Chapter 54

🐯Chapter 54

ကိန်းဂဏန်းများက ဆက်လက်မြင့်တက်နေသည်။

ဆန်ကိတ်လုပ်ပြီးသောအခါ ကုယွီမြန်က ဆန်ကိတ်ကို ချောမွေ့ပြီး အပြားပုံစံဖြစ်ရန် ဖန်တီးပြီး အအေးခံရန် စက်ထဲသို့ ထည့်လိုက်သည်။ ယခုတွင် ထိုကိတ်များကို စက်ထဲမှထုတ်ပြီး မကြာမီမှာပင် အပိုင်းပိုင်းဖြတ်လိုက်သည်။ ထိုဆန်မုန့်များက နှစ်သစ်၏ မုန့်ကောင်းတစ်ခုပင်။

"ကျွန်တော်က ချိုတဲ့ဆန်ကိတ်ကို စားရတာ ကြိုက်တယ်…စကားပန်း ပျားရည်နဲ့လုပ်ထားတာမျိုး… " 

ကုယွီမြန်က ပြောလိုက်သည်။

ကုယွီမြန်က အသားကင်စာရွက်တစ်ရွက်ကို ပြောင်းလိုက်ကာ မုန့်ဖုတ်ဗန်းအောက်ခြေတွင် ဆီအနည်းငယ် သုတ်ပြီး နှစ်သစ်ဆန်ကိတ်လေးများကို မုန့်ဖုတ်ဗန်းထဲသို့ ထည့်လိုက်သည်။ နှစ်သစ်ကိတ်မုန့်များက ပူလောင်ပြီး အိုးအောက်ခြေတွင် ကပ်မနေစေရန်အတွက် ကုယွီမြန်က အခါအားလျော်စွာ လှန်ပေးကာ ရွှေရောင် ပူဖောင်းလေးများ ပေါ်လာသည်ကို စောင့်ပြီးလှန်ပေးရင်း တစ်ချိန်တည်းမှာပင် ၎င်းကိတ်မုန့်ပေါ်တွင် စကားပန်းပျားရည်ကို ပါးပါးလေးသုတ်ပေးလိုက်သည်။ 

သူက စကားပန်းပျားရည်ကို လွန်ခဲ့သော ရက်အနည်းငယ်က ပြုလုပ်ခဲ့သည်။ ကြယ်ကွန်ရက်ပေါ်တွင် စကားပန်း ပွင့်ချပ်များ ရောင်းချနေသည်ကိုမြင်ပြီး ဤအကြံအစည်ကို ခဏတာစဉ်းစားခဲ့မိသည်။ ပန်ဒါများက ပျားရည်ကို အလွန်နှစ်သက်ကြ၍ မှန်ကန်သောပျားရည်က အူလမ်းကြောင်းကို စိုစွတ်စေပြီး နှလုံးသွေးကြောကျန်းမာရေးအတွက် ကောင်းမွန်သည်။

သကြားအလွန်အကျွံစားခြင်းက မကောင်းသောကြောင့် ကုယွီမြန်က သကြားအဖြူထပ်မထည့်ဘဲ ဆီအနည်း ငယ်သာ သုံးခဲ့သည်။

အချိန်တိုအတွင်းမှာပင် မုန့်ဖုတ်ဗန်းပေါ်ရှိ ဆန်ကိတ်များ ကျက်သွားသည်။ ကုယွီမြန်က သူ့တူကိုယူကာ ဆန်ကိတ်မုန့်ကို အဖြူရောင်ကြွေပန်းကန် ပြားထဲသို့ တစ်ခုပြီးတစ်ခုထည့်ကာ မျက်နှာပြင်ပေါ် တွင် စကားပန်းပျားရည်အလွှာ ခပ်ပါးပါးလောင်းချကာ သေးငယ်ပြီး သန့်ရှင်းသော စကားပန်းပွင့်ချပ်များဖြင့် အလှဆင် လိုက်သည်။ ထို အချိုပွဲက နူးညံ့သိမ်မွေ့ပြီး ဆွဲဆောင်မှုရှိသောပုံ ပေါက်သည်။

မွှေးလွန်းလှသည်။

ဤအခိုက်အတန့်တွင် ရွှေရောင်နှင့် ချစ်စဖွယ် ကြွပ်ရွနေသော ဆန်ကိတ်တစ်ခုစီ၏ မျက်နှာပြင်တွင် ပွင့်လင်းပြီး တောက်ပြောင်သော စကားပန်းပျားရည်အလွှာရှိကာ အတွင်းဘက်၌ ပျားရည်ဖြင့် အရောင်တင်ထားသည်။ ချိုမြိန်သောပျားရည်နှင့် စကားပန်း၏ရနံ့က ပူနွေးသောရေငွေ့ဖြင့် ရောစပ်ကာ ပျံ့လွင့်နေသည်။

