MM Story Teller

Chapter 120

Viewers 18k

Chapters 187

🐯Chapter 120

"ကောင်းကောင်းသောက်နိုင်တာပဲ.."

မှင်စာအမျိုးသားတစ်ယောက်က လက်မထောင်ပြလိုက်သည်။

"မင်းက ဒီလိုပုံစံနဲ့မလို့ မထင်ထားဘူး...သောက်နိုင်သေးသားပဲ..."

ကုယွီမြန် : "…"

ဤနေရာမှ ပြည်သူများနှင့်ယှဥ်လျှင် သူက လုံလောက်အောင် မကြမ်းတမ်းသော်လည်း သူတို့အား နားမလည်နိုင်ခဲ့ချေ။

ငါက ကြမ်းနေလို့လား...

( အရက်အသောက်ကြမ်းတာကို ပြောချင်တာပါ )

သို့သော် ဘယ်ရီဝိုင်က ကုယွီမြန် ထင်ထားသည်ထက်အနည်းငယ် ပိုပျစ်သည်။ ၎င်းက ချိုမြိန်သောကြောင့် သူအလွန်ကြိုက်နှစ်သက်သည်။ သူပြန်သည့်အခါ အနည်းငယ်ဝယ်သွားမည်ဟု တွေးထားလိုက်သည်။

ထန်ယွမ်လေးက သူတို့ပြောနေသည့် အကြောင်းအရာများအား နားမလည်သော်လည်း အခြားသူများ ကုယွီမြန်အား ချီကျူးသည်ကို နားထောင်ပြီး ကောင်လေးက ပို၍ပျော်လာသည်။ သူက လက်ဖဝါးလေးများကိုတီးကာ ကုယွီမြန်

၏လက်မောင်းတွင်းသို့ ဝင်သွားသည်။ ကုယွီမြန် ပြုံးလိုက်မိပြီး သူ့အားပြန်ဖက်လိုက်သည်။

နှင်းကျားသစ်လေးက သူ့မျက်လုံးများကို ငုံ့ကြည့်ပြီး လက်ဖဝါးလေးအားဆန့်ကာ ကုယွီမြန်၏နဖူးမှ အပူချိန်ကို စမ်းကြည့်လိုက်သည်။ ကုယွီမြန်က မသေချာသော်လည်း

သူ့လက်ကလေးအားယူပြီး နမ်းပေးလိုက်သည်။

[ဘဲဥ ဆားငန် : ငါမှတ်မိတာသာ မှန်မယ်ဆိုရင် အရက်ပါဝင်နှုန်းက အရမ်းမြင့်တယ်မလား...မြန်မြန်က ကောင်းကောင်းသောက်နိုင်တယ်ပေါ့...]

[ဝက်သားနှပ်စားရတာကြိုက်တယ် : သူ အဆင်ပြေရဲ့လား...]

ထိုအချိန်တွင် လှေက မြို့တွင်းသို့ ဖြည်းညှင်းစွာ ရွက်လွှင့်လာကာ အရောင်စုံပြီးဆူညံသော ကမ္ဘာတစ်ခုက သူတို့၏ရှေ့တွင် ပေါ်ပေါက်လာသည်။ ကောင်းကင်မှ ရောင်စုံမီးများက မြစ်ပေါ်တွင် အရောင်စုံ ရောင်ပြန်ဟပ်နေသည်။ စုန်းမလေးတစ်ယောက်က တံမြက်စည်းစီးပြီး

ပျော်ရွှင်စွာအော်၍ လေထဲတွင် ပန်းများကျဲသွားသည်။ခရီးသွားတီးဝိုင်း၏ အကော်ဒီယံသံက လမ်းတစ်ဖက်မှတစ်ဖက် စီးဆင်းနေသည်။

