MM Story Teller

Chapter 31

Viewers 4k

🐯Chapter 31

ဗီလာထဲ၌…

ကောင်ငယ်လေးက သူ့လက်ထဲတွင် လက်ပတ်ကွန်ပျူတာအားကိုင်ထားသည်။ သူ့လက်ဗွေရာဖြင့် လော့ဖွင့်ပြီးနောက် အေးဂျင့်ထံမှ ဖုန်း‌ခေါ်ဆိုမှုရာချီအား ရုတ်တရက်တွေ့လိုက်ရသည်။ သူ့လက်ချောင်းအား ခေါ်ဆိုမှုခလုတ်ပေါ်တွင်

ခဏထားပြီး မနှိပ်မီ သူ့မျက်နှာတွင် တွန့်ဆုတ်မှုပေါ်လာသည်။

အခု ဒီကနေထွက်သွားသင့်ရဲ့လား…

သေချာတွေးတောကြည့်လျှင် သူ၏ ယခုအခြေအနေမှာ မတည်ငြိမ်သေးပေ။ သူ၏သားပေါက်ပုံစံအား မည်သည့်အချိန်တွင် ပြန်ပြောင်းမည်ကို မသိနိုင်ချေ။ ပြန်လည်ကောင်းမွန်ရန်အတွက် အချိန်ကြာနိုင်သည်။ သူ့မှတ်ဥာဏ်များပေါင်းစပ်လိုက်သောအခါ သူ့အဖေထံမှ ဥပုံစံကယ်ဆယ်ရေးအာကာသယာဉ်က ကြယ်သင်္ဘော၏

နောက်ဆုံးအသုတ် မငြိမ်သက်သောအခြေအနေနှင့် ဥပုံစံကယ်ဆယ်ရေးယာဥ်ဖြစ်သည်။

အခြား ကောမိသားစု၏ဆွေမျိုးများက အထက်တန်းလွှာနယ်မြေတွင် သူတို့၏ကိုယ်ပိုင်ကိစ္စများကို ပြုလုပ်နေပြီး သူတို့၏ဘိုးဘေးကို ရှာဖွေနေကြသည်။ သူ့မိဘများမှာလည်း ရှေးဟောင်းကမ္ဘာပေါ်တွင် အပျော်ခရီးထွက်နေကြရာ သူတို့နှင့် အချိန်တိုအတွင်း မတွေ့နိုင်သေးပေ။

သူ၏သားပေါက်အခြေအနေက မတည်ငြိမ်သည့်အပြင် သူ့တွင် ကိုယ့်ကိုကိုယ် ကာကွယ်နိုင်စွမ်းလည်းမရှိချေ။ အမှန်တွင် သူ၏အေးဂျင့်ရှိသော်လည်း သူ့ကိုယ်ပိုင်ကျန်းမားရေးနှင့် နှိုင်ယှဥ်ကြည့်လျှင် အေးဂျင့်မှာ သူထံပို၍ စိတ်ဝင်စားမှုပေးသင့်သည်။ သူ၏လက်ရှိအခြေအနေအား သိသွားလျှင်

အေးဂျင့်မှာ မည်သည့်အရာအား လုပ်လိမ့်မည်ကို သူ မတွေးတတ်ပေ။

အနည်းဆုံး သေချာသည်မှာ သူ၏အေးဂျင့်မှာ

ယခုအထူးကာလအား ငြိမ်းချမ်းစွာ ဖြတ်သန်းခွင့်ပြုမည်မဟုတ်ပေ။ ကုယွီမြန်၏ဘေးတွင်လည်း ဂရုမစိုက်စွာ ထားလိမ့်မည်မဟုတ်ပေ။

ထို့ပြင် အဓိကအရာမှာ...

ကုယွီမြန်အား ထားသွားရန်မှာ မလွယ်ကူပေ။ ကုယွီမြန်မှာ သူတို့၏ဘိုးဘေးဟု တစ်ရာ ရာခိုင်နှုန်း မသေချာသော်လည်း သူ့ကိုမထားခဲ့နိုင်ချေ။ သူ့အား တစ်ကိုယ်ကောင်းဆန်သည်ဟုလည်း ခေါ်နိုင်သည်။

ဘာမှမသိတဲ့ ငါ့ရဲ့သားပေါက်ပုံစံလေးကို မှီခိုတာ မှားသွားလား...

