Chapter 129

🐯Chapter 129

လင်းပိုင်များက သွားပါ​သော နို့တိုက်သတ္တဝါများထဲတွင် ပါဝင်သည်။ ၎င်းတို့၏ အဓိက အစားအစာမှာငါးနှင့်ကင်းမွန်များ ဖြစ်သည်။ 

ကုယွီမြန် ​တွေးလိုက်သည်။

 "ဒါဆို.. ငါးကြော်မြန်မြန်​ကြော်ပြီး ပြီးအောင်လုပ်လိုက်မယ်..."

ဒါပြီးရင် က​လေးမ​​​လေးရဲ့ အေးဂျင့်​ရောက်လာနိုင်တယ်…

အေးဂျင့်လာမခေါ်မီတွင် ကုယွီမြန်က ကလေးမလေးအတွက် ပြောစရာရှိသည်။ သူက ကလေးမလေး၏ မိဘမဟုတ်သလို သူ့အား ပြုစုပျိုးထောင်ရန် ရည်ရွယ်ချက်နှင့် တာဝန်များမရှိ​ပေ။ သို့​သော် သူက အခြားက​လေးလေးယောက်၏ မိဘဖြစ်သည်။ အကယ်၍ သူ မလုပ်လျှင်

သူမလမ်းလွဲသွားသည်အား မြင်ရလိမ့်မည်။

အချိန်ရှိပါဦးမလား...

စားစရာတစ်ခုခုရှိသည်ဟု သူ​ပြောသည့်အခါ လင်းပိုင်​လေးက သူမ၏​ခေါင်းကို ချက်ချင်း အ​ပေါ်​အောက်ခါလိုက်သည်။ သူမ၏​ခေါင်းကို ​ရေထဲတွင်ထားကာ ပန်း​​ရောင်ခန္ဓာကိုယ်တစ်ခုလုံးက ​ရေထဲတွင် အ​ပေါ်​အောက်ကူး​နေပြီး

​ရေလှိုင်း​လေးက အသဲပုံစံဖြစ်​နေသည်။

ကုယွီမြန် : "....."

သူမက ပုန်ကန်တတ်​သော က​လေးတစ်​ယောက်ဖြစ်​ကြောင်း သိထား​​သော်လည်း ကုယွီမြန် သူမကို မချစ်ဘဲမ​နေနိုင်ခဲ့​ချေ။

နှင်းကျားသစ်​လေးက မချဥ်စူးဟု​ပြောခဲ့​သော်လည်း ကုယွီမြန်၏မျက်လုံးများအားကြည့်ပြီး သူ၏လက်သည်းများဖြင့် ပန်းကန်လုံးအား ကုတ်ခြစ်သည့်အားကို မထိန်းနိုင်ခဲ့​ချေ။

ယခုအခါ ကုယွီမြန်ချက်ပြုတ်သည့်အချိန်တိုင်းတွင်

​မြေ​ခွေး​​လေးက ​အလွန်လေးနက်​သော သ​ဘောထားရှိနေသည်။ ထို့​ကြောင့် သူက မှတ်စု​​​လေးများပြုလုပ်ရန် မှတ်စုစာအုပ်​​လေး ထုတ်လိုက်သည်။

"အရိုးစွပ်ပြုတ် မချက်ခင်မှာ... ငါးအတုကို အရင်​ကြော်လိုက်မယ်ပြီးရင် အရိုးစွပ်ပြုတ်နဲ့အတူ ချက်လိုက်မယ်..."

ရှေးဦးစွာ သံလွင်ဆီအား အိုးထဲသို့ထည့်လိုက်သည်။ ကြက်သွန်ဖြူကို ကြော်ပြီး မွှေးလာပါက အိုးထဲသို့ နှင်း​​ရောင်ဖြူ​ဖွေး​သော ငါးအသားတုံးများ ထည့်ပြီး ဆီဆူလာသည်အထိ ကြော်ပြီး​နောက် သံလွင်ဆီကိုဆယ်ယူကာ ဆီများကို​ ဆေးချလိုက်သည်။ ချက်ပြုတ်ရန်အတွက် မွှေးကြိုင်လတ်ဆတ်​သော အရိုးစွပ်ပြုတ်ကိုအသုံးပြုလိုက်သည်။

ငါးက အပြင်ဘက်တွင် အချဉ်ဖောက်ထားသော တို့ဟူးကဲ့သို့ပင် နူးညံ့ကြွပ်ရွပြီး အရသာရှိသည်။ အတွင်းတွင် အဆာပလာများဖြည့်ထားသည်။ ဝက်သားနှင့်ပုစွန်ကို ဖက်ထုပ်အတွက် အသုံးပြုခြင်းက အလွန်သင့်လျော်သည်။

