MM Story Teller

Chapter 66

Viewers 5k

🌌 Chapter 66

ယခုအကြိမ်မတိုင်မီ လုမော့၏ တိုက်ရိုက်ထုတ်လွှင့်မှုအခန်းက စုစုပေါင်းသုံးကြိမ် ပေါ်လာခဲ့ဖူးလေသည်။

သူက အလွန်ရေပန်းစားကျော်ကြားသည့် အမျိုးသားဇာ့ဂ်တစ်ယောက်မဟုတ်၍ ဖြစ်နိုင်ပေသည်။ သူက စုန့်ကျန်းရှူးကဲ့သို့ ထိခိုက်ဒဏ်ရာရနေသည့် အမျိုးသမီးဇာ့ဂ်တိုင်း၏ နှလုံးသားကို နွေးထွေးမှု မပေးနိုင်သလို ကျင့်ချီကဲ့သို့ အချိန်ကြာမြင့်စွာ ထင်ရှားကျော်ကြားသူလည်း မဟုတ်ချေ။

သို့သော်ငြား သူက အငြင်းပွားဖွယ်အများဆုံးနှင့် လူပြောအများဆုံး အမျိုးသားဇာ့ဂ်ဖြစ်သည်မှာ သံသယဝင်စရာမလိုပင်။

သူကိုကြိုက်သောဇာ့ဂ်များက သူက နိုင်ထက်စီးနင်းလုပ်တတ်ပြီး ပြောင်းလဲလွယ်ကာ အကျိုးအကြောင်းလည်း မညီညွတ်မှန်းကို ရှာတွေ့သွားကြသည်။ သူ၏ဒေါသက အလွန်ဆိုးဝါးကာ သူတို့ သူ့(လုမော့)ကို တွေ့သည့်အချိန်တိုင်း အလွန်မနှစ်မြို့ကြသော်လည်း မမျှော်လင့်စွာပင် အလွန်ရယ်မောရသည့်အဖြစ်သို့ တစ်မဟုတ်ချင်း ပြောင်းလဲသွားလေ့ရှိသည်ပင်။

တစ်ဖက်တွင် သူ့ကို မုန်းတီးရသည့် အကြောင်းပြချက်များက အလွန်တရာ များပြားလှသည်။ ဤအမျိုးသားဇာ့ဂ်၏ ခေါင်းမှခြေဖျားအထိက ဇာ့ဂ်အမျိုးသားများ၏ အပြစ်၊အနာအဆာ၊ ချို့ယွင်းချက်အားလုံးကို သရုပ်ထင်ဟပ်နေ၏။ လုမော့က A အဆင့်အမျိုးသားဇာ့ဂ်ဖြစ်နေလျှင်ပင် သူက သူတို့ကို ရွံရှာစက်ဆုပ်နေသေးသည်။

ရယ်စရာကောင်းသည်မှာ သူ၏ပရိသတ်များဖြစ်စေ ၊သူ့အား ရှုံ့ချပုတ်ခတ်သူများဖြစ်စေ သူ၏တိုက်ခိုက်စွမ်းအားက အခြားအမျိုးသားဇာ့ဂ်များ၏ ပရိသတ်များနှင့် သွားပုတ်လေလွင့်ပြောသူများထက် အဆပေါင်းများစွာ သာလွန်နေသည်ပင်။ ကြယ်ကွန်ယက်ပေါ်တွင် 'လုမော့' ဟူသည့်စကားလုံးများ ပေါ်လာသည့်အချိန်တိုင်း 10 မိနစ်အတွင်းမှာပင် သွေးစွန်းသည့် စစ်မြေပြင်ကြီးတစ်ခုအဖြစ်သို့ ပြောင်းလဲသွားလိမ့်မည်သာ ဖြစ်သည်။

တစ်ကြိမ်က လုမော့၏ ပရိသတ်တစ်ယောက်ဖြစ်သည့် အထီးကျန်တစ်ကိုယ်တည်းသမား ဇာ့ဂ်တစ်ယောက်က စကားစစ်ထိုးပွဲတွင် ရန်ဘက်အများအပြားကို တိုက်ခိုက်ခဲ့ပြီး မြေပြင်ပေါ်တွင် မြဲမြံတည်တံ့စွာ ရပ်နိုင်ခဲ့ပေသည်။ အိမ်ထောင်မရှိသူများ၏ တစ်ကိုယ်တော်နေ့တွင် သူက လုမော့အားရှုံ့ချပြောဆိုသူများထဲက ရည်းစားမရှိသည့်တစ်ကိုယ်တည်းသမားတိုင်းနှင့် ကျွမ်းကျင်စွာ ငြင်းခုံခဲ့ပြီး သူ့ငြင်းခုံမှုများကလည်း ကျိုးကြောင်းညီညွတ် နေသေးသည်။

