လျို့ဝှက်သောသူကြွယ်၏ ချစ်ဇနီးလေး
အပိုင်း ၁၂၈ - ယဲ့ဆွေ၏ တစ်ကျော့ပြန်ခေတ်ထလာခြင်း
ယဲ့ဆွေ၏ အဖြစ်အပျက်ကို ထုတ်ဖော်ပြီးနောက် သူမထောက်ခံထားတဲ့ ထုတ်ကုန်များစွာက ထိခိုက်ခဲ့သည်။
ကောင်းရှန် ဥယျာဥ်မှ ရှန်ပိန်နှင်းဆီက အပြင်းထန်ဆုံးဖြစ်သည်။
အခြားကုန် အမှတ်တံဆိပ်များ၏ ထုတ်ကုန်များတွင် အမှတ်တံဆိပ် သစ္စာစောင့်သိမှုရှိသည်။
သို့သော် ကောင်းရှန် ဥယျာဥ်က ဇာတ်လမ်းများနှင့် အနုပညာအယူအဆများကို ရောင်းချခဲ့သည်။
ထုတ်ကုန်ကိုကိုယ်စားပြုသော အနုပညာအပေါ် အမြင်ကျဆင်းသွားသည်နှင့် မည်သူမျှ ၀ယ်မည်မဟုတ်တော့ပါ။
ပရိသတ်များက ယဲ့ဆွေ အတွက် ရှန်ပိန်နှင်းဆီပန်းများ ၀ယ်ခဲ့ကြသည်။ သူတို့၏ ၀ယ်လိုအားကြောင့် ရှန်ပိန်နှင်းဆီပန်းများရဲ့ ရောင်းအားသည် ဖိန်နင် ထောက်ခံသော အနီရောင်နှင်းဆီပန်းများကို ကြေမွစေသည်။
ဒါက စတားထုတ်ကုန်ဖြစ်လာခဲ့သည်။
ဒါပေမယ့် ယဲ့ဆွေရဲ့ လျှို့ဝှက်အိမ်ထောင်ရေးကို ထုတ်ဖော်ပြီးတဲ့ နောက်မှာတော့ ပရိသတ်တွေက သူမကို စိတ်ပျက်ခဲ့ကြသည်။
အစပိုင်းတုန်းက ရောင်းအားကောင်းခဲ့တဲ့ ရှန်ပိန်နှင်းဆီက အခုတော့ ရောင်းအားမရှိသလောက်ပဲ။
နှင်းဆီအနီ၏ ရောင်းအားသည် မကြာမီတွင် ရှန်ပိန်နှင်းဆီများထက် သာလွန်ခဲ့ပြီး ယခုနှစ်ရာသီတွင် အရောင်းရဆုံး ချန်ပီယံဖြစ်လာခဲ့သည်။
မင်းဆက်တစ်ဆက်၏ထက်မြက်မှုသည် အခြားမင်းဆက်တစ်ဆက်ကျဆင်းခြင်းကို ဖြစ်စေသည်။ ဘယ်လို ကမောက်ကမများလဲ။
ကောင်းရှန် ဥယျာဥ် တည်ထောင်သူ ရင်းဟိုင်က ယဲ့ဆွေကို ပြောရေးဆိုခွင့်ရှိသူအဖြစ် အစားထိုးရန် စတင်စဉ်းစားထားသည်။ အခု သူတို့ရောင်းအားက ဆိုးရွားစွာကျဆင်းသွားပြီး သူဆုံးဖြတ်ချက်တစ်ခုချရမည်။
ယဲ့ဆွေက ရင်းဟိုင်ထံမှ ဖုန်းလက်ခံရရှိခဲ့သည်။
သူကသူမကိုတွေ့ဆုံချင်သည်။ ယဲ့ဆွေက သဘောတူခဲ့သည်။
ရင်းဟိုင်က သူမနဲ့စာချုပ်ဖျက်သိမ်းတော့မည်ဟု သူမမှန်းဆခဲ့သည်။
ယဲ့ဆွေ ဖုန်းချလိုက်သောအခါ ချန်ရှု့က မေးခဲ့သည်။ "ဘယ်သူခေါ်တာလဲ?"
ယဲ့ဆွေ - "ရင်းဟိုင်"
ချန်ရှု့က ယဲ့ဆွေ ကိုကြည့်ပြီး ပြောခဲ့သည်။ "မင်းကိုယ့်အကူအညီလိုသေးလား?"
သို့သော်လည်း ယဲ့ဆွေ၏အဖြေကို သူ မစောင့်ခဲ့ပေ။
သူ မတ်တတ်ထရပ်ပြီး သူမနှင့် ထွက်သွားတော့မည်။
ဒါကို ယဲ့ဆွေမြင်တော့ ချန်ရှု့ရဲ့လက်ကိုအမြန်ဖိလိုက်သည်။
"မလိုပါဘူး။ ကျွန်မ အေးဂျင့်နဲ့သွားလိုက်မယ်"
တစ်ချိန်က ချန်ရှု့ ပြောခဲ့သည့် စကားအတိုင်း ယဲ့ဆွေပြောလိုက်သည်။ သူမက သူ့ကိုကြည့်ကာ ပြောခဲ့သည်။ "ရှင်ကျွန်မကို မယုံဘူးလား?"
ချန်ရှု့ ယဲ့ဆွေကို စိုက်ကြည့်နေသည်။
စက္ကန့်အနည်းငယ် ကြာပြီးနောက် သူရုတ်တရက် ပြုံးလိုက်သည်။
"ကိုယ် မင်းကို မယုံဘူးဆိုတာက ဘယ်လိုလုပ်ဖြစ်နိုင်မှာလဲ?”