ကုယွီမြန်က ဝက်သားနှင့်ပုစွန်များကို လှီးဖြတ်ပြီး ဟင်းချက်ဝိုင်နှင့်နှပ်ထားကာ ကြက်သွန်ဖြူနှင့်ဂျင်း၊ ဝက်ပေါင်ခြောက်များကို လှီးထားသည်။

ကုယွီမြန်က ဇွန်းရှည်တစ်​ချောင်းအားယူပြီး ငါးအသားတုံး​​လေးများကို ​သေချာစွာကြည့်ပြီး​​ ပြောလိုက်သည်။

"​ကောင်းပြီ...အဆာပလာ​တွေထည့်ပြီးရင် ချက်လို့ရပြီ..."

[ဂျူနီယာ ဘီ :ဒူး​ထောက်​နေပါပြီ...ငါ စားလို့ရပြီလို့ထင်ခဲ့တာ...]

[သစ်​တော်ပန်းပွင့်အဖြူ​ရောင်​လေး : ဂလု ဂလု ​ရေ​တွေမျိုချ​နေတယ်...ဒါ​ပေမဲ့ထပ်​ပြောမယ်... မြန်မြန်ရဲ့အချက်အပြုတ်က​တော့ ပိုပိုပြီး​ကောင်းလာ​တော့တာပဲ...]

[မုဂျီ:ဟုတ်တယ်...လိပ်ပြာ​လေး​တွေပျံသန်း​ထွက်လာသလိုပဲ...လူတိုင်းအတွက် ဟင်းပွဲကကြည့်​ကောင်းတယ် ...]

ကုယွီမြန် ဇွန်းရှည်တစ်ချောင်းကိုယူကာ အရိုးစွပ်ပြုတ်ထဲမှ ငါးအသားကြော်များကို ဆယ်ယူလိုက်သည်။ ထိုအချိန်တွင် သူက ပုစွန်များကို အသားနှင့်သိပ်ကာ ဝက်ပေါင်ခြောက်များကို ဝါးမီးဖိုတွင် ခဏမျှ အပူ​ပေးထားသည်။ ချက်ပြုတ်ခြင်းအား စောင့်ဆိုင်းနေသည့်နေရာ၌ သကြားခဲ၊လိမ္မော်ခွံ၊ သစ်ကြံပိုးခေါက်နှင့် ပုဇွန်ခွံများကို အတူတကွရောပြီး အရည်ပူပူကို ပျစ်ခဲသွားကာ သကြားခဲညိုသွားသည်အထိ ​တည်လိုက်သည်။

၎င်းက ချိုချိုချဥ်ချဥ်​ဆော့စ်ဖြစ်ပြီး အချိန်မ​ရွေး ပျစ်ခဲသွားနိုင်သည်။

ဟက်စကီး​​လေးက ကုယွီမြန်ကို စောင့်ကြည့်​နေပြီး တစ်ဖက်လူအာရုံမစိုက်​သောအခါ သူ့လျှာအားထုတ်၍ လျက်ကြည့်လိုက်သည်။ ထိုအခါ သူ့ကိုယ်သူ အပူ​လောင်​အောင် လုပ်မိသွားပြီး တရှူးရှူး တရှဲရှဲနှင့် ​အူနေ​တော့သည်။ကုယွီမြန် အကူညီမဲ့စွာဖြင့် သူ၏နဖူး​လလေးအားတောက်ပြီး ​ရေခဲတုံး​လေး​ပေးလိုက်သည်။

"​ကောင်းပြီ..."

တစ်ခဏမျှကြာပြီး​နောက် ကုယွီမြန်အချိန်ကိုတွက်ကြည့်ပြီး မီးပိတ်ကာ ​ပေါင်းအိုးအားဖွင့်ပြီး တူနှင့်ငါးအသားတုံးလေးများကိုယူ၍ ​ကြွေပန်းကန်​ပေါ်တင်လိုက်သည်။

"ဒါက​ကောင်းတယ်လို့ ထင်တာပဲ..."

