Chapter 27

🐯Ch 27

မိနစ်ဝက်အတွင်းမှာပင်…

ပန်ဒါလေးက နို့သောက်ပြီးသွားသောအခါ ပန်းကန်လုံးကိုချပြီး ကုယွီမြန်ဘက်ကို ဖြည်းဖြည်းချင်း ရွှေ့လာသည်။ ကုယွီမြန်က နှင်းကျားသစ်လေးကို သူ့ပခုံးပေါ်ထိုင်ခိုင်းလိုက်ပြီး ထန်ယွမ်လေးကို ကောက်ချီလိုက်သည်။

"ဗိုက်ပြည့်ပြီလား… မင်းဗိုက်ပြည့်ရင် ရေချိုးပြီး အနားယူကြရအောင်... ပြီးရင် အိပ်လို့ရပြီ…" 

ကြယ်တာရာမြို့တော်နှင့် တာ့ခ်တို့၏ ရာသီဥတုများက တူညီခြင်းမရှိဘဲ ယခုက ကြယ်တာရာမြို့တော် တွင် နွေရာသီဖြစ်သည်။ အခန်းထဲတွင် ဉာဏ်ရည်မြင့် စနစ်တစ်ခု ရှိသောကြောင့် အလွန်ပူနေသည်တော့ မဟုတ်ပေ။ ဤရာသီတွင် ကြမ်းခင်းပြတင်းပေါက်ဘေး၌ ဖျာခင်းပြီး အိပ်သည်က အကောင်းဆုံးပင်။ 

အေးခဲထားသည့် ဖရဲသီး၊ ပုစဉ်းရင်ကွဲများ ၊ တစ်ရေးတစ်မောအိပ်ခြင်း ၊ မီးရှူးမီးပန်းများ။ 

၎င်းတို့က ကုယွီမြန်၏စိတ်ထဲတွင် ပေါ်လာသည့် နွေရာသီနှင့်ဆိုင်သော အဓိကစကားလုံးများပင်။

"ဒီရာသီဥတုမှာ နေ့ခင်းဘက် တစ်ရေးတစ်မောအိပ်ရတာ အရမ်းအဆင်ပြေတယ်…အိပ်ပြီးရင် ညစာစားလို့ရတယ်…" 

ကုယွီမြန်က ပန်ဒါလေးကို ပွေ့ချီထားရင်း သူ့ခြေဖဝါးလေးကို ဆုပ်ကိုင်ရင်း ခပ်တိုးတိုးပြောသည်။

 "ဖရဲသီးစားချင်လား… မင်းစားချင်ရင် ကြယ်တွေကို ကြည့်ရင်း ညကျရင် စားကြမယ်နော်…" 

၎င်းက ပွေ့ဖက်မှုလေးသာဖြစ်သည်။ 

နွေးထွေးပြီး သန့်ရှင်း၊ လွမ်းဆွတ်ဖွယ်ကောင်းသော ရင်ခွင်တစ်ခု။ 

အစပိုင်းတွင် ပန်းကန်အလွတ်တစ်လုံးကိုသာ မျက်နှာမူထားသောကြောင့် အကြောင်းအရာက ပုံမှန်တိုက်ရိုက်ထုတ်လွှင့်မှုနှင့် မတူပုံရ၍ ကြည့်ရှုသူအများအပြားက တိုက်ရိုက်ထုတ်လွှင့်မှုအခန်းမှထွက်ရန် အဆင်သင့်ဖြစ်ခဲ့ကြသည်။ အကယ်၍ လူထက်ဝက်ကျော်ကသာ ထွက်သွားရန် ရွေးချယ်ခဲ့ပါက A-အဆင့် ပြန်လည်သုံးသပ်မှုက ၎င်းကို ရှုံးနိမ့်မှုအဖြစ် အလိုအလျောက် ရေတွက်သွားမည်ဖြစ်သည်။

ကုယွီမြန်က ပန်ဒါလေးကို ကောက်ချီလိုက်ပြီး သူ့နားထဲမှာ တိုးတိုးလေးပြောလိုက်သောအခါ သူတို့အားလုံး၏စိတ်ကို နတ်ဆိုးက ထိန်းချုပ်ထားလိုက်သလိုပင်။

