MM Story Teller

Chapter 193

Viewers 20k

🚩Chapter -193

Arc_9. ဘီလီယံနာ၏ဇနီး [ 9.1 ]

_____

သူမ တာဝန်မှ ပြန်လာသောအခါ တင်းကျားကျားလည်းထိုနေရာတွင်ရှိနေလိမ့်မည်ဟု စုဝမ် မမျှော်လင့်ခဲ့ပေ ။ တင်းကျားကျား၏ အမူအရာက ချောမောသောကောင်လေးများကို တွေ့လိုက်ရလျှင် ဖြစ်သွားတတ်သည့် စိတ်လှုပ်ရှားသောအမူအရာ နှင့် သိပ်မကွာပေ။

ဒီအရူးမကတော့ ၊ သူမက တကယ်ပဲ စိတ်မနှံ့တော့တာလား ။

" စုဝမ် ၊ စုဝမ် "

တင်းကျားကျား စိတ်လှုပ်ရှားစွာဖြင့် စုဝမ်ဆီသို့ တစ်ဟုန်ထိုးပြေးဝင်လာသည် ။

" နတ်ဘုရား ၊ ငါ့ရဲ့နတ်ဘုရား ၊ နင်ငါ့ရဲ့ နတ်ဘုရားကို တွေ့လိုက်သေးလား ။ သူက သောက်ရမ်းမခန့်လွန်းဘူးလား ။ အရမ်းလန်းပြီး အရမ်းလည်း စတိုင်ကျတယ်မလား ။ "

နတ်ဘုရားတဲ့လား ။

တင်ကျားကျားရေ နင့်မှာ နတ်ဘုရားတွေဒီလောက်ပေါနေတာ အခုက ဘယ်တစ်ယောက်အကြောင်းကို ပြောနေတာတုန်း ။

စုဝမ် ခေါင်းရှုပ်သွားသည့်ပုံဖြင့် မျက်ခုံးတွန့်သွားတာကို တွေ့ရသောအခါ တင်းကျားကျား လက်ဆန့်ကာ လက်ချောင်းနှစ်ချောင်းထောင်ပြီး စုဝမ် ရှေ့တွင် ယမ်းပြလိုက်သည် ။

" နံပါတ် ဆယ့်တစ် နံပါတ် ဆယ့်တစ်လည်း အဲ့ဒီမှာပဲလေ ။ ရွှီချယ်ရဲ့ လက်အောက်က ဉာဏ်ကြီးရှင် ၊ စုရွေ့ လို့လည်း သိကြတယ် "

စုရွေ့.....

စုဝမ်၏ အကြည့်တို့ကျဥ်းမြောင်းသွားပြီး သူမ၏ မျက်လုံးများက အေးစက်သည့် အငွေ့အသက်ကို ထုတ်လွှတ်နေ၏ ။

" နင်က စုရွေ့ အကြောင်းကို မေးနေတာလား နင်ရဲ့နတ်ဘုရားတဲ့လား "

ပြီးတော့ ရွှီချယ်ရဲ့လက်အောက်က ဆိုတာကရော ဘာတုန်း ။စုရှောင်ဝမ်က အရမ်းဒေါသထွက်သွားပြီနော် ဟုတ်ပြီလား ။

စုဝမ်၏ အငွေ့အသက်က ချက်ချင်း အေးစက်စက်ဖိနှိပ်လိုသော ဘက်သို့ ထိုးကျသွားတာကို တွေ့လိုက်ရသောအခါ တင်းကျားကျား၏ အမူအရာလည်း ပြောင်းလဲသွား၏ ။

သေလိုက်ပါတော့ ။ ဒီပါးစပ်ကိုပဲ ကျိန်ဆဲရတော့မှာပဲ ။ သူမရဲ့ဦး‌ နှောက်က အဝေးကိုရောက်သွားတာနဲ့ စုဝမ် တားမြစ်ထားတဲ့ စကားလုံးတွေကို မေ့သွားတော့တာပဲ ။ သူမအရှေ့မှာ ' ရွှီချယ် ' ဆိုတဲ့ စကားလုံးကို မပြောဖို့ တားမြစ်ထားတာပဲ ၊ မဟုတ်ရင် သူမရဲ့ ဒေါသကပေါက်ကွဲလာလိမ့်မယ် ။

" ငါ့မှာ တာဝန်တွေရှိသေးလို့ ၊ ငါသွားနှင့်ပြီ "

