Chapter 41

🌌 Chapter 41

သူ ပြန်လည်အောက်မေ့အမှတ်ရခြင်း မပြီးဆုံးမီ တတီတီမြည်သံများက သူ့အား အသိစိတ်ပြန်ကပ်သွားစေသည်။

သူ့မျက်လုံးများ ဖွင့်င့်လိုက်ရာ သူ့ရှေ့ရှိ သေးငယ်သည့် စာသားစခရင်တစ်ခုအား တွေ့လိုက်ရသည်။

[L က သင့်အား ပြိုင်ပွဲသို့ ပါဝင်ရန် ဖိတ်ခေါ်လိုက်သည်...]

ဟွေ့ယွီ တွန့်ဆုတ်သွားသည်။

အမျိုးသားဇာ့ဂ်၏စကားများအရဆိုလျှင် သူက လူသစ်ပြိုင်ကွင်းတွင်သာနေ၍ သူ့စွမ်းရည်များအား သွေးနေသင့်ပေသည်။

သို့သော်ငြား တစ်ဖက်နှင့်တစ်ဖက် ယှဥ်ပြိုင်ရသည့် တစ်ယောက်ချင်းပြိုင်ပွဲအတွက် တစ်စုံတစ်ယောက်၏ တောင်းဆိုမှုကို သူတစ်ခါမှ မငြင်းပယ်ဖူးချေ။ စိန်ခေါ်မှုတစ်ခုကို ရင်ဆိုင်ရန် ပြန်လည် မတုံ့ပြန်ရဲသည်မှာ သူ့စတိုင်လ်မဟုတ်ပေ။

အချိန်ရေတွက်မှုက အဆုံးသတ်တော့မည်ကို မြင်လိုက်ရာ ဟွေ့ယွီ 'OK' ကို နှိပ်လိုက်သည်။

ရွှေရောင်အလင်းစက်များက မြင်ကွင်းအသစ်တစ်ခုကို ပြန်လည်ပုံဖော်တည်ဆောက်နေပေသည်။ ယခုအကြိမ်တွင်မူ ၎င်းက အလွန်ကို ကျယ်ပြောလှသည့် အနီရောင် ချိုင့်ဝှမ်းကြီးတစ်ခုပင် ဖြစ်သည်။

ဟွေ့ယွီရှေ့တွင်ရပ်နေသည်မှာ သာမာန်ရိုးရိုးအဝတ်အစားများကို ဝတ်ဆင်ထားသည့် ဇာ့ဂ်တစ်ယောက် ဖြစ်သည်။

ဤသည်မှာ VR ပြိုင်ကွင်းက အလိုအလျောက်ဖန်ဆင်းပေးထားသည့် နမူနာပုံစံတစ်ခုသာ ဖြစ်သည်။ ပြိုင်ဘက်၏မျက်နှာအား သံမျက်နှာဖုံးနှင့် ဖုံးအုပ်ထားပြီး မည်သည့် မျက်နှာအစိတ်အပိုင်းမှမမြင်နိုင်ပေ။ 

ဤထူးဆန်းသည့် ဇာ့ဂ်က သူ့ခါးမှ ရှည်လျားလှသည့် ဓားကို ဆွဲထုတ်ကာ ဟွေ့ယွီထံ ချိန်ရွယ်လိုက်သည်။ 

ဟွေ့ယွီက လက်ထဲတွင် လှံတံကို ကိုင်ထားလျက် သူ့မျက်လုံးများက ထွင်းဖောက်လုမတတ် စူးရှနေသည်။

သူက တခြားဇာ့ဂ်တွေနဲ့ ဘယ်လောက်ကွာလဲဆိုတာ ကြည့်လိုက်ရအောင်...

---------

အမြင့်မှလေက ချိုင့်ဝှမ်းကိုတစ်လျှောက်ရှိ အနီရောင်ဖုန်မှုန့်များကို လွင့်စင်သွားစေသည်။ ဟွေ့ယွီ သူ့ခေါင်းအား မယုံနိုင်မှုများဖြင့် ငုံ့ကြည့်လိုက်သည်။

ချွန်ထက်နေသည့် ဓားထိပ်က သူ့ရင်ဘတ်အား ဖောက်ဝင်လျက် တစ်ချက်မျှပင် ခုခံနိုင်စွမ်း မရှိပေ။

ဤနေရာတွင် နာကျင်မှုက လက်တွေ့၏ ဆယ်ပုံ တစ်ပုံမျှသာ ရှိသော်လည်း သူ ထိုးဖောက်ခံရချိန်တွင်မူ ဤသည်က VR နေရာတစ်ခုသာ ဖြစ်သည့်အချက်ကိုမေ့လျက် တွေဝေမိန်းမောနေမိသည်။

သေခြင်းတရား၏ နိမိတ်က အလွန်ကို စစ်မှန်လွန်းနေသည်။

"မင်း..."