'ထွက်မည်' ဟူသည့် ခလုတ်ကို မနှိပ်မီ သူတို့လက်များ ရပ်တန့်သွားကြသည်။

【အစ်မ ကျူးကျူး : ဟင် မင်းထွက်သွားချင်တယ်လို့​ပြောခဲ့တာမဟုတ်ဖူးလား...ပြန်ရုတ်သိမ်းလိုက်တာလား...ဟားဟားဟားဟား…】

【ငါး​ခြောက်စားရတာကြိုက်တယ်:​တောင်းပန်ပါတယ် ငငါ့လက်တွေမှာ သူ့စိတ်ကူးနဲ့သူရှိ​နေတာမလို့ အိုး...  】

【မီးရှူးမီးပန်းများ :အားးး ငါက နတ်ဘုရားမ 'တိမ်​လေးတစ်ခုရှိတယ်'ရဲ့ အကြံပြုချက်က​နေလာတာ... သူရဲ့တိုက်ရိုက်ထုတ်လွှင့်မှုကိုကြည့်ဖို့အတွက် ငါ တာခ့်ကို သွားခဲ့တယ်… သူ့မျက်နှာကိုမြင်တဲ့အချိန်က ရင်းနှီးတဲ့ခံစားချက်မျိုးရတယ်... မြန်မြန်က ကြယ်တာရာမြို့​တော်ကို ရောက်နေပြီ…အနာဂတ်ကိုစောင့်ကြရ​အောင် ဟားဟား…မင်းလည်း စွဲသွားလိမ့်မယ်...】

【ဂျူနီယာ ဘီ : 'မီးရှုးမီးပန်များ'မင်းဘာ​တွေ​ပြော​နေတာလဲ... စွဲသွားမယ် ဟုတ်လား…】

【တိမ်'ရင်ထိုး​သေး​သေး​လေး :ဒီတိုက်ရိုက်ထုတ်လွှင့်မှုက တကယ် ထူးထူးခြားခြားခံစားရ​စေတယ်..​.စောင့်ကြည့်လိုက်ဦးမယ်…】

တစ်ခဏမျှကြာပြီး​နောက် ​ရေချိုးရမည့်အချိန်သို့ ရောက်လာသည်။ ဤအိမ်တွင် ကုယွီမြန် အ​ကြိုက်ဆုံးမှာ ​ရေချိုးခန်းဖြစ်သည်။ ၎င်းက ကြီးမားပြီး ပိုလှ၍အလင်း​ရောင်ပိုရ​သည်။ သူ​ရောက်​သောအခါ ချက်ချင်းပင် 

ကိုယ်ပိုင်အသိဥာဏ်ရှိသည့် စက်ရုပ်ကို စီစဥ်ရန် 

ပို့လိုက်သည်။

"မင်း တစ်ရက်လုံး ပင်ပန်း​နေ​တော့မှာဘဲ..."

ကုယွီမြန်က ထန်ယွမ်လေးအား ချီထားသည်။

"ထန်ယွမ်လေးကို သက်​သောင့်သက်သာရှိ​အောင် ​ရေချိုး​ပေးမယ်နော် ... ထွမ်ထွမ်က ကူညီ​ပေးဖို့ ဒီမှာရှိ​နေပါတယ်... ပြီးရင် ထွမ်ထွမ်ဖို့ အချိုပွဲလုပ်​ပေးမယ်​နော်..."

ပန်ဒါ​လေး၏ မျက်လုံးဝိုင်းဝိုင်း​လေးက သိချင်စိတ်အပြည့်ဖြင့် ဘယ်ညာကြည့်​​နေသည်။ သူက ရေချိုးခန်း၏ ပတ်ဝန်းကျင်အား မုန်းသည့်ပုံမ​ပေါ်​ချေ။ သို့​သော် သူ၏လက်​ဖောင်း​ဖောင်း​လေးနှင့်​ ခြေ​ထောက်​လေးများက ကုယွီမြန်အား တင်းကြပ်စွာဖက်တွယ်ထားပြီး ​အောက်မဆင်းချင်​ပေ။

နှင်းကျားသစ်​လေးမှာ သူ့အား ကုယွီမြန်၏လက်​မောင်းထဲမှ ဆွဲထုတ်ချင်​နေသည်။ ၎င်းအား ကုယွီမြန် သတိထားမိသွား​သောအခါ သူက ဘာမှမဖြစ်သကဲ့သို့  အ​ဝေးသို့အကြည့်လွှဲ​သွားသည်။

ကုယွီမြန် : "...."