အရာရာတိုင်း တည်ရှိနေသည်။

အသီးအနှစ်ဖျော်ရည်နှင့် ဝိုင်များရောင်းချခြင်း၊ မီးပုံပွဲအတွက် ထင်းရောင်းခြင်း၊ မကောင်းဆိုးဝါးငယ်လေးများ ကခုန်နေကြခြင်း၊ နတ်သမီးအတောင်ပံများဖြင့် အလှဆင်ထားသော သလင်းကျောက်များ၊ စုန်းမများ၏ရှေ့ဖြစ်ဟောဆိုင်များ၊ လူပုလေးများ၏ ပန်းပဲကျိုခြင်းနှင့် ပစ္စည်းရောင်းချခြင်း တို့ရှိသည်။ လူများက ရယ်မောရင်းဆူညံသံများပြုလုပ်ကာ ဝိုင်သောက်ရင်းဖြင့် တေးသီချင်းများနားထောင်နေကြသည်။ မနီးမဝေးတွင် ဆပ်ကပ်တဲတစ်ခု တပ်ဆင်ထားပြီး ဖျော်ဖြေပွဲ ပြုလုပ်တော့မည်ဖြစ်သည်။ စုန်းမများနှင့်လူပုလေးများက အနည်းငယ် အထီးကျန်နေသော်လည်း ပတ်ဝန်းကျင်တွင် စူးစမ်းလိုသည့်လူများစွာလည်းရှိသည်။

ယခုအချိန်တွင် ညရောက်သည်နှင့် ညစျေးဖွင့်ပြီဖြစ်ပြီး သက်ဝင်လှုပ်ရှားမှုအရှိဆုံး အချိန်သို့ မရောက်သေးချေ။

သို့သော် ကုယွီမြန်နှင့်ကလေးများက လုံးဝ ဆွဲဆောင်ခံရပြီးဖြစ်သည်။

ဤနေရာတွင် သူတို့မမြင်ဖူးသည့်အရာများစွာရှိ၍ မေ့လဲကျလုနီးပါးပင်။

သို့သော် မကြာမီတွင် ကုယွီမြန်၌ ထိုအရာများကိုကြည့်ရှု့ရန် အချိန်မရှိခဲ့ချေ။ ကလေးလေးယောက်၏ မိဘအနေဖြင့် အရှုပ်များအားရှင်းခြင်း (သို့) ဖြေရှင်းရန်အပြေးအလွှားသွားခြင်းတို့ဖြင့် စက္ကန့်တိုင်း ရှုပ်ထွေးနေသည်။

ဟက်စကီးလေးက ချိုချဥ်အားကိုက်ပြီး စုန်းမကြီး၏ သလင်းကျောက်အားယူရန် သူ့အမြီးအား ခါကာ ကုယွီမြန်ထံပေးလိုက်သည်။ သူက တစ်ယောက်ပြီးတစ်ယောက်ကို တောင်းပန်နေခဲ့ရသည်။ ထန်ယွမ်လေးကသူ၏လက်တွန်းလှည်းအား စိတ်အားထက်သန်စွာ မောင်းနှင်ခဲ့သော်လည်း မြေခွေးလေးက သူ့အား မပြေးရန်အတွက် မဖြောင်းဖျနိုင်ခဲ့ချေ။ သူက လမ်းသွားလမ်းလာများအား တောင်းပန်ချင်နေသည်။ နှင်းကျားသစ်လေးက

ကုယွီမြန်နှင့် နီးကပ်လာသည့် မိန်းကလေးများအား အေးစက်စွာ စိုက်ကြည့်ခဲ့၍ မိန်းကလေးများစွာအား ကြောက်ရွံ့ကာငိုစေခဲ့ပြီး ၎င်းတို့အားလည်း တောင်းပန်ချင်ခဲ့သည်။

ကုယွီမြန်: "......"

"ကောင်းပြီ အနားယူကြရအောင်..."

