MM Story Teller

Chapter 105

Viewers 18k

🐯Chapter 105

[အသုံးပြုသူ19298 - ရောက်ပြီ၊ ရောက်ပြီ… သူတို့အတွဲကိုကြည့်ဖို့ ငါရောက်နေပြီ… ခုဏကမြို့အရှင်က ဘာဖြစ်သွားတာလဲ…]

[ဂျူနီယာဘီ - ဒီနေ့က ဘယ်လိုနေ့မျိုးပါလိမ့်… သုံးနာရီထက်ကျော်ပြီး တိုက်ရိုက်ထုတ်လွှင့်ရုံတင်မကဘူး… အထူးအချိန်ပိုတိုက်ရိုက်ထုတ်လွှင့်မှုလည်းရှိသေးတယ်… နည်းနည်းလောက် ရူးသွပ်သွားသလိုပဲ…]

[အစာအိမ်ရဲ့တဂွီဂွီမြည်သံ - ဆက်ကြည့်မဲ့သူ +1၊ ပျော်စရာကောင်းမဲ့ အိပ်ယာဝင်ပါတီပဲ (=33=) အရသာရှိမဲ့ဘယ်ဟာတွေကို ချက်စားမှာလဲ…]

[အဖြူရောင်သစ်တော်ပန်းပွင့်လေး - ငါ အရင်မြို့အရှင်အကြောင်းနဲ့ ပတ်သက်ပြီး စိတ်ဝင်စားနေတုန်းပဲ… အဲဒီလူက မြန်မြန်နဲ့သိတဲ့လူလား… ချစ်သူကောင်လေးလား...QAQ]

ဖန်သားပြင်ပေါ်ရှိမှတ်ချက်များကို မြင်ပြီး ကုယွီမြန် သီးလုနီးပါးဖြစ်သွားရသည်။

ကြည့်ရှုသူအတော်များမျာက ရှို့ဟန်ကို ရည်ညွှန်းပြောဆိုထားကြပြီး မျိုးစုံသောဟာသလုပ်ထားသည်များနှင့် အတင်းအဖျင်းများလည်း ရှိနေသည်။ လူတိုင်း၏ထင်ကြေးပေးပြောဆိုမှုများက ရှို့ဟန်အပေါ် ရိုင်းပြသည့်လမ်းကြောင်းဆီသို့ သွေဖယ်သွားခြင်းမှ ရှောင်ကြဉ်နိုင်ရန် ကုယွီမြန်က အလေးအနက် ပြောဆိုလိုက်သည်။

"သူက ကျွန်တော့်သူငယ်ချင်းပါ… သူ ခဏလောက် စိတ်ကူးယဉ်မြို့တော်မှာ အလုပ်လုပ်နေတာ… ဒီညမှာဖြစ်သွားတဲ့ အဖြစ်အပျက်ကလည်း မတော်တဆမှုတစ်ခုပါပဲ… ကျေးဇူးပြုပြီး အရမ်းကြီးဝေဖန်မပြောဆိုကြပါနဲ့… ကျေးဇူးတင်ပါတယ်…"

ကုယွီမြန်က နောက်တစ်ကြိမ် ထပ်မံပြောဆိုလိုက်သည်။

"ကျွန်တော်တို့က သာမန်သူငယ်ချင်းတွေပါပဲ…"

နှင်းကျားသစ်လေးက ပျင်းရိစွာ သမ်းဝေလျက်ရှိပြီး ထိုစကားကြားလိုက်ရချိန်တွင် သမ်းဝေနေခြင်းပင် ရပ်တန့်သွားရသည်။ ခဏမျှတိတ်ဆိတ်သွားပြီးနောက် နောက်တစ်စက္ကန့်တွင် အလွန်ဒေါသထွက်သွားသောကြောင့် သူ့အမွေးများပင် ထောင်မတ်သွားရပြီး သူ့လက်များဖြင့် ကုယွီမြန်၏နှုတ်ခမ်းများပေါ် ဖိထားလိုက်သည်။

ကိုယ်တို့က သာမန်သူငယ်ချင်းတွေလား... ကိုယ် မင်းကို နမ်းတုန်းက မင်းအဲ့လိုမပြောခဲ့ဘူးလေ...