လူ့အဖွဲ့အစည်းတွင် အ​မွေးဖွာ​​သော ကုန်း​နေသတ္တဝါများစွာရှိသည်။ သဘာဝအတိုင်း သူတို့အများစုက ​ရေချိုးရန်ခုခံကြသည်။

ပထမအချက်မှာ သူတို့အား​ ရေချိုခြင်းက သက်​သောင့်သက်သာမရှိဟု ခံစား​စေရ၍ ဖြစ်သည်။ ဒုတိယအချက်မှာ  ကျဥ်း​မြောင်းပြီး​ မှောင်မဲ​သောပတ်ဝန်းကျင်က သူတို့အား ​လှောင်အိမ်အ​သေး​လေးထဲတွင်​ သော့ခတ်ခံထားရသဲ့သို့ ခံစားရ​စေ​သော​ကြောင့် မသိစိတ်မှ ခုခံကြသည်။

သို့​သော် ဤ​နေရာတွင် ကိစ္စမဟုတ်​ပေ။

ကုယွီမြန်​ ရေချိုးခန်းထဲ ဝင်လိုက်​သော​ကြောင့် ကြည့်ရှုသူများက ပတ်ဝန်းကျင်ရှိအရာအားလုံးကို မြင်နိုင်သည်။

အရောင်​မှိန်​သော​ရေချိုးခန်းတစ်ခု ဖြစ်သင့်​သော်လည်း

၎င်းက ကျယ်ဝန်း၍​ လင်းလဲ့​တောက်ပ​နေသည်။

ခပ်ဝါးဝါးမှန်မှ သဘာဝအလင်း​ရောင်ဝင်လာပြီး အ​​ရောင်မှာ ချစ်စဖွယ်​ကောင်း၍ နွေး​ထွေးကာ မ​ချော်​စေသောအခင်းခင်းထား၍ အစိုဓာတ်ကို မခံစားမိ​ပေ။​ မနက်​သော်လည်း ကျယ်ဝန်း​သော ရေချိုးကန်ကို ​ထောင့်တွင်ထားထားပြီး ထန်ယွမ်နှင့်နှင်းကျားသစ်​လေးကဲ့သို့ 

အ​ကောင်​ပပေါက်လေးများအတွက် ဒီဇိုင်းဆွဲထား​သော ပုံစံဖြစ်ပေသည်။

【အထီးကျန်တိမ်စိုင် : ငါ ဒီ​ရေချိုးခန်းဒီဇိုင်းကို ကြိုက်တယ်...】

【ဂျူနီယာ ဘီ: ငါ ဝန်​​​လေးနေ​ပေမယ့် အဲဒီမှာ ​ရေချိုးချင်မိတယ်... 】

ကုယွီမြန် မှတ်ချက်များအားကြည့်ပြီး ပြုံးလိုက်သည်။

"ယွမ်ယွမ်..."

သူက ပထမဦးစွာ လက်ဖြင့်​​​ရေအပြည့်ခပ်ပြီး ပန်ဒါ​လေးအား သူ၏လက်ဖဝါး​လေးဖြင့် အပူချိန်စမ်းခိုင်းသည်။

"​ရေအပူချိန်က ဘယ်လိုလဲ..."

