MM Story Teller

Chapter 122

Viewers 19k

👾Chapter 122

အခြေအနေအရပ်ရပ်တို့က လူတို့၏ ခံစားချက်ကိုရောထွေးစေသည်။ လူအများစုက ဤကိစ္စမှာ သူတို့နှင့်သိပ်မနီးလှသည့် ဂြိုလ်တစ်လုံး၏ အောင်မြင်မှု သို့မဟုတ် ကျဆုံးမှုနှင့် သက်ဆိုင်သည့်အရေးဖြစ်နေ၍ သူတို့မျက်စိနှင့် တွေ့မြင်ရသည့်အရာများကိုသာ အမှန်ဟု မှတ်ယူကာ ဝေဖန်နေကြပြီး သူတို့ဘာသာသူတို့ ကြံဖန်စိုးရိမ်နေကြ၏။

လူတိုင်းက အခြေအနေနှင့်ပတ်သတ်ပြီး ရှုကျစ်ဟန်ကို ရှင်းပြစေချင်နေကြသည်။ ရှုကျစ်ဟန်၏ ဓာတ်ခွဲခန်းနှင့် တိုက်ခန်းမှာလည်း စိတ်ဆိုးဒေါသထွက်နေသူများ၏ ဝန်းရံခြင်းကိုခံထားရသည်။

သို့သော် ရှုကျစ်ဟန်က အခြားတစ်နေရာသို့ ရောက်နေပုံပင်။

ထို့ကြောင့် လူများမှာ ပိုပိုပြီး စိုးရိမ်သောက်ကရောက်ကုန်၏။

ထိုအခြင်းအရာက ရှုကျစ်ဟန်မှာ ဤကိစ္စအတွက် တာဝန်ရှိသောကြောင့် ကြောက်လန့်ပြီး ထွက်ပြေးသည်ဟူသော အချက်ကို သက်သေပြပေးနေသကဲ့သို့ပင်။

တစ်ဖက်တွင်မူ အချို့လူများက အခြားကျန်ရှိနေသည့်မြို့များ၏ အစီအစဥ်ကိုရပ်ပစ်လိုက်သည့် ဟယ့်ယွင်ထင်အား ပြစ်တင်ဝေဖန်နေကြသည်။ သို့သော် ဟယ့်ယွင်ထင်ကို ယုံကြည်ထားသူများကမူ သူ့အားပြစ်တင်ဝေဖန်ခြင်းမပြုပေ။ မည်သို့ဆိုစေ ဟယ့်ယွင်ထင်၏ လုပ်ဆောင်ချက်တိုင်းက အမှားမရှိသလောက် စည်းစနစ်ကျလှပြီး မည်သည့်အခြေအနေတွင်ဖြစ်စေ လူအများ၏ ဘေးကင်းလုံခြုံရေးကို ဦးစားပေးတတ်သူဖြစ်သည်။

သတင်းများက ပိုပိုပြီး မြန်ဆန်စွာ ပျံ့နှံ့ပြီး ရုတ်ရုတ်သဲသဲဖြစ်လာသောအခါ လူအများက စိတ်ထွက်ပေါက်အနေနှင့် သတင်းအမှားသာဖြစ်ပါစေဟု ဆုတောင်းသူကဆုတောင်း စိုးရိမ်ပူပန်သူများက ထိုကိစ္စနှင့်ပတ်သတ်သည့် အချက်အလက်များကို ရသလောက် ရှာဖွေသူများကရှာဖွေ စသဖြင့် လုပ်လာကြသည်။

သို့သော် ရှုကျစ်ဟန်ကမူ ဓာတ်ခွဲခန်းသို့မရောက်လာသလို တိုက်ခန်းတွင်လည်းမပေါ်လာချေ။

လင်းဟန် အတန်ငယ်စဥ်းစားကြည့်လိုက်သောအခါ လူအနည်းငယ်သာသိသည့် ရှုကျစ်ဟန်၏ လျှို့ဝှက်ဓာတ်ခွဲခန်းတစ်ခုရှိနေသေးသည်ကို သူသတိရသွားသည်။