ပန်ဒါလေးက နှစ်စက္ကန့်ခန့် ငြိမ်သက်သွားပြီး ကုယွီမြန်၏ဒူးပေါ် သို့ ဖြည်းညှင်းစွာတက်ကာ ဆန်ကိတ်မုန့် ဖုတ်ဗန်းပေါ်ရှိ ယွမ်ယွမ်၏ ဆန်ကိတ်မုန့်ကိုထိရန် လက်သည်းများကို ဆန့်ထုတ်လိုက်သည်။ ကံကောင်းစွာဖြင့် ကုယွီမြန်က သူ့လက်ဖဝါးလေးကို လှမ်းဆွဲလိုက်နိုင်သွားသည်။

အကြောသေသကဲ့သို့ ဖြစ်နေသည့် ပရိသတ်အများအပြား မတ်မတ်ထိုင်လိုက်ကြသည်။

ညနေ ရှစ်နာရီကျော်ပြီးနောက် လူအများစုက ညစာစားပြီး ဖြစ်ကြသော်လည်း ယခုချိန်တွင် ထိုကဲ့သို့ ဖုတ်ထားသော အချိုပွဲများကို ခံနိုင်ရည်မရှိကြပေ။ ကြည့်လိုက်သည်နှင့် ရနံ့ကို ရှူရှိုက်လျှက် တံတွေးမျိုမချဘဲ မနေနိုင်က့တော့ပေ။

"ကိုယ့်ကိုယ်ကို အပူမလောင်အောင် သတိထားဦးနော်… " 

ကုယွီမြန်က ဆန်ကိတ်ကို အအေးခံပြီး ကိတ်မုန့်၏အလယ်ကို ဖောက်လိုက်ကာ ကလေးနှစ်ယောက်ကို အပိုင်းသေးသေးလေးတစ်ခုစီ ဂရုတစိုက်ကျွေးလိုက်သည်။ 

"အရသာက ဘယ်လိုလဲ…ပေါ့နေရင် ပျားရည်နည်းနည်း ထပ်ထည့်လိုက်မယ်…" 

သုံးစက္ကန့်အကြာတွင် …..

မရေမတွက်နိုင်သည့် မှတ်ချက်များ ပေါ်ထွက်လာသည်။

[အသုံးပြုသူ 37649: ငါတော့ အကင်ခံလိုက်ရပြီ…. ဒါက ... အားး… အားးး… ငါအော်လိုက်လို့ ငါ့အမေတောင် အခန်းထဲကို ပြေးလာတယ်…]

[တိမ်လေးတစ်ခုရှိတယ် - ပျော့ပေမယ့် ကြာကြာဝါးရတယ်… အရသာရှိတယ်… မီးရှူးမီးပန်းတွေ ပို့လိုက်ပြီ…]

[ဗီဗီယန် : ဒီပျားရည်က အရမ်းအရသာရှိတယ်မဟုတ်လား… အင်း ငါသေပြီ… ချိုပေမဲ့ လုံးဝ မအိီဘူး …စား ရတာ အရသာရှိတယ် ဒီဆန်ကိတ်က…]

[ ဂျူနီယာ ဘီ : ငါထင်တာက ငါ အရမ်း ဗိုက်ပြည့်ပြီး တကယ်မစားနိုင်တော့ဘူးပေါ့... အခုတော့ ငါစားနိုင်တဲ့ အရာသုံးမျိုးတောင် ရှိနေပြီနော်…]

ဆန်ကိတ်၏ အပြင်ဘက်အပေါ်ယံကို ရွှေဝါရောင်ပြောင်းကာ အနည်းငယ် ကြွပ်ရွလာသည်အထိ ကြော်ထားသည်။ ပထမတစ်ကိုက် ကိုက်လိုက်သောအခါတွင် ကြွပ်ဆတ်ကာ လတ်ဆတ်နေပြီး အတွင်းပိုင်းတွင် အလွန်ပျော့ပျောင်းသော အသွင်အပြင်တစ်ခုပါရှိသည်။ ၎င်းကို မွှေးကြိုင်သော စကားပန်းပျားရည်ထဲတွင် နှစ်မြှုပ်ထားသည်။ စားပြီးသောအခါ ချိုသော်လည်း မအိီဘဲ အရသာရှိသော အရသာမျိုးကို ပေးစွမ်းနိုင်သည်။ စားပြီးသည်နှင့် ထပ်ပြီး များများစားချင်လာကြသည်။

