MM Story Teller

Chapter 28

Viewers 4k

🐯Chapter 28

အချက်လက်များ၏ရလဒ်ကို တရားဝင် စတားလိုက်ဖ်၏အဆင့်မြင့်စီမံခန့်ခွဲရေးများထံသို့ လျင်မြန်စွာဖြင့် ပေးပို့ခဲ့သည်။

နေ့လယ်ခင်းတွင် ကြယ်တာရာကောင်းကင်လိုက်ဖ်၏ စီအီးအိုဖန့်လဲ့နာတွင် လုပ်စရာများများစားစား မရှိပေ။ ထို့ကြောင့် သူမက တိုက်ရိုက်ထုတ်လွှင့်မှုများအား ကြည့်ရှုနေခဲ့သည်။ ထို့အချိန်တွင် သူမက လက်ခုပ်တီးပြီး ထရပ်လိုက်သည်။

"ရှောင်ကျန်းရေ..."

သူမ၏လက်ထောက်အား အသံကျယ်ကျယ်ခေါ်ပြီ လက်ပတ်ကွန်ပျူတာထဲရှိ မှတ်တမ်းတစ်ခုအားဆွဲထုတ်လုပ်သည်။

"ဝန်ထမ်းရေးရာဌာနကို သွားပြီး သူတို့ကို ကုယွီမြန်ကအစိုးရရဲ့ Sအဆင့် တင်ဆက်သူလုပ်ငန်းစဥ် တင်ပြတာမှာ

ကူညီပေးဖို့ တောင်းဆိုလိုက်..."

နှစ်ပေါင်းများစွာကြာ ဝါရင့်တစ်ယောက်ဖြစ်နေခဲ့သော ဖန့်လဲ့နာပင် ယခုချိန်၌ အနည်းငယ် စိတ်လှုပ်ရှားနေခဲ့သည်။ကြယ်တာရာမြို့တော်တွင် Sအဆင့်တင်ဆက်သူ မရှိခဲ့ပေ။ပထမဆုံး Sအဆင့်တင်ဆက်သူက သူတို့၏နာမည်အောက်တွင် ဖြစ်ခဲ့လျှင် သူတို့အလံအပေါ် အရောင်တင်လိုက်သလိုဖြစ်နေမည်မှာ သေချာသည်။

(T/N - ဒီမှာအရောင်တင်တယ်ဆိုတာ ဂုဏ်ရှိတာကိုပြောချင်တာပါ)

ရှောင်ကျန်းက အလွန်စိတ်လှုပ်ရှားနေခဲ့သည်။

"ကောင်းပါပြီ..တခြားတစ်ခုခု ခိုင်းချင်တာရှိသေးလား..."

ဖန်လဲ့နာ :"မြန်မြန်သွား...အိုး...နေဦး..."

ရှောင်ကျန်း :"..."

ဖန့်လဲ့နာက သူမ၏နှာခေါင်းကိုပွတ်ပြီး အနည်းငယ်ရှက်ရွံ့စွာဖြင့် ပြောလိုက်သည်။

"အာ ကုယွီမြန်ရဲ့လက်မှတ်ထိုးထားတဲ့ပုံ လိုချင်တယ်..."

ရှောင်ကျန်း :"..."

အားလုံးပြီးသွားပြီ... စီအီးအိုက ကြယ်တွေနောက်လိုက်နေပြီ...နောက်လဝက်နေရင် ယှဥ်ပြိုင်မယ့် တင်ဆက်သူပြိုင်ပွဲအတွက် ဘာလိုဦးမှာလဲ...

ကြယ်တာရာကောင်းကင်ကပဲ နိုင်လိမ့်မယ်…

-----

ထိုည ကိုယ်ပိုင်ဘလော့အငယ်စားတစ်ခုပေါ်တွင် တာ့ခ်၏စုစုပေါင်းလူဦးရေ ၇၀၀ မီလီယံရှိသည်။ ကြယ်တာရာမြို့တော်၏ လိုင်းကျပ်မှုမှာ မနှိုင်းယှဥ်နိုင်ပေ။ ကြယ်တာရာမြို့တော်၏ သာမန်လူတန်းစားနယ်မြေတစ်ခုထဲမှာပင်

လူဦးရေ ၃၀ဘီလီယံရှိသည်။ အချိန်တိုင်းမှာပင် လူတိုင်းက ကိုယ်ပိုင်ဘလော့အငယ်စားများကို ဖြတ်၍ပို့နေကြသည်။အိပ်ငိုက်သောလူများ နောက်ကျသည်အထိနေလေလေ အခြေအနေက ပို၍ပြင်းထန်လေလေပင်။