---------

စကားလုံးများက သွေးများပြည့်နေသည့် ပါးစပ်မှ ထွက်ကျလာပြီးနောက် သူ၏စွမ်းအားမရှိတော့သော ခန္ဓာကိုယ်က နောက်ပြန်လဲကျသွားလျက် သေသွားသည့် တိရစ္ဆာန်ကဲ့သို့ပင် အလင်းစက်များအသွင်ပြောင်းပြီး ပျောက်ကွယ်သွားလေသည်။

အမျိုးသမိီးဇာ့ဂ်က ဓားထိပ်လေးအား ဆတ်ခနဲ ခါလိုက်ရာ အနီရင့်ရောင်သွေးများက မြေပေါ်သို့ စွန်းထင်းသွားပေသည်။

ထိုအခါမှသာ လင်း၏ခံစားချက်များ ပိုကောင်းလာခဲ့သည်။

သူ့ခေါင်းလေးကို စောင်းလိုက်လျက် တွေးလိုက်သည်။ ဤနည်းလမ်းဖြင့် ဆိုပါက မည်သည့်ဇာ့ဂ်ကမှ လုမော့အား နောက်ထပ် ငမ်းငမ်းတက် မလိုချင်ရဲလောက်ပေ။

အကယ်၍ ငမ်းငမ်းတက်နေသူရှိလျှင်ပင် ရှေ့ဆက် သူတို့လိုင်းမတက်ရဲတော့သည်အထိ ထပ်ခါထပ်ခါ သတ်ပစ်လိုက်ပါက အဆင်ပြေသွားလိမ့်မည်ပင်။

--------

ကျရှုံးခြင်းက အောင်မြင်မှု၏အစဖြစ်သည််။

ကျရှုံးသည့်အကြိမ်တိုင်းက ဘဝ၏ အကြီးမားဆုံးအောင်မြင်မှုအတွက် ပြင်ဆင်နေခြင်းဖြစ်သည်။

လုမော့ သက်ပြင်းချလိုက်သည်။

[အဲ့လိုဆိုပေမယ့်လည်း မင်းအဖေရဲ့မျိုးရိုးဗီဇကိုစစ်ဆေးပြီးပြီလား...နဂါးကလည်း နဂါးကိုးကောင်ကိုမွေးတာလေ...]

(T/N-နဂါးက ငှက်မမွေးနိုင်ဘူး နဂါးပဲမွေးလိမ့်မယ်  တစ်ကောင်ချင်းက ကိုယ်ပိုင်ထူးချွန်မှုရှိမယ်လို့ ဆိုတာပါ)

စနစ်က စိတ်ရှုပ်ထွေးသွားကာ ပြောလိုက်သည်။

[ဒါပေမဲ့... မင်းအတွက် အဖေပဲမဟုတ်ဘူးလား...]

လုမော့ ကသိကအောက် ဖြစ်နေသော်လည်း ယဥ်ကျေးသည့်အပြုံးလေး ပြုံးပြလိုက်သည်။

[မင်းကိုယ်တိုင်ကပဲ အကြောင်းပြချက် ရှာတွေ့လိမ့်မယ်လို့ ငါထင်ထားတာ...]

စနစ်က အထင်သေးစက်ဆုပ်စွာ ပြောလိုက်သည်။

[ငါက မင်းအဖေ ဖြစ်ပြီးတော့ အောင်မြင်တဲ့ အဖေတစ်ယောက်လည်း မဟုတ်ဘူး...]

အဆုံးတွင် သူက လုမော့နှလုံးသားလေးအား နောက်ထပ်တိုက်ခိုက်လိုက်သည်။

[ဒါပေမဲ့ ငါ့ကိုယ့်ငါပဲ အပြစ်တင်ပါတယ်...မင်းက ငါ့ရဲ့သားထဲမှာ အသုံးမကျဆုံး လေ...]

လုမော့ : အဆင်ပြေပါတယ်...

လက်ရှိသို့ပြန်သွားရလျှင် လုမော့တွင် ချို့ယွင်းချက်များစွာရှိပြီး စနစ်၏ သဘောမကျအပြစ်တင်ခြင်းကို အမြဲခံနေရသော်လည်း သူ၏ဇာတ်ကောင်စရိုက်က အကြီးမားဆုံး အားသာချက်ဖြစ်သည်ကိုလည်း စနစ် ဝန်ခံရပေမည်။

ဆိုလိုသည်မှာ သူ့တွင် ကျွမ်းကျင်အရည်အချင်းများရှိ၏။

မဟုတ်ပေ။ တိတိကျကျပြောရလျှင် လုမော့က ထူးထူးခြားခြား အံ့သြဖွယ်ကောင်းလောက်အောင်ပင် ဇွဲကောင်းလှခြင်းသာ ဖြစ်သည်။