ကုယွီမြန်ပြောပြီးနောက် ကလေးများအား အကြောက်အကန်တစ်ဝက်ဖြင့် လှေထံသို့ပြန်ခေါ်ခဲ့၍ နောက်ဆုံးတွင် ရှုပ်ထွေးမှုနှင့် ဘေးအန္တရာယ်များ ရပ်တန့်သွားသည်။

ဆပ်ကပ်၏ဖျော်ဖြေမှုက မြို့တော်အလယ်ရှိ ရေကန်ပေါ်တွင်ဖြစ်သည်။ သူတို့၏နေရာက အလွန်ကောင်းမွန်ပြီး အရှေ့တန်းနှင့်နီးသည်။

ညက လုံးဝညဥ့်နက်လာသည်။ နူးညံ့တောက်ပသော လရောင်နှင့် အလင်းရောင်များက စိတ်ကူးယဥ်မြို့တော်၏ ရေငွေ့ထဲတွင် တစ်လက်လက်တောက်ပနေသည်။ ယခုအခါ တူရိယာဝိုင်းနှင့် သီဆိုသူက ကွဲပြားစွာ သီဆိုနေကြသည်။ မကြာမီတွင် ဆပ်ကပ်စတင်တော့မည်ဖြစ်သည်။

ကလေးအနည်းငယ်က စိတ်လှုပ်ရှားနေဆဲဖြစ်ပြီး လှေထဲတွင် လှုပ်လှုပ်ရွရွဖြစ်နေသည်။

"အီ"

ထန်ယွမ်လေးက မြေခွေးလေးသူ့ကို ကြည့်မနေသည့်အချက်အား အခွင့်ကောင်းယူကာ ပန်းကုံးအား သူ့ခေါင်းပေါ်တင်လိုက်သည်။ မြေခွေးလေးက ဒေါသထွက်ကာ ကုယွီမြန်၏ရင်ခွင်ထဲဝင်၍ ရှက်ရွံ့စွာထိုင်လိုက်သည်။ ဟက်စကီးလေးက သူ့ခြေသည်းများကိုဆန့်၍ ပန်းကုံးအား ဆွဲယူလိုက်သည်။

ကုယွီမြန် ရှေ့နောက်ပြေးလွှားပြီးနောက် မောပန်းနေသော်လည်း ယခုအခါ မရယ်ဘဲမနေနိုင်ခဲ့ချေ။ သူ၏ပါးတွင်အပူအနည်းငယ် ခံစားလိုက်ရသည်။

ရုတ်တရက် သူ၏ခေါင်းပေါ်တွင် အလေးချိန်တစ်ခုအားခံစားလိုက်ရသည်။ ကုယွီမြန် လက်ဆန့်၍ ထိကြည့်လိုက်သည့်အခါ အဖြူရရောင်အမွေးဖွားဖွားလေးဖြင့် နားရွက်လေးများက သူ့ခေါင်းပေါ်တွင် ပေါ်လာသည်။ နှင်းကျားသစ်‌လေးက ဘာမျှမဖြစ်ပွားခဲ့သည့်အတိုင်း မျက်လုံးများ ဆက်ဖွင့်ထားသည်။

"ငါ ဝတ်ဖို့အတွက် ဝယ်လာခဲ့တာလား..."

ကုယွီမြန်က နှင်းကျားသစ်လေး၏ ခေါင်းလေးအားပွတ်လိုက်သည်။

"ဘာအတွက်ဝယ်ခဲ့တာလဲ..."

အမှန်တွင် ကုယွီမြန်က ဤအဆင်တန်ဆာများအပေါ်မိန်းကလေးများ၏ နှစ်သက်မှုအား နားမလည်နိုင်ခဲ့ချေ။ သို့ရာတွင် သူက သားပေါက်လေးများကို ချစ်မြတ်နိုးပြီး အလိုလိုက်တတ်သည့်မိဘဖြစ်၍ နှင်းကျားသစ်လေး ကြိုက်နှစ်သက်သည်ကို မြင်သောအခါ မဝတ်နိုင်စရာအကြောင်း မရှိတော့ပေ။

