Chapter 66

🥘Chapter 66

ပိုင်ရှန်းကျစ်လှည့်လာကာ ထိုသူကို ချဥ်းကပ်လိုက်၏။ သူ၏ချဥ်းကပ်မှုကို အာရုံခံမိသည့် ထိုလူမှာ ရူးသွပ်ကြောက်ရွံသော ခံစားချက်များ သူ့မျက်နှာထက်တွင်ပေါ်လာကာ စိတ်လှုပ်ရှားနေလေသည်။ သူက ဓားကို တင်းတင်းကိုင်ကာ ပြောလိုက်၏။ 

"မင်း ဘာလိုချင်လို့လဲ..." 

ပိုင်ရှန်းကျစ် ရွေ့လျားနေသောတံခါးကိုညွှန်ပြ၍ပြောလေသည်။ 

"ကျွန်တော် တံခါးပိတ်တာပါ..." 

တည်ငြိမ်စွာဖြင့် ချည်းကပ်လာသောလူကို ပြောလိုက်သည်။ 

"တံခါးပိတ်လိုက်..." 

ထို့ကြောင့် သူတို့ တံခါး၏ရှေ့တွင် ဘေးချင်းယှဥ်ကာ ရပ်နေကြသည်။ ပိုင်ရှန်းကျစ် ဘေးဘက်မှသံချိတ်ကိုယူ၍ လက်လှမ်းလိုက်ကာ ထိုသူ့ခါးကိို ရိုက်ချလိုက်သည်။ သံချိတ်မှာ ဘေးဘက်သို့ လျောကျသွား၏။ လျင်မြန်သော တိုက်ခိုက်မှုကြောင့် ထိုသူ၏ နာကျင်မှုပြည့်နေသောအော်သံမှာ သစ်သီးဓားမြေပေါ်ထိသွားသံနှင့် ထပ်တူကျသွားလေသည်။ ပိုင်ရှန်းကျစ် အခွင့်အရေးကို ဖမ်းဆုပ်ကာ ရှေ့သို့တက်လိုက်ပြီး ထိုသူကိုနံရံတွင် မြဲမြဲကပ်လျက် သူ့လှုပ်ရှားမှုများကို မြဲမြံစွာ ဟန့်တားထားသည်။ 

အသံများကြားပြီးနောက် လီရိနှင့်သူ့ကောင်လေးတို့ ရောက်လာကြသည်။ သူတို့ကြိုးတစ်ချောင်းထုတ်လာကာ ထိုသူ၏လက်နှင့်ခြေထောက်ကိုချည်လိုက်၏။ ချည်ပြီးသည်နှင့်ပိုင်ရှန်းကျစ်ရဲခေါ်ကာ ရဲသားများကလည်းထိုသူကိုအချုပ်ထဲထည့်ရန်ရောက်လာကြလေသည်။ 

ရဲများလူကိုလာခေါ်ပြီးချိန်တွင် စတိုးဆိုင်မှစားသုံးနှစ်ဦးက ပိုင်ရှန်းကျစ်ကို ကျေးဇူးတင်ကာ သူ၏သတ္တိနှင့်သတိကို အသိအမှတ်ပြုကြသည်။ သူ့ကြောင့်သာမဟုတ်လျှင် အခြေအနေမှာ ပြောင်းလဲနိုင်သည်ဟု ပြောကြသည်။ ကလေးသုံးယောက်သည်လည်း ကျေးဇူးတင်ကြသည်။ အန္တရာယ် ကျလာသောအခါ ပိုင်ရှန်းကျစ်က ရှေ့တွင်ရပ်ကာ သူတို့ကို ဒိုင်းကာပေးခဲ့သည်။ သူသည် သူတို့၏ဆရာထက် ပို၍ယုံကြည်ထိုက် နေသေးသည်။ 

လူတိုင်းကိုတုံ့ပြန်ပြီးနောက် ပိုင်ရှန်းကျစ် တွေ့ကြုံခဲ့ရမှုများကြောင့် အနည်းငယ်စိတ်လှုပ်ရှားနေပြီူ အရှေ့ဧရိယာ၌ ထိုင်နေလိုက်သည်။ 