သူဘာကိုလုပ်နေသည်အား သေသေချာချာသိနေသရွေ့ မမျှော်လင့်သည့်အရာများ ဖြစ်ပေါ်လာလျှင်ပင် သူ၏ပန်းတိုင်ကို လမ်းခုလတ်တွင် လက်လျှော့ပြောင်းလဲလိုက်မည် မဟုတ်ချေ။ ထို့အတွက်ကြောင့် သူ ဒိုင်လူကြီးတစ်ယောက် ဖြစ်လာစဥ်ကတည်းက မည်သည့်အခါမှ လက်လျော့သွားလိမ့်မည် မဟုတ်ပေ။

သို့သော် ၎င်းမတိုင်မီတွင်မူ အားထုတ်မှုတစ်ဝက်နှင့် ရလဒ်နှစ်ဆရနိုင်ရန် အချို့သော သတင်းအချက်အလက်အနည်းငယ် လိုအပ်နိုင်ပေသည်။

VR တိုက်ပွဲဇုန်နှင့် ပတ်သတ်သည့် သတင်းအချက်အလက်များက ကြယ်ကွန်ယက်ပေါ်တွင် အလွန့်အလွန်လွှမ်းမိုးမှုရှိသည်ဟုပြောနိုင်ပေသည်။ တိုက်ပွဲဗျူဟာများက အကျော်ကြားဆုံးအချက်အလက်များပင် ဖြစ်သည်။ 

အဆုံးတွင်မူ များစွာသော တိုးတက်လာကြသည့်အမျိုးသမီးဇာ့ဂ်အများအပြားကို နောက်တွင် အင်တာဗျူးခဲ့ပြီး သူတို့အားလုံးပြောကြသည်မှာ VR တိုက်ကွင်းထဲတွင်ရှိသည့် ပြင်းထန်ရက်စက်သည့် အဆင့်မြင့်လေ့ကျင့်ရေးများက သူတို့တိုးတက်လာရသည့် အဓိကအချက်ပင်ဟု ပြောခဲ့ကြသည်။

လုမော့ ပေါ့ပေါ့ပါးပင် အုပ်စုဆွေးနွေးပွဲဖိုရမ်တစ်ခုကို ကလစ်နှိပ်လိုက်သည်။ ဖိုရမ်၏ ပင်မစာမျက်နှာတွင် ထိပ်ဆုံးကပေါ်လာသည့် အလွန်အမင်း လူပြောများနေသည့် ပို့စ်တစ်ခုက သူ့အာရုံကိုဆွဲဆောဆင်သွားသည်။

[ပြေးကြတော့… မနေ့ညက ခွေးရူးတွေက VR တိုက်ပွဲဇုန်တစ်ခုလုံးကို ထင်ရာစိုင်းသောင်းကြမ်းသွားတယ်ဟေ့...ဒီကောင် ရူးများသွားတာလား…]

ပထမထပ် : ငါ့လက်တွေ ခုထိတုန်နေတုန်းပဲ...မနေ့က ငါဘာတွေကြုံခဲ့ရလဲဆိုတာ မင်းတို့တွေ ယုံနိုင်မှာမဟုတ်ဘူး...

ငါမနေ့က ခါတိုင်းလိုပဲ တိုက်ခိုက်ဖို့ လိုင်းပေါ်တက်ခဲ့တာ ပထမဆုံးတိုက်ပွဲနည်းနည်းကတော့ ခံစားချက်ကောင်းနေသေးတယ်...A အဆင့်အမျိုးသားတစ်ယောက်ဆို ငါ့ကိုတောင် ချီးမွမ်းလိုက်သေးတယ်...F*** meပဲ… အဲ့ချိန်တုန်းက A အဆင့် အမျိုးသားတစ်ယောက်နဲ့ တွေ့လို့ ပျော်တာပျော်တာဆိုတာ ငါ့မှာအရူးကြီးကျလို့...မှန်တယ် ပို့စ်ပိုင်ရှင် ငါက S အဆင့်နားရောက်ခါနီးနေတဲ့ A အဆင့်အမျိုးသမီးဇာ့ဂ်တစ်ယောက်ဖြစ်ပြီး အိပ်မက်ထဲက ချစ်ရတဲ့အမျိုးသားလေးကို လက်ထပ်နိုင်ဖို့ နေ့တိုင်းအလုပ် ကြိုးစားကြိုးစားစားလုပ်နေတဲ့ အမျိုးသမီးလေးတစ်ယောက်ပါ...

ဒီအမျိုးသားဒိုင်လူကြီးက တကယ်ကြီး ချောမောခံ့ညားတာကို မပြောနဲ့ဦး...သူ့ရဲ့ရွှေရောင်ဆံပင်တွေကဆို ငါ့မျက်စိတွေတောင် ကန်းမတတ်ဘဲ..သူ့စရိုက်ကလည်း နူးညံ့ညင်သာနေသေး...သနားစရာကောင်းတဲ့ မူရင်းပို့စ်ပိုင်ရှင်လေးက သူက A အဆင့်အမျိုးသားတစ်ယောက်ဆိုတာကို မသိဘူးလေ T^T...သူ ထိပ်ဆုံးကို တိုက်ခိုက်နိုင်သွားတာတောင်ပေါ့ T^T...ငါက အခွင့်အရေးကောင်းကြီးကို လွဲချော်သွားပြီး သူထွက်သွားမှ အဲ့တာကို နားလည်လိုက်တာလေ အားးးးးးး…

