MM Story Teller

Chapter 183

Viewers 32k

🌍Chapter 183

ဤကဲ့သို့စွမ်းရည်မျိုးမှာ လွန်စွမ်းအားကြီးလွန်းနေသည်။ ထန်မော့မှာ ဤကဲ့သို့ဆွဲဆောင်မှုကြီးကိုတောင့်ခံနိုင်ပါမည်ဟု အာမမခံနိုင်ချေ။

"ဒီစွမ်းရည်က အဆိပ်လိုပဲ"

ထန်မော့ကထပ်ပေါင်းဆိုလိုက်သည်။

"ကျွန်တော့်အထင်တော့ ဒီစွမ်းရည်တွေရဲ့ ပိုင်ရှင်တွေက သူ့ရဲ့ဆိုးကျိုးကိုမသိကြဘူးထင်တယ်။ ခင်များနဲ့ရှောင်ရှန်းလိုပဲ စွမ်းရည်ကိုအသုံးပြုပဲသိပြီး ကန့်သတ်ချက်တွေကိုမသိသလိုပေါ့"

ဖူ၀မ်သော်ကဆိုလိုက်သည်။

"ကိုယ့်စွမ်းရည်က ဘာလဲဆိုတာမသိသေးဘူးနော်"

ထန်မော့တန့်သွားမိလျက် ဖူ၀မ်သော်ကို လှည့်ကြည့်လိုက်မိသည်။

ဖူ၀မ်သော်က ပြတင်းပေါက်အနီးတွင်ရပ်နေခဲ့ပြီး ခေါင်းကလေးအသာငဲ့ကာ ထန်မော့ကို ကြည့်နေခဲ့သည်။

နန်ကျင်းမှ ပေကျင်းသို့ထွက်လာပြီးကတည်းက ထန်မော့မှာ ဖူ၀မ်ရှန်း၏စွမ်းရည်ကိုသာ အရင်ဆုံးစစ်ဆေးကြည့်ခဲ့သည်။ ဤစွမ်းရည်အတွက် အနားယူချိန် ၃ရက်ရှိကာ ထို၃ရက်အတွင်း ထန်မော့ ဖူ၀မ်သော်၏စွမ်းရည်ကို မစစ်ဆေးကြည့်နိုင်သေးချေ။ ၄င်းနောက်ပိုင်း ဖူ၀မ်သော်ကားမောင်းနေစဥ် ဖူ၀မ်သော်၏ လက်ကို ဆုပ်ကိုင်ထားရန် ကြိုးစားခဲ့သည်။ ၂ဦးသားမှာ ၆နာရီကြာသည်အထိ လက်များယှက်နွယ်ထားခဲ့သော်လည်းမအောင်မြင်ခဲ့ပဲ ထန်မော့လည်း လက်လျှော့လိုက်ကာ ထိုကိစ္စကို ထပ်မပြောတော့ချေ။

"တစ်ယောက်ယောက်ရဲ့စွမ်းရည်ကိုရဖို့အဲလောက်တောင် ခက်ခဲတယ်ဆိုရင် အဲဒီမိန်းမက မင်းရဲ့စွမ်းရည်ကို ဘာလို့အဲလောက်အချိန်တိုတိုနဲ့ရသွားတာလဲ"

ထန်မော့ ဖူ၀မ်သော်အား အံ့အားသင့်လျက်မော့ကြည့်လိုက်မိသည်။

ဖူ၀မ်သော်၏ အနက်ရောင်မျက်လုံးများမှာ ထန်မော့ကို စိုက်ကြည့်နေခဲ့သည်။ ထန်မော့မှာ တဖက်လူကတစ်ခုခုကိုခန့်မှန်းမိသွားပြီဖြစ်ကြောင်း ခံစားမိခဲ့သည်။ ဖူ၀မ်သော်၏ တွေးခေါ်နိုင်စွမ်းမှာ မြင့်သည်ဖြစ်၍ သူ့အတွက် ၄င်းကိုခန့်မှန်းမိရန်မှာ မခက်ခဲလှချေ။ ထန်မော့၏အမူအယာမှာပြောင်းလဲမသွားခဲ့ချေ။ သူကတည်ငြိမ်စွာဖြင့်

"ကျွန်တော်ပွားယူထားတဲ့ စွမ်းရည်တွေက အားနည်းသွားတယ်၊ သူ့ရဲ့ကိုယ်ပိုင်စွမ်းရည်ဆိုတော့ သူသုံးရင်တော့ပိုစွမ်းမှာပေါ့"

"အဲလိုကိုး..."

