MM Story Teller

Chapter 127

Viewers 18k

🐯Chapter 127

ကုယွီမြန် တစ်ချက်ကြည့်လိုက်သည်။ သူမက အမှန်တကယ် ချစ်စရာကောင်းပြီး လှပသည့်မိန်းကလေးဖြစ်ပြီး အသက်၈နှစ်၊၉နှစ်ခန့်သာ ရှိမည်။ မျက်လုံးဝိုင်းဝိုင်း၊နှုတ်ခမ်းဖူးဖူးလေးနှင့် သူမက ပန်းရောင်ဖဲပွင့်လေးဖြင့်ချည်ထားသော ချိုမြိန်သည့်ချယ်ရီသီးလေးနှင့် တူသည်။

ဟက်စကီးလေးက သီချင်းနှင့်အတူယစ်မူးရင်း သူ၏ခေါင်းအားခါယမ်းနေပြီး ကြည့်ရှုသူများသည်လည်း သူတို့၏ခြေထောက်များကို အတူတူ စီးချက်အလိုက် လှုပ်မိကြသည်။လိပ်အိုကြီးက လောင်ကျွမ်းရန်လိုအပ်သည့် ကားအိုကြီးကဲ့သို့ သူတို့အား လမ်းတစ်လျှောက် ဖြည်းဖြည်းချင်းသာခေါ်သွားသည်။

ရေတစ်လျှောက် တစ်ရွေ့ရွေ့မျောရင်း နောက်ဆုံး သူတို့၏ပန်းတိုင်သို့ရောက်ရှိသွားသည်။ ထိုအခိုက်အတန့်တွင် နှေးကွေးသော လိပ်ကြီးမှာ ရေကူးခြင်း လုံးဝရပ်သွားသည်။

အရိုးစု၏ နံရိုးများအလယ်တွင် နစ်မြုပ်နေသည့် ကြီးကျယ်ခမ်းနားသော သင်္ဘောကြီးတစ်စင်းက လှပသောသန္တာကျောက်တန်းများနှင့် ရေနေအပင်များစွာဖြင့် အတူရှိနေသည်။

ဆယ်မိနစ်ကြာပြီးနောက် သူတို့က ထပ်ခါထပ်ခါ ပြုပြင်ထားသည့် နစ်မြုပ်နေသော ကြီးမားသည့် အပျော်စီးသင်္ဘောကြီးအတွင်းသို့ ရောက်သွားသည်။ ၎င်းက ရိုးရှင်း၊နွေးထွေးပြီး ရှေးဟောင်းဆန်သည်။ ကုန်းမြေပေါ်မှဧည့်သည်များ နေထိုင်ရန် အဆင်ပြေပြီး ရေများကိုထုတ်ပစ်ကာ လေဖြင့် ပြည့်နေသည်။

ကုယွီမြန်က အပျော်စီးသင်္ဘောကြီး ထပ်ဆုံးအဆင့် ၁၀ရှိ ဧည့်သည်ခန်းတွင် နေရသည်။ ပြတင်းပေါက်မှ ငုံ့ကြည့်လိုက်သောအခါ သူတို့က ရေအောက်မြို့တော်တစ်ခုလုံး၏

လှုပ်ရှားသွားလာမှုအများဆုံး ဧရိယာတွင်ရှိနေသည်။ မီးရောင်များနှင့် ရေစီးကြောင်းများက တသိမ့်သိမ့်ရိုက်ခတ်နေပြီး ရေနဂါးလေးများ၊ မီးအိမ်ငါးများနှင့် လိမ္မော်ရောင် လူရွှင်တော်ငါးများက သူတို့အား ပြတင်းပေါက်မှ စူးစူးဝါးဝါးကြည့်နေကြသည်။

"ဝိုး..."

