Chapter 53

🥘Chapter 53

ယဲ့လန်နှင့် ယဲ့လင်းက ​ရှောင်လုံက နဂါးကလန်ကဟုတ်တယ် မဟုတ်ဘူးဆိုသည်ကို ငြင်းခုံ​နေကြပြီး သူတို့အသံက တဖြည်းဖြည်းကျယ်လာကာ သိပ််​မဝေး​သော​နေရာ၌ရှိ​သော ရှလိ၏အာရုံကို စွဲ​​ဆောင်မိသွားသည်။ 

"ဘာ​တွေဖြစ်​နေကြတာလဲ..."

ရှလိ က​လေးတွေအနားသို့ ရောက်လာသည်။ ယဲ့လန် ​ရှောင်လုံကို ညွှန်ပြပြီး​ ပြောလိုက်သည်။

"ယဲ့လင်းက သူက နဂါး​လေးလို့​ပြော​နေတယ်...ဒါ​ပေမဲ့ ဖွားဖွား ကြည့်လိုက်..သူက​ သေချာ​ပေါက် နဂါးမဟုတ်ဘူး...သူ့မျက်ဆံ​တွေက ဝိုင်း​နေတာ..."

ရှလိ လှမ်းကြည့်လိုက်ပြီး နဂါး​လေးကို သူမ​မြင်လိုက်​ရသောအခါတွင် ကြက်​သေ​ သေသွားလေသည်။ သူမ​၏ တတိယသား ငယ်စဥ်တုန်းကနှင့် တ​ထေရာတည်းတူ​သော နဂါး​လေး၏ ပုံသဏ္ဍာန်ကို သတိပြုမိသွားပြီး သူမမျက်ဆံများ ကျဥ်း​မြောင်းသွားတော့သည်။ 

--------

ယဲ့ယန် ပင်ပန်းနွမ်းနယ်သလို ခံစား​နေရသည်။ သူနဂါးကလန်သို့ ပြန်ရောက်သည်ပြီး လှဲလိုက်သည်နှင့်တစ်ပြိုင်နက် အ​ရမ်းအ​ရေးကြီးသည့်တစ်စုံတစ်ခု ရှိသည်ဟု​ ပြောလျက် သူ့​အ​မေက သူ့ကို ဆင့်​ခေါ်လိုက်သည်။ မိသားစု သို့မဟုတ် ကုမ္ပဏီ တစ်ခုကိုမှ သူဂရုမစိုက်​ပေ။ ဘာက အ​ရေးကြီး​တာဖြစ်နိုင်ဦးမှာလဲ...

သူ ဧည့်ခန်းထဲသို့ ဝင်လိုက်သည်နှင့် သူ့မိဘများနှင့်အစ်ကိုကြီးများပါ ရှိ​နေသည်ကို​ တွေ့ကာ အံသြသွားသည်။ 

ကမ္ဘာ​​ပေါ်မှာ ဘာ​တွေဖြစ်​နေတာလဲ...

သူမည်သည်ကိုမှ မ​ပြောရ​သေးမီ သူ့အ​မေမှတိုက်ရိုက်​မေးလာခဲ့သည်။

"တတိယသား...မင်းအပြင်မှာ အချစ်​​တော်နဲ့ရတဲ့ သားတစ်​ယောက်ရှိတာလား..."

ယဲ့ယန်: ???

အချစ်​တော်နဲ့ရတဲ့ သားတစ်​ယောက်...

အဲ့ဒါ ဘယ်လိုလုပ်ဖြစ်နိုင်မှာလဲ...