ဖူ၀မ်သော်က အဓိပ္ပါယ်ပါပါအသံတစ်ခုကိုပြုလျက်

"၁မိနစ်တုန်းက အဲဒီလူက အဲဒီရုပ်၀တ္တုပြန်သိမ်းတဲ့စွမ်းရည်ကိုသုံးထားတော့ကိုယ်တစ်ခုခုမှားနေသလိုခံစားရတယ် ထန်မော့ မင်းရောခံစားမိလား"

ဖူ၀မ်ရှန်းကအံ့အားသင့်လျက်

"အာ...Ge ကျွန်တော်လည်း ပူလောင်ပြီး ထူးဆန်းတယ်လို့ခံစားလိုက်ရတယ်၊ Geလည်းခံစားလိုက်ရတာလား"

ဖူ၀မ်သော်က သာမာန်ကာလျှံကာဆိုလိုက်သည်။

"မင်းက ၁၂နှစ်ပဲရှိသေးတာကိုး"

ဖူ၀မ်ရှန်းကဆိုလာသည်။

"ကျွန်တော် ၁၂နှစ်ဖြစ်နေတာလဲ ဘာဆိုင်လို့လဲ"

သူက၁၂နှစ်မို့ ထိုထူးခြားမှုကို အလျင်အမြန်သတိမထားမိဟုဆိုလိုသည်လား။

ထန်မော့"..."

ဒီလူကတကယ်အမဲလိုက်ခွေးလိုပဲ၊ ဘယ်လိုလုပ်အဲလောက်ထိ ရိပ်မိလွယ်ရတာလဲ...

ထန်မော့ စကားလမ်းကြောင်းပြောင်းလိုက်ကာ

"သူ့တို့ကိုစစ်ဆေးကြည့်လိုက်၊ အသုံး၀င်တဲ့သဲလွန်စရှိရင်ရှိမှာ"

ဖူ၀မ်ရှန်းမှာ သူ၏အသက်က ဘာမှားနေသနည်းဟုမေးတော့မည်ပြင်လိုက်စဥ်တွင် ဖူ၀မ်သော်ကထန်မော့ကိုလှည့်ကြည့်လာခဲ့သည်။ သူကခပ်ဟဟရယ်လိုက်ကာ ဘာမျှဆိုမလာတော့ချေ။

ထန်မော့၀န်မခံသ၍ ဖူ၀မ်သော်မှာ ခန့်မှန်းမိရုံသာရှိလိမ့်မည်။ ထန်မော့မှာ ဖူ၀မ်သော်တွင်အဘယ်ကြောင့် အဖြောင့်ဟာသများ အတော်များများရှိသလဲမသိသလို သူ၏အပေါစားစွမ်းရည်ကို ထိုမျှစိတ်၀င်စားနေရသလဲ မသိချေ။ ထိုစာအုပ်၏တချို့ပါ၀င်သောအရာများက ထူးဆန်းကြောင်း ဖူ၀မ်သော်လည်း ခန့်မှန်းမိကောင်း ခန့်မှန်းမိနိုင်သည်။ ထန်မော့ထိုစာအုပ်ကိုပြန်လည်တွေးတောရင်း တိတ်တိတ်လေးဆုံးဖြတ်ချက်ချလိုက်သည်။ ဤဘ၀တွင်တော့ သူ၏စွမ်းရည်စာအုပ်ကို မည်သူတစ်ဦးတစ်ယောက်ကိုမှ ပေးဖတ်၍မဖြစ်ချေ။

