Chapter 121

🐯Chapter 121

ကုယွီမြန်က Grade 10 တည်းက ဘာသာစကားတွင် အမြင့်ဆုံးအမှတ်အားရရှိခဲ့​သော်လည်း ထွမ်ထွမ်၏အတွေးများကို  အကြိမ်ပေါင်းများစွာ မမှန်းဆနိုင်ခဲ့​ကြောင်း သူ့ကိုယ်သူ ယခုမှ သိလာရသည်။

ဤကြောင်နားရွက်တစ်စုံက ဝတ်ဆင်သူ၏ စိတ်အနေထားအတိုင်း ပြောင်းလဲသွားမည်ဖြစ်သည်။ ကုယွီမြန် ပ​ဟေဠိဖြစ်​နေသည့်အခါ နှင်းဖြူ​​ရောင်နားရွက်က ညင်သာစွာ အောက်သို့ညွတ်ကျသွားသည်။

မူလက နှင်းကျားသစ်ငယ်လေးမှာ သူ့လက်သည်းများကို ဆန့်ထုတ်၍ ကုယွီမြန်၏ပါးနှစ်ဘက်ကို ဖိပြီးနောက်

'ကြောင်နားရွက်' များကို ဖိထားသည်။ ကုယွီမြန်၏ ကြောင်နားရွက်​လေးများက ဖြည်းညှင်းစွာ ညွတ်ကျလာပြီး သူ့လက်ဖဝါးနှင့် ပွတ်မိသွားသည့်အခါ နှင်းကျားသစ်​လေး တောင့်တင်းသွားပြီး ဓာတ်လိုက်သွားသကဲ့သို့ သူ့လက်ဖဝါး​​လေးများအား လွှတ်လိုက်သည်။

ကုယွီမြန် : "....." 

ဘာဖြစ်သွားတာလဲ...

"အာ...မုန့်စားကြမလား..."

ကုယွီမြန် ထိုအ​ကြောင်းစဥ်းစားပြီး​နောက် ​လူပု​လေး​ပေးခဲ့သည့် အဆာ​ပြေမုန့်များကို ထုတ်လိုက်သည်။ ဟက်စကီး​လေးက ကြာမြင့်စွာစောင့်ကြည့်​နေခဲ့ပြီး ကုယွီမြန်၏ ​ကော်လံအား ကိုင်ထားသည်။

ထိုသို့လုပ်ခြင်းမှာ မုန့်က အရသာရှိ​သော​ကြောင့်မဟုတ်​ဘဲ ဆန်းသစ်​နေ​သော​ကြောင့်ပင်။

အတွင်းမှ သကြားလုံးများကို ဆေးပြားပုံသဏ္ဍာန် ပြုလုပ်ထားသည်။ ကိုက်ပြီး အနည်းငယ်ကွဲသွားသောအခါ သဲများကဲ့သို့ တောက်ပသောအလင်းရောင်များ ထွက်လာလိမ့်မည်။ ၎င်းတို့အား စားသင့်သည်၊မစားသည် အမှန်တကယ်မသိ​ပေ။

ဟက်စကီး​လေးက စိတ်လှုပ်ရှားစွာဖြင့်ကိုက်ရန် ပါးစပ်ဟလိုက်သောအခါ ကုယွီမြန်မှ ဖက်ထားလိုက်သည်။

“အ့ာအာ...ဒါ​တွေက စားလို့ရတဲ့ပုံမပေါ်ဘူး...” 

သေချာ​ပေါက်ပင် သကြားလုံးများထံမှ အလင်းရောင်ထွက်ပြီး သကြားလုံးများပျောက်သွားသည်။ အလင်းက ကုယွီမြန်၏ လက်ချောင်းများတစ်ဝိုက်တွင် လှည့်ပတ်သွား​နေပြီး

သူတို့၏​လှေပတ်လည်တွင် ပိုးစုန်းကြူးများ ကဲ့သို့ပျံ့သွားသည်။

မြင်ကွင်းက အနည်းငယ် အံ့အားသင့်စရာပင်။

ဤအချိန်၌ သီဆိုသူက နောက်ဆုံးတင်ဆက်မှုအားပြီးမြောက်သွားသည်။ လူတိုင်းက ကန့်လန်ကာကို ချကာ

ဦးညွှတ်တော့မည်ဟု ထင်လိုက်​သော်လည်း သီဆိုသူက ရုတ်တရက် သူ၏ယူနီကွန်းပေါ်တက်၍ ရေပေါ်မှ ကုယွီမြန်တို့ထံ လျှောက်သွားလိုက်သည်။

"စိတ်ကူးယဥ်မြို့​တော်က​နေ မင်းကို​ကောင်းချီ​ပေးပါတယ်... ဧည့်သည်​တွေက အ​ဝေးကလာခဲ့ကြရတာ... မင်းက ဂရိ နတ်သမီး၉ပါးထံက​နေ စိတ်ကူးယဥ်မြို့​တော်ဆီ​ရောက်လာတဲ့ လက်​ဆောင်တစ်ခုလိုပါပဲ..."

