမျှော်လင့်ခဲ့ဘူး။  သူမစွန့်စားချင်ခဲ့ပေမယ့် .....

  လေလံပစ်သူလည်း စိတ်မသက်မသာ ခံစားခဲ့ရသည်။  သူက ချန်းယင်ကို အသံနိမ့်နဲ့ ပြောခဲ့သည်။ "မင်းလေလံဆွဲချင်သေးလား?  ဒီပမာဏကအရမ်းများနေလား ..... "

 ချန်းယင် ဒေါသတကြီးတွေးလိုက်သည်။ 'ဆက်လုပ်ရမှာပေါ့ ဘာလို့မလုပ်ရမှာလဲ  '  ဤအချိန်မှာလူတိုင်းက သူတို့ကိုကြည့်နေကြသည်။ ထို့ကြောင့် ရှုံးတဲ့သူ ဘယ်သူမဆို မျက်နှာပျက်ရလိမ့်မည်။

တစ်ပေါင်အတွက် တစ်ပေါင်ပဲ။

 ချန်းယင် - "၁၇ သန်း"

  ယဲ့ဆွေ - "၁၈ သန်း"

 ချန်းယင်က နောက်ဆုံးတွင် လွဲမှားသောအရာတစ်ခုကို သတိပြုမိလိုက်​သည်။ ယဲ့ဆွေရဲ့ စျေးနှုန်းက သူမထက် ၁ သန်းသာပိုများသည်။ ယဲ့ဆွေက သူမကိုကစားနေသလို သူမအမြဲခံစားရသည်။  သူမဒီလိုသာဆက်ဆွဲထားရင်ဘယ်အချိန်အဆုံးသတ်မှာလဲ?

 ချန်းယင်က အော်ဟစ်ပြီး ပြောခဲ့သည်။ "နင် ငါ့ကိုအဆုံးထိ တကယ်တိုက်ခိုက်မှာလား? "

 ယဲ့ဆွေက ချန်းယင်ကို တစ်ချက်ကြည့်လိုက်ပြီး သူမကရုတ်တရက် မရယ်ဘဲ အေးစက်တဲ့ လေသံဖြင့်မေးလိုက်သည်။

 ယဲ့ဆွေ - "နင်မတတ်နိုင်ရင် ငါ့အချိန်ကိုလာမဖြုန်းနဲ့"

 ချန်းယင်က ဒေါသတကြီးဖြစ်နေသော်လည်း စျေးကမြင့်လွန်းတာသိသည်။ ကျောက်စိမ်းလက်ကောက်က မည်မျှပင်ကောင်းမွန်ပါစေ သူမကဤမျှလောက် ငွေများစွာသုံးလိမ့်မယ်လို့ ဘယ်တုန်းကမှ မတွေးခဲ့ပေ။

  ချန်းယင် တိတ်ဆိတ်သွားသည်။

  ယဲ့ဆွေနဲ့ ချန်းယင်တို့ အဆုံးစွန်ထိ ရန်ဖြစ်မယ်ဆိုတာ လူတိုင်းသိသည်။ မည်သို့ပင်ဆိုစေ ကျောက်စိမ်းလက်ကောက်ကို ယဲ့ဆွေ (သို့) ချန်းယင်က ရရှိလိမ့်မည်။

 အခြေအနေအရ အကဲဖြတ်ရာတွင် ယဲ့ဆွေက ၎င်းကိုရရန် ပိုအလားအလာရှိပုံရသည်။

 ဤအချိန်တွင် VIP အခန်းတံခါးက ရုတ်တရက် ပွင့်သွားပြီးလူတိုင်းကို ၎င်းအားကြည့်စေခဲ့သည်။ ဥက္ကဌချန်က  VIP အခန်း၌ထိုင်နေသည်ကို သူတို့သိသည်။  သူလည်းလေလံဆွဲဖို့ ရည်ရွယ်ထားတာလား?

  ယဲ့ဆွေက ဝမ်ချွမ်းကိုမြင်သောအခါ သူမဝမ်းသာသွားသည်။ ချန်ရှု့လည်း ဒီမှာရှိနေတာ ဖြစ်နိုင်လား?

 လေလံပစ်သူက ဝမ်ချွမ်းကိုမြင်သွားပြီး "ဥက္ကဌချန်ကလေလံဆွဲမှာလား?" လို့မေးခဲ့သည်။

  ဝမ်ချွမ်း ခေါင်းညိတ်လိုက်သည်။  သူက ယဲ့ဆွေတစ်ချက်ကြည့်လိုက်ပြီး သက်ပြင်းချလိုက်ကာ အဲ့ဒီနောက်မှာ   "သန်း ၃၀" လို့ပြောခဲ့သည်။

 ဝမ်ချွမ်းရဲ့ အသံကလူတိုင်းရဲ့ နားထဲကို ရောက်ရှိသွားသည်။  ဥက္ကဌချန်က စျေး ၁၀ သန်းထက်ပိုမြှင့် ပေးမယ်လို့ ထင်ခဲ့ပေမယ့် ဒီလောက်ပေး လိမ့်မယ်လို့သူတို့မထင်ခဲ့ကြဘူး!  သူက ဒီပစ္စည်းကို ဖန်တီးယူထားပုံရသည်။

 သို့သော်လည်း မကြာခင်မှာ လူတိုင်းက အခြားဖြစ်နိုင်ခြေတစ်ခုကို စဉ်းစားမိသည်။ ချန်းယင်က ယဲ့ဆွေနဲ့  ယှဉ်ပြိုင်နေပြီး ယဲ့ဆွေက ဟွာရွေ့၏ အနုပညာရှင်တစ် ဦး ဖြစ်သည်။

  ယဲ့ဆွေကို ကာကွယ်ဖို့ ဥက္ကဌချန်က ဒီလိုလုပ်နေတာလား?