MM Story Teller

Chapter 97

Viewers 4k

🚩Chapter -97

Arc_5 . အရံအမျိုးသမီး ဇာတ်ကောင်၏ တန်ပြန်စနစ် [ 9 ]

____

လုံရှန်းအခြေစိုက်စခန်း ၊ ဗဟိုဗီလာစီရင်စု ၊ ဗီလာ ၂

ယန်ဝူဗီလာထဲသို့ ဝင်လာချိန်တွင် ဗီလာဧည့်ခန်းမအထဲထိုင်နေတဲ့ ယွမ်ဟွေ့နှင့် လုပ်ဖော်ကိုင်ဖက်များ၏ မျက်နှာ မြင်မကောင်းလောက်အောင် ကြည့်ရဆိုးနေတာကို တွေ့လိုက်ရ၏ ။

" ယွမ်ကော ၊ ဘာဖြစ်တာလဲ "

ယန်ဝူ အနည်းငယ် သံသယဝင်သလို ယွမ်ဟွေ့ကို ပေါ့ပေါ့ပါးပါးသာ မေးလိုက်၏ ။

" ဟင့်အင်း ၊ ဘာမှမဟုတ်ပါဘူး "

ယွမ်ဟွေ့၏ မျက်လုံးထဲတွင် အရိပ်အယောင်တချို့ဖြတ်သန်းသွားပြီး ယန်ဝူကို ဘာမှ မပြောချင်ကြောင်းထင်ရှားသည် ။ တစ်ဖက်တွင် ယန်ဝူကိုမြင်လိုက်သော ငယ်ရွယ်သည့် လူတစ်ယောက်က တစ်ခုခုပြောချင်သလို စိတ်လှုပ်ရှားစွာ သူ၏ ပါးစပ်ကို ဖွင့်လာခဲ့၏ ။ သို့သော် ယန်ဟွေ့၏ အဓိပ္ပါယ်ပါသော အကြည့်ကြောင့် ခေါင်းငုံ့ကာ နောက်ပြန်ဆုတ်သွားခဲ့သည် ။

တကယ်တမ်းတွင် ယန်ဝူမှာ ယန်ကျစ်ရှီ၏ လူယုံမှန်း အခြေစိုက်စခန်းတစ်ခုလုံးရှိ လူအားလုံးသိကြသည် ။ သူအမြဲတမ်း ယန်ကျစ်ရှီ၏ အမိန့်တို့ကို မျက်စိစုံမှိတ်လက်ခံခဲ့၏ ။

ယွမ်ဟွေ့ ဘာမှမပြောချင်တာကို တွေ့ရသောအခါ ယန်ဝူလည်း မေးမနေတော့ချေ ။ ယန်ဝူ ပုံမှန်အတိုင်းပဲ ဗီလာရဲ့ ဒုတိယအထပ်ကို လျှောက်သွားလိုက်၏။ ယန်ကျစ်ရှီ၏ အခန်းမှာ ဗီလာ ဒုတိယအထပ်၏ အတွင်းကျဆုံးနေရာတွင် ရှိသည် ။

ပုံမှန်အတိုင်းပင် ယန်ဝူ တံခါးအရှေ့၌ ရို့ရို့ကျိုးကျိုးရပ်ကာ တံခါးခေါက်လိုက်၏ ။

" ဝင်လာခဲ့ "

ယန်ကျစ်ရှီ၏ တစ်စုံတစ်ခု မသဲကွဲသော အသံကို တံခါးမှတစ်ဆင့် ကြားလိုက်ရသည် ။

ယန်ဝူတံခါးကို တွန်းဖွင့်ပြီး ဝင်လာခဲ့သည် ။ သူ့ကို မြင်လိုက်ရသောအခါ အခန်းထဲရှိ သူက အနည်းငယ် တောင့်ခဲသွားပြီး နောက်မှသာ ပျော်ရွှင်သော အမူအရာက သူမ မျက်နှာထက်တွင် ပေါ်လာခဲ့သည်။

" အားဝူ ရှင်ပြန်လာပြီပဲ "