ထို၄ယောက်မှာ သူ့အားတိုက်ခိုက်ရန်ရောက်လာခြင်းက တိုက်ဆိုင်ခြင်းသက်သက်ဟု သူမထင်ချေ။

"ဒီလူတွေက သိပ်မသန်မာဘူး။ တရား၀င်ကစားသမားတွေမဟုတ်ဘူး၊ အားလုံးနီးပါးမှာ စွမ်းရည်တွေရှိကြတယ်။ ၇၀ရာခိုင်နှုန်းလောက်က သူတို့ဒီနေရာမှာ တမင်စောင့်နေတယ်ဆိုတာသေချာတယ်။ သူတို့ကျွန်တော်တို့နောက်ကို နောက်ယောင်ခံလိုက်နေတာကြာလောက်ပြီ။ ၃၀ရာခိုင်နှုန်းလောက်ကလည်း ဒီတိုင်းကြုံလို့လုယက်တာလည်းဖြစ်နိုင်တယ်။ "

ထန်မော့တန့်သွားပြီးမှ ထပ်ပေါင်းဆိုလိုက်သည်။

"ခင်များနဲ့ကျွန်တော်ကဒီ၃ယောက်ကိုစစ်ကြည့်လိုက်မယ်၊ ရှောင်ရှန်း မင်းအဲဒီတစ်ယောက်ကို စစ်ကြည့်လိုက်"

ဖူ၀မ်ရှန်းခေါင်းညိတ်လိုက်သည်။

၃ယောက်သားလူခွဲလိုက်လေသည်။

ထန်မော့သည် အချိန်ပြန်ဆုတ်နိုင်သော လူ၏ကိုယ်ကိုစစ်ဆေးလိုက်သည်။

အေးစက်နေသောကြမ်းပြင်ပေါ်တွင် သက်လတ်ပိုင်းအရွယ်လူကြီး၏ မျက်လုံးများမှာ ပွင့်ဟလျက် ကောင်းကင်ကိုမော့ကြည့်နေခဲ့သည်။ ကမ္ဘာကြီးအွန်လိုင်းပေါ်တက်လာပြီးနောက်ထန်မော့မှာ သေခြင်းဆိုးရွားသော အလောင်းမျိုးစုံကိုမြင်ဖူးခဲ့ပြီးချေပြီ။ သူသည်ထိုအလောင်းကို အမူအယာမဲ့စွာကြည့်လျက် ၄င်း၏ကိုယ်ကိုရှာဖွေလိုက်သည်။

ဤလူကို သတ်မိခြင်းမှာ တိုက်ဆိုင်မှုသာဖြစ်သော်လည်း တိကျမှုတစ်ခုလည်းဖြစ်နေသည်။ အကယ်၍ ဤလူကိုမသတ်မိပါက အရာအားလုံးမှာ တဖန့်ပြန်စတင်လာလိမ့်မည်။

ဤကစားသမား၄ဦးမှာအတော်လေး လည်လှသည်။

ထန်မော့နှင့်ဖူ၀မ်သော်တိုက်ခိုက်ရန် အစပြုလိုက်သည်နှင့် ၄င်းတို့၏ အချိန်ပြန်လှည့်နိုင်သောစွမ်းရည်မှာလည်း ရှာတွေ့ခံလိုက်ရပြီဖြစ်ကြောင်း ရိပ်မိသွားခဲ့သည်။ အချိန်ကိုပြန်လှည့်နိုင်သည်က အကူပစ္စည်းတစ်ခုမဟုတ်ချေ။ ထို့ကြောင့် သူတို့သည် ထန်မော့နှင့် ဖူ၀မ်သော်အား အချိန်ဆွဲရန် ဆုံးဖြတ်လိုက်ကာ သူတို့၏အဖွဲ့၀င်ကို အလျင်အမြန်ထွက်ပြေးသွားစေသည်။

