MM Story Teller

Chapter 13

Viewers 1k

🐯Chapter 13

【ဒီမိချောင်းက မရက်စက်ဘူး: ငါ့ဘဝမှာစားခဲ့ဖူးသမျှထဲ ဒါကအရသာအရှိဆုံးဘဲ…】

【လေပြေအေးလေး:တင်ဆက်သူက လူသားလား... တကယ့်လူသားလား...လိမ်နေတာလား... ငါကဘာလို့ လူသားတစ်ယောက်ကြောင့်ကျေနပ်နေရတာလဲ... ငါကဘဲရူးသွားလာလား… ကမ္ဘာကြီးကဘဲ ရူးသွားတာလား( ;｀Д´) 】

【ပန်းရောင်စာအိတ်: မင်းတစ်ယောက်ထဲမဟုတ်ပါဘူး ._. 】

【သမင်လေး:ကောင်းကောင်းစားပါမယ်… ငါကစားဖိုမှူးတစ်ယောက်ဖြစ်နေတာ ဆယ်စုနှစ်တစ်ခုလောက်ရှိနေပြီ... အခုတော့ ငါက အသိအမှတ်ပြုထိုက်တဲ့သူတစ်ယောက်မဟုတ်ဘူးလို့ ထင်နေမိပြီ အား...】

ကုယွီမြန်တိုက်ရိုက်ထုတ်လွှင့်နေသည်မှာ တစ်နာရီကျော်ပြီဖြစ်ပြီး ကြည့်ရှူ့သူအရေအတွက်က ၁သိန်းခွဲအထိရှိနေကာ ဆက်၍မြင့်တက်နေဆဲပင်။ တစ်ယောက်ပြီးတစ်ယောက်ရောက်လာ၍ သူတို့၏မှတ်ချက်တစ်ခုချင်းစီအား ရှင်းလင်းစွာမြင်ရရန် ခက်ခဲလှသည်။ သူတို့တွင် ပြောစရာများစွာရှိနေခဲ့သည်။

ကြည့်ရှုသူ ၁သိန်းခွဲက 'စီးကရက်'၏စံချိန်အား ချိုးသွားခဲ့သည်။

စီးကရက်၏ ပုံမှန်ကြည့်ရှုသူက ပျမ်းမျှအားဖြင့် ၁သိန်းဝန်းကျင်သာရှိသော်လည်း သူ၏အများဆုံး ကြည့်ရှု့သူမှာ ၁သိန်း ၄သောင်းသာဖြစ်သည်။ တူညီသောအချိန်၊ တူညီသောအကြံပြုချက်၊ တူညီသော အစားအစာတိုက်ရိုက်ထုတ်လွှင့်မှုဖြစ်သော်လည်း စီးကရက်၏ကြည့်ရှုသူအရေအတွက်မှာ ၁သိန်းသာရှိသည်။

အဆုံးတွင် ကုယွီမြန်၏တုန့်ပြန်မှုမှာ...

တုန့်ပြန်မှုမရှိ။ -_-

ကြည့်ရှုသူအရေအတွက်များ တိုးလာသောအခါ ကုယွီမြန်၏မျက်လုံးထဲတွင် ကိန်းဂဏန်းများကိုသာမြင်ပြီး ဤအရေအတွက်နှင့် လူ ၁သိန်းခွဲ အား မဆက်စပ်မိချေ။ကုယွီမြန်မှာ တစ်ခဏမျှကြည့်ပြီးနောက် လူတိုင်းအား နှုတ်ဆက်၍ စီစဥ်ထားသည်များကို ဆက်လုပ်ခဲ့သည်။

"ဗိုက်ပြည့်သွားပြီလား...ဗိုက်ပြည့်ပြီဆိုရင် နားတော့နော်..."

သူက နှင်းကျားသစ်လေး၏ခေါင်းလေးကို ထိလိုက်သည်။

" ခဏနေရင် ငါတို့အသုပ်စားကြမယ်..."