အမှန်မှာ သူလုပ်ဆောင်ရန် သတ္တိရှိရုံသာမက 'သုံးထောင်လောက'ရှိ ဆိုင်တွင်လည်း အလားတူဖြစ်ခဲ့ဖူးသည်ဟု ယူဆ၍သည်။

ဆိုင်အတွင်းရှိ မည်သည့် တိုက်ခိုက်မှုမျိုးမဆို ပါဝင်ပတ်သက်သူများကို မလှုပ်နိုင်ဖြစ်စေသည်။ သို့သော်လည်း ယခုအတွေ့အကြုံအရ ဤနေရာတွင် လှုပ်ရှားမှုထိန်းချုပ်သော သက်ရောက်မှုမရှိသည်ကို သူနားလည်သွားသည်။ ထိုသူကိုနံရံတွင် ချုပ်ထားချိန်တွင်ပင် ထိုသူက ခုခံနိုင်ခဲ့သည်။ 

ဤဖြစ်စဥ်အတွင်း ပိုင်ရှန်းကျစ် အထိုးပါခံခဲ့ရသော်လည်း ထိုသူမှာ မလှုပ်ရှားနိုင်ခြင်း မရှိပါချေ။ 

ယခုစားသုံးသူမရှိသေး၍ ပိုင်ရှန်းကျစ် သက်ပြင်းချလိုက်၏။ ပိုင်ရှန်းကျစ် ကလေးသုံးယောက်(ဝန်ထမ်း)ကို အိမ်ပြန်ပို့ကာ အပေါ်ထပ်တက်၍ သူ့ကလေးနှစ်ဦးကို ဖက်တွယ်လျက် သူ့ကိုယ်သူ တည်ငြိမ်အောင် ကြိုးစားလိုက်သည်။

ပိုင်ရှန်းကျစ်အနေနှင့် ထိုအဖြစ်အပျက်ပြီးသွားပြီဟု ထင်ခဲ့သော်လည်း ဆိုင်တွင်ရှိနေခဲ့သော အမျိုးသမီးစားသုံးသူတစ်ယောက်မှာ သူကြောက်နေသည့်ကြားမှပင် အဖြစ်အပျက်တစ်ခုလုံးကို မှတ်တမ်းတင်ထားခဲ့မည်ဟု မမျှော်လင့်ခဲ့မျပေ။ 

သူမက  ထိုလူကြီးနှင့် ပိုင်ရှန်းကျစ်ကြားက တုံ့ပြန်မှုကိုရိုက်ထားပြီး နောက်ပိုင်းတွင် တင်လိုက်လေသည်။ 

 လူတစ်ယောက်ဓားရမ်း၍ နေ့ခင်းကြောင်တောင်လူများကို ခြိမ်းခြောက်သည့်ဖြစ်ရပ်မှာ နိုင်ငံ၏စိုးရိမ်စရာပင်။ ဓားကိုဆွဲထုတ်ကာ လူများကိုသတ်ရန်ခြိမ်းခြောက်၍ လှုပ်ရှားမှုမယ်မယ်ရရမရှိဘဲ လမ်းသွားလမ်းလာများ နောက်လိုက်သောလူ၏ အဆင်အခြင်မဲ့သော လုပ်ရပ်သည် အထိတ်တလန့်ဖြစ်စေသည်။ 

နှစ်နာရီအတွင်းမှာပင် ထိုဖြစ်ရပ်သည်အွန်လိုင်းတွင် ရေပန်းစားသောခေါင်းစဥ် ဖြစ်လာခဲ့သည်။ 