ရှောင်ဝမ့်ကလည်း တစ်ဦးအပါအဝင်ဖြစ်သည်။

သူမ နောက်ကျသည်အထိနေခြင်းမှာ အကျင့်ပါ၍မဟုတ်ဘဲ အိပ်မပျော်သောကြောင့်ပင်။ သူမ နည်းမျိုးစုံကြိုးစားကြည့်ခဲ့သည်။ အိပ်ဆေးများမှာ ပထမတွင်အသုံးဝင်ခဲ့သော်လည်း နောက်တစ်ရက် သူမ နိုးလာသောအခါ

မောပန်းနွမ်းနွယ်ခြင်းနှင့် အထိတ်တလန့်ဖြစ်ခြင်းများ ခံစားရသည်။ သူမနောက်တစ်ကြိမ် စမ်းမသောက်ချင်တော့ပေ။သူမက ဤအတိုင်းနေခဲ့ပြီး ၄နာရီ၅နာရီအထိ မအိပ်နိုင်ပေ။

နောက်နေ့ ၇နာရီတွင် အလုပ်တစ်ဖန်သွားရပြန်သည်။

"အိုး...ငါအရမ်းပင်ပန်းနေပြီ..."

ရှောင်ဝမ့်က အိပ်ယာပေါ်တွင်လှဲရင်းပြောလိုက်ပြီး သူမ၏ကိုယ်ပိုင်ဘလော့အသေးစားလေးအား ရည်ရွယ်ချက်မရှိ လျှောက်ပွတ်နေခဲ့သည်။

[Tucao V အကြောင်းတိုင်တန်းရတာကြိုက်တဲ့ အထူးကျောင်းသား ရှောင်မင်: ကိုယ်ပိုင်ဘလော့အငယ်စားအား မျှဝေလိုက်ပါတယ်... မင်းတို့ကောင်းကောင်းအိပ်ပျော်နိုင်ပါစေ...

[Video]]

ရှောင်ဝမ့် : "..."

သူမက ကံစမ်းမဲများကို မျှဝေခြင်း၊ ကံကောင်းမှုကိုမျှဝေခြင်းများအားကြားဖူးသော်လည်း အိပ်စက်ခြင်းကိုမျှဝေခြင်းမှာ…

လာနောက်နေတာလား…

သို့သော် ဤစာကြောင်းမှာ သူမ၏သိချင်စိတ်အား

ကုတ်ခြစ်နေခဲ့သည်။

အိပ်မပျော်တဲ့ရောဂါက အိပ်မပျော်တဲ့ရောဂါပဲပေါ့… မြင်းသေကို ဆေးခန်းပို့နေတာနဲ့ မတူဘူးလား...

သူမက နှိပ်ပြီးမျှဝေလိုက်သော်လည်း မည်သည့်အထူးဆက်တင်များ လိုအပ်ကြောင်းမသိပေ။ မျှဝေမှုပြီးနောက် ဗီဒီယိုက အလိုလျောက်စတင်လာခဲ့သည်။ ဗီဒီယိုအား ထုတ်လွှင့်ခဲ့သောသူမှာ ကြည့်ရှူသူများအား သူတို့၏ သုံးဘက်မြင်ကိရိယာကိုဝတ်ဆင်ရန် သတိပေးခဲ့သည်။

ဗီဒီယိုက မိနစ်၂၀ခန့်သာကြာသည်။ အစပိုင်းတွင် ရုပ်ပုံမှာ အနည်းငယ်ရှုပ်ထွေးနေသော်လည်း ရေသံကိုကြားလိုက်ရသည်။

ဒီလူငယ်လေးက လူသားလား...

ပထမပိုင်းတွင် ရှောင်ဝမ့်က အနည်းငယ်မလွယ်ကူစွာဖြင့် မျက်မှောင်ကြုံ့လိုက်သည်။

မကြာမီတွင် သူမ စဥ်းစားရန်အချိန်မရှိခဲ့ပေ။

အခြေအနေတိုးတက်လာခြင်းဘားတန်းက တဖြည်းဖြည်းရှေ့တိုးလာခဲ့သည်။

နူးညံ့သောအထိအတွေ့က ငှက်မွှေးလေးကဲ့သို့ပင်။ လေပူပူနှင့် ဘောလုံးပန်းများ၏ရနံ့က လေထဲတွင်သင်းပျံ့နေပြီး နွေရာသီ၏ကြယ်များနှင့်မီးရှူးမီးပန်းများက

လူငယ်လေး၏စကားလုံးများကို ဘောင်ခတ်ပေးနေသည်။

___

ရောင့်ရဲခြင်းနှင့် အပန်းပြေခြင်းမှာ သူမ၏ဦးနနှောက်အာရုံကြောများအဆုံးထိ တွားသွားတက်လာခဲ့ပြီး မောပန်းခြင်းနှင့်ဖိအားများကို အတူတကွရှင်းလင်းသွားသည်။

အဆုံးထိ မကြည့်ရသေးသော်လည်း ရှောင်ဝမ့်၏

မျက်ခွံများပြုတ်ကျလာပြီး အိပ်ချင်စိတ်ဖြစ်ပေါ်လာသည်။

"..."