သူက ထိုသို့မထင်ပေ။

အချုပ်အားဖြင့်ဆိုရလျှင် အကောင်းဆုံးဖြေရှင်းချက်မှာ

ယခုချိန်၌ ကုယွီမြန်၏ဘေးတွင်နေပြီး အထက်တန်းလွှာနယ်မြေရှိ သူ၏မိဘဆွေမျိုးများနှင့် အဆက်သွယ်ရအောင်ကြိုးစားသင့်သည်။ ကုယွီမြန်နှင့် သူ၏အေးဂျင့် တွေ့သွားခြင်းမှလည်း ရှောင်ကျဥ်ရမည်။ ကုယွီမြန်၏ တိုက်ရိုက်ထုတ်လွှင့်မှုမှပရိသတ်များ သူ့ကို ရှာမတွေ့သွားလျှင် ပို၍ကောင်းမည်။ သူပို၍ တည်ငြိမ်လာသောအခါ နောက်တစ်ဆင့်အားထပ်သွားမည်။

အသက်၉နှစ်အရွယ်ကလေးလေးမှာ မြေပြင်ပေါ်တွင် လေးနက်သောမျက်နှာထားဖြင့် ထိုင်နေသည်။ သူ၏ချစ်စဖွယ်မျက်နှာလေးမှာ ဆူပုတ်နေပြီး မျက်ခုံးများတွန့်နေသည်။ ၅မိနစ်ခန့်ကြာပြီးနောက် သူ လိုအပ်သည့်အရာများအား ရှာဖွေလိုက်သည်။ ကလေးလေးက လျင်မြန်စွာထ၍ လက်ပတ်ကွန်ပျူတာအားယူကာ ဗီလာအတွင်းရှိ စောင့်ကြည့်ကင်မရာများ၏ မှတ်တမ်းကိုဖျက်လိုက်ပြီး

တစ်ချိန်တည်းမှာပင် လက်ပတ်ကွန်ပျူတာ၏ အလင်းမျက်နှာပြင်အား လေထဲတွင်ထားကာ သူ့လက်ချောင်းလေးများဖြင့် နှိပ်လေသည်။

တံခါးအပြင်ဘက်တွင် ခြေသံဖွဖွကြားလိုက်ရသည်။ တစ်ချိန်တည်းမှာပင် ကောင်ငယ်လေးက နောက်ဆုံးဖိုင်အား ထုတ်ပြီး အကောင်ပေါက်အရွယ်သို့ပြန်ပြောင်းရန် အချိန်ပြည့်သွားသည်။

မောပန်းနွမ်းနယ်မှုနှင့် အိပ်ငိုက်မှုမှာ သူ၏ဦးနှောက်ထဲသို့ လှိမ့်တက်လာသည်။

ဆယ်စက္ကန့်ကြာပြီးနောက်…

ခပ်ဝဝပန်ဒါပေါက်လေးမှာ နူးညံ့သောကော်ဇောပေါ်တွင် လှဲနေပြီး ထန်ယွမ် နှမ်းမုန့်လုံးလေးအဖြစ် မသိစိတ်မှ ပြောင်းလဲသွားသည်။ အိမ်စက်ရုပ်က သူ့အားဂွမ်းစောင်ဖြင့်

ဂရုတစိုက်ခြုံပေးပြီး နေ့လယ်ခင်းနေရောင်အားခံစေ၍ သူ့အားချစ်စရာကောင်းစေသည်။

"မင်း ဘယ်လိုလုပ်ပြီး ကြမ်းပေါ်မှာအိပ်နေတာလဲ..."

ကုယွီမြန်က ဧည့်ခန်းထဲသို့ဝင်လာပြီး ပန်ဒါလေးဘေးသို့သွားကာ သူ၏ခေါင်းလေးအား နူးညံ့စွာပွတ်ပေးသည်။

"ယွမ်ယွမ်က တကယ် အိပ်ပျော်နေတာပဲ..."