သူတို့သည် ထန်မော့နှင့် ဖူ၀မ်သော်တို့၏ ပြိုင်ဘက်များမဟုတ်ချေ။ သို့မဟုတ်လျှင် အချိန်ကိုခဏခဏပြန်လှည့်နေရမည်မဟုတ်။ သူတို့၏ အချိန်ကိုပြန်လှည့်နိုင်သောအဖွဲ့၀င်ကို ကာကွယ်ရန်သာလိုအပ်ပြီး သူတို့၃ယောက်မှာလည်း ဆက်လက်အသက်ရှင်နိုင်လိမ့်မည်ပင်။ ထို့ကြောင့် သတ်လတ်ပိုင်းလူကြီးမှာ လှည့်စားမှုတစ်ခုကိုလုပ်ရန် ဆုံးဖြတ်ခဲ့သည်။ ထို၄ယောက်ထဲတွင် သတ်လတ်ပိုင်းလူကြီးနှင့် ဓါးနှင့်ယောကျာ်းတို့မှာ အဓိကတိုက်ခိုက်သူများဖြစ်သည်။ ကျန်၂ဦးမှာ အားနည်းကာ ဘေးမှအကူမျှသာပေးနိုင်သည်။ မိမိတို့၏အကြံအစည်များပေါ်သွားသည်နှင့် သက်လတ်ပိုင်းလူကြီးမှာ အော်ဟစ်ခဲ့သည်။

"ကျိုကြီးပြေးတော့"

ကျိုကြီးဆိုသူမှာ အလျင်အမြန်ထွက်ပြေးသွားသော်လည်း သူကထိုအချိန်ပြန်လှည့်နိုင်သောစွမ်းရည်ပိုင်ရှင်မဟုတ်ချေ။ တကယ့်စွမ်းရည်ပိုင်ရှင်မှာ သက်လတ်ပိုင်းလူနှင့်အတူ ဖူ၀မ်သော်အားတားဆီးရန် နေရစ်ခဲ့သည်။ ထိုလှည့်ကွက်မှာ ထန်မော့နှင့် ဖူ၀မ်သော်အပေါ် အလုပ်ဖြစ်ခဲ့လေသည်။

၂ဦးသား ထိုကျိုကြီးဆိုသူက စွမ်းရည်ပိုင်ရှင်ဟု ထင်မှတ်လျက် နောက်မှပြေးလိုက်သွားခဲ့သည်။ ထိုစဥ်တွင် တကယ့်စွမ်းရည်ပိုင်ရှင်မှာ နောက်လှည့်ကာ ထွက်ပြေးသွားခဲ့လေသည်။ သူတို့မမျှော်လင့်ထားသည်မှာ ထန်မော့ သေခြင်းအရိပ်အယောင် စွမ်းရည်ကို အသုံးပြုလာလိမ့်မည်ဟုပင်။

[စွမ်းရည်: သေခြင်းအရိပ်အယောင်]

[ပိုင်ရှင်: ပိုင်ရို့ယောင် (တရား၀င်ကစားသမား)]

.....

[အသုံးပြုပုံ: မျက်လုံး၂ဖက်လုံးဖြင့် တပါးသူအပေါ်လွှမ်းခြုံထားသော သေခြင်းအရိပ်အငွေ့များကို မြင်တွေ့နိုင်]

ထန်မော့ထိုစွမ်းရည်ကိုအသုံးပြုပြီးနောက် ကျိုကြီးဆိုသူ၏ သေခြင်းအငွေ့အသက်များမှာ အလွန်အားနည်းနေသည်ကို အံ့အားသင့်ဖွယ်တွေ့လိုက်ရလေသည်။ လုံး၀မရှိသလောက်ပင်။ သူ၏မီးခြစ်ဆံကြီးမှာ ကျိုကြီး၏ခေါင်းကိုရိုက်ခွဲပစ်ခါနီး ဆဲဆဲပင်။ ဤလူမှာသေဆုံးနိုင်ချေမရှိဟု ဆိုလိုရင်းမှာ အချိန်ကိုပြန်ဆုတ်နိုင်သောစွမ်းရည်ပိုင်ရှင်က ကျိုကြီးမဟုတ်ဟုဆိုလိုခြင်းပင်။

ထန်မော့အလျင်အမြန် အလျင်လူသား စွမ်းရည်ကို ထုတ်သုံးလိုက်ပြီး ပြေးနေသော တခြားကစားသမားထံ ရွေ့လျားလိုက်လေသည်။

"ခင်များက မကျေမနပ်သေသွားရတာပဲ"