ပါးပါးလှီးထားသော ဆန်ကိတ်က ညစာစားပြီးသည့် ဗိုက်ကို ဝန်ပိစေသည်။ ကြော်ထားသော်လည်း ကုယွီမြန်က နည်းပညာကို ကောင်းစွာ ထိန်းချုပ်ထားပြီး ဆီများပြီး အီမနေ၍ ယခုအချိန်တွင် စားသုံးရန် သင့်လျော်ပေသည်။

နှင်းကျားသစ်လေး၏အမြီးက ကုယွီမြန်၏လည်ပင်းကို ပတ်ထားကာ သူ့ကျေနပ်မှုကို တော်ဝင်ဆန်ဆန် ဖော်ပြလိုက်သည်။ ပန်ဒါလေးက ကုယွီမြန်၏ တံတောင်ဆစ်ကို ပွေ့ဖက်ကာ နောက်ထပ်ကျွေးခိုင်းနေသည်။

"အဲဒါကို စကားပန်း ပျားရည်လို့ခေါ်တယ်… ရေစိမ်တာ ဒါမှမဟုတ် အချိုပွဲလုပ်တာတွေမှာ သုံးလို့ကောင်းတယ် လုပ်တာ အရမ်းရိုးရှင်းပါတယ်…" 

ကုယွီမြန်က ပျားရည်အပြည့်ပါသည့် ဖောက်ထွင်း မြင်ရသော ဖန်ပုလင်းလေးကို လှုပ်ခါရင်း ပြောလိုက်သည်။

 "ဒီနေ့ မင်းတို့ရဲ့အားပေးမှုကို ကျေးဇူးတင်ဖို့အတွက် ကြည့်ရှုသူ အယောက်နှစ်ဆယ်ကိုရွေးပြီး စကားပန်း ပျားရည် ဘူးသေးသေးလေးတွေ ပို့ပေးပါမယ်…"

ပရိသတ် "....."

အလွန်နွေးထွေးပြီး ငြိမ်သက်နေသည့် လေထုက အခြားတောင်ထိပ်သို့ တွန်းပို့ခံခဲ့ရသည်။

[ငါ ဒီကနေ ပထမဆုံး မဲပေါက်တဲ့သူ ဖြစ်ချင်တယ်…]

[ငါ ကြယ်တာရာမြို့တော်က မြန်မြန်ဆီက ပထမဆုံး မဲပေါက်သူ ဖြစ်ချင်တယ်…]

[အရမ်း အရမ်း လိုချင်တယ် ……အားး.]

[ငါလိုချင်တယ်… သန်းနှစ်ဆယ်မှာ ဆယ် ယောက်ဖြစ်ရင်တောင် အဲ့မဲကို ပေါက်ချင်တယ်…]

[စားချင်လိုက်တာ ရောင်းမှာလား မရောင်းဘူးလား ဝူး…]

လက်ဆောင်တစ်ခုပြီးတစ်ခုပေးသည့် အထူးပြုလုပ်ချက်များ ဖန်သားပြင်ပေါ်တွင် ပေါ်လာပြီး ကုယွီမြန်၏ တိုက်ရိုက်ထုတ်လွှင့်မှု စတူဒီယိုက ပင်မစာမျက်နှာ၏ အချိန်နှင့်တစ်ပြေးညီ လူကြိုက်များစာရင်းတွင် ထိပ်ဆုံးဆယ်ခုထဲသို့ ရောက်ရှိသွားသည်။ ပင်မစာမျက်နှာ တွင် အကြံပြုခံရခြင်း၏ ထိရောက်မှုမှာ မယုံ နိုင်စရာပင်။

ဤကဲ့သို့ ပေါက်ကွဲသွားမှုက ကုယွီမြန်အတွက်ဖြစ်ပြီး သူ၏ နံပါတ်များကို တစ်ဖန်ပြန်တက်လာစေခဲ့ သည်။

အကယ်၍ ၎င်းက ပင်မစာမျက်နှာ အကြံပြုချက်စာရင်းတွင် သာမန်နှင့် အလွန်ကောင်းမွန်သော တက်ဆက်သူတစ်ယောက်သာ ဖြစ်ပါက၊ တစ်နေ့တာကုန်ဆုံးချိန်တွင် ကြည့်ရှုသူအရေအတွက်က နှစ်ဆ သို့မဟုတ် သုံးဆဖြစ်လာနိုင်ပြီး ကြယ်တာရာကောင်းကင်ရှိ ထိပ်တန်းတင်ဆက်သူများသာ ဖြစ်ပါက ၎င်းတို့၏ကြည့်ရှုသူကို လေးနာရီအတွင်း သန်းဆယ်နှင့်ချီ၍ တိုးပွားလာနိုင်သည်။ 