လင်းဟန်တစ်ယောက် ကူးလုလုအတွက် ညစာပြင်ပေးလိုက်ပြီး အကောင်ပေါက်လေး ဖြေးဖြေးချင်းစားပြီးသည်အထိ ထိုင်စောင့်လိုက်ကာ သန့်ရှင်းရေးလုပ်ပြီးနောက် အံဆွဲထဲမှ အဟာရဓာတ်စာကို ထုတ်ယူလိုက်သည်။ နှုတ်ခမ်းကိုတင်းတင်းစေ့လိုက်မိချိန်တွင် လွန်ခဲ့သောရက်အနည်းငယ်က သူ့ကိုနမ်းချင်သောကြောင့် အဟာရဓာတ်စာကို ကြားခံအနေနှင့်အသုံးပြုခဲ့သော တစ်စုံတစ်ယောက်အကြောင်း ပြန်တွေးမိသောအခါ စုကျုံ့ထားသည့် သူ့မျက်ခုံးတန်းတို့မှာ တဖြေးဖြေးပြေလျော့သွားသည်။ ထိုအခါမှ အဟာရဓာတ်စာကို လင်းဟန် အင်တင်တင်နှင့်သောက်လိုက်သည်။

အမှောင်ထုပျောက်ပျက်၍ အလင်းတစ်ဖန်ဝင်ရောက်လာသောအချိန်တွင် အင်ပါယာစစ်တက္ကသိုလ်ကျောင်းသားများ၏ အားအင်အ

ပြည့်ချီတက်လာသောအသံကို မလှမ်းမကမ်းမှကြားလိုက်ရသည်။ ဗွီပရိုတွန်ဂြိုလ်၏ ရုတ်တရက်ဆန်သော အဖြစ်အပျက်များကို ဆွေးနွေးတိုင်ပင်နေကြသောကြောင့်လားမသိပေ။ ယနေ့မှာ ထူးထူးခြားခြား စည်ကားသိုက်မြိုက်နေသည်။

လင်းဟန် ဆိုဖာပေါ်တွင်မှီချလိုက်သည်။ ကူးလုလုက မချင့်မရဲနှင့် သူ့ပေါ်တက်လာကာ သူ့ပခုံးပေါ်တွင် ခေါင်းအပ်လိုက်၏။ ညနေခင်းပိုင်းတွင် စိတ်အပန်းဖြေသည့်အနေနှင့် သတင်းတစ်ပုဒ်တင်ဆက်နေသည့် တီဗွီအစီအစဥ်ကိုကြည့်နေခိုက် ဖန်သားပြင်က တဖျပ်ဖျပ်လှုပ်ခတ်သွားကာ အခြားအစီအစဥ်တစ်ခုသို့ အလိုအလျောက်ပြောင်းသွားသည်။

သတင်းတင်ဆက်သူ၏ မျက်နှာအမူအရာက အေးစက်တည်တင်းနေသည်။ သို့သော် သူ့လေသံတွင် အံ့ဩမှုအရိပ်အယောင်တို့ပါဝင်နေ၏။

"ပရော်ဖက်ဆာရှုရဲ့ သွေးရည်ကြည်ဖြေဆေးထုတ်ဖော်မှုကျရှုံးခြင်းနဲ့ပတ်သက်ပြီး...ကျွန်တော်တို့ ဌာနချုပ်ကို ဆက်သွယ်ကြည့်ခဲ့ပါတယ်...အသေးစိတ်အခြေအနေကိုလည်း သိရှိခဲ့ရပါတယ်"