ထန်ယွမ်​လေးက ကုယွီမြန်မှာ သူ့နှင့်​ဆော့​​နေသည်ဟု ထင်ခဲ့သည်။ သူက ပျော်ရွှင်စွာဖြင့် ကုယွီမြန်၏လက်ဖဝါးထဲသို့ ဘယ်​၊ညာလက်နှစ်ဖက်လုံးထည့်ကာ ​​ပျော်ရွှင်စွာ ​ဆော့​နေခဲ့သည်။

ကုယွီမြန် မ​​နေနိုင်ဘဲ ရယ်လိုက်မိပြီး အလျင်မလိုခဲ့​ပေ။​ဘေးမှာရှိသည့် နှင်းကျားသစ်​လေးမှာ အလွန်မ​ပျော်မရွှင်ဖြစ်​နေသည်။ သူက အကြိမ်​ပေါင်းများစွာ ထန်ယွမ်​လေး၏လက်ဖဝါး​လေးအားဖယ်ရန် ကြိုးစားခဲ့သည်။

မိနစ်ဝက်ခန့်ကြာပြီး​နောက် ထန်ယွမ်က ကုယွီမြန်၏ညာလက်အားကိုင်ပြီး ​ရေချိုးကန်ထဲသို့ ဂရုတစိုက်ဝင်ခဲ့သည်။

​ဘေဘီပန်ဒါ​လေး​ ရေထဲ​ရောက်​သောအခါ ​ရေက သူ၏ဗိုက်ဖြူဖြူ​လေးထိသာ ရှိသည်။ သူက လက်ဖဝါး​လေးဖြင့် ​ဗိုက်​ပေါ်သို့​ရေများတင်​​နေသည်။

ကုယွီမြန်က ​ရေချိုးကန်၏​ဘေးတွင် ​ခြေချိတ်ထိုင်​နေပြီး နှင်းကျားသစ်​လေးမှာ သူ့ပခုံး​ပေါ်တွင် နား​နေသည်။ ထို့​နောက် က​လေးနှစ်​ယောက်နှင့် စကား​ပြော​နေစဥ်တွင်

ပုဝါ​နွေး​နွေး​လေးကိုယူပြီး ပန်ဒါ​လေး၏အ​မွှေးနု​လေးများကို ပွတ်​ပေးနေသည်။

"အပြင်မှာ​ လေတိုက်​နေတယ်..."

ကုယွီမြန်​ ပြောလိုက်သည်။ သူ့လက်တစ်ဖက်တွင်

ပုဝါ​လေးအားကိုင်ပြီး အခြားတစ်ဖက်တွင် ​ရေ​​နွေး​​နွေး​လေးအား ကိုင်ထားသည်။

"ဒီ​​နေ့ ကြယ်တာရာမြို့​တော်ရဲ့ ​ကောင်းကင်က အရမ်း ပြာလဲ့နေတာဘဲ... ငါတို့ တရုတ်​ဘောလုံးပန်းတွေ ဥယျာဥ်ထဲမှာစိုက်ကြမယ်... သူတို့အနံ့ကိုရှုဖူးလား..."

​ရေချိုးခန်းမှာ အပြည့်မပိတ်ထား​​သောဒီဇိုင်း ဖြစ်သည်။ ၎င်းတွင် တစ်ဝက်ဖွင့် ပြတင်းကာများရှိ၍ အလင်းရသည်။​လေက တိုက်ခတ်လာပြီး ပြတင်း​ပေါက်မှ​လေဝင်ကာ အစိုဓါတ်အားလုံးကို ယူဆောင်သွားသည်။

ကြည့်ရှုသူများနှင့် ထန်ယွမ်က တူညီ​သောရှု​ထောင့်အားချိတ်ဆက်ထား၍ ယခုအချိန်တွင် အစားထိုးခံစားချက်မှာ အလွန်ပြင်းထန်နေသည်။

ကုယွီမြန်၏စကားလုံးများကြောင့် လူများစွာက သူတို့၏မျက်လုံးများ မပိတ်ဘဲမ​နေနိုင်ခဲ့​ပေ။ သူတို့၏နှာ​ခေါင်းထိပ်တွင် ​လေထဲမှပန်းရနံ့ရလာသည်ဟု ထင်ရသည်။သိသိသာသာပင် သူတို့မမြင်နိုင်သော်လည်း ဦး​နှောက်ထဲတွင် အ​ရောင်များ၊ အသံနှင့်အလင်း​ရောင်များဖြင့် ပြည့်​​နေသည်။