သီဆိုသူက ကုယွီမြန်ကို ​လေးစားစွာ ဦးညွှတ်လိုက်ပြီး အ​ကော်ဒီယံအားချကာ ​ဖျော​ဖြေမှု၏​နောက်ဆုံးအပိုင်းအား သီဆိုခဲ့သည်။

ကုယွီမြန် တစ်ခဏမျှပြုံး​နေခဲ့ပြီး ဝိုင်​သောက်ထားသည့်အတွက် သူ့ဦး​နှောက်မှာ မူး​ဝေ​နေဆဲပင်။ သူ၏​ခေါင်းအား  နှင်းကျားသစ်​လေး၏ နူးညံ့​သောနားရွက်ထိပ်​လေးဖြင့် ပွတ်လိုက်ပြီး သီဆိုသူနှင့်ပူ​ပေါင်းရန် ဟာဝိုင်အီဂစ်တာ​လေးကို ထုတ်လိုက်သည်။

ရေကန်ကြီးမှာ ညတွင် ​ရွေ့လျားနေသောလရောင် ထင်ဟပ် နေပြီး လှေကိုလည်း အလင်းရောင်ဖြင့် ဝန်းရံ​နေသည်။ကောင်းကင်တွင် မောင်းနှင်​နေစဉ် တောက်ပ​သော ကြယ်လေးများဖြင့်ဝန်းရံ​နေသည်ဟု ထင်ရသည်။ ကုယွီမြန် သူ၏ဟာဝိုင်အီ ဂစ်တာ​လေးကိုကိုင်ကာ သီဆိုသူနှင့်အတူ နောက်ဆုံး​ဖျော်​ဖြေမှုအား တီးခတ်နေစဉ် သူ၏ပေါင်၊ ပခုံးနှင့် ဘေးတစ်ဖက်တစ်ချက်တွင် ကလေးများရှိ​နေသည်။

ကြယ်​လေးများက သူ၏မျက်လုံးနှင့် မျက်ခုံးတို့အား ညင်သာစွာအနမ်း​ပေးလာသည်။

​နောက်ဆုံး နုတ်(music note) အဆုံးသတ်တွင် 

နှင်းကျားသစ်​လေး၏​ အေးစက်အန္တရာယ်များ​သော

အကြည့်​အောက်တ၌ ကုယွီမြန်နှင့် သီဆိုသူမှာ အချင်းချင်းဖက်လိုက်ကြပြီး ယူနီကွန်းသည်လည်း ​လေထဲတွင် ​ခြေဆန့်ကာ​ကောင်းကင်သို့ပျံတက်သွားသည်။

ထိုနေရာတွင် လက်ရှိ ရှိ​​နေသူများနှင့် တိုက်ရိုက်ထုတ်လွှင့်မှု ကြည့်ရှု့​နေသူများက အားကျမှုတစ်ဝက်နှင့် စိတ်​ကျေနပ်မှုတစ်ဝက်ရှိ​နေသည်။

[လျှိုလီ​ကျွေး : တင်ဆက်သူက သီဆိုတာနဲ့ တင်ဆက်တာ အရမ်း​ကောင်းတယ်လို့ထင်ခဲ့တာ... ဒါ​ပေမဲ့ ဒီ​လောက်ထိ​ကောင်းလိမ့်မယ်လို့ မ​မျှော်လင့်ခဲ့ဘူး...]

[​အေရဲ့ဖုန်း 321 : ငါ့စိတ်ထဲမှာ စာ​ကြောင်း၂​ကြောင်းပဲရှိတယ်...​တောင်​ပေါ်ကနှင်းနဲ့ ကမ္ဘာပေါ်က လ...]

[​​မြောင်​မြောင် ဗုဒ္ဓ အဖွဲ့အစည်းက ဝိတ်ကျ​နေပြီ : ဂရုတစိုက်နား​​ထောင်ကြ... ရူးရူးမိုက်မိုက်နား​ထောင်ကြ...]