သူတို့ စျေးဆိုင်တန်းနားက ဖြတ်လာသောအခါ အလှဆင်ရန်အတွက် ကြောင်နားရွက်နှင့်ယုန်နားရွက်များ ရောင်းချနေပြီး ၎င်းတို့ကို မျိုးနွယ်နှင့်လည်း အလိုအလျောက် လိုက်လျောညီထွေဖြစ်အောင် ပြုလုပ်နိုင်မည်ကို တွေ့ခဲ့ရသည်။ ၎င်းတို့က အစစ်နှင့်အလွန်တူ၍ မိန်းကလေးများကြားတွင် ရေပန်းအစားဆုံးဖြစ်သော နားရွက်မွေးများပါသည့် ခံစားချက်အား တွေ့ကြုံခံစားနိုင်သည်။

နှင်းကျားသစ်လေးက သူ့အား အဖြူရောင် ကြောင်နားရွက်တစ်စုံ ဝယ်လာပေးသည်။ သူ တိတ်တဆိတ်သဘောကျနေသော ကောင်မလေးအား ပေးရန် ပြန်ယူလိမ့်မည်ဟု ကုယွီမြန်က ထင်ခဲ့သည်။

ထန်ယွမ်လေးနှင့် ဟက်စကီးလေးက ရပ်တန့်သွားပြီး ကုယွီမြန်အား ကြည့်နေခဲ့သည်။ မြေခွေးလေးသည်လည်း ထိုအတိုင်းပင်။

မှတ်ချက်မျက်နှာပြင်က အံ့သြထိတ်လန့်ဖွယ် တိတ်ဆိတ်နေခဲ့ပြီး တစ်ခဏအကြာတွင်…

[မီးအောက် : ညီအစ်ကိုတို့ ငါနှာခေါင်းသွေးလျှံနေပြီ...]

[ကျင်း၁၀၀ထိ ဝတ်ချဖို့ကြိုးစားနေတယ် : +1]

[လိမ္မော်သီးထဲကလိမ္မော်သီး : ဒီ ဒီကောင်မလေး သည်းမခံနိုင်တော့ဘူး...အားးးး ဘယ်လိုတောင် လှပပြီးဆွဲဆောင်မှုရှိတဲ့ မျက်နှာလေးလဲ...]

[ဘဲဥဆားစိမ် :ငါ့မှာပြောစရာရှိတယ်... ကြောင်နားရွက်လေးတွေက တကယ့်ကိုကြည့်လို့ကောင်းတယ်... ဒါပေမဲ့ မင်း နည်းနည်းမူးမနေဘူးလား... ဝိုင်က အရမ်းပြင်းတယ်လို့ပြောခဲ့တယ်မလား...]

ကြည့်ရှုသူများမှာ သန်း ၅၀၀သို့ ရောက်သွားပြီဖြစ်ပြီး လူတိုင်းက အလွန်ပျော်ရွှင်ကာ ဆူညံ့စွာဆော့ကစားနေခဲ့ပြီး မှတ်ချက်မျက်နှာပြင်ကလည်း အချိန်နှင့်အမျှ အသစ်များတက်နေသည်။

"မူးနေလားဆိုတာ ကျွန်တော့်ကို ပြောတာလား..."

ကုယွီမြန်က ပါးကို သူ့လက်ခုံဖြင့် ထိကြည့်လိုက်ပြီး နှုတ်ခမ်းထောင့်များ မြင့်တက်လာသည်။ သူ မူးနေသည့်အခါ ရယ်ရသည်အား အလွန်ကြိုက်သည်။ အထူးသဖြင့် ယခု သူအလွန်ပျော်ရွှင်နေသောကြောင့်ဖြစ်၏။

ထန်ယွမ်လေး၊ မြေခွေးလေးနှင့် ဟက်စကီးလေးကလည်း သူ့အပြုံးအားမြင်သောအခါ လိုက်မရယ်ဘဲ မနေနိုင်ချေ။အဆုံးတွင် ကြည့်ရှုသူအားလုံးက ပထမတွင် ပြုံးလိုက်မိပြီး နောက်ပိုင်းတွင် တဟားဟားရယ်သံများဖြင့် ပြည့်သွားသည်။

သို့သော်...