နှင်းကျားသစ်လေးအား အသားကင်ကျွေးသောအခါ သူက ဘိုးဘေးလေးအားကြည့်ပြီး အနည်းငယ်စားခဲ့၍ ယခုအချိန်တွင် သူသည်လည်း ဗိုက်ပြည့်နေခဲ့သည်။ ကုယွီမြန်က နှင်းကျားသစ်လေးအတွက် သံပုရာရည်ဖျော်ပေးခဲ့သော်လည်း သူ့ကိုယ်တိုင်အတွက် ကော့တေးအနည်းငယ်ကို တိတ်တဆိတ်ရောခဲ့သည်။

ကြယ်တာရာခေတ်၏ ရမ်(အရက်)ကို သံပုရာသီး၊ ဆိုဒါတို့အပြင် ပူဒီနာနှင့်အပူပေးထားသော သကြားအရည်တို့ ပေါင်း၍ အကောင်းဆုံးကော့တေးအား ဖန်တီးခဲ့သည်။ အဆီများသော အသားကင်အနည်းငယ်စားပြီးနောက် ကော့တေးတစ်ငုံသောက်ရသည်က အရသာရှိလှသည်ဟု ထင်မိသည်။

နှင်းကျားသစ်လေးက သူ့အား သံသယဖြစ်စွာကြည့်၍ ခွက်၏အစွန်နားသို့ နမ်းကြည့်ပြီးနောက် ကုယွီမြန်၏ရင်ဘက်အား သူ့လက်ဖဝါးလေးဖြင့် တွန်းခဲ့သည်။

"သောက်ချင်လို့လား..."

ကုယွီမြန်က သူ၏့ခေါင်းကိုခါလိုက်သည်။

"မရဘူး အရက်သောက်တာက..."

နှင်းကျားသစ်လေးက အမှတ်တမဲ့သမ်းဝေလိုက်သည်။ ကုယွီမြန် တရားချနေစဥ်တွင် လူသား၏လက်ထဲရှိ သောက်စရာအား ကုယွီမြန်သောက်သွားခဲ့သည့်နေရာမှ တစ်ငုံသောက်ခဲ့သည်။ ထို့နောက် သူ အလွန်ပျော်ရွှင်နေတော့သည်။

နှင်းကျားသစ်လေးက အလွန်လျင်မြန်စွာ လှုပ်ရှားခဲ့ပြီး ကုယွီမြန်ပြန်၍ မယူနိုင်မီမှာပင် ကော့တေးအား သောက်သွားခဲ့သည်။

ရုတ်တရက် သူ့နှလုံးခုန်သံ စည်းချက်လွဲသွားရသည်။

နှင်းကျားသစ်လေးက ကြောင်မျိုးနွယ်ဝင်ဖြစ်သည်။ ရှေးခေတ်ကမ္ဘာတွင် အရက်သောက်မိခြင်းက ကြောင်များ၏အသည်းနှင့် ဦးနှောက်အတွက် မကောင်းပေ။အလွန်အကျွံ သောက်သုံးမိလျှင် သေစေနိုင်သည်။ ကုယွီမြန်မှာ ပြင်းထန်စွာနှလုံးခုန်၍ အသက်ရှုမဝဖြစ်ကာ အလွန်ထိတ်လန့်သွားရသည်။ အချိန်အတော်ကြာပြီးနောက် ယခုက ကြယ်တာရာခေတ်ဖြစ်ကြောင်း သူ နားလည်သွားသည်။

တိရစ္ဆာန်များ၏ခန္ဓာကိုယ်များမှာ ပြောင်းလဲလာခဲ့ပြီး ကြောင်များအား သေစေနိုင်သောအရက်က လုံးဝအန္တရာယ်မရှိတော့ပ။ သို့သော် သူက နှင်းကျားသစ်လေးအား အရသာမခံခိုင်းရဲပေ။

နှင်းကျားသစ်လေးက သူ့အား ထူးဆန်းသောပုံစံဖြင့် ကြည့်ခဲ့သည်။ တစ်ခဏမျှ တုံ့ဆိုင်းပြီးနောက် သူ၏လက်ဖဝါးလေးအားဆန့်၍ လူသား၏နဖူးအား ဖိလိုက်သည်။ သူ၏ခဲပြာရောင်မျက်လုံးများတွင် မမြင်နိုင်သော စိုးရိမ်ပူပန်မှုများရှိနေခဲ့သည်။