အခြေအနေကမကောင်းတာကို တွေ့ရသောအခါ တင်းကျားကျား ချက်ချင်းလှည့်ထွက်သွားတော့သည် ။ တင်းကျားကျား ပြန်ဆုတ်ခွာသွားတာကို တွေ့ရသောအခါ စုဝမ် သူမလက်ကောက်ဝတ်က ဆက်သွယ်ရေးစက်ကို ငုံကြည့်လိုက်သည် ။

___

စု‌‌ရွေ့နဲ့ သူမ ကမ္ဘာတစ်ခုထဲမှာ တူတူတာဝန်ထမ်းဆောင်ရတာကို တင်းကျားကျားက ဘယ်လိုလုပ်သိသွားရတာလဲ ။မဟုတ်မှလွဲရော အဲ့လိုများဖြစ်နေမလား....

သူမလူက တင်းကျားကျား၏ အတွေးများထဲတွင် ရှိနေတာကို တွေးမိလိုက်သောအခါ စုဝမ်၏မျက်နှာက မည်းမှောင်သွားသည်။

ဒီတစ်နေကုန်အချစ်ရူးနေတဲ့မိန်းမကတော့ ။

သို့သော် စု‌ရွေ့က အခြားမိန်းကလေးများကို တစ်ချက်တောင်မကြည့်ဘဲ သူမကို ဘယ်လောက်ထိ တွယ်ကပ်သလဲဆိုတာကို တွေးမိသောအခါ စုဝမ်၏ စိတ်အခြေအနေက ချက်ချင်း ပေါ့ပါးသွားသည် ။

တင်းကျားကျား နင်ဘယ်တုန်းကမှ နင့်ရဲ့ နတ်ဘုရားဆီက အနိုင်ကျင့်မခံရဘူးဘူးမလား ။ ဒီလိုဆို နင်ရဲ့နတ်ဘုရားက ဘယ်လောက်အထိလူကိုခေါင်းကိုက်စေသလဲဆိုတာ နင်သိမှာမဟုတ်ဘူး ။

သို့သော် ထိုကဲ့သို့ ခေါင်းကိုက်စေလောက်သော စု‌ရွေ့ကိုသာ စုဝမ် သဘောကျ၏ ။ ထိုသူက သူမတစ်ယောက်ထဲကိုသာ သဘောကျပြီး အခြားသူများကိုတော့ သေသွားလျှင်တောင် ထိုသူကဂရုစိုက်လိမ့်မည် မဟုတ်ပေ ။

ဆက်သွယ်ရေးစက်ထဲတွင် တစ်ခြားမစ်ရှင်တစ်ခုကို ရှာနေရင်း သီးသန့်မစ်ရှင်ကို တွေ့လိုက်ရသောအခါ သူမအကြည့်တို့က ရပ်တန့်သွားပြီး သူမ၏ နှုတ်ခမ်းထောင့်စွန်းတို့က အမှတ်မထင်ပြုံးမိသွားသည် ။

အရင်က သူမ ရည်းစားဟောင်းအဖြစ်ကူးပြောင်းခဲ့ဖူး၏ ။ ထိုရည်းစားဟောင်းတို့မှာ အချစ်စစ်ကြောင့် အမြှောက်စာဇာတ်ကောင်ဖြစ်သွားခဲ့ကြသည် ။

ဤတာဝန်က အလွန်စိတ်ဝင်စားဖို့ကောင်းသည် ။

အဘယ်ကြောင့်ဆိုလျှင် အမြှောက်စာဇာတ်ကောင်အဖြစ်ပြောင်းခံရသောထိုလူ ' အချစ်စစ် ' ဖြစ်နေသောကြောင့်ပင်....။

စုဝမ် တာဝန်ကို ရွေးချယ်ပြီးသောအခါ စု‌ရွေ့လည်း ဌာနချုပ်ကို ဆက်သွယ်ပြီး တိုက်ရိုက်ပဲ ယာဥ်ကိုရွေးချယ်လိုက်သည် ။ စု‌ရွေ့သူ့ မျက်လုံးကို တဖန်ဖွင့်လိုက်သောအခါ သူက ကျယ်ဝန်းပြီး သန့်ရှင်းသော ဓါတ်ခွဲခန်းထဲတွင် ထိုင်နေရတာကို တွေ့လိုက်၏ ။