ယဲ့ဆွေ ဘာပဲလုပ်လုပ် ကိစ္စမရှိဘူး။ သူမဆုံးဖြတ်ချက်များအားလုံးကို သူကချွင်းချက်မရှိ ထောက်ခံလိမ့်မည်။
ယဲ့ဆွေနဲ့ တိုင့်ကျီတို့ ရင်းဟိုင်ကို သွားတွေ့ကြသည်။ ရင်းဟိုင်က စကားစပြောခဲ့သည်။
"ယဲ့ဆွေ ၊ မင်းကငါတို့ရဲ့ပြောရေးဆိုခွင့်ရှိသူဖြစ်ဖို့ မသင့်တော့ဘူးဆိုတာကို မင်း သိထားပြီးလောက်ပြီ"
ယဲ့ဆွေက ငြိမ်ကျသွားသည်။
"ကျွန်မနားလည်ပါတယ်။ ဒါပေမယ့် ရှင်ကျွန်မကို နောက်ထပ်အခွင့်အရေးပေးနိုင်မလား? "
သူမ ကတိတစ်ခုပေးခဲ့သည်။
“ကျွန်မကို အချိန်တစ်လခွဲပေး။ ရောင်းအားက အရင်အတိုင်းပဲ ဆိုရင်တော့ ရှင့်ဆုံးဖြတ်ချက်ကို ကျွန်မလေးစားမှာပါ"
ရင်းဟိုင်က ယဲ့ဆွေကို ကြည့်လိုက်သည်။
သူမ မျက်လုံးများက နက်မှောင်နေပြီး၊ ပြတ်သားသည်။ တစ်ချိန်ကယဲ့ဆွေက ပြောရေးဆိုခွင့်ရှိသူတစ်ဦးဖြစ်ရန် မည်မျှသင့်တော်ကြောင်းနှင့် ယခုသူဘယ်လောက်ဝမ်းနည်းနေလဲဆိုတာကို သူခံစားနေရသည်။
အတန်ကြာစဉ်းစားပြီးနောက် ရင်းဟိုင်က အန္တရာယ်ရှိသော ဆုံးဖြတ်ချက်တစ်ခုကို ချလိုက်သည်။
“ ကောင်းပြီ။ မနက်ဖြန် ကြော်ငြာရိုက်ဖို့ ပြန်လာခဲ့"
အောင်မြင်မှု သို့မဟုတ် ကျရှုံးမှုအားလုံးသည် ဤကြော်ငြာပေါ်တွင် မူတည်သည်။
နောက်တစ်နေ့တွင် ယဲ့ဆွေက ရိုက်ကူးရေးနေရာသို့ လမ်းလျှောက်လာခဲ့သည်။
၀န်ထမ်းအချို့ရောက်နေပြီဖြစ်သည်။ သူမဝင်လာသည်ကိုမြင်သောအခါ သူတို့အားလုံး တစ်ယောက်နဲ့ တစ်ယောက်တီးတိုးပြောနေကြသည်။
သူမဟာ ဒီလိုတရားစီရင်တဲ့အကြည့်တွေကို ဘယ်တုန်းကမှ မကြုံခဲ့ဖူးဘူး။
လူကိုယ်တိုင် မပြောပေမယ့် အဲ့တာကရှက်စရာကောင်းလောက်အောင်ပဲ။
ယဲ့ဆွေ ပြုံးလိုက်သည်။ သို့သော် သူမ၏ မျက်နှာမှာ ဘာမှ မထူးခြားသေးပေ။ သူက ဒီလူတွေရဲ့အမြင်ကို နည်းနည်းမှ ဂရုမစိုက်နိုင်ခဲ့ဘူး။ သူမက ကြော်ငြာရိုက်ကူးရေးကို ပိုပြီးအာရုံစိုက်ခဲ့သည်။
သူမက ဤအခွင့်အရေးကို မြတ်နိုးပြီး သူမအား လှောင်ပြောင်ရန် စောင့်ဆိုင်းနေသူများကို သူမအား နှိမ့်ချခြင်းကို ခွင့်မပြုနိုင်ကြောင်းကို သူတို့အားသိစေလိုသည်။
ရှောင်လျှို့သည်လည်း ဒီလူတွေရဲ့ အကြည့်ကိုမြင်သည်။
သူမအသံတိုးတိုးလေးနဲ့ ညည်းညူလိုက်သည်။
“ ဒါက အရမ်းလွန်သွားပြီ။ ဒါကို သူတို့ဘယ်လိုလုပ်နိုင်တာလဲ?”
ယဲ့ဆွေက သဘောကောင်းသည်။ အရင်က အရမ်းနာမည်ကြီးနေပေမယ့် ဝန်ထမ်းအပေါ်ထားတဲ့ သူမရဲ့သဘောထားက အမြဲတမ်းသိမ်မွေ့သည်။ မမျှော်လင့်တဲ့အဖြစ်အပျက်အပြီးမှာ လူတစ်ချို့က ရုတ်တရက် ရန်လိုမုန်းတီးမှုတွေဖြစ်လာသည်။
သူမက အလွန်နာမည်ကြီးသောကြောင့် သူမကိုလူတိုင်းက စောင့်ကြည့်နေပြီး သူမလဲကျတာကို စောင့်နေကြသည်။ နောက်ဆုံး ဒီနေ့ကိုရောက်လာတဲ့အခါ၊ အဲဒီလူတွေက သူတို့ရဲ့ကာလာအမှန်ကို ပြသလာသည်။
ယဲ့ဆွေက ရှောင်လျှို့၏ လက်ကိုဆုပ်ကိုင်လိုက်ပြီး ပါးစပ်ကို တည်ငြိမ်စွာ ဖွင့်ဟလိုက်သည်။
"ငါတို့ကိုယ်တိုင်ဖြစ်ဖို့လိုတယ်"
သူတို့မှာခိုင်မာတဲ့ယုံကြည်ချက်ရှိနေသရွေ့ မင်းကိုဘယ်သူကမှ ဘာမှထိခိုက်စေမှာ မဟုတ်ဘူး။
ခဏကြာတော့ ရင်းဟိုင် ရောက်လာသည်။
သူက ယဲ့ဆွေ ထံသို့ လျှောက်လာပြီး ဒီရိုက်ကူးရေးရဲ့ ဆောင်ပုဒ်ကို ကြေငြာခဲ့သည်။ "ယဲ့ဆွေ၊ ဒီတစ်ခါ ဆောင်ပုဒ်က နိဗ္ဗာန်ပဲ"
“မင်းကို ရှင်းပြဖို့ လိုမယ်မထင်ဘူး။ ဒါကို ဘယ်လိုရိုက်ရမလဲဆိုတာ ငါ့ထက် မင်းက ပိုသိလောက်တယ် ”
ယဲ့ဆွေ စဉ်းစားလိုက်သည်။
သူမက လူတိုင်း၏ အထင်အမြင်ကို ပြောင်းလဲနိုင်လျှင် သူမကနိဗ္ဗာန်မှပြန်လည်မွေးဖွားလာလိမ့်မည်ဟု ဆိုလိုသည်။
ဤဆောင်ပုဒ်သည် သူမ၏ လက်ရှိစိတ်အခြေအနေနဲ့ အလွန်လိုက်ဖက်သည်။
ယဲ့ဆွေက ရင်းဟိုင်ကိုကြည့်ပြီး ပြောခဲ့သည်။ "ကျွန်မနားလည်ပါတယ်။
ကျွန်မ အကောင်းဆုံးကြိုးစားပါ့မယ်"
သူမအဝတ်လဲခန်းထဲ ဝင်သွားတော့ လက်ထောက်က ဒါရိုက်တာဆီကို လျှောက်သွားလိုက်သည်။ ဒီအချိန်မှာ
ယဲ့ဆွေ ရဲ့ ဝတ်စားဆင်ယင်မှုနဲ့ မိတ်ကပ်ကို
သူသိတယ် ဒါပေမယ့်......