ကုယွီမြန်က လက်ဖဝါးလေးအား တင်းကြပ်စွာကိုင်ပြီး စိတ်သက်သာရာရစွာဖြင့် သက်ပြင်းချလိုက်သည်။

အဖြစ်အပျက်များက အလွန်လျင်မြန်စွာဖြစ်ပျက်ခဲ့ပြီး သူ၏ကြည့်ရှု့သူများမှာ နှင်းကျားသစ်လေး အရသာခံခဲ့သည့် ကော့တေးအကြောင်း ဆွေးနွေးနေခဲ့သည်။

【နူးညံ့သိမ်မွေ့တယ်: ကောင်းလိုက်တဲ့ဖျော်ရည်... အရမ်းသောက်လို့ကောင်းတာဘဲ... ဒါက ဘယ်လိုကော့တေးအမျိုးအစားလဲ…】

【အရပ်ပုတဲ့ သစ်ကုလားအုပ်: အခန်းဖော်က ငါကလူသားတစ်ယောက်ရဲ့ တိုက်ရိုက်ထုတ်လွှင့်မှုကိုကြည့်နေပြီး ပျော်နေတယ်လို့ ကြားတော့ သူက ငါရူးသွားပြီလို့ထင်နေတယ်…】

【တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး : အားး တင်ဆက်သူရေ... ငါသူ့ကို သွယ်ဝိုက်ပြီး အနမ်းပေးလိုက်ရတယ်…】

နှင်းကျားသစ်လေးက ကြက်သေသေသွားခဲ့ပြီး မျက်ဆံအရောင်က တဖြည်းဖြည်းလေးလံလာခဲ့သည်။ “…”

ကြည့်ရှုသူများက သူ၏ရှုထောင့်မှကြည့်နေကြောင်း သူ မေ့သွားခဲ့သည်။

"မင်းဒါကို သောက်လို့မရဘူး... အခုလေးတင် င့ါမှာ... ထားလိုက်ပါတော့ မင်း နည်းနည်းပဲ သောက်လို့ရမယ်..."

ကုယွီမြန်က သက်ပြင်းချ၍ ခေါင်းခါကာ စိတ်ကိုပြင်ဆင်ခဲ့သည်။ သူ ဖန်ခွက်အား အဝေးသို့ထား၍ အသုပ်အား စတင်ပြင်ဆင်သည်။

၎င်းက အသီးအရွက်သုပ်ဖြစ်ပြီး ကြောင်များက အသီးအရွက်များစွာစားရန် မလိုအပ်ပေ။

ထိုကြောင့် သူက ကြက်ရင်ပုံကို အဓိကထားပြီးဆလတ်ရွက်၊ ကြက်သွန်နှင့် မုန်လာဥတို့အား ရွေးချယ်ခဲ့သည်။ ပေါင်းစပ်ထားသောကြက်ရင်ပုံအား လှီးဖြတ်ပြီးနောက် ကုယွီမြန်က မီးသွေးအသစ်ထည့်ကာ ဘာဘီကျူးမီးဖိုပေါ်တွင် သံခွက်တင်၍ ကြက်သားအား စတင်ကင်ခဲ့သည်။

"ဒါက အသီးအရွက်သုပ်ပါ.."

ကုယွီမြန်မှ ရှင်းပြခဲ့သည်။

"အသီးအရွက်သုပ်က အားသစ်တိုးစေတယ်... အဆီများတဲ့အသားတွေ စားပြီးနောက် ဒါမှမဟုတ် အစာမစားခင်စားတာအတွက် ကောင်းတယ်.."

