MM Story Teller

Chapter 106

Viewers 18k

🐯Chapter 106

နှင်းကျားသစ်လေးက ကုယွီမြန်၏ပခုံးပေါ်တွင် သက်သောင့်သက်သာရှိစွာ လှဲနေပြီး သူ့ခေါင်းလေးကို ကုယွီမြန်၏နားရွက်နှင့် ပွတ်သပ်ကာ သမ်းဝေနေသည်။

ကုယွီမြန်၏မျက်လုံးများ ကွေးညွတ်သွားရသည်။

နှုတ်ခမ်းဆူကာ ရေကန်ထဲသို့ ကျလုနီးနီးဖြစ်နေသော ကောင်ငယ်လေးကို လက်ဆန့်ထုတ်ကာ ပွေ့ချီလိုက်သည်။ မိသားစုတစ်ခုလုံးက ညလယ်စာအဆာပြေစားရန် ရေကန်ဘေးတွင် စုဝေးနေကြသည်။ လူသားတစ်ယောက်အဖြစ် ပြောင်းလဲရမည့်အစား ရေသူမက သူမယောက်ျား၏နောက်ကျောပေါ်တွင် ထိုင်ကာ နဂါးကြီးသည်လည်း လေညင်းလေးနှင့်အတူ ရေကန်ပတ်ပတ်လည်သို့ သူမအား တရွေ့ရွေ့ခေါ်ဆောင်သွားသောကြောင့် ရေကန်ထဲရှိလမင်းကြီးက လှိုင်းဂယက်များထသွားရသည်။

ရေသူမက လေထဲသို့ငုပ်ဆင်းရန်၊ အရှိန်တင်ရန်နှင့် ပျံသန်ရန်တို့ကို နဂါးကြီးအား ပျော်ရွှင်စွာဖြင့် ညွှန်ကြားနေလေသည်။ မိဘနေရာသို့ ရောက်ရှိလာကြသောစုံတွဲက သူတို့၏ ပိုပြီးချစ်ခင်ရင်းနှီးလာမှုနှင့် အလိုလိုနားလည်ပေးမှုတို့မှလွဲ၍ အရူးအမူးချစ်ကျွမ်းဝင်နေကြသော ငယ်ငယ်ရွယ်ရွယ်နှင့် ကလေးဆန်သောချစ်သူများနှင့်နှိုင်းယှဉ်လျှင် ကွာခြားချက်မရှိလှပေ။

အချစ်...

ကုယွီမြန်အတွက် ထိုခံစားချက်မှာ စိမ်းသက်လွန်းလှသည်။ လူနှစ်ယောက်အတူတကွ ကြီးပြင်းလာကြခြင်းကို အချစ်ဟုဆိုနိုင်သည်။ တစ်ခါတစ်ရံတွင် နှစ်ယောက်စလုံး အတူတူမိုက်ရူးရဲဆန်နိုင်သည်။

နှင်းကျားသစ်လေးက ကုယွီမြန်ကို ပျင်းရိစွာ ကြည့်လိုက်ပြီး လက်များကိုဆန့်ထုတ်ကာ ကုယွီမြန်၏မျက်လုံးများကို ပိတ်ထားလိုက်သည်။

ဘာမှမနာလိုဖြစ်စရာမလိုဘူး… မင်းက အနာဂတ်မှာ သူတို့တွေထက် အဆပေါင်းများစွာ ပိုပျော်ရွှင်ရအုံးမှာ...