ထေ့လုံးငေါ့လုံးများမှ မိသားစုဝင်များကို ဆဲရေးစော်ကားခြင်းအထိ၊ ယဥ်ယဥ်ကျေးကျေး ရရေးသားချက်များမှ ဒေါသထွက်နေသည့် ကြမ်းကြမ်းတမ်းတမ်းရေးသားချက်များအထိ နောက်ဆုံးတွင် ပြောစရာစကားမဲ့ပြီး တိတ်ဆိတ်သွားကြရခြင်းနှင့်သာ အဆုံးသတ်သွားရပေပေသည်။ ရှုံ့ချပုတ်ခတ်သူများအားလုံး တိတ်ဆိတ်သွားကြရလေသည်။

ဤဥပမာသေးသေးသေလေးကြောင့် လုမော့ထွက်ပေါ်လာချိန်တိုင်းတွင် ဖရိုဖရဲနှင့် သွေးထွက်သံယိုမှုများ ဖြစ်လိမ့်မည်က ထင်ရှားနေပေသည်။

အခန်းပွင့်သွားသည့်အခိုက် တိုက်ရိုက်ထုတ်လွှင့်မှုအခန်းကို တိတ်လေးစောင့်ဆိုင်းနေကြသည့် ဇာ့ဂ်များက တဟုန်ထိုး အလုအယက် ပြေးဝင်ကြတော့သည်။

တိုက်ရိုက်ထုတ်လွှင့်မှုအခန်းကို မြင်လိုက်သည်နှင့်ချက်ချင်းပင် ပရိသတ်များဖြစ်စေ ရှုံ့ချဝေဖန်သူများဖြစ်စေ ကြည့်ရှုသူများအားလုံး ကြက်သေသေသွားကြသည်။

ဟမ်...ဒါက ဘယ်သူကြီးလဲ...

အာ...ဒါကြီးက ငါတို့မျှော်လင့်ထားတာနဲ့ လုံးဝကိုကွာခြားနေတာ မလား...

[အာ ဟားဟားဟား...ငါအရင်တုန်းက လုမော့က ရုပ်ဆိုးတယ်လို့ ပြောပြောနေတုန်းကကျ မင်းတို့ဦးနှောက်မရှိတဲ့ပရိသတ်တွေက 'ဘယ်အဆင့်မြင့်တဲ့ အမျိုးသားဇာ့ဂ်က ရုပ်မဆိုးလို့လဲ' တို့ 'မင်းတို့ စုန့်ကျန်းရှူးဖန်တွေက ရုပ်ရည်ပဲ ဂရုစိုက်ကြတဲ့ကောင်တွေ' တို့ပြောကြတယ်လေ...ခုရော ဘယ်လိုတုန်း...]

[သူက အပြင်မှာ ရုပ်ဆိုးလောက်တယ်လို့ တွေးခဲ့တာ

ကြည့်ရတာ သူက ဒီတစ်လျှောက်လုံး ချောသွားစေမယ့် effect တွေသုံးထားတာပဲ...]

[သူက A အဆင့်အမျိုးသားဇာ့ဂ်ဆိုတာကို ငါမယုံနိုင်ဘူး...အဲဒါတွေအကုန်လုံးက အရင်ကတည်းက ကြိုပြင်ထားကြတာမလား...]

---------

လုမော့အား လှောင်ပြောင်သရော်နေကြသည့် မှတ်ချက်များကြားတွင် မဆုတ်မနစ်ဇွဲကောင်းသည့်မှတ်ချက်အနည်းစုက ပျံ့ကြဲသွားကြသည်။

[အဲ့လိုဆိုရင်တောင် ငါသူ့ကို အမြဲချစ်နေဦးမှာ...]

၎င်းက ရင်ထဲထိသွားစေသည့် စိတ်ခံစားချက်ဟုပင် ပြောနိုင်ပေသည်။

ဇာ့ဂ်အများစုက သေချာပေါက် အခြေအနေဖွံ့ဖြိုးမှုအပေါ်ကို အာရုံစိုက်ထားကြသည်ပင်။ ပရိသတ်နှင့်ဝေဖန်သူများ၏တိုက်ပွဲကို ဘေးဖယ်လိုက်ပြီးသသည့်နောက်တွင်၎င်းက အလွန်အမင်း ပြင်းထန်လေးနက်သည့် ဖြစ်ရပ်တစ်ခုပင် ဖြစ်၏။

ပြီးတော့ ဒါက အင်ပါယာမြို့တော်မှာ ဖြစ်နေတာလေ...ဘယ်သူက ဒါကို တာဝန်ယူမှာလဲလို့...