သံလွင်ဆီအား သံပြားပေါ်တွင် အနည်းငယ်လောင်းထည့်ပြီး ကြက်ရင်ပုံ၊ ဆားနှင့် ငရုတ်သီးကို ထည့်ခဲ့သည်။ကုယွီမြန်က မကြာမကြာလှည့်ပေးပြီးနောက် ကြက်ရင်ပုံ၏နှစ်ဖက်လုံးတွင် သံပုရာသီးရည်အနည်းငယ်ညှစ်၍ ရွှေရောင်သန်းသည်အထိ ပြုလုပ်ခဲ့သည်။

ဤလုပ်ငန်းစဥ်က အချိန်အတော်ကြာသော်လည်း ကြက်သားရင်ပုံအား ပုံမှန်ထက် လျင်မြန်စွာ ချက်ပြုတ်နိုင်ခဲ့သည်။ ကုယွီမြန်က ကြက်ရင်ပုံအား သံပြားပေါ်တွင်တိုက်ရိုက်ထုပ်ပိုးပြီး တစ်ခဏကြာတွင် ငရုတ်ကောင်းဖြူးခဲ့သည်။

ဆလတ်ရွက်၊ မုန်လာဥနှင့်ခရမ်းချဥ်သီးများကို ဆေးကြောပြီး လှီးဖြတ်ကာ စင်တီတုံးပေါ်တွင်တင်ထားပြီး ဖန်ပန်းကန်လုံးကိုလည်း အဆင်သင့်ပြင်ထားသည်။ ကုယွီမြန်က ကြက်ရင်ပုံအား သင့်လျော်သောအသီးအရွက်ပမာဏနှင့် အခြားဆော့စ်တစ်မျိုး ရောခဲ့သည်။

ထိုအချိန်တွင် ဘာဘီကျူးမြည်းစမ်းခြင်းပြီးဆုံးသွားပြီးနောက် မျက်နှာပြင်တွင်ပေါ်နေသော မှတ်ချက်များလည်း ငြိမ်သက်သွားခဲ့သည်။ ပုံမှန်သာစကားပြောပြီး အစားအစာတိုက်ရိုက်ထုတ်လွှင့်မှု၏ 'တိတ်ဆိတ်သော အခိုက်အတန့်'သို့ ဝင်ရောက်သောအခါ ကြည့်ရှုသူများသည်လည်း သေချာပေါက် လျော့ကျလိမ့်မည်။ အားလုံးပြီးနောက် ပုံမှန်အတိုင်းပြန်တက်လာပေလိမ့်မည်။

သို့သော် ကုယွီမြန်၏တိုက်ရိုက်ထုတ်လွှင့်မှုက ပြောင်းပြန်ဖြစ်ကာ သူ၏ကြည့်ရှုသူများမှာ ဆက်လက်တိုးနေဆဲပင်။

မြင့်မားသောကြည့်ရှု့သူပမာဏကြောင့် ကုယွီမြန်၏တိုက်ရိုက်ထုတ်လွှင့်မှုက 'နေ့တစ်နေ့၏အကျော်ကြားဆုံး'စာရင်းတွင်ရှိနေခဲ့ပြီး အကြုံပြုချက်အများဆုံးတစ်ခုလည်း ဖြစ်သည်။ ဦးဆောင်သူများ၏ကြော်ငြာဘုတ်တွင် တိုက်ရိုက်ထုတ်လွှင့်မှုများအား အဓိကမျက်နှာပြင်၌ ကျပန်းဖော်ပြထားပြီး ခေါင်းစဥ်သာမက တိုက်ရိုက်ထုတ်လွှင့်မှုနှင့် ကြည့်ရှုသူများလွယ်ကူစွာကြည့်နိုင်မည့် ဗီဒီယိုအတိုများလည်းပါဝင်သည်။

ကုယွီမြန်၏တိုက်ရိုက်ထုတ်လွှင့်မှုတွင် ပါသောအရာများက အလွန်ဆွဲဆောင်မှုရှိသည်။

၎င်းတွင်နားကွဲမတတ်ဆူညံသော သီချင်းသံများနှင့် မူးနောက်စေသော ကြော်ငြာများမပါဝင်ပေ။

—— ကောင်းကငက အလွန်လှပစွာတိမ်နီတောက်နေပြီး ပင်လယ်၏လေပြေလေညင်းလေးက နားကိုဖြတ်သန်းတိုက်ခတ်သွားသည်။ ဗီဒီယိုအတိုလေးထဲမှတစ်ဆင့် ကြည့်ရှုသူများက ကုယွီမြန်၏ပခုံးပေါ်တွင်ထိုင်နေသော နှင်းကျားသစ်လေးနောက်သို့ လိုက်ခံစားပြီး သူတို့၏နားရွက်များကို လူသား၏နူးညံသောဆံပင်နှင့်ထိကာ လူငယ်လေး၏အသက်ရှုသံနှင့်အတူ သူတို့၏နှလုံးခုန်သံသည်လည်း နှေး၍ နူးညံ့သောစည်းချက်ထဲသို့ဝင်ရောက်သွားသည်။