သူ့အပြစ်ကင်းစင်မှုကို သက်​သေပြရန် ​ခေါင်းကို အမြန်ပင် ခါယမ်းလိုက်သည်။

"အ​ဖေ၊ အ​မေ၊ အစ်ကိုကြီး၊ ဒုတိယအစ်ကို ကျွန်တော်က လွန်ခဲ့တဲ့ငါးနှစ်က နည်းနည်း​တော့ ရှုပ်ပွေခဲ့တယ်ဆို​ပေမဲ့ ဒီငါးနှစ်လုံး အပြင်တစ်ခါမှ မသွားခဲ့ပါဘူး...အချစ်​တော်နှင့်ရတဲ့က​လေး ဘယ်လိုလုပ်ရှိရမှာလဲ..."

သူ့​​ဖြေရှင်းချက်ကို ကြားပြီး သူတို့လေး​ယောက်လုံး မည်သည့် တုံ့ပြန်မှုမှ မ​ပြပေ။ ရှလိ လက်ကို​ ဝှေ့ယမ်းလိုက်ပြီး လူတစ်စုက ဝင်လာကြသည်။ သူတို့ ယဲ့ယန်၏​ သွေးအနည်းငယ်ကို နမူနာယူလိုက်ကာ ထွက်သွားကြလေသည်။

ယဲ့ယန်က ကြက်​သေ​သေ​နေပြီး​ မေးလိုက်သည်။

"ဘာ​တွေဖြစ်​နေတာလဲ...တစ်​ယောက်​ယောက်က ကျွန်တော့်သားအဖြစ် ဟန်​​​​​ဆောင်​နေလို့လား.."

ဘယ်သူမှ သူ့ကို ပြန်မ​ဖြေကြ​ပေ။ သူ​ဘေးဘက်၌ ထိုင်ကာ အနည်းငယ် စိတ်ဓါတ်ကျသွားသည်။ 10 မိနစ်ကြာပြီး​​နောက် သူ့​သွေးကို ယူသွား​သောလူက စက်တစ်ခုနှင့် ပြန်ဝင်လာကာ သူ့မိဘများကို​ ​ပြောလိုက်သည်။ 

"သခင်ကြီးတို့နှစ်​ယောက် ​ကျေးဇူးပြုပြီးရလဒ်ကို ကြည့်ပါ...စမ်းသပ်ပြီးတဲ့နောက် အဲ့ဒီက​လေး​လေးက တကယ်ကို နဂါးကလန်အဖွဲ့ဝင်ဖြစ်ပြီး တတိယသခင်​လေးနဲ့ အ​ဖေနဲ့သား​​ တော်စပ်ပါတယ်...ပြီး​တော့ က​လေးရဲ့ စွမ်းရည်အလားအလာက သာမာန်နဂါး​လေးထက် 10 ဆ ပိုမြင့်ပါတယ်..."

"10 ဆ!" 

လူတိုင်း အံ့သြထိတ်လန့်ကာ ​ရေရွတ်လိုက်ကြသည်။

ရှလိက မယုံကြည်နိုင်စွာ​ ပြော​လိုက်သည်။

"အဲ့ အဲ့ဒါက ...နတ်ဘုရားကလန်က ဖြစ်​နိုင်လောက်လား..."

စစ်​​​​ဆေးချက်အတွက် တာဝန်ရှိ​သူက​ ​လေးစားစွာ ဦးညွတ်ကာ​ ပြောလိုက်သည်။

"ဟုတ်ကဲ့ ဓါတ်ခွဲ သု​တေသနရဲ့ ပဏာမကောက်ချက်အရ​တော့ က​လေးရဲ့အ​မေက နတ်ဘုရားကလန်ကဖြစ်သင့်ပါတယ်..."

နတ်ဘုရားကလန်?? 

နတ်ဘုရားကလန်!!

နဂါးနက်ကလန်က နတ်ဘုရားကလန်နဲ့ မဟာမိတ်လက်ထပ်ပွဲ လုပ်နိုင်တာမျိုးများ ဖြစ်မလာနိုင်ဘူးလား...

"က​လေးအ​မေက ဘယ်သူလဲဆိုတာ ငါတို့ကိုမြန်မြန်​ပြော..."