" မစ္စတာ တု ၊ ခင်ဗျားဒေတာထဲ ဝင်လို့ရလား "

ကုလားထိုင်တွင် ထိုင်နေသော တုဟန် မျက်လုံးဖွင့်လာတာကိုတွေ့ရသောအခါ ဘေးတွင်ရပ်နေသော လက်ထောက်က ချက်ချင်းခေါင်းငုံ့ကာ တလေးတစားမေးလာခဲ့သည် ။

အချက်အလက်(data)လား ။

စု‌ရွေ့ မျက်ခုံးနှစ်ခုကြားရှိ နေရာကို ပွတ်သပ်လိုက်ပြီး ဖြည်းဖြည်းချင်း မတ်တပ်ရပ်လိုက်ကာ ထိုသီးသန့်မြင့်မားသောနည်းပညာသုံး ဓါတ်ခွဲခန်းကို ကြည့်လိုက်၏ ။ ဤနေရာတွင် လူသားများက ဒစ်ဂျစ်တယ်အသွင်ပြောင်း မြင့်မားသောနည်းပညာတို့နှင့် နေထိုင်သော ခေတ်ဖြစ်ပြီး အဆင့်မြင့်မြင့်နေထိုင်နိုင်ကာသူတို့က ဝန်ဆောင်မှုရရှိဖို့ရာ ငွေကြေးအဆမတန်သုံးစွဲ၍ စက်ရုပ်များဝယ်ယူနိုင်သည့်ခေတ်ပင် ။

ဤကမ္ဘာ၏ ဒုတိယဇာတ်ကောင် တုဟန်က တုမိသားစုရဲ့ အကြီးဆုံးသားဖြစ်ပြီး ဤဓါတ်ခွဲခန်း၏ ဘော့စ်လည်းဖြစ်ကာ ဓါတ်ခွဲခန်းကိုမှတ်ဉာဏ်တု (AI) များဖြင့် အထူးပြုလုပ်ထားသည် ။

စု‌ရွေ့၏ လက်ရှိအထောက်အထားမှာ တုဟန် ဖြစ်၏ ။

စု‌ရွေ့ဇာတ်ကြောင်း၏ အရင်းအမြစ်ကို ရှာဖွေနေရင်း ပတ်ပတ်လည်သို့ လှည့်ကြည့်လိုက်သည် ။ သို့သော ထိုနေရာရှိသူမကိုတွေ့လိုက်သောအခါ သူ၏ အကြည့်တို့က ရပ်တန့်သွား၏ ။

ဒါက...

စုရှောင်စူး ။

သူတွေ့လိုက်ရသော ထိုကလေးမလေးက အသက် ရှစ်နှစ် ၊ ကိုးနှစ်ခန့်သာရှိပြီး သူမ၏ မျက်လုံးများကို မှိတ်ထားကာ စမ်းသပ်တန်းလျားတွင် တိတ်ဆိတ်စွာ လှဲနေ၏။ သာမန်မျက်စိဖြင့်တော့ သူမက စက်ရုပ်ဆိုတာကို ပြောလို့မရနိုင်လောက်ပေ ။

ဟုတ်တယ် ။ ဒါက စုရှောင်စူးရဲ့ စက်ရုပ်ခန္ဓာပဲ ။ ပြီးတော့ အဲ့ဒီခန္ဓာက အခုထိ အသိမဝင်သေးဘူး ။

သူမ လိုအပ်သည့် မှတ်ဉာဏ်တုဒေတာများက တုဟန် ဆီတွင်ရှိလေ၏ ။ လက်ရှိတွင်တော့ သူမကစု‌ရွေ့၏ ကိုယ်ပိုင်ကွန်ပြူတာဟု ပြောရပေမည် ။

" မစ္စတာတု "

မစ္စတာတုက မမလေးတုကို ဝိုးတဝါးကြည့်နေတာတွေ့လိုက်ရသောအခါ လက်ထောက်က စကားထပ်ပြောလိုက်ရ၏။

" ဒီတစ်ကြိမ်အချက်အလက်က အများဆုံးပြီးသွားပါပြီ ။ ဒီတစ်ခေါက်တော့ မမလေးတုက သေချာပေါက် ပြန်ရှင်လာမှာပါ ။ "