ငါခဏလောက်ကြာအောင် အမျိုးသမီးနည်းနည်လောက်နဲ့ တိုက်ခဲ့ပြီး အဲ့အချိန်ထိအောင် အမျိုးသားဇာ့ဂ် အကြောင်းတွေးပြီး စိတ်လွတ်နေတုန်း...ဘယ်လိုပဲဖြစ်ဖြစ် ငါ့ကံက တကယ်ကောင်းနေတုန်းလေ အကုန်နိုင်နေသေးတယ်...

အဲ့ဒီ ရူးနေတဲ့အမျိုးသမီးဇာ့ဂ် ငါ့ရှေ့မပေါ်လာခင်ထိပေါ့...ငါမင်းတို့အတွက် ပုံတင်ပေးမယ်...

(ပုံထဲတွင် သာမာန်ဆန်သည့် သို့မဟုတ် ပရိုဂရမ်မှ ဖန်တီးထားသည့် နမူနာပုံစံ အမျိုးသမီးဇာ့ဂ်တစ်ယောက်က နေဝင်ချိန်အောက်တွင် မတ်တတ်ရပ်နေလျက် ဓားရှည်တစ်ချောင်းကို ကိုင်ကာ ကင်မရာကို ကြည့်နေလေသည်။)

သေစမ်း အဲ့အချိန်တုန်းက တွေးမိတာက ငါ ဒီလောက်မြင့်နေတဲအဆင့်နဲ့ အဲ့လိုနမူနာပုံစံနဲ့ လူသစ်လေးတစ်ယောက်ကို ငါဘယ်လိုလုပ်ပြီး တွေ့နိုင်ရတာလဲဆိုပြီးပေါ့...ပြီးတော့ သူမေးတာကို ငါကြားလိုက်တာပဲ "တတိယမြောက် ဒိုင်လူကြီးက လိုင်းပေါ်က A  အဆင့်အမျိုးသားတစ်ယောက်လား"ဆိုပြီး...

အိုး အဲ့ခါကျမှ ပို့စ်ပိုင်ရှင်လေးက နိုးကြားလာတာပေါ့...ပို့စ်ပိုင်ရှင်က ပျော်ပျော်ရွှင်ရွှင်ကြီး ဖြေလိုက်တယ်တဲ့..."ဟုတ်တယ် ဟုတ်တယ်...သူက ငါ့ကို အရမ်းအရမ်းကို ချီးကျူးသွားတာ သူ့ကိုဒီနေ့ တွေ့နိုင်မယ်လို့ ထင်တောင် မထင်ထားခဲ့ဘူး..." ဆိုပြီးတော့ပေါ့ကွယ်....

အိုး ပို့စ်ပိုင်ရှင်ရဲ့ သွေးတွေဆို စိတ်လှုပ်ရှားမှုနဲ့ တလိပ်လိပ်ထိုးတက်ပြီး အုံကြွလာတာ...ပို့စ်ပိုင်ရှင်က ပျော်ပျော်ကြီးပြုံးပြီး.."ဟုတ်တယ် ငါက အရမ်းအံ့သြစရာကောင်းလို့ဆိုပြီး သူက ချီးကျူးသွားတာ သူ့ကို ဒီနေ့တွေ့နိုင်မယ်လို့ ထင်တောင် မထင်ထားခဲ့ဘူး..."ဆိုပြီးပေါ့....

မင်းတို့ အဲ့သောက်ခံစားချက်ကို သိကြလား...တစ်စက္ကန့်လောက်လေးပဲ ခုခံမှုလွတ်သွားပြီး စကားလေးပြောနေတုန်းရှိသေး နောက်တစ်စက္ကန့်မှာပဲ မင်းခေါင်းက အမြင့်ဆိုမှ အမြင့်ကြီးကို ပျံထွက်သွားတာလေ...

အဲ့အခိုက်မှာပဲ ငါမိခင်နတ်ဘုရားမကို တွေ့လိုက်ရတယ်လို့ ငါ တကယ် ခံစားလိုက်ရတာပဲ...

ဒုတိယထပ် : ပို့စ်ပိုင်ရှင်က ချစ်စရာလေးနဲ့ သနားစရာလေး...ပွေ့ဖက်ပေးချင်လိုက်တာ...စကားမစပ် ပို့စ်ပိုင်ရှင်က S အဆင့်နားကပ်နေတဲ့ အမျိုးသမီးဇာ့ဂ်တစ်ယောက်မဟုတ်ဘူးလား...ဒီလိုမျိုး ပို့စ်ပိုင်ရှင်ကိုတောင် ကြောက််အောင် ခြောက်နိုင်တယ်ဆိုတော့ အဲအမျိုးသမီးဇာ့ဂ်ရဲ့ အဆင့်က ဘယ်လောက်ဖြစ်မလဲ...