ကုယွီမြန်က သေချာစီစဥ်ထားသည်။ သူက ကြက်ရင်ပုံနှင့်အသုပ်ကိုသာ ချက်ပြုတ်သော်လည်း ၎င်းကလူတိုင်းကို ရင်းနှီးကျွမ်းဝင်သောခံစားချက်အား ပေးစွမ်းနေပြီး ကြည့်ရုံဖြင့်ပင် ပျော်ရွှင်စရာကောင်းလှသည်။

ဆယ်စက္ကန့်မျှကြာပြီးနောက်...

အစမ်းကြည့်ရှုသူများက မနေနိုင်တော့ဘဲ [တိုက်ရိုက်ထုတ်လွှင့်မှုအခန်း သို့ ဝင်ရောက်မည်]အား နှိပ်လိုက်ကြသည်။

"အသုပ်ထဲမှာရှိတဲ့ အသီးအရွယ်တွေက မင်းရဲ့အကြိုက်နဲ့ကိုက်လောက်တယ်..."

ကုယွီမြန်ကပြောနေလျက် ပန်းကန်လုံးထဲသို့ အသုပ်က်ို ထည့်ခဲ့သည်။

"အာ...ဆော့စ် သုံးလို့ရတယ်..."

နှင်းကျားသစ်လေးက လေးနက်၍ကြော့ရှင်းသောအမူအရာဖြင့် ကုယွီမြန်၏ပခုံးပေါ်တွင်ထိုင်ပြီး သူ့အားကျွေးလာမည်ကိုစောင့်နေခဲ့သည်။

ကုယွီမြန်က ကြက်ရင်ပုံနှင့်ခရမ်းချဥ်သီးအားယူ၍ နှင်းကျားသစ်လေးကို ပါးစပ်အပြည့်ကျွေးခဲ့သည်။ ပထမ နှင်းတွင် ကျားသစ်လေးက အသီးအရွက်စားရန် တွန့်ဆုတ်နေခဲ့သည်။ ပါးစပ်အပြည့်ခန့် နှစ်လုတ်စားပြီးနောက် သူ့မျက်လုံးများကို အနည်းငယ်ဖွင့်ခဲ့သည်။

——ဒီလိုစားတဲ့နည်းလမ်းမျိုးကို အရင်ကတစ်ခါမှမမြင်ဖူးဘူး…

ကင်ထားသောကြက်ရင်ပုံက ကြွပ်ရွ၍နူးညံ့ပြီး ခရမ်းချဥ်သီးအရသာနှင့်ရောလိုက်သောအခါ ဘာဘီကျသးစားပြီးနောက်ကျန်နေသော အဆီများသည့် ခံစားချက်အားဖယ်ရှားပစ်လိုက်သည်။

ဆော့စ်သည်လည်း နောက်ဆုံးပိတ်အကောင်းဆုံးဖြစ်ပြီး ကြက်ရင်ပုံနှင့် ခရမ်းချဥ်သီး၏ မညီညွတ်သည်အား ဖယ်ရှားပေးပြီး အရသာရှိစေသည်။

ကြယ်တာရာခေတ်တွင် အလွန်ရှုပ်ထွေးသည့် ချက်ပြုတ်နည်းများစွာရှိသည်။ ရှေးခေတ်ကမ္ဘာမှ ချက်ပြုတ်နည်းစာအုပ်များစွာ လက်ထဲရှိသော်လည်း ၎င်းတို့ရေးထားသည်မှာ လူသားအစားအစာများ ချက်ပြုတ်နည်းကိုဖြစ်သည်။ ရိုးရှင်းသောအရာများဖြစ်သည့် ဘာဘီကျူးနှင့်အသီးအရွက်သုပ်ကဲ့သို့သော အရာများက ပျောက်ဆုံးနေခဲ့သည်။