ထိုအချိန်တွင် ဖန်သားပြင်ပေါ်ရှိမှတ်ချက်များက ပေါက်ကွဲထွက်လာကြသည်။

[ဒါဆို မြန်မြန်ရေ၊ ငါ့ကိုရော မချစ်ချင်ဘူးလား…]

[စေတနာနဲ့ တာဝန်ယူပေးနိုင်ပါတယ်…]

[အချစ်ရေးကိစ္စလေးတွေ လုပ်ရအောင်… ငါတို့ကလေးတွေအားလုံးရဲ့နာမည်ကို ငါ မှတ်မိပါတယ်…]

အချိန်က အိပ်ရာဝင်ရန် အလွန်နီးကပ်နေသော်လည်း မှတ်ချက်ရေးသားသည့် ဖန်သားပြင်က အလွန်တက်ကြွနေဆဲပင်။ ကြည့်ရှုသူ သန်း ၉၀ နားနီးလာသည်နှင့်အတူ မှတ်ချက်များက မျက်နှာပြင်တစ်ခုလုံးတွင် ပြည့်နှက်နေပြီး စက္ကန့်တိုင်း ဆက်တိုက်ဆိုသလို ထောင်ပေါင်းများစွာသောမှတ်ချက်များ အသစ်သစ်ဖြစ်ပေါ်နေသည်။

"..."

နှင်းကျားသစ်လေးက သူ့မျက်နှာကို ကုယွီမြန်၏လည်ပင်း၌ နစ်မြှုပ်ထား၍ ကုယွီမြန်လည်း မရယ်မောဘဲမနေနိုင်တော့ပေ။

"ကောင်းပြီး… မုန့်နှစ်ကအဆင်သင့်ဖြစ်နေပြီ… ဂျယ်လီနဲ့ အတွင်းထဲမှာ ထည့်ရမဲ့အစာတွေကို လုပ်ရအောင်…"

အဓိကအစာသွပ်ပါဝင်ပစ္စည်းမှာ အသားဖြစ်၏။ ရာသီစာကြောင့် အသားအစာသွပ်အဖြစ် ကဏန်းသားကိုထည့်သွင်းထုပ်ပိုးရန် စီစဉ်ထားသည်။ ဂျယ်လီအဖြစ် ဓါတုဝက်ခေါက်နှင့် ဝက်အရိုးများကို ယခုထက်တိုင် ဘာမှမပြင်ဆင်ရသေးပေ။

မီးဖိုပေါ်တွင်တင်ထားသော ရေနွေးပွက်ပွက်ဆူဖြင့်ဖြောပြီးနောက် ကုယွီမြန်က ဓာတုဝက်သားများကို အစာသွပ်အဖြစ် တစ်ခါတည်း စဉ်းကောပြုလုပ်ကာ ကြက်သွန်နီ၊ ဂျင်း၊ ဟင်းချက်ဝိုင်နှင့် နှမ်းဆီကို ထပ်ထည့်လိုက်ပြီး သကြားအနည်းငယ်ဖြူးလိုက်သည်။ ထို့နောက် ကျက်သွားသည်အထိ မွှေနေလိုက်သည်။

"ဒါက ပိုနူးညံ့ပြီး ဝါးရအဆင်ပြေတယ်…"

အခေါက်နှင့်အရိုးကြီးများကို အိုးထဲသို့ပစ်ထည့်လိုက်ပြီး မီးမျှင်းမျှင်းဖြင့် ပြုတ်ထားလိုက်သည်။ အိုးထဲရှိရေက အလျင်အမြန်ဆူပွက်လာသည်။ အခေါက် အနည်းငယ် ပျော့ပျောင်းလာသောအခါ ကုယွီမြန် ၎င်းတို့ကို ယောက်ချိုဇွန်းဖြင့် ဆယ်ယူလိုက်ပြီး အပိုင်းသေးသေးလေးများအဖြစ် ခုတ်ထစ်လိုက်သည်။

ပန်ဒါလေး၊ မြေခွေးလေးနှင့် အာ့ဟာလေးတို့က ကုယွီမြန်၏လှုပ်ရှားမှုအောက်တွင် ဆွဲဆောင်ခံလိုက်ရသည်။ သူတို့ အလွန်နာခံသည်မှာ ရှားပါးသောကိစ္စတစ်ရပ်ဖြစ်ပြီး တစ်ယောက်ခေါင်းကို တစ်ယောက်မှီထားပြီး ကုယွီမြန်ဘေးနားတွင် စုဝေးကာ လည်ပင်းများကိုဆန့်တန်းပြီး ဟင်းအိုးကိုကြည့်နေကြသည်။