-------------

အိချီ၏အသက်ရှုသံများက လေးလံပြီး မြန်ဆန်နေလျက် ကြောက်ရွံ့မှုနှင့် ဖိအားများကြောင့် ရင်ဘက်က မြင့်ချည်နိမ့်ချည် လှုပ်ရှားနေသည်။

ပြတင်းပေါက်အပြင်က ကောင်းကင်နှင့်မြေကြီးအား ကွန်ယက်တစ်ခုနှင့် ဖုံးထားပြီး အခန်းထဲမှ တစ်ခုတည်းသော ထွက်ပေါက်ကိုမူ ဇာ့ဂ်နှစ်ယောက်က ပိတ်ထားလေသည်။ သူ့အတွက် လွတ်မြောက်လမ်း မရှိသည်ကို အိချိီနားလည်ပေသည်။

သူ အရှုံးမပေးလိုက်နိုင်ရုံသာ ဖြစ်ပေသည်။

လက်လျှော့လိုက်ခြင်းက အလွန်လွယ်ကူလှပသည်။ လွန်ခဲ့သော ဆယ်စုနှစ် သူ့အဖေ၏လက်ထဲတွင် သူ့အမျိုးသမီးဖခင် သေဆုံးသွားချိန်တုန်းကပင် ဤမျှော်လင့်ချက်မရှိ ကံဆိုးလွန်းလှသည့် ဘဝအား လက်လျှော့ချင်ခဲ့ဖူးလေသည်။

သို့သော် ထိုအချိန်တုန်းကဖြစ်စေ အခုပင်ဖြစ်စေ သူ လက်မလျှော့လိုက်နိုင်သည့် အရာများရှိ၏။

သူ၏ညီငယ်ဖြစ်သူက ရိုးရှင်းလှသည့်စိတ်ထားရှိကာ စိတ်ဓာတ်က ပျော့ညံ့အားနည်းလှသော်လည်း သူ့တွင်ထူးခြားဆန်းကျယ်သည့်မျိုးနွယ်၏ သွေးစွမ်းရည်ရှိနေသည်။

ထိုကဲ့သို့ တင်းမာနေသည့်အခြအနေတွင် အိချိ၏စိတ်များက အတိတ်ကဖြစ်ရပ်တစ်ခုကို မသင့်လျော်စွာ သတိရသွားသည်။

သူ၏အမျိုးသမီးဖခင် သေဆုံးသွားပြီးနောက် တစ်လခန့်အကြာ မုန်တိုင်းထန်နေသည့် ညတစ်ညတွင် သူ၏အဖေက သူ့အား အိမ်မှနှင်ချခဲ့လေသည်။

သူ၏ခန္ဓာကိုယ်ကို ခက်ခက်ခဲခဲ ကြိုးစားရုန်းကန်ကာ ဟောင်းနွမ်းစုတ်ပြတ်နေသည့်အိမ်သို့ ပြန်လာခဲ့ပေသည်။ ၎င်းအား အိမ်ဟုပင် မခေါ်ဆိုနိုင်ပေ။ သစ်သားနှင့်မိုးကာအင်္ကျီများဖြင့် ကာရံထားသည့် တဲလေးတစ်ခုသာလျှင် ဖြစ်သည်။ ထိုတဲလေးက နွေရာသီတွင် မအေးမြဘဲ ဆောင်းရာသီတွင်လည်း နွေးထွေးမနေသော်လည်း အနည်းဆုံး သူ့အား မိုးဒဏ်မှ ကာကွယ်ပေးနိုင်ပေသည်။

သူ၏စိုရွှဲသည့်အဝတ်များက တစ်ခုတည်း ကျန်သည့် မွေ့ရာလေးအား စိုစွတ်သွားစေမည်လားကို ဂရုစိုက်မနေတော့ဘဲ ကျဥ်းကျပ်လှသည့် ရွက်ဖျင်တဲလေးအတွင်း လှဲချလိုက်သည်။

သူ၏ခြေထောက်တွင် ဒဏ်ရာသေးသေးလေး တစ်ခုရှိပြီး လတ်လတ်ဆတ်ဆတ် သွေးနံ့များက လေထဲ ပြည့်နှက်သွားလေသည်။

အမျိုးသမီးဇာ့ဂ်တစ်ယောက်အတွက် ၎င်းက နောက်တစ်ရက်တွင် သက်သာပျောက်ကင်းသွားမည့်ဒဒဏ်ရာအသေးအဖွဲလေး တစ်ခုမျှသာ ဖြစ်၏။ အိချိီအားပို၍ စိုးရိမ်ပူပန်စေသည်မှာ အခြားတစ်ခု ဖြစ်ပေသည်။