ဒီပုံစံက ပုံမှန်နဲ့ လုံးဝမတူဘူး။
ရဲရင့်ပြီး ပိုထက်မြက်သည်။ ယဲ့ဆွေ က ဒါကို တကယ်ပဲ ဆွဲထုတ်နိုင်ပါ့မလား။
ပြောစရာမရှိဘူး။ သူမက တင်းကျပ်သည့် အခြေအနေတွင် ရှိနေသေးသည်။
ယဲ့ဆွေက ဒီလို ကြော်ငြာမျိုးကို တစ်ခါမှ မလုပ်ဖူးဘူး။
အရေးကြီးတဲ့အခိုက်အတန့်မှာ ယဲ့ဆွေကို ဒီဇာတ်လမ်းရဲ့ပြောရေးဆိုခွင့်ရှိသူအဖြစ်သုံးဖို့ တကယ်သင့်တော်ရဲ့လား? ဒါက အန္တရာယ်များလွန်းသည်။
လက်ထောက်က ရင်းဟိုင်ကို ကြည့်ပြီး တုံ့ဆိုင်းသွားသည်။
"သူမကို ပြောရေးဆိုခွင့်ရှိသူအဖြစ် ဆက်လုပ်ဖို့ တကယ် စိတ်ပိုင်းဖြတ်ထားတာလား?"
ရင်းဟိုင် စက္ကန့်အနည်းငယ်မျှ တိတ်ဆိတ်သွားပြီး ပါးစပ်ကို ဖွင့်ဟလိုက်သည်။
"ဒီအဖြစ်အပျက်သာ မဖြစ်ခဲ့ဘူးဆိုရင် သူမက အသင့်တော်ဆုံးဖြစ်လိမ့်မယ်ဆိုတာကို ငါသိတယ်"
အခုတော့ မျှော်လင့်ချက်ရှိတယ်။ အဲဒါက အရင်အတိုင်းဘဲ။
ယဲ့ဆွေက ရင်းဟိုင်နဲ့ လက်ထောက်တို့၏ စကားဝိုင်းကိုမသိခဲ့ပေ။ သူမက အဝတ်လဲခန်းမှာ ထိုင်နေသည်။
အားလုံးက သူမကို စောင့်ကြည့်နေမှန်း သူမသိသည်။
ဒီအရေးကြီးတဲ့အခိုက်အတန့်မှာ သူမက အမှားအယွင်းတွေ လုပ်လို့မရနိုင်ဘူး။
ခြေလှမ်းတစ်လှမ်းမှားသွားရင် တခြားလူတိုင်းက သူ့ကို မေးခွန်းထုတ်ပြီး ငြင်းကြလိမ့်မည်။
မဟုတ်ဘူး၊ အကျိုးဆက်က နှစ်ဆဖြစ်လိမ့်မယ်။ အနာဂတ်မှာ သူမရဲ့သရုပ်ဆောင်အလုပ်က အတားအဆီးတွေနဲ့ ပြည့်နှက်နေလိမ့်မည်။
ယဲ့ဆွေ မျက်လုံးများ မှိတ်ထားလိုက်သည်။ သူမဒီနေ့မကျရှုံးစေရဘူး။ လုံးဝကို မကျရှုံးဘူး။
ယဲ့ဆွေက သူမအဝတ်အစားတွေကို လဲလိုက်သည်။
သူမက စကတ်၏အပေါ်တွင် ပန်းပွင့်အလွှာများနှင့်ရွှေရောင်ဖျော့ဖျော့ ဂါဝန်ကို ၀တ်ဆင်ထားသည်။
သူမ၏အသားအရေက ကျောက်စိမ်းကဲ့သို့ ဖြူဖွေးနေပြီး သူမ၏ပြီးပြည့်စုံသော ကိုယ်ဟန်အနေအထားကို အပြည့်ပြသထားသည်။
ကင်မရာတွေက စတင်ပြီးရိုက်လာသည်။
မြင်ကွင်းကိုမှိတ်တုတ်မှိတ်တုတ် လင်းစေရန် စီစဉ်ထားသည်။
မှန်ဘီလူး၌ ပထမဆုံးပေါ်လာသောအရာသည် ငြိမ်သက်သော ရေမျက်နှာပြင်ဖြစ်သည်။
ထိုအချိန်တွင် ရေမျက်နှာပြင်ပေါ်တွင် အနည်းငယ်သော ရေပုံစံတစ်ခု ပေါ်လာပြီး ချောမောလှပပြီးကျက်သရေရှိသော ရုပ်ပုံလွှာတစ်ခုက ဖြည်းညှင်းစွာ ထွက်ပေါ်လာသည်။
ဖြူစင်သောမျက်လုံးများ၊ နှာခေါင်းသေးသေးလေး၊ နူးညံ့သောနှုတ်ခမ်းများ၊ အနက်ရောင်ဆံပင်ရှည်များနှင့် သူမ၏ပခုံးပေါ်တွင်ရှုပ်ထွေးစွာနဲ့ဖြန့်ထားသောဆံပင်အချို့ရှိသည်။
ဤပုံသည် မာစတာအဆင့်ပြေပြစ်သော ပုံဆွဲပုရပိုက်နှင့်တူသည်။
၎င်းကလူတိုင်း၏ နှလုံးသားကို တိုက်ရိုက်ထိမှန်စေခဲ့သည်။
ယဲ့ဆွေက လက်နှစ်ဖက်ကို ဆန့်တန်းကာ ကမ်းပေါ်၌ ညင်သာစွာ လဲလျောင်းနေသည်။ သူမ၏ လှုပ်ရှားမှုများက လေးတွဲပြီး မျက်လုံးထောင့်များက အနည်းငယ် ကြွတက်လာသည်။
နက်မှောင်သောညတွင် နားမလည်နိုင်စွာနှင့် အလွန်ဆွဲဆောင်မှုရှိသော ရေသူမလေးတစ်ယောက် တိတ်တဆိတ် ပေါ်လာသည်။
ရင်းဟိုင်က စတင်လည်ပတ်နေတာကို ကြည့်လိုက်သည်။
ပွင့်ချပ်များက ရေထဲတွင်မျောနေပြီး ကောင်းကင်မှ ကြယ်များကဲ့သို့ ညင်ညင်သာသာကျဆင်းလာသည်။