ထို့နောက် သတင်းတင်ဆက်သူက တစ်ခဏမျှရပ်လိုက်သည်။ ပြီးနောက်မှ ဆက်ပြောသည်။

"အံ့ဩစရာကောင်းတာကတော့...ဒီကိစ္စနဲ့ပတ်သက်ပြီး ဖြေရှင်းချက်ပေးဖို့အတွက် ဗိုလ်ချုပ်ကြီးဟယ့်ယွင်ထင်ဆီကနေ အဆက်အသွယ်ရထားပါတယ်"

သတင်းအစီအစဥ်က တိုက်ရိုက်ထုတ်လွှင့်ပြသနေခြင်းဖြစ်ပြီးသိပ်မကြာမီ ဌာနချုပ်တွင် ဧည့်ကြိုနေရာအဖြစ်အသုံးပြုသည့် ခန်းမဆီသို့ ရိုက်ကွက်ပြောင်းသွားသည်။

ထိုဧည့်ခန်းမ၏ အလယ်တည့်တည့်ရှိ ဆိုဖာခုံပေါ်တွင် ဟယ့်ယွင်ထင်ကအေးစက်တည်တင်းနေသော မျက်နှာထားနှင့် ထိုင်နေသည်။

ဟယ့်ယွင်ထင်က အခမ်းအနားတက်စစ်ဝတ်စုံအသစ်ကို ဝတ်ဆင်ထားပြီး အပေါ်ဝတ်ကုတ်ကိုလည်း ပခုံးပေါ်တွင်ခြုံထားသည်။ ကုတ်အင်္ကျီ၏ပခုံးပေါ်တွင် ဖြာကျနေသော ရွှေချည်ပန်းဖွားများက တလက်လက်တောက်နေပြီး သူ့ရင်ဘတ်ပေါ်ရှိဖဲပွင့်ကလည်း အဖိုးတန်ကျောက်သံသတ္တုများမှ အသေအချာထွင်းထားသည့် တံဆိပ်ပြားတစ်ခုနှင့်အတူ တွဲလောင်းချိတ်ဆွဲထားသည်။ အင်ပါယာစစ်ဌာနချုပ်ကို ကိုယ်စားပြုသည့် ဒိုင်းကာနှင့်ဓားသင်္ကေတတို့ကိုလည်း တန်ဖိုးကြီးလွန်းလှသည့် ခါးပတ်ပေါ်တွင် ထွင်းထား၏။ သူမျက်နှာအမူအရာက တည်တင်းအေးစက်နေကာ စစ်ဦးထုပ်ကို လက်ထဲတွင် ကိုင်ထားသဖြင့် လူတိုင်း အကြည့်မလွှဲနိုင်သည့် ငွေရောင်ဆံပင်က အတိုင်းသားပေါ်လွင်နေသည်။

လင်းဟန် တီဗွီကြည့်နေစဥ် ထိုသတင်းအသစ်နှင့် ဗွီဒီယိုဓာတ်ပုံအသစ်များကြောင့် လူတို့၏ အမျိုးမျိုးသော ဝေဖန်ချက်များက တစ်ရှိန်ထိုးတက်လာပြန်သည်။

[ငါပဲမှားမြင်တာများလား...ဗိုလ်ချုပ်က တိုက်ရိုက်ထုတ်လွှင့်တဲ့သတင်းမှာ တကယ်ကြီး ပါလာတာဟ]

[သေစမ်း...ငါထင်တာက သူက သတင်းမီဒီယာတွေနဲ့စကားပြောရတာမကြိုက်လို့ သူ့လက်ထောက်တစ်ယောက်ယောက်ကိုလွှတ်လိုက်မယ်လို့လေ]

[ဒါက ဗိုလ်ချုပ်ကို တိုက်ရိုက်ထုတ်လွှင့်တဲ့အစီအစဥ်မှာ ငါပထမဆုံးမြင်ဖူးတာပဲ]