တောထဲတွင် သွေးနံ့က ဆာလောင်နေသည့် သားရဲတိရစ္ဆာန်များကို ဆွဲဆောင်နိုင်ပြီး ပင်လယ်ထဲတွင် ငါးမန်းများအား သွေးရူးသွေးတန်းဖြစ်အောင် သွေးဆောင်ဖြားယောင်းနိုင်ပေသည်။ သို့သော် ဤနေရာတွင်မူ လောဘကြီးသည့် ဓားပြများအား ဆွဲဆောင်လိမ့်မည်ပင်။

ရွာသွန်းနေသည့်မိုးများအလယ်တွင် အိချိ အလွန်တိုးဖျော့လှသည့် 'ပုချိ' ဟူသည့်အသံတစ်သံအား ကြားလိုက်ရပြီး ရေများပြည့်နေသည့် ဘွတ်ဖိနပ်အသံအား ထင်ထင်ရှားရှား ကြားလိုက်ရသည်။

သံချေးတက်နေသည့် ဓားမြှောင်တစ်ချောင်းက သူ၏မိုးကာတဲလေးအား ညင်သာစွာ ခွဲလိုက်သည်။

အပြင်ဘက်တွင် သူ့အားစိုက်ကြည့်နေသော ဇာ့ဂ်တစ်ယောက် ရှိပေသည်။

အိချီ သူ့မျက်လုံးများကို ပိတ်ကာ အနားယူဟန်ဆောင်နေသော်လည်း သူ့လက်က လက်နက်တစ်ခုကို တင်းကျပ်စွာ ဆုပ်ကိုင်ထားလိုက်သည်။

ယနေ့တွင် သူ အဖိုးတန်ပြီးရှားပါးသည့် သားရဲတစ်ကောင်အား အမဲလိုက်နိုင်ခဲ့ပြီး စျေးကောင်းကောင်းနှနှင့် ရောင်းချနိုင်ခဲ့လေသည်။ ဆင်းရဲသားရပ်ကွက်တွင်မူ ဤပိုက်ဆံပမာဏက မျက်စိဖမ်းစားဖွယ်ဖြစ်ရာ အာရုံအချို့ကို ဆွဲဆောင်မိသည်မှာ အံသြစရာမရှိပေ။

သူ့ခြေထောက်မှ အမာရွတ်များက ဤလောဘသမားများကို ရုန်းကန်တိုက်ခိုက်ခဲ့ရသည့် ရလဒ်များပင် ဖြစ်ပေသည်။

သို့သော်ငြား သူ့အပိုင်ပစ္စည်းဥစ္စာများများကို ဘယ်သောအခါမှ အလွယ်တကူ လုယူခွင့်ပြုလိမ့်မည် မဟုတ်ပေ။

အိချိီက ဆက်လက်ငြိမ်သက်နေဆဲ ဖြစ်သည်ကို မြင်လိုက်၍ စူးစမ်းနေသည့်ဇာ့ဂ်က နောက်ဆုံးတွင်ဆုံးဖြတ်ချက် ချလိုက်သည်။ အန္တရာယ်ကြီးသည့်သားရဲတစ်ကောင်ကဲ့သို့ သူ့အဝတ်ကို ညင်သာစွာမကာ ခိုးကြောင်ခိုးဝှက်နှင့် အိချိီ၏ မိုးကာတဲလေးထဲသို့ ဝင်လိုက်သည်။

တဖြည်းဖြည်း အနားသို့ နီးကပ်လာပြီး...

အိချိီ အကွာအဝေးကို မှန်းဆလိုက်သည်။ ကျူးကျော်သူက သူ့နယ်နိမိတ်ထဲသို့ တစ်ကြိမ်ဝင်လိုက်သည်နင်နှင့် သူ၏ဓားမြှောင်က ထိုသူ၏လည်ပင်းထဲသို့ တစ်ခဏချင်း ထိုးဖောက်သွားလိမ့်မည်ပင်။

တစ်လှမ်းမျှ နီးလာရုံနှင့်ပင်...

"မင်း ဘယ်သူလဲ..."

အိချီ လှုပ်ရှားတော့မည့်အခိုက် အံ့သြနေသော်လည်း နူးညံ့နေသည့် အသံလေးတစ်သံက သူ့လှုပ်ရှားမှုများကို နှောင့်ယှက်လိုက်သည်။

မိုးရေထဲတွင် သေးသွယ်သည့် ဇာ့ဂ်ငယ်လေးတစ်ယောက်က မတ်တတ်ရပ်နေပြီး သည်းထန်လှသည့် မိုးကြောင့် တစ်ကိုယ်လုံး ရွှဲရွှဲစိုနေလေသည်။ သူက မိုးကာတဲလေးတွင်းမှ အားလုံးကို အလွန်အံ့သြတကြီးနှင့် ကြည့်နေခဲ့လေသည်။

"မင်း...မင်း ဘာလုပ်နေတာလဲ..."