ထန်မော့သည် ခိုး၀င်သူ၏အေးစက်နေသော ကိုယ်ကိုကြည့်လျက် သက်ပြင်းချလိုက်မိသည်။

ထန်မော့မှာ အလျင်လူသားစွမ်းရည်ကို ၁စက္ကန့်စာအသုံးပြုခဲ့ပြီး သူ၏အသက်၂မိနစ်စာကို ကုန်ဆုံးခဲ့ရသည်။ ထန်မော့ဤစွမ်းရည်ကိုရရှိပြီးကတည်းက ၂ကြိမ်သာလျှင် အသုံးပြုခဲ့ရသေးသည်။ ဤသည်မှာ ဒုတိယအကြိမ်ပင်။

သူ့တွင် ဒုတိယအခွင့်အရေးသာရရှိခဲ့လျှင် ဤကဲ့သို့ရွေးချယ်ခဲ့မည်မဟုတ်ချေ။ ထိုကစားသမား၄ဦးမှာ ဤတစ်ခေါက်တွင် တိုက်ခိုက်ရန်ရည်ရွယ်ချက်မရှိတော့ပဲ နားနေဆောင်နောက်တွင် ပုန်းနေခဲ့ခြင်းသာဖြစ်သည်။ သူတို့သည် ထန်မော့ကိုရှင်းမပစ်နိုင်မှန်းသိ၍ သိပ်မစွန့်စားရဲကြတော့ခြင်းပင်။ သူတို့ပုန်းကွယ်နေပြီး ထွက်သွားရန်သာ ဆုံးဖြတ်ထားခဲ့သော်လည်း ထန်မော့က သဲလွန်စကိုတွေ့လျက် သူတို့ကိုရှာတွေ့သွားခဲ့သည်။

ထန်မော့ သိပ်တွေးမနေတော့ပဲ ထိုအေးစက်နေသော အလောင်းများကို စစ်ဆေးနေခဲ့သည်။

ခိုး၀င်သူ၄ဦး၏ကိုယ်ပေါ်တွင် တခြားအပိုပစ္စည်းများထူးထူးခြားခြားရှိမနေခဲ့ချေ။ အနက်ရောင်ဓါးရှည်တစ်ချောင်း သေနတ်တစ်လက်နှင့် တခြားဓါးကလေးတစ်ချို့မျှသာရှိသည်။ ထန်မော့ထိုသည်တို့ကို ဖူ၀မ်ရှန်းထံပေးလိုက်လျှင် ထိုကလေးက ၄င်းတို့ကိုအသေအချာသိမ်းလိုက်လေသည်။ ဖူ၀မ်သော်က သက်လတ်ပိုင်းလူကြီး၏ အင်္ကျီများထဲရှာဖွေနေခဲ့ရာမှ ရုတ်တရက်ရပ်တန့်သွားပြီး ထိုသူ၏အိတ်ကပ်ထဲမှ တစ်စုံတစ်ခုကိုဆွဲထုတ်လိုက်လေသည်။

"ပေါင်မုန့်..."

ထန်မော့နှင့် ဖူ၀မ်ရှန်း ချက်ချင်းထိုနားသို့ချက်ချင်းလျှောက်သွားလိုက်ကြသည်။

ဖူ၀မ်သော်က အဖြူရောင်စာရွက်တစ်ရွက်ကို ထန်မော့အားကမ်းပေးလာခဲ့သည်။ နှစ်ဦးသားထိုစာရွက်ကိုကြည့်လိုက်ပြီးနောက် ဖူ၀မ်ရှန်းကထူးဆန်းသော အသံဖြင့်

"ဒီဟာကဘာကြီးလဲ၊ ဒီစာရွက်ပေါ်မှာ ဘာလို့ ပေါင်မုန့်လို့ရေးထားတာလဲ၊ သူကပေါင်မုန့်စားချင်လို့လား"

ဖူ၀မ်သော်ကဆိုလိုက်သည်။

"သူ့ဘောင်းဘီအိတ်ကပ်ထဲကထွက်လာတဲ့စာရွက် အသုံး၀င်လောက်တယ်"