အသီးအရွက်သုပ်၏ အရသာအားစမ်းကြည့်ပြီးနောက် ကြည့်ရှုသူအသစ်အုပ်စုအား လုံးဝအောင်နိုင်သွားသည်။

【အဖြူရောင်မုန့်ချိုအိအိလေး : အ...အ... အရသာရှိတယ်... ငါကအသီးအရွက်တွေကို မကြိုက်ပေမယ့် အခုသူတို့ကိုစားရတာကောင်းနေတယ်…】

【နတ်ဘုရာတွေကိုချစ်တယ် : အရသာက အံ့သြဖို့ကောင်းတယ်။..အရမ်းလန်းဆန်းတက်ကြွစေပြီးတော့ နည်းနည်းလေးမှ မအီစေဘူး (>.<)~】

【လျန့်ဖုန်း: တင်ဆက်သူပြင်ဆင်နေတဲ့အချိန်က တည်းက မျှော်လင့်နေခဲ့တာ...ငါ့ကိုစိတ်မပျက်စေဘူးပဲ…】

【ပန်းရောင်စာအိတ် : ငါတောင်းပန်ပါတယ်... ငါကယဥ်ကျေးမှုမရှိပါဘူး... အရမ်းအရသာရှိတယ်လို့ပဲ ပြောနိုင်တော့တယ်…】

ကြည့်ရှုသူများက ချက်ချင်းပင် လက်ဆောင်များစတင်ပေးခဲ့ပြီး မှတ်ချက်များသည်လည်း တစ်ဖန်ပြန်၍ ဆူညံလာခဲ့သည်။

ထိုအချိန်တွင် ကုယွီမြန်က ကြည့်ရှုသူအရေအတွက်အားကြည့်ကာ အနည်းငယ် အံ့အားသင့်သွားခဲ့သည်။ ယခုက ပိတ်ရက်လူကြည့်များသည့်အချိန်အဖြစ်ကြောင်း သတိရပြီးနောက် သူက ပြောခဲ့သည်။

"လက်ဆောင်တွေအများကြီးမပို့ကြပါနဲ့... မင်းတို့ပေးချင်တဲ့စိတ်နဲ့တင် ရပါပြီ… လက်ဆောင်အများကြီး မလိုပါဘူး..."

လူတိုင်းက အများကြီး ထောက်ပံ့ပေးနေကြတာဆိုတော့ ငါ ဘာလို့များ နည်းနည်းလေယက် ပိုမလုပ်ပေးဘဲ နေရမှာလဲ…

ကုယွီမြန်က နှင်းကျားသစ်လေးအား အသီးအရွက်သုပ်ကျွေးရင်း စဥ်းစားပြီးနောက်ပြောလိုက်သည်။

"မင်းတို့ရဲ့တန်ဖိုးထားမှုအတွက် ကျေးဇူးတင်ပါတယ်...

ခဏကြာရင် ကြည့်ရှုသူတွေထဲက ဆယ်ယောက်ကိုရွေးပြီး သူတို့တစ်ယောက်ချင်းဆီကို အသီးအရွက်သုပ်ပို့ပေးပါမယ်..."

ထိုသို့ကြားရသောအခါ နှင်းကျားသစ်လေးက ရုတ်တရက်မပျော်မရွှင်ဖြစ်လာခဲ့သည်။ သူက ခဲပြာရောင်မျက်လုံးများဖြင့် ကုယွီမြန်အား မကျေမနပ်ကြည့်ခဲ့သည်။

ဒါက ငါ့အတွက်လုပ်ထားတာ မဟုတ်ဘူးလား... ကံစမ်းမဲနှိုက်တာက ဘာလဲ...

ကုယွီမြန် : ....