သူတို့ကရေမျက်နှာပြင်ပေါ်မှာ သေးငယ်တဲ့လှိုင်းလေးတွေကို ဖန်တီးခဲ့သည်။
ယဲ့ဆွေ ခေါင်းထောင်၍ သူမ၏လက်ချောင်းများကိုညွှန်ပြလိုက်သည်။
ထို့နောက် သူမ၏ ပျင်းရိခြင်းနှင့် သတိလက်လွတ်ဖြစ်ခြင်းတို့သည် သူမ၏အရိုးများထဲတွင် ထွင်းထားသကဲ့သို့ သူမ၏လက်ကိုညင်သာစွာမြှောက်လိုက်သည်။
သူမကပန်းပွင့်ချပ်တွေကို တို့ခါနီးမှာ သူမလက်ကို ဂရုတစိုက်ပြန်ရုတ်လိုက်သည်။
သူမ ထိချင်သော်လည်း ကြောက်ရွံ့နေမိသည်။
ဤလုပ်ရပ်များအားဖြင့် ယဲ့ဆွေက ကမ္ဘာနှင့် ပထမဆုံးအကြိမ် ထိတွေ့ဖူးပြီး မသိနားမလည်သော မိန်းကလေးတစ်ဦး ပုံစံကို ကွက်ကွက်ကွင်းကွင်း ပြသခဲ့သည်။
ရင်းဟိုင် ကျေနပ်စွာနဲ့ ခေါင်းညိတ်လိုက်သည်။
နောက်တစ်ခုကတော့ ယဲ့ဆွေ စတင်ပြောင်းလဲလာတာပဲ။
ယဲ့ဆွေ မတ်တပ်ရပ်လိုက်သည်။ ရေလှိုင်းတွန့်တွေကအဝေးကိုပျံ့နှံ့သွားပြီး သူမရဲ့ ချစ်စရာကောင်းတဲ့ အသွင်က ရေပေါ်မှာ ရောင်ပြန်ဟပ်နသည်။ နောက်ဆုံးတွင်ကင်မရာက သူမ၏ရောင်ပြန်ဟပ်မှုကို ဖြည်းဖြည်းချင်းပြသလာခဲ့သည်။
ရေစက်များကို အ၀တ်ပေါ်ကနေ တဖြည်းဖြည်းချင်းကျဆင်းစေပြီး သူမ၏သေးသွယ်သောခါးကို နူးညံ့စွာဆုပ်ကိုင်ထားသည်။
သူမ၏ ခြေထောက်များက ဖြောင့်စင်းသွယ်လျပြီး သန်မာတက်ကြွနေသည်။
သူမ၏ လှုပ်ရှားမှုတိုင်းက အံ့မခန်း၊ လက်ရာမြောက်ပြီး မိုက်သည်။
ယဲ့ဆွေ၏ အမူအရာသည်လည်း ပြောင်းလဲလာသည်။
သူမမျက်လုံးများက သူမအရေခွံလဲနေသကဲ့သို့ လေးတွဲခြင်းနှင့် သတိလစ်ခြင်းမရှိတော့ပေ။
ယဲ့ဆွေက မျက်ခုံးပင့်လိုက်ပြီး မျက်လုံးထောင့်များက အနည်းငယ် နစ်မြုပ်သွားသည်။
သူမအကြည့်တွေက ငြိမ်သက်သွားသည်။
ယဲ့ဆွေက မြေပြင်ပေါ်သို့ ခြေဗလာဖြင့် နင်းလိုက်သည်။
သူမအမှောင်ထဲမှာ ဖြည်းဖြည်းချင်းရှေ့တိုးလာရင်း သူမခြေဖဝါးများက သဲထဲမှာနစ်ဝင်သွားသည်။
အမှတ်တမဲ့လှည့်ကြည့်ပြီးနောက် သူမလက်ကိုမြှောက်ကာ အရောင်ဖျော့ ကုတ်အင်္ကျီတစ်ထည်ကို ကောက်ယူလိုက်ပြီး သူမ၏ခန္ဓာကိုယ်ပေါ်တွင် ဂရုတစိုက်လွှားတင်လိုက်သည်။
သူမ၏လုပ်ဆောင်ချက်က ပေါ့ပါး ပုံရသည်။ သို့သော် ၎င်းသည် အထူးလှပနေသည်။
၎င်းက လွတ်လပ်ပြီး သဘာဝနှင့် အထိန်းအကွပ်မရှိပေ။
ထိုအချိန်တွင်၊ ယဲ့ဆွေ၏ မျက်နှာပေါ် ပိတ်စတစ်ခုက ညင်သာစွာ ပွတ်သပ်သွားပြီး သူမ၏ နှုတ်ခမ်းများကို အုပ်ထားသည်။
ပါးလွှာသော ပိတ်စက သူမ၏စိုရွှန်းစိုနေသော ပန်းနုရောင်နှုတ်ခမ်းကို မဖုံးကွယ်နိုင်ပါ။
ဖုံးကွယ်မှုတစ်ဝက်နှင့် ပုန်းအောင်းမှုတစ်ဝက်က မရေမရာသော ကောက်ကြောင်းတစ်ခုကို ပြသထားသည်။
ဤပိတ်စအလွှာအောက်တွင် မည်သို့သော ရင်သပ်ရှုမောဖွယ်အလှတရားများ ရှိသည်ကို လူအများက မနေနိုင်ဘဲ စူးစမ်းချင်နေကြသည်။
ယဲ့ဆွေ၏ နှုတ်ခမ်းများကို ဖုံးအုပ်ထားသည့်ဟာက ရှန်ပိန်နှင်းဆီပန်းများဖြင့် ပန်းထိုးထားသည်။
ပထမအကြည့်တစ်ချက်တွင် ယဲ့ဆွေက နှင်းဆီကိုနမ်းနေပုံရသည်။
ယဲ့ဆွေက ပိတ်စကိုဖယ်ရှားပြီး သူမ၏ဆံပင်ရှည်ကိုမြှောက်ကာ ပိတ်စကို သုံး၍ ချည်လိုက်သည်။
သူမပခုံးပေါ်ရှိအနက်ရောင်ဆံပင်ကို ဆွဲထုတ်လိုက်တော့ သူမ၏ပါးပြင်တွင်အစင်းကြောင်း အနည်းငယ်ကျန်ရစ်ခဲ့သည်။