သို့သော် ကုယွီမြန်ကမူ ဆယ်မိနစ်အောက်သာ 'အချိန်နှင့် တပြေးညီ လူကြိုက်များမှု' အကြံပြုချက်တွင် ထိပ်ဆုံးဆယ်ဦးတွင်သာ ပါဝင်ခဲ့သော်လည်း သူ၏ပရိသတ်ကဆယ်သန်းမှ သန်းနှစ်ဆယ်ခန့်အထိ တိုးလာခဲ့သည်။

နောက်ကွယ်ရှိ စာရင်ရးဇယားများတွင် ကုယွီမြန်၏တိုက်ရိုက်ထုတ်လွှင့်မှုအခန်း၌ လူကြိုက်များမှုတိုးလာမှုကို ကိုယ်စားပြုသည့် အရေအတွက်မှာ တစ်ထောင်ဖြစ်ပြီး ထိုကာလတွင် တင်ဆက်သူအားလုံး ကို ချန်ထားခဲ့သည်။ 'အချိန်နှင့်တစ်ပြေးညီ လူကြိုက်များ စာရင်း' နှင့် 'လက်ရှိလူကြိုက်များစာရင်း' တို့၏ တိုက်ဆိုင်မှုနှုန်းက အချိန်အများစုတွင် အလွန်မြင့်မားပြီး ၎င်းတို့ကို ထိပ်တန်းတင်ဆက်သူများမှ ထိန်းချုပ်ထားသည်။ ထိုအချိန်တွင် ကုယွီမြန်က ရုတ်တရက် လက်ဆောင်များ ဗုံးကြဲခံလိုက်ရသည်။ ကြယ်တာရာကောင်းကင်ဌာနချုပ်က သူ၏ဒေတာများကို အာရုံစိုက်နေပြီး အေးဂျင့် များသည်လည်း သူတို့၏ တင်ဆက်သူများရှေ့တွင် ထိုင်မနေနိုင်တော့ပေ။

အေးဂျင့်တစ်ဦးက သီချင်းဆိုခြင်းနှင့် ကခြင်းနယ်ပယ် တွင် အကျော်ကြားဆုံးဖြစ်သော သူ၏တင်ဆက်သူဆီသို့ ဆက် သွယ်မှုတစ်ခု ပေးပို့ခဲ့သည်။

[အစ်မရေ … လိုင်းပေါ်မှာ လူအသွားအလာများတဲ့ စနေညမှာ ဘာလို့ တိုက်ရိုက်ထုတ်လွှင့်မှုကို မစရတာလဲ… အခု အချိန်နဲ့ တစ်ပြေးညီ လူကြိုက်များမှု စာရင်းက အရမ်း ကောင်းနေတယ်… အဲဒီမှာ လူသစ်တစ်ယောက်ရှိမယ်ထင်တယ်… ဒီနေ့ အစ်မရဲ့ စုစုပေါင်းဒေတာကို အသစ်ဝင် လာတဲ့သူနဲ့ နှိုင်းယှဉ်လို့ရနေပြီ…]

[နူးညံ့သိမ်မွေ့တဲ့ယုန် မလုပ်တော့ဘူး ငါ တိုက်ရိုက်ထုတ်လွှင့်တာကို ကြည့်နေတာ…]

[နူးညံ့သိမ်မွေ့သောယုန်- စကားမစပ်၊ အခန်း 1567 က(ကုယွီမြန်) တင်ဆက်သူက လူသစ်လား… သူ့ရဲ့ တိုက်ရိုက်ထုတ်လွှင့်မှု အကြောင်းအရာက အရမ်းကောင်းတယ်လို့ ငါ ထင်တယ်… ငါ့မှာ အကြံတစ်ခုရှိတယ်…]

[နူးညံ့သိမ်မွေ့တဲ့ယုန်- ငါ သူ့ကို ချီးမွမ်းချင်တယ် အားးး…]

အေးဂျင့်က အာမေဋိတ်အမှတ်အသားများကို ကြည့်ကာ ခဏတာ ငြိမ်သက်နေခဲ့သည်။

ငါ အမှန်အတိုင်းပြောသင့်သလား….