တစ်ကြိမ်ပြန်မွေးဖွားလာပြီးသောအခါ စနစ်၏ ကူညီပေးခြင်းမှလွဲ၍ သူမ တစ်စုံတစ်ယောက်ကို မြင်လိုက်တိုင်း ယန်ကျစ်ရှီ သံသယဝင်နေရသည် ။ လက်ရှိတွင် သူမအကြွင်းမဲ့ယုံကြည်နိုင်သည့် တစ်ဦးတည်းသောသူမှာ ယန်ဝူပင် ။

" အင်း ၊ ကျွန်တော်ပြန်ရောက်ပါပြီ "

ယန်ဝူ သူ့ရင်ဘတ်ထဲမှ လက်ရေးမူမြေပုံကို ထုတ်လိုက်သည် ။

" ဒီမြေပုံက လုယယ် သုတေသနဌာနအပြင်ဘက်မှာ ကျွန်တော်ဆွဲလာတဲ့ မြေပုံပါ အဲ့မှာရှိတဲ့ အစောင့်တွေက အရမ်းတင်းကြပ်တာကြောင့် ကျွန်တော်အရမ်းနီးနီးကို သွားလို့မရခဲ့ဘူး ပြီးတော့ အဲ့မှာရှိတဲ့ ဒေါက်တာအယ်လ်ရဲ့ အချက်အလက်တွေကိုလည်း ကျွန်တော်မရခဲ့ဘူး "

"ရှင် အလုပ်ကြိုးစားခဲ့ပါတယ် "

ယန်ကျစ်ရှီ ပြုံးပြလိုက်ပြီး သူပေးလာသော မြေပုံကို ကြည့်လိုက်သောအခါ သူမ၏ မျက်ခုံးက တစ်ချက်တွန့်သွားခဲ့သည် ။ လုယယ်သုတေသနဌာနမှာ ဒေါက်တာအယ်လ်၏ အခြေစိုက်နေရာဖြစ်ပြီး စနစ်၏ အချက်လက်အရ ဒေါက်တာအယ်လ်မှာ ကမ္ဘာကြီး၏ လမ်းကြောင်းများကို မသိသော ရူးသွပ်နေသည့် သိပ္ပံပညာရှင်တစ်ဦးပင် ။ သူက လူရှေ့တွင် ပေါ်လာတာရှားပြီး သူ၏အချိန်တော်တော်များများကို ဓါတ်ခွဲခန်းတွင်သာ ရှိနေတာများသည် ။

ထိုသူမှာ လက်ရှိ ကမ္ဘာ၏အဆုံးသတ်ကို ဖန်တီးခဲ့သော ရူးသွပ်နေသည့်သူပင် ။ ပြီးနောက် သူမ၏ လက်ရှိတာဝန်က ဖုတ်ကောင်တို့၏ ဖခင် ဒေါက်တာအယ်လ်ကို တိုက်ခိုက်ရန် ဖြစ်လေ၏ ။

ဒါက လုံးဝကို မရိုးဖြောင့်တာဘဲ။

' အဲ့မှာ ဇာတ်လိုက်မတိုင်းအတွက် ကလိမ်ကကျစ်စနစ်ကြီးကရှိနေတာလား အွန်လိုင်းမှာ စောင့်နေတုန်းပဲ ၊ အရမ်းအရေးကြီးတယ် '

စနစ်က ဒေါက်တာအယ်လ်ကို တိုက်ခိုက်ဖို့အတွက် ရှင်းလင်းသော နည်းလမ်းကို မပေးခဲ့ပေ ။ဤတာဝန်အတွက် တစ်ခုတည်းသော သဲလွန်စမှာ host ၏ အနီးနား ဆယ်ကီလိုမီတာအတွင်း ဒေါက်တာအယ်လ်ပေါ်လာတိုင်း စနစ်က အလိုအလျောက် သတိပေးလာလိမ့်မည်။