အမှန်တွင် ဤနှင်းကဲ့သို့ ဖြူဖွေးနေသော အမွေးဖွားနားရွက်များက ကုယွီမြန်နှင့် အလွန်လိုက်ဖက်သောကြောင့် လူများစွာ အံ့အားသင့်ခဲ့ရသည်။ ကုယွီမြန်က အရာရာတိုင်းတွင် ချောမောခံ့ညားပြီး ရင့်ကျက်သည့်ခံစားချက်အား ပေးစွမ်းသော်လည်း ယခုကဲ့သို့ ချစ်စဖွယ်အရာလေးများဖြင့် အလွန်လိုက်ဖက်သည်မှာ စိတ်ကူးကြည့်ရန်ပင် ခက်ခဲသည်။

ပျားရည်ကဲ့သို့ နွေးထွေးသော အလင်းရောင်ရှိသော မျက်လုံးများက ရွှေရောင်အလင်းတန်းများကို ရောင်ပြန်ဟပ်နေသည်။ သူ အနည်းငယ်မူးနေသည်မှာ ဖြစ်နိုင်သည်။ ကုယွီမြန်၏မျက်လုံးများက အလင်းရောင်

အလွှာများနှင့် ပြည့်နေပြီး သူ့ပါးပြင်ကိုလည်း အမှုန်အမွှားများဖြင့် ဖုံးအုပ်နေသည်။ သူက များသောအားဖြင့် ကြည့်ကောင်းနေတတ်သော်လည်း ယခုပုံစံမှာ လူတိုင်းအား

အကြည့်မလွှဲနိုင်ဖြစ်နေစေသည်။

ထို့အပြင် ထိုကြောင်နားရွက်တစ်စုံက ပျော့ပျောင်းပြီး မမြင်နိုင်သော အစွန်းအချို့တွင် ဖုံးကွယ်နေသည်။ ၎င်းက ကြောင်ကြီးများအတွက်မူ သူ့အားအိမ်ပြန်ခေါ်သွားပြီး သိမ်းထားချင်စိတ်များဖြစ်အောင် တိုက်တွန်းနေသည်။

ကြောင်ကြီးတစ်ကောင်ဖြစ်သော နှင်းကျားသစ်လေးသည်လည်း သူ့ကို တစ်ခဏမျှ ငေးကြည့်နေခဲ့သည်။

သူ၏အမူအရာမှာ ထပ်ခါထပ်ခါပြောင်းလဲနေခဲ့သည်။ထူးဆန်းစွာဖြင့် မကြိုက်နှစ်သက်မှုမှ စွဲလမ်းခြင်း

နှင့်ပီတိဖြစ်ခြင်းတို့ ဖြစ်နေပြီး နောက်ဆုံးတွင် စိတ်တိုစွာဖြင့် ကုယွီမြန်၏ခေါင်းထက်တွင်လှဲကာ ကုယွီမြန်၏ နားရွက်လေးများနှင့်ပုံစံအား အခြားသူများကို မပြချင်တော့ပေ။

ကောင်ကလေး၏နားရွက်များက နီရဲနေခဲ့သည်။

ကုယွီမြန် :"....."

ငါ မခန့်မှန်းနိုင်ဘူး...

ငါ ထွမ်ထွမ်ရဲ့အတွေးတွေကို မခန့်မှန်းနိုင်တော့ဘူး...

-----

လနှင့်မီးရောင်များက ရေကန်ပေါ်တွင် လှိုင်းထနေလေသည်။ ဆပ်ကပ်ဖျော်ဖြေပွဲ စတင်တော့မည်ဖြစ်ပြီး သီဆိုသူက နောက်ဆုံးအပုဒ်အား သီဆိုနေသည်။ အဓိကမြို့တော်၏ အလယ်ရေကန်က ကန်အလယ်ရှိ ပလက်ဖောင်းပေါ်တွင် လှေထောင်ပေါင်းများစွာဖြင့် ဖြန့်ကြဲထားသည်။

