Chapter 24

🌌 Chapter 24

စနစ်က သူ့စိတ်ထဲတွင် တိုးတိုးလေးပြောနေသည်။

[မင်းက စွန့်ပစ်ခံလိုက်ရမယ်ဆိုရင် အမှိုက်ဆန်မှုတန်ဖိုးတွေ အများကြီးတိုးလာနိုင်တယ်နော်...]

လုမော့က သူ့လက်ကို ခါယမ်းလိုက်သော်လည်း ခက်ထန်စွာ ပြောနေဆဲဖြစ်သည်။

မဟုတ်ဘူး...

လင်း၏ အပြုံးကို မြင်ပြီး သူအလွန်စိတ်ရှုပ်သွားသည်။ လင်းက သူ့အိမ်သူဘုရင်မဆိုသည်မှာ သိသာထင်ရှားပြီး သူ လင်းကို စတွေ့စဉ်ကတည်းက သူဆုံးဖြတ်ခဲ့ခြင်းဖြစ်၏။

စနစ်- [ဒါက မင်းပြောတဲ့ ရမ္မက်စိတ်ကူးကနေ ဖြစ်ပေါ်လာတဲ့ အချစ်ဆိုတာပဲ...]

လုမော့က သူ့ကိုယ်သူ အဖက်ဆယ်ရန် အတတ်နိုင်ဆုံးကြိုးစားခဲ့သည်။

အဲ့ဒါက သူရဲ့ ရုပ်ရည်နဲ့စတာလေ...ပြီးတော့ သူ့ရဲ့ အရည်အချင်းနဲ့...နောက်ဆုံး သူရဲ့ ပြီးပြည့်စုံတဲ့စရိုက်မှာ အဆုံးသတ်သွားတာ...

စနစ်က ချစ်စဖွယ်ပြောသည်။

[အဲ့ဒါက မင်း သူရဲ့ဇာတ်ကောင်ကို သတ်ချင်တာကြောင့်လေ...]

လုမော့: QAQ (ငိုကြွေး...)

ထိုသို့ပြောပြီးလျှင်ပင် သူက လင်း၏ လက်ကို တင်းတင်းကြပ်ကြပ် ဆုပ်ကိုင်ထားဆဲဖြစ်၏။

"မင်းကို သွားခွင့်မပြုဘူး..."

လုမော့က မျက်တောင်ခတ်လိုက်၏။

"ငါ... ငါ မင်းကို လက်ထပ်မယ် လို့ ပြောထားတာ...မင်းထွက်သွားရင် ငါ့ဘဝမှာ ဘယ်တော့မှ လက်ထပ်တော့မှာ မဟုတ်ဘူး..."

လင်းက သံသယနှင့် မေးလိုက်၏။

"သခင်က ခြိမ်းခြောက်နေတာလား..."

လုမော့: "အမှန်ပဲ..."

သူက စိတ်ပျက်စရာအကောင်းဆုံးအမှိုက်ကောင် ဖြစ်သွားလျှင်ပင် လင်းကို လက်လွှတ်မည်မဟုတ်ဟု ဆုံးဖြတ်ထားပြီးသားဖြစ်၏။

ဒီလို ဖြောင့်မတ်ခြင်းဆိုတဲ့ အရာတွေက အရင်ကတည်းက မီးခိုငွေ့လို ပျောက်ကွယ်သွားတာ ကြာပါပြီ ဟုတ်တယ်မလား...

သူက ရက်စက်သော အပြုံးဖြင့် ဆုတ်ဖြဲလိုဟန်ပြလိုက်၏။

“အမျိုးသားတစ်ယောက်ရဲ့ တာဝန်ကို မလုပ်ဘူး...မင်း ထွက်သွားဖို့ သတ္တိရှိရင် ငါက ဘယ်မိန်းမကိုမှ ငါ့ကလေးကို မပေးမွေးဘူးလို့ ငါကတိပေးတယ်..."