ယဲ့ယန်နှင့်နီးစပ်​​သော ​​​ဆွေမျိုးများက တညီတညာတည်း​ အော်​ပြောလိုက်သည်။

ယဲ့ယန် တံ​တွေးကို​ ကြောက်​ကြောက်ရွံ့ရွံ့ မျိုချလိုက်ပြီး ယ​နေ့ သုံး​ထောင်စား​တော်ဆက်မှာ ​တွေ့ခဲ့သော မိန်းမကို ပြန်သတိရလိုက်သည်။ အနည်းငယ်တုံ့ဆိုင်းသွားပြီး ​ပြောလိုက်သည်။

"အဲ့ဒါ...ကျိမိသားစုက ဖြစ်မယ်ထင်တယ်..."

"ကျိမိသားစုထဲက ဘယ်သူလဲ..."

ယဲ့ယန် ကသိက​အောက်ဖြစ်သွားသည်။

"ကျွန်​တော်...မသိဘူး..."

လူ​လေး​ယောက် : "..."

"​မေ့လိုက်​တော့... ကျိမိသားစုကို တိုက်ရိုက်ဆက်သွယ်လိုက်...က​လေးတစ်​ယောက်​တောင် ပတ်သက်နေမှ​​​​တော့ သူတို့​​ဆွေးနွေးဖို့ တစ်​ယောက်​ယောက်လွှတ်သင့်တယ်..."

ယခုအချိန်တွင် ဤသည်မှာ တစ်ခုတည်း​သော​ ရွေးချယ်စရာပင် ဖြစ်သည်။ ယဲ့ယန်၏ဖခင်က သူ့အား စိန်းစိန်းဝါးဝါးကြည့်ကာ မက်​​​​​ဆေ့ချ်ပို့ရန် ထွက်သွားသည်။ ယဲ့ယန် သူ့​ခေါင်းကို ကုတ်လိုက်ပြီး အနည်းငယ် စိတ်အားထက်သန်လာသည်။

"က​လေးက​ရော...ကျွန်​တော်သူ့ကို ကြည့်လို့ရလား...သူနဲ့​​တွေ့လို့ရလား..."

ရှလိ လက်ခုပ်တီးလိုက်ပြီး တစ်​ယောက်​ယောက်က ​ရှောင်လုံကို အထဲကို​ခေါ်လာခဲ့သည်။ ဤအချိန်မှာ​တော့ ရှောင်လုံ​ ခေါင်းကြည်​နေပြီဖြစ်ပြီး အခန်းထဲမှ လူများကို စိတ်ပူပင်စွာ စိုက်ကြည့်​ကာ ​​တောင်းဆိုလိုက်သည်။

"ခင်ဗျားတို့က ဘယ်သူ​​​တွေလဲ... ကျွန်​တော့်ကိုပြန်လွှတ်​​ပေး..."

ယဲ့ယန်က ကိုးရိုးကားရားနိုင်စွာ ခံစားလိုက်ရပြီး​ မေးလိုက်သည်။

"အမ်...က​လေး​လေး ငါ့ကိုမှတ်မိလား..."

​ရှောင်လုံ ​ခေါင်းယမ်းလိုက်ပြီး ရုတ်တရက်သတိရသွားသည်။

"ခင်ဗျား ကျွန်​​တော့ကို တစ်ခြားတစ်​ယောက်နဲ့ မှား​ခေါ်လာတာလား...ကျွန်​တော်က ​ရွှီမော့ပါ...သုံး​ထောင်စား​တော်ဆက်မှာ​နေတာပါ...ကျွန်​တော် ခင်ဗျားတို့ထဲက ဘယ်သူ့ကိုမှ အရင်က မ​မြင်ဘူး..."

သု​တေသနဓါတ်ခွဲခန်းမှ ရလဒ်များမှာ မမှားနိုင်​ပေ။ 

ယဲ့ယန် အကူညီမဲ့စွာ ပြုံးလိုက်ပြီး

"အရင်က မသိခဲ့​ပေမဲ့ အနာဂတ်ကျ သိလာမှာ​ပါ...ငါကမင်းအ​ဖေပဲ..."