အရင်က ရေထဲက ထွက်လာတဲ့ မသိနားမလည်တဲ့ မိန်းကလေးက အခုချိန်မှာတော့ သန်မာပြီး တည်ငြိမ်တဲ့ မိန်းမတစ်ယောက်အဖြစ် ပြောင်းလဲသွားသည်။ ယဲ့ဆွေ၏ အမူအရာက ရေခဲကဲ့သို့အေးစက်နေပြီးသူမမျက်လုံးများက မာကျောပြီးပြတ်သားသည်။
သူမလမ်းလျှောက်နေစဉ် သူမ၏မာနနှင့် ကျက်သရေရှိခြင်းကို ပြသထားသည်။
ယဲ့ဆွေရဲ့ မရည်ရွယ်တဲ့ လှုပ်ရှားမှုက အဆုံးစွန်ထိ ဖြစ်သွားသည်။
စက္ကန့်အနည်းငယ်မျှသာ ဖြစ်သော်လည်း ၎င်းကိုလူတိုင်း၏နှလုံးသားထဲတွင် နက်ရှိုင်းစွာတံဆိပ်ခတ်ခဲ့သည်။
ရှေ့တွင် တံခါးတစ်ခုရှိသည်။ ယဲ့ဆွေက သူ့လက်ကို မြှောက်လိုက်ပြီး တံခါးကို ဖြည်းညှင်းစွာဖွင့်လိုက်ကာ တောက်ပတဲ့နေရောင်ခြည်ကို ဖော်ထုတ်လိုက်သည်။နေက သွန်းလောင်းကာ သူမ၏ ခိုင်မာသော မျက်လုံးများကို တောက်ပစေခဲ့သည်။
ယဲ့ဆွေက ရှေ့တစ်လှမ်းတိုးပြီး နေရောင်ထဲသို့ လျှောက်သွားကာ အမှောင်ထဲကနေ အလင်းထဲကို လမ်းလျှောက်လာခြင်းကို ပုံဖော်ထားသည်။ ကြော်ငြာက ပြီးသွားခဲ့ပြီ။
ရုပ်ရှင်ရိုက်ကွင်းရှိ လူတိုင်းက နှုတ်ဆိတ်နေခဲ့သည်။
သူတို့အားလုံး ကြော်ငြာကို မြင်ခဲ့ကြပြီး ဖော်ညွှန်းရန် စကားလုံးတစ်လုံးသာ ရှိပုံရသည်— ထိတ်လန့်စရာပဲ!
ကြော်ငြာအစတွင် ယဲ့ဆွေက မသိနားမလည်ခဲ့တဲ့သူဖြစ်သည်။
နောက်ပိုင်းတွင် သူမက ကုတ်အင်္ကျီတစ်ထည်ကို ကောက်ယူပြီး သူမ၏ ခန္ဓာကိုယ်ပေါ်တွင် တင်ထားကာ ပြင်ပကမ္ဘာ၏ အနှောင့်အယှက်များကို တွန်းလှန်ရန် စတင်ပြင်ဆင်ရမည်ဟု ဆိုလိုသည်။
ဤကား နိဗ္ဗာန်၏ ပထမခြေလှမ်းပင်ဖြစ်သည်။
ထို့နောက်ယဲ့ဆွေက ပိတ်စကိုကောက်ယူလိုက်ပြီး သူမ၏ရှည်လျားသော ဆံပင်ကိုချည်လိုက်သည်။ လေထဲမှာလွင့်နေတဲ့ မျက်နှာကိုလွှားထားတဲ့အဝတ်က ပြင်ပကမ္ဘာ၏ သံသယကို ကိုယ်စားပြုသည်။
ယဲ့ဆွေက ပိတ်စကိုမဖယ်ရှားဘဲ သူ့ဆံပင်ပေါ်၌ချည်လိုက်သည်။
ဆိုလိုသည်မှာသူမက ပြင်ပကမ္ဘာမှသံသယများကို မကြောက်ရွံ့ဘဲစိန်ခေါ်မှုကိုရင်ဆိုင်ရန် မတ်တတ်ရပ်နေခြင်းဖြစ်သည်။
သူမဆုံးရှုံးသွားတဲ့အရာတွေကို သူမ တစ်ခုပြီးတစ်ခု ပြန်ယူမယ်။ သူမ ဆုံးဖြတ်ချက်ကို ဘယ်သူမှ မလွှမ်းမိုးနိုင်ဘူး။
ဤသည်မှာ နိဗ္ဗာန်၏ ဒုတိယခြေလှမ်းဖြစ်သည်။
ကြော်ငြာ၏အဆုံးတွင် ယဲ့ဆွေက တံခါးကိုတွန်းဖွင့်လိုက်သည်။
ညက ပြီးသွားတော့ အလင်းရောင်ကို လှမ်းကြည့်လိုက်သည်။
ဤသည်မှာ ကြော်ငြာထဲတွင် နောက်ဆုံးခြေလှမ်းဖြစ်သည်။ သို့သော် ၎င်းသည် ယဲ့ဆွေ ဘဝ အလှည့်အပြောင်း၏ အစဖြစ်သည်။
ယဲ့ဆွေ၏ ကြော်ငြာ၏အဓိပ္ပါယ်ကို လူတိုင်းနားလည်ကြသော်လည်း သူမရဲ့နောက်ဆက်တွဲလုပ်မည့်အရာကို သူတို့ မှန်းဆ၍မရနိုင်ကြပေ။
အဘယ်ကြောင့်ဆိုသော် ခြေလှမ်းတိုင်းရဲ့ အသေးစိတ်တိုင်းကို ယဲ့ဆွေက စိတ်ကူးယဉ်ဆန်ဆန် ဆန္ဒများနှင့်အညီ ပြုလုပ်ခဲ့သည်။
ဒါကနိဗ္ဗာန်နှင့် ဆိုင်သော ကြေငြာတစ်ခုဖြစ်ပြီး ၎င်းသည်နိဗ္ဗာန်ပြီးတဲ့နောက် ယဲ့ဆွေ၏ အသစ်စက်စက် ဘဝလည်းဖြစ်သည်။
ယဲ့ဆွေလို ကြံ့ခိုင်သောသူတစ်ယောက်က မုန်တိုင်းအားလုံးပြီးသည့်တိုင် သူမ အခု ဘာကို ကြောက်ရွံ့နေတာလဲ?