လူတစ်ယောက်မှာ ဒဏ်ရာအသေးစားသာ ရသွားသော်လည်း ထိုရမ်းကားသူမှာနာရီအနည်းငယ်အကြာတွင် ရဲများဖမ်းဆီးခြင်းခံရသည်။ ဤဖြစ်ရပ်နှင့်ပတ်သက်သည့် အွန်လိုင်းရှိ စိတ်အားထက်သန်မှုများမှာ မြင့်တက်နေလေသည်။ ကိုယ်ရေးကိုယ်တာ မလိုမုန်းတီးမှုထက် စိတ်မငြိမ်မှုကြောင့် ဖြစ်လာသော မဆင်မခြင်တိုက်ခိုက်မှုသည် လူတို့၏လုံခြုံရေးကို ပူပန်လာစေသည်။

 ပိုင်ရှန်းကျစ်ပါဝင်သောဗီဒီယိုတွင် သူ၏တည်ငြိမ်ထိန်းချုပ်သော အမူအရာကိုဖြင့် အတော်လေးငယ်သေးသည့် ကောင်လေးနှစ်ဦးကို ကာကွယ်ပေးနေလေသည်။ ထိုလူရမ်းကား အထဲဝင်ရန်ရည်ရွယ်ချက်ကို သတိပြုမိချိန်တွင်လည်း သူ၏အကြံအဖန်ကောင်းသော စကားများနှင့် နောက်ဆက်တွဲ မြန်ဆန်ပြတ်သားသည့် အပြုအမှုများမှာ အွန်လိုင်း၌ ရုတ်ရုတ်သဲသဲဖြစ်ခြင်းကို အစပျိုးစေသည်။ 

[ဒူးထောက်ပါတယ် ဒီကောင်လေးက တကယ့်အံဖွယ်ပဲ...] 

[ရာဇဝတ်ကောင်ကို တည်တည်ငြိမ်ငြိမ် မျက်နှာချင်းဆိုင်ပြီး ကျောင်းသားနှစ်ယောက်ကို(သူတို့က ကျောင်းသားတွေလား)ကာကွယ်ပေးတာ အရမ်းမိုက်တယ်...သူ့မျက်နှာကို မမြင်ဘဲနဲ့တောင် သူမိုက်တယ်လို့ ခံစားရတယ်...] 

[ဟားဟားဟား...ဘယ်သူ တွေးမိမှာလဲ...ဓားအဝေးကို လွင့်သွားတဲ့ အချိန်တုန်းက ဟိုလူဆိုး တွေဝေသွားတာ...ကောင်လေးလှုပ်ရှားမှုက လျပ်စီးလိုမြန်တယ်...နားလည်ဖို့ နှစ်ခေါက်ပြန် ကြည့်လိုက်ရတယ်...] 

[ဒါနဲ့ပတ်သက်လို့တော့ ငါလည်း ပြန်ကြည့်ခဲ့တာပဲ...ကောင်လေးက လေ့ကျင့်ထားတာလား...သူ့လှုပ်ရှားမှုတွေက မြန်ပြီးတိကျတယ်...ငါလေးစားမိတယ်...] 

[အပေါ်ကမေးခွန်းကို ဖြေရမယ်ဆိုရင် ကျွန်တော်က ကိုယ်ခံပညာကျောင်းဆင်းပါ...ဒီဗီဒီယိုထဲက ညီကိုရဲ့လှုပ်ရှားမှုတွေက မြန်ဆန်တိကျပေမယ့်လည်း စနစ်မကျဘူးလို့ ပြောပါရစေ...ဒါပင်ကိုသဘာဝအရ တိုက်နေတာပါ...နောက်ပြီး တစ်ချို့နေရာတွေမှာ ပိုရိုးရှင်းထိရောက်ပြီးဘေးကင်းတဲ့ အကွက်တွေရှိပေမယ့် သူမသုံးပါဘူး...ဒါကြောင့် သူထရိန်နင်မရှိဘူးဆိုတာ သေချာပါတယ်...] 

[အိုး တကယ်လား...ထရိန်နင်မပါဘဲ ဒီအဆင့်ထိရောက်တာ တကယ်ကို လေးစားစရာပဲ...သူ့ကိုကြည့်နေရုံနဲ့တင် ကျွန်မကိုအံသြစေတယ်...] 