သူမက ကြယ်တာရာကောင်းကင်၏ သီချင်းဆိုအကနယ်ပယ်မှ ပထမဆုံး တင်ဆက်သူ ဖြစ်နေလျှင်ပင် သူမသာ လူသားတင်ဆက်သူအား ချီးကျူးမည်ဆိုပါက ကြည့်ရှုမှု ခံရမည်မဟုတ်ပေ။ နောက်ဆုံးတွင် ကြယ်တာရာကောင်းကင်၏ CEO ဖြစ်သူ ဖန့်လဲ့နာက ကုယွီမြန် ၏ပေါင်ကိုကိုင်ရန် တန်းစီ ထားဆဲဖြစ်သည်။

ပြီးတော့ အဲဒီတင်ဆက်သူကို ချီးမွမ်းဖို့ လိုနေသေးလို့လား…သူက အကြီးဆုံး plug-in မဟုတ်ဘူးလား….

( Bugလို့ ပြောချင်တာပါ )

-----

အသားကင်ကို အဆုံးသတ်အပြီးတွင် ဆန်ကိတ်က ကုယွီမြန်အား 'ပြီးပြည့်စုံသောအဆုံးသတ်' ဟူသည့် ခံစားချက်ကို ပေးနေသည်။

သူက ကျန်နေသေးသည့် ဆန်ကိတ်များ၊ မီးဖိုငယ်များနှင့် အခြားအရာများအပြင် မီးဖိုချောင်အမှိုက်များကို အိမ်စနစ်၏ စက်ရုပ်ငယ်များထံ ထားခဲ့သည်။

"ငါ ယွမ်ယွမ်ရဲ့ အမွေးတွေကို မဖြီးပေးတာကြာနေပြီ…" 

ကုယွီမြန်က ထွားကြိုင်းသည့်ပန်ဒါလေးကို ကြမ်းပြင်မှ ကောက်ချီပြီး ခဏစဉ်းစားလိုက်သည်။ 

"ယွမ်ယွမ် ပိုလေးလာတာလား…"

တိုက်ရိုက်ထုတ်လွှင့်မှုတွင် သူ၏ ကလေးများက အရသာရှိသောအစားအစာများကို နေ့တိုင်းစားနေ သော်လည်း ကုယွီမြန်သည် ၎င်းတို့အား အာဟာရမျှတစေရန် ဂရုစိုက်၍ တိုက်ရိုက်ထုတ်လွှင့်ခြင်းမရှိသည့်အချိန်တွင် နှင်းကျားသစ်လေးနှင့် ပန်ဒါပေါက်လေးတို့နှင့် ဆော့ကစားခဲ့သည်။ ထို့ အပြင် ထန်ယွမ်လေးက နို့ကိုသာ အဓိကသောက်ပြီး မျှစ်နုများကို စားသည်။ ကုယွီမြန်က သူ့ကို အငမ်းမရ အစားအစာများ စားခွင့်ပြုခဲ့ပေ။ သူ့ အရပ်က မပြောင်းလဲလာပေ။ သူက အမှန်တကယ် ဝလာသော်လည်း ကြီးထွားမလာပေ။

" မင်းဘာလို့ရုတ်တရက် ဝလာရတာလဲ….အဲဒါ ရုတ်တရက် မဆန်လွန်းဘူးလား…"

[ပန်းရောင်စာအိတ်- ဟားဟားဟား… ယွမ်ယွမ် ကိုယ်အလေးချိန် တက်လာတယ်… တောင်းပန်ပါတယ် ငါသာ ယွမ်ယွမ်ဆိုရင် အစာကောင်းကောင်းစားပြီး တင်ဆက်သူရဲ့အိမ်မှာ နေ့တိုင်းအိပ်နေရရင် ဝလာလိမ့်မယ်…]

[တရုတ်ပြည်တောင်ပိုင်းက ကျားက ဘယ်တော့မှ ချိန်းမတွေ့ဘူး- အမွေးဖြီးပေးတာလား …ငါလည်း လိုချင်တယ်…]

နှင်းကျားသစ်လေးက ကုယွီမြန်၏ပခုံးပေါ်တွင်ထိုင်ကာ ပန်ဒါလေးကို လှောင်ပြောင်ဟန်ဖြင့် ကြည့်နေသည်။ ထန်ယွမ်လေး အလွန်စိတ်ရှုပ်သွားသည်။ ကုယွီမြန်က သူ့ကို လှမ်းကိုင်လိုက်သောကြောင့် ဝမ်းသာအားရဖြင့် လူသား၏ လက်နှစ်ဖက်ကြားသို့ဝင်ကာ သူ့လက်သည်းလေးများကို လျက်လိုက်သည်။

" ဝလာတာကလည်း အရမ်းကောင်းပါတယ်… အခု ဘယ်လောက်တောင် ချစ်ဖို့ကောင်းလိုက်လဲ…"

မည်သို့ပင်ဖြစ်စေ သူ့ကျန်းမာရေးကို ထိခိုက်စေမည့် အဆီ များ ရှိနေခြင်းမျိုးလည်း မဟုတ်ပေ။ အစာစားချင်စိတ်ရှိခြင်းက ကောင်းချီးတစ်ခုဖြစ်သည်။ စည်းကမ်းမရှိသော မိဘဖြစ်သည့် ကုယွီမြန်က တစ်စက္ကန့် အတွင်း အောင်မြင်သွား ခဲ့သည်။

နှင်းကျားသစ်လေး "..." 