ဤ ' ပြန်ရှင်လာခြင်း' ဟုခေါ်သောအရာမှာ လူသားများကဲ့သို့ပင် ဆင်တူသည့် ခံစားချက်ရှိသော စက်ရုပ်မျိုးကိုဆိုလိုခြင်းပင် ။

ဓါတ်ခွဲခန်းရှိ လူများအားလုံး မစ္စတာတုက သမီးဖြစ်သူကို အရမ်းချစ်မှန်းသိကြသည် ။ သူ၏ သမီးဖြစ်သူက မမျှော်လင့်ဘဲ သေဆုံးသွားသောအခါ သူမကို ပြန်လည်အသက်သွင်းဖို့အတွက် ဤရူးနှမ်းသော သုတေသနကို သူစတင်ခဲ့သည် ။

" ဒေတာထဲကို မဝင်နဲ့ဦး "

စု‌ရွေ့ နောက်ဆုံးတွင် စကားပြောလာပြီး သူ၏ အသံက တည်ငြိမ်နေလျက်ပင် ။

" မစ္စတာတု "

ဘေးတွင်ရှိနေသော လက်ထောက်က စု‌ရွေ့ကို နားလည်ရခက်‌ နေဟန်ဖြင့် ကြည့်လာ၏ ။

" ငါပြင်ဆင်ဖို့ လိုသေးတယ် "

စု‌ရွေ့သူ့ရှေ့တွင် ရှိနေသော သီးသန့်သုံးကွန်ပြူတာကို ဖွင့်လိုက်ပြီး လျှို့ဝှက်နံပါတ်ရိုက်ထည့်ကာ ဖိုင်ထဲသို့ ဝင်လိုက်သည် ။

သူမက သူသိခဲ့သည့် စုရှောင်စူးမဟုတ်သော စုရှောင်စူးအသစ်ပင် ။

ဤအရာက စု‌ရွေ့လိုချင်သောအရာမဟုတ်ပေ ။

ယခုတွင် ဒေတာများကို ပြန်စီစဥ်ဖို့အတွက် စု‌ရွေ့အချိန်အနည်းငယ်လိုအပ်သည် ။ သူ စုရှောင်စူးရဲ့ ဒေတာများကို ပြန်ရေးဆွဲလိုက်လျှင် သူမတွင် ထိုစုရှောင်စူး၏ မှတ်ဉာဏ်များရှိသွားလိမ့်မည် ။

တစ်ချိန်ထဲတွင်ပင် ယန်ကျင်းမြို့ ၊ စုမိသားစုတွင်...

စုဝမ် သတိအပြည့်အဝ ပြန်မရသေးခင် ယောက်ျားနှင့် မိန်းမတစ်ယောက်က အချင်းချင်းဆဲဆိုနေတာကို သူမ ကြားလိုက်ရသည် ။

" စုကျန်းကျွင့် ရှင့်လောဘတွေက ဘယ်တော့မှ အတောမသတ်နိုင်ဘူး ။ အမြဲတမ်း သခင်လေးတုဆီကနေ ပိုက်ဆံသွားတောင်းနေတယ် ။ အခုကျွန်မတို့ သမီးက သခင်လေးတု ဆီကနေ ကန်ထုတ်ခံလိုက်ရပြီ ။ ရှင်အခု ကျေနပ်ပြီလား ဟမ် "

" လီမေ့ကျွမ်း ၊ နင်ဘယ်လောက်မြင့်မြတ်ကြောင်းလာပြောမနေနဲ့ ။နင့်ရဲ့ ကြွားဝါချင်တဲ့ လောဘကြောင့်သာမဟုတ်ရင် ၊ နင်သွားသမျှ နေရာတိုင်း အထက်တန်းလွှာမိန်းမပျိုတွေနဲ့ ယှဥ်ပြိုင်ပြီး တုမိသားစုကိုအရှက်ရစေတာကြောင့်သာမဟုတ်ရင် သခင်လေးက တုမိသားစုကနေ ငါတို့ကို ရက်ရက်စက်စက်ကန်ထုတ်ပါ့မလား ။ "

တုမိသားစု ။

နှစ်ယောက်သားပြောဆိုနေတာကို စုဝမ်အကုန်ကြားနေရပြီး မူလဇာတ်ကြောင်း၏ တုချန်က မူလစုဝမ်ကို နှင်ထုတ်လိုက်သည့်နေရာရောက်နေပြီဆိုတာ သိလိုက်ရသည် ။