[ဟင့်...ဟင့်...ဒီမောင်ငယ်လေးမှာ ကောင်မလေး လိုသေးလားဟင်...ငါမောင်လေးရဲ့ ကောင်မလေး တကယ် ဖြစ်ချင်လို့ပါ...သူက လုံခြုံတဲ့ အငွေ့အသက် ပေးနိုင်တယ်...] 

[အာ...အာ...အာ...ဒီညီလေးရေ ပျော့ပြီးနူးညံတဲ့ ခြေရာလေးလိုသေးလား...] 

[ဘာလို့ ဒီညီလေးကို မှတ်မိသလို ဖြစ်နေရတာလဲ...] 

[ရင်းနှီးနေသောမျက်နှာ+1] 

[ရင်းနှီးနေသောမျက်နှာ+2] 

[??? လူအများကြီးက သူ့ကိုရင်းနှီးနေတယ် ပြောကြတယ်...ငါကဒီညီလေးနဲ့ အထူးဆက်သွယ်မှု ရှိတယ်ထင်နေတာ...] 

[ငါမှတ်မိပြီ...sမြို့TVရုပ်သံရဲ့ လတ်တလောတိုက်ရိုက်ထုတ်လွှင့်မှုက စားသောက်ဆိုင်ပိုင်ရှင် ညီလေးမဟုတ်လား...(သူအရမ်းချောလို့ရှင်းရှင်းလင်းလင်းမှတ်မိနေတာ)...] 

[တိုက်ရိုက်လွှင့်တာကို ရိုက်ထားတဲ့ဟာကို စစ်ပြီးပြီ..တကယ်သူပဲ...] 

[ဘုရားရေ...ဒီကောင်​လေးက အိမ်မှာဟင်းလည်းချက်ပြီးလက်တွဲဖက်ရဲ့အစာအိမ်ကိုဂရုစိုက်ပေးနိုင်တဲ့အပြင် အပြင်ဘက်မှာလည်း လူဆိုးတွေကိုနှိမ်နှင်းပြီး လက်တွဲဖော်ရဲ့လုံခြုံရေးကို ကာကွယ်နိုင်တယ်....ဘယ်လိုကောင်းလိုက်တဲ့ကောင်လေးတုန်း...ငါလည်းလိုချင်တယ်...] 

[ဒီအစ်ကိုလေးက ဆွဲဆောင်မှု ရှိလိုက်တာ...ငါ မခုခံနိုင်တော့ဘူး...စားသောက်ဆိုင်နေရာလေး ပြောပြကြပါ..ငါ သွားချင်လို့...] 

[သွားချင်တယ်+1...ဒီအစ်ကိုလေးက မခုခံနိုင်လောက်အောင်ပဲ...ချောတယ်၊ စိတ်ထားကောင်းတယ်၊ .သန်မာပြီး ဟင်းချက်နိုင်တယ်...သူကပြီိးပြည့်စုံတဲ့ ရည်စားပုံစံပဲ...] 

အဟုတ်ပင်...အချို့သော အွန်လိုင်းမှတ်ချက်များတွင် ဤဗီဒီယိုအစစ်အမှန်ဖြစ်ကြောင်းနှင့်ပတ်သက်၍ လူတချို့က သံသယရှိလာကြသည်။ နောက်ဆုံးတွင် ဗီဒီယိုထဲရှိလူငယ်လေးမှာ ရုပ်ချောကာ ယခုခေတ်ရုပ်ချောသူများမှာ ကျော်ကြားမှုအတွက် စိတ်အားထက်သန်ကြသည်။ ဤဗီဒီယိုမှာ အတုဖြစ်နိုင်ကာ ကိုယ်ကိုယ်ကိုယ်ကျော်ကြားမှု တိုးမြှင့်သည့် ဗီဒီယိုဖြစ်နိုင်သည်။ 