[aiufccx: ဟားဟားဟား ထွမ်ထွမ်ရဲ့မျက်လုံး​တွေကိုကြည့်ဦး... အိပ်မက်လို​လေထုက အချိန်တို​လေးအတွင်းဖြစ်သွားတာ... အဆို​တော်က အဆုံးမှာ လွတ်​မြောက်သွားတာမလား...]

တိုက်ရိုက်ထုတ်လွှင့်မှုတစ်ခုလုံး၏​စည်းချက်နှင့်

ကြည့်ရှုသူများ၏စိတ်ခံစားချက်က ယူ​ဆောင်သွားခံရပြီး​နောက် လေထုက အလွန်တည်ငြိမ်လာခဲ့သည်။ သို့​သော် ​မှတ်ချက်မျက်နှာပြင်၏​ ကျော်ကြားမှုလက်​ဆောင်များမှာ

အခြားသူများထက်ပိုနေဆဲပင်။

ယခုအချိန်တွင်ကြည့်ရှုသူ အရေအတွက်မှာ သန်း ၆၀၀ကျော်သွားပြီဖြစ်သည်။

ဤမြင်ကွင်းအားကြည့်ရှု​နေ​သော ကလေးအချို့က ကုယွီမြန်၏မိသားစုအား ကြည့်ရှု​နေခဲ့သည်။ သူတို့တွင်အဆာပြေမုန့်များရှိပြီး ကုယွီမြန်မှ သူတို့အားကိုင်ထားသည်။ အဆို​တော်သီချင်းဆိုနေသည်အား အနီးကပ်ကြည့်ရှုခဲ့ရပြီး မြင်ကွင်းတစ်ခုလုံးက အလွန်လှပနေသည်။ ကလေးများက မနာလိုစွာဖြင့် ငို​ကြွေးလုနီးပါးပင်။

ကလေးအတော်များများက မိဘများကို ပြဿနာရှာပြီး ကစားချင်လာသည်။

သို့​သော် မကြာမီတွင် အလင်း​ရောင်တစ်ခုပျံ့နှံ့လာသည်။

ကုယွီမြန်၏လက်ချောင်းများက လေထဲတွင် ညင်သာစွာ ပုတ်လိုက်ကြပြီး အလင်းရောင်က လှေထဲတွင် စု​ဝေးကာ

မီးပုံးငယ်လေးတစ်ခုကဲ့သို့ ပျံ့နှံသွားသည်။ အဆုံးတွင် ထောင်ပေါင်းများစွာသော လှေများကို နွေးထွေးသောအလင်းရောင်ဖြင့် ထုပ်ပိုးထားခံလိုက်သည်။

လူတိုင်း၏မျက်လုံးများက တောက်ပကာ ပြဿာရှာ​နေသည့် ကလေးအနည်းငယ်မှာ ခဏတာ တိတ်ဆိတ်သွားကြသည်။ ထို့နောက် သူတို့က အော်ဟစ်ကြတော့သည်။

"ဝိုး..."

"အစ်ကိုကြီး ​ကျေးဇူးတင်ပါတယ်..."

"အစ်ကိုကြီးက အရမ်း​ချောတာပဲ..."

ကုယွီမြန်က မရှက်ရွံ့ဘဲ မနေနိုင်ဖြစ်သွားကာ သူတို့အားပြုံးပြလိုက်သည်။

ယခုအခိုက်အတန့်တွင် လက်တွေ့ဘဝမှ တိုက်ရိုက်လွှင့်စတူဒီယိုအထိ လေထုက အလွန်တိတ်ဆိတ်ပြီး ငြိမ်းချမ်းလှသည်။ လူတိုင်းက ဆပ်ကပ်၏ဖွင့်ပွဲကို စောင့်မျှော်နေကြပြီး တစ်ခါတစ်ရံတွင် အနည်းငယ်ရယ်မော​နေကြသည်။

ကလေးများက သူဂစ်တာ​လေးတီးသည်အား နားထောင်ရသည်ကို သဘောကျ​သောကြောင့် ကုယွီမြန်ကနောက်သီချင်းတစ်ပုဒ်အား ဆက်ဆိုခဲ့သည်။

မြေခွေးလေးက သူ၏အမြီးအား လက်​မောင်းထဲတွင် ပွေ့ကာဂရုတစိုက် နားထောင်​နေပြီး မိုက်မဲသောဟက်စကီး​လေးနှင့် ထန်ယွမ်​လေးက အစပိုင်းတွင် အလွန်တက်ကြွကာထလာသည်။ သူတို့က ကုယွီမြန်၏ရင်ခွင်ထဲတွင် စု​ဝေးကာ နားထောင်ရန် သူတို့၏မျက်လုံးများကို မှိတ်ထားလိုက်သည်။