သူက ပန်ဒါဝက်ဝံလေး၏အဆီခေါင်း ကို လက်သည်းများနှင့် တွန်းထုတ်လိုက်ပြီး ကုယွီမြန်၏ မျက်လုံးများကို ကြည့်လိုက်သည်။

"ယွမ်ယွမ်ရဲ့ လက်သည်းတွေကို ဖြတ်ပေးမယ်… ခဏစောင့်နော်…ငါ သူ့ကို အရင်ဖြီးပေးလိုက်မယ်…" 

ကုယွီမြန်က နှင်းကျားသစ်လေး၏ခေါင်းကို ပွတ်ပေးလိုက်သည်။

"ထွမ်ထွမ် ငါ့ကို ကူညီပေးနိုင်မလား… ဒီပုံး ကို ဒီဘက်တွန်းချပေးပါလား…"

နှင်းကျားသစ်ငယ်လေးက ရေပုံးကို မကျေမနပ် တွန်းချလိုက်သည်။

ပန်ဒါလေး၏ ဇီဝကမ္မအသက်က နှစ်နှစ် မပြည့်သေး၍ ကလေးအဆီလေးများ ပျောက်ကွယ်သွားမည့် အရွယ်ပင် မဟုတ်သေးပေ။ သူ လိုက်လျောညီထွေ မနေနိုင်တော့မည်ကို ကြောက်သောကြောင့် ကုယွီမြန်က သူ့အမွေးများကို အလွန် မဖြီးပေးခဲ့ပေ။ သူက ရေချိုးပေးပြီး ဂျီများကိုသာ တွန်းပေးခဲ့သည်။ ယခု သူ စဉ်းစားရန် လိုနေသေးသည်။

လက်သည်းများအတွက်မှာမူ တောရိုင်းတိရစ္ဆာန်များ သို့မဟုတ် ထိန်းသိမ်းရေးအဖွဲ့များတွင် နေထိုင်ကြသည့် တောရိုင်းတိရစ္ဆာန်များက ၎င်းတို့၏ခြေသည်းများကို ညှိခြင်း၊ သစ်ပင်တက်ခြင်း နှင့် အမျိုးမျိုးသော လုပ်ဆောင်မှုများကို လွယ်ကူချောမွေ့ စေရန် လုပ်ဆောင်လေ့ရှိသည်။ သို့သော်လည်း ပန်ဒါကလေးက သူ့ခြေသည်းများကို ညှိခြင်း မပြုနိုင်၍ သူ့ခြေသည်းများက အလွန် ထက်နေပြီဖြစ်သည်။ သူ့ ခြေသည်းများကို နေ့တိုင်း ကိုက်နေလေ့ရှိသောကြောင့် တစ်ခါတစ်ရံ သေးငယ်သည့် ဒဏ်ရာများပင် ရခဲ့သည်။ 

[ဗီဗီယန် : မြန်မြန် မင်း အမွေးတွေကို မဖြီးဘဲ ခြေသည်းတွေကိုလည်း မဖြတ်လို့ မရဘူးလား… အရမ်းနာမယ့်ပုံပဲ…]

[အဖြူရောင် သစ်တော်ပန်းပွင့် လီလီ - + 1၊ ငါအရင်ဆုံး သုံးဖက်မြင်ရုပ်ကြွ ကိရိယာကို ဖယ်ပစ်ဖို့လိုလား…]

[ကြောင်လေးရဲ့အော်သံ : ငါက ပရိသတ်ဟောင်းပါ… စိတ်မပူပါနဲ့ လုံးဝမနာပါဘူး… ပြီးတော့ လုံးဝစွဲလမ်းသွားစေရမယ်…]

ကုယွီမြန်က ခေါင်းညိတ်လိုက်သည်။

 "အင်း... ကျွန်တော် မဖြီးခင် ကြိုပြောပြပါမယ်၊ ထိတ်လန့်နေတဲ့ ပရိသတ်က  သုံးဖက်မြင်ရုပ်ကြွကိရိယာကို ဖြုတ်ပစ်နိုင်ပါတယ်…"

ပန်ဒါလေးက ကုယွီမြန်၏ရင်ခွင်ထဲတွင် သူ့ဗိုက်လေးကိုပုတ်နေသည်။

 "မင်းဘာပြောမလို့လဲ..."