[ဒါဆို....ဗိုလ်ချုပ်က ပရော်ဖက်ဆာရှုဘက်ကနေ ကူပြောပေးဖို့ တကယ်ကြီး လူလုံးထွက်ပြလာတယ်ပေါ့လေ...သူတို့နှစ်ယောက်က တကယ်ဆက်ဆံရေးကောင်းတဲ့ပုံပဲ...ဒီလိုနေရာမှာ ထွက်ရှင်းပြဖို့လက်ခံလိုက်တယ်ဆိုကတည်းက ယုံကြည်မှုရှိလို့ပေါ့]

[ဒီအခြေအနေမှာ ဒီလိုမပြောသင့်ဘူးဆိုပေမဲ့...ဗိုလ်ချုပ်က ချောလွန်းတယ်လို့ငါထင်တယ်...ငယ်ငယ်လေးနဲ့ ချောမောခန့်ညားနေလိုက်တာ...အခုငါသူ့ဆီကနေ အကြည့်မလွှဲနိုင်တော့ဘူး]

[ဗိုလ်ချုပ်က ငါ့တစ်ယောက်တည်းကိုပဲကြည့်နေရင်ကောင်းမှာပဲ...သူ့အရှေ့မှာ ငါ heat ဝင်ချင်လိုက်တာ]

[သူ့ပုံစံက အရမ်းကိုအရှိန်အဝါကြီးလွန်းတယ်....ဘယ်သူ့မှသူ့အနားကပ်ရဲမှာမဟုတ်ဘူး]

ဟယ့်ယွင်ထင်ကို ကူးလုလုလည်းတီဗွီဖန်သားပြင်ထက်တွင် သေချာပေါက်မြင်လိုက်သည်။

သို့သော် ဓာတ်ပုံနှင့် တိုက်ရိုက်ထုတ်လွှင့်မှုတို့ကြား ခြားနားချက်ကို သူမသိသဖြင့် ခါတိုင်းကဲ့သို့ ရိုးရိုးဓာတ်ပုံပါသည့် သတင်းတစ်ပုဒ်ဟုသာ ထင်မှတ်လိုက်သည်။ တီဗွီဖန်သားပြင်ထက်တွင် ဟယ့်ယွင်ထင်က တည်ငြိမ်အေးစက်နေပြီး သူ့သခင် လင်းဟန်၏ မျက်နှာပမူအရာကလည်း တည်တံ့နေ၏။

လင်းဟန်၏ ပခုံးနားသို့ ကူးလုလု ပိုပြီး တိုးကပ်သွားမိသည်။

လင်းဟန်က သူ့ခေါင်းလုံးလုံးလေးကို ပွတ်သပ်ပေးပြီးပြောလာသည်။

"မကြောက်နဲ့နော်"

တရားဝင်သတင်းမီဒီယာနှင့် ရုပ်သံထုတ်လွှင့်ရန် တာဝန်ရှိသူများပင်လျှင် အနည်းငယ်စိတ်လှုပ်ရှားနေကြမှန်း သိသာလှသည်။ သူတို့၏ မူလရည်ရွယ်ချက်က ဖြစ်ပွားနေသည့် ကိစ္စများနှင့်ပတ်သက်ပြီး ဌာနချုပ်၏သဘောထားကို သိလိုသောကြောင့် တစ်ခြားတစ်စုံတစ်ရာကို မမျှော်လင့်ဘဲ လုအန်းဟယ်ကိုသာ ဆယ်သွယ်လိုက်ရန် ကြံရွယ်ထားခြင်းဖြစ်သည်။ မည်သို့ပင်ဆိုစေ ပြဿနာက အတော်လေးကြီးမားသောကြောင့် ခေါင်းရှောင်လိုကြသည်။

သို့သော် ထင်မှတ်မထားစွာဖြင့် လုအန်းဟယ်က သူတို့၏ ဖိတ်ကြားမှုကို လက်ခံသည့်အပြင် မီဒီယာနှင့်ဘယ်တော့မှမျက်နှာချင်းမဆိုင်