ကုယွီမြန် လက်များကိုဆေးပြီးနောက် သူတို့၏ခေါင်းသေးသေးလေးများကို ပွတ်သပ်လိုက်ပြီး ပေါင်းထားသောကဏန်းများကို ထုတ်ယူကာ ကဏန်းအသားရရန် ကဏန်းအခွံများကို ခွာလိုက်သည်။ ထို့နောက် ဟင်းချက်ဝိုင်နှင့် ဂျင်းမှုန့်တို့ကို အိုးထဲသို့ထည့်လိုက်ပြီး ပူလာသည်အထိ မွှေကာကြော်လိုက်သည်။

"ကဏန်းအသားကို ကြော်မယ်… ကြော်ရမှာက အသားရဲ့အရောင် ပြောင်းလာတဲ့အထိပါပဲ…"

ကုယွီမြန် ဆက်ပြောလိုက်သည်။

ဆီပွက်သံကိုကြားရချိန်တွင် ကဏန်းအသား ပမာဏအနည်းငယ်ကို အရောင်လှလှ၊ ဆွဲဆောင်မှုရှိသောအနံ့နှင့်အတူ ကျုံ့သွားသည်အထိ အလျင်အမြန် ထည့်ကြော်လိုက်သည်။ အရိုးကြီးများသည်လည်း မီးဖိုပေါ်တွင် ဆူပွက်နေပြီးဖြစ်၏။ ကုယွီမြန် ကဏန်းအသားအချို့ကို ဖယ်လိုက်ပြီး ရောနှောပြီးအစာသွပ်ပြုလုပ်ရန်အတွက် ကမာကောင်အသားအနည်းငယ်ကို ထပ်ထည့်လိုက်သည်။ ထိုအချိန်တွင် အရိုးပြုတ်အရည်သည် ပျစ်လာပြီး အအေးခံလိုက်ချိန်တွင် အရည်အဖြစ်ရှိမနေတော့ဘဲ ခဲသွားပေလိမ့်မည်။

တိတ်ဆိတ်ငြိမ်သက်သော ရေကန်အလယ်ရှိ မီးအိမ်သေးသေးလေးအောက်တွင် နို့နှစ်ရောင်ရှိပြီး အချိန်ချိန်ကြာကြာတည်ထားသော အရိုးပြုတ်ရည်အိုးက အရက်မီးဖိုပေါ်တွင် ပွက်ပွက်ဆူနေပြီး ပြီးပြည့်စုံသောအနံ့နှင့်အတူ အဖြူရောင်ကဏန်းသားနှင့် ကမာကောင်များက ထိုအထဲတွင် လှည့်ပတ်နေပြီး တစ်ခါတစ်ရံ အပေါ်သို့ပေါ်လာသည်။

ပရိသတ်များ "…"

ပန်ဒါလေး၊ မြေခွေးလေးနှင့် အာ့ဟာလေးတို့က လောဘတကြီး ဘယ်ပြန်ညာပြန်ကြည့်နေပြီး တံတွေးများကိုမျိုချလိုက်သည်။ နှင်းကျားသစ်လေးက လက်ဆန့်ထုတ်ကာ ကုယွီမြန်ကိုင်ထားသော ဇွန်းရှည်ကိုဆွဲယူပြီး အလျင်အမြန် ပြုလုပ်သင့်ကြောင်း အကြံပြုလိုက်သည်။ ရေသူမက နဂါးကြီး၏ကျောပေါ်တွင် ထိုင်နေပြီး လေစုန်မှလာသောရနံ့ကို အနံ့ခံကာ လေထဲသို့ ခုန်ဆင်းလိုက်ပြီး သစ်ပင်အိမ်လေးရှေ့တွင် ရပ်လိုက်သည်။ လင်မယားနှစ်ယောက်စလုံး ကုယွီမြန်ကို တလက်လက်တောက်ပသော မျက်လုံးများဖြင့်ကြည့်နေကြသည်။