၎င်းမှာ ခပ်ဝါးဝါးမှန်နောက်မှ ရက်စက်ကြမ်းကြုတ်ပြီး အထင်သေးသော မျက်လုံးတစ်စုံပေါ်လာပြီးနောက် စိတ်လှုပ်ရှားသည့် မျက်လုံးများဖြင့် သူတို့အား ကြည့်လိုက်သည့်အချိန်အထိသာဖြစ်သည်။

ငါးအမျိုးမျိုးက ကြောက်လန့်တကြား ထွက်ပြေးသွားသည်။

ရေအောက်မြို့တော်တစ်ပတ် လျှောက်သွားပြီးနောက် ကလေးများ၏အမွေးများ စိုစွတ်သွားသည်။ ခြောက်သွေ့စေရန် အိမ်ထဲသို့ဝင်ပြီးနောက် သူတို့၏အမွှေးများပေါ်တွင် ကြည်လင်သော ဆားမှုန်လေးများရှိနေသည်။ ၎င်းမှာ ပင််လယ်ရေထဲမှဆားများကြောင့် ဖြစ်နိုင်သည်။

ဟက်စကီးလေးက သူ့ကိုယ်သူ အလွန်မိမိုက်နေသည်ဟု

ထင်နေခဲ့သည်။ သူက မှန်ရှေ့တွင် ဘယ်ညာကြည့်နေပြီး အချိန်အတော်ကြာမာန်ဖီနေခဲ့ကာ မတ်တပ်ရပ်ပြီး ကာယ ဗလမောင်ကဲ့သို့ ပိုစ့်ပေးနေသည်။

ကုယွီမြန် :"ကိုးနာရီခွဲနေပြီ..."

သူ အချိန်ကိုကြည့်လိုက်သည်။

"ကလေးတွေကို အရင်ရေချိုးပေးပြီး သန့်ရှင်းပြီးမှ

သူတို့အမွေးတွေကို ဖီးပေးမယ်..."

ပင်လယ်ထဲ၌ ပျော်ရွှင်စရာကောင်းသော်လည်း ရေထဲမှထွက်လာပြီး အခန်းထဲသို့ဝင်လိုက်သောအခါ ခံစားရ မ ကောင်းတော့ပေ။ ကြည့်ရှုသူများက တစ်ဖန်စိတ်လှုပ်ရှားလာကြပြန်သည်။

[ဂျူနီယာဘီ : ဒါပဲလေ...ငါတို့ရဲ့ ပရော်ဖက်ရှင်နယ်ကျတဲ့ ဆံသဆရာ အစားအသောက်တင်ဆက်သူကို ကြည့်ရှုသူအသစ်တွေဆီ မိတ်ဆက်ပေးလိုက်ကြရအောင်...]

[သစ်တော်ပန်းပွင့် အဖြူရောင်လေး : ဒီနေ့က တကယ့်ရက်တစ်ရက်ပဲ... ဒါပေမယ့် ဒီနေ့က မကြာခင်ပြီးတော့မယ်လို့ တွေးမိတဲ့အခါ ငါစိတ်အမကျေနပ်နိုင်သေးဘူး QAQ]

[ကြယ်ကြွေ : ဒီတင်ဆက်သူ...ရိုးရိုးသားသားပြောရရင်တစ်ရက် ၂၄နာရီတိုက်ရိုက်ထုတ်လွှင့်မယ်ဆိုရင်တောင် လုံလောက်မယ်လို့မထင်ဘူး...]

လူသစ်ပြိုင်ပွဲ နောက်ဆုံး‌ဗိုလ်လုပွဲည အဆုံးသတ်ရန် တစ်နာရီသာလိုတော့သည်။

ပြိုင်ပွဲတစ်ခုလုံး၏ စုစုပေါင်းကြည့်ရှုမှာ ၁.၁ဘီလီယံရှိပြီး ကုယွီမြန်၏အရေအတွက်မှာ ၉၀၀မီလီယံ(သန်း၉၀၀) ရှိသည်။ ယခုအခါ ချန်ပီယံဆုအား မည်သူအနိုင်ရလိမ့်မည်ဟူသည့်မေးခွန်းက အဓိပ္ပာယ်မရှိသော်လည်း ကုယွီမြန်၏စုစုပေါင်းကြည့်ရှုသူအရေအတွက်က ယခုညအဆုံးတွင်၁.၂ဘီလီယံသို့ ရောက်နိုင်မည်လားဟု အားလုံး တွေးနေကြသည်။

၎င်းက ကြယ်တာရာကောင်းကင်ပလက်ဖောင်းတစ်ခုလုံးအတွက် တစ်ဦးတည်းတိုက်ရိုက်ထုတ်လွှင့်မှုတွင် အမြင့်ဆုံးစံချိန်ဖြစ်လိမ့်မည်။

ဤစံချိန်အားရရှိထားသည့် တင်ဆက်သူက ထိုအချိန်က ကြည့်ရှုသူများကို ငှားယူခဲ့ခြင်းဖြစ်ပြီး သူ၏စံချိန်အား သူကိုယ်တိုင်မချိုးဖျက်နိုင်ခဲ့ပေ။ သူက ထိုနေရာတွင် တစ်နှစ်ပတ်လုံးရှိနေခဲ့သည်။

"ယွမ်ယွမ်ရေ လက်ဆွဲအိတ်ထဲက အဝတ်အိတ်အသေးလေးယူပေးပါ့လား..."