-------

မြေပြင်တွင် ဆောင့်ကြောင့်ထိုင်နေသည့် အမျိုးသမီးဇာ့ဂ်တွင် အထင်ကြီးစရာကောင်းသည့် သွင်ပြင်လက္ခဏာရှိလေသည်။ ဇာ့ဂ်ငယ်လေး၏ စကားကိုကြားလိုက်သည့်နောက် သူ့ခေါင်းကိုဖြည်းညင်းစွာ လှည့်လာခဲ့ပြီး သူ့မျက်လုံးများက ရက်စက်ကြမ်းကြုတ်မှုများဖြင့် ဝင်းလက်နေပေသည်။

ဇာ့ဂ်ငယ်လေးက အန္တရာယ်ကို ရှင်းရှင်းလင်းလင်းအာရုံခံမိလိုက်ပြီး ကြောက်ရွံ့စွာဖြင့် ခြေတစ်လှမ်းပြန်ဆုတ်လိုက်သည်။

"ငါ..."

သို့သော် နောက်တစ်စက္ကန့်တွင် အမျိုးသမီးဇာ့ဂ်က သူ့ကို လှောင်ပြုံးပြုံးပြလိုက်ပြီး သူ့လက်ထဲက ဓါးမြှောင်ကိုမြှောက်ကာ မြေပြင်တွင် အိပ်နေဆဲဖြစ်သည့် အမျိုးသမီးဇာ့ဂ်(အိချီ)ထံ ပြင်းထန်စွာ ထိုးချလိုက်သည်ကို သူ မြင်လိုက်သည်။

"ကိုကို …"

ဇာ့ဂ်ငယ်လေးက ရှေ့သို့ပစ်ဝင်လိုက်ပြီး ဓားပြ၏ ခြေထောက်ကို တင်းကျပ်စွာဖက်ကာ ပြင်းပြင်းထန်ထန်ကိုက်ချလိုက်သည်။

လှုပ်ရှားလိုက်သည်က အလွန်မြန်ဆန်လှ၍ ဇာ့ဂ်ငယ်လေးတစ်ယောက် အထူးသဖြင့် ဥမှပေါက်ခါစ A အဆင့် ဇာ့ဂ်တစ်ယောက် လုပ်နိုင်သည့်အရာဟုပင် မထင်ရချေ။

ဇာ့ဂ်ငယ်လေးမဟုတ်ဘဲ အဆိပ်ရှိသည့် မြွေတစ်ကောင်က ကိုက်လိုက်သကဲ့သို့ ဓားပြက စိတ်မချမ်းမြေ့စရာကောင်းအောင် အော်ဟစ်လိုက်ကာ မြေပေါ်သို့ ပစ်လှဲကျသွားပြီး တစ်ကိုယ်လုံး တသိမ့်သိမ့်တုန်ယင်လာလေသည်။

ဇာ့ဂ်ငယ်လေးက မြေပြင်တွင် မှင်သက်စွာ ထိုင်နေသည်။ မည်သည့်အရာများ ဖြစ်ပျက်သွားကြောင်း သူနားမလည်သော်လည်း အမျိုးသမီးဇာ့ဂ်၏သနားစရာကောင်းသည့် အခြေအနေက သူ့အား ကြောက်လန့်သွားစေသည်။

သူက အိချိီ၏ရင်ခွင်ထဲ အလိုလိုတိုးဝင်လိုက်ပြီး အိချီကိုအသာအယာ တွန်းလိုက်လေသည်။

"ကိုကို ကိုကို..."

သူက ရှိုက်ကြီးတငင်ငိုနေကာ တစ်ကိုယ်လုံး တုန်ယင်နေပေသည်။

သက်ပြင်းချသံတစ်ခုက သူ့ခေါင်းထက်မှ ထွက်ပေါ်လာပြီး သန်မာသည့် လက်မောင်းတစ်ဖက်က သူ့အား ပွေ့ဖက်လိုက်သည်။ ဇာ့ဂ်ငယ်လေးက ခေါင်းကိုမော့လိုက်ရာ ပယင်းရောင်မျက်ဝန်းတစ်စုံနှင့် ဆုံသွားသည်။

ထိုမျက်ဝန်းများက သူ့ကိုကြည့်နေသည့်အခါတွင် အမြဲတမ်း အေးစက်ပြီး အထင်သေးနေခဲ့သော်လည်း ယခုအခါတွင် ရှုပ်ထွေးသည့် ခံစားချက်အရိပ်အယောင်များ ပေါ်နေပေသည်။

အိချီ သူ့ညီငယ်ကိုကြည့်ကာ သက်ပြင်းချလိုက်သည်။

"မင်း ဘာလို့ပြန်လာခဲ့တာလဲ...မင်းကို အဝေးမှာနေဖို့ ငါ မပြောခဲ့ဘူးလား..."