ဤစကားများက လေးနက်သောလေထုထဲမှ လူတိုင်းဆီသို့ ရောက်သွားစေသည်။

ဤသည်မှာ ဇာ့ဂ်လူ့အဖွဲ့အစည်း၏ အခြေခံအုတ်မြစ်ကို ချိုးဖောက်ပြီး လက်ရှိစနစ်အားလုံးကို တုန်လှုပ်စေသည့် စကားလုံးဖြစ်သည်။

၎င်းက သစ္စာဖောက်မှုပင်။

အမျိုးသားများအားလုံးက သူတို့ စိတ်ကြိုက် လုပ်ချင်သည်ကိုသာ လုပ်ကြပါက ဇာ့ဂ်များက  ပျောက်ကွယ်ခြင်း အဆုံးသတ်ကို ရောက်လာလိမ့်မည်။

[ဒင်...လူ့အဖွဲ့အစည်းရဲ့ အောက်ခြေမျဥ်းကို ထိမိတာကြောင့် အမှိုက်ဆန်မှုတန်ဖိုးက ၁၀,၀၀၀ တိုးလာပါတယ်...]

[ဒင်...ဇာ့ဂ် ၃၀၀,၀၀၀ ရဲ့ ခံနိုင်ရည်အား နှိုးဆွခဲ့တဲ့အတွက် အမှိုက်ဆန်မှုတန်ဖိုးက ၁၀၀,၀၀၀ တိုးလာပါတယ်...]

အမှိုက်ဆန်မှုတန်ဖိုး တိုးလာသည်မှာ အဆုံးမရှိသော်လည်း လုမော့က နားပင်းသွားသလိုဖြစ်သွားသည်။ သူက လင်းကို  ခေါင်းမာစွာ စိုက်ကြည့်လိုက်၏။

"ငါ့ကို လက်ထပ်ပါ...ငါ မင်းတစ်ယောက်တည်းကိုပဲ ငါ့မိန်းမအဖြစ် လက်ထပ်မှာ..."

[ဒင်...အမှိုက်ဆန်မှုတန်ဖိုးက ကန့်သတ်ချက်အထက်သို့ တိုးလာပါတယ်...မင်းရဲ့ အမှိုက်ဆန်မှု အဆင့်ကို ချိုးဖျက်သွားပါပြီး...ယခု အဆင့် ၃ ဆုလက်ဆောင်များ ထုတ်ယူပါ...]

လုမော့က ဦးခေါင်းနောက်ဘက်သို့ ပြင်းထန်စွာ ရိုက်နှက်ခံရသကဲ့သို့ တုန်လှုပ်သွားပြီး လဲကျလုနီးပါး ခံစားခဲ့ရသည်။

သို့သော် သူ သတိမေ့မြောတော့မည်ဆိုသော်လည်း လင်း၏ လက်ကို ဆုပ်ကိုင်ထားဆဲပင်။

လင်းက တစ်ခုခုမှားနေပြီဟု ခံစားလိုက်ရသည်။

"လုမော့...မင်း..."

လုမော့က သူ့ရင်ခွင်ထဲသို့ ပြုတ်ကျသွားပြီး သူ့တစ်ကိုယ်လုံး ပူထူလုနီးပါးပင်။

အဖြူရောင် ကြမ်းတမ်းသော အတားအဆီးများက သူတို့ခြေဖဝါးအောက်မှ ပေါက်ထွက်ပြီး လျှင်မြန်စွာ ဖြစ်တည်လာ၏။ ၎င်းတို့က ပျော့ပျောင်းသော စပျစ်နွယ်ပင်များကဲ့သို့ ဝှေ့ယမ်းကာ သူတို့နှစ်လုံးကို အတွင်းတွင် ထည့်ပတ်၍ ထုပ်ပိုးတော့မည်ဖြစ်သည်။

စုန့်ကျန်းရှူးက အံ့ဩတကြီး ပြောလိုက်၏။

"လင်း…"

သူက မသိစိတ်အရ လင်းကို ဆွဲထုတ်တော့မည်ဖြစ်သော်လည်း လင်းကို ထိလိုက်သည်နှင့် လင်းက နောက်ဆုံးတွင် သူ့မျက်လုံးများကိုပင့်၍ အေးစက်သောအကြည့်ကို ပေးလိုက်သည်။