ကုယွီမြန်မှာ သူ့ဘဝက ဒရာမာဆန်ဆန် ပြောင်းလဲလုနီးပါးဖြစ်ခဲ့သည်ကို မသိရှိခဲ့ပေ။ ကံကောင်းထောက်မစွာဖြင့် အရာအားလုံးအဆုံးသတ်သွားသည်။ သူက နှမ်းလုံးထန်ယွမ်ဝတုတ်လေးအား ပွေ့လိုက်ပြီးနောက် အလိုလျောက်လော့ချထားသည့် လူကြီးသုံးလက်ပတ်ကွန်ပျူတာအား

မြေပြင်ပေါ်တွင် တွေ့လိုက်သည်။ ၎င်းက ထန်ယွမ် ပထမဆုံးရောက်သည့်အချိန်က ယူလာခဲ့သည့် လက်ပတ်ကွန်ပျူတာဖြစ်သည်။

ကုယွီမြန် :"..."

သူက လက်ပတ်ကွန်ပျူတာအားကောက်ပြီး ကြည့်လိုက် သော်လည်း မည်သည့်ကွဲပြားမှုကိုမှ မတွေ့ခဲ့ရ၍ ၎င်းအား အံဆွဲထဲသို့ ပြန်ထည့်ထားလိုက်သည်။

ထိုနေ့လယ်ခင်း၌…

နှင်းကျားသစ်လေးအား ကျောင်းမှကြိုပြီးနောက် အရာအားလုံးကို ပုံမှန်အတိုင်းလုပ်ဆောင်ကာ ကုယွီမြန်က ကြယ်တာရာကောင်းကင် ပလက်ဖောင်းသို့ဝင်လိုက်သည်။

ကြယ်တာရာမြို့တော်နှင့်တာ့ခ်မှာ ဆာဗာမတူကြပေ။ ကြယ်တာရာမြို့တော်အတွက် သူ၏အကောင့်ကို ကြယ်တာရာကောင်းကင်မှ အသစ်ပေးပို့ထားခြင်းဖြစ်သည်။ ယမန်နေ့မှတိုက်ရိုက်ထုတ်လွှင့်မှုအတွက် တစ်ခါသာအသုံးပြုရသေးသော်လည်း follow လုပ်သူများထောင်ချီ တိုးတက်လာခဲ့သည်။

ကုယွီမြန် စိတ်ရှုပ်ထွေးသွားရသည်။

"သူတို့ထဲကတစ်ဝက်ကတော့ တာ့ခ်ကဆိုတာသိတယ်... သူတို့ ဆာဗာကျော်လာကြတာလား... ကျန်တဲ့သူတွေကရော..."

ကုယွီမြန် လှည့်ပတ်ကြည့်လိုက်သည်။

အကောင့်အသစ်တွင် အေးဂျင့်ခေါင်းစဥ်ဖြင့် "သကြားခဲ သကြားခဲ" အမည်ရှိသောသူအား တွေ့ရသည်။ ခေါင်းစဥ်မှာ သူက ကြယ်တာရာကောင်းကင်၏တရားဝင်ဝန်ထမ်းဖြစ်သည်။ ကုယွီမြန်လိုင်းပေါ်တက်လာသည်နှင့် "သကြားခဲ သကြားခဲ"၏ ကိုယ်ရေးကိုယ်တာစာတိုရောက်လာသည်။

[သကြားခဲ သကြားခဲ : ဟယ်လို မြန်မြန်... ကျွန်တော်က ကြယ်တာရာမြို့တော်ရဲ့ ယာယီအေးဂျင့် သကြားခဲ သကြားခဲ ပါ... ကျွန်မကို အကြံဥာဏ်တွေပေးပါဦး=3=]

အသံအနေထားအရ ချစ်စဖွယ်ကောင်မလေးဖြစ်ပုံပေါ်သည်။

ကုယွီမြန်က အသံဖိုင်ပြန်ပို့လိုက်သည်။

"အင်း...သကြားခဲ သကြားခဲ… ဟဲလို ငါ့ကိုလည်းအကြံတွေပေးပါဦး..."