ဤဇာ့ဂ်ငယ်လေးက အမည်အရသာ သူ့ညီဖြစ်နေသော်လည်း သူက ဤဇာ့ဂ်ငယ်လေးအား မနှစ်သက်ပေ။

သူတို့၏အမျိုးသမီးအဖေက ဤဇာ့ဂ်ငယ်လေးအား ခေါ်ဆောင်လာကတည်းက သူတို့အဖေ၏ သဘောထားက ပို၍ဆိုးဝါးလာခဲ့လေသည်။

သူတို့၏အမျိုးသမီးအဖေထွက်သွားပြီးနောက် အိချိီက သူ့အား စိတ်မရှည်စွာ နှင်ထုတ်ခဲ့ပြီး သူ့မြင်ကွင်းထဲသို့ ပေါ်လာခွင့်မပြုခဲ့ပေ။

ဇာ့ဂ်ငယ်လေးက အသက်ပြင်းပြင်းရှုလိုက်ကာ အငိုရပ်ရန် ခက်ခက်ခဲခဲ ကြိုးစားနေရှာသည်။ သူက မရှင်းမရှင်းနှင့် ပြောလိုက်သည်။

"ကျွန်တော် တောင်းပန်ပါတယ်...ကျွန်တော် အနီးနားမှာ ပုပုန်းနေခဲ့တာ ကျွန်တော် ကိုကို့ကို နှောင့်ယှက်ဖို့ မရည်ရွယ်ပါဘူး...ကျွန်တော် သေချာပေါက်ထွက်သွားမှာပါ..."

သူက ကြောက်လန့်မှုဖြင့် တုန်ယင်နေလျက် အိချိ၏ပွေ့ဖက်မှုထဲသို့ ခွေဝင်ချင်နေသော်လည်း အိချီမပျော်မရွှင် ဖြစ်သွားမည်ကိုလည်း ကြောက်ရွံ့နေပေသည်။ သူ့ခမျာ လှုပ်ပင် မလှုပ်ရဲရှာချေ။

အိချိိီက ဇာ့ဂ်ငယ်လေး၏ မေးစေ့ကို ဆုပ်ကိုင်ကာ နူးညံ့စွာ ပြောလိုက်သည်။

"မင်းပါးစပ်ကိုဟလိုက်..."

ဇာ့ဂ်ငယ်လေးက နာနာခံခံနှင့် ပါးစပ်ကိုဟလိုက်ပြီး ဖောက်ထွင်းမြင်နေရသည့် အကြည်ရောင် ချွဲများရှိသည့် သွားများကို ထုတ်ဖော်ပြလိုက်သည်။

"ကိုကို...ကျွန်တော် ဘာဖြစ်နေလို့လဲဟင်..."

အိချီ သူ့လက်ကို ပြန်ရုတ်လိုက်ပြီး မြေပေါ်တွင်အသက်ရှု တဖြည်းဖြည်း ရပ်သွားသော အမျိုးသမီးဇာ့ဂ်ကို ကြည့်လိုက်သည်။ သူ့အကြည့်များက ထိုးဖောက်သိမြင်နေသည့် ခံစားချက်များနှင့် ပြည့်နှက်နေသည်။

"ဘာမှမဟုတ်ဘူး...မင်းတံတွေးတွေက နည်းနည်းညစ်ပတ်နေရုံတင်..."

ပထမဆုံးအနေနှင့် လက်ဆန့်လိုက်ကာ သူစက်ဆုပ်ရွံရှာခဲ့သည့် A အဆင့် ဇာ့ဂ်ငယ်လေးတစ်ယောက်ဖြစ်သည့် သူ့ညီလေးအား စိတ်လိုလက်ရ ဖက်လိုက်လေသည်။