​ရှောင်လုံက ​ဒေါသထွက်စွာ စိန်းစိန််းဝါးဝါးကြည့်လိုက်သည်။

"လူလိမ်! ကျွန်​တော့်မှာ အ​ဖေရှိတယ်...ခင်ဗျားက ကျွန်​တော့် အ​ဖေမဟုတ်ဘူး..."

ယဲ့ယန် ကြားဝင်ဖျန်​ဖြေ​ပေးမည့်ပုံ မ​ပေါ်​သော သူ့အ​မေကို ကြည့်လိုက်ကာ ကိုးရိုးကားယားရားနိုင်​သောစကားဝိုင်းကို ဆက်​ပြောလိုက်သည်။

"​ကောင်းပြီ...မင်း​ပြောတဲ့အ​ဖေက သုံး​ထောင်စား​​တော်ဆက်ပိုင်ရှင်မလား..ဟုတ်တယ်မလား..."

​ရှောင်လုံ ​ခေါင်းညိတ်လိုက်သည်။

"ကျွန်​တော့်အ​ဖေက ကမ္ဘာ​ပေါ်မှာ အ​​ကောင်းဆုံး အ​​ဖေပဲ..."

ယဲ့ယန်က စိတ်ရှည်စွာ ပြောလိုက်သည်။

"ငါကမင်းရဲ့ ​မွေးဖခင်အရင်းပဲ...သုံး​ထောင်စား​တော်ဆက်ပိုင်ရှင်က ​မွေးစားဖခင် ဖြစ်သင့်တယ်..."

​ရှောင်လုံက သူ့အား လုံးဝမယုံကြည်​ပေ။

"လူလိမ်! ကျွန်​တော်မယုံဘူး...ခင်ဗျားက အရမ်းရုပ်ဆိုးတယ် ကျွန်တော့် အဖေ မဖြစ်နိုင်ဘူး..."

ခန့်ညားတဲ့နဂါးနက်အဖြစ် ကိုယ့်ကိုကိုယ်​ ကြေညာထားတဲ့ ယဲ့လန် : "..."

သူ့ယောက်ျား ဂုဏ်သိက္ခာနှင့် ပတ်သတ်ပြီး ယဲ့လန်က စိတ်ရှည်မှုများ ကုန်သွားလျက် လှောင်​ပြောင်လိုက်သည်။

"မင်းယုံချင်တာ ယုံ​ပေါ့...သတိ​ပေးရဦးမယ် မင်း သုံး​ထောင်စား​တော်ဆက်ကို ပြန်သွားဖို့က​တော့ မဖြစ်နိုင်​တော့ဘူး​​နော်...နဂါးနက်တစ်ကောင်အ​နေနဲ့ နဂါးနက်ကလန်မှာပဲ​ နေရမယ်..."

​ရှောင်လုံမျက်ဝန်းများ ပြူးကျယ်သွားသည်။

"မဖြစ်နိုင်ဘူး... ကျွန်​တော့အ​​ဖေက ကျွန်​တော့်ကိုလာရှာမှာ...သူက ကျွန်​တော့်ကို ပြန်ခေါ်သွားမှာ..."

ယဲ့ယန်​အေးစက်စွာ ရယ်​မောလိုက်သည်။

"ငါ မင်းအ​ဖေကို ဒီမနက်က မြင်ပြီးပြီ...သူ့မှာ ဘာစိတ်ဝိညာဥ်စွမ်းအင်မှ မရှိဘူး...သူက မင်းကိုဘာ​ကြောင့် ပြန်​ခေါ်မှာလဲ..."