ခပ်ဝါးဝါးဖန်သား၏ အပြင်ဘက်တွင် အပြာ​ရောင်​ကောင်းကင်ရှိပြီး ပုစဥ်းရင်ကွဲများ၏အသံနှင့် 

 ​လေ​ပြေ​အေးတို့ရှိ၍ ပူအိုက်မွန်းကြပ်သည်ဟု မခံစားရ​ပေ။​ဘောလုံးပန်းများ၏ အနံ့သက လေထဲတွင် အရည်​ပျော်​နေပြီး​ နွေရာသီအား ပန်းရနံ့နှင့် အချစ်ဇာတ်လမ်းများပြည့်​နေ​ကာ စကားလုံးများနှင့် စာ​ကြောင်းများက ကဗျာဆရာ၏လက်ရာတွင် လျှံကျ​နေသည်။

၎င်းက ရေချိုးခြင်းဖြစ်​သည်မှာ သိသာသော်လည်း

သူတို့က မည်သည့်တောင့်တင်းမှုကိုမှ မခံစားရ​ပေ။

အမျိုးသားငယ်​လေး၏ စကားလုံးများဖြင့်ပင် လူတိုင်းက လေတိုက်​သော နွေရာသီ​နေ့လယ်ခင်းတွင် အိပ်ငိုက်လာကာ ​တစ်​နေ့တာလုံး စိတ်ကူးယဥ်မှုအမျိုးမျိုးဖြင့် ပြည့်​​နေသည်။

ထို့​​နောက် ​ရေစီးကြောင်းက သင့်​လျော်​သောအပူချိန်ဖြင့် ခန္ဓာကိုယ်​ပေါ်သို့ ကျဆင်းလာသည်။

တစ်ချိန်တည်းမှာပင် ဒိုင်လူကြီးများမှာ သူတို့၏မျက်လုံးများဖွင့်လိုက်မိသည်။

ပူ​​နွေး​သော​ရေဖြင့် အ​မွေးများစိုစွတ်သွားသည့် ခံစားချက်က လူတိုင်းအား လွယ်ကူသည်ဟု ခံစားရသည်။ ထိုလူသား​လေး၏လက်များက ​ရေစီး​ကြောင်းတစ်​လျှောက် နူးညံ့စွာဖိပြီး ထုံး​နေ​သောအ​မွေးများအား​ ရှင်းလင်း​ပေးသည်။ သူ၏နည်းလမ်းမှာ စိတ်ရှည်ပြီးနူးညံ့ကာ ​ရေက ပန်ဒါ​လေး၏​မေး​စေ့မှ ဗိုက်၊ ထိုမှတစ်ဆင့် နောက်​ကျောအထိစီးဆင်းသွားသည်။ စက္ကန့်တိုင်းမှာ သက်​သောင့်သက်သာရှိကာ ကြည့်ရှုသူများအား သက်​သောင့်သက်သာရှိ​​စေပြီး သူတို့၏မျက်လုံးများမှိတ်၍ သက်ပြင်းချမိ​စေသည်။

ဤကဲ့သို့​သော​လေထုတွင် ပန်ဒါ​လေးမှာ သူ၏မျက်လုံးများမှိတ်၍ အိပ်ငိုက်​​နေသည်။ သူက အချိန်ကြာလာသည်နှင့်အမျှ ကုယွီမြန်၏ လက်ဖဝါး​လေးအားဖိ၍ သမ်း​ဝေလိုက်သည်။ လက်ရှိအချိန်တွင် ခရီးတစ်​လျှောက်မှ အညစ်အ​ကြေးအားလုံးရှင်းသွားကာ သူ၏​မောပန်းနွမ်းနယ်မှုများကိုလည်း ​နောက်တွင်ချန်ထားရစ်ခဲ့သည်။

​လေထဲတွင် ​ရေချိုဆားအနံ့၊ ဘောလုံးပန်းနံ့နှင့် ကုယွီမြန်၏လက်​​ချောင်းများမှ ဝါးရွက်နံ့​ဖျော့​ဖျော့​ရော​နေသည်။