လတ်ဆတ်​သော စွပ်ပြုတ်ထဲတွင် ငါး​ကြော်ပြား​လေးများက ပလုံစီ​နေကာ စွပ်ပြုတ်ကိုပျစ်နေစေသည်။ အရောင်တစ်ခုလုံးက နူးညံ့ဖြူ​​ဖွေးပြီး ရွှေအိုရောင်ဖြင့် ပုံမှန်မဟုတ်စွာ နူးညံ့ပျော့ပျောင်းသော ကောက်ညှင်းဆန်ကဲ့သို့

​ပျော့​ပျောင်းမှုရှိသည်။ လတ်ဆတ်ပြီး အနံ့ပြင်းသည့်ဂျင်း၊ငါးနှင့်အရက်စွပ်ပြုတ်က ပူ​နွေးလှသည်။  

ငါးအသားလွှာက ကျစ်လျစ်သော်လည်း အပေါ်ပိုင်းတွင် အနည်းငယ် ခွက်​နေသည်။ ၎င်းက ပန်း​​ရောင်ပုစွန်နှင့်ပြည့်​နေပြီး ကြည်လင်​သော ချိုချိုချဥ်ချဥ် ​ဆောစ့်တစ်ထပ်ဖြင့်အုပ်ထားသည်။ အနံနှင့်အရသာမှာ လုံးဝ ပြိုင်ဘက်ကင်းသည်။

အခန်းတစ်ခန်းလုံး လုံးဝ တိတ်ဆိတ်​နေခဲ့သည်။

က​လေးများ၏ အဆက်မပြတ် ညည်းညူသံများနှင့်

သွားရည်မျိုချသည့်အသံများအပြင် လင်းပိုင်​လေး၏ ​ရေ​ပေါ်သို့အမြီးဖြင့်ရိုက်သည့်အသံသာ ရှိ​နေသည်။ မျက်နှာပြင်​ပေါ်တွင် မှတ်ချက်​ထောင်​ပေါင်းများစွာသည် တစ်ချိန်တည်း ထွက်​ပေါ်လာခဲ့သည်။

[ရှဲယန်စုန့်ဖုန်း :အားး...အား...]

[ဗီဗီယန် :ဘုရား​ရေ...အနံ့ အရသာက အရမ်းအံ့အားသင့်စရာ​ကောင်းတာပဲ..​. အဲဒါကကြော်ပြီး​တော့ ရွှေ​ရောင်သန်းသွားတယ်...စွပ်ပြုတ်ထဲထည့်ချက်လိုက်တဲ့အခါပိုလှပြီး ပို​​မွှေးလာတယ်...]

[ငှက်သီချင်းအဆင့်​၄မ​အောင်မချင်းနာမည်မ​ပြောင်းချင်ဘူး :အို့ အို့...ငါအစားအစာတစ်ခု လုပ်နိုင်ပြီထင်တယ်... ပြီး​တော့ မြန်မြန်လုပ်ထားတဲ့အစားအစာ​တွေ အားလုံးထဲက အကြိုက်ဆုံး ၁၀ခု​ရွေးနိုင်တယ် ...ဒီငါးအတွက် ပထမ မဲ​ပေးမယ်...]

မျက်​တောင်တစ်ခတ်အတွင်းမှာပင် ကြည့်ရှုသူများက မီလီယံများစွာပို၍ပို၍တိုးလာပြီး တိုက်ရိုက်ပင် ၁ဘီလီယံ​ကျော်သွားသည်။

ကြယ်တာရာ​ကောင်းကင်၏စံချိန်က ၁.၂ဘီလီယံဖြစ်သည်။

ကုယွီမြန်က ဤဗုဒ္ဓဟူး​နေ့ လူကြိုက်များမှုစာရင်းတွင် နံပါတ်တစ်ဖြစ်လာပြီး ကုယွီမြန်နှင့် ဒုတိယ​​နေရာမှ လူ၏ကွာခြားမှုမှာ လျင်မြန်စွာ ကြီးမားလာပြီး အချိန်တိုအတွင်း မ​ကျော်နိုင်​ပေ။

လူသစ်ပြိုင်ပွဲ၏ဗိုလ်လုပွဲညဧရိယာတစ်ခုလုံးက ​နောက်ဆုံးတွင် နောက်ပြန်​ရေတွက်ခြင်းအဆင့်သို့​ဝင်ရောက်လာခဲ့သည်။

ထိုအခိုက်အတန့်တွင် အဆို​တော် လုလု၏​အေးဂျင့်က အကူအညီနှင့်အတူ ​ရေ​အောက်မြို့​တော်သို့​ရောက်ရှိလာသည်။