ထိုလှေများထဲတွင် ကုယွီမြန်ကဲ့သို့ ခရီးသွားလှေများနှင့်အခြားမြို့တွင်းမှနေထိုင်သူများ၊ လာရောက်ကြည့်ရှု့ကြသည့် လှေများရှိသည်။ အပျိုစင်စုန်းမက အနက်ရောင်၀တ်စုံအား ၀တ်ဆင်ထားပြီး ရေပေါ်တွင်ပေါ်သည့် တံမြက်စည်းတစ်ခုပေါ်တွင် ရှိနေသည်။ လူတိုင်းက စကားစမြည်းပပြောရင်းဖြင့် ဖျော်ဖြေမှုအား စောင့်နေကြသည် ။

လူပုလေးများက ပို၍တက်ကြွနေပြီး အဆာပြေများမုန့်နှင့် သစ်သီးဝိုင်များကို လှေကိုမောင်းနှင်၍ လူအုပ်ကြားတွင်

တိုးမြှင့်ရောင်းချနေပြီး အိုးအပြည့်ငွေရှာရန်လည်း နာရီဝက်သာ ကြာလိုက်သည်။ လူပုလေးက ကုယွီမြန်နှင့် ကလေးများအတွက် အဆာပြေမုန့်ထုပ်များနှင့် ဖျော်ရည်များကို အမူအရာမဲ့စွာ ပစ်ပေးခဲ့သည်။

ကုယွီမြန် ပိုက်ဆံပေးချင်ခဲ့သော်လည်း လူပုလေးမှာ သူ့ကို မထီမဲ့မြင်ကြည့်ပြီး လှေလေးအား အဝေးသို့မောင်းနှင်သွားသည်။

လူတိုင်း :"...."

ဤလူပုလေးကလည်း မာနကြီးသည့်ကောင်မလေးတစ်ယောက်ဖြစ်ကြောင်း သူတို့ သိရှိသွားရသည်။

ကုယွီမြန်က "ကြောင်နားရွက်"လေးများ တပ်ထားသောကြောင့် ဘေးပတ်လည်မှ လူများ၏အကြည့်များမှာ အလွန်ထူးဆန်းနေသည်။

ကုယွီမြန်၏မူရင်း ထူးထူးခြားခြားအသွင်အပြင်နှင့် ချစ်စရာကောင်းသော အကောင်ပေါက်လေးကောင်၏ ပေါင်းစပ်မှုက လူအများ၏ အာရုံစိုက်မှုအား ဆွဲဆောင်ရန်လုံလောက်သည်။ ထို့ပြင် ကုယွီမြန်၏ရေပန်းစားမှုက

ဤနှစ်ရက်အတွင်း ယခင်နှင့်မတူတော့ချေ။ သူငယ်ချင်းအသိုင်းဝိုင်းနှင့် ဘလော့ဂ်အသေးစားများကို ကြည့်ရှုဖူးသည့် လူတိုင်းနီးပါး ကုယွီမြန်နှင့် သူ၏ကလေးလေးယောက်ကို

မြင်ဖူးကြလိမ့်မည်။

ထို့ပြင် ထိပ်ဆုံးရှာဖွေမှုအတွက် tags များစွာရှိနေသေးသည်။

@ ကုယွီမြန်

@ ကုယွီမြန်ရဲ့ပုံစံလေးကို ကြိုက်တယ်

@ ရေသူမနှင့်နဂါးကြီး၏ လျှို့ဝှက်ဇာတ်ကြောင်း

@ ကုယွီမြန်၏ဘယ်ရီပန်ကိတ်

@ ကုယွီမြန် ...