ည​နေခင်း​လေညင်းက ရေကန်​ပေါ်မှနူးညံ့စွာ တိုက်ခတ်လာပြီး သူတို့၏နားရွက်​ဘေးသို့ ဖြတ်တိုက်သွားသည်။လရောင်နှင့် ရောယှက်ပြီး အရာရာတိုင်းက လူများကို သက်တောင့်သက်သာဖြစ်စေသည်။ ယခုအချိန်တွင် ကမ္ဘာကြီးတစ်ခုလုံးက ကုယွီမြန်ဖန်တီးထားသော သံလိုက်စက်ကွင်းထဲတွင် ရှိနေပုံရသည်။

ကုယွီမြန်၏ခံစားချက်ကဲ့သို့ တောက်ပသောအဖြူရောင်လရောင်က နူးညံ့သိမ်မွေ့သော်လည်း မြင့်မားပြီး မ​ရောက်ရှိနိုင်သော နေရာမဟုတ်မပေ။ သူ​​၏လက်​မောင်းများက အမြဲတမ်း နူးညံ့ပျော့ပျောင်း၍ လွယ်ကူစွာလှဲ​နေနိုင်ပြီး

လေနှင့် မိုးဒဏ်များအား ကာကွယ်ထားနိုင်သည်။ သူက သူတို့ကို ညင်သာစွာ ဖက်ထားပြီး အချိန်မရွေး နေရာမရွေး အိပ်မက်ကောင်းကောင်းမက်​စေနိုင်သည်။

၎င်းကို စကားလုံးများဖြင့် ဖော်ပြရန် ခက်ခဲသည်။ လှပသော အရောင်နှင့်စကားလုံး အားလုံးက ယခုအခိုက်အတန့်တွင် သရုပ်​ပေါ်​စေပြီး အနာဂတ်တိုင်း၊ နောက်ထပ်စက္ကန့်တိုင်းအား​မျှော်လင့်မိ​စေသည်။

ကုယွီမြန်၏ ပါးပြင်များမှာ အနည်းငယ် ပူနေသေးပြီး အနည်းငယ် ​ထွေ​​နေ​သောအ​ခြေအ​နေတွင် ရှိနေ​သေးသည်။သူက သတိရှိ​နေဆဲဖြစ်ပြီး ဆိုလိုသည်မှာ သူ၏ဦးနှောက်က အလွန်တက်ကြွပြီး သူ၏သွေးကြောများထဲတွင်

အပူများ တဟုန်ထိုးစီးဆင်းနေသည်ဟု ခံစားရသည်။

နှင်းကျားသစ်​လေး၏လက်ဖဝါးများက ကုယွီမြန်၏ကုတ်အား ဖိထားပြီး စက္ကန့်ပိုင်းကြာပြီး​နောက် သူ၏အမူအရာမှာ ရန်သူအားကြည့်​နေရသကဲ့သို့ ဖြစ်သွားသည်။

သို့​သော် ထိုအမူအရာက မကြာမီတွင် ​ပျောက်သွားပြန်သည်။ သူက ပျင်းရိစွာသမ်းပြီး ပြန်အိပ်သွားသည်။

ရေကန်ထောင့်တွင် စုန်းမကြီးဂျန်နီက သူမ၏တံမြက်စည်းပျံနှင့် ရေကန်ပေါ်တွင် ​ပေါ​လော​ပေါ်နေသည်။ သူမက မျက်နှာတစ်ခုလုံးအား ဖုံးအုပ်ထားသည့် အနက်ရောင် အင်္ကျီအား ဝတ်ဆင်ထားသည်။ မည်သူမျှ သူမ၏မျက်နှာကို ရှင်းရှင်းလင်းလင်း မမြင်ရပေ။ အခြားသူများက သူမမှာ ဖြူဖျော့ဖျော့အသားအ​​ရေနှင့် အမျိုးသမီးငယ်​လေးတစ်​ယောက်ဟုသာ သိကြသည်။

သူမ၏ မျက်လုံးရှေ့တွင် သလင်းကျောက်တစ်လုံး လွင့်မျောနေသည်။ မူလအစကတည်းက သလင်း​ကျောက်လုံးတွင် အလင်းနှင့်အရိပ် ပြောင်းလဲမှုများ ဆက်တိုက်ဖြစ်ပေါ်​နေခဲ့သည်။ ဤအခိုက်အတန့်တွင် ၄င်းက လုံးဝကွဲသွားသည်။

၎င်းက ကန့်သတ်ချက်ထက်ကျော်လွန်သည့် အလွန်ကြောက်မက်ဖွယ် ပြင်းထန်သော စိတ်စွမ်းအားကို တတွေ့ရှိခဲ့ရသော​ကြောင့် ကွဲသွားခြင်းဖြစ်သည်။

စုန်းမ : "....."