ကုယွီမြန် : "...ဒီစွပ်ပြုတ်ကို ဖက်ထုပ်တွေထဲမထည့်ခင် အအေးခံဖို့လိုသေးတယ်…"

ကုယွီမြန် ရယ်လိုက်သည်။

"ခဏလေးစောင့်ပါဦး… ကျွန်တော် အဲဒါတွေကို ထုပ်လိုက်တော့မယ်…"

မှတ်ချက်ရေးသားသည့် ဖန်သားပြင်ပေါ်ရှိ ပရိသတ်များ၏တုန့်ပြန်မှုက ထိုနေရာတွင် ကြည့်ရှုနေကြသော အကောင်ပေါက်လေးများ၊ ရေသူမနှင့် နဂါးကြီးတို့ထက် မလျော့ပေ။

[အဖြူရောင်သစ်တော်ပန်းပွင့်လေး: မြန်မြန်ရဲ့ ကျွမ်းကျင်မှုက ဘယ်တော့မှ ငါ့ကိုစိတ်မပျက်စေရဘူး… အရသာကို ငါ့လျှာပေါ်မှာ စပြီးစိတ်ကူးယဉ်ကြည့်နေမိပြီ တံတွေးတွေမျိုချပြီးတော့ပေါ့…]

[မင်းက တစ်၊ နှစ်၊ သုံးလို့ပြောတယ်: အံ့ဩစရာပဲ တကယ်ကိုအရသာရှိတယ်… ဒီစွပ်ပြုတ်က သောက်လို့မရဘူးလား…]

[ရှောင်ချမ် ရေယပ်: မပြီးသေးဘူးလား မြန်မြန်ရေ... ငါကတော့ စားလို့ရပြီလို့ ထင်တယ်နော် QAQ မြန်မြန်လုပ်ပါ…]

လက်ဆောင်ပေးပို့သည့် အထူးပြုလုပ်ချက်များက တစ်ခုပြီးတစ်ခု ပေါက်ကွဲထွက်လာပြီး ကြည့်ရှုသူအရေအတွက်က သန်း ၉၀ မှ သန်း ၁၀၀ အထိ တိုက်ရိုက် ခုန်တက်သွားသည်။ ည ၁၁ နာရီထိုးရန် နီးကပ်နေပြီဖြစ်ပြီး ထိုအချိန် စုစုပေါင်းပလက်ဖောင်း ဆက်သွယ်ရေးလမ်းကြောင်းများက ကျဆင်းနေပြီးဖြစ်၏။ ကုယွီမြန် တိုက်ရိုက်ထုတ်လွှင့်နေသည်မှာ တစ်နာရီပင်မပြည့်သေးပေ။ ထိုသို့စတင်တိုက်ရိုက်ထုတ်လွှင့်ပြီးနောက် မကြာမီမှာပင် အချိန်နှင့်တပြေးညီကျော်ကြားမှုစာရင်းတွင် ပထမနေရာသို့ရောက်ရှိသွားခဲ့သည်။

" ထည့်ရမဲ့အစာတွေကို အကြမ်းလုပ်ထားလိုက်မယ်… ပြီးရင် အအေးခံထားတဲ့ စွပ်ပြုတ်အရည်နဲ့ အသားကို မုန့်နှစ်ထဲမှာ ရစ်ပတ်ထုပ်ပိုးထားရမယ်…"