"ဘာဖြစ်တာလဲ၊ ထွမ်ထွမ်…"

ကုယွီမြန် နှင်းကျားသစ်လေး၏လက်ဖဝါးများကို ဆွဲယူကာ နမ်းလိုက်သည်။

"စိတ်မဆိုးပါနဲ့…"

ကံမကောင်းစွာပင် နှင်းကျားသစ်လေးြ ကိုယ်ပိုင်ဘလော့များသို့ မကြာခဏ သွားကြည့်လေ့မရှိပေ။ ထိုသို့မဟုတ်လျှင် သူ ကုယွီမြန်၏အပြုအမူကို သေချာပေါက် အဓိပ္ပါယ်ကောက်နိုင်လိမ့်မည်။

ကင်မရာနောက်ကွယ်တွင် ကုယွီမြန်က နွေးထွေးသည့်နှလုံးသားရှိသူဖြစ်သော်လည်း သူတို့နှစ်ယောက်က သာမန်သူငယ်ချင်းများသာဖြစ်ကြောင်း တရားဝင်ကြေညာခဲ့သည်။ သူတို့ စိတ်ဆိုးနေချိန်တွင် ကုယွီမြန်က ဘယ်သောအခါမျှ အကြောင်းအရင်းကို မမေးလိမ့်မည်မဟုတ်ဘဲ စကားလုံးချိုချိုလေးများဖြင့်သာ ချော့မြူပေလိမ့်မည်။ တက်ကြွပျော်ရွှင်ပြီး ကိုယ့်ကိုယ်ကိုယုံကြည်မှုရှိသူ(အာ့ဟာလေး)၊ အပြစ်ကင်းဖြူစင်သော လရောင်ဖြူလေး(ထန်ယွမ်လေး)နှင့် အားနည်းကာ အရှက်အကြောက်ကြီးသောမြေခွေးလေး(မြေခွေးလေး)တို့အတွက်လည်း ထိုနည်းတူစွာပင်။

ထိုသူက ပြိုင်စံရှားဆိုးဝါးလှသည့်လူတစ်ယောက်ပင်။

နှင်းကျားသစ်လေးက သူတို့နှစ်ယောက်၏ဆက်ဆံရေးကို အဓိပ္ပါယ်မသတ်မှတ်နိုင်သေးသော်လည်း စိတ်ခံစားချက် ဆိုးဝါးနေသည် မဟုတ်ပေ။ သူ့လက်သည်းများဖြင့် ကုယွီမြန်၏ဆံပင်ကို ကုတ်ခြစ်လိုက်သော်လည်း မည်သည့်အသံမှ ထွက်ပေါ်မလာပေ။

ကံကောင်းစွာပင် ကုယွီမြန်၏ပရိတ်သတ်များက တိုက်ရိုက်ထုတ်လွှင့်မှုကို ယခင်ကတည်းက ကြည့်ရှုလာခဲ့ကြသူများဖြစ်၏။ ထို့ကြောင့် ကုယွီမြန်၏ပင်ကိုယ်ဗီဇအတိုင်း အလားတူ နူးညံ့သိမ့်မွေ့သော အကျင့်စရိုက်က သူတို့ထံ၌ဖွံ့ဖြိုးလာခဲ့သည်။ ၎င်းက တိုက်ရိုက်ထုတ်လွှင့်နေချိန်တွင် မှတ်ချက်ရေးသားသည့်ဖန်သားပြင်၏ လေထုအခြေအနေ အမြဲတမ်းကောင်းမွန်နေရသည့် အကြောင်းပြချက်ပင်ဖြစ်၏။ လူအများအပြား ကြည့်ရှုနေကြသော်လည်း ပြင်းပြင်းထန်ထန် အငြင်းပွားမှုများမှာ မရှိသလောက်ရှားပါးလှသည်။

ကုယွီမြန်အား ဒုက္ခဖြစ်မည့်အရာဖြစ်ကြောင်းသိလျှင် ထပ်တလဲလဲ စိတ်အနှောင့်အယှက်ပေးခြင်းကို ရပ်တန့်ပစ်သည်အထိ ကြင်နာတတ်ကြပေသည်။

[နံပါတ်ဝမ်းပါဝါဘန့်က် - ကောင်းပြီ၊ မင်းပြောတာကို နားထောင်မယ်၊ မမေးတော့ဘူး ဟီးဟီး ဟီးဟီး… ဒါဆို မြန်မြန် ဘာချက်စားမှာလဲ…]

[ဆန်ကိတ်ကြော် 321 - သိပြီ… ဒါဆို မြန်မြန် ဘာချက်စားမှာလဲ…]

စက္ကန့်တိုင်း၌ ဖန်သားပြင်ပေါ်တွင် ထောင်ပေါင်းများစွာသော မှတ်ချက်များ ပေါ်ထွက်လာခဲ့သည်။ ထိုအချိန်တွင် "မြန်မြန် ဘာချက်စားမှာလဲ" ဟူသော စကားလုံးထောင်ပေါင်းများစွာက လတ်တလော ရည်ညွှန်းပြောဆိုနေသော အကြောင်းအရာကို အလျင်အမြန်ဖုံးလွှမ်းသွားခဲ့သည်။