အမျိုးအစားများစွာရှိသောကြောင့် လူတိုင်းက အံ့သြမဆုံးနိုင်အောင်ပင်။ အလှအပကို မြတ်နိုးသူများ၊ စိတ်ကူးယဥ်မြို့တော်၏ ပရိသတ်များနှင့် အစားအသောက်အထူးပြုသူများပင် ရှိသည်။ လူငယ်များသည်လည်း သူတို့၏အကြီးများ မျှဝေထားသော မိတ်ဆွေသူငယ်ချင်းအသိုင်းအဝိုင်းမှ ကုယီမြန်အားသိကြသည်။

မျိုးနွယ်နှင့်မွေးဖွားမှုက အရေးမကြီးချေ။

သူတို့အကြောက်ဆုံးအရာကို သူတို့ကိုယ်တိုင်ငြင်းပယ်မယ်…

ဒီလူငယ်က သူ့ကိုယ်ပိုင်ကြိုးစားမှုအပေါ်မှာ မှီခိုခဲ့တာ...

ဤအကြံပြုချက်များအားလုံးက သူ့အလိုလို ဖြစ်ပေါ်လာခဲ့သည်။ မမျှော်လင့်ထားသည့်အချိန်အခါမျိုးတွင်

သူတို့က မကြာခဏတည်ရှိမှုခံစားချက်ကို တွန်းလှန်လေ့ရှိသော်လည်း ကုယွီမြန်က ထိုသို့မဟုတ်ချေ။ သူက လူများစွာအား ထူးထူးခြားခြားခံစားရစေသည်။

ဘာလို့လဲ မသိဘူး...

ငါဒီလူသားကို မမုန်းနိုင်ဘူး...

ငါသူ့ကိုပိုပိုပြီး သဘောကျလာတယ်...

ယခုအခါတွင်လည်း ၎င်းက အတူတူပင်ဖြစ်သည်။ ခရီးသွားများဖြစ်စေ၊ မှင်စာများ၊ စုန်းမများနှင့် နတ်သူငယ်များဖြစ်စေ အားလုံး၏မျက်လုံးများက ကုယွီမြန်ပေါ်တွင်သာ ရှိနေကြသည်။ အထူးသဖြင့် သူသ ကြောင်နားရွကါလေးအား ဝတ်ဆင်ပြီးသည့်အခါ ပရိသတ်များစွာက အော်ဟစ်နေကြသည်။

ဓာတ်ပုံများကို တိုက်ရိုက်ကြည့်ရှု့သူများနှင့် ခရီးသွားဧည့်သည်များမှ ကိုယ်ပိုင်ဘလော့ဂ်များပေါ်တွင် လျင်မြန်စွာတင်ခဲ့သည်။

[မြန်မြန်ရဲ့ပုံစံလေးကိုကြိုက်တယ်]က tagတစ်ခုဖြစ်လာခဲ့ပြီး ထပ်မံမျှဝေသူအရေအတွက်မှာ သိသာထင်ရှားစွာ တိုးလာခဲ့သည်။

စတူဒီယိုထဲမှ ကြည့်ရှုသူအရေအတွက်မှာ သန်း ၆၀၀သို့ရောက်လာသည်။

ကုယွီမြန် : "......"

နှင်းကျားသစ်လေးက ပိုပိုပြီး မပျော်မရွှင်ဖြစ်လာရသည်။သူ့လက်ကလေးများအား ကုယွီမြန်၏ နားရွက်များကိုဖုံးရန် တင်ထားလိုက်သည်။

သူက ငါ့ဟာလေ...

ဘာလို့တခြားလူတွေက ကြည့်နေကြတာလဲ...

ဤနားရွက်များကို ကုယွီမြန်ဝတ်ရန်အတွက် ဝယ်ထားခြင်းသု သူအခိုင်အမာပြောခဲ့သည်အား မေ့လျော့သွားသည်မှာ သေချာသည်။