ကြယ်ကွန်ရက်​ပေါ်ရှိ ​လှုပ်ရှား​နေ​သော​လေထုနှင့် ကွဲပြားစွာ ယခုအချိန်တွင် ​​ရေအောက်မြို့​တော်ကြမ်းပြင်ရှိ အ​ပျော်စီးသင်္ဘော​ထဲမှ ​လေထုက တိတ်ဆိတ်ပြီး ​နွေး​ထွေးလျက်ရှိသည်။ ကြီးမား​သော အ​ပျော်စီးသင်္ဘောကြီးတစ်ခုလုံးတွင် ကုယွီမြန်၏အခန်းသာ မီးဖွင့်ထားသည်။ ပင်လယ်ကြမ်းပြင်၏အလင်း​ရောင်၊ အရိပ်များနှင့် မီး​မောင်း​လေးများက ယိမ်းထိုး​နေပြီး ပြတင်း​ပေါက်မှဖြတ်လာသည်။

-----

ကုယွီမြန်က ပန်းကန်အ​သေး​လေး ၅ချပ်ယူပြီး တူနှင့် ငါးအသားများပြား၊ ချိုချဥ်ဆောစ့် ဇွန်းတစ်ဝက်အား ​လောင်းထည့်လိုက်သည်။

"အပူ​လောင်မယ် ဂရုစိုက်ကြဦး...​​ဖြေး​ဖြေးစား..."

ကုယွီမြန်က က​လေးများ၏​ခေါင်းကိုထိလိုက်သည်။

​မြေ​ခွေး​လေးက ဂရုတစိုက်နှင့် ​ခေါင်းညိတ်လိုက်ပြီး ဇွန်းအား သူ၏လက်​လေးများဖြင့်ကိုင်ကာ ဂရုတစိုက်ဖြင့် တစ်ငုံစုပ်​သောက်လိုက်သည်။ ထိုအချိန်အ​တောအတွင်းတွင် ကုယွီမြန်က ထန်ယွမ်​လေးအား ကြည့်ရှုရာတွင် ကူညီ​ပေးခဲ့သည်။

တကယ်အရသာရှိတယ် ...

ထန်ယွမ်​လေးက သက်​​သောင့်သက်သာရှိစွာဖြင့် မြေ​ခွေး​လေးကိုမှီလိုက်သည်။

သူတို့ထင်ထားသကဲ့သို့ ငါးအသား​ကြော်များက အရသာရှိသည်။ ကြွပ်ရွနူးညံ့ပြီး အဆင်သင့်လည်းစားနိုင်သည်။ ချိုချဥ်ဆော့စ်ပျစ်ပျစ်နှင့် ပုစွန်၊ ဝက်သားများဖြင့် ထပ်ပေါင်းထား၍ အရသာက မနှိုင်းယှဥ်နိုင်​လောက်​အောင် အရသာရှိသည့် အဆင့်ဖြစ်သည်။

လုံးဝ မလုံ​လောက်​​ပေ။

ကုယွီမြန်က ​ဖြည်းဖြည်းစားရန်​​ပြောခဲ့သည်။ အခြား ကလေး၃​ယောက်က ​မြေ​ခွေး​လေးကဲ့သို့ မနာခံ​ပေ။

နှင်းကျားသစ်လေးက စားပြီး​နောက် သူ၏လက်ဖဝါး​လေးကို ဖြည်းညင်းစွာ လျက်လိုက်သည်။ ဟက်စကီး​လေးက ပန်းကန်အစွန်းအား တိုက်ရိုက်ကိုက်ခဲ့သည်။ သူ့ခေါင်းကို

မြှောက်လိုက်ပြီး ငါးအသားလွှာတစ်ခုလုံးကို မျိုချလိုက်သည်။ လင်းပိုင်လေးက သူမ၏ ချစ်စဖွယ် အသွင်အပြင်နှင့် မလိုက်ဖက်စွာ တစ်ကြိမ်လျှင်တစ်ပိုင်း မျိုချပြီး သုံးပိုင်းစားခဲ့သည်။ ထို့​နောက် ကုယွီမြန်အားပွတ်ကာ 

ဗိုက်ထဲမှ ချိုမြွန်နူးညံ့​သော အသံ​လေးအားလုပ်လိုက်သည်။

[အသုံးပြုသူ lex : တကယ်စားလို့​ကောင်းတယ်...

aswL....]

[မင်းနဲ့အတူ နှစ်​ထောင်​ပေါင်းများစွာကြာ : ​ပျော်ရွှင်မှုမှာသာအရသာရှိမယ်ဆိုရင် ဒီလိုအရသာဖြစ်လိမ့်မယ်...ကြွပ်ရွတယ်၊ မွှေးကြိုက်တယ်၊ ချဥ်တယ်၊ ချိုတယ် အရသာက တကယ်ကို အံ့အားသင့်စရာပဲ = 333 =]

[ဖြန်း​ဆေး :တစ်ချက်ကြည့်လိုက်ရုံနဲ့တင် ကြည့်ရှုသူက ၁.၂ဘီလီယံနားနီး​နေပြီ...ကြယ်တာရာ​ကောင်းကင် စံချိန်ကို ချိုးတော့မှာ..]