ယနေ့ည ကုယွီမြန်၏တိုက်ရိုက်ထုတ်လွှင့်မှုက လျှင်မြန်စွာပျံ့နှံ့သွားသည်။

အလျင်အမြန် ပျံ့နှံ့သွားသည်ဆိုသည်မှာ တိုက်ရိုက်ထုတ်လွှင့်သည့် ပလက်ဖောင်းတွင်သာမက သူငယ်ချင်းအသိုင်းအဝိုင်း၊ ဗီဒီယိုအတိုဝဘ်ဆိုက်နှင့် ကိုယ်ပိုင်ဘလော့များပေါ်တွင် ဆက်စပ်နေသောအကြောင်းအရာ အရေအတွက်များသည်လည်း မြင့်တက်လာပြီး စစချင်းမှာပင် လတ်တလောရှာဖွေမှုတစ်ခု(hot search) ဖြစ်သွားခဲ့သည်။

မှတ်တမ်းတင်ထားသောအချက်အလက်များအရ လွန်ခဲ့သောတစ်နာရီခန့်က ကုယွီမြန် အလျင်စလို တိုက်ရိုက်ထုတ်လွှင့်လိုက်ချိန်တွင် ယခင်ထုတ်လွှင့်ခဲ့သော တိုက်ရိုက်ထုတ်လွှင့်မှုက ပင်မစာမျက်နှာပေါ်ရှိ အချိန်နှင့်တပြေးညီကျော်ကြားမှုစာရင်းတွင် အချိန် ၂ နာရီကျော်ကြာ ထိပ်ဆုံး၌ရပ်တည်နေခဲ့ပြီး တစ်နေ့တာကျော်ကြားမှုစာရင်း၌ပင် ထိပ်ဆုံးနေရာသို့ ခုန်တက်သွားခဲ့သည်။

ယခုအချိန်က အိပ်ယာဝင်ရန်အချိန်နီးကပ်နေပြီဖြစ်သော်လည်း ကျော်ကြားမှုက မိနစ်အနည်းငယ်အတွင်း မနည်းလှပေ။ မကြာမီတွင် ပရိတ်သတ်ဦးရေက သန်း ၇၀ အထိ ရောက်ရှိသွားခဲ့သည်။

၎င်းကို နားလည်ရန်မှာ မခက်ခဲလှပေ။ မည်သို့ပင်ဆိုစေကာမူ ကြည့်ရှုသူအများအပြားက ကုယွီမြန်၏မိသားစုနှင့်အတူ အံ့အားသင့်ဖွယ် ညအချိန်ခါသမယကို မျှော်လင့်စောင့်စားနေရုံသာမက ဤကဲ့သို့လှပသောနေ့တစ်နေ့၏ နူးညံ့ဖွယ်အဆုံးသတ်ကိုလည်း မျှော်လင့်နေကြသည်။

အချိန်သည် ညနက်နေပြီဖြစ်သောကြောင့် ယခုတစ်ကြိမ်တွင် နဂါးကြီးက အလွန့်အလွန်နှေးကွေးစွာ ပျံသန်းလျက်ရှိသည်။ ယခင်က ခေါင်းကိုမူးနောက်စေသော ပျံသန်းပုံနှင့်မတူဘဲ ကောင်းကင်ကိုဖုံးလွှမ်းထားသော တောင်ပံများက ဖြောင့်တန်းနေကာ ရံဖန်ရံခါမှသာ တဖျတ်ဖျတ်လှုပ်ရှားပြီး ရွှေရောင်စိတ်ကူးယဉ်မြို့တော်ဆီသို့ ကောင်းကင်ကြီးကိုဖြတ်သန်းကာ တရွေ့ရွေ့ပျံသန်းသွားသည်။

အေးမြသောညလေအေးနှင့် လရောင်တို့က သင့်တော်သောအပူချိန်၊ အထိအတွေ့တို့ဖြင့် သူတို့နားရွက်များအား ဖြတ်သန်းတိုက်ခတ်သွားသည်။ တိတ်ဆိတ်ငြိမ်သက်ပြီး သက်သောင့်သက်သာရှိကာ နွေးထွေးအိပ်ငိုက်လာစေပြီး ညတစ်ခုလုံးကို မိမိကိုယ်တိုင် ပိုင်ဆိုင်ထားသလိုခံစားချက်မျိုး ပေးစွမ်းနိုင်သည်။

အိပ်ငိုက်နေသော မြေခွေးလေးနှင့် ထန်ယွမ်လေးကို ထိန်းထားသော ကုယွီမြန်က တီးတိုးပြောဆိုလိုက်သည်။

"အမ်... ခဏနေရင် ရှောင်လုံပေါင်(ဖက်ထုပ်လေး)တွေကို လုပ်မယ်… ‌ဒါမှ ငါတို့ အများကြီးမစားနိုင်မှာ…"