ဤသံသယများ ပေါ်ထွက်လာသည်နှင့်အမျှ လူများက ပိုပို၍ ဖြစ်နိုင်ချေကို တွေးတောလာကြသည်။ အချို့မှာ ပိုင်ရှန်းကျစ်ကိုပင် ဝေဖန်လာကြသည်။ အွန်လိုင်းထင်မြင်ချက်များ၏ မပြောင်းလဲသော ကမ္ဘာကြီးတွင် ဖန်သားပြင်နောက်ရှိလူများ အရေခွံခြုံကာ မလိုတမာအတွေး များဖော်ထုတ်လာကြသည်။

သိမ်မွေ့ယဥ်ကျေးသော ဘေးအိမ်ကဦးလေးကြီးနှင့် အပေါ်ထပ်ရှိအန်တီကြီးမှာ တံခါးပိတ်၍ ကီးဘုတ်ကို ကောက်ကိုင်လိုက်သည်နှင့် အမူအကျင့်များ လုံးဝပြောင်းလဲသွားတော့သည်။ သူတို့၏ မျက်နှာချင်းဆိုင် မဖော်ပြရဲသော အဆိုးမြင်ခံစားချက်နှင့် ဖိအားများမှာအင်တာနက်ပေါ်တွင် ပွင့်ထွက်လာကြသည်။ နောက်ဆုံးတွင် နာကျင်စေသောစကားများ ပွင့်ထွက်လာကာ အခြားသူများကို ထိခိုက်စေသည်ဆိုလျှင်ပင် ဒေါသများပုံချကာ ဖိအားကိုလျော့သည်ထက် ဘာကများ ပိုကောင်းဦးမည်လဲ... 

ဖန်သားပြင်နောက်မှ ပုတ်ခတ်မှု၊အတင်းစကားများနှင့် အသေရေဖျက်မှုများသည် တာဝန်ယူမှု မရှိကြသည်က အရေးကြီးဆုံးအချက်ဖြစ်သည်။ အချိန်အများစုတွင် ဤလူများကပြသနာကို မယ်မယ်ရရ ရင်ဆိုင်လေ့မရှိပေ။ အွန်လိုင်းနှင့်လက်တွေ့ကမ္ဘာတွင် အချို့သောကိစ္စရပ်များမှ မကျေနပ်ချက်နှင့်လက်မခံနိုင်မှုများ စုပုံကာသူတို့ကို ချိန်ကိုက်ဗုံးများ ဖြစ်စေခဲ့သည်။ သူတို့ကိုဖိအားပေါင်းဖိုထဲတွင် ချိတ်ပိတ်ထားသကဲ့သို့ အပူချိန်အနည်းငယ်နှင့်ပင် ပေါက်ကွဲအား ပြင်းထန်လှသည်။ 

... 

ဗီဒီယိုထဲရှိပိုင်ရှန်းကျစ်မှာ ဤအခြေအနေ၏ နစ်နာသူဖြစ်သည်ကား မလွဲပေ။ လူအများစုမှာ သူ့ကိုအရှက်မရှိဟု ဝေဖန်ကြကာ အခြေအနေကိုအခွင့်ကောင်းယူသူအဖြစ် စွပ်စွဲလျက် သူသည် အတန်းရှင်းရှာသူသက်သက်ဟု ပြောကြ၏။ ဗီဒီယိုရှိလှုပ်ရှားမှုတိုင်းကို ထိရောက်၍ ပုံကြီးချဲ့စေရန် မိန်းမလိုမိန်းမရလုပ်ထားသည်ဟုပင် ပြောဆိုလာသည်။ထို့ပြင် နာမည်ကြီးစေရုံသက်သက်ဖြင့် သူနှင့်ရာဇဝတ်သား ပေါင်းကြံသည်ဟုပင် သံသယများရှိလာသည်။ 

ဘာလို့ ဘယ်သူမှမသေလဲ... ဘာလို့ တစ်ယောက်တည်းကပဲ ဒဏ်ရာလေးရသွားတာလဲ.. 