သို့သော် ကြည့်ရှုသူများနှင့် နှင်းကျားသစ်လေး၏ စိတ်အခြေအနေမှာ သေချာပေါက်ပြောင်းပြန်ပင်။ မျက်နှာပြင်တွင်ပေါ်သော မှတ်ချက်များက ပေါက်ကွဲထွက်လာပြန်သည်။

【တရုတ်ပြည်တောင်ဘက်ကကျားက ဘယ်တော့မှ ချိန်းမတွေ့ဘူး : အားးး တင်ဆက်သူလုပ်ထားတဲ့ ဟင်းတွေကိုစားနိုင်တော့မယ်...】

【တိမ်လေးတစ်ခုရှိတယ် : အရူး... နိုးထလိုက်တော့... လူ၁သိန်း ၇သောင်းထဲက ၁၀ယောက်ဘဲရွေးမှာ သိရဲ့လား..】

【Puff : ဘာလဲ...ဘာလဲ...ငါတကယ်ရချင်တယ် 555】

ကြယ်တာရာတိုက်ရိုက်ထုတ်လွှင့်မှုတွင် စည်းမျဥ်းရှိကြောင်း ကုယွီမြန်မသိခဲ့ပေ။ စည်းမျဥ်းအရ တိုက်ရိုက်ထုတ်လွှင့်မှုတွင် လက်ဆောင်များပေးသောလူများကကံစမ်းမဲပေါက်နိုင်ချေပိုများသည်။

ရလဒ်အနေဖြင့် လက်ဆောင်အမျိုးမျိုး၏ အထူးပြုလုပ်ချက်များက အလင်းမျက်နှာပြင်ပေါ်တွင် ပေါ်ပေါက်လာသည်။

ထို့နောက် လူတိုင်းက သူတို့၏အနိုင်ရနိုင်သည့် အခွင့်အရေးအားတိုးမြှင့်ချင်ကြသည်။

နှင်းကျားသစ်လေးက ပို၍မကျေမနပ်ဖြစ်လာခဲ့သည်။ လက်ဆောင်များ၏ အထူးပြုလုပ်ချက်များအား ကြည့်ကာ သူ့မျက်လုံးအား ကျဥ်းမြောင်းလိုက်သည်။ ခဏအကြာတွင် ကုယွီမြန်မမြင်နိုင်သောနေရာ၌ အလင်းမျက်နှာပြင်အားထုတ်ကာ နှင်းကျားသစ်လေးက အလင်းမျက်နှာပြင်ပေါ်မှ တစ်စုံတစ်ခုအားနှိပ်လိုက်သည်။

တစ်ခဏအကြာတွင်

——အလွန် ကျက်သရေရှိလှပသော အထူးပြုလုပ်ချက်က မျက်နှာပြင်ပေါ်တွင် ပေါ်ပေါက်လာသည်။ ပထမ မမီးရှူးမီးပန်းတစ်ခုပေါက်ပြီးနောက် ကြယ်များစွာစီးဆင်းကျလာသည်။

【 အသုံးပြုသူ 'ရှို့' က တင်ဆက်သူကုယွီမြန်အား မီးရှုးမီးပန်း ၁၀၀ လက်ဆောင်ပေးခဲ့တယ်။ ပလက်ဖောင်းမှ ကံစမ်းမဲအတွက် အစပျိုးပေးလိုက်ပါတယ်။ လူတိုင်းကို ကြိုဆိုပါတယ်】

ကုယွီမြန် : ဟင်…

မီးရှူးမီးပန်းတစ်ခုက ကြယ်ဒင်္ဂါး ၁သောင်းတန်ပြီး မီးပန်း တစ်ရာဆိုလျှင် ကြယ်ဒင်္ဂါး ၁မီလီယံဖြစ်သည်။

ကြည့်ရှုသူအားလုံးသည်လည်း အံ့အားသင့်သွားရသည်။

တာ့ခ်က အစွန်အဖျားရှိ ဂြိုလ်ငယ်တစ်ခုသာဖြစ်ပြီး ၎င်းသည်လည်း တာ့ခ်၏တိုက်ရိုက်ထုတ်လွှင့်မှုပလက်ဖောင်းတွင် ပထမဆုံးအကြိမ်အဖြစ်အပျက်ဖြစ်သည်။

'စီးကရက်'က အချိန်အတော်ကြာစောင့်နေခဲ့သည်။ သူက ကုယွီမြန်၏ အထူးအကြံပြုချက်မှ ဖယ်ရှားခံရမည့် သတင်းအားစောင့်ဆိုင်းနေစဉ် အချိန်ကြာလာသည်နှင့်အမျှ သူ့မျက်နှာက ဒေါသကြောင့်စိမ်းလုနီးပါးပင်။

သူ၏အကြံက ရိုးရှင်းသော်လည်း...