ကုယွီမြန် ဆက်ရှင်းပြလိုက်သည်။

"ပြီးရင် ရေနွေးနွေးလေးနဲ့ ရေချိုးမယ်… မနက်ဖြန်ကျရင် ပုံမှန်အတိုင်း နိုးလာမယ်…"

ကစားကွင်းသို့ ကစားရန်လာသည်ဖြစ်စေ၊ အလည်အပတ်လာသည်ဖြစ်စေ လူအများစုက အချိန်ဇယားအတိုင်း သွားလာရန် စိတ်အားထက်သန်နေပြီး အားလုံးကို နောက်ထပ်တစ်ဖန် ဆက်ကစားရန် ကြိုးစားနေကြသည်။ ထို့ကြောင့် အချိန်ဇယားက မကြာခဏဆိုသလို ရှုပ်နေကြသည်။ သူတို့ ၆ နာရီ၊ ၇ နာရီ သို့မဟုတ် ၄ နာရီ၊ ၅ နာရီ အချိန်လောက်ကပင် အိပ်ယာထရန်လိုလိမ့်မည်။

သို့သော် ကုယွီမြန်နှင့်ခရီးသွားခြင်းက ထိုကဲ့သို့မဟုတ်ပေ။ နေရာတိုင်းသည် အားလပ်ရက်ခရီးထွက်နေရသကဲ့ပင်။

[audnjh - ရှောင်လုံပေါင်လား…အဲဒါကဘာလဲ ငါ မသိပေမဲ့ နောက်ဆုံးစာလုံး "ဖက်ထုပ်" ကတော့ အရင်တစ်ခေါက်က မုန့်ချိုလုံးတွေလိုမျိုး အရသာရှိလိမ့်မယ်ဆိုတာတော့ သိနေတယ်…]

[အလှကုန်တွေကိုလွှင့်ပစ်မယ် - ဝေဖန်စရာအတွဲလည်း မရှိတော့ပေမဲ့ ဒါပေမဲ့ ဒီလိုဘဝမျိုးကို ငါ သဘောကျတယ်… နေ့တိုင်းက ကောင်းမွန်နေတော့မှာပဲ အား...]

ပန်ဒါလေးက ကုယွီမြန်၏ရင်ခွင်ထဲတွင် ရှိနေပြီး ပူဖောင်းလေးများမှုတ်ထုတ်ကာ သူ့လက်များကို ဝှေ့ယမ်းရင်း အိပ်မက်ယောင်နေသည်။ မြေခွေးလေးသည်လည်း အိပ်ငိုက်နေပြီး နားရွက်များကုပ်ကျနေကာ ကုယွီမြန်၏လက်မောင်းများကို မှီထားပြီး ဘောလုံးလေးတစ်လုံးကဲ့သို့ကွေးကာ အိပ်ပျော်နေသည်။ ယခုအခါ အင်အားအနည်းငယ်ကျန်နေသေးသည့် တစ်ဦးတည်းသောသူမှာ ဟက်စကီးပေါက်လေးပင်။ သူက နဂါးကြီး၏အမြီးပေါ်တွင် စိတ်လှုပ်ရှားစွာထိုင်နေပြီး လျှောတစ်ခုကဲ့သို့ လျှောဆင်းသွား၍ လေထုထဲသို့ပြုတ်ကျသွားသောကြောင့် နဂါးကြီးက ပြန်လည်ဖမ်းယူထားရသည်။

ထိုသို့မဟုတ်ပါက ဘေးသို့ခုန်ချသွားပြီး နဂါးကြီးကို သူ့အား လိုက်ဖမ်းခိုင်းနေလိမ့်မည်။

ဟက်စကီးလေးက လေထဲသို့ ဆက်လက်ခုန်ချနေသည်။

ကုယွီမြန် "....."

နဂါးကြီးက အကြိမ်တိုင်း သူ့ကို တည်ငြိမ်စွာဖမ်းယူခဲ့သော်လည်း ကုယွီမြန် ထိုအချင်းအရာကို တစ်ကြိမ်၊ နှစ်ကြိမ်ခန့် ကြည့်နေပြီးနောက် နှလုံးရောဂါရတော့မလို ခံစားရသည်။ ကုယွီမြန် ဟက်စကီးလေးကို ကုပ်မှဆွဲကာ ပြန်ခေါ်လိုက်ပြီး ငြိမ်ငြိမ်နေရန် အလေးအနက်ပြောလိုက်သည်။