အွန်လိုင်းပေါ်ရှိ အခြေအနေနှင့်ပတ်သက်၍ ပိုင်ရှန်းကျစ်အကူအညီမဲ့နေပေပြီ..

..ဤဗီဒီယို ချက်ချင်း ရေပန်းစားသွားသည်ကိုမြင်သည့် အမျိုးသမီးစားသုံးသူကလည်း ပိုင်ရှန်းကျစ်ကို တောင်းပန်လာသည်။ သူမက သူငယ်ချင်းများနှင့် ဆိုရှယ်အသိုင်းအဝိုင်းတွင် မျှဝေရန်ရည်ရွယ်၍ အခြားပလက်ဖောင်းများတွင် တင်ရန်ရည်ရွယ်ချက်မရှိပေဟု ပြောသည်။ သို့သော် သိသာစွာ သူမ သူငယ်ချင်းများက အခြားပလက်ဖောင်းများတွင် မျှဝေ၍ ဤအခြေအနေကို ဦးတည်စေခဲ့သည်။

ပိုင်ရှန်းကျစ် ဘာများ လုပ်နိုင်ဦးမည်လဲ...

အမှန်ပင် သူနောက်ထပ် ထိုနေရာတွင်ရှိမည်မဟုတ်၍ ခွင့်လွှတ်ဖို့ ရွေးချယ်လိုက်သည်။ သူ၏ပုံရိပ်ကို ထိခိုက်စေသည့်အတွက် စားသုံးသူကို တရားစွဲမည်လား...

အဓိကအချက်သည် သူတို့တွင် ထိခိုက်လိုသော ရည်ရွယ်ချက်မရှိပေ။ သူတို့ ဤဖြစ်စဥ်ကို မမျှော်လင့်ခဲ့ပေ။ 

သက်ပြင်းချကာ ပိုင်ရှန်းကျစ် မှန်ထဲရှိသူ့ပုံရိပ်ကို ကြည့်လိုက်ပြီး လက်မောင်းမြှောက်လိုက်၏။...

သူတကယ်ပင် မိန်းမဆန်နေသည်လား...

သူဘယ်လောက်ပင် ကြည့်ပါစေ ထိုသို့ ဖြစ်ပုံမရပေ။ 

ထိုသူတွေမှာ ဘယ်လိုအမြင်မျိုး ရှိနေကြတာလဲ... 

ကံကောင်းသည်က နောက်တစ်နေ့မနက်တွင် sမြို့ရဲစခန်းသည် ပိုင်ရှန်းကျစ်၏ ရာဇဝတ်သားနှင့် ပြောင်မြောက်သော ထိပ်တိုက်တွေ့မှုကို အောက်ပါစာသားဖြင့် တင်လိုက်သည်။

[ဒီဖြစ်ရပ်မှာ mr.ပိုင်ရဲ့ ရဲရင့်တဲ့လုပ်ဆောင်မှုအတွက် ကျေးဇူးတင်ပါတယ်...sမြို့ရဲတွေက mr.ပိုင်ကို လူစွမ်းကောင်း အလံလေး ပေးအပ်သွားပါ့မယ်//....] 

ရဲသားများ၏ စာထွက်လာသည်နှင့် အွန်လိုင်းဝေဖန်သူတို့၏ ပါးစပ်များပိတ်သွားသည်။ သူတို့ဘာပြောနိုင်မည်လဲ...ရဲဘက်က ထုတ်လာမှတော့ ဘယ်လိုအတု ဖြစ်နိုင်ပါ့မလဲ... 

ယခုအချိန်၌ ဗီဒီယိုကို အင်တာနက်တွင် ထောက်ခံသူများမှာ သူတို့ခေါင်းကိုမြင့်မြင့် မော်ထားနိုင်ကြပေပြီ။ အရင်က အားရဝမ်းသာအပြစ်ပြောကြသူတို့မှာ လေသံပြောင်းကုန်၏။ 

ယခု ထောက်ခံသူများက သူတို့ကို တောင်းပန်ခိုင်းနေကြသည်။ သူတို့က သူ့(ပိုင်ရှန်းကျစ်)ကို ပုတ်ခတ်ပြောဆိုရာ၌ တုံ့ဆိုင်းမနေပါချေ။ ယခုမူကား ခိုင်မာသည့်သက်သေများကြောင့် သူတို့အရင်မှတ်ချက်များအတွက်တောင်းပန်ရပေမည်... 