-----

နှင်းကျားသစ်လေးက ကုယွီမြန်အား ဖျက်ကနဲကြည့်လိုက်သည်။ ဤနည်းဖြင့် သူက ဆုအား နိုင်နိုင်ချေအရှိဆုံးသူဖြစ်သွားသည်။

အသုပ်ဆယ်ပွဲလုံးကိုတောင် ရနိုင်တယ်… ဒါကြောင့်...

ကုယွီမြန်မှာ ကွန်ပျူတာမျက်နှာပြင်အားကြည့်နေခဲ့ပြီး သူနားမလည်နိုင်သေးမီမှာပင် လက်ဆောင်၏အထူးပြုလုပ်ချက်များက ပေါ်နေဆဲဖြစ်ကာ မှတ်ချက်များကိုပင် မမြင်နိုင်တော့ပေ။

"ဒါက အရမ်းစျေးကြီးလွန်းတယ်.."

ကုယွီမြန်က ကြည့်ရှုသူမှာလက်တုန်၍ မှားယွင်းနှိပ်လိုက်မိမည်ကို စိုးရိမ်နေခဲ့သည်။

"စနစ်မှာ ပြသာနာရှိနေတာလား... မီးရှူးမီးပန်း တစ်ရာတောင်လား..."

【လျန့်ဖုန်း : ရိုးရိုးသားသားပြောရရင် ငါလည်း တင်ဆက်သူလိုဘဲ အံ့သားသင့်နေတယ် v(￣Д￣)v】

【အဖြူရောင်ဘမုန့်ချိုအိအိလေး : ဒါက တကယ့် အကောင်ကြီးဘဲ…】

【ယွီယွီရဲ့ဗိုက်ကမြည်နေတယ် : တင်ဆက်သူ မြန်မြန်လှုပ်ရှားသင့်တယ်... ငါမစောင့်နိုင်တော့ဘူး.. အရွက်သုပ်စားချင်တယ် အားး】

ကုယွီမြန်က အချိန်အတော်ကြာစောင့်နေခဲ့သော်လည်း ကြယ်ဒင်္ဂါး ၁မီလီယံအားနှိပ်ခဲ့သည့် ကြည့်ရှုသူမှာ ဘာမှပြောမလာပေ။

ကြည့်ရှုသူများ၏အမျိုးမျိုးသော တိုက်တွန်းမှုများကြောင့် ကုယွီမြန် သက်ပြင်းချကာ ကြည့်ရှုသူဆယ်ယောက်အားရွေးချယ်မည့်ခလုပ်ကို နှိပ်လိုက်သည်။

ရလဒ်ကို လျင်မြန်စွာပြသခဲ့သည်။

ကုယွီမြန်က အလင်းမျက်နှာပြင်အားကြည့်ပြီးပြောလိုက်သည်။

"ဂုဏ်ယူပါတယ်... တိမ်လေးတစ်ခုရှိတယ်၊ တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူးနဲ့ အသုပ်ရရှိသွားတဲ့ တခြားသူတွေ..."

အထူးပြုလုပ်ချက်များသက နောက်ဆုံးတွင် ပျောက်ကွယ်သွားပြီး ကံကောင်းသည့်သူ ၁၀ယောက်မှာ လူတိုင်း၏ မနာလိုမှုနှင့် အမုန်းကို ခံနေရသည်။

ကုယွီမြန် နာမည်တစ်ခုဖတ်လိုက်သည့်အချိန်တိုင်း

နှင်းကျားသစ်လေး၏ မျက်နှာသည်လည်း ပို၍မဲမှောင်လာသည်။

ငါက ဘာလို့မရတာလဲ...

🐯🐯🐯

ထွမ်ထွမ်လေး သနားပါတယ် စိတ်ကောက်တော့မယ်ထင်တယ်🤣

Prev Next