အချိန်ခဏမျှလေထဲတွင် ပျံသန်းပြီးနောက် နီရွှေရောင်နွေးထွေးသောမီးအိမ်များနှင့် ၎င်းတို့ကိုဝန်းရံထားသော ရေကန်နှင့်အတူကမ္ဘာမြေကြီးက အနည်းငယ်နီးကပ်ကာ ကျယ်ပြန့်လာသည်။ နောက်ဆုံးတွင် နဂါးကြီးက တောင်ပံများကို ထောင်မတ်ကာစုစည်းလိုက်ပြီး ပထမဦးစွာ သူ့ခြေသည်းနှစ်ဖက်နှင့်အတူ ရေပြင်ကို လျှောတိုက်ဖြတ်သန်းသွားပြီးနောက် အနည်းငယ်အရှိန်လျှော့ကာ ရေပြင်ပေါ်တွင် ဆင်းသက်လိုက်သည်။

စိတ်ကူးယဉ်မြို့တော်ရှိ ဟိုတယ်များအားလုံးကို အလျဉ်းသင့်သလို တာဝန်ခွဲဝေသတ်မှတ်ထားပြီး လူအရေအတွက်အတိုင်းသာ အရွယ်အစားကို ရွေးချယ်နိုင်သော်လည်း အထူးသီးသန့်နေရာများကိုမူ ရွေးချယ်ခွင့်မပြုပေ။ ကုယွီမြန်က မိသားစုအခန်းတစ်ခန်းကို မှာယူလိုက်ပြီး နေထိုင်ရမည့်နေရာကို ကြိုတင်ပြီး သိထားခြင်းမရှိပေ။

အချို့လူများက နတ်သူငယ်လေးများ၏ သစ်သားအိမ်ငယ်လေးထဲတွင် နေထိုင်ရန် တောအုပ်ထဲသို့ သွားကြရပြီး အခြားသူများက စိတ်ကူးယဉ်မြို့တော်ညဈေး၏ ထပ်ခိုးတွင် နေထိုင်ကြရကာ မြေအောက်လှိုဏ်ဂူထဲတွင် လူပုလေးများနှင့်အတူ နေထိုင်ရသူများပင်ရှိ၏။ စိတ်ကူးယဉ်မြို့တော်၏ နစ်မြုပ်နေသောဆွဲဆောင်မှုများက သွင်ပြင်လက္ခဏာရှုထောင့်တိုင်းတွင် အမြင့်ဆုံးအဆင့်သို့ရောက်ရှိလာခဲ့ပြီး လူတိုင်းအား အကြီးမားဆုံးမျှော်လင့်ချက်များကို မပေးစွမ်းနိုင်သည့်နေရာဟူ၍မရှိပေ။

အစောပိုင်းကတည်းက ကုယွီမြန် ခန့်မှန်းနေခဲ့မိသည်။

'ငါတို့ ဘယ်နေရာမှာနေရမှာများလဲ…"

ထိုအချိန်တွင် နဂါးကြီး ခေါ်ဆောင်လာသောနေရာကို ကုယွီမြန် တွေ့လိုက်ရပြီး မှင်တက်သွားရသည်။

ပရိသတ်များလည်း မနေနိုင်ဘဲ လှမ်းကြည့်မိကြသည်။

လရောင်နှင့် စိတ်ကူးယဉ်မြို့တော်ရှိ အလင်းရောင်များ အလင်းပြန်နေသကဲ့ ကြီးမားသောလမင်းရေကန်က တလက်လက်တောက်ပနေပြီး သစ်ပင်အိမ်တစ်အိမ်က ရေကန်အလယ်တွင်တည်ရှိနေသည်။ သစ်ပင်အိမ်ကို အလွှာနှစ်လွှာပိုင်းခြားထားပြီး နွယ်ကြိုးများဖြင့် ယက်လုပ်ထားသော ကြောင်လိမ်လှေကားဖြင့် ဆက်သွယ်ထားသည်။ အောက်အလွှာက သစ်သားကြမ်းခင်းဖြစ်ပြီး မည်သည့်အထောက်အပံ့ပစ္စည်းမျှမပါရှိဘဲ ရေမျက်နှာပြင်ပေါ်တွင် ပေါလောပေါ်နေသည်။ ဆန့်ထုတ်ထားသော စင်္ကြန်ငယ်လေးပေါ်တွင် ဆိုဖာငယ်လေးတစ်ခုနှင့် ကြိမ်ကုလားတစ်လုံးရှိပြီး ရေကန်ကိုမျက်နှာမူထားရင်း ဟင်းလည်းချက်နိုင်ပေသည်။

အပေါ်အလွှာက အိပ်ရန်နေရာဖြစ်ပြီး နူးညံ့နွေးထွေးသော အိပ်ယာနှင့်အတူ အမိုးတစ်ဝက်ဖွင့်ထားသည်။ နူးညံ့နွေးထွေးသော လမင်းကြီး၏အလင်းရောင်အောက်တွင် အပန်းဖြေရင်း ရေကန်ကိုဖြတ်သန်းတိုက်ခတ်လာသော လေပြေလေးကိုခံစားကာ အိပ်မက်ကောင်းလေးမက်နိုင်ပေသည်။