နှင်းကျားသစ်ငယ်လေးက ပုံးကို မကျေမနပ်နှင့် တွန်းချလိုက်သည်။ ကုယွီမြန်က သူ့ကို ပွေ့ချီလိုက်ပြီး သူ့နားရွက်ကို နမ်းလိုက်သည်။

 "အစ်ကိုကြီး ထွမ်ထွမ်က အရမ်းလိမ္မာတယ်… သူ အရမ်း အလုပ်ကြိုးစားတယ်…"

သူ့အသံက တည်ငြိမ်‌နေ၍ နှင်းကျားသစ်လေးဖြစ်စေ ပရိသတ်အားဖြစ်စေ စိတ်သက်သာရာရ စေသည်။

နှင်းကျားသစ်လေး၏ နားရွက်များက တောင့်တင်းနေပြီး အနည်းငယ် နူးညံ့သည်။ သူက ကုယွီမြန်၏ ပခုံးကို တိုးဝှေ့ကာ မျက်လုံးမှိတ်ထားသည်။

"အား …အူးးး" "ငါ့ဆံပင်ကို ထပ်ဖြီးပေးဖို့ မခံနိုင်တော့ဘူး"၊ "ငါ ထပ်လုပ်လို့ရသေးတယ်" ဟူသည့် မှတ်ချက်များက မှတ်ချက်ရေးသည့် မျက်နှာပြင်အနှံ့ ပြည့်နေသည်။

"ဒီပုံးထဲမှာ ဘာတွေပါလဲ ပြပါရစေ…"

ထို ပုံးထဲတွင် သေးငယ်သော ဝက်မှင်ဘီးများ၊ အသွားကျဲဘီးများနှင့် လက်သည်းများကို ပွတ်တိုက်ပေးရာတွင် အထူးအသုံးပြုထား သော အဝိုင်းသေးသေးသေးလေးများ၊ ရေချိုးဂျယ်များ ပါရှိသည်။ တစ်ခုချင်းစီကို နာမည်တပ်ထားသည့် တံဆိပ်များပါသော ဖောက်ထွင်းမြင်နိုင်သည့် သေတ္တာထဲတွင် ထည့်ထားကာ နှင်းကျားသစ်လေးနှင့် ပန်ဒါကလေး အတွက် တစ်စုံစီ ဖြစ်သည်။

ပုလင်းများနှင့် အိုးပေါင်းများစွာလည်း ရှိခဲ့သည်။

တစ်မျိုးက အမွေးကိုကာကွယ်ပေးပြီး နူးညံ့ချောမွေ့စေမည့် ခရင်မ်ဟု လူသိများကာ အလွန်သက်တောင့်သက်သာရှိသည့် ကလေးသုံး ခေါင်းလျှော်ရည်ဖြစ်သည်။ အထူးသဖြင့် ကြောင် မျိုးနွယ်ဝင်များ အားလုံးအတွက် သင့်လျော်သည်။ ထိုအရာများအတွက် ကုယွီမြန် ပိုက်ဆံ အများအပြား ကုန်ကျခဲ့ပြီး ထိုပစ္စည်း များက အင်တာနက်တွင် အလွန် နာမည်ကြီးသည်။ ကုယွီမြန်က ၎င်းတို့ကိုဖွင့်ပြီးနောက် နမ်းကြည့်လိုက်သောအခါ အရက်နံ့ကို ရလိုက်သည်။ သူ့ကိုယ်သူ စမ်းသုံးကြည့်လိုက်သောအခါ ဓါတ်မတည့်သည့် တုံ့ပြန်မှု ချက်ချင်းရခဲ့သည်။ နှင်းကျားသစ်လေးနှင့် ပန် ယဒါလေးတို့အပေါ်တွင် သူ အသုံးမပြုရဲပေ။ သူ စမ်းသပ်ပြီးနောက် လွှင့်ပစ်ရန်မေ့သွားပြီး ထို ပုံးထဲမှာ ထားခဲ့မိသွားသည်။