ရှောင်လျှို့က သေသေချာချာကြည့်ပြီး အဲ့တာလည်းပြီးသွားရော ငိုတော့သည်။
ယဲ့ဆွေ ထောက်ခံချက်က
ရှန်ပိန်နှင်းဆီများအကြောင်းမဟုတ်တော့ဘဲ သူမကိုယ်တိုင်ရဲ့အကြောင်းပင်ဖြစ်သည်။
ဤကာလအတွင်း ယဲ့ဆွေရဲ့ဖိအားကို ရှောင်လျှို့ သိသည်။
အကယ်၍ သူမက အခြားသူတစ်ဦးဖြစ်လျှင် ဤမျှအရည်အသွေးမြင့်ကြော်ငြာတစ်ခုကို မဆိုထားနှင့် သူတို့ ရိုက်ချချင်နေလိမ့်မည်။
အောက်ခြေသို့ ပြုတ်ကျပြီးနောက် လူဘယ်လောက်များများက မတ်တတ်ရပ်နိုင်ကြတော့မှာလဲ?
ယဲ့ဆွေက နိုင်ငံတကာရုပ်ရှင်ဘုရင်မဆုကို ရရှိခဲ့သည်။
သူမက ထိပ်ဆုံးမှာ ရပ်တည်ရတာကို မြည်းစမ်းခဲ့ဖူးပေမယ့် တစ်ညတည်းမှာပဲ အောက်ခြေကိုပြုတ်ကျသွားသည်။
သူမနှလုံးသားထဲမှာ ဘာတွေခံစားနေရမလဲ?
ရှောင်လျှို့က အခြားသူများ တိုက်ချပစ်နိုင်သည်ကိုသိသော်လည်း ယဲ့ဆွေကတော့ ကွဲပြားသည်။
မသိမှုမှခွန်အား၊ အမှောင်မှအလင်းသို့လမ်းတစ်လျှောက်ရှိ ခြေလှမ်းတိုင်း၌ သူမတည်ကြည်နေခဲ့သည်။
သူမ ဦးဆောင်ရမယ့်အရာက ပိုတောက်ပတဲ့ အနာဂတ်တစ်ခုပဲ။
အသွင်ပြောင်းခြင်း၊ ပြန်လည်မွေးဖွားခြင်း၊ နိဗ္ဗာန်။
ယဲ့ဆွေဘာပဲလုပ်လုပ် ကိစ္စမရှိဘူး။ မိုး၊ လေ မခွဲခြားဘဲသူမမှာ ခိုင်မာတဲ့နှလုံးသားရှိလိမ့်မည်။
ယဲ့ဆွေနဲ့ ဟွာရွေ့ ဥက္ကဌရဲ့ လျှို့ဝှက်အိမ်ထောင်ရေးအား ဖော်ထုတ်ပြီးနောက် သူမကို ပရိသတ်များက မုန်းတီးကြလိမ့်မည်ဟု လူတိုင်းက ထင်ခဲ့ကြသည်။ သူမ၏နာမည်ဂုဏ်သတင်းကျဆင်းလိမ့်မည်။ သူမ၏အလုပ်အကိုင်သည်လည်း ကျဆင်းသွားလိမ့်မည်။
သူတို့မျှော်လင့်မထားတဲ့အရာက ယဲ့ဆွေနဲ့ ချန်ရှု့တို့ လူသိရှင်ကြားပြောပြီးတဲ့နောက်မှာ သူမရဲ့ကျော်ကြားမှုက ပိုတိုးလာလိမ့်မယ်ဆိိုတာပဲ။
ယဲ့ဆွေ ရဲ့ လျှို့ဝှက်အိမ်ထောင်ရေးကနေ လူတိုင်းကို လှည့်ဖြားတဲ့ အင်တာနက်သုံးစွဲသူတွေရဲ့ အာရုံစိုက်မှုက သူမရဲ့ခင်ပွန်း ချန်ရှု့ဆီကို ကူးပြောင်းသွားခဲ့တာပဲဖြစ်သည်။
အရင်က ယဲ့ဆွေမှာ အရှုပ်အရှင်းတစ်ခုကြုံတိုင်း သူမရဲ့တုံ့ပြန်မှုက အရမ်းကြီးမယ်ဆိုတာကို သူတို့ မမျှော်လင့်ဘဲတွေ့ရှိခဲ့သည်။ သူမက အချိန်တိုအတွင်း အဲ့တာကိုချက်ချင်း ရှင်းလင်းလိမ့်မည်။
ချန်ရှို့ ရဲ့ ပရိသတ်တွေက သူမနဲ့ ချန်ရှို့ ရိုက်ကူးရေးလုပ်နေချိန်မှာ အထင်လွဲခဲ့ကြသည်။
အစီအစဉ်ရိုက်ကူးနေစဉ်အတွင်း သူမက တင်းမာသော မျက်နှာထားဖြင့် ဧည့်ခံသည့် အစီအစဉ်တွင် အမျိုးသားတိုင်းနဲ့ ခပ်ခွာခွာနေခဲ့သည်။
အရာအားလုံးကို တစ်ပိုင်းပြီးတစ်စ ဖော်ပြထားပါက ၎င်းက ချန်ရှူ့အပေါ် ယဲ့ဆွေရဲ့ ချစ်ခြင်းမေတ္တာကို ပြသနေသည်။
ချန်ရှု့က သူတို့ရဲ့ ကားမတော်တဆမှုအကြောင်း သတင်းစာရှင်းလင်းပွဲမှာ လူတိုင်းကို ပြောခဲ့တာကို အတည်ပြုဖို့လည်း ဖြစ်ခဲ့သည်။
သူမက သူမရဲ့အသက်ကို သူ့ရှေ့တွင်ထားရန် တုံ့ဆိုင်းမနေဘဲ သူ့ကို ကယ်တင်ချင်ခဲ့သည်။
ယဲ့ဆွေက သူမအိမ်ထောင်ရေးကို ထုတ်ဖော်ပြောဆိုခြင်းမရှိသော်လည်း ချန်ရှု့ကို သူမဘယ်လောက်ချစ်ကြောင်းက သူမအပြုအမူမှာ ထင်ဟပ်နေပြီဖြစ်သည်။
အင်တာနက်သုံစွဲသူအချို့က ယဲ့ဆွေရဲ့ ယခင်ပရိုဂရမ်များကိုကြည့်ရှုပြီး သဲလွန်စရှာရဖို့ မျှော်လင့်နေကြသည်။
အစီအစဉ်များကို ကြည့်ရှုပြီးသောအခါ သူတို့ကနောက်ဆုံးတွင် 'ကမ္ဘာပေါ်မှာ သရဲတွေ တကယ်ရှိလား'ထဲမှာ သဲလွန်စကို တွေ့ရှိခဲ့သည်။
အခြားဧည့်သည် အမျိုးသားများနှင့် အနည်းငယ်သာထိတွေ့ခဲ့သော ယဲ့ဆွေက ၀န်ထမ်းတစ်ဦးနဲ့ အကြိမ်ပေါင်းများစွာ အပြန်အလှန် ဆက်သွယ်ခဲ့သည်။
ဒါက ပုံမှန်မဟုတ်ဘူး။
တစ်စုံတစ်ယောက်က ယဲ့ဆွေနှင့် ဝန်ထမ်းများအကြား အပြန်အလှန် ဆက်ဆံပုံကို စခရင်ရှော့ရိုက်ယူခဲ့သည်။
သူကပို့စ်အရှည်ကြီးတင်ပြီး ဖိုရမ်မှာတင်လိုက်သည်။
[ဒီကင်မရာမင်းက ဟွာရွေ့ ရဲ့ဥက္ကဌ ချန်က ဖုံးကွယ်ထားတယ်လို့ လူတိုင်းထင်ကြလား?]