ဒီရှုပ်ထွေးနေတဲ့ စနစ်အပြင်အဆင်က ဘာကြီးလဲ။

ကံကောင်းစွာဖြင့် ဤမစ်ရှင်၏ အချိန်အကန့်အသတ်က အလွန်ကြာပြီး ၁၀နှစ်ထက် မနည်းပေ ။ယခုတွင် ရလဒ်အတွက် ယန်ကျစ်ရှီ သိပ်စိတ်ပူမနေချေ ။

" မမလေး "

တစ်ဖက်တွင်ရှိသော ယန်ဝူက ယန်ကျစ်ရှီ၏ အတွေးများကို ကြားဝင်နှောင့်ယှက်လိုက်၏။

" ယွမ်ဟွေ့...သူတို့ တစ်ခုခုများ အမှားလုပ်ထားမိလို့လား ။ "

ယန်ဝူမှာ အတော်လေး ဉာဏ်ပြေးသောသူမဟုတ်သော်လည်း နောက်ဆုံးအခေါက်တုန်းက ယွမ်ဟွေ့၏အဖွဲ့ Sမြို့တော်သို့ လျှို့ဝှက် မစ်ရှင်ထမ်းဆောင်ရန် သွားကတည်းက မမလေး၏ သူတို့အပေါ်အပြုအမူက ပြောင်းလဲသွားတာကို သူခံစားနေမိခဲ့သည်။

" သူတို့..."

ယန်ကျစ်ရှီ၏ အကြည့်တို့က အနည်းငယ်အေးစက်သွားခဲ့သည် ။ ပုံမှန်အတိုင်း ယွမ်ဟွေ့နှင့်သူ့လူများကို ယန်ယွီကို ရှာဖို့ သူမစေလွှတ်ခဲ့သည် ။ အဘယ်ကြောင့်ဆိုလျှင် ယန်ဝူမှအပ သူမဘေးရှိ အသင့်တော်ဆုံးလက်ထောက်မှာ ယွမ်ဟွေ့ပင် ။ ကံမကောင်းစွာဖြင့် ယွမ်ဟွေ့က သူမကို စိတ်ပျက်စေခဲ့သည် ။ သူက ယန်ယွီကို ပြန်မခေါ်လာနိုင်ရုံသာမကဘဲ ယန်ယွီက ဖုတ်ကောင်များထံတွင် အသတ်ခံလိုက်ရပြီဟုပင် သူကပြောလာခဲ့၏ ။

သို့သော် စနစ်က ယန်ယွီ အသက်ရှင်နေဆဲဟု ရှင်းရှင်းလင်းလင်း ယန်ကျစ်ရှီကို ပြောကြားခဲ့သည်။

သေချာပေါက်ပင် ယွမ်ဟွေ့နှင့် သူ၏လူများက မယုံကြည်ရပေ ။

အတိတ်ဘဝတွင် သူတို့ ချူးဖေးယန်၏ ဘက်၌ ရှိစဥ်အခါက သူမကိုပင် အထင်အမြင်သေးခဲ့သေး၏ ။ ထို့ကြောင့် သူတို့ကို သူမအခွင့်အရေးမပေးပေ ။

" အားဝူ ၊ ကျွန်မ ရှင့်တစ်ယောက်ထဲကိုပဲ ယုံလို့ရတယ် ရှင်တစ်ယောက်ထဲကသာ ကျွန်မကို အမြဲတမ်း သစ္စာမဖောက်မဲ့သူဘဲ "

ယန်ကျစ်ရှီ ဝိုးတဝါးတီးတိုးပြောလိုက်ပြီး သူမ မျက်နှာပေါ်ရှိ အမူအရာက ရှုပ်ထွေးလာခဲ့သည်။

အမြဲတမ်းလား ။

ယန်ဝူ သူ့အကြည့်တို့ကို အနည်းငယ်အောက်ချ ထားလိုက်သည် ။ သူမပြောသည့် အမြဲတမ်း ဟူသော အဓိပ္ပါယ်မှာ သူမ၏ဘေးတွင် အရည်အချင်းရှိသောနောက်လိုက်အနေနဲ့သာ ဖြစ်ကြောင်း ယန်ဝူသိလိုက်သည် ။