တတိယထပ် : ဒါက နတ်ဘုရားတွေ တိုက်ခိုက်ကြတဲ့ကမ္ဘာကြီး ဖြစ်လောက်တယ်...

14 ထပ် : ပို့စ်ပိုင်ရှင် ငါလည်း မင်းလို တစ်ပုံစံထဲတူတဲ့အခြေအနေကို ကြုံခဲ့တာ...ကွာခြားတာကတော့ ငါကဒီတိုင်း ပိုပြီး...ငါကစိတ်တိုလွယ်ပြီး စိတ်ဆတ်တဲ့ ဇာ့ဂ်တစ်ယောက်လေ...အဲ့တော့ ငါဖြေလိုက်တာက "မင်းက ဘာလို့ဂရုစိုက်နေတာလဲ အမျိုးသားဇာ့ဂ်တွေကို ဆွဲဆောနိုင်နိုင်တဲ့ အရည်အချင်းတွေ ငါ့မှာ အကုန်ရှိပြီးသား မရှိရဘူးလား..."ဆိုပြီးဖြေလိုက်တာ...

ပြီးတော့ သူငါ့ကို ဘယ်နှစ်ကြိမ်တောင် သတ်ခဲ့လဲဆိုတာ သိလား...

သူငါ့ကို 55 မိနစ်ကြာအောင် ထိုးသတ်ခဲ့ပြီးမှ သတ်ပစ်လိုက်တာကွ...

ငါ့မှာ လိုင်းပေါ်ကလည်း ဆင်းလို့မရဘူး...သူက PK စည်းမျဥ်းကြီး ဖွင့်ချလိုက်တာကိုး...ပထမဆုံးအနေနဲ့ ဒီစက်ကို ငါမုန်းသွားတာပဲ...အရင်တုန်းက ငါတခြားသူတွေကို စနောက်ဖို့နဲ့ အပျော်သက်သက်ပဲ ဒါကို ငါစသုံးခဲ့တာလေ ဒါပေမဲ့...

15 ထပ် : ...မင်းကလည်း ကောင်းနေတဲ့သူတစ်ယောက်တော့ ဟုတ်မနေပါဘူး...

16 ထပ် : ...

လုမော့ : "..."

လုမော့ ခေါင်းကိုလှည့်ကာ ပြတင်းပေါက်ကို ကြည့်လိုက်သည်။ လင်းက ခြံဝင်းထဲတွင် ရပ်နေလျက် အနည်းငယ် ရှုပ်ပွနေသည့် ပန်းဥယျာဥ်ကို ဟိုဟိုသည်သည် လုပ်နေခဲ့ပေသည်။

သူတို့ ဤနေရာကို ရောင်နေသည်မှာ ရက်အတန်ကြာမြင့်ခဲ့ပြီး ဖြစ်သည်။ လုမော့၌ ဝန်ထမ်းများထပ်ခန့်ရန် အမြဲအချိန်မရှိ ဖြစ်နေကာ သူတို့နှစ်ယောက်၏ ကြီးမားလှသည့် စံအိမ်ကြီးထဲတွင် သူနှင့်လင်းသာလျှင် ရှိနေပြီး လင်းက နေ့စဥ်လိုအပ်ချက်များအားလုံးကို တာဝန်ယူဂရုစိုက်သည့် တစ်ယောက် ဖြစ်သည်။

သို့သော်...

ဒါတွေအားလုံးက ဘယ်သူ့ကြောင့် ဖြစ်ရတာလဲ...

လုမော့ ဒေါသထွက်စွာ တွေးလိုက်သည်။

သူ့အား နေ့စဥ် နှောင့်ယှက်နေသည့် လင်းကြောင့်သာမဟုတ်လျှင် သူ့၏မြင့်မားသည့် ကျွမ်းကျင်မှုနှင့်ဆိုပါက စားဖိုမှုး သို့မဟုတ် ဥယျာဥ်မှူးဖြစ်စေ၊ မိသားစု ဆရာဝန် သို့မဟုတ်လည်း အခြားဝန်ထမ်းများဖြစ်ပါစေ ကြီးကြီးငယ်ငယ် ဟိုးယခင်ကတည်းက ခန့်အပ်စုဆောင်းထားပြီး ဖြစ်ပေလိမ့်မည်ပင်။ 

ဟုတ်ပြီနော်...

လင်းကသာ အလှအပနှင့် သူ့အား ပျက်စီးစေရန်၊ ကြင်နာယုယမှုများဖြင့် သူ့အား မူးယစ်ရီဝေသွားစေရန် ကြိုးစားပါလျှင်...ထိုသို့ဆိုလျှင် သူ၏စိတ်နှင့် စဥ်းစားဥာဏ်များကို ဆုံးရှုံးသွားနိုင်ပေသည်။

စနစ် : [ဒါဆိုရင်တော့ လင်းက အောင်မြင်တော့မယ်လို့ ငါပြောရမှာပဲ...]