တုချန်က ဤကမ္ဘာ၏ ဇာတ်လိုက်ပင် ။ ထိုသူက တုမိသားစု၏ ဒုတိယသခင်လေးဖြစ်ပြီး တုမိသားစု၏ ဆက်ခံသူလည်း ဖြစ်သည်။

ဤကမ္ဘာတွင် တုမိသားစု၌ အလွန်ချမ်းသာကြောင်း ဖော်ပြလို့ရလောက်သည့် ထရီလီယံချီသော ပိုင်ဆိုင်မှုများရှိသော်လည်း ထိုမိသားစုတွင် သားနှစ်ယောက်သာရှိလေ၏ ။ အကြီးဆုံးသားဖြစ်သူက ငယ်ငယ်ရွယ်ရွယ်နှင့်ပင် သူ၏ သမီးကို ဆုံးရှုံးလိုက်ရသည် ။ လွန်ခဲ့သော နှစ်များအတွင်း ထိုသူက မှတ်ဉာဏ်တု (AI)ကို လေ့လာနေခဲ့ပြီး တုမိသားစု၏ လုပ်ငန်းကို စိတ်ဝင်စားမှုမပြခဲ့ချေ ။

ထို့နောက် တုမိသားစု၏ ဒုတိယသခင်လေး တုချန်က လူရှုပ်လူပွေတစ်ယောက်ဖြစ်သော်လည်း သူကောလိပ်သို့ရောက်သာအခါ ကျောင်း၏အချောအလှ စုဝမ် နှင့် မြင်မြင်ချင်းချစ်မိသွားခဲ့သည် ။

လူချမ်းသာ နှင့် ဆင်းရဲသောသူကြားရှိ ကွာဟချက်က သနားစရာကောင်းပြီး သူတို့၏ဆက်ဆံရေးက တုမိသားစု၏ အကြီးအကဲများထံမှ ကန့်ကွက်ခံရ၏။

စုဝမ်တွင် ဆင်းဆင်းရဲရဲမွေးဖွာလာသော်လည်း ငွေလောဘတက်နေသော မိဘများရှိပြီး ထိုသူတို့က တုမိသားစုဘက်မှ ပေးလာသော " လမ်းခွဲဖို့အတွက်နစ်နာကြေး " ကိုတွေ့ရသောအခါ သူတို့ချက်ချင်းပဲ သူတို့၏ သမီးကို ခေါ်ကာ ပျောက်သွားတော့သည် ။

လမ်းခွဲပြီးနောက်ပိုင်းတွင် တုချန်က သူ၏ဝမ်းနည်းမှုတို့ကို အရက်နှင့် မြှောချနေခဲ့သည် ။ ထို့နောက် ဒေဝါလီခံရခါနီး လင်းမိသားစုထံမှ အကွက်ချခံရကာ လင်းမိသားစု၏ သမီး လင်းချီယွဲ့ နှင့် ရုပ်ပိုင်းဆိုင်ရာဆက်ဆံမှုရှိသွားခဲ့၏ ။

လင်းမိသားစု၏ အကြံအစည်အောက်တွင် နာမည်ကြီး သတင်းစာနှင့် မဂ္ဂဇင်းတိုင်း၌ လင်းချီယွဲ့နှင့် တုချန်အကြောင်း ရေးသားလာကြသည်။

ဤအချိန်တွင် သူ၏ မိဘများနှင့် အငြင်းပွားနေသော တုချန်က ထိုကိစ္စကို အိုးနင်းခွက်နင်းကျော်ဖြတ်ကာ လင်းချီယွဲ့ကို သူ၏ဇနီးအဖြစ် လက်ထပ်မည်ဖြစ်ကြောင်း ကြေညာခဲ့သည် ။

လင်းချီယွဲ့က ဤကမ္ဘာ၏ ဇာတ်လိုက်မဖြစ်သည် ။လင်းချီယွဲ့က ငယ်ရွယ်စဥ်ကတည်းက အရမ်းလက်ဖွာပြီး ဖြုန်းတီးတတ်သည် ။ အရက်သောက်ပြီးမူးသွားသောအခါ သူမက ရှုပ်ထွေးစွာဖြင့် တုချန်၏ အိပ်ယာပေါ်သို့ တက်သွားခဲ့သည် ။