ဤနေရာရှိ အမြဲတမ်းမှာ အချစ်ဟူသော အရာနှင့် ဘာမှမသက်ဆိုင်ပေ ။

တကယ်တမ်းတွင် ယန်ကျစ်ရှီ၏ သူ့အပေါ်အပြုအမူများကို ယန်ဝူနားလည်သည် ။ ကမ္ဘာပျက်ကပ်မတိုင်ခင်က သူမရဲ့သူ့အပေါ် လျစ်လျူရှုမှုကို ထားဦးတော့ ကမ္ဘာပျက်ကပ်နောက်ပိုင်းတွင် သူ့အပေါ် သူမ၏ ရုတ်တရက် အကြွင်းမဲ့ယုံကြည်လာမှုတို့က ယန်ဝူ သူ့နေရာသူကောင်းကောင်းသိလာစေသည်။

ယန်ကျစ်ရှီက သူ့ကို ဘယ်တော့မှ ချစ်လာမည် မဟုတ်ပေ ။ ဘယ်တော့မှ ။

သို့သော် သူမကို သူချစ်သည် ။

လွန်ခဲ့သောအချိန်အကြာကြီးကတည်းက သူမကို သူချစ်ခဲ့သည် ။ထို့ကြောင့် သူမကို သူဒီအတိုင်း တိတ်တဆိတ်သာ စောင့်ကြပ်ပေးရမည်ဆိုလျှင်တောင် သူအခက်အခဲတို့ကို ကျေကျေနပ်နပ်ကြီး သည်းခံမည်ဖြစ်သည် ။

" အဲ့ဒါ အမှန်ပါပဲ "

သူ့ အတွေးတို့ကို အဝေးတွင်သာ ဖယ်ထားလိုက်သည် ။ ယွမ်ဟွေ့အကြောင်း ယန်ကျစ်ရှီ မပြောချင်တာကို တွေ့ရသောအခါ သူပုံမှန်အတိုင်းသာ စကားလမ်းကြောင်းလွှဲလိုက်သည် ။

" ကျွန်တော်ပြန်လာတုန်းက အဖွဲ့နှစ်ဖွဲ့က ချန်းယအခြေစိုက်စခန်းမှာ တစ်စုံတစ်ခုဖြစ်သွားတယ်လို့ ပြောနေတာကြားခဲ့ရတယ် သူတို့က လူတွေကို အကူအညီတောင်းဖို့လွှတ်လိုက်ပြီးတော့ စေလွှတ်ခံလိုက်ရတဲ့သူက ကျွန်တော်တို့ရဲ့ အရင်ကရင်းနှီးဖူးတဲ့ပဲ"

" အိုး "

ယန်ဝူ၏ ပြောစကားတို့ကို ယန်ကျစ်ရှီ ကြားလိုက်ရသောအခါ သူမ၏ မျက်ခုံးတို့က အနည်းငယ်မြင့်တက်သွားခဲ့သည် ။ ကမ္ဘာ၏အဆုံးသတ်တွင် သူမ၏ ' ရင်းနှီးဖူးသောသူ ' တို့မှာ များများစားစားမရှိပေ ။ ပြီးနောက် ယန်ဝူ၏ ရင်းနှီးဖူးသောသူ ဟုခေါ်သောသူနှင့်ပတ်သက်ပြီး ယန်ကျစ်ရှီ တစ်စုံတစ်ယောက်ကို တွေးမိသွားသည်။

" အဲ့ဒါက ချူးဖေးယန် လား ကြည့်ရတာ သူက ချန်းယအခြေစိုက်စခန်းမှာ တော်တော်လေးလိုက်လျောညီထွေရှိနေတဲ့ပုံပဲနော်"

ဒီဘဝတွင်လည်း ချူးဖေးယန်မှာ စွမ်းရည်နှစ်ခုအသုံးချနိုင်သူအဖြစ် ဆက်ရှိနေသော်လည်း သူ၏ဘေးတွင် အထောက်ပံ့ပေးနေသော ပြန်လည်ကုစားနိုင်သည့် စုဝမ်ကိုတော့ မကယ်တင်ခဲ့ချေ ။သူက သူ့အရင်ဘဝက ညီအစ်ကိုကောင်းကိုလည်းမကူညီနိုင်ခဲ့ဘဲ ပြင်းထန်သည့်အခြေအနေမှာတောင် သူက ဂုဏ်ယူဝင်ကြွားစွာ ပြုံးနေနိုင်ဆဲလား ။