ကုယွီမြန်က ထန်ယွမ်လေး၏ခေါင်းလေးကို ထိလိုက်သည်။

ယခုအခါ ထန်ယွမ်လေးက လူသားကလေးတစ်ယောက်၏ပုံစံ ဖြစ်နေသည်။ သူ့လက်မှ အရေပြားများက အချိန်ကြာလာသည်နှင့်အမျှ မတွန့်တော့သော်လည်း ချစ်စရာကောင်းနေဆဲပင်။

ကုယွီမြန်က သူ့အား ရေချိုးဆပ်ပြာနွေးနွေးလေးဖြင့် ဆေးကြောပေးပြီး ပဝါကြီးထဲထည့်ပတ်ထား၍ ကောင်လေးအား ဆေးကြောခြင်း ပြီးသွားသည်။ သူ သက်ပြင်းချလိုက်သည်။ ကျန်ရှိနေသော ကလေးများအားဆေးကြောပေးခြင်းက ခါးသီးသောတိုက်ပွဲတစ်ခုဖြစ်လိမ့်မည်။

"အီ..."

ထန်ယွမ်လေးက ပျော်ရွှင်စွာ ပြန်ဖြေခဲ့သည်။

သူ၏ကလေးလက်တွန်းလှည်း မောင်းနှင်မှုစွမ်းရည်က အလွန်ကောင်းမွန်သည်။ ယနေ့ည စိတ်ကူယဥ်မြို့တော် ညဈေးနှင့် ဆပ်ကပ်ပွဲများတွင် သူက စျေးကွက်တွင် ပြိုင်ဆိုင်ခြင်း၊ ထောင့်တွင်ကျော်တက်ခြင်း၊ လျင်မြန်စွာကူးခတ်ခြင်းတို့တွင် အောင်မြင်မှုများစွာ ရရှိခဲ့သည်။ ကုယွီမြန်က အစပိုင်းတွင် အလွန်ဒေါသထွက်ခဲ့သော်လည်း နောက်ပိုင်းတွင် ထန်ယွမ်က အနည်းငယ် တည်ငြိမ်စွာ

မောင်းနှင်နိုင်လာပြီး ကုယွီမြန် သူ၏ကလေးလက်တွန်းလှည်းအားတွန်းသည်ထက် ပို၍တည်ငြိမ်သောကြောင့် ထိုအတွေးကို စွန့်လွှတ်လိုက်သည်။

ခရီးဆောင်အိတ်က အခြားခန်းသို့ သယ်ဆောင်သွားခံရပြီး ရေ လုံးဝမစုပ်ထုတ်ရသေးပေ။ ရေထဲတွင် နှင်းကျားသစ်၊မြေခွေးလေးနှင့် ဟက်စကီးလေး၏ ထူထဲပြီး ရှည်လျားသော အမွေးများက အံ့သြဖွယ်ရာ ခံနိုင်ရည်အား ထုတ်လုပ်ပေးသည်။ ၎င်းက လှုပ်ရှားရန် လူသားကလေးတစ်ယောက်ဖြစ်လာသော ထန်ယွမ်လေးအတွက်ပို၍အဆင်ပြေသည်။

ထန်ယွမ်လေးက သူ၏့ခြေထောက်တိုတိုလေးများကိုရွှေ့ပြီး လက်တွန်းလှည်းထံသို့ လျှောက်လာခဲ့သည်။

"အင်း...အရင်လာ..."