ကုယွီမြန်ထံ ဆန်းဒဝေ့ခ်ျ လာတောင်းသော ရေသူမက သစ်ပင်အိမ်၏အနီးအနားတွင် ထိုင်နေပြီး သူမအမြီးကို ခွေခေါက်ထားကာ ရွှေဝါရောင်ဆံနွယ်ရှည်များကို ဖြီးနေ၏။

လေပြေတစ်ဝှေ့တွင် ထိုဆံနွယ်များမှာ လှိုင်းဂယက်ငယ်များကဲ့သို့ဖြစ်သွားပြီး မြင်ကွင်းတစ်ခုလုံးက ပန်းချီကားတစ်ချပ်ကဲ့သို့ပင်။

ထန်ယွမ်လေးက ကုယွီမြန်၏ရင်ခွင်ထဲတွင် လှဲအိပ်နေပြီး ရုတ်တရက်ထထိုင်ကာ အိပ်ချင်မူးတူးဖြင့် ရေရွတ်လိုက်သည်။ မြေခွေးလေးသည်လည်း သူ အိပ်မက် မက်နေသလားဟု တွေးမိသည်။ လက်များဖြင့် သူ့မျက်နှာကို ပွတ်သပ်လိုက်ပြီး ထန်ယွမ်လေးကို ကြည့်လိုက်သည်။ ဟက်စကီးလေးက နဂါးကြီး၏အမြီးကို ကိုင်ထားပြီး ခေါင်းကိုခါရမ်းကာ အလှပဂေးရေသူမထံ အော်ဟစ်နှုတ်ဆက်နေလေသည်။

"အာဝူး အာဝူး~"

ပရိတ်သတ်များအနေဖြင့်...

[ဗီဗီယန်: ဘုရားသခင်]

[ဆီးစိမ်းဝိုင်: ဘုရားသခင်]

[ပျော်ရွှင်နေတဲ့ အဝါရောင်ဖျော့ဖျော့ ဝေလငါးလေး: လမင်းရေကန်က မြေပုံအသစ်ဖြစ်မဲ့ပုံပဲ… အရင်တုန်းက တစ်ခါမှ မဖွင့်ဖူးဘူး… ခရီးသွားတွေနေဖို့ မပြောနဲ့... မင်းတို့ ဓာတ်ပုံတစ်ပုံလောက်ပဲ ရိုက်ချင်လို့ သွားချင်တယ်ဆိုရင်တောင် အဲဒီနေရာကိုသွားဖို့ မင်းတို့ ဖိတ်ကြားခံရမှာမဟုတ်ဘူး...ဝူးဝူးဝူ မြန်မြန်ရေ အဲဒါက မြန်မြန်တစ်ယောက်တည်းအတွက် ထိုက်တန်တဲ့အရာပဲ…]

ကစားကွင်းက အိပ်မက်များ အမှန်တကယ်လက်တွေ့ဖြစ်လာသည့် နေရာပင်ဖြစ်၏။ လူအတော်များများက ကိုယ်ပိုင်သီးသန့်နေရာတစ်ခုတွင် နေထိုင်ရန်နှင့်ပတ်သက်ပြီး အနည်းနှင့်အများ စိတ်ကူးယဉ်တတ်ကြသည်။ တောအုပ်ထဲ သို့မဟုတ် ရေကန်ဘေးတွင်ဖြစ်စေ၊ ကမ်းခြေ သို့မဟုတ် တောင်ပေါ်ရှိသစ်တောများထဲတွင်ဖြစ်စေ၊ ကိုယ်ပိုင်သစ်သားအိမ်ငယ်လေးနှင့် မီးဖိုချောင်သုံးပစ္စည်းများလည်းရှိကာ အားလပ်ချိန်တွင် စာအုပ်များကိုဖတ်ရင်း လရောင်နှင့်အတူ နူးညံ့အိစက်သောခေါင်းအုံးပေါ်တွင် အိပ်မောကျသွားနိုင်သည်။

ဒါဆို... အခု ဘယ်သူက ဒီလိုအရာမျိုးကို သည်းခံနေနိုင်မှာလဲ...