သဘာဝလွန်ဖြစ်ရပ်တွေ ကြုံပြီး တခြားဧည့်သည်တွေ ကြောက်လန့်သွားတဲ့အခါ ယဲ့ဆွေက သတ္တိရှိရှိ ရှေ့ကိုတိုးသွားခဲ့သည်။ သို့သော်လည်း
သူမနောက်ကို ကင်မရာမင်းက မကြာခဏ လိုက်နေခဲ့သည်။
ရိုက်ချက်အနည်းငယ်မှာပင် မျက်လုံးချင်းဆုံမိကြသည်။ အဲ့တာက သူတို့ရဲ့ထင်ယောင်ထင်မှားဟုတ်မဟုတ်ဆိုတာကို သူတို့မသိခဲ့ပေမဲ့ ယဲ့ဆွေက သူ့ကိုမြင်လိုက်တဲ့အချိန်မှာ သူမနှလုံးသားကို စိတ်ထဲမှာထားလိုက်ပုံရသည်။
၀န်ထမ်းတစ်ဦးက ဦးထုပ်ဆောင်းထားပြီး ဖန်သားပြင်၌ သူ၏မျက်နှာကို မမြင်ရသော်လည်း သူ၏ပုံသဏ္ဍာန်က ဥက္ကဌချန်၏ ပုံနှင့် အနည်းငယ်ဆင်တူသည်။
"ချန်ရှု့နဲ့ ယဲ့ဆွေတို့က ချောတယ်လို့ထင်မိတာ ငါတစ်ယောက်တည်းလား? ဒါက ဘယ်လို မသေနိုင်တဲ့ခင်ပွန်းမျိုးလဲ?
ဥက္ကဌချန်က သူ့ရဲ့ဇနီးအတွက် ကင်မရာမင်းအဖြစ် ဟန်ဆောင်ပြီး ရှိုးမှာ သူမနဲ့အတူ လိုက်ပါသွားခဲ့တယ်
”
"ယဲ့ဆွေ ဒီလောက် သတ္တိမရှိသင့်ဘူး။
ချန်ရှု့ အစီအစဉ်မှာပါ၀င်တာက သူမကြောက်မှာကိုစိုးရိမ်တာကြောင့် သူမနဲ့အတူလိုက်ပါခဲ့တာပဲ။ ဒီဇာတ်ကွက်က ဘာကြောင့် အိုင်ဒေါ ဒရာမာနဲ့တူနေတာလဲ?
သေချာပါတယ်။ အဆင့်အတန်းမြင့်တဲ့လူတွေကပဲ ချစ်ခြင်းမေတ္တာရှိကြတယ်”
"ယဲ့ဆွေက သူ့အတွက် သူ့မရဲ့အသက်ကို ပေးဖို့တောင် ဆန္ဒရှိတယ်ဆိုတာကို မင်းတို့ကောင်တွေ မမေ့လိုက်နဲ့!
သူမက ချန်ရှု့ရဲ့ အလိုလိုက်ခြင်းကို ခံရသင့်တယ်။ အာ
မဟုတ်ဘူး။
ငါ သူမကို မုန်းတယ်ဆိုတာ သိသာပါတယ်။
ငါအခုဘာလို့ ယဲ့ဆွေကို အခု ကူညီနေမိတာလဲ…”
ယဲ့ဆွေကို အင်တာနက်ပေါ်တွင် လူများစွာက ဆူပူကြသော်လည်း ချန်ရှု့ကြောင့် ပရိတ်သတ်အသစ် အနည်းငယ်ရှိလာခဲ့သည်။
ဟွာရွေ့၏ လျှို့ဝှက်ဆန်းကြယ်သော ဥက္ကဌနှင့် ဟွာရွေ့၏ ထိပ်တန်းသေနတ်က သူ့ဇနီးအတွက် ရပ်တည်နိုင်ရန် သူ့ကိုယ်ပိုင်လက္ခဏာကို လူတိုင်းအားထုတ်ဖော်ပြသခဲ့သည်။ သူ လူသိရှင်ကြား ဝန်ခံခဲ့သည်....
ဒါက ဘယ်လိုလှပတဲ့ အချစ်မျိုးလဲ?
ဤ CP စုံတွဲက အရမ်း ကောင်းလွန်းသည်။
သို့သော် သူတို့၏ CP အမည်က ရိုးရှင်းပြီး ရိုင်းစိုင်းသော ဟွာရွေ့စုံတွဲ ဖြစ်သည်။
အပြင်းအထန် ဆွေးနွေးမှုတွေ အများအပြား ရှိခဲ့သည်။
သူတို့က အင်တာနက်သုံးစွဲသူတွေရဲ့လိုက်ဖမ်းတာကို ခံရတာတောင်မှ ပရိသတ်တွေက သူတို့ရဲ့ချိုမြိန်မှုကိုကြည့်ရတာ ပျော်နေတုန်းပဲ။
ဟွာရွေ့ စုံတွဲက သန်းပေါင်းများစွာ တန်ကြေးရှိပြီး အသွင်အပြင်နှင့် ခွန်အားနှစ်ခု စလုံးရှိသည်။
ချစ်ခြင်းမေတ္တာကို ဖုံးကွယ်ထားရုံကလွဲ၍ ဘာအမှားမှ မလုပ်ခဲ့ဘူး။ ရှင်းမရတဲ့ကိစ္စ ရှိခဲ့လို့လား?