[သကြားခဲ သကြားခဲ :အားးးး မြန်မြန်က

ငါ့နာမည်ကိုခေါ်တယ်… အားးး ငါ့ဘဝကြီးက အသက်ရှင်နေရတာ ထိုက်တန်သွားပြီ… ]

ကုယွီမြန် : "...."

ထန်ယွမ်လေးမှာ အိပ်နေဆဲပင်။ နှင်းကျားသစ်လေးမှာ ကုယွီမြန်၏လက်မောင်းထဲတွင် အသိုက်ဖွဲ့နေရင်း မျက်နှာပြင်အား လှမ်းကြည့်လိုက်သည်။ သူက အနည်းငယ်မပျော်ရွှင်ဖြစ်သွားပြီး သူ့လက်ဖဝါးလေးဖြင့် ကုယွီမြန်၏ဆံပင်များကို ဆွဲဖီးလိုက်သည်။ ကုယွီမြန်မှာ လက်ဖဝါးလေးအားကိုင်ပြီး ဖျစ်လိုက်သည်။

သကြားခဲ သကြားခဲ မှာ နောက်ဆုံးစာကိုလျင်မြန်စွာဖျက်လိုက်သည်။

[သကြားခဲ သကြားခဲ:တောင်းပန်ပါတယ် ကျွန်မရဲ့

အမွှာညီမက ကွန်ပျူတာကို ခိုးကိုင်လိုက်လို့ပါ

စာပို့တာ ကျွန်မမဟုတ်ပါဘူး...]

[သကြားခဲ သကြားခဲ: မြန်မြန် ... ဒီနေ့ဆက်သွယ်ရတာက

လူကြီးမင်းကို ဗီဒီယိုတစ်ခုလုပ်စေချင်လို့ပါ... သာမန်တိုက်ရိုက်ထုတ်လွှင့်တာနဲ့ အတူတူပါပဲ… တိုက်ရိုက်ထုတ်လွှင့်တဲ့အချိန်မှာ ပြန်ဖမ်းထားပြီး နောက်ပိုင်း ပြုပြင်ပေးရမှာပါ... အဲ့ဒီဗီဒီယိုက "ကိုယ်စားလှယ် အလုပ်တစ်ခု"

ဖြစ်ပြီးတော့ လူထုကို မင်းလူသိများအောင်လုပ်ဖို့အတွက်အဆင်ပြေပါလိမ့်မယ်... ကြယ်တာရာကောင်းကင်က ဒီနေ့ည တရားဝင်ကြေညာပါလိမ့်မယ်...]

ကုယွီမြန် သူ၏ယခင်ဘဝမှ YouTube အားတွေးလိုက်မိပြီး ခေါင်းညိတ်လိုက်သည်။

သူ၏ တိုက်ရိုက်ထုတ်လွှင့်မှုဗီဒီယိုများမှာ အင်တာနက်ပေါ်တွင် ဖြန့်ဝေခံရခဲ့ဖူးသည်။ ၄င်းတို့ထဲမှ အချို့မှာအလွန်နာမည်ကြီးခဲ့သော်လည်း ပရိသတ်များ၏ရှုထောင့်မှ

ဖမ်းယူထားခြင်းက သူ၏ကိုယ်ပိုင်ထုတ်လုပ်မှုခန့် မကောင်းနိုင်ပေ။ ကြည့်ရှုသူများ စိတ်မဝင်စားလောက်သည့်

အရာများစွာလည်းပါနေသေးသည်။

[ကုယွီမြန် :ကောင်းပါပြီ... ဒီနေ့ညလုပ်ကြည့်လိုက်ပါ့မယ်...]

တိုက်ရိုက်ထုတ်လွှင့်ခြင်းနှင့် ဗီဒီယို ပြန်လည်ရိုက်ယူထားခြင်းမှာ တစ်ချိန်တည်းပြီးသင့်သည်။ ၎င်းတို့တွင် တူညီသောအကြောင်းအရာများ ပါဝင်လိမ့်မည်။

ပန်ဒါပေါက်လေးမှာ ကုယွီမြန်၏ပေါင်ပေါ်တွင် အိပ်ပျော်နေသည်။ ကုယွီမြန်မှာ နှင်းကျားသစ်လေး၏နားရွက်နောက်မှအမြှီးအထိ အမွှေးများကို ပွတ်သပ်ပေးပြီး စဥ်းစားနေသည်။

ဒီနေ့ည ငါဘာလုပ်သင့်သလဲ...