တကယ်တမ်းတွင် ယန်ကျစ်ရှီ အမုန်းတီးဆုံးသူမှာ ချူးဖေးယန်ဖြစ်သင့်ပေ၏။ သို့သော် သူမက သူ့ကို မသတ်ခဲ့ပေ ။

ယန်ကျစ်ရှီ၏ အမြင်တွင် သူမက ချူးဖေးယန်ကို ရှင်သန်စေလိုပြီး သူ့ရဲ့ ချစ်ရသူကို စွန့်ပစ်ပြီးနောက် ရဲဘော်ရဲဘက်များမရှိဘဲ တစ်ယောက်ထဲ နာကျင်စွာနေထိုင်သွားစေလိုသည် ။

ထို့နောက် သူ(ချူးဖေးယန်) ဖိနပ်တစ်ဖက်လို အဝေးကို လွှင့်ပစ်ခဲ့သောသူမ(ယန်ကျစ်ရှီ)က သူ့တစ်သက်လုံးမျှော်လင့်ခဲ့ရသော်လည်း ဘယ်တော့မှမရောက်နိုင်မည့် အထွတ်ထိပ်ကို တစ်ဆင့်ပြီးတစ်ဆင့် တက်လှမ်းသွားတာကို သူ့မျက်လုံးဖြင့် ကိုယ်တိုင်ကြည့်စေလိုသည်။

ချူးဖေးယန် အကြောင်းပြောနေသောအခါတွင် ယန်ကျစ်ရှီ၏ မျက်လုံးထဲ၌ မုန်းတီးမှု အရိပ်ယောင်များကို မြင်တွေ့လိုက်ရသောအခါ ယန်ဝူ တိတ်တဆိတ်သာ နေလိုက်သည် ။

ဒီတစ်ကြိမ်တွင် လုံရှန်းသို့ စုယန်နှင့်အတူ ချူးဖေးယန်လာခဲ့သည် ။လုံရှန်းအခြေစိုက်စခန်းသို့ သူဝင်လိုက်သောအခါ ဝမ်းနည်းပူဆွေးလာခဲ့လေ၏ ။

အဘယ်ကြောင့်ဆိုလျှင် လုံရှန်းအခြေစိုက်စခန်း၌ ယန်ကျစ်ရှီက အလွန်နာမည်ကြီးပေသည် ။

အခြေစိုက်စခန်း၏ တစ်ဦးတည်းသော ပြန်ကုစားနိုင်သည့် စွမ်းရည်ရှိသူ ၊ အဖွဲ့၏ ဦးစီးချုပ်ပင် ။

သူမက လုံရှန်းအခြေစိုက်စခန်း ခေါင်းဆောင် လော့ရှန်း၏ အသည်းညှာဟုလည်း ပြောလို့ရပေသည် ။

ယန်ကျစ်ရှီကြောင့် ချူးဖေးယန်၏ စိတ်အခြေအနေတို့က ရှုပ်ထွေးလာခဲ့သည် ။ ဤအမျိုးသမီးက သူ့ကို မုန်းတီးစေသော်လည်း တစ်ချိန်တည်းတွင် ကြောက်ရွံ့မှုကိုလည်း ခံစားမိစေသည် ။

ထို့နေ့ကို ချူးဖေးယန်မျက်လုံးမှိတ်လိုက်လျှင်တောင် မြင်တွေ့နိုင်ဆဲဖြစ်သည့် မြင်ကွင်းတစ်ခုကိုပြန်မြင်ယောင်လာမိသည်။ မကြာသေးခင်ကာလက ယန်ကျစ်ရှီ အေးစက်အကျည်းတန်စွာဖြင့် စုဝမ်ကို ဖုတ်ကောင်အုပ်စုများထဲသို့ တွန်းချခဲ့သည်။