ပရိသတ်များက နာမည်ကြီးအမှတ်တံဆိပ်များကို မြင် သောအခါ ကုယွီမြန်က ၎င်းတို့ကို အမှတ်တံဆိပ်အတွက် ကြော်ငြာတစ်ခုအဖြစ် အသုံးပြုရန် လက်ခံရရှိခဲ့သည် ဟု ထင်မြင်ခဲ့ကြသည်။  သူ ပေါ့ပေါ့ပါးပါး ပြောသည်ကို နားမထောင်ရခင်အထိ အားလုံး ထိုသို့ ထင်ခဲ့ကြသည်။ 

"ဒါတွေက ကောင်းတဲ့ ထုတ်ကုန်တွေ မဟုတ်ဘူး… ကျွန်တော် အဲဒါတွေကို ဝယ်ဖို့ အကြံမပေးဘူး…"

[နူးညံ့သိမ်မွေ့တဲ့ ယုန်- အိုက် ဒီတင်ဆက်သူကတော့ တကယ့်လူပဲ…]

[အသုံးပြုသူ 1866- အမှတ်တံဆိပ်ကို စော်ကားပြီး ပရိုမိုးရှင်း မရမှာကို မကြောက်ဘူးလား ဟားဟား... ဒါပေမယ့် ဒါတွေက တကယ် သုံးရခက်တယ်… ဆက်စပ်ထုတ်ကုန်အားလုံးက အသုံးပြုရခက်လို့ အများစုကို စာရင်းထဲက လူနည်းနည်းငယ် ရွေးကြတာ...]

"ထန်ယွမ်လေးကို အရင်ရေပတ်တိုက်ပေးလိုက် မယ်... ပြီးရင် ….ဟမ် မိုးရွာနေတာလား……

ကုယွီမြန်က ပြတင်းပေါက်ကို လှမ်းကြည့်လိုက်မိပြီး မိုးက မည်သည့်အချိန်မှ စ၍ ရွာနေသည်ကို သူ မသိပေ။ မိုးစက်များက မြေကြီးပေါ်သို့ ကျလာပြီး မြက်ပင်ရိုးတံများက သန့်ရှင်းပြီး စိုစွတ်နေသည်။ ယခုက နွေရာသီဖြစ်သည်။ တစ်ချိန်တည်းတွင် ကြယ်လေးများက မှိတ်တုတ်မှိတ်တုတ် ဖြစ်နေပြီး နောက်တစ် ကြိမ်တွင် မိုးသက်မုန်တိုင်း သည်းထန်စွာ ရွာသွန်း နိုင်သည်။

ကုယွီမြန်က မိုးရွာသည့် နေ့များကို အလွန်နှစ်သက်သဘောကျသည်။ အထူးသဖြင့် နွေးထွေးသော အဝါရောင် မီးရောင်လေးများဖြင့် အိမ်တွင်ထိုင်ကာ မိုးရွာနေသံများကို နားထောင်ရင်း တစ်ကမ္ဘာလုံး၏ ဆူညံသံများကို ဖယ်ထုတ်ကာ စာအုပ်တစ်အုပ်ကိုဖတ်ကာ အိပ်ငိုက်သွားသည်အထိ နေရသည်ကိုပင်။

“ဒါက ကျွန်တော် ကြယ်တာရာမြို့တော်ကိုရောက်ကတည်းက ပထမဆုံးမိုးရွာ တာပဲ…”

နှင်းကျားသစ်လေးက ကုယွီမြန်ပါးပြင်ကို သူ့ခေါင်းနှင့် ပွတ်ကာ ပျင်းရိစွာ သမ်းလိုက်သည်။ ကုယွီမြန်က မျက်လုံးများကို ငုံ့ကြည့်ကာ သူ့လက်ထဲတွင် အိမ်လုပ်အမွေးပျော့ဆေးကို ထည့်လိုက်ကာ နွေးထွေးသော မျက်နှာသုတ်ပုဝါကို ကောက်ကိုင်လိုက်ပြီး ပန်ဒါဝိုင်းလေးကို သူ့ပေါင်ပေါ် ထိုင်ခွင့်ပြုလိုက်သည် ။

ပထမဆုံးမိုးက အလွန်နူးညံ့သည်။

ကုယွီမြန်၏ ကြည့်ရှုသူအရေအတွက်ကိုပြသသော တိုက်ရိုက်ထုတ်လွှင့် အခန်းအလင်းရောင်မျက်နှာပြင်၏ ညာဘက်အပေါ် ထောင့်မှ ကိန်းဂဏန်းအရေအတွက်က လျင်မြန်စွာကြီးထွားနေဆဲဖြစ်သည်။

ယခုဆိုလျှင် ကြည့်ရှု့သူ လူအရေအတွက် သန်းသုံးဆယ်ရှိနေပြီပင်။

🐯🐯🐯