လူကြီးတစ်​ယောက်နှင့် က​လေးတစ်​ယောက် ငြင်းခုံ​နေစဥ်တွင် တံခါးအပြင်မှ တစ်​ယောက်ယောက်က လမ်းလျှောက်ဝင်လာကာ အစီရင်ခံလိုက်သည်။

"သခင်မကြီး ဖုန့်မိသားစု​​ခေါင်း​​​ဆောင်က အလည်​ရောက်လာပါတယ်..."

ဖုန့်မိသားစု, နတ်ဘုရားကလန်...

ရှလိ ချက်ချင်း မတ်တတ်ရပ်လိုက်သည်။ ယ​နေ့ကအမှန်ပင် ထူးဆန်း​သော​နေ့ဖြစ်သည်။ ပုံမှန်အားဖြင့် နတ်ဘုရားကလန်မှ တစ်​ယောက်​ယောက်ကို​ တွေ့မြင်နိုင်ခြင်းသည်ကပင် ကံ​ကောင်းမှုကြီးတစ်ခု ဖြစ်​နေပြီဖြစ်သည်။ ယ​နေ့တွင်​တော့ သူတို့ နတ်ဘုရားကလန်နှင့် အဆက်မပြတ် ပတ်သက်နေလေသည်။

******

"ခွင့်လွှတ်ပါ...ကျိမိသားစုက​နေက​လေးကို​ခေါ်သွားတာက မသင့်​​လျော်ပါဘူး...."

ဖုန့်ယဲ့နှင့်ရင်ဆိုင်ရတာ​​တောင် ​ကြောက်လန့်​နေပုံ​မပေါ်​သော အ​ရှေ့မှလူက​ ပြောလိုက်သည်။ 

​ရှောင်လုံလက်ကိုကိုင်ထားသော ပိုင်ရှန်းကျစ်နှင့် ဖုန့်ယဲ့ကို လူ​တွေအများကြီးက လမ်းပိတ်ထားလိုက်သည်။

ပိုင်ရှန်းကျစ်​ရှေ့သို့ တိုးကာ ​ပြောလိုက်သည်။

"မစ္စတာကျိ ​အခု ရှောင်လုံက ကျွန်​တော့်​မွေးစားသားပါ...ဥပ​ဒေအရ လုပ်ထုံးလုပ်စဥ်​​​တွေကိုလည်း လုပ်ပြီးသွားပြီး စာရွက်စာတမ်း​တွေ အကုန်ရှိပါတယ်...​ရှောင်လုံ ကခင်ဗျားသားလို့ ယုံကြည်တယ်ဆိုရင် သက်​သေပို့ပြီး အချိန်အာကာသစီမံခန့်ခွဲမှုဌာနကို ကိုင်တွယ်ခိုင်းလိုက်ပါ...သူတို့မှာ အဲ့လိုကိစ္စ​​တွေအတွက် လုပ်နည်းလုပ်ဟန်ရှိမှာပါ.. အဲ့​ကြောင့်​ကျေးဇူးပြုပြီး စည်ကမ်းလိုက်နာ​ပေးပါ...."

​ပြောလိုက်ပြီး​နောက် ပိုင်ရှန်းကျစ်ဆက်သွယ်ရေးစက်ကိုထုတ်ကာ အချိန်အာကာသစီမံခန့်ခွဲမှုဌာနကို  ဆက်သွယ်လိုက်သည်။ 'နတ်ဘုရားကလန်'နှင့် 'နဂါးနက်ကလန်' ဟူသည့် စကားလုံးများကြားသည့်နောက် ဌာနဝန်ထမ်းက ​​လေးလေးနက်နက် ဖြစ်သွားပြီ တတ်နိုင်သမျှ မြန်မြန်လာရန် ကတိ​ပေးလိုက်သည်။

ဖုန်း​ခေါ်ဆိုမှုပြီးသွားသည့်အခါ ​ရှောင်လုံ ပိုင်ရှန်းကျစ်လက်​မောင်းကို ဆွဲကာ​ ပြောလိုက်သည်။

"​ဖေ​​ဖေ ..သားသူ့ကို မသိဘူး..."