အဆုံးမရှိသော အအေးဓာတ်က သူ၏ ခြေလက်နှင့် အရိုးများထဲသို့ စိမ့်ဝင်လာပြီး သူ့ခြေလှမ်း များကို ရုတ်တရတ် တိုက်မိသလိုမျိုးဖြစ်သွားသည်။

စုန့်ကျန်းရှူးက လင်းကို ပိုးအိမ်ထဲသို့ ထုပ်ပိုးခံနေရသည်ကို ဘာမှမလုပ်နိုင်ဘဲ ကြည့်နေရသည်။

ဤအခိုက်အတန့်တွင် သူက လင်းကို လုံးဝဆုံးရှုံးသွားပြီဖြစ်ကြောင်း ရှင်းရှင်းလင်းလင်း သိလိုက်ရသည်။

ပြိုးပြိုးပြက်ပြက်လင်းနေသော ကောင်းကင်အောက်တွင် လူတိုင်းရှေ့မှောက် ပေါ်လာသည်က ကြီးမားသော ဥခွံကြီးတစ်ခုဖြစ်သည်။

လုမော့က နောက်ဆုံးတွင် အသွင်ပြောင်းသွားခဲ့ချေပြီ။

"ဒါက…"

အဖြစ်အပျက်အားလုံးက ရုတ်တရက် ဖြစ်သွား၏။ လူတိုင်း ပြန်လည်သတိမဝင်မီမှာပင် သူတို့ရှေ့တွင် ဥဖြူဖြူတစ်ဥသာ ကျန်တော့၏။

ဇာ့ဂ်တစ်ကောင်က တုံ့ဆိုင်းနေပြီး ပြောလိုက်၏။

"ဒါက အသွင်ပြောင်းလဲတာလား…"

အားလုံးက သံသယများစွာဖြင့် တစ်ဦးကိုတစ်ဦး ကြည့်လိုက်ကြသည်။

ဒီအခြေအနေက တကယ်ကို ထူးဆန်းနေတာ...

အသွင်ပြောင်းကာလမှာ ဥခွံအခြေအနေသို့ ပြန်ပြောင်းသွားသည့် အမျိုးသားတစ်ဦးကို တစ်ခါမျှ မကြားဖူးပေ။

ပုံမှန်အခြေအနေအရ အရွယ်မရောက်သေးသော အမျိုးသားများက အသွင်ပြောင်းခြင်းအဆင့်တွင် အဖျားတက်မည်ဖြစ်သည်။ အမျိုးသားဇာ့ဂ်က အဆင့်မြင့်လေ အဖျားကြီးခြင်းက ကြာလေလေဖြစ်၏။ သို့သော် ထိုကာလအပိုင်းအခြားတွင် အမျိုးသားများက သတိလစ်သွားမည်။ ၎င်းအချိန်က အမျိုးသားတစ်ဦးစီ၏ ဘဝတွင် အထိခိုက်ဆုံးအချိန်ဖြစ်သည်ဟု ဆိုနိုင်၏။ ဖြစ်လာနိုင်ချေရှိသော အချို့အကျပ်အတည်းများကို အချိန်မရွေး တုံ့ပြန်နိုင်ရန်အတွက် အမျိုးသမီးအများအပြားက စောင့်ရှောက်ရန် လိုအပ်သည်။ 

ဒါပေမယ့် အခု ဘာဖြစ်နေတာလဲ...

ဇာ့ဂ်တစ်ဦးက တိတ်ဆိတ်မှုကို ဦးစွာ ချိုးဖျက်လိုက်၏။ သူက ပြောပြ၏။

"ရှေးသမိုင်းကြောင်းကို ကျွန်တော် လေ့လာဖူးတာက ဇာ့ဂ်မျိုးနွယ် ဘိုးဘေးတွေမှာ ဒီလိုအခြေအနေမျိုး ရှိတတ်တယ်တဲ့...ဒါပေမယ့် အဲ့ဒါက လွန်ခဲ့တဲ့ နှစ်ထောင်ပေါင်းများစွာက ဖြစ်ခဲ့တာ... အဲဒီတုန်းက ဇာ့ဂ်..."