၎င်းက လူတိုင်းနီးပါးအတွက် ကိစ္စဖြစ်သည်။ ထိုကိုယ်ပိုင်ဘလော့အငယ်စားက အကြိမ်ပေါင်းများစွာမျှဝေခံခဲ့ရသော်လည်း နောက်နေ့မနက်မတိုင်ခင်ထိ မှတ်ချက်အနည်း

သာရှိသေးသည်။ မှတ်ချက်အခန်းကဏ္ဍကို ကိုယ်တိုင်ကြုံတွေ့ခဲ့ရသည့်လူများထံမှ လွှမ်းမိုးခံလိုက်ရသည်။

【မတက်ကြွဘူး : အိပ်မပျော်တာ နှစ်နှစ်ဆယ်ရှိပြီ...ဒါကပထမဆုံးအကြိမ် ကောင်းကောင်းအိပ်နိုင်တာပဲ အား အား… 】

【ရည်မွန်တဲ့မြှောက်ပင့်သူ : ဝှက်သယ်ဖတ်… ငါကရယ်စရာတစ်ခုလိုထင်ခဲ့တာ ဒါပေမယ့် ငါ တကယ်ကြီး အိပ်ပျော်သွားတယ်… 】

【ထူထူက ပူတင်းစားရတာမကြိုက်ဘူး: ဒီအမျိုးသားက ဘယ်သူလဲ... ငါးမိနစ်အတွင်း သူ့နာမည်နဲ့ဖုန်းနံပါတ်လိုချင်တယ်...ငါချစ်မိသွားပြီ QAQ】

【ဘီးကုတ်လေး : တကယ်ကြီးလားဟ… စစချင်း လူသားတစ်ယောက်ကိုမြင်လိုက်ရတုန်းက ယုံလို့မရဘူးလို့ထင်လိုက်တယ်... ငါတစ်ခါမှ ထင်မထားခဲ့ဘူး... သူ့ကိုကြယ်တာရာကြယ်ရဲ့ သတင်းတွေထဲမှာလည်းရှာမတွေ့ခဲ့ဘူး... ဒါနဲ့ ငါ့နည်းပညာအစ်ကိုတွေကို ကြယ်တစ်ခုလုံးရှာပေးဖို့တောင်းဆိုလိုက်တယ်... ကြည့်ရတာ သူကတာ့ခ်ရဲ့ကျော်ကြားတဲ့တင်ဆက်သူတစ်ယောက် ဖြစ်ပုံရတယ်..】

【ပရေရီဇော်မွှားပန်း : တာ့ခ်လား... ဇာတ်လမ်းဆန်ဆန်လူတစ်ယောက်က သူ့ကို ကြယ်တာရာမြို့တော်ကိုလာဖို့ တောင်းဆိုလိုက်ပါ...အားး ငါ့ပိုက်ဆံတွေ အဆင်သင့်ဖြစ်နေပြီ…】

အချိန်အတော်ကြာပြီးနောက် မူရင်းဘလော့တင်သူက အခြားကိုယ်ပိုင်ဘလော့အငယ်စားတစ်ခုကို တင်လိုက်သည်။

[Tucao V အကြောင်းတိုင်တန်းရတာကြိုက်တဲ့ အထူးကျောင်းသား ရှောင်မင်: ဒီမှာ ထပ်လာပြီ ...သူကအကြိုလေးပဲတင်သေးတာ နောက်နှစ်ရက်ကြာမှတရားဝင်သတင်းကိုစောင့်ကြဦး [အိုခေ]]

ပိုစ့်တင်ပြီး ၅မိနစ်အကြာ၌ မှတ်ချက်များ ထောင်ချီရှိလာသည်။

ရှောင်ဝမ့်အပါအဝင် ထိုဗီဒီယိုအတိုလေးအား ကြည့်မိသူတိုင်းမှာ ဆူပွက်နေကြသည်။

-----

အခြားတစ်ဖက်တွင်…

စစ်ဆေးခြင်းပြီးသွားပြီးနောက် ရုံးက ကုယွီမြန်ထံ အခြားရလဒ်တစ်ခုပို့ခဲ့သည်။ ကုယွီမြန်က ရလဒ်များအားချက်ချင်းမကြည့်ဘဲ မှတ်ချက်များ၏တုံ့ပြန်မှုကိုကြည့်ပြီး မဆိုးဝါးကြောင်း သိလိုက်သည်။ ထို့ကြောင့် ရလဒ်အပေါ်အာရုံမစိုက်တော့ပေ။ သူက ထန်ယွမ်နှင့်နှင်းကျားသစ်လေးအားချီပြီး ကောင်းမွန်သော နေအလင်းရောင်ရှိသည့် ပြင်သစ်ပြတင်းပေါက်ဘေး ဖျာပေါ်တွင်လှဲပြီး ခဏအိပ်လိုက်သည်။