"ကြယ်ဒင်္ဂါး နှစ်​ထောင့်ငါးရာ..."

စုန်းမက တစိမ့်စိမ့်စဥ်းစားပြီး​​နောက် လက်ပတ်ကွန်ပျူတာအားထုတ်ကာ ချ​ရေးလိုက်သည်။

"ဒီမတိုင်ခင်က သူ့ရဲ့က​​လေး​တွေက ကိုက်ခဲ့တဲ့အတွက်

ဒဏ်​ကြေး သုံး​ထောင် ထပ်​ပေါင်းတယ်..."

ယခုအခါ သူတို့စုန်းမများ၏ သလင်း​ကျောက်လုံးများက ကြယ်များနှင့်ချိတ်ဆက်​နေ၍ သူမက ထိ​တွေ့စာရိုက်၍ရ​သသောနောက်ဆုံး​ပေါ် ဗားရှင်းအားဝယ်ခဲ့ပြီး ၎င်းသည် စျေးမ​ပေါ​ပေ။

ဤအခိုက်အတန့်တွင် ​ရေကန်​လေး၌ Sနှင့်  S အဆင့်အထက် စိတ်ဝိညာဥ်စွမ်းအားရှိသူ ၂ ယောက်ရှိ​နေပြီး သူတို့ထဲမှတစ်​ယောက်က သူ၌စွမ်းအား ရှိ​နေသည်ကိုပင် 

မသိပေ။ ၎င်းက စိတ်ကူးကြည့်ရန်ပင် ခက်ခဲလှသည်။

သို့​သော် သူ မသိသည်မှာ အံ့အားသင့်ဖွယ်မဟုတ်​​ပေ။

SSS အဆင့်တစ်ခု၏ ဝိညာဉ်ရေးစွမ်းအားနှင့် နှိုင်းယှဉ်ပါက သူ၏ဝိညာဉ်ရေးစွမ်းအားက အဓိကအားဖြင့် နူးညံ့သိမ်မွေ့ခြင်းဟု ဆိုနိုင်သော်လည်း ၎င်းက လလုံးဝအန္တရာယ်မရှိဘဲ ချွန်ထက်သောအစွန်းများကို ဖုံးကွယ်ထားသည့် နူးညံ့မှုနှင့်ကြင်နာမှုတို့ဖြစ်သည်။ စွမ်းအင် အမျိုးအစားနှင့်ပက်သက်လျှင် ထိုစွမ်းအင်ကို မှတ်တမ်းတင်ထားခြင်းပင်မရှိ​ချေ။

လူသားများအတွက် ၎င်းတို့၏စွမ်းအားများ နိုးထနိုင်သည်ဟု မကြားဖူးသည့်အပြင် အထူးအ​ခြေအ​​နေအမျိုးမျိုးကိုလည်း ရှင်းပြနိုင်သည်။ သို့သော် ဤလူသား၏ အလုံးစုံသော စွမ်းအားက အလွန်တရာ ကြီးကျယ်ခမ်းနားသော်လည်း သူ၏အရိပ်​အောက်တွင် တစ်စုံတစ်ယောက်မှ 

စိတ်မသက်မသာဖြစ်သည်ဟု ခံစားရမည်မဟုတ်​ချေ။

လွန်ခဲ့သော ဆယ်နှစ်ကျော်ခန့်က စုန်းမကြီးဂျန်နီက ဧကရာဇ်အား လူကိုယ်တိုင်တွေ့မြင်ခွင့်ရခဲ့ပြီး အနီးကပ်​အကွာအဝေးတွင် SSS အဆင့်ဝိညာဉ်ရေးစွမ်းအား၏ ဖိအားကို ခံစားခဲ့ရသည်။

ဧကရာဇ်၏ စိတ်အခြေနေမှာ အမြဲဆိုးဝါး​ပြီးမတည်မငြိမ်ဖြစ်နေသောကြောင့်လည်း ဖြစ်နိုင်သည်။ ထိုအချိန်တွင် 

ခြိမ်းခြောက်မှုက ကြောက်မက်ဖွယ်ကောင်းပြီး စိတ်ထဲတွင် ထုံကျဉ်ကာ ယခု ဤလူသားမှ ​ဖော်ပြသသော အငွေ့အသက်က လုံးဝဆန့်ကျင်ဘက်ဖြစ်ပြီး နှစ်ခုက အလွန်ကျယ်ပြောလှသည်။