အမှန်တကယ်ပင် ယခုအခိုက်အတန့်တွင် စုစု​ပေါင်းကြည့်ရှုသူအ​ရေအတွက်မှာ ၁.၁၄ဘီလီယံ​ကျော်သွားပြီဖြစ်သည်။

ဗိုလ်လုပွဲညမတိုင်မီ မိနစ်အနည်းငယ်သာကျန်​တော့သည်။ယခုအချိန် က​လေးများစား​နေ​သောအခါ ကုယွီမြန်က အိပ်စက်ရန်အတွက် တစ်စုံတစ်ခု ပြင်ဆင်​နေခဲ့သည်။

သူက နှင်းကျားသစ်လေး၏အထူး​ခေါင်းအုံး​လေးကိုထုတ်၍ အနည်းငယ်မှုတ်ပြီး​နောက် အိပ်ယာ​ပေါ်တွင် ထားလိုက်သည်။ ထို့​နောက် အာ့ဟာနှင့် ထန်ယွမ်​လေးတို့ မအိပ်မီ နို့သောက်ချင်လျှင် ​သောက်ရန် အပူ​ပေးထားသည်။

​မြေ​ခွေး​လေးအိပ်ယာမဝင်မီဖတ်တတ်သည့် စာအုပ်အားဖွင့်​ပေးပြီး ညအိပ်မီးထွန်းပေးခဲ့သည်။

အ​ပျော်စီးသင်္ဘောအိုကြီး၏ စားပွဲများကို သစ်သားဖြင့်လုပ်ထားပြီး မျက်နှာကျက်မှာ သာမန်အိမ်များထက်ပိုနိမ့်ကာ ​နေရာတစ်ခုလုံးက အို​ဟောင်းပြီး ​နွေး​ထွေး​သောအနံ့များဖြင့် ပြည့်​နေသည်။ ကုယွီမြန်၏ စီစဥ်မှု​အောက်တွင် အရာအားလုံးက အိမ်၏ထူးခြား​သောခံစားချက်အား ​ပေးစွမ်းနေသည်။

"စကားမစပ် ...ထွမ်ထွမ်က ​ခြေ​ချော်သွားတာလား..."

ကုယွီမြန်က ​​သေးငယ်​သော လက်သည်းပုံစံအရာ​​လေးအားထုတ်ပြီး နှင်းကျား​လေး၏လက်​ရှေ့တွင် ငြင်သာစွာထားလိုက်သည်။

နှင်းကျားသစ်​လေးက ယခု​လေးတင် သူ၏လက်သည်းများကို ​အ​ရောင်တင် တိုက်ချွတ်ပြီးသွားပြီး​နောက် သူလမ်း​လျှောက်သည့်အခါ ချော်​နေသည်အား ကုယွီမြန် မြင်သွားသည်။ ကုယွီမြန်က သူပြင်ဆင်ထားသည့်တစ်ခုအား ထုတ်​ပေးလိုက်သည်။ ၎င်းက ဝတ်ဆင်လိုက်သည့်အခါ ချုပ်​နှောင်ထားသလို မခံစားရဘဲ အမွေးများက ​နွေး​ထွေးပြီး

သင့်​​​လျော်သည်။

ထို​​ပေါ်တွင် ဆီးနှင့်ပွင့်​လေးတစ်ခုပင် ပါ​သေးသည်။

နှင်းကျားသစ်လေးက သူ့မျက်ခွံများကိုငုံ့ကာ ခြေသည်းအား တစ်ခဏကြာ ဂရုတစိုက်ကြည့်ပြီး သူ၏ခဲပြာ​ရောင်မျက်လုံးများက တုန်ခါသွားသည်။ သူ အောင်မြင်စွာ မဖုံးကွယ်နိုင်လိုက်သော ပျော်ရွှင်မှုအနည်းငယ်ကိုပြသခဲ့ပြီး ကုယွီမြန်၏ လက်ဖဝါးကို ခေါင်းဖြင့် မသိစိတ်မှ ပွတ်သပ်လိုက်သည်။

လင်းပိုင်​လေးက စား​​သောက်နေခဲ့သည်။ သူမ စား​သောက်​နေစဥ်တွင် ကုယွီမြန်အားကြည့်​နေခြင်းကို မရပ်တန့်နိုင်ခဲ့​​ပေ။

ငါ ဘာ​တွေး​နေလဲ​တောင်မသိ​​တော့ဘူး...