သူ့အတွက် နာရီနိုးစက်ချထားလိုက်သည်။ သူ နိုးလာသောအခါ ညနေရောက်နေပြီဖြစ်သည်။ နေဝင်ချိန်ကအလွန်လှပသောကြောင့် စကားပင်မဆိုနိုင်ပေ။

ပန်ဒါပေါက်စလေးက သူ့ရင်ခွင်ထဲတွင် အိပ်နေသည်။အချိန်ကြာလာသည်နှင့်အမျှ သူ၏လုံးဝန်းသောခေါင်းလေးမှာ ကုယွီမြန်၏လက်ဖဝါးထဲသို့ တိုးဝင်လာသည်။ သူက အလွန်အိပ်မောကျနေပြီး အိပ်မက်ယောင်နေသကဲ့သို့ မသဲမကွဲအသံလေးမှာ လည်ချောင်းထဲမှ ထွက်နေသည်။ နှင်းကျားသစ်လေး၏အိပ်စက်ပုံမှာ ပို၍ပင် အထက်စီးဆန်သေးသည်။ သူက ထန်ယွမ်လေးအား အဝေးသို့တွန်းထားပြီး ကုယွီမြန်ကိုဖက်တွယ်ထားသည်။ သူ့မသိစိတ်မှ ကုယွီမြန်၏လည်ပင်းကို ကိုက်ထားပြီး သူ၏ပိုင်နက်သတ်မှတ်ထားသကဲ့သို့ပင်။

ကုယွီမြန် :"....."

ငါ အိပ်နေတုန်းက လည်ပင်းယားနေရတဲ့ အကြောင်းအရင်းကို အခုနားလည်သွားပြီ...

"ညစာချက်ရမယ့်အချိန်ရောက်ပြီ..."

သူက ကလေးနှစ်ယောက်ထံမှ သူ့ခန္ဓာကိုယ်အား

ဂရုတစိုက်ဆွဲထုတ်၍ သူတို့အား စောင်ခြုံပေးလိုက်သည်။

"စကားမစပ် ငါတို့ဘာစားသင့်လဲ..."

အညောင်းဆန့်ပြီးနောက် ကုယွီမြန်မှာ သူ ကြယ်သင်္ဘောပေါ်မှဆင်းသည့်အချိန်က မြင်ခဲ့သည့်ကြော်ငြာအား ရုတ်တရက် သတိရသွားသည်။

ဝါးတောထဲတွင်ရှိသော အဖြူနှင့်အနက်ပုံစံက ပြည်သူလူထုနှင့်ဆိုင်သော ဝန်ဆောင်မှုတစ်ခု၏ကြော်ငြာဖြစ်သည်။ တိကျသော အချက်အလက်မရှိသော်လည်း ကုယွီမြန်မှာ ထိုအဖြူနှင့်အနက်ပုံရိပ်မှာ ပန်ဒါဖြစ်ကြောင်း ယုံကြည်ခဲ့သည်။ အွန်လိုင်းကြော်ငြာများကိုရှာကြည့်လျှင်

ထန်ယွမ်လေးအကြောင်း သဲလွန်စရနိုင်သည်။

သူ ကြယ်ကွန်ရက်သို့ချိတ်ဆက်ပြီးနောက် ဝင်လိုက်သည်။

"၂၄ ၏ ကြော်ငြာများ..."

ကုယွီမြန် စဥ်းစားကြည့်လိုက်သည်။

သူက ပထမ ပေါ်လာသည့်လိုင်းအားဖျက်ပြီး ပန်ဒါသို့ပြောင်း၍ရှာလိုက်သည်။

ကြယ်တာရာမြို့တော်တွင် ပြောင်းလဲမှုရှိနေမည်လား သိချင်မိသည်။ သို့သော် တာ့ခ်တွင်ကဲ့သို့ပင် သူ၏လက်ပတ်ကွန်ပျူတာထဲရှိ မှတ်ဉာဏ်တုမှ အေးစက်စွာပြောခဲ့သည်။

[တောင်းပန်ပါတယ်... ဤအပိုင်းကိုကြည့်ဖို့အတွက်

သင့်မှာခွင့်ပြုချက်မရှိပါဘူး...]

"အာ ကောင်းပါပြီ..."

ကုယွီမြန် အကူညီမဲ့သွားရသည်။

"၂၄၏ ကြော်ငြာများကို ရှာဖွေပါ..."