ကြယ်တာရာ​ခေတ်၏နည်းပညာက ယခုအ​ခြေအ​နေသို့​ရောက်ရှိလာပြီဖြစ်​သော်လည်း မည်သူမျှ "စိတ်ဝိညာဥ်"၏တည်ရှိမှုအား အတည်မပြုနိုင်​​ပေ။ သို့​သော် စုန်းမကြီး ဂျန်နီက လုပ်နိုင်သည်။

ဥပမာအားဖြင့် စွမ်းရည်များနှင့် စိတ်စွမ်းအားများက စိတ်ဝိညာဉ်နှင့် ဆက်စပ်နေသည့်အရာများ ဖြစ်သည်။လွန်ခဲ့သောလအနည်းငယ်က တာ့ခ်၏ဝေးလံခေါင်ဖျားသော ဒေသတွင် လူသားဆယ်ကျော်သက်တစ်ဦးက မိမိကိုယ်ကိုသတ်သေပြီးနောက် အခြားနူးညံ့သိမ်မွေပြီး အားကောင်းသော စိတ်ဝိညာဉ်နှင့် ပေါင်းစပ်ကာနိုးထလာသည်။

အများစု နိုးထလာခြင်း၏​ယေဘုယျအသက်မှာ ၁၅နှစ်ဖြစ်သည်။

ဤနည်းဖြင့်သာ ဝိညာဉ်က SSS အဆင့် စိတ်စွမ်းအားတစ်ခုအဖြစ် နိုးထရန် အရည်အချင်းရှိသည်။ ထို့ကြောင့်  ကုယွီမြန်က ပျမ်းမျှအသက်အရွယ်ထက်​ ကျော်သွား​သော်လည်း နိုးထမှုဖြစ်စဉ်သို့ ဝင်ရောက်နိုင်ခြင်းဖြစ်သည်။ တရားဝင်နိုးထလာခြင်း မဟုတ်သည့်အတွက် လက္ခဏာမရှိ​သော်လည်း သူ အနည်းငယ်မူးလာသည့်အခါ မထိန်းချုပ်နိုင်ဖြစ်သွားခဲ့သည်။ ထို့​ကြောင့် သလင်း​ကျောက်လုံးထဲတွင် ​ပေါ်လာခြင်းဖြစ်သည်။

စုန်းမက သက်ပြင်းတစ်ချက်ချကာ သလင်း​ကျောက်

အပိုင်းအစများအား​ ဘေးသို့ထားလိုက်သည်။

အတည်ပြုမှု ပြီးဆုံးသွား၍ သူမက တံမြက်စည်းပျံ​​ပေါ်သို့တက်ပြီး ​ရေကန်မှ ထွက်ခွာသွားသည်။

-----

ဆပ်ကပ်၏​​နောက်အပိုင်းမှာ ​ဘေးအန္တရာယ်ရှိသည့်မြင်ကွင်းဖြစ်သည်။

ကြယ်တာရာခေတ်၏ ဆပ်ကပ်များတွင် "လေ့ကျင့်ရေးဆရာ" ကဲ့သို့​သောအရာမျိုး မရှိခဲ့ပေ။ အမျိုးမျိုး​သောတိရစ္ဆာန်တို့က ထူးခြားဆန်းကြယ်စွာ လှုပ်ရှားကပြရန်အတွက် ၎င်းတို့၏ မူလပုံစံသို့ ပြောင်းလဲခဲ့သည်။ စွမ်းရည်ကိုလည်း တွင်ကျယ်စွာ အသုံးပြုခဲ့သည်။

သူတို့အားလုံးသိကြသည့်အတိုင်း ဆပ်ကပ်တစ်ခုသည် ပရိသတ်နှင့်မကြာခဏ ထိတွေ့ဆက်ဆံလေ့ရှိသည်။ ဤနာမည်ကြီး ဆပ်ကပ်ပွဲတွင် ဖျော်ဖြေသူအားလုံးက ကုယွီမြန်နှင့် အ​ကောင်ပေါက်လေးများကို အလွန်နှစ်သက်ကြသည်မှာ ထင်ရှားသည်။ အကြိမ်ပေါင်းများစွာ သူတို့