"ပါးစပ်ပိတ်ထားစမ်း..."

သူ့ဘေးနားရှိ အမျိုးသမီးစစ်သည်က သူ့ကို ကြောက်စရာကောင်းသော အမူအရာနှင့် နှောင့်ယှက်ခဲ့၏။

"ဒါက ဥပမာတစ်ခုပဲ ဖြစ်နိုင်တယ်..."

၎င်းက စကားလုံးအနည်းငယ်ဖြစ်သော်လည်း လူတိုင်းနားလည်၏။

လွန်ခဲ့သော နှစ်ထောင်ပေါင်းများစွာက ဇာ့ဂ်များက ယခုခေတ်လောက် အင်အားမရှိခဲ့ပေ။ ဇာ့ဂ်ဘိုးဘေးများက နေရာတိုင်းတွင် တွေ့မြင်နိုင်သည့် သေးငယ်အားနည်းသော မျိုးနွယ်တစ်ခုမျှ သာဖြစ်ခဲ့သည်။ သူတို့၏ အစွမ်းထက်သောမျိုးပွားနိုင်စွမ်းကြောင့် မျိုးသုဉ်းခြင်းမရှိခဲ့ခြင်း ဖြစ်သည်။

ယနေ့ခေတ် ဇာ့ဂ်မျိုးနွယ်များက အတော်လေး ခြားနားစွာ ဆင့်ကဲပြောင်းလဲလာခဲ့ပြီး သူ၏ ဘိုးဘေးများနှင့် မတူတော့ပေ။

ဒီလို အားနည်းတဲ့ အမျိုးသားက အသွင်ပြောင်းတဲ့အခါမှာ ဘိုးဘွားစဉ်ဆက် အသွင်ကူးပြောင်းမှုမျိုး ပေါ်လာမှာလား...

သူ့ကို အဆင့်သတ်မှတ်စဉ်အတွင်း စက်က အမှားဖြစ်သွားနိုင်သည်။ 

သူ့မှာ D အဆင့်တောင် မရှိဘူးမလား...

တိုက်ရိုက်ထုတ်လွှင့်မှုအခန်းရှိ စကားပြောခန်းတွင် အမျိုးသမီးစစ်သည်၏ စကားအပေါ် စိတ်မဝင်စားကြဘဲ မှတ်ချက်များ ပေါက်ကွဲနေပြီဖြစ်သည်။

[သေအောင်ရယ်ရတယ်ဟ...ဒီလိုမျိုး နိမ့်ကျတဲ့ အမျိုးသားတစ်ဦးကို ငါပထမဆုံးမြင်ဖူးတာဘဲ...]

[သူက ဒီလောက် အားနည်းနေတာတောင် ဗှိုလ်မှူးကို လိုချင်လို့ စုန့်ကျန်းရှူးကို နိုင်ချင်သေးတာလား...]

[ဒါပေမယ့် သူအရင်က စုန့်ကျန်းရှူးကို ရိုက်ချနိုင်ခဲ့တယ်လေ...မှတ်မိလား...ဘာဖြစ်ခဲ့လဲ ဆိုတာ...]

[ သူလှည့်စားတာပဲနေမှာ...အခုဆို အဲ့လို လုပ်ဖို့ နည်းလမ်းတွေ အများကြီးရှိနေပြီလေ... မင်းရှာမတွေ့ရင်တောင်မှ မရှိဘူးလို့ မဆိုလိုပါဘူး...]