ကံကောင်းစွာဖြင့် တုချန်က တာဝန်ယူတတ်သောလူဖြစ်ပြီး မီဒီယာအားလုံးရှေ့တွင် သူမကို လက်ထပ်ပါမည်ဟု ကြေညာခဲ့သည် ။

ခံစားချက်ကင်းမဲ့သော လင်းချီယွဲ့က တုချန်ကို မမုန်းပေ ။ သူမ တုမိသားစုကလူနှင့် လက်ထပ်ပြီးသောအခါ သူမ၏ ကျန်ရှိနေသော ဘဝတစ်လျှောက်လုံးကို တုချန်နှင့်သာ အဆင်ပြေပြေဖြတ်သန်းချင်ခဲ့သည် ။ သို့သော် လက်ထပ်ပြီးနောက်ပိုင်းတွင် တုချန်က သူ၏မိဘများအရှေ့ရောက်မှသာ လိုက်လျောညီထွေ ဟန်ဆောင်ပြတတ်သည် ။ သူတစ်ဖက်သို့ လှည့်ထွက်လာသည်နှင့် ထိုသူက သူမကို လုံးဝ မထိတော့ပေ ။

ထိုအရာက လင်းချီယွဲ့ကို အလွန်မကျေမနပ်ဖြစ်စေခဲ့သည် ။ တုချန်က သူမကို ကိုယ်ကျင့်သိက္ခာမရှိသောမိန်းမတစ်ယောက်အဖြစ် အထင်လွဲနေဆဲဟု သူမတွေးခဲ့သည် ။ ထိုနောက်ပိုင်းတွင် သူမက တုချန်အပေါ် ကောင်းပေးပြီး ထိုသူနှင့် နှလုံးသားချင်း နီးစပ်နိုင်ဖို့ ကြိုးစားခဲ့သော်လည်း တုချန်က သူမ၏ လုပ်ဆောင်ချက်အားလုံးကို မကောင်းသောရည်ရွယ်ချက်ရှိနေခြင်းဟုသာ မှတ်ယူခဲ့သည် ။

" မင်းငွေအတွက် လုပ်နေတာမလား ။ မင်းရဲ့မိဘတွေက မင်းကို ငါ့အိပ်ယာပေါ်ပို့လိုက်ပြီး ဒါမှ သူတို့ရဲ့ အခက်ခဲတွေကို ငါကဖြေရှင်းပေးမှာမို့လို့ မလား ငါမင်းကို ငွေပေးလိုက်မယ် ။ ဒါကြောင့် ငါ့ကို ရွံစရာကောင်းအောင် လာမလုပ်နဲ့တော့ "

တုချန်က စိတ်ပျက်နေသောအမူအရာနှင့် လင်းချီယွဲ့ရှေ့တွင် ချက်လက်မှတ်ကို ချပေးလိုက်သောအခါ သူမ၏ စိတ်ရင်းအစစ်အမှန်ကို ထိုလူကိုပေးမိခြင်းက အမှားပဲဆိုတာ သူမနောက်ဆုံးတော့ သဘောပေါက်သွားခဲ့သည်။

လင်းချီယွဲ့က တုချန်ပေးလာသော ချက်လက်မှတ်ကို ငြင်းဆိုလာပြီး လင်းမိသားစု၏ အိမ်ကို သူမဘာသာ ကားမောင်းပြန်လာခဲ့သည် ။ သူမ တုချန်ကို ကွာရှင်းချင်သည် ။ သူမ၏ စိတ်ရင်းအစစ်အမှန်ကို ဤကဲ့သို့ နင်းချေခံလိုက်ရတာမျိုး သူမ လုံးဝသည်းမခံနိုင်ပေ ။ ထို့နောက် လင်းချီယွဲ့၏ ဆုံးဖြတ်ချက်က သူမ၏ မိသားစုထံမှ ပြင်းပြင်းထန်ထန် ကန့်ကွက်ခံလိုက်ရသည်။ ဤအချိန်မှသာ အကြောင်းအရင်းအစစ်အမှန်တို့ကို လင်းချီယွဲ့နားလည်သွားခဲ့၏ ။

ထို့နေ့က တုချန်ရော သူမပါ အကွက်ချခံရပြီး သူမကို ဆန့်ကျင်ပြီး အကွက်ချခဲ့သောသူက သူမ၏ အစ်ကိုအရင်း လင်းယီကျိုး ဖြစ်နေတာပင်။

_____🚩

Prev Next