ဟက်စကီးလေးက ၃ဦးထဲတွင် လှုပ်ရှားရန် အလွယ်ဆုံးဖြစ်ပြီး သူ၏အမွေးများက အရှုပ်ထွေးဆုံးဖြစ်သည်။ အမွေးက အထုံးများဖြစ်လာပြီးနောက် ကြည်လင်သော ဆားခဲလေးများဖြင့် ရှုပ်ထွေးကျပ်ခဲသွားသည်။ ကုယွီမြန် သူ့ကို ကြည့်ရုံဖြင့်ပင် အလွန်စိတ်ဓါတ်ကျလာသည်။ သို့သော်

ကောင်ကလေးက သူ့ခေါင်းဖြင့် ကုယွီမြန်အား

ပျော်ရွှင်စွာ ပွတ်နေခဲ့သည်။

ဤနေရာမှ ရေချိုးခန်းကလည်း အလွန်ရှေးကျသောပုံစံဖြစ်သည်။ ရေချိုးကန်အား သစ်သားဖြင့်ပြုလုပ်ထားပြီး လှပသောကမာခွံများ၊ ကျောက်စရစ်ခဲများဖြင့် အလှဆင်ထားပြီး အလွန်ကျေနပ်စရာကောင်းသောအနံ့အားထုတ်ပေးသည်။ ပြတင်းပေါက်၏အပြင်ဘက်တွင် ကြည်လင်သောပင်လယ်ရေရှိပြီး ငါးအမျိုးမျိုး၊ ရေမျက်နှာပြင်မှအလင်းရောင်နှင့်အရိပ်များက အလွန်အံ့အားသင့်ဖွယ် လှပသည်။ မည်သည့်အထူးပြုလုပ်ချက်များကမှ ၎င်းအား

မကျော်လွန်နိုင်ပေ။

ကုယွီမြန်က ပန်းရေချိုဆပ်ပြာကို လက်တစ်ဖက်တွင် ကိုင်ထားပြီး အခြားလက်တစ်ဖက်တွင် ဟက်စကီးလေး၏

အထူးပြုလုပ်ထားသော ဘီးဖြင့် ရှုပ်ယှက်ခတ်နေသော အမွေးများကို တစ်ချက်ချင်း ဖြီးကာ ရှင်းပေးသည်။ ယခုအကြိမ်တွင် ခါတိုင်း ဖီးသည့်ထက်ပို၍နှေးထားသည်။လက်ဖဝါးမှအပူချိန်က တဖြည်းဖြည်းပျံ့နှံ့သွားပြီး ပင်လယ်ရေ၏စိုစွတ် စေးကပ်မှုနှင့် ဆောင်းဦးည၏အအေးဓာတ်ကိုထိုးဖောက်၍ အသားထဲသို့ဝင်သွားသည်။ ၎င်းက သန့်ရှင်းပြီးနူးညံ့သိမ့်မွေ့သည်ဟု ခံစားရသည်။

ပထမတွင် ဟက်စကီးလေးက ပြတင်းပေါ်အပြင်ဘက်မှ ငါးများအား ကြည့်နေခဲ့သည်။ သူ၏ မျက်လုံးများသည် တောက်ပနေပြီး သွားဖြဲနေခဲ့သည်။ ဖြည်းဖြည်းချင်း သူက ကုယွီမြန်၏လက်မောင်းပေါ်တွင် လုံးဝလှဲချလိုက်ပြီး မလှုပ်တော့ပေ။

မှတ်ချက်မျက်နှာပြင်၏လေထုက တိတ်ဆိတ်ပြီးနွေးထွေးသည်။

[ဒီနေ့ ငါမြေခွေးတစ်ကောင်မဟုတ်တော့ဘူး :

အာ. ကောင်းလိုက်တာ...]

[မြန်ရဲ့လက်မောင်းထဲမှာလှဲရင်းပြောနေတယ်:အာ ကောင်းလိုက်တာ...]

[သန်း မီးအိမ် : အာ...ကောင်းလိုက်တာ...]

[သကြား : အားး ပုံစံကျိုးပဲ့သွားပြီ... ငါ ဆိုဖာပေါ်လဲကျသွားပြီး တခစ်ခစ်ရယ်နေမိတယ်... အခန်းဖော်ကပြန်လာပြီးတော့ ငါဘာလို့ထူးထူးဆန်းဆန်းပြုမူနေရတာလဲလို့ မေးနေတယ်...]

[ကြောင်လေးရဲ့မြောင် : မင်းတို့ဒီနေ့အိပ်ခဲ့ရဲ့လား... ငါ ပြောမယ်... နေ့တိုင်းကပွဲတော်ကြီးပဲ...]