လုမော့ : [......]

စနစ် : [ မင်းကအခု တုံးအတဲ့ ငတုံးဘုရင်တစ်ပါးနဲ့ ဘာမှမကွာဘူးပဲ...]

လုမော့၏ အကြည့်များကို ခံစားမိသွားသည်ထင် လင်းက သူ့ခေါင်းကို လှည့်လာကာ လုမော့မျက်ဝန်းများနှင့် အကြည့်ချင်း ဆုံသွားသည်။

သူ့လက်ထဲတွင် ချုံကိုင်းများညှပ်သည့် ကတ်ကြေးကြီးတစ်လက်ကို ကိုင်ထားလျက် ဥယျာဥ်ထဲမှ ပန်းများက သူ့ပတ်ပတ်လည်တွင် တားဆီးမရစွာ ပွင့်လန်းနေသည်မှာ တောက်ပသည့် နေ့အလင်းရောင်အောက်တွင် ပန်းချီကားတစ်ချပ်ကဲ့သို့ လှပလွန်းပေသည်။

လုမော့၏ အမြှီးချိတ်လေးက 'ဆွစ်ဇ်' ဟူသည့်အသံနှင့်အတူ ထောင်လာခဲ့သည်။

လင်း ကတ်ကြေးကို အောက်ချလိုက်ကာ ပြတင်းပေါက်ဘောင်အောက်သို့ လျှောက်လာပြီး လုမော့အားကြည့်လျက် မေးလိုက်သည်။

"  ကျွန်တော့်ရဲ့ခင်ပွန်း ဘာများလိုချင်လို့ပါလဲ..."

လုမော့ သူ့အမြှီးအားဖိချရန် စမ်းတဝါးဝါးနှင့်စမ်းနေပြီးလည်ချောင်းရှင်းကာ မေးအား မောက်မာစွာ ပင့်လိုက်သည်။

"ငါ့ရဲ့ချစ်ရတဲ့ အိမ်သူဘုရင်မ...ဒီစံအိမ်ကြီးက တော်တော်လေး ဗလာဖြစ်နေတယ်လို့ မထင်ဘူးလား..."

လင်း သူ့လည်တိုင်အား အနည်းငယ် စောင်းငဲ့လိုက်ကာ ဖြည်းညင်းစွာ ပြောလိုက်သည်။

"သခင်ဆိုလိုတာက ဇာ့ဂ်ဥ တစ်ဥ လိုအပ်နေတယ်လို့ပြောချင်တာလား..."

လုမော့ : "......."

ပန်းရောင်သန်းမှုများလေးက သူ့လည်တိုင်မှ တဖြည်းဖြည်း အပေါ်သို့ ပျံ့သွားပြီး လင်းအား စူးစူးဝါးဝါး စိုက်ကြည့်လိုက်သည်။

"အဲ့ဒါလိုနေတယ်လို့ မင်းကို ဘယ်သူပြောလို့လဲ...မင်းရဲ့ဦးနှောက်အလွတ်ကြီးက ဒီလိုညစ်ညမ်းရိုင်းပျပြီး ကာမစိတ်ပြင်းထန်တဲ့ အရာတွေကလွဲရင် ဘာမှမရှိတော့ဘူးလား..."

ထိုသို့ပြောလိုက်ပြီး သူနောက်တွန့်ကာ အိမ်ထဲသို့ ပြန်ဆုတ်လိုက်သည်။ တွေးကြည့်ပြီးနောက် မလုံလောက်သေးဟု တွေးကာ လက်ဆန့်ပြီး ပြတင်းပေါက်အား သေသေချာချာ ပိတ်လိုက်လေသည်။

လုမော့ ဝမ်းနည်းတကြီးဖြင့် သူ့မျက်နှာအား ကာလိုက်သည်။

အဲဒီလူက ဗိုလ်မှူးလင်း မဟုတ်ဘူးလား...

လင်း၏ရှင်းရှင်းလင်းလင်း ရေးထားသော ကိုယ်ရေးအကျဥ်းအား သူမှတ်မိနေသေးသည်။ လင်း၏စိတ်ရှည်သည်းခံမှုက မကောင်းလှပေ။ ထို့အပြင် သူကအလွန် ကြမ်းတမ်းရက်စက်သည့် အမျိုးသမီးဇာ့ဂ်တစ်ယောက်လည်း ဖြစ်သည်။ ထိုကဲ့သို့သော အမျိုးသမီးအား ထိန်းသိမ်းပါက တစ်ဖက်သူမှ အချိန်ပြည့် သတိရှိနေရန် လိုအပ်သည်။ တစ်နည်းအားဖြင့် ပြောဆိုဆက်ဆံမှုအပိုင်းတွင် မယုံနိုင်စရာကောင်းအောင် အားနည်းပေသည်။ ၎င်းအချက်မှာ လင်း၏ ကိုယ်ရေးအကျဥ်းပင် ဖြစ်သည်။ 