သစ်ပင်အိမ်လေးထဲတွင် အလင်းရောင်အနည်းငယ်သာရှိ၍ မနီးမဝေးရှိ ချမ်းသာကြွယ်ဝသော စိတ်ကူးယဉ်မြို့တော်နှင့် နှိုင်းယှဉ်၍မရပေ။ ညအချိန်ဖြစ်နေလျှင်ပင် ထိုနေရာတွင် တိတ်ဆိတ်ငြိမ်သက်နေဆဲပင်။ ခပ်မှိန်မှိန်အဝါရောင်မီးအိမ်၏အောက် ကျဉ်းကျဉ်းကျပ်ကျပ်နေရာလေးထဲ၌ လူတိုင်း တိုးဝှေ့ပူးကပ်နေကြပြီး ကုယွီမြန်၏ဖက်ထုပ်လေးများကို ဂရုတစိုက်ကြည့်နေကြသည်။

ကုယွီမြန်က ခပ်ပျစ်ပျစ်စွပ်ပြုတ်ထဲသို့ ပဲငံပြာရည်ဇွန်းအနည်းငယ်၊ ဟင်းချက်ဝိုင်နှင့် နုပ်နုပ်စဉ်းထားသောအသားများကို ထပ်ထည့်လိုက်သည်။ အသားအစာသွပ်များကို ရွှေဝါရောင်ကဏန်းကြော်နှင့် ကဏန်းဆီတစ်ဇွန်းဖြင့် ထုပ်ပိုးလိုက်သည်။ ထို့နောက် ၎င်းတို့အားလုံးကို အတူတကွ ရောကြော်လိုက်သည်။ စွပ်ပြုတ်ပျစ်ပျစ်က အရည်အဖြစ်သို့ပြောင်းသွားကာ ရောနှောသွားသည်။ ယခုလေးတင်လှိမ့်ထားသည့် သေးငယ်သောမုန့်နှစ်လုံးများကို ယူလိုက်ပြီး ရေထဲတွင်နှစ်ကာ ပြန်ဆယ်ယူလိုက်သည်။ တူဖြင့်အစာသွပ်များကို ထည့်သွင်းကာ လက်များဖြင့် အတွန့်ကလေးများဖြစ်အောင်လုပ်လိုက်သည်။

ဖက်ထုပ်ရွက်ကိုယ်တိုင်က ကြာရွက်ကဲ့သို့ အနားသတ်ရှိသည်။ ကုယွီမြန်က လက်တစ်ဖက်ထဲတွင် ဖက်ထုပ်ရွက်ကိုကိုင်ထားကာ အခြားလက်တစ်ဖက်ဖြင့် အတွန့်လေးများကိုတွန့်ခေါက်လိုက်သည်။ ပြီးလျှင် အဝေးသို့တွန်းပို့ကာ ၎င်းတို့ကို ပိုင်းခြားထားလိုက်သည်။ ဖက်ထုပ်လုံးနေသည်မှာ အဆုံးသတ်သို့ရောက်ခါနီးလာပေပြီ။ ထို့နောက် ၎င်းတို့က သေးငယ်ပြီးနူးညံ့သော ဖက်ထုပ်လုံးလေးများဖြစ်လာသည်။

"မင်းတို့ ဖက်ထုပ်လုံးရဲ့ထိပ်ကို ဖျစ်ညှစ်ပစ်ဖို့မလိုဘူး…"

ကုယွီမြန် ပြောလိုက်သည်။

ဖက်ထုပ်ဖြူဖြူလေးများကို ပေါင်းအိုးပေါ်တွင် သပ်သပ်ရပ်ရပ်နေရာချထားလိုက်သည်။ ၎င်းတို့က ဇော်မွှားပန်းများကဲ့သို့ ကောင်းစွာအချိုးကျကာ ကျစ်လျစ်သိပ်သည်းသော်လည်း ပန်းများထက် အရသာရှိပြီး ဆွဲဆောင်မှုရှိလှပေသည်။