အွန်လိုင်းကြည့်ရှုသူအရေအတွက်က တည်ငြိမ်စွာဖြင့်ပင် သန်း ၉၄၀သို့တက်သွားပြီး စံချိန်သို့ ခြေတစ်လှမ်း နီးကပ်လာသည်။

နှင်းကျားသစ်လေးက ပထမဆုံး ရေချိုးရသည့်သူ မဟုတ်၍ အလွန်မကျေမနပ်ဖြစ်နေသည်။ သူက ကုယွီမြန်၏ပခုံးပေါ်တွင် သူ့လက်ကလေးများကို တင်ပြီး စိတ်ကောက်နေသည်။ မြေခွေးလေးက သူ၏ကျောပိုးအိတ်သေးသေးလေးထဲမှ ဟင်းချက်အသုံးအဆောင်ပစ္စည်းများကို ထုတ်ယူရန် မျှော်လင့်ခဲ့ပြီး ပြင်းပြင်းထန်ထန် စကားရိပ်သန်းနေခဲ့သည်။

ကုယွီမြန်နှင့်မြေခွေးလေးက သူတို့၏နှလုံးသားထဲတွင် ချိတ်ဆက်မှုတစ်ခုရှိနေခဲ့သည်။

"ချိုးချိုးက ချက်ပြုတ်ချင်လို့လား..."

မြေခွေးလေးက ရှက်ရွံ့စွာခေါင်းညိတ်ပြသည်။

ဟင်းချက်ခြင်းမှာ မြေခွေးလေး၏ ဘဝတွင် အလွန်အရေးကြီးသော ပန်းတိုင်တစ်ခုဖြစ်လာကြောင်း ကုယွီမြန်က အလိုလိုသိရှိခဲ့သည်။ ယခုချိန်တွင် လူတိုင်းက ဗိုက်မဆာသော်လည်း မြေခွေးလေးက ကစားချင်သောကြောင့် ချက်ပြုတ်ရန် အဆင်ပြေသည်။

မြေခွေးလေးအား ရေချိုးပေးပြီးနောက် ကုယွီမြန် သူ့အားလုပ်ခွင့်ပြုလိမ့်မည်။

ယခုအချိန်တွင် နှင်းကျားသစ်လေးက သူ့အား

ရေချိုးပေးခွင့်ပြုခဲ့သည်။ ကုယွီမြန် ထိုသို့ဖြစ်လိမ့်မည်ကို ကြိုသိနေခဲ့၍ မြေခွေးလေးမှ တစ်ဝက်တစ်ပြတ်လုပ်ထားသည့် ဖက်ထုပ်လေးအား ယူလိုက်သည်။

သူက ပုစွန်နှင့်ဝက်သားအား အတူတကွရောနှောထားသည်။ ဟင်းချက်ဝိုင်နှင့်ဆားအနည်းငယ်ထည့်ကာ အရသာရှိစေရန် ကြက်ဥအနှစ်ကို ရောလိုက်သည်။ စွပ်ပြုတ်က အနည်းငယ်ပျစ်ကာ ချိုမြိန်လာသည်အထိ ဝက်အရိုးများနှင့် ပုဇွန်ခွံများကို နူးညံ့စွာ ပြုတ်ထားရမည်။ထို့နောက် ပါးပါးလှီးထားသော ကြက်သွန်မိတ်နှင့် ဂျင်းအား အပေါ်တွင် ဖြူးလိုက်သည်။ ယခုအချိန်တွင် သူတို့က အဖြူရောင်အငွေ့မှ ယူဆောင်လာသော လတ်ဆတ်သည့်ရနံ့အား ရနိုင်သည်။

ဖက်ထုပ်များလုပ်နေစဥ်တွင် မြေခွေးလေး၏ မျက်နှာမှာ ပြင်းပြင်းထန်ထန် အာရုံစူးစိုက်နေခဲ့သည်။ အစာသွပ်များကို လက်ထဲတွင်ထည့်၍ အရေခွံပါးလေးအား ငြင်သာစွာဖိပြီး လက်မကြားထဲတွင် တင်းတင်းကြပ်ကြပ်ထုပ်လိုက်သည်။ ကုယွီမြန်၏ဖက်ထုပ်က အလွန်သပ်ရပ်ပြီး ပျံသန်းနေသော လိပ်ပြာလေးကဲ့သို့ ဖက်ထုပ်လေးက လက်ဖဝါးထဲမှ ထွက်လာပြီး အဖြူရောင်ကြွေပန်းကန်ထဲသို့ ဆင်းသက်သွားသည်အား မြင်လိုက်ရသည်။