"၂၄၏ ကြော်ငြာများကို သင့်အတွက်ဖော်ပြပေးလိုက်ပါပြီ..."

အကြောင်းပြချက်အချို့ကြောင့် ကုယွီမြန် စိတ်လှုပ်ရှားနေရသည်။ သူ မျက်လုံးကိုမှိတ်၍ ပြန်ဖွင့်လိုက်သောအခါ အလင်းရောင်နှင့်အတူ...

[ဟီးရိုးရဲ့ကုန်ဆုံးခဲ့သောနှစ်က ဒီကြော်ငြာ၂၄ခုကို ထိပ်ဆုံးဒါရိုက်တာကရိုက်ကူးခဲ့ပါတယ်...လျစ်လျူရှုလို့မရဘူး…]

[ဒီဇိမ်ခံ ပစ္စည်းကြော်ငြာမှာ ကျော်ကြားတဲ့ မော်ဒယ်၂၄ယောက်ကိုသုံးထားပါတယ်]

[ကြော်ငြာတွင် အသုံးများသော ဘာသာစကား ၂၄မျိုး]

ကုယွီမြန် :"....."

အချက်အလက်များကို ဆက်ဖတ်လိုက်သောအခါ ကုယွီမြန် ကြက်သေသေသွားရပြီး အသုံးဝင်သော သတင်းမရှာနိုင်ခဲ့ပေ။

အမှန်တွင် ၎င်းက အံ့အားသင့်စရာမဟုတ်ပေ။ ကောအာရှစ်စစ်၏ အများပြည်သူဝန်ဆောင်မှု ဆိုင်ရာကြော်ငြာ်ကို တည်းဖြတ်ပြီး ကြယ်တာရာမြို့တောတွင် ပြသနေပြီဖြစ်သော်လည်း အဓိကဆွေးနွေးမှုများမှာ ကိုယ်ပိုင်ဘလော့အငယ်စားများပေါ်တွင် ရှိနေသောကြောင့်ပင်။

တိုက်ရိုက်ရလဒ်များကို အသုံးပြု၍ တရားဝင်စက်များပေါ်တွင်ရှာဖွေခြင်းက နှေးကွေးနိုင်သည်။

ချိတ်ဆက်နိုင်ရန်မှာလည်း မလွယ်ကူပေ။ ကုယွီမြန်မှာ

ယခုကဲ့သို့ လက်မလျှော့ချင်ခဲ့ပေ။ သူ စဥ်းစားကြည့်ပြီးနောက် ရိုက်ထည့်လိုက်သည်။

"၂၄၏ ဝါးတောထဲကကြော်ငြာ…"

[ကျောင်းပုရှင်းမှာရှိတဲ့ ၂၄ ဝါးတောက ကြော်ငြာအတွက် သန့်စင်မွန်မြတ်တဲ့နေရာဖြစ်လာလိမ့်မယ်…]

[ဝါးတောထဲမှာပြေးနေတဲ့ ခွေးနှစ်ကောင်ရဲ့ ကြော်ငြာနာမည်ကဘာလဲ...၂၄ရဲ့လွန်ခဲ့တဲ့လက CCTVမှာထုတ်လွှင့်တာ…]

[ထိတ်လန့်စရာဘဲ...၂၄နှစ်သက်တမ်းရှိ ဝါးတောကို

စားသောက်ကုန်ကြော်ငြာရိုက်ဖို့အတွက်လျှော့ချလိုက်တယ်တဲ့…]

ကုယွီမြန် :"...."

သူက "၂၄ အဖြူနှင့်အမဲကြော်ငြာ"သို့ ဝင်ကြည့်လိုက်သည်။

[လွန်ခဲ့တဲ့၂၄နှစ်လောက်က အဖြူအမဲဖလင်ကြော်ငြာ]

[လွန်ခဲ့တဲ့၂၄နှစ်ကျော်က အဖြူအမဲသုံးထားသည့်

ကြော်ငြာအားလုံးကို ပြန်လည်းစစ်ဆေးခြင်း]

ကုယွီမြန် :"...ထားလိုက်ပါတော့..."

သူ မီးဖိုချောင်ထဲသို့သွားပြီး အေပရွန်ကိုဝတ်ကာ ယနေ့ညအတွက် ပါဝင်ပစ္စည်းများကို စတင်ပြင်ဆင်ခဲ့သည်။ပြင်ဆင်နေသည့်အချိန် အတောအတွင်းပင် ရုတ်တရက် အခြားအတွေးရှိလာသည်။

-----

" ရှောင်းအေရေ..."

ကုယွီမြန်မှာ သူ၏လက်ပတ်ကွန်ပျူတာအား မြန်မြန်ပြောလိုက်မိသည်။

"၂၄ပန်ဒါကို ရှာဖို့ကူညီပေးပါဦး..."