ကြည့်ရှုသူအရေအတွက်က လွယ်တကူ သန်း ၈၀ ကျော်သွားပြီး အရှိန်အဟုန်ဖြင့် ဆက်လက်မြင့်တက်လျက်ရှိသည်။

လမင်းရေကန်ပေါ်တွင် ရေသူမက အပေါ်သို့ မော့ကြည့်လိုက်ရာ ကုယွီမြန်ကို သယ်ဆောင်လာသော နဂါးကြီးကို တွေ့လိုက်ရသည်။ ထို့နောက် အနားသို့ရောက်ရှိလာပြီး ကုယွီမြန်ကိုနမ်းကာ ပြုံးပြလိုက်သည်။ ကုယွီမြန် အံ့ဩသွားပြီး ပြန်ပြုံးပြလိုက်သည်။

နှင်းကျားသစ်လေး၏နှလုံးသားမှာ ချဉ်စူးသွားရ၏။

"..." နဂါးကြီးက သစ်ပင်အိမ်လေး၏ဘေးနားတွင် ရပ်လိုက်သည်။ ကုယွီမြန် ဦးဆုံးဆင်းသွားလိုက်ပြီးနောက် ကလေးများကို တစ်ယောက်ပြီးတစ်ယောက် အောက်ချရန် လက်ဆန့်ထုတ်လိုက်သည်။ သိုးမွေးလုံးလေး ၄ လုံးက ကြိမ်ကုလားထိုင်ပေါ်တွင် တစ်လုံးပြီးတစ်လုံး စုပုံသွားသည်။

နှင်းကျားသစ်လေးက ထိုအရူး ၃ကောင်နှင့်အတူရှိနေရခြင်းကို ဂရုမစိုက်ပေ။ သူ ကုယွီမြန်ကို စိတ်ဆိုးနေဆဲဖြစ်သော်လည်း ကုယွီမြန်၏အင်္ကျီလက်အနားစကို ဆွဲယူကာ သူ့ပခုံးပေါ်တွင် လှဲလိုက်သည်။

"ကျွန်တော် အခု ဖက်ထုပ်တွေစလုပ်တော့မလို့…"

ကုယွီမြန်က နဂါးကြီးနှင့်ရေသူမကို ပြောလိုက်သည်။

"ခဏလောက်စောင့်ပါဦး မင်းတို့ မကြိုက်တဲ့ စားစရာတွေများရှိလား…"

ဤကဲ့သို့ပျော်စရာကောင်းသောနေရာတွင် ရေသူမသည် "ရေသူမလေးနှင့်နဂါးကြီး"ဇာတ်လမ်း၏ အဓိကအမျိုးသမီးဇာတ်ဆောင်ဖြစ်သည်။ စိတ်ကူးယဉ်ဇာတ်လမ်းတွဲများတွင် ရေသူမက သီချင်းသာဆိုနိုင်ပြီး စကားမပြောနိုင်သော မျိုးနွယ်စုတစ်စု၏ အနွယ်ဝင်တစ်ယောက်ဖြစ်သည်။ သူမက လုံးဝလှပ၏။ ရေသူမလေးက စားစရာတစ်ခုခုစားရမည်ဟု မျှော်လင့်မထားသောကြောင့် အလွန်အံ့အားသင့်သွားသည်။ မျက်တောင်ခတ်ကာ ဘာဖြစ်ဖြစ်အကုန်စားနိုင်ကြောင်း ဖော်ပြရန် သူမ၏ခေါင်းကို အလျင်အမြန်ညိတ်ပြလိုက်သည်။

သစ်ပင်အိမ်လေးထဲတွင် မီးဖိုချောင်မရှိသော်လည်း မီးဖိုချောင်သုံးပစ္စည်းများမှာ အစုံအလင်ပင်။ ထို့အပြင် ၎င်းတို့၏ပုံပန်းသွင်ပြင်ကို သစ်ပင်အိမ်လေးနှင့် လိုက်ဖက်ညီသောပုံစံဖြစ်အောင် ပြုပြင်ထားသည်။ အရက်မီးဖို၏ပုံစံက မီးသွေးမီးဖိုနှင့်တူပြီး ပန်းကန်များအားလုံးသည်လည်း သစ်သားပြားများပင်ဖြစ်၏။

[အလုပ်ကြိုးစားတဲ့ချိုးချိုး: ဒါဆို ရှောင်လုံပေါင်က ဘာကြီးလဲ(-_-)]

ကုယွီမြန် မီးအိမ်နှစ်ခုကို မီးထွန်းလိုက်ပြီး ရေကန်ကို မျက်နှာမူကာ စတင်ချက်ပြုတ်တော့သည်။

"မင်းတို့ အရင်တုန်းကစားဖူးတဲ့ ဖက်ထုပ်ကို မှတ်မိသေးလား… ရှောင်လုံပေါင်ကလည်း အဲဒီဖက်ထုပ်နဲ့ အမျိုးအစားတူတယ်… ဒါပေမဲ့ အရွယ်အစားသေးတယ်… ပါဝင်ပစ္စည်းနဲ့ ကုန်ကြမ်းပစ္စည်းတွေမှာလည်း ကွာခြားမှုတော့ရှိတယ်…"