စုန့်ကျန်းရှူး၏ မျက်နှာမှာ အနည်းငယ် အဆင်မပြေပေ။

ဤကမ္ဘာသို့ လာပြီးနောက် အမျိုးမျိုးသော ဖြစ်စဉ်များအပေါ် ငြင်းဆိုမှုများရှိခဲ့သည်။ သူက ဤကမ္ဘာ၏ ဇာတ်ဆောင်ဖြစ်သည်။

မူလပုံပျက်သွားသော မျက်နှာက အသွင်ပြောင်းပြီးနောက် သူ၏ ပင်ကိုယ်အလှသို့ ပြန်လည်ရောက်ရှိသွားသည်။ ကရုဏာစိတ်ဖြင့် ကယ်တင်ခြင်းခံရသော ကျွန်အမျိုးသမီးက အမှန်တကယ်တွင် ဒုက္ခရောက်နေသည့် ခွန်အားကြီးသော အမျိုးသမီးစစ်သည်တစ်ဦးဖြစ်လာသည့်အပြင် ခန့်မှန်း မရသော တတိယစစ်တပ်၏ တပ်မှူးပင် ဖြစ်နေသည့်အတွက် သူက ဘေးမှကြည့်ပြီး နားမလည်နိုင်ပေ။

ငါက ဇာတ်ကောင်မဟုတ်ဘူး၊ တခြားဘယ်သူက ဇာတ်ကောင်လဲ...

သို့သော် လုမော့ဟု ခေါ်သည့် အမျိုးသား ပေါ်လာပြီးနောက် ထိုယုံကြည်မှုက ယိမ်းယိုင်သွားစေခဲ့သည်။

လုမော့၏ အရိုက်ခံရအချိန်တွင် သူခံစားခဲ့ရသည်က နာကျင်မှုမဟုတ်သော်လည်း မယုံနိုင်စရာ အဓိပ္ပာယ်မဲ့မှုပင်။ 

အမြဲတမ်း စစ်ပွဲမှာ စွမ်းဆောင်နိုင်တဲ့ ငါလိုလူက ရှုံးသွားတာလေ...

ထို့နောက် တစ်ဆင့်ပြီးတစ်ဆင့် ရှုံးနိမ့်ခြင်းဖြစ်ခဲ့ပြီး သူ့ပိုင်ဆိုင်မှုအားလုံးဆုံးရှုံးခြင်း၊ အင်ပါယာ ကြယ်တွင် နေထိုင်ခွင့် ဆုံးရှုံးခြင်းနှင့် လင်းကိုပင် ဆုံးရှုံးခဲ့ရသည်။

စုန့်ကျန်းရှူးက ဒီနေရာကို လင်းအတွက်သာမက သူက တစ်ဦးတည်းသော ဇာတ်ဆောင် ဖြစ်တာကို သက်သေပြဖို့လည်း လာခဲ့တာ... အရင်ဘဝက ကြေကွဲဖွယ်အသွင်အပြင်မျိုး လုံးဝ မဖြစ်ချင်ဘူး...

ယခုလည်း သူက အထောက်အထားသက်သေများကို တွေ့ရှိခဲ့သည်။

"တောင်းပန်ပါတယ် ဒါတွေအားလုံး ကျွန်တော့်ကြောင့်ဖြစ်နိုင်တယ်..." 

စုန့်ကျန်းရှူးက မျက်လွှာချလိုက်ပြီး သူ့မျက်နှာမှာ အပြစ်များနှင့် ပြည့်နှက်နေ၏။

"ကျွန်တော်လင်းကို ပြန်ခေါ်ချင်ပေမယ့် သူ့ရဲ့ သိက္ခာကို လေးစားဖို့ မေ့သွားတယ်...သူ့အဆင့်က အမြဲတမ်း သူ့နှလုံးသားထဲ ဆူးတစ်ချောင်းဖြစ်နေတာ...ဒါပေမယ့် ကျွန်တော် သူ့ကို စိတ်ဆိုးသွားစေမိတယ်လေ...”

သူ စိတ်ဓာတ်ကျနေပုံပေါ်သည်။ သူ့၏ ပျော့ပျောင်းသော အနက်ရောင်ဆံပင်များက သူ့ပါးပြင်ကို ကျနေသည်။ သူ၏ ခွေးလေးလိုမျက်လုံးများက မှိန်သွားပြီး မျက်လုံးထောင့်များက အနည်းငယ် နီနေသည်။

ဤအသွင်အပြင်က တိုက်ရိုက်ထုတ်လွှင့်မှုကြည့်ရှုသူများ၏ အာရုံကို ချက်ခြင်း ဆွဲဆောင်ခဲ့သည်။

[အား...အား...အား...သူက အရမ်းချစ်စရာကောင်းတာပဲ...]