"နွေရာသီ ည..."

မကြာမီတွင် ကုယွီမြန် အကြံရသွားသည်။

တာ့ခ်မှ ယခုအချိန်အထိ သူ၏တိုက်ရိုက်ထုတ်လွှင့်မှုများမှာ အိမ်ထဲတွင်သာလုပ်ပြီး ကြည့်ရှုသူများမှာ အလှအပပင်ပန်းနွမ်းနွယ်မှုအား ခံစားရလိမ့်မည်။ ထို့ပြင် မနက်ဖြန်ပိတ်ရက်ဖြစ်၍ နှင်းကျားသစ်လေးမှာ ကျောင်းမသွားရပေ။

သူ အလုပ်ရှုပ်နေခဲ့သောကြောင့် အကောင်ပေါက်လေးများအား အပြင်ခေါ်၍ကစားပေးရန် အချိန်မရှိခဲ့ချေ။

ဒီအခွင့်ရေးကို ဘာလို့ အသုံးမချရမှာလဲ...

"ငါတို့တောင်တက် စခန်းချပြီး ပိုးစုန်းကြူးတွေကြယ်တွေသွားကြည့်ရအောင်... ထွမ်ထွမ်သွားချင်လား... ယွမ်ယွမ်ရော..."

ထန်ယွမ်လေးမှာ အိပ်ပျော်နေဆဲဖြစ်သော်လည်း ကုယွီမြန်မှ သူ့အား မေးခွန်းမေးနေသည်ကို မသိစိတ်မှသိလိုက်သည်။ သူက အလွန်နှစ်သက်စွာဖြင့် ငြီးတွားသံတိုးတိုးလေးထုတ်လိုက်သည်။ နှင်းကျားသစ်လေးမှ လူသားတွေးနေသည့်အရာကို မသိသော်လည်း သူ့အားအလိုလိုက်ပြီး

ပျင်းရိစွာသမ်းလိုက်သည်။

"ဒါဆို ဆုံးဖြတ်ချက်ချလိုက်ပြီနော်..."

ကုယွီမြန်မှာ စိတ်အားထက်သန်သောသူတစ်ယောက်ဖြစ်သည်။ အမှန်တကယ်တွင် ထိုကိစ္စကို သူယခင်က စဥ်းစားမိခဲ့သေး၍ ကြယ်တာရာမြို့တော်သို့ မလာမီတွင် တိတ်တဆိတ် စုံစမ်းကြည့်ခဲ့သည်။ ယခုအခါ သူခရီးထွက်တော့မည်ဖြစ်၍ ပစ္စည်းအချို့အား သယ်ရမည့်စာရင်းထဲသို့ထည့်လိုက်သည်။

ညနေ ၆နာရီတွင် ကုယွီမြန်မှ တိုက်ရိုက်ထုတ်လွှင့်မှုအား အချိန်မီဖွင့်လိုက်သည်။

မိနစ်ဝက်ခန့်မှာပင် ကြည့်ရှု့သူအရေတွက်မှာ တိုးလာပြီး မရေတွက်နိုင်သောမှတ်ချက်များမှာ မျက်နှာပြင်ပေါ်တွင် ပေါ်ထွက်လာသည်။

-----

ညနေ ၆နာရီ…

"ဟဲလို အားလုံးပဲ...ကျွန်တော်က ကုယွီမြန်ပါ..."

ကုယွီမြန်က ကင်မရာထံပြုံးပြပြီး အတိုချုပ်မိတ်ဆက်လိုက်သည်။

"ဒါက ကျွန်တော့်ရဲ့ ကလလေးလေးတွေ ရွှယ်ထွမ် နဲ့ ထန်ယွမ်ပါ... ကျွန်တော်တို့ကအခု ကြယ်တာရာမြို့တော်ရဲ့

တောင်တန်းတွေပေါ်မှာ ရောက်နေပါတယ်.. . မကြာခင် ညစာလုပ်ပါ့မယ်.."