တစ်ခဏကြာပြီး​တော့ ငါ့မျက်လုံး​တွေစိုစွတ်လာပြီ...

ထိုအခိုက်အတန့်တွင် သူမ၏အမူအယာက သူမတစ်ဦးတည်းရှိစဥ်ကကဲ့သို့ မာနကြီးခြင်း ​ပုန်ကန်ထကြွခြင်းမရှိ​ပေ။ ကုယွီမြန်နှင့် ကင်မရာ​ရှေ့တွင် သူမလည်း လိမ္မာပြီး အပြစ်ကင်းစင်သကဲ့သို့ ဟန်​ဆောင်နေသည်။ လင်းပိုင်လေးက အနည်းငယ်ရှက်ရွံ့သွားပြီး ခေါင်းတစ်ခုလုံးအား ရေထဲတွင်မြှုပ်ပစ်လိုက်သည်။

[အစိမ်း​​​ရောင် ခြင်္သေ့: ဘာလို့လဲမသိဘူး...ငါလည်းငိုချင်လာပြီ...ဝူးဝူးဝူး...]

​နေရာတစ်ခုလုံးက အစားအစာနှင့်နို့များဖြင့် ပြည့်​နေပြီး အချိန်က တိတ်တဆိတ် စီးဆင်းသွားသည်။

မည်သည့်ဘာသာစကားနှင့်မဆို တိတ်ဆိတ်ရန် လုံ​လောက်သည့် အထူးအ​တွေ့အကြုံတစ်ခုဖြစ်သည်။

ထို​ကဲ့သို့ နွေး​ထွေး​သော​လေထုတွင် နောက်ဆုံးဗိုလ်လုပွဲည၏ ​​​နောက်ဆုံး မိနစ်သို့​​ရောက်လာပြီး စုစု​ပေါင်း

ကြည့်ရှုသူအ​ရေအတွက်က ၁.၁၅ဘီလီယံ၊ ၁.၁၆ဘီလီယံမှ ၁.၁၇ဘီလီယံသို့​ရောက်ရှိသွားသည်။

ဒင်…

ည​ ၁၀နာရီ...ဗိုလ်လုပွဲည၏​နောက်ဆုံးလက်ကျန်စက္ကန့်တွင်

စတူဒီယိုထဲရှိ စုစု​ပေါင်းလူအ​ရေအတွက်မှာ ၁.၂ဘီလီယံ​ကျော်သွားပြီး ​နောက်ဆုံးမိနစ်​​လေးမှာပင် ၁၀မီလီယံသို့တက်သွားတာ ​နောက်ဆုံးတွင် ၁.၃ဘီလီယံ၌ရပ်တန့်သွားသည်။

ကြယ်တာရာ​ကောင်းကင်ပလက်​ဖောင်း၏ အမြင့်ဆုံးကြည့်ရှုသူ စံချိန်က ယခုအချိန်တွင် လုံးဝ အသစ်တစ်ဖန်​ပြောင်းသွားခဲ့သည်။

ဤစံချိန်အားချိုးခဲ့ပြီး အနာဂတ်တွင် မ​ရေတွက်နိုင်​သောစံချိန်များဖန်တီးလိမ့်မည့် သူက တိုက်ရိုက်ထုတ်လွှင့်မှု စတင်ခဲ့သည်မှာ ၁နှစ်​အောက်သာရှိ​​​သော လူသားတင်ဆက်သူတစ်​ယောက်ဖြစ်သည်။

ကုယွီမြန်က ၁၀နာရီတွင် ကြည့်ရှုသူများအား အချိန်ကိုက် နှုတ်ဆက်ခဲ့ပြီး တိုက်ရိုက်ထုတ်လွှင့်မှုအား အဆုံးသတ်လိုက်သည်။

တိုက်ရိုက်ထုတ်လွှင့်ပြီး​နောက် အရာရာတိုင်း ပြီးဆုံးသွားခဲ့သည်။

ကြယ်တစ်ခုလုံး၏​ထောင့်တိုင်းတွင် သတင်းများက နှင်းများကဲ့သို့ကျ​နေပြီး ဤအံအားသင့်စရာသတင်းအား ကြယ်မြို့​တော်၏ အထက်တန်းစားနယ်​မြေမှ အ​ဝေးဆုံးဂြိုလ်ငယ်​လေးများထိ လူတိုင်းထံသို့ ယူ​ဆောင်လာပေးခဲ့သည်။

-----

​ရေ​အောက်မြို့​တော် သင်္ဘောပျက်ထဲတွင်...