ထိုခဏတွင် သူမ၏ မျက်လုံးများက ရူးသွပ်မှု ၊ မုန်းတီးမှုတို့နက်ရှိုင်းစွာ အမြစ်တွယ်နေခဲ့၏။

ချူးဖေးယန် မင်းကလည်း အတူတူနဲ့အနူနူပါပဲ ။

ထိုနေ့က ချူးဖေးယန် စက္ကန့်ပိုင်းလောက် တွန့်ဆုတ်နေခဲ့သည် ။ ထိုစက္ကန့်ပိုင်းမျှတွန့်ဆုတ်မှုက သူ မလိုချင်သော အကျိုးဆက်ကို ဖြစ်ပေါ်စေခဲ့သည်။

စုဝမ် သေဆုံးသွားခဲ့ပြီး သူအသက်ရှင်ဖို့အတွက် ချူးဖေးယန်သူ့ကိုယ်သူအယုံသွင်းကာ ခက်ခဲသော အခြေအနေမှ ထွက်ပြေးခဲ့ရုံသာ တတ်နိုင်ခဲ့သည် ။

ထိုအချိန်က ချန်းယအခြေစိုက်စခန်းမှာ ရုတ်တရက် ဖုတ်ကောင်များထံမှ ပြင်းပြင်းထန်ထန် တိုက်ခိုက်ခံနေရသည် ။ ထို့နောက် အခြေစိုက်စခန်း၏ ခေါင်းဆောင်ထံမှ ကူညီပေးရန် ချူးဖေးယန် တောင်းဆိုခံခဲ့ရ၏ ။

သူထွက်သွားသောအခါ စုယန်ကို ချူးဖေးယန် မသိစိတ်၏အလိုအရ ခေါ်ဆောင်လာခဲ့သည် ။ သူ့အမြင်တွင် ချန်းယအခြေစိုက်စခန်းမှာ ကယ်တင်လို့မရတော့သလို စုဝမ်၏ ညီမကိုလည်း သူထပ်လက်မလွှတ်ချင်တော့ပေ ။

သူပုံမှန်အတိုင်း လုံရှန်းအခြေစိုက်စခန်းတွင် စုယန်နှင့်အတူ အခြေချနေနိုင်ဖို့ တွေးခဲ့သော်လည်း...

ယန်ကျစ်ရှီ နှင့် ယန်ဝူက ဤနေရာတွင် ရှိနေပြီး အခြေစိုက်စခန်းတွင့် မြင့်မားသော ဂုဏ်ထူးနေရာကိုပါ ရထားလိမ့်မည်ဟု သူမမျှော်လင့်ခဲ့ပေ။ ၎င်းက ချူးဖေးယန်ကို ဘေးကျပ်နံကျပ် ပိတ်မိစေသည် ။

စုယန်က ချူးဖေးယန်၏ အနောက်ကိုသာ လိုက်ခဲ့ပြီး တစ်လမ်းလုံးတွင် ခက်ခဲကြမ်းတမ်းစွာ ကျော်ဖြတ်လာခဲ့ရသည် ။ လုံရှန်း အခြေစိုက်စခန်း၏ ဧည့်ကြိုနေရာသို့ ရောက်မှသာ သူမ ငြိမ်းငြိမ်းချမ်းချမ်း အိပ်နိုင်တော့သည် ။

လျင်မြန်စွာအိပ်ပျော်သွားသော စုယန်က သူမ၏ မျက်ခုံးကို တွန့်နေဆဲဖြစ်ပြီး အိပ်မက်ဆိုးဖြင့် နှောင့်ယှက်ခံနေရသကဲ့သို့ပင် ။

၎င်းမှာ ချူးဖေးယန် အပြင်မှ ဝင်လာသည်အထိသာဖြစ်ပြီး စုယန် နိုးသွားခဲ့၏ ။

" အစ်ကို မင်းကို နှောင့်ယှက်မိသွားလား "

ချူးဖေးယန် အနည်းငယ်စိတ်ပူစွာ စုယန်ကို ကြည့်လိုက်သည် ။

" မဟုတ်ပါဘူး "