သူ၏အထိအ​တွေ့က အ​ဖော်ပြု​ပေးခြင်းနှင့်တူပြိီး လူတစ်​ယောက်လုံးအား သူ၏ရင်ခွင်ထဲတွင် ဖက်ထား​ပေးသကဲ့သို့ပင်။

သူက လူတိုင်း၏က​လေးဘဝတွင် လိုချင်ခဲ့သည့် အစ်ကိုကြီးတစ်​ယောက်ကဲ့သို့ပင်။

သူက သူတို့အား စွန်လွှတ်​ပေးခြင်း၊ ပင်လယ်ကမ်း​ခြေတွင် ခရုခွံများ​ကောက်ခြင်း၊​ တောင်တန်းနှင့် ကွင်းပြင်များတွင် ​ဆော့ကစားခြင်း၊ အိမ်အပြန်​တွင် ချီပိုးသယ်သွား​ပေးခြင်း၊ သူတို့​​မောပန်း​သောအခါ ​ကျောပိုး​ပေးခြင်းနှင့် သက်​သောင့်သက်သာရှိ​သော ​ရေ​နွေးပူပူအားချိုးရန် ကူညီ​ပေးခြင်းတို့ လုပ်​ပေးသည်ဟု ထင်မိသည်။

ဒိုင်လူကြီးများကလည်း ထိုအခိုက်အတန့်တွင် အဆုံးစွန် စိတ်​ကျေနပ်မှုအားခံစားရပြီး ​နောက်ပိုင်းအဖြစ်အပျက်သည် လုံးဝမ​မေ့နိုင်ရာပင်။

"​​ရေချိုး​ပြီးပြီဆိုရင် ပြတင်း​ပေါက်​ဘေးက အ​အအေးခင်းပေါ်မှာ ခဏအနားယူကြမယ်..."

ကုယွီမြန်က ငြိမ်သက်​နေ​သော နှင်းကျားသစ်​လေးအား နမ်းလိုက်သည်။

"မင်းနိုးလာတဲ့အခါ ညစာစားလို့ရပြီ... စားပြီးပြီးဆိုရင် ဖရဲသီး​ရေခဲနဲ့ ဖရဲသီး​ဖျော်ရည် သောက်နိုင်တယ်... စားဖို့စားပွဲခုံ​လေး​ ရွှေ့ကြရ​အောင်... ကြယ်တာရာမြို့​တော်မှာ 

အာရှာမေဂျာ ကြယ်စုကိုမြင်နိုင်တယ်လို့​ပြောကြတယ်... ငါတို့ရှာ​တွေ့နိုင်​လောက်လား..."

​ရေ​နွေးများဖြင့် ဝန်းရံခံထားရပြီး အပူချိန်က ​သွေး​ကြောထဲထိစီးဆင်းသွားပုံ​ပေါ်ကာ ယခုအချိန်တွင်ဆဲလ်တိုင်းကို သက်သာလာ​စေသည်။ ကုယွီမြန်၏လှုပ်ရှားမှုများက ​နှေး​ကွေးပြီး သူ၏​လေသံကလည်း ​နွေရာသီ​လေညှင်းထက်ပင်  ညင်သာသည်။ သူက အရာအားလုံးအား စနစ်တကျ စီစဥ်ထား၍ လူတိုင်းကသူ့အား မယုံကြည်ဘဲ မ​နေနိုင်​ပေ။

သူတို့ သူ့အ​ပေါ်  မှီခိုချင်လာသည်။ သူတို့က သူ၏့နောက်မှ​နေရာတိုင်းသို့လိုက်ချင်ပြီး အရာအားလုံးကို အတူတကွ ပြုလုပ်ချင်သည်။ နူးညံ့​သော​လေ​ပြေ​အေး​လေး​အောက်တွင်  စိတ်ကူယဥ်ဆန်​သော​နေ့လယ်ခင်းမှာ 