တစ်စက္ကန့်ကြာပြီးနောက် ကုယွီမြန်၏နှလုံးမှာ သူ၏လည်ချောင်းထဲရောက်လုနီးပါးပင်။

နောက်တစ်စက္ကန့်တွင် သူ၏လက်ပတ်ကွန်ပျူတာမှတ်ဉာဏ်တုထံမဏ္ဍ အေးစက်စက်အသံထွက်လာပြန်သည်။

[တောင်းပန်ပါတယ်...ဒီအပိုင်းကို ကြည့်ဖို့အတွက်

သင့်မှာခွင့်ပြုချက်မရှိပါဘူး...]

ကုယွီမြန် သက်ပြင်းချလိုက်မိသည်။

"ကောင်းပါပြီးကျေးဇူးပါ... မင်း... အာ ဘာမှမဟုတ် တော့ဘူး... အဆင်ပြေပါတယ်..."

ရှောင်းအေ : "...."

ကုယွီမြန်မှ အခြားဖြစ်နိုင်ချေတစ်ခုအား စဥ်းစားမိလိုက်သည်။

သူက ပန်ဒါနှင့်ဆက်စပ်နေသော အခန်းကဏ္ဍများကို တိုက်ရိုက်ရှာဖွေရန် အခွင့်အရေးမရှိရုံသာမက သွယ်ဝိုက်ပြီးလည်း ရှာ၍မရနိုင်ပေ။ သူ ရှာဖွေသမျှ မည်သည့်ကိစ္စပင်ဖြစ်စေ မရနိုင်ပါဟုပြောပြီး ပန်ဒါများနှင့်ပတ်သတ်သည့် သတင်းများကိုအလိုလျောက်ပိတ်ဆို့ထားခြင်း ဖြစ်နိုင်ပေသည်။

ကုယွီမြန်က အခြားနည်းလမ်းများကိုလည်း တွေးထားသည်။ ဥပမာ ရဲများအား ပန်ဒါ၏ လက်ပတ်ကွန်ပျူတာကို တိုက်ရိုက်ဖွင့်ခိုင်းခြင်းဖြစ်သည်။ သို့သော် လက်ပတ်ကွန်ပျူတာတစ်ခုမှာ အလွန်အရေးကြီးသော ကိုယ်ရေးကိုယ်တာပစ္စည်းတစ်ခုဖြစ်ပြီး ခွင့်ပြုချက်မရှိဘဲ မဖွင့်သင့်ပေ။ ဖွင့်နိုင်လျှင်ပင် ၎င်းအတွက် လိုင်စင်ရရန်အထူးအကြောင်းပြချက်လိုအပ်သည်။ ကုယွီမြန် ဖော်ပြရမည့်မဖြစ်ရပ်မှာ ကို့ယို့ကားယားနိုင်ပြီး သက်သေမရှိပေ။ ထို့ကြောင့် လိုင်စင်ရရန်မှာ မဖြစ်နိုင်ချေ။

အခြားဥပမာမှာ ဖြစ်ရပ်တစ်ခုလုံးအား လိုင်းပေါ်တွင်တင်ပြီး အင်တာနက်အသုံးပြုသူများကို နည်းလမ်းစဥ်းစားခိုင်းရန်ဖြစ်သည်။ ၎င်းက ပို၍ဖြစ်နိုင်ချေရှိသည်။ ကုယွီမြန်

ထိုသို့ပြုလုပ်ရန်အကြိမ်များစွာ ဆွဲဆောင်ခံလိုက်ရသည်။

သို့သော် သူစိတ်တည်ငြိမ်သွားရသည်။

ထန်ယွမ် စိတ်မလုံမခြုံခံစားရသောအခါ သူ့ကိုယ်သူ လူသားတစ်ယောက်အဖြစ် ဖုံးကွယ်လိမ့်မည်။ ထိုအသွင်အပြင်က မတော်တဆမှုတစ်ခုမဟုတ်နိုင်ဘဲ ဤရလဒ်အတွက် အကြောင်းပြချက်ဖြစ်နိုင်သည်။

ကမ္ဘာပျက်ကပ်တွင် တိရစ္ဆာန်များ၏ ဆင့်ကဲဖြစ်စဉ်အတွင်း ပန်ဒါမျိုးနွယ်က ကိုယ်တိုင်ကာကွယ်နိုင်စွမ်းမရှိသောကြောင့် အဖိုးတန်သောအသွင်ပြင်များ သို့မဟုတ် စွမ်းရည်အချို့ ဆင့်ကဲပြောင်းလဲလာခြင်းဖြစ်ရမည်။ ထို့ကြောင့် အုပ်စုလိုက် မျိုးသုဉ်းသွားပြီးနောက် သားပေါက်များက အန္တရာယ်မကင်းဟု ခံစားရသောအခါ မျိုးနွယ်ကို အလိုအလျောက် ဖုံးကွယ်နိုင်သော စွမ်းရည်ရှိလာသည်။