ယဲ့ဆွေရဲ့ သတင်းထွက်ပေါ်ပြီးနောက်တွင် သူမ၏အလုပ်ဝန်က အလွန်လျော့ကျသွားပြီး သူမ၏အခကြေးငွေကိုလည်း လျှော့ချခဲ့သည်။
စီးပွားရေးအရ တန်ဖိုးအရှိဆုံး အမျိုးသမီး အနုပညာရှင်ကို ရွေးချယ်သောအခါတွင် သူမ၏ အဆင့်က နံပါတ်တစ်မှ ငါးအောက်သို့ ကျဆင်းသွားသည်။
ဒါပေမယ့် ယဲ့ဆွေက ဟွာရွေ့၏ သူဌေးကတော် ဖြစ်သည်ကို လူတိုင်းသိကြသောကြောင့် အချို့သောလူများက သူမအား အခွင့်ကောင်းယူပြီး ပေါင်းသင်းဆက်ဆံရေးကောင်းအောင် ပြုလုပ်ချင်ကြသည်မှာ မလွဲမသွေပင်ဖြစ်သည်။
ယဲ့ဆွေက ရသစုံရှိုး တစ်ခုသို့ဖိတ်ကြားခံရပြီး ဇာတ်လမ်းတွဲတစ်ခုတွင် ပါ၀င်ခဲ့သည်။
သူမ၏ အခကြေးငွေကို ယခင်ပုံစံအတိုင်း ပေးဆောင်နေဆဲဖြစ်သည်။
ဖျော်ဖြေရေးလုပ်ငန်းက အနိမ့်အမြင့် ထိန်းရန်နေရာတစ်ခုဖြစ်ခဲ့သည်။
ယဲ့ဆွေ အဝတ်လဲခန်း အနောက်ဘက်ကိုရောက်ပြီးနောက်မှာ တစ်ခုခုမှားနေပြီဆိုတာကို သတိထားမိနေပြီ။
သူမက ဖြတ်သန်းသွားသော ဧည့်သည်တစ်ဦးဖြစ်သော်လည်း သူမတွင် ကြီးမားသောရိုက်ချက်များအတွက် သီးသန့်အ၀တ်လဲခန်းတစ်ခုရှိသည်။
အမြဲတမ်းဧည့်သည်များ အပါအဝင် အခြားသော အမျိုးသမီး စတားများသည် အခြားအ၀တ်လဲခန်းတွင် စည်ကားနေခဲ့သည်။
ပြောစရာမလိုတော့ဘူး။ ယဲ့ဆွေရဲ့ အဝတ်လဲခန်းက သူတို့ထက် နှစ်ဆပိုကြီးသည်။
အစီအစဉ်အဖွဲ့က သူမကိုနှစ်သက်စေလိုသည်မှာ သိသာလွန်းသော်လည်း ယဲ့ဆွေက လက်မခံနိုင်ဘူး။
ဒါက သူမကို လူအများရဲ့ ဝေဖန်မှုကို ပစ်မှတ်ဖြစ်စေတာ မဟုတ်ဘူးလား?
ယဲ့ဆွေက အဝတ်လဲခန်း တံခါးကို တွန်းဖွင့်ပြီး ဝန်ထမ်းတွေအား အဝတ်လဲခန်းကို တခြားစတားတွေနဲ့ ဝေမျှဖို့ စီစဉ်ပြီးပြောပြခဲ့သည်။
ဒါပေမယ့် စင်္ကြံကိုရောက်တာနဲ့ ဘေးနား အ၀တ်လဲခန်းထဲကနေ အသံတွေကို ကြားလိုက်ရသည်။
တံခါးကတစ်ဝက်ပွင့်နေပြီး အမျိုးသမီး နှစ်ယောက်နှင့် သုံးယောက်တွဲ ထိုင်နေသော စတားများရှိသည်။
သူတို့အချင်းချင်း အားသွန်ခွန်စိုက် စကားပြောနေကြသည်။
ရှိုးမစခင်၊ အနောက်ဘက်ဇာတ်ခုံက ရှုပ်ထွေးနေပြီဖြစ်သည်။
"ပြီးခဲ့တဲ့ အပိုင်းအနည်းငယ်အတွက် ငါ ဘေးအခန်းက အဝတ်လဲခန်းမှာ နေခဲ့တယ်။ ဒါပေမယ့် ဒီအပိုင်းမှာတော့ ငါ ဒီကို မောင်းထုတ်ခံလိုက်ရတယ်"
"ငါတို့ဘာလုပ်နိုင်မလဲ?
အဲ့ပုဂ္ဂိုလ်က ဟွာရွေ့ရဲ့ သူဌေးကတော်ပဲ။
ဇာတ်ခုံပေါ်က အဆင့်မြင့်လူတွေတောင် သူမကို စော်ကားဖို့မတတ်နိုင်ဘူး။
ဘယ်သူက ကိုယ့်အတွက် ပြဿနာရှာချင်မှာလဲ?”
ယဲ့ဆွေက မျက်ခုံးပင့်ကာ ဝန်ထမ်းတွေကို လိုက်ရှာဖို့ မစီစဉ်တော့ဘူး။ သူမက ဒီလူတွေရဲ့ပြောဆိုမှုတွေကို နားထောင်ရင်း စင်္ကြံလမ်းကို ကျောခိုင်းခဲ့သည်။
“ သူမရဲ့ခင်ပွန်းဆီက စကားတစ်ခွန်းက ငါတို့အားလုံးကိုသတ်ပစ်နိုင်တယ်။
စကားနည်းနည်းပြောတာက ပိုကောင်းပါတယ် ”
"ဟုတ်တယ်၊ ယဲ့ဆွေက ငါတို့ကိုအရှက်ရစေချင်ရင် ငါတို့ အဲဒါကိုသည်းခံရမယ်"
ယဲ့ဆွေ ခဏလောက်စဉ်းစားလိုက်သည်။ သူတို့ကစကားလုံးတိုင်းကို မှန်မှန်ကန်ကန် ပြောခဲ့တဲ့အတွက် သူမအပြစ်တင်သင့်သည်။
ယဲ့ဆွေက သူမဖုန်းကိုထုတ်ပြီး WeChat စာတိုကို ချန်ရှု့ထံသို့ပို့လိုက်သည်။
စကားသံက အလွန်ချိုမြိန်ပြီး ၎င်းသည် သူမ မဟုတ်ဘူးလို့ လူအများအား သံသယဖြစ်စေခဲ့သည်။
"လောင်ကုန်း၊ ကျွန်မ ရှင့်ကို လွမ်းတယ်"
ထိုအသံကို ကြားရသောအခါ ချန်ရှု့ အံ့သြသွားပုံရသည်။
"???"
ယဲ့ဆွေက လိုရင်းတိုရှင်းပဲ။
“အလုပ်က ၉ နာရီမှာ ပြီးမှာ။ ကျွန်မကို လာကြိုနော် "
ချန်ရှု့ က ရိုးရိုးရှင်းရှင်းပဲ ပြန်ဖြေလိုက်သည်။ "ကောင်းပြီ"