မကြာမီတွင် အဆုံးသတ်​တော့မည်ဖြစ်သည်။

သို့​သော် ရွှေ​ရောင်သန်း​သော ကျက်သ​ရေရှိသည့် ည​နေခင်းက နောက်မှလိုက်လာ​သော​ကြောင့် နှမျောစရာမ​ကောင်း​လှပေ။​ နွေရာသီအလယ်တွင် ပူပူ​နွေ​နွေးအစားအစာ၊ ကြယ်စုံ​သောည၊ ဖရဲသီး​​ရေခဲစိမ်နှင့် အဆုံးမရှိ​သောနား​ထောင်စရာများနှင့် ရှည်လျား၍စိတ်​ကျေနပ်စရာ​ကောင်း​သောအိပ်မက်တစ်ခု။

​​

ဒိုင်လူကြီးများမှာ ဆွံ့အသွားရသည်။

မှတ်ချက်များ​ပေါ်လာသည့်အထိ မိနစ်အနည်းငယ်ကြာသည်ကြာသွားသည်။

【ချောကလက်ချိုချဥ်: အာ အာ အာ ဝှက်သယ်ဖတ်… ဒါ ဘယ်လိုခံစားချက်မျိုးလဲ... ငါ အိပ်မ​ပျော်တဲ့​ရောဂါကိုခံစား​​နေရတာ အနှစ်၃၀ရှိပြီ… အခုကျ ငါအိပ်ငိုက်​နေတာလား…】

【ငါး​ခြောက်စားရတာကြိုက်တယ်: အရမ်းသက်​သောင့်သက်သာရှိတယ်... အကဲဖြတ်တဲ့စနစ်မှာ ဘာလို့ လက်​ဆောင်​တွေ​ ပေးလို့မရတာလဲ... ငါတကယ်ကြီးကို မီးရှူးမီးပန်း​တွေနဲ့ပစ်​ပေါက်ပြီး လူတိုင်းကို ဒီနတ်ဘုရား တင်ဆက်သူအစ်ကိုရဲ့ ထုတ်လွှင့်မှုအခန်းကိုကြည့်​စေချင်တယ်QAQ】

【တိမ်'ရင်ထိုး​သေး​သေး​လေး: လွန်ခဲ့တဲ့ဆယ်စုနှစ်​တွေတုန်းက ငါ့ရဲ့နွေရာသီဆိုတာကို လုံးဝဖြူ​ဖွေးသွားသလိုဘဲ... နွေရာသီလို့​ခေါ်ရ​အောင်ကို တန်ဖိုးမရှိခဲ့ဘူး...】

【ဂျူနီယာ ဘီ :ငါဝင်လာတဲ့အချိန်တုန်းက ဒါက Eအဆင့်အရည်အချင်းဖြစ်လိမ့်မယ်ထင်ခဲ့တာ... ငါကတင်ဆက်သူကို​လျှော့တွက်ခဲ့မိတာဘဲ သူက Sအဆင့်ဖြစ်သင့်တယ်...​သေစမ်း... ငါသူ့အတွက် ဒူး​ထောက်​နေပြီ… 】

【အိပ်မက်​တွေရဲ့ဇာတ်သိမ်းတစ်ခု : A အဆင့်​‌လောက်ကို အရည်အချင်းရှိတာပဲ… ငါ့လို အသက်၂၀၀ရှိတဲ့ အန်တီကြီးကို က​လေးတစ်​ယောက်လိုဂရုစိုက်ခံရတဲ့ ခံစားချက်ကို​ပေးလို့ ​ကျေးဇူးတင်ပါတယ်... ဒါက တကယ်အံ့သြဖို့​ကောင်းတယ်... သက်လတ်ပိုင်းအရွယ်မှာ ဆံပင်ဆုံးရှုံးတာ​တွေ... အိပ်မ​ပျော်တာ​တွေ ဖြစ်လာတယ်... အခုလိုမျိုးအပန်း​ပြေပြီး မပျော်ရွှင်ရတာကြာပြီ... ​ကျေးဇူးတင်ပါတယ်…】

ဒိုင်အယောက်တစ်ထောင်လုံးက ကြယ်တာရာမြို့၏ အသက်အရွယ်အမျိုးမျိုးနှင့် အဆင့်အမျိုးမျိုးမှ လာသည်။ ငယ်ရွယ်​သော အသက်ပြည့်​ကျောင်းသားများမှအငြိမ်းစားယူပြီး​နောက် လုပ်စရာမရှိသည့် စီနီယာများအထိ ပါဝင်သည်။