သည့် ဟယ့်ယွင်ထင်ကိုပင် ဖြေရှင်းချက်ပေးရန် လူလုံးထွက်လာစေခဲ့သည်။ ဟယ့်ယွင်ထင်က မီဒီယာရှေ့တွင် ထွက်လာလိမ့်မည်ဟု မည်သူမှမမျှော်လင့်ထားကြပေ။ သတင်းတင်ဆက်သူက ဗွီပရိုတွန်ဂြိုလ်၏ လက်ရှိအခြေအနေကို အကျဥ်းချုံးတင်ပြပြီး ဟယ့်ယွင်ထင်အား ရှုကျစ်ဟန်၏ သွေးရည်ကြည်ဖြေဆေးနှင့်ပတ်သတ်ပြီး မေးတော့သည်။

ဟယ့်ယွင်ထင်၏ အမူအရာကသိပ်ပြီးစိတ်ရှည်သည့်ပုံမပေါ်ပေ။ လူတိုင်းကို ငြင်းဆန်နေသည့်ဟန်ဖြင့် အေးစက်လွန်းလှသည်။

သတင်းတင်ဆက်သူက အခြေအနေအရပ်ရပ်ကို အတိုချုံးတင်ပြပြီးနောက် ဟယ့်ယွင်ထင်အား စကားပြောရန် အချိန်ပေးလိုက်သောအခါ အပြင်ဘက်တွင် အုံကြွနေသော ကျောင်းသားများပင်လျှင် ငြိမ်ကျသွားသည်ဟု လင်းဟန်ခံစားမိသည်။

"ဗွီပရိုတွန်ဂြိုလ်ပေါ်မှာ မျိူးရိုးဗီဇဆိုင်ရာဗိုင်းရပ်စ်ပိုး ပြန်ပြီးပြန့်နေတယ်ဆိုတာနဲ့ ပတ်သက်ပြီးတော့ ငြင်းစရာမရှိပါဘူး"

လက်ရှိအခြေအနေက အန္တရာယ်မရှိနိုင်သကဲ့သို့ ဟယ့်ယွင်ထင်၏ လေသံက ပေါ့ပါးနေသည်။

ဟယ့်ယွင်ထင်နေရာတွင် အခြာစတစ်ယောက်သာ ဖြစ်နေခဲ့မည်ဆိုလျှင် သတင်းထောက်များမှာ နောက်ထပ်ဘာအစီအစဥ်ရှိလဲ ၊ ရောဂါပိုးကိုတန်ပြန်တိုက်ခိုက်ဖို့ပြင်ဆင်ထားတာများရှိလား စသည်ဖြင့် နောက်ဆက်တွဲ မေးခွန်းများကို မေးမိမည်ဖြစ်သည်။

သို့သော် သူတို့ရှေ့တွင်ရှိနေသူမှာ

ဟယ့်ယွင်ထင်ဖြစ်နေ၍ မည်သူမှ ကြားဖြတ်မနှောင့်ယှက်၍ ဟယ့်ယွင်ထင် စကားပြောပြီးသည်အထိ စောင့်နေကြသည်။

"ဒါပေမဲ့ အဲဒီအချိန်တုန်းက

ဗွီပရိုတွန်ဂြိုလ်ကိုကယ်ဖို့အတွက်နဲ့ ပရော်ဖက်ဆာရှုက ပဋိဇီဝဆေးကို ရဲရဲဝံ့ဝံ့ကြိုးစားဖန်တီးခဲ့တာပါ...သူ့ကျေးဇူးကိုသာမေ့ထားလိုက်မယ်ဆိုရင် ကျွန်တော်လည်းအရင်က လုပ်ခဲ့တာတွေအတွက် အပြစ်တင်ခံရမှာမဟုတ်ဘူး"

"ဘဝမှာ အောင်မြင်တယ်ဆိုတာမရှိသလို ကျရှုံးတယ်ဆိုတာလည်းမရှိဘူး...ယူကျုံးမရဖြစ်တာနဲ့ မဆင်မခြင်လုပ်မိတာတွေပဲရှိတယ်"