.... 

ယွီရှင်းမှာ မျက်နှာချောချော(လူချော)လေးများ၏ ပရိတ်သတ်ပင်။ 

sမြို့တော်TVပွဲဦးထွက်အပိုင်း၏ တိုက်ရိုက်ထုတ်လွှင့်မှုတွင် လူချောလေးကို တစ်စွန်းတစ်စမြင်ပြီးနောက် သူမဆွဲဆောင်ခံလိုက်ရသည်။ ssများကိုအားပြုကာ သူမ ထိုအစ်ကိုလေးအတွက် အင်တာနက်တစ်ခွင်တွင် လှန်လှောရှာဖွေရာမှ သူက အစားအသောက် တင်ဆက်သူဖြစ်ဖူးကြောင်း အံ့အားသင့်ဖွယ် တွေ့ရှိလိုက်ရသည်။ သူမ ပိုင်ရှန်းကျစ်၏ တိုက်ရိုက်ထုတ်လွှင့်မှု မှတ်တမ်းအားလုံးကို ကြည့်လိုက်သည်။ သူမကြည့်လေလေ သူမရွှေတွင်းတူးမိသလို ခံစားရလေလေပင်။ သူသည် ကြည့်ကောင်း သိမ်မွေ့ကာ သူချက်သည့် အစားအသောက်သည်ပင် အလွန်အရသာရှိပုံပေါ်သည်။ သူမ သူ၏ စားသောက် ဆိုင်သို့ သေချာပေါက် သွားရောက်လည်ပတ်ရပေမည်။ 

မှတ်တမ်းများကိုကြည့်ပြီးချိန်တွင် အိုင်ဒေါတစ်ဦးနောက် လိုက်ရသည်က မည်မျှရင်ဖိုဖွယ်ကောင်းကြောင်း နားလည်သွားတော့သည်။ ထိုအရာကား စိတ်လှုပ်ရှားသည်ဆိုသည်ထက် ပိုပေသည်။ သူမ၏ ကောကောလေးက သာမန်စားသောက်ဆိုင်ပိုင်ရှင်ဘဝမှ ကောင်းမွန်သော ဟင်းများချက်တတ်သည့် ထက်မြက်ကျွမ်းကျင်သော လူဆိုးတိုက်ခိုက်သူအဖြစ် တစ်ခေါက်ပြီး တစ်ခေါက် အံ့သြသင့်စေသည်ကို မြင်ရသည်က သူမနှလုံးသားလေး ဝဲပျံလုမတတ် ရိုလာကိုစလာစီးနေရသလိုပင်။ 

ထိုအစ်ကိုငယ်လေးမှာ သူမနှင့်တစ်မြို့တွင်း နေထိုင်သည်ကိုသိပြီးနောက် ယွီရှင်း အငြိမ်ထိုင်မနေနိုင်တော့ပေ။ သူအနားရသည်နှင့် အစ်ကိုချောလေး၏ စားသောက်ဆိုင် သုံးထောင်စားတော်ဆက်ထံ သူမအပြေးသွားသည်။ 

ဆိုင်တံခါးရှေ့ ရောက်ပြီးနောက် သူမကြက်သေသေသွားရသည်။ လူတန်းရှည်ကြီး တန်းစီနေသည်က မီတာဆယ်ကျော်သည်။ 

စားသောက်ဆိုင်က လူပြည့်နေသည်။ သူမ စိတ်ပျက်စွာနှင့် လူတန်း နောက်ဆုံးတွင် တန်းစီလိုက်သည်။ သူမ နောက်ကျမှ လာမိပုံရသည်။ သူမ ပိတ်ရက်ထိမစောင့်ဘဲ ချက်ချင်း ထွက်လာခဲ့သင့်သည်။ 