ကြည့်ရှုသူများနှင့် ကလေးသုံးယောက်က အံ့အားသင့်သွားရသည်။

မြေခွေးလေးက သူ့လက်လေးများအားကြည့်လိုက်သည်။ ကုယွီမြန်က သူ၏လက်လေးများအားကိုင်ပြီး စိတ်ရှည်ရှည်နှင့် တစ်ခုလုပ်ပေးသည်။

"ဖက်ထုပ် ဘယ်လိုထုပ်ရမလဲဆိုတာ သင်ဖို့က နည်းနည်းခက်တယ်...နောက်မှ သင်ပေးမယ်နော်..."

ကုယွီမြန်သည် မြေခွေးလေး၏နားရွက်လေးကို ပွတ်လိုက်၍ နှင်းကျားသစ်လေးက ချဥ်တူးစွာကြည့်လာသည်။

ဖက်ထုပ်ကိုထုပ်၍ ဟင်းချိုအိုးထဲတွင် ပြုတ်ပြီး အယ်လ်ကိုဟော အနည်းငယ်ပါသော စွပ်ပြုတ်ပူပူတစ်အိုး၊ နို့လွှာဖြူဖြူနှင့်ရွှေရောင်ဆီအလွှာတစ်ခုက အပေါ်တွင်ဝေ့နေသည်။တစ်ခုပြီးတစ်ခု သေးငယ်သော အဖြူရောင်ဖက်ထုပ်များက ဟင်းချိုထဲတွင် ပေါလောပေါ်နေသည်။ အပေါ်ယံ

အရေခွံပါးက ပုစွန်အသား၊ နူးညံ့သောခေါက်ဆွဲနှင့် အဆီအသားများဖြင့် ထုပ်ထားသည်။ နောက်ဆုံးတွင်

ကြွပ်ဆတ်သောကြက်သွန်မြိတ်နှစ်ခု ထည့်လိုက်သည်။

ပုဇွန်ဖက်ထုပ်များက အခြားသော အစားအစာများနှင့်အရသာကွဲပြားသည်။ ကြွပ်ရွနှင့်နူးညံ့သောပုစွန်များနှင့်ဝက်သားက အလွန်အရသာရှိသည်။ သေးငယ်သော ဖက်ထုပ်လေးများကို စွပ်ပြုတ်ထဲသို့ ထည့်လိုက်သည်။၎င်းက အနံ့မပြင်းသော်လည်း လူများအား သူတို့၏နှာခေါင်းထိပ်မှအနံ့ကြောင့် ဆက်၍ သွားရည်များမျိုချမိစေသည်။

ယခုအချိန်တွင် ထည့်ပြောရန်မလိုသော ကြည့်ရှုသူများနှင့် ကလေးများအပြင် အပြင်ဘက်မှရေကူးနေသော ရေသူမသည်ပင် ပြတင်းပေါက်မှတစ်ဆင့် ကြည့်နေခဲ့သည်။

မှတ်ချက်မျက်နှာပြင်မှာ တစ်ဖန် ဆက်၍တက်လာသည်။

[အသုံးပြုသူ 23238 :သေစမ်း...ဘယ်လို အမတနေ့မျိုးလဲဟ..."

[မတ်ရှ်မယ်လိုက မချိုဘူး : သွားရည်ကျနေပြီ...

မြန်မြန်က ညလယ်ခေါင်မှာ လှုပ်ရှားမှုအကြီးကြီးတစ်ခုလုပ်လိုက်တာပဲ...ဒီတစ်ခုရဲ့အနံ့က အရသာရှိတယ် ...သေးငယ်ပြီး နူးညံ့တယ်...အားးး...]

[ကဲကုလ(စ်)ကအရမ်းရိုးရှင်းတယ်: ဒီတိုက်ရိုက်ထုတ်လွှင့်မှုကိုကြည့်ပြီး လက်ထဲမှာ ပေါင်မုန့်ခြောက်တစ်ခုနဲ့ အိပ်ယာဝင်ဖို့အဆင်သင့်ဖြစ်နေပြီ...]

[တိမ်လေးတစ်ခုရှိတယ် : ငါ့မှာပြောစရာရှိတယ်... တင်ဆက်သူက ပိုပိုပြီးကောင်းလာတော့တာပဲ... သူက ဖက်ထုပ်ကိုထုပ်ရုံပဲဟာကို ငါ့မှာမျက်တောင်မခတ်နိုင်ဘူး...]