၃ယောက်သားအတော်ကြာ စဥ်းစားကြည့်နေသည့်တိုင် ဤသန်သန်မာမာခိုး၀င်သူ၄ဦးမှာ အဘယ်ကြောင့် ဤပေါင်မုန့်ဟုရေးထားသော စာရွက်တစ်ရွက်ကို သိမ်းထားရကြောင်းနားမလည်ပါချေ။ ထန်မော့ထိုစာရွက်ကိုကြည့်ရင်း သဲလွန်စတချို့ညှစ်ထုတ်ရန်ကြိုးစားလိုက်သည်။ ထိုစဥ် သူ၏နောက်မှ အာမေဋိတ်သံတစ်ခုကိုကြားလိုက်ရလေသည်။

"အဲဒါကဘာကြီးလဲ"

ထန်မော့နှင့် ဖူ၀မ်သော်တို့ချက်ချင်းလှည့်ကြည့်လိုက်မိကြသည်။

ဖူ၀မ်ရှန်းက သူတို့သတိမထားမိလိုက်ခင်တွင် ထိုသက်လတ်ပိုင်းလူကြီး၏ ကိုယ်ကိုလှန်လိုက်သည်အားတွေ့လိုက်ရလေသည်။ ဖူ၀မ်ရှန်းမှာ ထိုလူကြီး၏ဂုတ်ပိုးနေရာကို ထိတ်လန့်စွာကြည့်နေခဲ့သည်။ ထန်မော့၄င်းကိုမြင်လျှင် အမြန်လျှောက်သွားလိုက်သည်။ သူအနားသို့ရောက်လာသည်နှင့် ထိုလူကြီး၏ ဂုတ်ပိုးမှ အမှတ်သင်္ကေတတစ်ခုကိုတွေ့လိုက်ရလေသည်။ ထန်မော့အံ့အားသင့်လျက်

"Xလား"

ထိုသက်လတ်ပိုင်းလူကြီး၏ ဂုတ်ပိုးတွင် အနီရောင် Xသင်္ကေတကိုရေးထိုးထားခဲ့သည်။

ထန်မော့ထိုထူးဆန်းသော သင်္ကေတကိုကြည့်နေရင်း သူ၏ဦးနှောက်ထဲတွင် ဖြတ်ခနဲတစ်ချက်လင်းလာခဲ့လေသည်။ သူကအလျင်အမြန်ဆိုလိုက်သည်။

"ကျန်တဲ့ ၃ယောက်ကိုလည်းစစ်ကြည့်လိုက်၊ သူတို့မှာလည်း ဒီအမှတ်ရှိလောက်တယ်"

"အိုကေ.."

ထန်မော့နှင့် ဖူ၀မ်ရှန်းသည် ကျန်၃ယောက်၏ အ၀တ်အစားများကို ဖယ်ရှားလိုက်ကြသည်။ အမှန်တကယ်ကိုပင် ကျန်၃ယောက်၏ ၀မ်းဗိုက် ကျောပြင်နှင့် ပေါင်တို့တွင်လည်း တစ်ပုံစံတည်းတူညီသော Xအမှတ်များကို ရေးထိုးထားလေသည်။ ၄င်းတို့တွင် ဓါးနှင့်လှီးဖြတ်ထားသော အရာများပင် ကျန်ရစ်နေဆဲဖြစ်သည်။ သို့သော် အမာရွတ်တို့တက်နေကြချေပြီဖြစ်ကာ ပြီးပြည့်စုံသော Xသင်္ကေတတစ်ခုကိုချန်ရစ်ထားလေသည်။

ထန်မော့ ထို၄ယောက်၏ အမှတ်များကိုကြည့်လျက် ထူးဆန်းသောမသက်မသာ ခံစားချက်တစ်ခုကိုရလာခဲ့သည်။

"ဒီ၄ယောက်က အလစ်တိုက်ဖို့ဒီနားမှာစောင့်နေခဲ့တာ၊ သူတို့က ကြုံတဲ့သူကို လုယက်ဖို့မဟုတ်ရင် ကျွန်တော်တို့ကို တမင်စောင့်နေတာပဲ ဒီ Xမှာ အဓိပ္ပါယ်တစ်ခုခုရှိလိမ့်မယ်"

"အဲဒါ Xမဟုတ်ဘူး"