ထို့ကြောင့်"ပန်ဒါများ"ကိုဝင်ကြည့်ရန်အတွက်

အထူးအဖွဲ့အချို့၏ ဝင်ခွင့်ကို ပိတ်ဆို့ထားခြင်းဖြစ်နိုင်သည်။

အဓိကအကြောင်းအရင်းမှာလည်း ကုယွီမြန်ခန့်မှန်းမိသကဲ့သို့ပင်။

အချို့လူများက ပန်ဒါများ၏ အထူးဝိသေသလက္ခဏာများကို စတင်တပ်မက်လာသောကြောင့် မျိုးနွယ်မှ သူတို့ကိုယ့်သူတို့ စတင်ကာကွယ်လာခဲ့သည်။ ထို့ပြင် ထန်ယွမ်လေးမှာ လိမ္မာသော ကလေးတစ်ယောက်ဖြစ်သည်။ ယခု ကုယွီမြန်မှာ သူ့အား အချိန်ပြည့်ဂရုစိုက်နိုင်ပြီး အထူးအခြေအနေများလည်း ရှိနေသေးသည်။

အင်တာနက်က ရှုပ်ထွေးသောပတ်ဝန်းကျင်တစ်ခု ဖြစ်သည်။ တစ်စုံတစ်ယောက်မှ ထန်ယွမ်အပေါ်တွင် စိတ်ဝင်စားလာလျှင် ကုယွီမြန်မှ ဖြစ်နိုင်ခြေများကို မစဥ်းစားရဲပေ။ သူ ပန်ဒါလေးကို ဂရုတစိုက် အာရုံစိုက်မှပိုကောင်းပေမည်။

အနာဂတ်တွင် တိုက်ရိုက်ထုတ်လွှင့်မှုအပေါ် အာရုံစိုက်သင့်သည်။ ယွမ်ယွမ်၏မျိုးနွယ်အား ကြည့်ရှုသူများ ရှာတွေ့ခွင့်မပြုလျှင် ပိုကောင်းပေမည်။

ကောင်းသည့်အချက်မှာ ယွမ်ယွမ်၏ရှု့ထောင့်မှာ ပျက်ကွက်နေခြင်းဖြစ်သည်။ ကုယွီမြန် ပြန်ဖွင့်ကြည့်ပြီးနောက် မည်သည့်လွတ်ပေါက်ကိုမှ မတွေ့ခဲ့ပေ။

ငါ ကြော်ငြာတွေခိုးကြည့်ဖို့ ကြယ်တာရာကောင်းကင် ကိုသွားရမှာပဲ...

ကုယွီမြန် အကူညီမဲ့စွာစဥ်းစားမိလိုက်သည်။

သူက ပါဝင်ပစ္စည်းများကိုပြင်ဆင်နေသောကြောင့် အတွေးထဲ နစ်မြုပ်နေသည်။ ရုတ်တရက် ငွေရောင်အရိပ်လေးက

ဟင်းချက်စားပွဲပေါ်ခုန်တက်လာပြီး ကုယွီမြန်၏ ရှပ်အင်္ကျီကိုဆွဲ၍ ပခုံးပေါ်တက်လာသည်။ နှင်းကျားသစ်လေးက သူ့ပခုံးပေါ်တွင် ခြေပစ်လက်ပစ်လှဲပြီး ပျင်းရိစွာသမ်းနေသည်။

"ထွမ်ထွမ်…မင်းနိုးလာပြီလား...ယွမ်ယွမ်ရော..."

ကုယွီမြန်က ခပ်ဖျော့ဖျော့သက်ပြင်းချပြီး ပြုံးလိုက်သည်။

နှင်းကျားသစ်လေး၏မျက်နှာမှာ သူ(ယွမ်ယွမ်)နှင့်ပတ်သက်ပြီးလုပ်စရာမရှိကြောင်း ပြသနေသည်။

ကုယွီမြန် တံခါးကိုကြည့်လိုက်သောအခါ ပန်ဒါလေးကည နှေးကွေးစွာဖြင့် မီးဖိုဆီသို့ တွားသွားလာနေသည်။ သူ့အားမည်သူက မြေပြင်ပေါ်သို့တွန်းလိုက်သည်မသိ လိပ်ကဲ့သို့ပတ်လက်လန်နေသည်။ သူ၏မျက်လုံးဝိုင်းဝိုင်းလေးက မျက်နှာကြက်ကို ဗလာဖြစ်စွာကြည့်နေသည်။

ကုယွီမြန် : "..."