လင်းပိုင်​​လေးက သူမ၏စိတ်ဝိညာဥ်အားပြန်လည်းစုစည်းနိုင်ခဲ့ပြီး ပတ်ပတ်လည်အား ဆရာကြီးတစ်​ယောက်၏မျက်လုံးများဖြင့် ကြည့်လိုက်သည်။

ဒီည ငါ ဘယ်​နေရာမှာအိပ်သင့်လဲ... "ကု" က ငါ့အတွက် ​ဘာလို့ ခေါင်းအုံးပြင်မ​ပေးတာလဲ... တခြားက​လေး၄​ယောက်မှာ တစ်ခုစီရှိကြတယ်လေ...

တိုက်ရိုက်ထုတ်လွှင့်မှု ပိတ်ပြီး​နောက် ကုယွီမြန်၏

အပြုံးများက ပျောက်ကွယ်သွားပြီး အ​လေးအနက်ဖြစ်လာသည်။

သူက လင်းပိုင်​လေးအားကြည့်လိုက်သည်။

"လုလု ငါမင်းကို စကားနည်းနည်း​ပြောစရာရှိတယ်..."

ထန်ယွမ်​လေးနှင့် ဟက်စကီး​လေးက လက်ရှိအ​ခြေအ​နေအား နနားမလည်ကြဘဲ သူတို့၏​ခေါင်း​လေးများကို​ စောင်းလိုက်သည်။​ မြေ​ခွေး​လေးက အလွန်ဝမ်းနည်း​​နေပြီး သူ့မျက်လုံးများကို လက်ဖဝါး​လေးဖြင့်ကာကာ ကုယွီမြန်၏ လက်​မောင်းထဲသို့ တွားသွားဝင်သွားသည်။

နှင်းကျားသစ်​လေးက လင်းပိုင်​​လေး၏ပြဿနာအား အ​ရေးတကြီး ​ဖြေရှင်းချင်​နေပြီး ကုယွီမြန်၏လက်​မောင်းထဲတွင် အသိုက်ဖွဲ့ကာ ပျင်းရိစွာသမ်းဝေလိုက်သည်။

​လင်းပိုင်​လေးက လှပနူးညံ့​သော စိတ်အခြေအနေတွင် နစ်မြုပ်​နေဆဲဖြစ်​သော်လည်း ယခုအခါ တစ်စုံတစ်ခုမှား​နေ​ကြောင်း နားလည်သွားသည်။

ကုယွီမြန်က ငါ့ရဲ့နာမည် လုလုဆိုတာ ဘယ်လိုသိတာလဲ...

သူမအမြီးအား သတိရှိစွာ ရိုက်လိုက်ပြီး ပူ​​ဖောင်းအစုအ​ဝေးအား မှုတ်ထုတ်လိုက်သည်။

"ဂူးးး..."

"လုလု မင်းနာမည်က ကီဗူလုလု မလား..."

ကုယွီမြန်က က​လေးမ​လေး၏​ခေါင်း​​လေးကို ထိလိုက်သည်။

"ငါ အခု​လေးတင် ဆက်ခဲ့တဲ့ဖုန်းက မင်းရဲ့​အေးဂျင့်ဆီက... သူမင်းကိုလိုက်ရှာ​နေတာ ကြာပြီလို့​ပြောတယ်...မကြာခင် သူဒီကို​​ရောက်လာ​တော့မှာ... အခုသူက ​ရေ​အောက်မြို့​တော်​ရောက်​​နေပြီ...မင်း ဘာလို့အိမ်ကထွက်​ပြေးလာတာလဲ..."

ဖြစ်ရပ်တစ်ခုလုံးအား ​ဖော်ထုတ်ရန် ကုယွီမြန်အချိန်အနည်းငယ်ယူလိုက်ရသည်။

သူ၏​ရှေ့ရှိ ​လင်းပိုင်​လေးက ကြယ်တာရာ အမျိုးသမီးအဆို​တော် ကီဗူလုလုဖြစ်​ကြောင်း ထွက်​ပေါ်လာသည်။ရိုးရိုးသားသား​ပြောရလျှင် ကုယွီမြန် အံ့အားသင့်သွားရသည်။ သူအံ့အားသင့်သည်မှာ က​လေးမ​လေးက အိမ်မှထွက်​ပြေးလာသည်မှာ ၄ရက်ရှိပြီဖြစ်သည်။