[audgccz: ကြည့်ရှုသူဟောင်းက တိတ်တဆိတ် +1

မျက်တောင်ခတ်ဖို့တောင် တွန့်ဆုတ်မိတယ်...]

ကုယွီမြန် သူ၏မျက်လုံးများကွေးသွားရပြီး အခြားအရာကို သတိရသွားသည်။

ထန်ယွမ်လေး ပြန်မလာသေးဘူးလား...

ဘေးအခန်းမှာတီးတိုပြောသံအားကြားနိုင်ပြီး ထန်ယွမ်က စိတ်ဝင်စားဖွယ် တစ်စုံတစ်ခုအား တွေ့နေခြင်းဖြစ်နိုင်သည်။ သူ ဤမျှမကြာသင့်ချေ။

ကုယွီမြန် မတ်တပ်ရပ်ပြီး ကလေးကို သူကိုယ်တိုင်သွားခေါ်ရန် စီစဥ်လိုက်သည်။

ကုယွီမြန် မသိခဲ့သည်မှာ သင်္ဘော၏ဧည့်သည်များမှာ သူတို့သာလျှင်မဟုတ်ခဲ့ချေ။ ဤအတွက် အကြောင်းပြချက်က ရှည်လျားသော ပုံပြင်တစ်ပုဒ်ဖြစ်သည်။

ထိုအခိုက်အတန့်တွင် ယခုထိ ရေထုတ်ခြင်းမပြီးသေးသည့်ဘေးအခန်းထဲမှ အမဲရောင်အရိပ်ကလေးသည် သူ၏အမြီးအားရိုက်ပြီး လှည့်ပတ်ကာ မှန်ထဲမှ သူ၏အလှအားကြည့်နေသည်။

သူ့တွင် ရှည်လျားပြီး အားကောင်းသော အမြီးနှင့်ရေယက်၊ ပြေပြစ်သွက်လက်သောခန္ဓာကိုယ် ရှိသည်။ အရေပြားက ဖြူဖွေးချောမွေ့ပြီး ခေါင်းထိပ်မှဖဲကြိုးလေးသည်လည်း ပြီးပြည့်စုံသည်။

ကလေးမလေးက တစ်ခဏမျှ ၎င်းနှင့်ပတ်သတ်ပြီး စိတ်ကျေနပ်နေခဲ့ပြီး သူမ၏ဝဝကစ်ကစ် ခန္ဓာကိုယ်လေးအား ပုံစံမျိုးစုံ လှည့်ပတ်ကြည့်နေခဲ့သည်။ သူမ၏လက်ပတ်ကွန်ပျူတာနှင့် သူမကိုယ်သူမ ပုံများစွာရိုက်နေခဲ့သည်။

သူမက ပုံအား စတင်ပြုပြင်ပြီး အရေပြားကိုချောမွေ့စေကာ၊ အမြီးရေယက်အား ဖြူစေပြီးနောက် ရေယက်များ ပိုသန်မာ၍ ပိုရှည်လာစေရန်အတွက် ဓါတ်ပုံပြင်ပြီး ခက်ခက်ခဲခဲခေါင်းညိတ်လိုက်သည်။

အရမ်းကောင်းတယ်... ဒီနေ့ရဲ့ ချစ်စရာပြန်လည်မျှဝေမှုက အောင်မြင်သွားပြီ…

သို့သော် သူမ တစ်ဖက်သို့ လှည့်လိုက်သည့်အခါ သိချင်စိတ်အပြည့်ဖြင့် တောက်ပသောမျက်လုံးကြီးများဖြင့် အကြည့်ချင်းဆုံလိုက်သည်။

ကလေးမလေးက နှလုံးရောဂါရလုနီးပါးပင်။

အနုပညာရှင်တစ်ယောက်ရဲ့ယောင်ဝါက ဘယ်လိုတောင်ကျ်ိုးပျက်သွားရတာလဲ...

အဆုံးတွင် သူတို့ကဲ့သို့ ပြီးပြည့်စုံသည့်အနုပညာရှင်များ၏

ဆက်တင်က ဓါတ်ပုံပြင်ခြင်း (သို့) မှန်တစ်ခုထံ

ငြိတွယ်နေခြင်းရှိလိမ့်မည် မဟုတ်ချေ။

ထန်ယွမ်လေးက စောင့်ကြည့်နေသည်မှာ အချိန်အတော်ကြာပြီဖြစ်သည်။

"အီ..."