ပိုင်ရှန်းကျစ် သူ့အား အပြုံး​လေးနှင့် နှစ်သိမ့်လိုက်သည်။

*****

လွန်ခဲ့​သော တစ်နာရီက ပိုင်ရှန်းကျစ်နှင့် ဖုန့်ယဲ့ သူတို့၏ရည်ရည်ရွယ်ချက်ကို ရှင်းပြရန် နဂါးနက်ကလန်သို့ ရောက်လာခဲ့သည်။ လင်တျဲနှင့်အတူ​ပေါင်းကာ ​​ကျောက်တုံးအိမ်တစ်ခုထဲတွင် ယောက်ျားတစ်​ယောက်အား စိန်းစိန်းဝါးဝါးကြည့်​နေ​သော ရှောင်လုံ့အား​ ​တွေ့လိုက်ရသည်။

 ပိုင်ရှန်းကျစ်အသံကို ကြားလိုက်ချိန်တွင် နဂါး​လေးက သူ့​ဘေးနားသို့ ချက်ချင်း​ ပြေးလာခဲ့လေသည်။

​ရှောင်လုံ၏​ ​နောက်ကလိုက်လာ​သော​ ယောက်ျားကို ပိုင်ရှန်းကျစ် အနည်းငယ် ရင်းနှီးနေသလို ခံစားလိုက်ရသည်။ ထို့​နေ့မနက်က သူ့ဆိုင်သို့ ရောက်လာ​သော စားသုံးသူတစ်​ယောက်မှန်း အမှတ်ရလိုက်မိသည်။

ရှောင်လုံကို​ခေါ်သွားတာဒီလူများလား...

သူ မ​မေးရ​သေးမီမှာပင် ​နောက်ထပ်လူတစ်စုက သူတို့နောက်သို့​ ရောက်လာခဲ့သည်။ ထို​ယောက်ျားနှင့်အတူတူ သူတို့၏လမ်းကို ပိတ်ထားလျက် ​ရှောင်လုံကို သူတို့နဂါးကလန်က ပိုင်​ကြောင်း အခိုင်အမာ​ပြောနေကြသည်။ ​

ပိုင်ရှန်းကျစ် ရယ်စရာကောင်းသည်ဟု ခံစားလိုက်ရသည်။ ​ရှောင်လုံကို သူမ​မွေးစားမီက နဂါးနက်ကလန်ကို က​လေး​ပျောက်သလားဟု မေးခဲ့ဖူးသည်ကို သူအတိအကျ မှတ်မိလေသည်။ ထိုအချိန်က နဂါးနက်ကလန်က ငြင်းဆန်ခဲ့သည်။ ယခုမူ ​ရှောင်လုံအား တိတ်တိတ်​လေး ခိုးသွားသည်မသာမက သူတို့ကလေးအရင်းဟူ၍ပင် ငြင်းခုံ​နေ​သေးသည်။

သူတို့ဂိမ်းကစား​နေကြတာလား...

ပိုင်ရှန်းကျစ် သူတို့နှင့် ငြင်းခုံပြီး အချိန်မဖြုန်းချင်​ပေ။ ထို့ကြောင့် ဖုန့်ယဲ့ကို ထွက်သွားကြရန် အတင်းအကြပ် ပြောလိုက်သည်။ နဂါးနက်ကလန်က သူတို့အားမတားရဲ​​ပေ။ သို့သော်ငြား တံခါးဝသို့​ရောက်ချိန်တွင် အပြင်ဘက်မှ ဝင်လာ​သောလူများ နှင့် တိုက်မိသွားသည်။ အ​နောက်မှတစ်​ယောက်​ယောက်က​ ပြောလိုက်သည်။

"က​လေးက ကျိမိသားစုကပဲ..."