သူ မျက်နှာကျက်အားကြည့်ကာ ပြန်အမှတ်ရနေသည်။ သို့သော် သူ့မှတ်ဥာဏ်ထဲမှ လင်းမှာ အမြဲနာခံမှုမှုရှိ၍ လှပကာ စနောက်ရသည်ကိုလည်း ကြိုက်နှစ်သက်ပေသည်။ အသေအချာပင် သူက အလွန် စိတ်တိုစရာကောင်းကာ လူကို အတင်းတွယ်ကတ်တတ်သည်။ သို့သော် ၎င်းက သူ့အား စိတ်အနှောင့်အယှက်ပေးသည့် တစ်ခုတည်းသောအရာပင်ဖြစ်သည်။

သူ စနစ်အား မမေးဘဲမနေနိုင်ပေ။

မင်း အမှားတစ်ခုခု မလုပ်မိဘူးဆိုတာ သေချာရဲ့လား...

စနစ်၏သံနေသံထားတွင် အကောင်းမြင်စိတ်များပါဝင်နေသည်။

[အခုတောင်မှ ငါလင်းရဲ့ စိတ်ဓါတ်ကျနေတဲ့ ခံစားချက်ကို ထောက်လှမ်းမိတယ်...သူပြုံးနေတာကိုပဲ မကြည့်နဲ့...သူ့စိတ်ထဲမှာ မင်းနဲ့ပတ်သတ်တဲ့ မကောင်းတဲ့အရာတွေ တွေးနေလောက်တယ်...]

လုမော့ ကြောက်ရွံ့မှုနှင့် ပြောလိုက်သည်။

အိုး...

ဗီလိန်ကြီးအဖြစ် သူ၏အခန်းကဏ္ဍက အစမှ အဆုံးတိုင် ခိုင်မာတည်ငြိမ်နေသည် ထင်ရပေသည်။T^T

သူ စက်သွယ်ရေးစက်ကို ကောက်ကိုင်ကာ စခရင်အား ဆွဲချလိုက်သည်။

ပို့စ်များ၏အခြေအနေက တိုးတက်လာပြီး ထူးခြားဆန်းပြားသည့် အမျိုးသမီးဇာ့ဂ်အား နတ်ဘုရားတစ်ပါးအဖြစ် ဖော်ပြနေကြသည်။ အဆင့်နိမ့် A အဆင့်အမျိုးသမီးဇာ့ဂ်များက သူ့အား တိုက်ခိုက်ရန်ပင် မလုပ်နိုင်ကြဘဲ အလယ်အဆင့် A အဆင့် အမျိုးသမီးဇာ့ဂ်က သူ၏ချပ်ဝတ်တန်တာများ ဆုံးရှုံးသွားသည်အထိ ထိုထူးဆန်းသည့် အမျိုးသမီးသတ်ခြင်းကို ခံလိုက်ရပေသည်။ S အဆင့်နား နီးကပ်နေသည့် အမျိုးသမီး ဇာ့ဂ်ပင်လျှင် ယခင်က ထိုကဲ့သို့အကြင်နာမဲ့ ရက်စက်လှသည့် အမျိုးသမီးကို တစ်ခါမှ မမြင်ဖူးဘဲ အံ့အားသင့် ကြက်သေသေသွားရပေသည်။ 

ပြီးနောက် အထပ် 235 ထပ်အရောက်တွင် ရုတ်တရက် ပြောင်းပြန်ဖြစ်သွားခဲ့သည်။

235 ထပ် : ပိုင်ရှင် ငါလည်း မနေ့ညက ဒီအမျိုးသမီးနဲ့တွေ့ခဲ့တယ်...ငါက S အဆင့်အမျိုးသမီးတစ်ယောယာက်ပါ...ပြီးတော့ ဗီဒီယိုကို ငါ့သူငယ်ချင်းကို ပြလိုက်တာ ဒါက လှည့်ကွက်တစ်ခုလို့ တညီတညွတ်တည်း ခံစားလိုက်ရတယ်...

236 ထပ် : အလိမ်ပေါ့ဟုတ်လား...

237 ထပ် : သေစမ်း S အဆင့်ကောင်ကြီးဟ...

238 ထပ် : ထူးဆန်းတယ်လို့ မင်းတို့မထင်ဘူးလား...ပရိုဂရမ်ရဲ့နမူနာပုံစံ သုံးထားတဲ့အမျိုးသမီးတစ်ယောက်က ရုတ်တရက်ကြီးပေါ်လာပြီး ပေါ်လာလာချင်းကို S အဆင့်အမျိုးသမီးတွေကို အနိုင်ယူပစ်လိုက်တာလေ...အဲ့အကြောင်း ဘယ်လောက်ပဲတွေးတွေး တစ်ခုခု မှားနေတယ်လို့ မထင်ဘူးလား...