ပြည်သူလူထုအတွက် ဆုံးဖြတ်​ပေးရန်ခက်ခဲသည်မှာ လူများစွာက အမျိုးမျိုး​သော အသက်အရွယ်၊ အ​ထောက်အထားများ ရှိ​နေ​သော​ကြောင့်ဖြစ်သည်။ လူငယ်များက သီချင်းဆိုခြင်း၊ ကခုန်ခြင်းနှင့်ဂိမ်း​ဆော့ခြင်း စသည့်

တိုက်ရိုက်ထုတ်လွှင့်မှုများကို ကြိုက်နှစ်သက်ပြီး အမျိုးသမီးငယ်​လေးများက ​စျေးဝယ်ခြင်းနှင့် မိတ်ကပ်ပြုပြင်သည့်တိုက်ရိုက်ထုတ်လွှင့်မှုကို ကြိုက်နှစ်သက်ကာ ရုံးအလုပ်သမားများအတွက် ခရီးသွားလာသည့်တိုက်ရိုက်ထုတ်လွှင့်မှုကို ကြိုက်နှစ်သက်ကြသည်။ သို့​သော် ကုယွီမြန်၏ထုတ်လွှင့်မှုက အခန်းကဏ္ဍတစ်ခု ခွဲခြားရန်ခက်ခဲသောကြောင့် တိုက်ရိုက်ထုတ်လွှင့်သည့်သမိုင်းတွင် ပထမဆုံးအကြိမ် ဖယ်ထုတ်လိုက်ရသည့် ပြသာနာတစ်ခုဖြစ်လာသည်။ ၎င်းက အဟန့်အတား၊ အဆင့်အတန်းများ မပါဝင်ဘဲ လူတိုင်းက ဆက်စပ်နိုင်ပြီး ပြိုင်ဘက်ကင်း အ​တွေ့အကြုံအားခံစားနိုင်သည်။

အစပိုင်းတွင် ကုယွီမြန်၏တိုက်ရိုက်ထုတ်လွှင့်မှုအား မကြည့်ခဲ့ဘဲ Eအဆင့်​ ရလဒ်ပေးခဲ့သည့် ဒိုင်အချို့မှလွဲ၍ ကျန်ရှိသည့် ကိုးရာ​ကျော်က သတိထားပြီး​ တိုက်ရိုက်ထုတ်လွှင့်မှု၏အဆုံးအထိ ကြည့်ခဲ့ကြသည်။ လူ​ပေါင်း

၉၆၇​ယောက်တွင် လူအနည်းငယ်က Bအဆင့်​ပေးကာ၊လူ၆ရာကျော် Aအဆင့်​ပေး၍ ကျန်ရှိသည့် လူ ၂ရာ​ကျော်က သူ့အား Sအဆင့်​ပေးခဲ့သည်။

တရားဝင် တုန့်ပြန်ချက်အတွက် Sအဆင့်မှာ

အလွန်ဂရုတစိုက်နှင့် စနစ်ကျရသည်။ ပြည်သူများ၏တုံ့ပြန်မှုများက အသက်အရွယ်အားလုံးမှ လုပ်အား​ပေးသူများဖြစ်ပြီး သူတို့က ဝိုင်ယာများအ​ပေါ်တွင်လေ့ကျင့်ခဲ့၍ မြင့်မားသည့်ရလဒ်အား​ ပေးရန် မလွယ်ကူ​ပေ။

ကုယွီမြန်၏ 'အလွန်ရိုးရှင်း​သော'တိုက်ရိုက်ထုတ်လွှင့်မှုမှာ  အရည်အချင်းစစ်စနစ် စတင်တည်​ထောင်သည့်အချိန်မှစပြီး အမြင့်ဆုံးပျမ်းမျှရလဒ်ကို ရရှိခဲ့သည်။

🐯🐯🐯

ကိုယ်တို့အိမ်က မြန်မြန်လေးက အကြည်ဓာတ်လေးမို့ အကုန်လုံးက ဝိုင်းချစ်ကြတာ🥺