[ဗိုလ်ချုပ်ပြောတဲ့စကားလုံးတိုင်းက ဘာလို့ဆွဲဆောင်မှုရှိနေတာလဲ...သူပြောသမျှကို ငါတောင် ယုံချင်လာပြီ]

[အာ...ပရော်ဖက်ဆာရှုလည်း လူတွေအများကြီးကိုကယ်ခဲ့တာပဲ...သူ့အပေါ်သိပ်ပြီး အပြစ်မတင်ကြရအောင်]

[ဒါပေမဲ့ ဗွီပရိုတွန်ဂြိုလ်ပေါ်မှာ ဘာတွေဖြစ်နေလဲဆိုတာ ဘယ်သူမှအတိအကျမသိဘူးလေ...အကုန်ဖြေရှင်းပြီးသွားပြီဆိုရင်လည်း ဒါတွေအကုန်လုံး အလကားဖြစ်သွားမှာပေါ့]

[ဒါပေမဲ့ ဗွီပရိုတွန်ဂြိုလ်မှာ ပဋိဇီဝဆေးထုတ်လုပ်မှု နှောင့်နှေးတာက တော့်တော့်ကိုကြာနေပြီနော်...]

[အရင်တစ်ခေါက်...ဗိုလ်ချုပ်ဟယ့်ကို လူတွေအထင်လွဲကြတုန်းကလည်း ပရော်ဖက်ဆာရှုကပဲ သူ့အတွက် ရဲရဲရင့်ရင့်ရပ်တည်ပေးခဲ့တာ...ပြန်တွေးကြည့်လိုက်တော့ သူတို့နှစ်ယောက်ကြားမှာ ရဲဘော်ရဲဘက်စိတ်ဓာတ်မျိုးရှိနေတာပဲ]

ဟယ့်ယွင်ထင်က အခြားမေးခွန်းများကို ဆက်မဖြေတော့ချေ။ လုအန်းဟယ်ကိုလည်း သူ့အစားမဖြေခိုင်းဘဲ ခပ်မြန်မြန်ထွက်လာခဲ့သည်။ သို့သော် စကားလုံးအနည်းငယ်နှင့် အဖြေက လုံလောက်ပါသည်။

ရှုကျစ်ဟန်၏ လျှို့ဝှက်ဓာတ်ခွဲခန်းထဲ၌ ချီကျားမူမှာ အသံဗလံအချို့ကို ကြားလိုက်ရသောကြောင့် တစ်ခဏမျှတုံ့ဆိုင်းသွားပြီး တံခါးတွန်းဖွင့်လိုက်သည်။

"ပရော်ဖက်ဆာ...အဆင်ပြေရဲ့လား"

တစ်စုံတစ်ယောက်က ဤနေရာကို ရှာတွေ့သွားနိုင်သည့်အပြင် ဓာတ်ခွဲခန်းထဲတွင် ချီကျားဇယ်လည်း ရှိနေသေးသောကြောင့် ရှုကျစ်ဟန်၏ လုံခြုံရေးနှင့်ပတ်သတ်ပြီး ဟယ့်ယွင်ထင်က ချီကျားမူကို အကူအညီတောင်းထားခြင်းဖြစ်သည်။