ဤအခိုက်အတန့်မှစ၍ သူ့ကိုယ်ပိုင်ဘဝ၏ အဓိပ္ပါယ်ကို အိချီ နားလည်သွားလေသည်။

ဤကဲ့သို့ ဆိုးရွားစုတ်ပြတ်သော ကမ္ဘာကြီးတွင် သူက ‌ေ-သာက်အဓိပ္ပါယ်မရှိသည့် ဇာ့ဂ်အဖြစ် ဘဝတစ်ခု ရှိခဲ့သည်။ သူ့တွင် အင်အားကြီးကြီးမားမား မရှိသလို သူက အဖိုးတန်သည့် အမျိုးသမီးဇာ့ဂ်တစ်ယောက်လည်း မဟုတ်ချေ။ သူက ဤကမ္ဘာကြီးထဲတွင် ခွေးဝဲစားတစ်ကောင်ကဲ့သို့ ကျန်ရှိနေပြိး တစ်ရက်ပြီးတစ်ရက် အသက်ရှင်နိုင်ရန် အရှက်မရှိစွာ အရင်းအမြစ်များပေါ် မှီခိုနေရပေသည်။

မည်သည့်ဇာ့ဂ်ကမှ သူ့ကို မလိုအပ်ဘဲ ကမ္ဘာကြီးကလည်း သူ့အား မကြိုဆိုချေ။

သို့သော်...

သို့သော်ငြားလည်း...

အိချီ သူ့မေးစေ့အား သူ့ညီငယ်လေး၏ခေါင်းပေါ်သို့ တင်လိုက်ပြီး လက်ဆန့်ကာ ဇာ့ဂ်ငယ်လေး၏ကျောပြင်လေးကို ဖွဖွပုတ်လိုက်လေသည်။

"မကြောက်နဲ့...မကြောက်နဲ့နော်...ကိုကိုက မင်းကို ဘာမှ ဖြစ်ခွင့်ပေးမှာ မဟုတ်ဘူး..."

အိချိီ၏ မျက်ဝန်းများက နူးညံ့သွားသည်။

အနည်းဆုံး သူ့ကာကွယ်မှုအား ရှာဖွေနေပြီး သူ့အတောင်များအောက်မှ ခိုနားရာလေးအား တောင်းခံနေသည့် ဇာ့ဂ်ငယ်လေးတစ်ယောက် ရှိနေသေးပေသည်။

-----------------------

အိချိီ လုမော့ဘက်သို့ မျက်နှာကို လှည့်လိုက်သည်။

"လူကြီးမင်းပိုင်လျှို ကျွန်တော်တို့ သဘောတူညီမှုတစ်ခု လုပ်ရင်ရော ဘယ်လိုလဲ..."

လုမော့က အသင့်ပင် သဘောတူလိုက်သည်။

"ငါ နားတွေအကုန် စွင့်ထားတယ်..."

အိချိီ ပြုံးလိုက်သည်။

"ကျွန်တော်နဲ့ ဆွေးနွေးညှိနှိုင်းဖို့ သူတို့မကြာခင်ရောက်လာကြလိမ့်မယ်...ပြီးရင်တော့ ကျွန်တော်...ဒီအမျိုးသားဇာ့ဂ်နဲ့အတူတူ အဆောက်အဦးပေါ်က ခုန်ချလိုက်မယ်..."

"မင်း ဘာပြောလိုက်တာလဲ…"

အမျိုးသားဇာ့ဂ်၏မျက်နှာက ဖြူဖျော့သွားပြီး လွတ်မြောက်ရန် အပြင်းအထန် ရုန်းကန်လိုက်သည်။ သို့သော် သူ မည်မျှကြိုးစားပါစေ အိချိီ၏ဖမ်းဆုပ်ထားမှုမှ မလွတ်မြောက်နိုင်ပေ။ ချွေးသီးချွေးပေါက်များကျဆင်းလျက် အော်ဟစ်လိုက်သည်။

"မင်း ဘယ်လိုလုပ်ပြီး အဲ့လိုအရာကို ပြောရဲရတာလဲ..ငါက အမျိုးသားဇာ့ဂ်တစ်ယာက်ကွ..."

"ပါးစပ်ပိတ်ထားစမ်း…"

အိချီက အားကို ပိုတိုးလိုက်ရာ ဓားသွားက အမျိုးသားဇာ့ဂ်၏လည်ပင်းအား ရှရာတစ်ခု ထားခဲ့လေသည်။ ချက်ချင်းပင် အမျိုးသားဇာ့ဂ်က တိတ်ဆိတ်သွားပြီး စကားတစ်လုံးပင် မပြောရဲတော့ချေ။

လုမော့ သူ့အား လေးလေးနက်နက် ကြည့်လိုက်သည်။

"ပြီးရင်ရော..."

"အဲဒါမပြောခင် ဒီအမျိုးသားဇာ့ဂ်က ဒီနှစ်အားလုံးမှာ သူ စုဆောင်းထားတဲ့ငွေတွေကို ဘယ်မှာ ဝှက်ထားလဲဆိုတာ ငါမင်းကို ပြောပြမယ်..."