ကုယွီမြန်မှာ ထန်ယွမ်လေးအတွက် ကိုယ်ရေးကိုယ်တာ ကာကွယ်မှုစနစ်အားဖွင့်လိုက်၍ ရှုထောင့်အားလုံး၏အောက်တွင် ကင်မရာမှာ သူ့အားရှောင်ကွင်းသွားပြီး ကြည့်ရှုသူများမှာ သူ၏ မျက်နှာနှင့်ခန္ဓာကိုယ်တစ်ခုလုံးအား

တွေ့ရလိမ့်မည်မဟုတ်ချေ။ ထို့ကြောင့် ကိုယ်ရေးကိုယ်တာဆိုင်ရာ ပြသာနာရှိလိမ့်မည် မဟုတ်ချေ။ ယနေ့ နောက်ဆုံးအကြိမ်အဖြစ် ပထမရှုထောင့်အား ထန်ယွမ်လေးထံသို့

ရွှေ့လိုက်သည်။

နှင်းကျားသစ်လေးမှာ ထုံးစံအတိုင်း ကုယွီမြန်၏ ပခုံးပေါ်တွင် ပေါ်လာပြီး သူ၏ရှည်လျားသောအမြှီးမှာ လူငယ်လေး၏ညှပ်ရိုးတစ်လျှောက် ဝှေ့ယမ်းနေသည်။

ပန်ဒါလေးက တောင်ထိပ်ပေါ်သို့တက်လာစဉ် ကုယွီမြန်၏ ပွေ့ချီထားခြင်းကိုခံထားခဲ့ရသည်။ သူ၏အမွေးပွပွခေါင်းဝိုင်းလေးကို ကုယွီမြန်၏ လက်ဖဝါးထံ ပျော်ရွှင်စွာပွတ်သပ်နေပြီး သူ့အမွေးများကို ချော့မွေ့အောင်ကူညီပေးသည်။ သူက နှင်းကျားသစ်လေးထံမှ ခြိမ်းခြောက်ခံရသည့်အချိန်မှသာ အဝေးသို့ခွာသွားသည်။

လေပေါ်ဝဲယာဥ်မှာ တောင်ခြေအထိသာ မောင်းနှင်နိုင်သည်။ ကုယွီမြန်မှာ နှင်းကျားသစ်လေးနှင့် ထန်ယွမ်ကြား ပြေလည်စေရန် ရင်ကြားစေ့ပေးနေသည်။ ကံကောင်းထောက်မစွာ ပျော်ပွဲစားအတွက် ချက်ပြုတ်ရန်အိုးများနှင့် ပါဝင်ပစ္စည်းများကို သယ်ဆောင်ပေးသည့် စက်ရုပ်ကလေးရှိသည့်အတွက် အလွန်မခက်ခဲခဲ့ပေ။

သူ တောင်ဘေးဘက်သို့ရောက်သောအခါ အလုပ်ကြိုးစားခဲ့ရသမျှ ထိုက်တန်ကြောင်း ရှာဖွေတွေ့ရှိသွားသည်။

ဘေးပတ်ဝန်းကျင်က အမှန်တကယ် အံအားသင့်ဖွယ်ကောင်းသည်။ ကျယ်ပြောသော ကောင်းကင်ကြီးမှာ သူတို့ရှေ့တွင် အတားအဆီးမရှိ ပေါ်လွင်နေသည်။ သူတို့ ငှားရမ်းလာသည့် ရေကန်ဘေးတွင် ယာယီတဲလေးအား ထိုးလိုက်သည်။ ညနေခင်းတွင် တောင်တန်းလေပြေက နွေရာသီလေအား သယ်ဆောင်လာသည်။

ယာယီတဲနှင့် အချက်ပြုတ်အိုးများကိုနေရာတကျထားပြီးနောက် ကုယွီမြန် မှတ်ချက်များကိုကြည့်ရန် အချိန်ပေးလိုက်သည်။

[ဂျူနီယာ ဘီ:သူနောက်ဆုံးတော့ လိုင်းတက်လာပြီ...ငါအကြာပြီး စောင့်နေခဲ့တာ... ဝိုး... အခုငါတို့ကအပြင်မှာလား...ရှူခင်းကလှလိုက်တာ...]