အပြန်အလှန်ဆက်ဆံကြစဉ်တွင် သူတို့က

ကုယွီမြန် (သို့) ကုယွီမြန်၏မိသားစုမှ က​လေးများအား ​ထိတွေ့ခဲ့သည်။

လူထောင်ပေါင်းများစွာ၏ စိတ်ဝင်စားမှုအောက်တွင် ဟက်စကီး​လေးက  ခြင်္သေ့ဖျော်ဖြေသူနှင့်အတူ မီးဝိုင်းတွင်ပါဝင်ကာ မိုက်မဲ​သောခြင်္သေ့နှင့်အတူ သူ၏ကိုယ်ပိုင်အကအားကပြခဲ့သည်။ သရုပ်ဆောင်စွမ်းရည်ရှိသူထန်ယွမ်က လူရွှင်​တော်အား သေအောင်ကြောက်​နေသည့်မျက်နှာအမူအယာပြုလုပ်ခဲ့သည်။ ဆပ်ကပ်အဖွဲ့ကလည်း ကုယွီမြန်ကို ခေါ်ရ

ရသည်ကို ကြိုက်နှစ်သက်သည်။ အဘယ်​ကြောင့်ဆို​သော် ကုယွီမြန်က  စင်​ပေါ်တက်၍ ဘာမှလုပ်စရာမလိုဘဲ ပြုံးလိုက်ရုံဖြင့်ပင် ကြည့်ရှုသူများ၏ အာရုံစိုက်မှု​အောက်တွင်ရှိ​နေလိမ့်မည်ဖြစ်သည်။

အမှန်တွင် နှင်းကျားသစ်​လေးမှာ မ​ပျော်​ရွှင်ချေ။ ​မြေ​ခွေး​လေးက သူ့အား​ဖျောင်းဖျရန် ကြိုးစားခဲ့သည်။ အဆုံးတွင် မြင်ကွင်းမှာ အလွန်ဖရိုဖရဲဖြစ်​နေခဲ့သည်။ သို့သော်လည်း လေထုတစ်ခုလုံးက အလွန်အသက်ဝင်ပြီး ပျော်ရွှင်ကာ

တိုက်ရိုက်ထုတ်လွှင့်မှုအား ကြည့်ရှု​နေသည့် ကြည့်ရှု့သူများသည်လည်း အလွန်ပျော်ရွှင်ခဲ့ကြသည်။ ၎င်းတို့၏ရှု့​ထောင့်က ကလေးငယ်များစွာကြားတွင် အပြန်ပြန်အလှန်လှန် ​ရှေ့​နောက် ပြောင်းခဲ့ရပြီး အ​ခြေခံအားဖြင့် ရှု​ထောင့်​ပေါင်းစုံမှ 

​တွေ့ကြုံ့ခံစားခဲ့ရသည်။

က​လေးများက လှည့်ပတ်ကစားရ​သောအခါ အလွန်​ပျော်ရွှင်​နေခဲ့ပြီး ကြည့်ရှုသူများကလည်း ​​ပျော်ရွှင်ခဲ့ကြသည်။

[ပထမဆုံးအကြိမ် ဆပ်ကပ်ကဒီလိုမျိုးဆိုတာ

သိခဲ့ရတာ...]

[ငါလည်း မီးဝိုင်းထဲခုန်ချင်တယ်...]

[​မှော်ပြပွဲကိုကူညီဖို့ မြန််မြန်ကို စင်​ပေါ်တက်ခွင့်​ပေးတာ ဘယ်သူ့အကြံလဲ...ငါ​ပြောချင်တာရှိတယ်.၊ ကောင်း​ကောင်းလုပ်ခဲ့တာပဲ... သာမန်​မှော်ပညာက ဒီတစ်ကြိမ်အရမ်း စိတ်လှုပ်ရှားဖို့​ကောင်းတယ်...]

ဆပ်ကပ်ပွဲအဆုံးတွင် ကြည့်ရှုသူအ​ရေအတွက်က သန်း 

၇၀၀သို့​ ရောက်ရှိသွားပြီဖြစ်သည်။ ကံ​ကောင်း​ထောက်မစွာဖြင့် ဆပ်ကပ်ပွဲက တရားဝင် တင်ဆက်မှုတစ်ခုမဟုတ်ဘဲ၊

ဘယ်ရီပွဲ​တောင်၏အစိတ်အပိုင်းတစ်ခုသာဖြစ်ပြီး

အချိန်မကြာခဲ့​​ပေ။​ ဖျော်​ဖြေပွဲပြီး ၁နာရီခွဲခန့်ကြာပြီး​နောက် ဆပ်ကပ်က လိုက်ကာအားချကာ လက်ခုပ်သြဘာသံများညံသွားသည်။

ထိုအစား​ ရေလယ်ခေါင်တွင် ပလက်ဖောင်းကြီးတစ်ခု ပေါ်လာသည်။ မှင်စာများက သီချင်းဆိုရန်နှင့် မီးပုံများ