ကုယွီမြန် အနည်းငယ်မူးနေကာ တစ်ချိန်လုံး ရယ်မောပြီး သူ၏မျက်လုံးက အကောင်ပေါက်လေးများထံ ငုံ့ကြည့်လိုက်သည်။ သူက သူတို့အားလက်မောင်းထဲတွင် ချီကာ နားရွက်များကို ပွတ်ပေးပြီး လူစုလူဝေးကို ကြည့်လိုက်သည်။ သူ ရယ်မောပြီး အခြားသူများကို ကြည့်လိုက်သည့်အခါ သူ့မျက်လုံးနှင့် အမူအရာက လေးနက်ပြီး ချစ်စဖွယ်ကောင်းသည်။ သူ့ပတ်ဝန်းကျင်မှ လူများက သူ့အားထပ်မကြည့်ဝံ့တော့ပေ။ သူ့အားကြည့်မိသည့်အခါ သူတို့၏ နှလုံးသားများ ခုန်ပေါက်နေရသည်။

ပန်ဒါလေးက ကုယွီမြန်တွင် နားရွက်ရှိရသည့်အကြောင်းရင်းအား မသိသော်လည်း သူနှင့်ပိုနီးစပ်သည်ဟု ခံစားပြီး သဘောကျနေသည်။

သူ့လက်ချောင်းလေးများကိုစုပ်ပြီး စိုစွတ်သောမျက်လုံးများဖြင့် ကုယွီမြန်အား ကြည့်နနေခဲပြီး ပျော်ရွှင်စွာဖြင့် သူ့လက်နှစ်ဖက်အား ထိုးထည့်လိုက်သည်။ မြေခွေးလေးသည်လည်း အလွန်ကြိုက်နှစ်သက်နေသည်။ အကောင်ပေါက်လေးကောင်ကြားတွင် သူနှင့်နှင်းကျားသစ်လေးသာ နားရွက်ဖြူများရှိသည်။

ဤပုံစံနှင့်မြင်ရသည့်အခါ ကုယွီမြန်က သူတို့နှင့်သွေးသားရင်းမြစ်ဆက်နွယ်မှု အမှန်တကယ်ရှိသည်ဟု ထင်ရသည်။သူ မွေးကတည်းက ကုယွီမြန်နှင့်တွေ့ခဲ့ပြီး သူ၏မိသားစုမှာ ကလေးတစ်ယောက်ကဲ့သို့ ကြီးပြင်းလာခဲ့ရလျှင် ၎င်းကအိပ်မက်တစ်ခုကဲ့သို့ ဖြစ်နေပေမည်။ မြေခွေးလေးက မသိစိတ်မှ သူ၏အမြီးကြီးအား ညင်သာစွာလှုပ်ယမ်းနေခဲ့သည်။

ကုယွီမြန်က သူ့မိသားစုဝင်လေး ချိုးချိုးမှာအနည်းငယ်ဝမ်းနည်းနေပုံရသည်ဟု ထင်မိသည်။ သူက ကောင်ကလေးကိုကိုင်လိုက်ပြီး မေးစေ့ကို ပွတ်သပ်လိုက်သည်။

[သစ်တော်ပန်းပွင့်အဖြူရောင်လေး : ငါ မလုပ်နိုင်ဘူး...ငါမလုပ်နိုင်ဘူး...]

[မနက်နဲ့ညနေ ငါးနာရီ : မြန်မြန်က မတ်ရှ်မယ်လိုလေးပဲ

ဖြစ်လိမ့်မယ်... သူက ဘာလို့ အရမ်းချိုမြိန်ရတာလဲ...]

[မီးပွား: မြန်မြန်ရဲ့မျက်လုံးတွေက အရမ်းကို ကြင်နာတတ်ပြီးချစ်ဖို့ကောင်းတယ်... ငါ မနေနိုင်တော့ဘူး... သူ့ကိုလုံးဝချစ်မိသွားပြီထင်တယ် QAQ]

နှင်းကျားသစ်ငယ်လေးက သူ့ကိုယ်ပိုင်ပိုးအိမ်ပြုလုပ်ပြီး မျက်နှာအားကွယ်ကာ သူ့လက်နှစ်ချောင်းဖြင့် ကုယွီမြန်၏ပါးအား ဖိထားသောကြောင့် ကုယွီမြန်

မှတ်ချက်များကို မကြည့်နိုင်ပေ။

🐯🐯🐯

Prev Next