ငါ့ကို ရှင်းပြခွင့်ပြုပါ...ငါက လေးခုမြောက်စစ်တပ်အဖွဲ့က အမျိုးသမီးစစ်သည်တစ်ယောက်ပါ ငါတို့တပ်ထဲမှာ ဒီလို အမြန်နှုန်း၊ ခွန်အားနဲ့ ကျွမ်းကျင်မှုရှိတဲ့အမျိုးသမီးတစ်ယောက်ကိုတောင် ငါတို့ရှာမတွေ့ဘူး...

ငါတို့စစ်တပ်ခေါင်းဆောင်တောင် အဲ့လိုမလုပ်နိုင်ဘူး...သေချာပေါက် ဒါက လိမ်ထားတာပဲ...

239 ထပ် : အသေအချာပဲ...အလိမ်အညာလေးတစ်ခုဖြစ်ပြီး ဇာ့ဂ်တွေကို အပျော်အနေနဲ့ အနိုင်ကျင့်ဖို့ သာမာန်အကြောင်းပြချက်ပဲလို့ တွေးကြည့်လိုက်စမ်း... ဘယ်လောက်တောင် စက်ဆုပ်ရွံရှာဖို့ကောင်းလိုက်လဲ... ဒီလို တစ်ယောက်ချင်းယှဥ်ပြိုင်ပွဲကို လုံးဝ မချီးကျူးဘူး...ဒီတိုင်း ကိုယ့်ကိုကိုယ် လေ့ကျင်းရေးတစ်ခုလေးပဲ...အလိမ်ခံရနိုင်သေးတယ်...သူတို့ဘာလို့ အဲ့လိုလုပ်လိုက်လဲ ငါဖြင့် ခန့်မှန်းကြည့်လို့ကိုမရဘူး...

240 ထပ် : တင်ပြသင့်တယ်...

241 ထပ် : အပေါ်ထပ်က တင်ပြသင့်တယ်+1 ဟေ့...

လုမော့က ထိုအမျိုးသမီးအကြောင်း သူတို့ဆွေးနွေးနေသည်ကို စိတ်မဝင်စားပေ။ ဖိုရမ်တစ်ခုလုံးကို ကြည့်ပြီးသွားသည့်နောက် သူနှင့်စနစ်က တစ်ခုခုထူးဆန်းနေသည်ကို သတိပြုမိလိုက်သည်။

၎င်းက သူတို့အစပိုင်း တွေးထင်ခဲ့ကြသည်နှင့် လုံးဝ ကွာခြားပေသည်။ သူတို့၏ကြမ်းတမ်း ရိုင်းစိုင်းသည့် အပြုအမူများအတွက် ဆုလာဘ် လုံးဝမရှိချေ။

အချို့သောအမျိုးသမီးဇာ့ဂ်များက ဒိုင်လူကြီး၏ ချီးကျူးနှုန်း၏သတ်မှတ်ချက်နှင့် အောင်မြင်မှုနှုန်းကို အလွန်မြင့်မားစွာ မသတ်မှတ်ရန်ပင် အကြံပေးထားကြပြီး လေးနက်လှသည့် စာနာမှုများဖြင့် ပြောထားကြပေသည်။

"သင့်တော်တဲ့ လေ့ကျင့်ခန်းက ဆန့်ကျင်ဘက်လိင်ကို ဆွဲငင်ပြီး အရမ်း ပြင်းထန်လွန်ကဲတဲ့ လေ့ကျင့်ခန်းက တူညီတဲ့လိင်ကို ဆွဲငင်တယ်" ဟုပြောခဲ့ကြသည်။

အလုပ်အလွန်အကျွံလုပ်သည့်အခါ အမျိုးသားများက  အသက်ကင်းမဲ့လှပြီး ခက်ထန်ကြမ်းတမ်းသည့် အမျိုးသမီးစစ်သည်တစ်ယောက်ဟု ထင်ကြပေသည်။ ၎င်းအား မလိုအပ်ပေ။

လုမော့ ပါးစပ်ဟကာ အသံတိတ် အော်ဟစ်လိုက်သည်။ သူ့မျက်နှာအမူအရာက အလွန်အမင်း နာကျင်နေပေသည်။

ဆိုတော့ မှုတ်လိုက်တဲ့ အနက်ရောင်ဝီစီသံတွေအတွက် ပွိုင့်တွေက ဘယ်မလဲ..

ငါ့ကို ဒိုင်လူကြီးတစ်ယောက်လို့ မခေါ်သင့်ဘူး... လုထုအတွက် အစီရင်ခံတင်ပြပေးတဲ့သူလို့ပဲ ခေါ်လိုက်သင့်တော့တယ်...

T^T

( သူက အကုန်လုံးကို တမင်အကျင့်ပုတ်ပြီးစည်းကမ်းတင်းကြပ်ပြနေပေမယ့် တခြားလူတွေအပေါ်ကို မသက်ရောက်ဖြစ်သွားလို့ အမှိုက်ဆန်မှုပွိုင့်တွေ မရတော့တာပါ🤣 လုလုကို အရမ်းသနားနေပြီ )

🌌🌌🌌