[အဲဒါ မင်းအမှားမဟုတ်ဘူး...မင်းလုံးဝမမှားဘူး...]

[ငါ့ကို ပွေ့ဖက်ထားလိုက်နော်...သူအရမ်းတော်တာပဲ...]

"ကျွန်တော်လုပ်ခဲ့တဲ့ အမှားတွေအတွက် တစ်ခုခုလုပ်ရမယ်ထင်တယ်..." 

စုန့်ကျန်းရှူးက သူ့လက်ချောင်းထိပ်များကို မငြိမ်မသက် ပွတ်လိုက်ပြီး မြေကြီးပေါ်ရှိ လုံးဝန်းသော အဖြူရောင်ဥဆီသို့ လျှောက်သွားသည်။

ထိုမြင်ကွင်းကို မြင်လိုက်ရချိန်တွင် အားလုံးက သက်ပြင်းချလိုက်၏။

စုန့်ကျန်းရှူးက လင်းအတွက် ထိုသို့တိုက်ခိုက်မှုမျိုးကို လုပ်နိုင်လိမ့်မည်လို့ သူတို့ မမျှော်လင့် ထားခဲ့ပေ။ သူတို့က စုန့်ကျန်းရှူး၏ ယခင်အပြုအမူကို မကျေနပ်ကြသော်လည်း မည်သို့ပင်ဆိုစေကာမူ ဗိုလ်မှူးက သူနှင့်အတူ နှစ်အတော်ကြာနေခဲ့သည်။ လုမော့က ရုတ်တရက် သူတို့ကြားဝင်၍ ဖြတ်ခုတ်သွားခြင်းဖြစ်၏။ 

ပြင်ပလူများက အရှုပ်အထွေးတစ်ခုကို နားမလည်နိုင်သော်လည်း အနည်းဆုံး လုမော့က စုန့်ကျန်းရှူး၏ ပြိုင်ဘက်ဖြစ်ကြောင်း သူတို့သိသည်။

သူ့နောက်ကျောကို မတ်မတ်ထား၍ "ဥ" ရှေ့တွင် ထိုင်ချလိုက်ပြီး သူ့လက်ဖဝါးက တောက်ပေသော အဖြူရောင်အလင်းရောင်ကိုထုတ်၍ ညင်ညင်သာသာလေး ပြောလိုက်၏။ 

"တောင်းပန်ပါတယ်...က်ိုယ် မင်းကို ကူညီဖို့ လာတာပါ..." 

ပြန့်ကျဲနေသော အနက်ရောင်ဆံပင်များက ဖြန့်ကျထားပြီး သူ့မျက်လုံးများရှိ အမှောင်ထုကို ဖုံးအုပ်ထားသည်။ 

အခြေအနေအရ ဤသူက အလွန်အားနည်းသော အမျိုးသားတစ်ဦးဖြစ်ကြောင်း သိသာထင်ရှား နေသော်လည်း သူက ဘိုးဘေးများကဲ့သို့ အသွင်ပြောင်းသွားခြင်းဖြစ်သောကြောင့်  သူ့စိတ်ထဲတွင် တစ်နေရာရာက ပူပင်သောကရောက်နေရသည်။ သူက တစ်ခုခုမှားနေသည်လဟု အမြဲခံစားရပြီး ၎င်းကို ကိုယ်တိုင် အတည်ပြုရမည်။

၎င်းက လုမော့အပေါ် သူဖြစ်ချင်သည့် နောက်ဆုံးအရာဖြစ်ပြီး သူလုပ်နိုင်သည်က "တောင်းပန်ပါတယ်"ဟုသာ ပြောနိုင်ခြင်းပင်။

စုန့်ကျန်းရှူးက အံကြိတ်လိုက်ပြီး သူ့လက်ချောင်းများကို ကျိုးပဲ့လွယ်သောဥအခွံနားသို့ ချဉ်းကပ် ခဲ့သည်။