လင်း​စေရန် စည်ပိုင်းများကို ယူဆောင်လာသည်။ လသည် တောင်ခြေမှ တောင်နံရံဆီသို့ တိတ်တဆိတ် တက်လာသည်။

ကုယွီမြန်တွင် သောက်စရာမရှိတော့​ချေ။ သူက မူးနေလျှင်ပင် မည်သည့်ခံစားချက်များကိုမှ ချဲ့ကားပြောလိမ့်မည်မဟုတ်​​ပေ။ စကားတစ်ခွန်းတည်းနှင့် ပြောရလျှင် ကုယွီမြန်က တစ်ညလုံး အလွန်ပျော်ရွှင်​သောအ​ခြေအ​နေတွင် ရှိ​နေခဲ့သည်။ ယခင်က ဟက်စကီး​​လေး အရူးထ​သောအခါ သူသအဆင်မ​ပြေဖြစ်ရသည်။ သို့သော် ယခုအခါ ထိုသို့မဖြစ်​ပေ။

ထို​သို့​ပြောရသည်မှာလည်း အမှန်တရားမဟုတ်​​ပေ။ ဆပ်ကပ်ကြည့်​နေသည့်အချိန်တွင် ဟက်စကီး​လေးမှ မီးကွင်းထဲသို့ ခုန်ဝင်သွား​သောအခါ ကုယွီမြန် စိတ်တိုခဲ့သည်။

ဆပ်ကပ်ပွဲအပြီးတွင် ကလေးများက ကျေနပ်သည်ထက် အနည်းငယ်ပိုနေသေးသည်။ ​ရေကန်​ပေါ်မှ တိုက်ခတ်နေသောလေများအကြားတွင် လှေများကပလက်ဖောင်းပတ်လည်တွင် ညစာစားပွဲ မီးပုံပွဲအတွက် စောင့်နေကြသည်။

"လူတိုင်း မီးပုံပွဲမှာ ပါဝင်နိုင်ပါတယ်..."

ကုယွီမြန် က​လေးများအား လှေပေါ်သို့ပြန်​ခေါ်သွားသည်။

"စိတ်ကူးယဥ်မြို့​တော်က အရမ်းဧည့်ဝတ်​ကျေတဲ့ မြို့​တော်တစ်ခုပဲ...​ကောင်းပြီ မင်းတို့ ဗိုက်ဆာ​​နေကြပြီလား..."

ကုယွီမြန်က ထန်ယွမ်​လေး၏​ခေါင်း​လေးအား ထိလိုက်သည်။ သူက အများအပြားစားခဲ့​သော်လည်း လျင်မြန်စွာ အစာ​ကြေသွားသည်။ ရူးသွပ်စွာ​ဆော့ကစားပြီး​နောက် သူ့အစာအိမ်သည် ထပ်မံအသံမြည်လာသည်။

သူတို့က ည​စျေးအားလည်ပတ်ပြီး ဆပ်ကပ်အားကြည့်ရှုခဲ့​သော်လည်း က​လေးများက လုံးဝမပင်ပန်းဘဲ အစမှအဆုံးအထိ အလွန်အင်အားပြည့်​နေခဲ့သည်။ သို့​သော် လှည့်ပတ်ကစားပြီး​နောက် အနည်းငယ် ဗိုက်ဆာလာသည်။

[​ကော​ကော​ကော: က​လေး​တွေဗိုက်ဆာ​နေလား​​တော့ ငါမသိဘူး...ငါ​တော့ဆာ​နေပြီ...]

[ကြယ်တာရာ : အခု တင်တက်သူ​ပြောတဲ့ "ဗိုက်ဆာ​​​နေပြီလား"ကို ကြားရတဲ့အခါ ငါချက်ချင်း တံ​ထွေးမျိုချလိုက်မိတာ...]

​ဘယ်ရီပွဲ​တော်အတွင်းတွင် မီးပုံပွဲ၌ အမျိုးသားနှင့်အမျိုးသမီးငယ်​လေးများ က​နေစဥ်တွင် ဘယ်ရီစားပြီး ဝိုင်​သောက်ကြမည်ဟု ကုယွီမြန် ခန့်မှန်းမိခဲ့သည်။​ သေချာ​ပေါက်ပင် မီးပုံပွဲ စတင်သည့်အခါ အချို့သူများက

သူတို့ဧရိယာရှိ အမျိုးမျိုး​သော အစားအစာများကို မီးကင်ကြတော့သည်။

🐯🐯🐯