တံခါးမှ လူနှစ်​ယောက်က သူတို့လမ်းကို ပိတ်ရပ်လိုက်ကြသည်။ အ​​ခြေအနေမှာ နှစ်ဖက်လုံးတွင် နတ်ဘုရားကလန်များ ပါဝင်​နေသည့်အပြင် လက်ရှိနဂါးနက်ကလန်၏ သြဇာအာဏာရှိသူလည်း ပါဝင်​နေသည်။ လူ​တွေကို ယဥ်​​ကျေးစွာ​​ပြောတတ်ရန် သင်​ပေး​နေ​သော  TV အစီအစဥ်တစ်ခုခု၏မြင်ကွင်းအတိုင်းပင်။ 

အ​ခြေအ​နေကလွန်ကိုရှက်စရာ​ကောင်း​နေသည်။ အထူးသဖြင့် အခြားတစ်ဖက်က အလွန်​မောက်​မာပုံ​ပေါ်ပြီး ဇာတ်လမ်းတွဲများထဲက ချမ်းသာ​သော မိသားစုပုံစံနှင့် တူ​နေသည်။ ပိုင်ရှန်းကျစ် သူတို့ အဘယ့်​ကြောင့် လုပ်နည်းလုပ်စဥ်အတိုင်း ကိစ္စရပ်များကို ရိုးရိုးရှင်းရှင်း မကိုင်တွယ်ရသလဲ ဟု​တွေးကာ အံ့အားသင့်နေမိသည်။

ကျိုး​ကြောင်းမဆီ​လျော်သည့် အပြုအမူနှင့် ဓါးပြတိုက်​နေသည့်လား ဇွတ်အတင်း​ပြောဖို့ လိုအပ်လို့လား...

နှစ်ဖက်လုံးက အ​လျှော့​ပေးရန် ဆန္ဒမရှိကြရာ ​ရှောင်လုံ၏ လျှို့ဝှက်ဆန်းကြယ်စွာ​ ပျောက်ဆုံးမှု​ကြောင့်ပိုင်ရှန်းကျစ် အချိန်-အာကာသစီမံခန့်ခွဲမှုဌာနကို ​ခေါ်ရန် ဆုံးဖြတ်လိုက်သည်။

ဌာနတာဝန်ရှိသူက မဆိုင်းမတွပင်​ ရောက်ရှိလာခဲ့သည်။ ပိုင်ရှန်းကျစ် ဖုန်း​ခေါ်ပြီး ၁၀ မိနစ်အတွင်းမှာပင်  ယူနီ​ဖောင်းဝတ်လူ ​လေး​ယောက်က နဂါးနက်ကလန်၏ ဂိတ်တံခါး​ပေါက်ဝသို့ ရောက်လာကြလေသည်။ 

တံခါး​ပေါက်ဝမှ နတ်ဘုရား သုံး​ယောက်နှင့် နဂါးနက်လန်မှ ကလန်အဖွဲ့ဝင် ၄၊ ၅ ​ယောက်ကို ကြည့်လျက် ဌာနမှဝန်ထမ်း ၄ ​ယောက်က ​​ချွေးများသုတ်လိုက်ကာ သူတို့၏​ ပုံမှန်မေးခွန်း​များကို စတင်​မေးလိုက်ကြသည်။ ပထမဦးစွာ ​ရှောင်လုံ သုံး​ထောင်စား​တော်ဆက်မှ နဂါးနက်ကလန်ကို မည်သို့​ရောက်ရှိလာ​ကြောင်းနှင့် သူတို့၏က​လေးဖြစ်​ကြောင်း သက်​သေရှိလား ဟူသည့် ​မေးခွန်းများ​ မေးခဲ့သည်။ 

နဂါးနက်ကလန်က ​​​သွေးစစ်ချက်များနှင့် နဂါးငယ်လေးကို သက်​သေအဖြစ် ပြလိုက်သည်။ ဝန်ထမ်းများက ​သွေးစစ်ချက်ကို ဓါတ်ပုံရိုက်ယူလိုက်ပြီး ထိုနား၌ ကြောက်ရွံ့ထိတ်လန့်စွာ ရပ်နေ​သော ​ရှောင်လုံကို အားလုံး ကြည့်လိုက်ကြသည်။

"က​လေး​လေး...သုံး​ထောင်စား​တော်ဆက်က​နေ ဒီကို ဘယ်လို​ရောက်လာလဲ မှတ်မိလားဟင်..."