မည်သို့ပင်ဆိုစေကာမူ ရှောင်လုံပေါင်နှင့်ထန်ပေါင်တို့က တူညီသောမျိုးနွယ်မှဆင်းသက်လာခြင်းဖြစ်သည်။ ကျင့်ခန်းတော်လှန်ရေးအပြီးတွင် မြောက်ပိုင်းစုန့်မင်းဆက်၏ တော်ဝင်မိသားစုက ၎င်းတို့ကို ယန်ဇီမြစ်၏တောင်ပိုင်းသို့ ယူဆောင်သွားခဲ့ကြသည်။ သို့သော် ၎င်းတို့က မြောက်ပိုင်းထန်ပေါင်များနှင့် ဆက်စပ်မှုမရှိသည်မဟုတ်ပေ။ ရှောင်လုံပေါင်ကို ရှောင်လုံပေါင်(လုံပေါင်လေး)နှင့် သာမန်လုံပေါင်ဟူ၍ ခွဲခြားထားသည်။ ရှောင်လုံပေါင်က ဆောင်းဦးရာသီနှင့် ဆောင်းရာသီတွင် စားရန်သင့်တော်သောကြောင့် ၎င်းကို ကုယွီမြန် ရွေးချယ်လိုက်ခြင်းဖြစ်သည်။

"မတူညီတဲ့ရာသီဥတုတွေကြောင့် မတူညီတဲ့အစာသွပ်ပစ္စည်းတွေကို ဖက်ထုပ်ထဲမှာ ထည့်ပေးရတယ်… အရင်ဆုံးမုန်နှစ်နဲ့ ဂျယ်လီကို လုပ်ကြရအောင်…"

ဥပမာအားဖြင့် အစာသွပ်များမှာ နွေရာသီအစောပိုင်းတွင် ပုစွန်ဆိတ်လေးများ၊ ဆောင်းဦးရာသီတွင် ကဏန်ဥ၊ ကဏန်းအသားနှင့် ကဏန်းအဆီတို့ပင်။

"ဖက်ထုပ်ရွက်ကို အချဉ်ဖောက်စရာမလိုဘူး…"

ကုယွီမြန်က အသင့်အတင့်စေးကပ်သော ဂျုံထဲသို့ ဆားဇွန်းအနည်းငယ်ကို ထည့်လိုက်သည်။ ရေထည့်ပြီးနောက် မုန့်နှစ်ဖြစ်စေရန် တူကိုအသုံးပြုကာ မွှေလိုက်သည်။ ထို့နောက် လက်ဖြင့် ဂျုံကိုစတင်နယ်လိုက်ပြီး နှပ်ထားလိုက်သည်။ နှပ်ထားပြီးနောက် မုန့်နှစ်ကို အပိုင်းသေးသေးလေးများအဖြစ် ခွဲခြမ်းလိုက်သည်။ ကုယွီမြန် ထိုအပိုင်းအစလေးများကို လုံးကာရေထဲသို့ထည့်လိုက်ပြီး ခေါက်ကာ စက်ဝိုင်းပုံသဏ္ဍာန်ဖြစ်အောင် ဖန်တီးလိုက်သည်။

အရွက်က အလယ်တွင်ထူကာ အစွန်းဘက်တွင် ပါးလွှာနေသည်။

ဖက်ထုပ်အသေးများကို ပြုလုပ်နေသည်ဖြစ်သောကြောင့် ကုယွီမြန်၏လက်ချောင်းများက အစွန်းဘက်တွင် အတွန့်လေးများဖြစ်အောင် ကျွမ်းကျင်စွာ တွန့်ခေါက်လိုက်သည်။ ထိုသို့တွန့်ခေါက်ထားသည်မှာ အစွန်းဘက်မျက်နှာပြင်၌ နူးညံ့ပြီးချစ်စရာကောင်းသော ကြာရွက်လေးတစ်ရွက်ရှိနေသကဲ့သို့ပင်။

"အီ"

ပန်ဒါလေးအဖြစ် ပြောင်းလဲသွားသော ထန်ယွမ်လေးက စပ်စုစွာဖြင့် တဖြည်းဖြည်းရောက်လာခဲ့ပြီး မြေခွေးလေးကိုလည်း ဆွဲခေါ်လာသေးသည်။ ဟက်စကီးလေးက အမြီးကိုဝှေ့ယမ်းလျက် ကုယွီမြန်၏ဘေးတွင် ကပ်တွယ်နေပြီး သူ့လက်များကို ဆန့်ထုတ်ကာ ရေကန်ကိုထိရန် ကြိုးပမ်းနေလေသည်။

🐯🐯🐯

Prev Next