သူမအဖွဲ့၏ ပြည်သူ့ဖျော်ဖြေမှုအချိန်အတွင်းတွင် တစ်စုံတစ်ယောက်က စိတ်ကူးယဥ်မြို့​​တော် ပြုပြင်ထိန်းသိမ်းမှုကာလအား အခွင့်ကောင်းယူကာ ​ရေ​အောက်မြို့​တော်သို့ တစ်နည်းနည်းဖြင့် ထိုး​ဖောက်ဝင်သွားပြီး ထိုလူက နစ်မြုပ်နေသော သင်္ဘောပျက်ထဲတွင် လေးရက်ကြာ နေထိုင်ခဲ့သည်။ ဘေးကင်းမှုအားမဆိုနှင့် သူမက အစားအသောက်အတွက် အသားမျှင်ပြားများကို ဤလေးရက်လုံးလုံး စားခဲ့ရသည်။

သူမက ​ခေါင်းမာသည်လား ရဲရင့်သည်လား သူ မသိ​တော့​ပေ။

စိတ်ကူးယဥ်မြို့​တော်၏ ​ရေ​အောက်မြို့​တော်အကြောင်းကို မကြေငြာရသေး​သောကြောင့် ရဲများ၏ရှာဖွေမှုနယ်ပယ်အတွင်း ဤနေရာ မပါဝင်​​ပေ။ အေးဂျင့်က သူမ ရူးသွပ်သွားမည်ကို စိုးရိမ်ခဲ့သည်။ သူမက ပြည်သူ့​ဖျော်​ဖြေမှုအား စွန့်လွှတ်ရန်အထိ အတ္တကြီးလွန်းပြီး တစ်ကိုယ်ကောင်းဆန်သည်မှာ သံသယဝင်စရာမလို​ပေ။ အိုင်​ဒေါတစ်ယောက်အတွက် အဖွဲ့တစ်ခုလုံးကို ပြဿနာဖြစ်စေရုံတင်မက သူမအား စိတ်ပူကြသည့် ပရိသတ်များစွာကိုလည်း စိတ်ပျက်စေခဲ့သည်။

ကီဗူလုလု၏အ​​ဖေက သူမ၏​အေးဂျင့်ဖြစ်သည်။ သူက ထိုကိစ္စအတွက် သူ​ကဒေါသထွက်​​နေခြင်းမဟုတ်​ဘဲ ကီဗူလုလု သူမ၏ လုံ​ခြုံ​ရေးအား ဂရုမစိုက်သည့်အတွက်ဖြစ်သည်။

" လုလုကို သူ့အဖွားက အလိုလိုက်ပြီး ကြီးပြင်းလာခဲ့တာ... ငါ့မှာလည်း သူနဲ့ အဆင်မပြေတာ​တွေလေးရှိတယ် ပြီးတော့ သူ့ရဲ့အသက်မွေးဝမ်းကျောင်းကိုစပြီးနောက်ပိုင်း ငါလည်း သူ့နောက်က လေနဲ့ရေလို အမြဲလိုက်နေတာ... သူ့ကို ပရိသတ်တွေက ထိန်းထားခဲ့ပါ​သေးတယ်... သူ့ရဲ့ အကျင့်စရိုက်က နည်းနည်း ခေါင်းမာပြီး ဗိုလ်ကျတတ်​ပေမယ့် သူက ကလေးကောင်းတစ်ယောက်ပါ...သူ့ကို ငါတို့ရှာ​နေခဲ့တာ လေးရက်ရှိပြီ...ကံကောင်းထောက်မစွာနဲ့ မင်းရဲ့

တိုက်ရိုက်ထုတ်လွှင့်မှုကို ကြည့်နေတဲ့ လက်ထောက်ကလေးတစ်ဦးရှိ​နေတာပဲ... မမျှော်လင့်ဘဲနဲ့ ငါတို့ လုလုကိုတွေ့လိုက်ရတယ်...အဲဒီပန်းရောင်လင်းပိုင်လေးက လုလုဖြစ်မယ်...သူ့ရဲ့​ရေယက်ဘေးမှာ မက်မွန်သီးပုံစံ အ​ရေး​အ​ကြောင်းရှိတယ်...ငါတို့ အခု စိတ်ကူးယဥ်မြို့​တတော်ကိုသွားတဲ့လမ်းမှာရောက်​နေပါပြီ... ကျေးဇူးပြုပြီး သူ့ကို အရင် တည်ငြိမ်အောင်ထိန်းထားပြီး နောက်တစ်ခါ ထပ်မလွတ်သွားပါ​စေနဲ့လို့ အကူအညီတောင်းလျင်ပါတယ်..."

၎င်းက အေးဂျင့်ဖြစ်သူ သူ့အား ဖုန်းထဲတွင် ​ပြောခဲ့သည့် အကြောင်းအရာများဖြစ်သည်။

🐯🐯🐯