စုယန် သူမမျက်လုံးကို ပွတ်လိုက်ပြီး ချူးဖေးယန်၏ မျက်နှာက အလွန်စိတ်မချမ်းမသာဖြစ်နေတာကို တွေ့လိုက်ရသောအခါ သူမ မေးလိုက်၏ ။

" ခဲအို ၊ လုံရှန်းအခြေစိုက်စခန်းက လူတွေက မကူညီပေးချင်ကြဘူးလား ။ "

ချူးဖေးယန်သက်ပျင်းချကာ ခေါင်းအသာညိတ်လိုက်သည် ။

" သူတို့က အကျိုးအမြတ်မရဘဲ ဘာမှလုပ်ပေးမှာ မဟုတ်ဘူး ချန်းယက သူတို့အတွက် အန္တရာယ်များတဲ့ အပေးအယူမျိုးကိုလည်း လုပ်မှာ မဟုတ်ဘူး ။"

ဤအထိသာပြောပြီး ချူးဖေးယန် တိတ်တဆိတ် စုယန်ကို ကြည့်လိုက်သည် ။

" စုယန် မနက်ဖြန် ဒီကထွက်သွားရအောင် ။အစ်ကိုက မင်းကို Bမြို့တော်ကို ခေါ်သွားပေးမယ် ယန်ကျီ မှာ မှီခိုဖို့အတွက် ရှာကြတာပေါ့ "

ယန်ကျီ အခြေစိုက်စခန်းမှာ Bမြို့တော်၏ စစ်တပ်အခြေစိုက်စခန်းဖြစ်ပြီး လက်ရှိတွင် အကြီးမားဆုံး ကယ်ဆယ်ရေးစခန်းပင်။

" ကျွန်မတို့ ချန်းယကို မပြန်တော့ဘူးလား "

စုယန်တောင့်တင်းသွားပြီး ချူးဖေးယန်ကို ကြည့်သောအခါ သူမ၏ မျက်နှာ၌ အံ့သြမှုအပြည့်ဖြစ်နေ၏။

" ဒါဆို ရှောင်လင်ကောကော နဲ့ ကျန်တဲ့သူတွေရော ဘယ်လိုလုပ်မလဲ ပြီးတော့ အန်ကယ်ထျယ် သူတို့က ကျွန်မတို့ကို စောင့်နေသေးတယ်လေ "

" စုယန် ချန်းယအခြေစိုက်စခန်းက ကယ်တင်လို့မရတော့ဘူး ကိုယ်တို့ပြန်သွားရင်တောင် သေဖို့ပဲရှိတော့မှာ အစ်ကို..အစ်ကိုမင်းကိုပါ ထပ်စွန့်လွှတ်လို့မရဘူး နောက်ထပ် အန္တရာယ်ကျရောက်စေလို့လည်း မဖြစ်ဘူး မင်းနားလည်လား"

ချူးဖေးယန်၏ အမူအရာမှာ အလွန်နာကျင်နေသော်လည်း သူ၏ အကြည့်တို့က အလွန် ခိုင်မာနေသည် ။

" နောက်တစ်ကြိမ် ...ကျွန်မကိုပါ စွန့်ပစ်လို့မရတော့ဘူးတဲ့လား "

ချူးဖေးယန်ကိုကြည့်နေသည့် စုယန်၏ အကြည့်တို့က အေးစက်လာခဲ့သည် ။

" ဒါဆို ခဲအိုက အန်ကယ် ထျယ်နဲ့ ကျန်တဲ့သူတွေကို စွန့်လွှတ်တော့မလို့လား ကျွန်မ အစ်မကို စွန့်ပစ်ခဲ့သလိုမျိုးပဲလား "

သူမက ကိုးနှစ်အရွယ် ကလေးသာဖြစ်သော်လည်း ယခုတွင် စုယန်၏ အကြည့်တို့က ခြိမ်းခြောက်မှုတို့ဖြင့်အေးစက်နေခဲ့၏။

_____

🚩

Prev Next