သူက နှင်းကျားသစ်လေး၏ လည်ပင်းနောက်ကိုမ၍ အောက်ချလိုက်သည်။ သူ တံခါးထံသွား၍ ထန်ယွမ်လေးကိုချီကာ သူ့ကျောလေးကို ပုတ်ပေးလိုက်သည်။ ပန်ဒါလေးက သူ၏လက်ဖဝါးကို ချက်ချင်းဆုပ်ကိုင်၍ ပျော်ရွှင်စွာ တအီအီလုပ်နေသည်။ သူက ရူးကြောင်ကြောင်လေးနှင့်

ရိုးစင်းသောသတ္တဝါလေးဖြစ်သည်။

ကုယွီမြန် ၂ရက်၃ရက်ခန့် ပြေးလွှားနေရပြီးနောက် ညအချိန်တွင် မောပန်းလာသည်။ ညစာစားပြီးနောက် ကုယွီမြန်က ထန်ယွမ်လေးအား သူ၏လက်မောင်းထဲတွင်ချီထားပြီး နှင်းကျားသစ်လေးမှာ သူ့ပခုံးပေါ်တွင်ထိုင်နေသည်။ သူတို့ ကြယ်များကိုအတူတကွ ငေးကြည့်နေကြသည်။ ကုယွီမြန်က ထူးထူးဆန်းဆန်းပုံစံဖြင့် ပြောလိုက်သည်။

"ထွမ်ထွမ်က အခုတလော ပိုပိုပြီး ပုန်ကန်ထကြွနေတာမလား..."

ကုယွီမြန်က ကိစ္စတစ်ခုအား တွေးလိုက်မိသည်။

"ငါ ကြယ်တာရာမြို့တော်အောက်က ပထမဆုံးမူကြိုကျောင်းရဲ့ ဆရာဖန်းနဲ့ ချိန်းထားတယ်... မနက်ဖြန်ကြရင် ငါအားတာမို့ မင်းကိုခေါ်သွားပေးမယ်..."

ကြယ်တာရာမြို့တော်သို့ အလည်လာရခြင်းမှာ

ရည်ရွယ်ချက် ၃ခုရှိသည်။

ပထမအချက်မှာ ကြယ်တာရာကောင်းကင်၏ ၁၀ကြိမ်မြောက် အခမ်းအနားနှင့်ပြိုင်ပွဲတွင် ပါဝင်ရန်ဖြစ်သည်။ဒုတိယအချက်မှာ ပန်ဒါလေး၏မိသားစုဝင်များကို ရှာဖွေပေးရန် ဖြစ်သည်။ တတိယအချက်မှာ နှင်းကျားသစ်လေး၏ စွမ်းရည်နိုးထခြင်းပြသာနာအား ကြည့်ရှုရန် ဖြစ်သည်။ ကြယ်တာရာမြို့တော်သို့ မရောက်ခင်ကပင်

ကုယွီမြန်က အရာအားလုံးကို အစီအစဥ်ဆွဲထားခဲ့သည်။

ဆရာဖန်းတဲ့လား…

နှင်းကျားသစ်လေးက သူ့မျက်လုံးများကို ကျဥ်းမြောင်းလိုက်ပြီး တစ်စုံတစ်ခုအားစဥ်းစားနေသည်။

-----

နောက်တစ်နေ့တွင်

ပန်ဒါလေး လျှောက်ထွက်သွားသည်နှင့်တစ်ပြိုင်နက် သူက သူ့ကိုယ်သူ အလိုလျောက် လူကြီးတစ်ယောက်အဖြစ်ဖုံးကွယ်လိမ့်မည်။ သို့သော် ၎င်းက ခက်ခဲပေသည်။

ကုယွီမြန်မှ အိမ်၏လုံခြုံရေးစနစ်ကို ထပ်ခါထပ်ခါစစ်ဆေးပြီးနောက် နှင်းကျားသစ်လေးအား ခေါ်၍ထွက်သွားခဲ့သည်။

"ထွမ်ထွမ် ကြယ်တာရာမြို့တော်က တကယ်တိုးတက်ကြီးပွားတာပဲ..."

နှင်းကျားသစ်လေးက သူ၏လက်မောင်းထဲတွင် ချီထားပြီး ပြတင်းပေါက်အပြင်ဘက်သို့ ငုံ့ကြည့်ရန် ပြောလိုက်သည်။

"ဒီနိုင်ငံက ကောင်းကောင်း အုပ်ချုပ်ခံထားရပုံပေါ်တယ်..."

နှင်းကျားသစ်လေးက သူ၏အမြှီးကိုဝှေ့ယမ်းပြီး ခေါင်းမော့ကာ ကုယွီမြန်၏နားရွက်ကို ပွတ်လိုက်သည်။

ပေါက်ကရတွေ ဒါက ငါအုပ်ချုပ်နေတဲ့နိုင်ငံပဲလေ...

🐯🐯🐯

Prev Next