[ဘွဲ့လွန်စာမေးပွဲကိုဖြေပို့ အများကြီး ကြိုးစားအားထုတ်ခဲ့ရတဲ့ ခွေးလေး:ငါ့အမေက ငါ့ကို ဒါကြည့်ဖို့တွန်းအားပေးခဲ့တာ... ဒီတိုက်ရိုက်ထုတ်လွှင့်မှုက ဘာအတွက်လဲ... (ပြီးတော့ ငါ့အမေက တင်ဆက်သူကိုဆုချဖို့ သူ့ရဲ့ အနီရောင်နေဝင်ချိန် ညီအစ်မများအဖွဲ့ကို တောင်စုထားသေးတယ်)

ငါ့ရဲ့ ကမ္ဘာကြီးပေါ်အမြင်ကတော့ ပြိုကွဲတော့မယ်ထင်တယ်...]

[တိမ်လေးတစ်ခုရှိတယ်:တင်ဆက်သူရေ ကြယ်တာရာမြို့တော်ကနေကြိုဆိုပါတယ်... မီးရှူးမီးပန်းတစ်ခုပေးပြီး မင်းအားလုံးကို အကောင်းဆုံးလုပ်နိုင်ဖို့ ဆုတောင်းပေးပါတယ်...ဒါ ပျော်ပွဲစားထွက်ခြင်းနဲ့ တောင်တက်ခြင်းဆိုတာလား ကြားဖူးတာ ပထမဆုံးအကြိမ်ပဲ...]

[ဗိုက်ဆာတယ်: အရင်အိပ်မွေ့ချတဲ့ ဗီဒီယိုကနေပြီးတော့ အကြံပြုချက်ရလာခဲ့တာ... ဒါကိုရှာနေတာ ကြာပြီ... တိုက်ရိုက်ထုတ်လွှင့်မှုကိုကြည့်ပြီး ဒီညကောင်းကောင်းအိပ်နိုင်မယ်လို့ မျှော်လင့်ပါတယ်...]

[ကြောင်လေးရဲ့မြောင်: မြန်မြန်~မြန်မြန်~

ဒီနေ့ည ဘာစားရမှာလဲ...]

ယခုက ကြယ်တာရာမြို့တော်ပေါ်တွင် ပထမဆုံးအကြိမ်

တရားဝင်တိုက်ရိုက်ထုတ်လွှင့်ခြင်းဖြစ်သောကြောင့် ကြည့်ရှုသူအရေအတွက်မှာ ၅မိနစ်အတွင်း လျင်မြန်စွာတိုးတက်လာခဲ့သည်။ အမှန်တွင်မူ ကြယ်တာရာမြို့တော်မှာ ကျယ်ပြောသောဂြိုလ်ဖြစ်ပြီး ကုယွီမြန်၏တိုက်ရိုက်ထုတ်လွှင့်မှုမှာ ပထမဆုံးအကြိမ်ဖြစ်၍ လက်ရှိအချက်အလက်များအရ မည်သည့် အကြုံပြုချက်နေရာ(recommendation)တွင်မှ မပါရှိသေးပေ။

အချို့ကြည့်ရှူသူများမှာ တာ့ခ်မှ ဆာဗာကျော်ပြီး

ရောက်လာခဲ့ပြီး ယခင်"အိပ်မွေ့ချခြင်း"

ဗီဒီယိုမှ ပြည်သူလူထု ထောင်ပေါင်းများစွာအပါအဝင် ကြည့်ရှုသူများ၏ဆွေမျိုး မိတ်ဆွေများမှာလည်း ဆွဲဆောင်ခံလိုက်ရသည်။

"ငါတို့ ကြက်သူဖုန်းစားဟင်းနဲ့ စပါကလင်အသီးဝိုင်ကိုသောက်ကြမယ်..."