ထန်မော့ ဖူ၀မ်သော်ကို လှည့်ကြည့်လိုက်မိသည်။

ဖူ၀မ်သော်မှာ သတ်လတ်ပိုင်းလူကြီး၏ ဂုတ်ပိုးမှ Xသင်္ကေတကို အေးစက်စွာကြည့်နေခဲ့သည်။ ထို့နောက် လက်ကိုလှမ်းလျက် ထိုအမာရွတ်တစ်လျှောက် ထိလိုက်သည်။ သူXကိုရေးဆွဲနေသည့်ပုံစံမှာ ပုံမှန် Xကိုရေးဆွဲနေကြ လမ်းကြောင်းမျိုးမဟုတ်ချေ။ သူကရှည်လျားသော အမာရွတ်တစိတ်အပိုင်းဖြင့် 7ကိုရေးဆွဲလိုက်ကာ ၄င်း၏အလည်တွင် တိုတောင်းသော မျဥ်းကလေးတစ်ကြောင်းကိုဆွဲလိုက်လေသည်။

ထန်မော့သူ့အားကြည့်လိုက်ပြီးအံ့အားသင့်လျက်သား

"7လား..."

၄င်းမှာ Xမဟုတ်ပဲ အလည်ဖြတ်မျဥ်းပါသည့် 7ဖြစ်နေခဲ့သည်။

နံပါတ် 7ကိုအရင်ရေးလျက် အလည်မှ မျဥ်းကြောင်းတိုကိုရေးဆွဲထားသည်။ သို့သော် ၄င်းကိုလှည့်လိုက်လျှင် Xနှင့်အမှန်တကယ် ဆင်တူလေသည်။

ဖူ၀မ်သော်၏ မျက်လုံးတို့ကျဥ်းမြောင်းသွားခဲ့သည်။

ပေကျင်း၏ စွမ်းအားအကြီးဆုံး ခိုး၀င်သူအဖွဲ့အစည်းမှာ ထျန်းရွှမ်ဖြစ်သည်။ လွန်ခဲ့သော ၃လခန့်က ထန်မော့ ဖူ၀မ်သော်ကို ပထမဆုံးအကြိမ်စတွေ့ခဲ့သည်။ သူကပေကျင်းမှအခြေအနေများကိုမေးခဲ့လျှင် ဖူ၀မ်သော်မှာ ထိုနာမည်ကိုသာပြောပြခဲ့လေသည်။

ထျန်းရွှမ်...

ပေကျင်းသည် စွမ်းအားကြီးအဖွဲ့အစည်းတစ်ခုမှ တစ်မြို့လုံးကို ထိန်းချုပ်ထားသော နန်ကျင်းလိုမဟုတ်ချေ။ တရား၀င်ကစားသမား အရံကစားသမား ခိုး၀င်သူအစသဖြင့် မတူညီသော အဖွဲ့အစည်များစွာရှိလေသည်။ ထိုထဲမှ အသန်မာဆုံးထဲတွင် ထျန်းရွှမ်လည်းပါ၀င်လေသည်။

ဖူ၀မ်သော် ဆော့ပင်တစ်ချောင်းဖြင့် ထျန်းရွှမ်အဖွဲ့စည်း၏ အမှတ်အသားကို ဓါတ်ဆီဆိုင်၏ white boardတွင် ရေးဆွဲပြလာသည်။

"လွန်ခဲ့တဲ့လေးလလောက် ပေကျင်းကထွက်လာတုန်းက ရွမ်၀မ်ရှုနဲ့ ချီဟန်နဲ့တစ်ကြိမ်ဆုံခဲ့တယ်။"

သူကထပ်ပေါင်းဆိုလာသည်။

"ရွမ်၀မ်ရှုက ထျန်းရွှမ်ရဲ့ခေါင်းဆောင် ချီဟန်ကလည်း ခိုး၀င်သူပဲ။ သူတို့၂ယောက်လုံးသန်မာတယ်။ အဖွဲ့အစည်းကိုစထောင်တုန်းကအဖွဲ့၀င်၇ယောက်ပဲရှိတယ်၊ ပြီးတော့၇ယောက်လုံး ဒီအမှတ်အသားကို ကိုယ်ပေါ်မှာ ထိုးထားတာ"

ကန့်လတ်ဖြတ်မျဥ်းနှင့် နံပါတ် 7

🌍

Prev Next