ပေါင်းအိုးတစ်ခုစီတွင် ဖက်ထုပ်ခြောက်လုံးရှိပေသည်။ ဤနေရာတွင် လူများစွာရှိနေပြီး ဧည့်သည်များကို ဧည့်ခံရမည်ဖြစ်သောကြောင့် ပေါင်းအိုးခြောက်ခုကို အပြည့်ဖြည့်ရန် ဖက်ထုပ်များကို အလုံအလောက်ပြုလုပ်ထားလိုက်သည်။ ဖက်ထုပ်ပေါင်းများ ကျက်မည့်အချိန်ကို စောင့်ဆိုင်းနေစဉ်တွင် ကုယွီမြန်က ကြက်ဥအစိမ်းစွပ်ပြုတ်ကို ပြုလုပ်ရန်ဆုံးဖြတ်လိုက်သည်။ သူ ငယ်စဉ်အချိန်က သူ့မိသားစုက ကြက်ဥစွပ်ပြုတ်နှင့် ဖက်ထုပ်များကို ကြိုက်ကြသည်။ ၎င်းက အထူးတလည်ကြီးမဟုတ်သော်လည်း အချစ်များဖြင့် စုပုံပြည့်နှက်နေသော အလေ့အကျင့်တစ်ခုပင်ဖြစ်၏။

ကြက်ဥများကိုခွဲလိုက်ပြီး ၎င်းတို့ကို ကောင်းကောင်း ရောမွှေလိုက်သည်။ ထို့နောက် ဦးဆုံး ကြက်ဥကြော်ရန် ဆီကိုအပူပေးလိုက်ပြီး ပြီးပြည့်စုံသောကြက်ဥအလွှာလေးဖြစ်စေရန် ဒယ်အိုးထဲတွင် ပေါ့ပေါ့ပါးပါး ကြော်လိုက်သည်။ ထို့နောက် ရေထပ်မထည့်မီ ကြက်ဥကြော်ကို အပိုင်းသေးသေးလေးများအဖြစ် လှီးဖြတ်လိုက်သည်။ ကြက်သွန်နီ၊ ဂျင်းနှင့် ကြက်သွန်ဖြူများကို ထည့်ပြီးနောက် မီးအေးအေးဖြင့် အပူပေးလိုက်သည်။

စွပ်ပြုတ်က ဆူပွက်လာပြီး အဝါရောင်တောက်တောက်သန်းလာသောအခါ ကုယွီမြန် နောက်ထပ် ကြက်ဥအစိမ်းတစ်လုံးကို ဖောက်ထည့်လိုက်ပြီး တူဖြင့်ထိန်းထားကာ ကြက်ဥအနှစ်များကို အိုးထဲသို့ အမျှင်ပါးပါးလေးများအဖြစ် စီးဆင်းသွားစေလိုက်သည်။ ထိုအမျှင်လေးများက အိုးထဲတွင် လှပသောရွှေရောင်ကြက်ဥပန်းလေးတစ်ခုအဖြစ် ပြောင်းလဲသွားသည်။

အနည်းငယ်ပျစ်သော ကြက်ဥစွပ်ပြုတ်တွင် ကြက်သွန်မြိတ်များဖြင့် အလှဆင်ထားသော ရွှေရောင်ပန်းလှလှလေးများပါရှိပေသည်။ အရောင်က မျက်စိထဲတွင် ထင်းမနေသော်လည်း ယှဉ်တွဲထားပုံမှာ အလွန်လှပ၏။ ဖက်ထုပ်အိုးပူပူများက မွှေးရနံ့သင်းကြိုင်လာသည်။

ကုယွီမြန် စွပ်ပြုတ်ပန်းကန်းအများအပြားကို ယူလာပြီး အကောင်ပေါက်လေးများ၊ ရေသူမနှင့် နဂါးကြီးတို့ကို တစ်ယောက်တစ်ပန်းကန်စီပေးလိုက်သည်။