ကုယွီမြန်က နှင်းကျားသစ်လေး၏လက်ဖဝါးကိုကိုင်ထားပြီး ပန်ဒါလေး၏မေးစေ့ကိုကုတ်ကာ မှတ်ချက်များမှမေးခွန်းကို ဖြေပေးနေသည်။

"ယွမ်ယွမ်ကတော့ စားစရာတွေကို သိပ်အရသာမခံနိုင်သေးဘူးဆိုတော့ နို့ပဲများများသောက်ရမယ် ဟုတ်ပြီလား..."

[ဂျူနီယာဘီ : ဝိုး ငါတစ်ခါမှ ဒီဟင်းပွဲတွေကို မကြားဖူးဘူး…]

ထန်ယွမ်လေးမှာလည်း ပျော်ရွှင်စွာ ဝူးဝူးဝါးဝါးအသံပြုလိုက်သည်။ သူ၏ခေါင်းဝိုင်းဝိုင်းလေးမှာ ကုယွီမြန် နားကပ်ချင်သော်လည်း နှင်းကျားသစ်လေး၏ တွန်းထုတ်ခြင်း ခံလိုက်ရသည်။

ကုယွီမြန် အကူညီမဲ့စွာပြုံးပြီး ခေါင်းခါကာ ပါဝင်ပစ္စည်းများ စတင်ပြင်ဆင်ခဲ့သည်။

"ကြက်သူဖုန်းစားဟင်းက ကျွန်တော့်ရဲ့အမိမြေက ဟင်းတစ်ခွက်ပါ... အခုဆိုရင် လူအနည်းစုလောက်ပဲသိလိမ့်မယ်..."

ကုယွီမြန်က ရှင်းပြလိုက်သည်။

"ဒါက ရိုးရာဟင်းတစ်ခွက်ပါ... ဒါပေမဲ့ ပျော်ပွဲစားထွက်တာနဲ့ လိုက်ဖက်မယ်ထင်လို့..."

အဆုံးတွင် ၎င်းက ပျော်ပွဲစားထွက်ခြင်းဖြစ်ပြီး အချက်ပြုတ် ပစ္စည်းများမှာအိမ်မှာကဲ့သို့ မစုံလင်ပေ။ ကုယွီမြန် က ခရီးဆောင်မီးဖိုလေးအား ရေကန်ဘေးတွင် နေရာချပြီး ထိုင်ခုံငယ်လေးများကို ပစ္စည်းများတင်ရန် ဆက်လိုက်သည်။ အစားအသောက်ပစ္စည်းများပြင်ဆင်ရန် ပျော်ပွဲစားအခင်းပေါ်တွင် တင်ပျဥ်ခွေထိုင်လိုက်သည်။

သူက ကြက်တစ်လောက်လုံးအား အကြမ်းဖျင်း ချောမွေ့သွားစေရန် ရှာလကာရည်အဖြူဖြင့် နှပ်ထားပြီး အလယ်မှခွဲကာ အတွင်းကလီစာများ ထုတ်လိုက်သည်။

နုတ်နုတ်စင်းထားသောဝက်ဗိုက်သားကိုလည်း အဆင်သင့်ပြင်ထားသည်။ ကုယွီမြန်မှ အနံ့မွှေးစေရန် ဂျင်းအမှုန့်အနည်းငယ်ထည့်ပြီး မီးမွှေးကာ အိုးထဲသို့ ဆီထည့်လိုက်သည်။ ထို့နောက်လျင်မြန်စွာဖြင့် ယောက်ချိုကိုယူ၍

နုတ်နုတ်စင်းထားသော မှိုအား ဆီဖြင့်မွှေလိုက်သည်။ ဆားအနည်းငယ်ထည့်ပြီး ထပ်မွှေကာ ကြက်သား၏အလယ်အဟထဲသို့ ထည့်လိုက်သည်။

"ဒါကို လုပ်ရတာအရမ်းလွယ်ပါတယ်... ကြက်သွန်ဖြူနဲ့ငရုတ်ကောင်းလည်း ထည့်နိုင်တယ်... ဒါပေမဲ့ ကျွန်တော့်ကလေးတွေရဲ့ဗိုက်က အရမ်းစပ်တာ မခံနိုင်သေးလို့...

သူတို့အသက်ရှူကြပ်နိုင်တယ်..."

🐯🐯🐯

Prev Next