ဤအချိန်တွင် ဆိုင်တွင်းရှိပိုင်ရှန်းကျစ်မှာ အင်တာနက်ပေါ်ရှိ အတင်းစကားများ၏ သက်ရောက်မခံရပေ။ ထိုနေ့လယ်တွင် ဝူထုန်ရိပ်သာရဲစခန်းမှ သူ့ကို "သတ္တိ၊တည်ကြည်မှုတို့ဖြင့်လုပ်ဆောင်သည်" ဟူသော စာတန်းကိုဆောင်သည့် အလံဖြင့် ကိုယ်စားပြု ချီးမြှင့်ခဲ့သည်။ ပိုင်ရှန်းကျစ် ဝင်ပေါက် မျက်နှာချင်းဆိုင်တွင် အလံကို ဆွဲထားလိုက်သည်။ အွန်လိုင်း အပြစ်ပြောသူများကို တိတ်စေရန် အပြည့်စုံဆုံးသောနည်းပင်။ 

ထို့ပြင် ရဲများက စဥ်းစားကာဖြင့် အလံနှင့်ပိုင်ရှန်းကျစ်ပုံကို တရားဝင်အကောင့်တွင် တင်ပေးလိုက်၏။ ယခု ပိုင်ရှန်းကျစ်၏ ရဲစွမ်းသတ္တိရှိစွာလုပ်ဆောင်မှုကို အတည်ပြုလိုက်ရာ အွန်လိုင်းပေါ်တွင် ဆန့်ကျင့်ဘက်ရွေးချယ်မည့်သူ ရှိမည်မဟုတ်တော့ပေ။ 

ဤအဖြစ်အပျက်ပြီးနောက် သူသည် သက်ရောက် မခံရရုံသာမက သူ၏ဆိုင်သုံးထောင်စားတော်ဆက်မှာလည်း စီးပွားရေးတဟုန်ထိုး တက်လာတော့သည်။ သုံးယောက်သာ အလုပ်လုပ်နေသည်ဟူသည့် အချက်ကြောင့်သူတို့မှာ မနိုင်ဝန်ထမ်းနေရသည်။ လီရိအမေ အန်တီဝမ်လည်း လာကူသည်။ လီရိရည်းစားပြန်သွားသည်ကိုသာသူစိတ်သက်သာရာရမိသည်။ မဟုတ်ပါကသူတို့နှစ်ယောက်ဆက်ဆံပုံကို အန်တီဝမ်မြင်ကာ နှစ်ယောက်ကြားတစ်ခခုခုမှားနေသည်ကို သတိထားမိနိုင်ပေသည်။ 

တဟုန်ထိုးတတ်လာသော စီးပွားရေးမှာ ပိုင်ရှန်းကျစ်ကို အလွန်အလုပ်များစေသည်။ သတင်းကောင်းမှာ လူများအလုပ်နေရာအတွက် လာရောက်လျောက်ထားကြခြင်းပင်။

လူတစ်ချို့ရောက်လာကာ ဆိုင်ကိုပျားပန်းခတ်စေသောကြောင့် ပိုင်ရှန်းကျစ်က စာပွဲထိုးသုံးဦး၊ပန်းကန်ဆေးနှစ်ဦးနှင့်အလုပ်သင်နှစ်ဦးကိုခေါ်လိုက်သည်။ ၎င်းက သိသိသာသာ အလုပ်ဝန်ကို လျော့သွားစေသကဲ့သို့ အန်တီဝမ်ကိုလည်း မာကျောက်ဝိုင်းကို တစ်ဖန်ပြန်စေနိုင်သည်။ 

အရေးအကြီးဆုံးမှာ ဟွားကော်ရှိ သုံးထောင်စားတော်ဆက်သည် နောက်ဆုံး၌ သင့်တော်သော အချိုးအကွေ့ကိုစတင်ပြောင်းလဲနေချေပြီ။

🥘