ထိထိမိမိရှိကာ၊ လတ်ဆတ်နွေးထွေးသော ပန်းပုံစံ ကြက်ဥစွပ်ပြုတ်မှာ သာမန်ဖြစ်သော်လည်း နူးညံ့သောကြက်ဥအနှစ်၊ ကြွပ်ရွသောကြက်ဥကြော်နှင့် ကြက်သွန်မြိတ်တို့၏အရသာကို ခံစားနိုင်ပေသည်။

အလွန်ရိုးရှင်းသော်လည်း အံ့ဩစရာကောင်းပြီး နှုတ်မြိန်စေသည့်စွပ်ပြုတ်ပင်။ နောက်ထပ်အရသာရှိသော အစားအစာအတွက် ကောင်းမွန်စွာ အထူးစီမံပြုလုပ်ထားသည့်အရာပင်ဖြစ်ပြီး လူအများအား နောက်ထပ် နောက်ထပ် ထပ်မံစားသောက်ချင်လာစေသည်။

စိတ်ကူးယဉ်မြို့တော် လမင်းရေကန်တွင် သစ်ပင်အိမ်လေး၏မီးအလင်းရောင်က ရောင်ပြန်ဟပ်လျက်ရှိပြီး ဆောင်းဦးရာသီ၏ညခင်းအချိန်အခါမှာ ချမ်းအေးလှ၏။ ဤသို့သောရာသီဥတုတွင် သူတို့ ဦးဆုံး ကြက်ဥစွပ်ပြုတ်တစ်ပန်းကန်ကို သောက်ပြီးနောက် လတ်ဆတ်လှပပြီး နူးညံ့သောရနံ့ရှိသည့် ဖက်ထုပ်လေးများကို စားစေသည်။

ထိုသို့သောအခွင့်အရေးကို မည်သူမျှငြင်းပယ်နိုင်မည် မဟုတ်ပေ။

"အီ"

ပန်ဒါလေးက သူ့ဗိုက်လေးကိုကိုင်ကာ စွပ်ပြုတ်ကိုသောက်ပြီးနောက် ကုယွီမြန်၏ရင်ခွင်ထဲတွင် လှဲကာ သူ့လက်များကိုစုပ်ရင်း ဖက်ထုပ်ပေါင်းအိုးကို ကြည့်နေသည်။ ဟက်စကီးလေးက ကုယွီမြန်၏အနီးတစ်ဝိုက်တွင် လျှောက်သွားနေပြီး မြေခွေးလေးက စွပ်ပြုတ်ပန်းကန်ကိုကိုင်၍ နှာရှုတ်နေလေသည်။

နှင်းကျားသစ်လေးက သက်သောင့်သက်သာရှိစွာ မျက်လုံးများကိုမှေးကျဉ်းထားသည်။

နဂါးစုံတွဲက တံစက်မြိတ်အောက်တွင် ထိုင်နေပြီး ပျော်ရွှင်စွာဖြင့် သူတို့၏အမြီးများကို ရေကန်ပေါ်တွင် ရိုက်ခတ်ရင်း လှိုင်းဂယက်လေးများထသွားစေသည်။

အစောပိုင်းကတည်းက ဖန်းသားပြင်ပေါ်ရှိမှတ်ချက်များ၏ အရေအတွက်က ကျဆင်းသွားခြင်းမရှိပေ။ အရသာရှိသောအစားအသောက်များကြောင့် လက်ဆောင်ပစ္စည်းအရေအတွက်သည်လည်း မျက်စိတစ်မှိတ်အတွင်း သန်းပေါင်းများစွာအထိ ရရှိလာခဲ့သည်။ ခဏကြာပြီးနောက် ကလေးများ၊ ရေသူမစုံတွဲနှင့် သန်းပေါင်းများစွာသော ပရိသတ်များ၏ မျှော်လင့်စောင့်စားမှုများအောက်တွင် ဖက်ထုပ်ပေါင်းအိုးလေးများကို ဆွဲထုတ်လိုက်သည်။

🐯🐯🐯

Prev Next