သူက ဤသတ္တဝါအား သေချာကြည့်လိုက်သည်။ ထန်ယွမ်လေးနှင့်ဟက်စကီးလေးက အချိန်အတော်ကြာ အတူတကွ ကစားပြီးနောက် တဖြည်းဖြည်းနှင့် အချို့ဦးနှောက်ပတ်လမ်းကြောင်းများ တူညီလာသည်။ သို့သော် သူက အာ့ဟထက်ပို၍ကောင်းမွန်ပြီး ခေါင်းကို တိုက်ရိုက်မကိုက်ပေ။ သူက ပို၍ နူးညံ့ပြီး သိမ်မွေ့သည်။

သို့သော်…

လူသားကလေးခန္ဓာကိုယ်လေးက ကလေးမလေး၏အမြီးအား တင်းကြပ်စွာ ဆွဲထားပြီး သူနှင့်အတူ ဆွဲခေါ်လာသည်။ ကလေးလက်တွန်းလှည်းက ပင်လယ်ရေထဲတွင် တစ်ဝက်နစ်မြုပ်နေကာ အလွန်မှော်ဆန်သောအရှိန်ဖြင့် ရှေ့သို့ရွေ့နေပြီး မူးနောက်စေသောအရည်အချင်းဖြင့် ဘေးပတ်လည်ပို့လှည့်နေလေသည်။

ကလေးမလေးက အစပိုင်းတွင် အလွန်ထိတ်လန့်သွားခဲ့ပြီး သူမ၏စိတ် ပြန်လည်စုစည်းပြီးနောက်တွင် ဒေါသကြောင့် အဖြူရောင်ပြောင်းသွားလုနီးပါးပင်။

ဒီကလေးပေါက်စလေးက ဘာကိစ္စလဲ... ပရိသတ်တစ်ယောက်လား...အရမ်းရိုင်းတာပဲ...ယုံကို မယုံနိုင်ဘူး...

သီးသန့် အစားအစာတစ်ခုအနေနဲ့ အရမ်းကြောက်ဖို့ကောင်းတယ်...ပြီးတော့ ဘာလို့ကလေးလက်တွန်းလှည်းလဲ...

ငါ့လိုအလှအပလေးကို မတရားလုယူဖို့ လာမယ်ဆိုရင် နောက်ဆုံးပေါ် လေပေါ်ဝဲထိုင်ခုံတော့ ရှိသင့်တယ်မလား...

အရမ်းစုတ်ပြတ်နေတာပဲ...

ကလေးမလေးက သူမမျက်လုံးအားလှိမ့်လိုက်ပြီး မလိုလားသည့် ပူဖောင်းလေးများကို မှုတ်ထုတ်လိုက်သည်။

ကုယွီမြန် ထိုမြင်ကွင်းကို မြင်လိုက်ရသည်။

သူ၏ထန်ယွမ်လေးက လက်တိုတိုလေး၂ချောင်းဖြင့် ၁မီတာရှည်သော လင်းပိုင်လေးအားကိုင်ထားပြီး ကလေးလက်တွန်းလှည့်အား လမ်းတစ်လျှောက်မောင်းနှင်လာသည်။ လင်းပိုင်လေးကိုလည်း သူ့လက်မောင်းထဲတွင် ဆွဲခေါ်လာသည်။

အဖြူရောင် လင်းပိုင်လေးက သူမ၏ခေါင်းပေါ်တွင် ပန်းရောင်ဖဲပွင့်ကလေးတပ်ထားသည်။ သူမက အလွန်စိတ်တိုနေ၍ ပါးစပ်မှ ပူစီပေါင်းများ မှုတ်ထုတ်နေသည်။ နတ်သမီးကဲ့သို့ လင်းပိုင်အပြုံးလေးက သူမနာမည်နှင့် ထိုက်တန်လှပေသည်။ ထို့အပြင် သူမ၏နှုတ်ခမ်းပေါ်၌ ဒေါသထွက်ပြီး ယဥ်ကျေးသောအပြုံးတစ်ခုရှိနေသည်။

ကုယွီမြန် :"....."

🐯🐯🐯

Prev Next