ဤအခိုက်အတန့်တွင် သူ၏ နှလုံးခုန်သံက အထိန်းအကွပ်မဲ့စွာ ခုန်တက်သွားသည်။ သူက သော့ကို သူအမြဲတမ်းဆုပ်ကိုင်ထားသည်ဟု ခံစားမိသည်။ ဖြစ်နိုင်သည်မှာက ၎င်းက သူ့တွင် ကျန်သည့် နောက်ဆုံးအခွင့်အရေးတစ်ခုသာ။

စုန့်ကျန်းရှူး၏ ပါးစပ်ထောင့်က ပင့်တက်ပြီး သူ့ညာလက်က အဖြူရောင် ဥခွံအပေါ်ကို အားဖြင့်ဖိလိုက်၏။

ထိုအခိုက်အတန့်တွင် လက်တစ်ဖက်က လေထဲတွင် ပေါ်လာပြီး သူ့လက်ကောက်ဝတ်ကို ဆုပ်ကိုင်ထားကာ သူ့လုပ်ရပ်အားလုံးကို တားဆီးလိုက်သည်။

"မစ္စတာစုန့်...မင်းရဲ့ နှလုံးခုန်သံက မြန်နေတယ်..."

ဆံပင်ရွှေရောင်အမျိုးသမီးဇာ့ဂ်က အနက်ရောင် စစ်ဝတ်စုံကို ၀တ်ဆင်ထားပြီး အပြာရောင် မျက်လုံးများက ကွေးကွေးလေး ပြုံးနေ၏။ သူက အခြားစစ်တပ်အမျိုးသမီးများထက် များစွာပျော့ပျောင်းပုံရပြီး သူပြုံးလိုက်သောအခါတွင် ပိုတောက်ပပြီး တက်ကြွနေပုံရသည်။ 

"မင်း စိတ်ရှုပ်နေတာလား..."

စုန့်ကျန်းရှူးက ထိုအမျိုးသမီးကို လင်း၏ တစ်ဦးတည်းသော လက်ထောက်ဖြစ်ကြောင်း မှတ်မိသွားခဲ့သည်။ အတိတ်တွင် သူက တောင်ကုန်းလောက်မြင့်သော ဖိုင်တစ်ခု၏နောက်တွင် ငိုယိုပြီး ထိုင်နေခဲ့သည်။ သူက ထိုသူကို သေးငယ်သော အခန်းကဏ္ဍတစ်ခုဟုသာ ထင်ခဲ့၏။ ယခုအခါ စုန့်ကျန်းရှူးက သူ့ထံမှ အလွန်ပြင်းထန်သော ဖိအားကို ခံစားခဲ့ရသည်။

သူပြုံးနေသော်လည်း သူ့မျက်လုံးများက စုန့်ကျန်းရှူး၏ ဦးရေဖျားမှ အရိုးများထဲသို့ ထိုးဖောက်လုနီးပါး ချွန်ထက်နေသည်။

"နည်းနည်းပါ..." 

စုန့်ကျန်းရှူးက သူ့လက်ကောက်ဝတ်ကို အေးအေးဆေးဆေး လှည့်လိုက်ပြီး ညင်သာစွာ ပြုံး၍ ပြောလိုက်၏။

"ဒါက ငါ ဒီလိုအခြေအနေမျိုးကို ပထမဆုံးအကြိမ် ကြုံဖူးတာလေ..."

သူ့လက်ကောက်ဝတ်ကို ဆွဲထုတ်၍ မရပေ။

"မင်းရဲ့ ပထမဆုံးအကြိမ်ဆိုရင် အလောတကြီး မလုပ်သင့်ဘူးလေ" 

လက်‌ထောက်က စုန့်ကျန်းရှူးကို မြေပြင်မှ အားအနည်းငယ်ဖြင့် ဆွဲထူလိုက်ပြီး မျက်စိတစ်ဖက်မှိတ်ပြလိုက်၏။

"တတိယတပ်မရဲ့ ဗိုလ်မှူးက နာမည်ဆိုးနဲ့ ကျော်ကြားတယ်လေ...မင်းက သူ့အမျိုးသားကို မတော်တဆ ဒဏ်ရာရစေခဲ့ရင် မင်းဒုက္ခရောက်လိမ့်မယ်..."