ချီကျားမူ တွေ့လိုက်ရသည့် မြင်ကွင်းမှာ အနည်းငယ် ကမောက်ကမဖြစ်နေသည်။

ရှုကျစ်ဟန်၏မျက်နှာက အခြေအနေသိပ်မကောင်းပေ။ လက်တွေ့စမ်းသပ်ခန်း၏ စားပွဲအနားတွင် အားအင်ချည့်နဲ့စွာ ဆောင့်ကြောင့်ထိုင်နေရင်း သူ့ပတ်ပတ်လည်တွင်လည်း စမ်းသပ်ဖန်ပုလင်းမြောက်မြားစွာက ကွဲကြေပျက်စီးနေကာ မှိုင်းခံမှန်အကွဲများကလည်း ကြမ်းပြင်ပေါ်တွင် ပြန့်ကြဲနေ၏။ ထို့အပြင် မော်နီတာအသေးလေး၏ ဖန်သားပြင်ထက်တွင် သတင်းအစီအစဥ်ကို တိုက်ရိုက်ထုတ်လွှင့်ပြသနေသည်။

ချီကျားမူတစ်ယောက် ရှုကျစ်ဟန်ကို စိုးရိမ်တကြီးကြည့်လိုက်မိသည်။ ဤပြဿနာ၏ အတိမ်အနက်ကို သူနားလည်ထားသောကြောင့် ရှုကျစ်ဟန်တစ်ယောက် ထိုဖိအားတို့အားမခံနိုင်မည်ကို သူစိုးရိမ်သည်။

"ပရော်ဖက်ဆာ...ပရော်ဖက်ဆာရှု"

ရှုကျစ်ဟန်က သက်ပြင်းချပြီး မျက်ခုံးရိုးတို့ကို နှိပ်နယ်နေသည်။

"ငါအဆင်ပြေပါတယ်...ကိစ္စတွေက ဒီလောက်အထိကြီးသွားလိမ့်မယ်လို့ မမျှော်လင့်ထားမိရုံပါ"

ရှုကျစ်ဟန်ကို ချီကျားမူ နှစ်သိမ့်အားပေးချင်သော်လည်း သူကိုယ်တိုင်က စကားနည်းသူဖြစ်သောကြောင့် မည်သို့မည်ပုံနှစ်သိမ့်ပေးရမည်မှန်းမသိချေ။

ရှုကျစ်ဟန်မှာ အတော်လေး ပူပန်သောကရောက်နေသည်။ ထို့ကြောင့် ထိုင်နေရာမှထရပ်ကာ ချီကျားမူ၏ လက်ကိုလှမ်းဆွဲလိုက်သည်။ တစ်ကိုယ်လုံးတုန်ရီနေသော သူ့ကိုယ်သူလည်း စိတ်ပျက်မိသည်။

"ကျားမူ....ဗိုလ်ချုပ်နဲ့အဆက်အသွယ်ရလား...ငါ...ငါသူ့ကိုရှာချင်တယ်"

တိုက်ရိုက်ထုတ်လွှင့်မှုအစီအစဥ်တွင် ဟယ့်ယွင်ထင် ပြောသွားသောစကားများကြောင့် ရှုကျစ်ဟန်အပေါ် ပြည်သူလူထု၏ ပြစ်တင်ဝေဖန်ချက်များမှာ တစ်ရှိန်ထိုးကျဆင်းသွားသည်။ ထို့ကြောင့် ချီကျားမူလည်း ရှုကျစ်ဟန်ကို နှစ်သိမ့်ပေးလိုက်သည်။

"ပရော်ဖက်ဆာရှု....သိပ်ပြီးမစိုးရိမ်ပါနဲ့...ဗိုလ်ချုပ်က...."

ချီကျားမူ၏ စကားမဆုံးလိုက်မီတွင် ဓာတ်ခွဲခန်းတံခါးမှ အိုင်ဒီကတ်အတည်ပြုသည့်အသံတစ်ခုထွက်ပေါ်လာသည်။

သူ့လက်မောင်းကို လှမ်းကိုင်ထား

သည့် ရှုကျစ်ဟန်၏ လက်တို့ တစ်ခဏမျှ တောင့်တင်းသွားသည်ကို ချီကျားမူ သိသိသာသာခံစားမိသည်။ သူကိုယ်တိုင်လည်း မည်သူမည်ဝါရောက်လာမှန်း မသိသော်ငြား အမြန်ပြောလိုက်သည်။