အိချိီက အမျိုးသားဇာ့ဂ်အား လှောင်ပြောင်သရော်စွာကြည့်လိုက်သည်။

"ဒီဇာ့ဂ်ကောင်က တကယ်ကို ဝက်တစ်ကောင်လို တုံးအတာ...သူ့လျှို့ဝှက်ချက်ကို လုံးဝ ပြီးပြည့်စုံအောင် မှန်းဆဖို့ တစ်နှစ်ပဲ အချိန်ယူလိုက်ရတယ်...သူက ငါဘာမှမသိဘူး လို့ တကယ်ကြီး ထင်နေတာလေ... ဟား..."

အမျိုးသားဇာ့ဂ်၏ မျက်လုံးများက ဦးတည်ချက်ပျောက်ဆုံးသွားပြီး သူ့ကိုယ်သူ ရေရွတ်လိုက်သည်။

"ငါက အမျိုးသားဇာ့ဂ်တစ်ယောက်ပဲ...ငါက အမျိုးသားဇာ့ဂ်တစ်ယောက်..."

"ဟုတ်တယ်..."

အိချိီက သက်ပြင်းချလိုက်သည်။

"နဂိုအတိုင်း မင်းက သဘောတူညီချက်ကို ဖြည့်ဆည်းပေးခဲ့ရင် ငါကလည်း ဘာမှလုပ်မှာမဟုတ်ပါဘူး..."

ချောက်ကမ်းပါးစွန်းသို့ တွန်းပို့ခံရလျှင်ပင် အမျိုးသားဇာ့ဂ်များကို အလွယ်တကူ သတ်ပစ်နိုင်သည့်စွမ်းရည်များရှိနေလျှင်ပင် များပြားသော အမျိုးသမီးဇာ့ဂ်များက ခုခံကာကွယ်သည်ထက် သေရန်ကို ပိုလိုလားကြပေသည်။

လုမော့က ခိုင်ခိုင်မာမာပင် သဘောတူလိုက်သည်။

"အပေးအယူကို သဘောတူတယ်..."

အိချိီက တခဏမျှ ရပ်တန့်သွားပြီးနောက် ရယ်မောလိုက်သည်။

"ကျွန်တော် ပြောလို့တောင် မပြီးသေးဘူးလေ လူကြီးမင်းက သဘောတူလိုက်ပြီလား..."

လုမော့က လက်ပိုက်ကာ သူ့မေးကို မော့ထားလိုက်သည်။

"မင်းဘာပဲပြောပြော ငါလုပ်နိုင်တယ်..."

မည်သူမှ သူ့စကားများကို သံသယဝင်လိမ့်မည်မဟုတ်ပေ။ တောက်ပသောနေရောင်အောက်တွင် မတ်တတ်ရပ်နေသော သူ့ကိုယ်ပေါ်တွင် အမှောင်ထုအရိပ်အယောင် တစ်စွန်းတစ်စမျှပင် မရှိနေချေ။

၎င်းက ကမ္ဘာမြေပေါ်တွင် မတည်ရှိသည့်အလား အိချီ တစ်ခါမှမမြင်ဖူးသော မြင်ကွင်းပင် ဖြစ်ပေသည်။

အဆိပ်ရှိသောဇာ့ဂ်များ သောင်းကျန်းမှုကြောင့်နွယ်ပင်များရစ်ပတ်ပြီး ကျိုးပဲ့ပျက်စီးနေသည့် ရှေးဟောင်းရဲတိုက်ကြီးတစ်ခုကဲ့သို့ ထောင့်တိုင်းမှ ဆွေးမြေ့ယိုယွင်းနေသည့် စိုထိုင်းထိုင်း အနံ့များ ထုတ်လွှတ်နေသည်။

ထို့နောက် တစ်နေ့တွင် တစ်စုံတစ်ယောက်က ပုဆိန်တစ်လက်ကိုဆွဲကိုင်၍ နွယ်ပင်များကို အားပြင်းပြင်းဖြင့် ဖြတ်တောက်ပြီး သံချေးတက်နေသော ဂိတ်တံခါးကို တွန်းဖွင့်လိုက်ရာ နွေးထွေးလှသည့် နေရောင်ခြည်လေးက ရဲတိုက်ထဲသို့ ချဥ်းနင်းဝင်ရောက်လာခဲ့ပေသည်။

"ကောင်းတယ်..."

အိချီက အသက်ပြင်းပြင်းရှူလိုက်သည်။

"အဲ့ဒီ ပဟေဠိဆန်တဲ့ ကျွန်တော့် ညီလေးကို ကာကွယ်ပေးနေသရွေ့ နေရာအတိအကျကို ကျွန်တော် ပြောပြမယ်..."

🌌🌌🌌

Prev Next