“အဲဒီအချိန်ဆို မင်းက Aအဆင့် ယောက်ျားလေးဆိုရင်တောင် ဘယ်သူမှ မင်းကို ကာကွယ် နိုင်မှာ မဟုတ်ဘူး...”

စုန့်ကျန်းရှူး၏ လက်ကောက်ဝတ်က အနည်းငယ် တုန်ခါသွားသည်။ သူက တုံ့ဆိုင်းစွာ ပြုံး၍ ပြောသည်။

"သတိပေးလို့ ကျေးဇူးတင်ပါတယ်..." 

လက်ထောက်က ပခုံးကိုကိုင်ပြီး စုန့်ကျန်းရှူးကို အပြင်သို့ ဆွဲခေါ်လိုက်၏။

“အပြင်ထွက်ပြီး အပြောင်းအလဲတွေကို စောင့်ကြည့်တာက ငါတို့အတွက် အကောင်းဆုံးပဲ...”

သူ့လှုပ်ရှားမှုများက ရင်းနှီးဟန်တူသော်လည်း အမှန်တကယ်တွင် ၎င်းတို့က ခုခံနိုင်စွမ်း မရှိသော စွမ်းအားကို သယ်ဆောင်လာသည်။ စုန့်ကျန်းရှူးက သူ့နောက်ကိုသာ လိုက်နိုင်ခဲ့ပြီး သူ့နှလုံးသား ထဲတွင် မုန်းတီးမှုများ ပြည့်နှက်နေခဲ့၏။

ဒီအခွင့်အရေးကို လွဲချော်ခဲ့ပြီးရင်ဘယ်လိုအကျိုးဆက်တွေ ဖြစ်လာမလဲဆိုတာ မသိဘူးလေ...

--------

[ဥအခွံအတွင်းပိုင်း၌...]

လင်းက ဥခွံထဲတွင် ထိုင်ချလိုက်ပြီး လုမော့ကို လက်တစ်ဖက်တွင် ဖက်ထားပြီး ကျန်တစ်ဖက်တွင် ဓားရှည်တစ်ချောင်းကို ကိုင်ထားသည်။

စုန့်ကျန်းရှူးကို ခေါ်ဆောင်သွားခြင်းခံရသည်အထိ သူက ဓားကို ဖြည်းညှင်းစွာ မချခဲ့ပေ။

ဤဥခွံက စိတ်စွမ်းအားဖြင့် တည်ဆောက်ထားပုံရပြီး အပြင်ဘက်မှ အတွင်းဘက်သို့ မမြင်ရသော်လည်း အတွင်းမှ အပြင်သို့ ဖန်အလွှာဖြင့် ခွဲထားသကဲ့သို့ ရှင်းလင်းစွာ မြင်ရ၏။

ထိုလျှို့ဝှက်သော တွက်ချက်မှုများနှင့် သတ်ပစ်လိုစိတ်ဖြစ်နေသော သူ့မျက်နှာက လင်း၏မြင်ကွင်းတွင် အပြည့်ရှိနေပြီဖြစ်ကြောင်း စုန့်ကျန်းရှူးမှ မသိနိုင်ပေ။

အကယ်၍ စုန့်ကျန်းရှူးသာ သတ္တိရှိရှိ လှုပ်ရှားလိုက်မည်ဆိုပါက “ဥခွံ” ကို ထိလိုက်သည်နှင့် လင်း၏ ဓားဖြင့် သူ့ရင်ဘတ်ကို ထိုးစိုက်ခံရလိမ့်မည်။

စုန့်ကျန်းရှူးက A အဆင့်အမျိုးသားတစ်ဦးဖြစ်သောကြောင့် သူ့ကို သတ်ခဲ့ပါက ပြဿနာအများကြီး ယူဆောင်လာပေမည်။

အဲဒါမှမဟုတ်ရင် သူကတော့...အင်း...

🌌🌌🌌