"ဘယ်သူမှဒီနေရာကိုမတွေ့နိုင်ဘူး...ဒီနေရာက လုံခြုံပါတယ်"

ဓာတ်ခွဲခန်းသို့ရောက်လာသူမှာ သူတို့၏ အသိတစ်ယောက်ဖြစ်နေသည်။

လွန်ခဲ့သော နာရီဝက်ခန့်က ဌာနချုပ်၌ ကင်မရာရှေ့တွင် စကားပြောနေသူက ဓာတ်ခွဲခန်းအပေါက်ဝတွင် ပေါ်လာခြင်းဖြစ်သည်။ ဦးထုပ်နှုတ်ခမ်းသားက သူ့မျက်နှာကိုဖုံးကွယ်ထားပြီး ဆွဲဆောင်မှုရှိလွန်းလှသည့် ဂုဏ်ရှိန်ဂုဏ်ဝါတို့ကို ဒီအတိုင်း ရပ်နေရုံမျှ

နှင့်ခံစားမိသည်။

ချီကျားမူ စိတ်အေးသွားသဖြင့် သက်ပြင်းချလိုက်မိသည်။ သို့သော် ဟယ့်ယွင်ထင် ဤသို့ ခမ်းခမ်းနားနားဝတ်စားထားသည်ကို တွေ့ရခဲလွန်း၍ တလေးတစား

နှင့် အလေးပြုမိသည်။

"ဗိုလ်ချုပ်ကြီး..."

ဟယ့်ယွင်ထင်က အသိအမှတ်ပြုသည့်အနေဖြင့် အသာအယာခေါင်းညိတ်ပြသည်။

"ဗိုလ်ချုပ်"

ရှုကျစ်ဟန်လည်း ဟယ့်ယွင်ထင် ရောက်လာလိမ့်မည်ဟု မထင်မှတ်ထားခဲ့ပေ။

"ပရော်ဖက်ဆာရှု..."

ဟယ့်ယွင်ထင်က ပြောလာသည်။

"ခင်ဗျားလည်း သတင်းကိုတွေ့ပြီးပြီထင်တယ်..."

"တွေ့...တွေ့ပြီးပါပြီ"

ရှုကျစ်ဟန်က အမြန်ပြောလာသည်။

"ကျေးဇူးတင်ပါတယ်"

"မလိုပါဘူး"

ဤနေ့မှ ဟယ့်ယွင်ထင်က ထူးထူးခြားခြား ပိုပြီးအေးစက်နေသောကြောင့် ရှုကျစ်ဟန်လည်း ဘာမှဆက်မပြောရဲတော့ပေ။

"ဒါပေမဲ့...ဗွီပရိုတွန်ဂြိုလ်ကိစ္စကို ဆက်ပြီးအဖြေရှာရမယ်..."

ဟယ့်ယွင်ထင်၏ အသံက တိုးလျနေသည်။

"ကျွန်တော် ခင်ဗျားကို လာကြိုတာ..."

ဟယ့်ယွင်ထင်၏စကားကြောင့် ချီကျားမူပင်လျှင် ကြက်သေသေသွားသည်။ ယခုလက်ရှိတွင် ရှုကျစ်ဟန်၏ နေအိမ်နှင့် လက်တွေ့စမ်းသပ်ခန်းမှာလည်း လူများ၏ ဝန်းရံစောင့်ကြည့်ခြင်းကိုခံနေရသည်။ ဌာနချုပ်သို့သွားလျှင်လည်း အဆင်ပြေမည်မဟုတ်ချေ။

ဗိုလ်ချုပ်က သူ့ကိုဘယ်ခေါ်သွားမလို့ပါလိမ့်...

"ဧကရာဇ်က ခင်ဗျားကို အစည်းအဝေးတက်ဖို့ဖိတ်ထားတယ်...ကျွန်တော် ခေါ်သွားပေးမယ်"

👾

Prev Next