ဝန်ထမ်းတစ်ယောက်က​ မေးလိုက်သည်။

ယဲ့လင်း သူ့လက်သည်း​လေးများနှင့်​ ခေါင်းကိုကုတ်ကာ ​ပြောလိုက်သည်။

"ကျွန် ကျွန်​တော် သိတယ်...ကျွန်​တော် သူ့ကို​ ပြန်ခေါ်လာခဲ့တာ..."

ရှိ​နေ​သောသူများအားလုံး သံသယဖြစ်သွားကြသည်။ ဒါကနဂါးနက်ကလန်က ကြိုတင်စီစဥ်ထားတဲ့အတိုင်း ဟန်​​​ဆောင်နေကြတာများလား...

ဝန်ထမ်းက ဆက်​​မေးလိုက်သည်။

"သူ့ကို ဘာလို့ နဂါးနက်ကလန်ကို​ ခေါ်လာတာလဲ..."

ယဲ့လင်း သူ့ရင်ဘတ်​လေးအား ဂုဏ်ယူစွာ ​မောက်လိုက်ပြီး​ ပြောလိုက်သည်။

"​ရှောင်လုံ​လေးက နဂါးနက်ကလန်မှာပဲ​ နေသင့်တာ​​ပေါ့...သူ့​ခေါင်းမှာ ဦးချိုသေး​သေး​လေး​တွေ ရှိတယ်​လေ...အဲ့​ကြောင့်သူ့ကို ပြန်​ခေါ်လာချင်တာ..."

ဝန်ထမ်းများ :"..."

သူတို့ထပ်မေးလိုက်သည်။

"ဒါပေမဲ့  လူကြီး​တွေ သတိမထားမိ​အောင် ​ရှောင်လုံကိုဘယ်လို ​ခေါ်ထုတ်လာခဲ့တာလဲ..."

ယဲ့လင်း သူ့ရဲ့အိတ်​လေးထဲမှ ပါးလွှာ​သော ဝတ်ရုံတစ်ထည်ကို ဂုဏ်ယူစွာ ထုတ်ကာ လူတိုင်း​ရှေ့ ယမ်းပြလိုက်သည်။ 

"ဒါက ကျွန်​တော့​မွေး​နေ့မှာ ဖွားဖွား​ပေးခဲ့တဲ့ နဂါးဝတ်ရုံ​လေ...ဒါခြုံထားရင် ကျွန်​တော်ကို သူများတွေမမြင်နိုင်ဘူး..."

ထိုသို့​ပြောလိုက်ပြီး သူက နဂါးဝတ်ရုံကို ခြုံပြလိုက်ရာ အမှန်တကယ်ပင် လူတိုင်း၏ မြင်ကွင်းမှ​ ပျောက်သွားသည်။

နဂါးနက်ကလန်ကို ​မေးခွန်းများ​​မေးပြီး​​နောက် ဝန်ထမ်းများက ကျိမိသားစုအား နဂါးနက်ကလန်မှသတင်းကို မည်သို့ရခဲ့​ကြောင်း​ မေးလိုက်သည်။ ကိစ္စများ အဆုံးမသတ်မီ က​လေးမိခင်ကို ရှာရန်နှင့် ​သွေးစစ်ချက် လုပ်​​​ဆောင်ရန် လိုအပ်​သေး​ကြောင်း ဝန်ထမ်းများက ရှင်းပြလိုက်ကြသည်။

🥘