Chapter 35

💙Chapter 35 - စက်ရုံတည်ဆောက်ခြင်း။

 ဇူလိုင်လနှင့်သြဂုတ်လအတွင်းတွင် ဖူချမ် ရှိ စက်ရုံအလုပ်သမားအများအပြား အလုပ်ထုတ်ခံခဲ့ရသည်။ အကြီးဆုံးယောက်ဖ ဝူလျန့်လည်း မကြာခင် အလုပ် အထုတ်ခံရဖွယ်ရှိသည်။

ဖူချမ်မှာ စီးပွားရေးလုပ်နေသည့် ဈေးဆိုင်များနှင့် ဈေးသည်ပိုများလာသည်။အလုပ်ဖြုတ်ခံရခြင်း၏ အကျိုးသက်ရောက်မှုကြောင့် ရွှယ်လီလီ အချိုရည်များရောင်းချမှုမှာလည်း ကျဆင်းသွားခဲ့သည်။

ဩဂုတ်လလယ်တွင် ယောက်ဖဖြစ်သူ ဝူလျန့်သည် ဝမ်လီချမ်နှင့် စကားပြောခဲ့သည်။

 "လီချမ် ငါ အလုပ်ထုတ်ခံရတော့မယ်၊ ဘာလုပ်ရမလဲ"  

အလုပ်ထုတ်ခံရသည့် အလုပ်သမား အရေအတွက်က များလွန်း၍ စက်ရုံမှာရှိသည့် အလုပ်သမားများ အားလုံး လန့်နေကြသည်။

 “ယောက်ဖ စက်ရုံရဲ့ လက်ရှိအခြေအနေက ဘယ်လိုလဲ”  

၁၉၉၆ ခုနှစ်တွင် ရာထူးမှ ထုတ်ပယ်ခြင်းများ ပေါ်ပေါက်ခဲ့သည်။ ထိုအချိန်က နိုင်ငံတစ်ဝှမ်းရှိ လူများ အလုပ်မှ ထုတ်ပယ်ခြင်း ခံခဲ့ရသည်။ နောက်ထပ်လေးနှစ်ကျန်သေးသည်။

 "ဒီနှစ်တွေအကုန်လုံး စက်ရုံက ပိုက်ဆံ အရှုံးပေါ်နေတယ်၊ မနှစ်တုန်းက စက်အသစ်တွေ ရောက်ခဲ့ပေမယ့် အသစ်ထွက်လာတဲ့ ဘီစကွတ်နဲ့ သကြားလုံးတွေကို မရောင်းရဘူး၊ စက်ရုံက ဖိအားတွေ အရမ်းကြီးနေတယ်"

 ယခုတကြိမ် အလုပ်ထုတ်ခံရသော အလုပ်သမားများအားလုံးသည် လုပ်ငန်းအတွေ့အကြုံနည်းပါးသူများဖြစ်သည်။ နောက်တစ်ကြိမ် အလုပ်ထုတ်ခံရလျှင် သူ့အလှည့်ရောက်လိမ့်မည်ဖြစ်၏။

"စိတ်ပိုင်းဆိုင်ရာ ဝန်ထုပ်ဝန်ပိုးတစ်ခုမှ မရှိပါစေနဲ့၊စိတ်ကိုလျှော့ထားတော့"  

သည်တစ်ခါ လူအများကြီး အလုပ်ထုတ်ခံရခြင်းဖြစ်ပြီး ဘယ်သူမှ ခဏလောက်လေးတင် အလုပ်ထုတ်ခံရမှာ မဟုတ်ပေ။

ဝူလျန့် ထွက်သွားပြီးနောက် ဝမ်လီချမ်သည် စက်ရုံအလုပ်သမားများ အလုပ်ဖြုတ်ခံရခြင်းအကြောင်း စဉ်းစားနေခဲ့သည်။ အချိန်က စောနေတာလား၊ ဒါမှမဟုတ် အစကတည်း ဒီအချိန်ပဲလား။

 1996 ခုနှစ်တွင် အလုပ်ဖြုတ်ခံရခြင်းမှာ တရုတ်ကွန်မြူနစ်ပါတီ၏ 14 ကြိမ်မြောက် အမျိုးသားကွန်ဂရက်အပြီး၌ စျေးကွက်စီးပွားရေးကို အကောင်အထည်ဖော်ခြင်းကြောင့်ဖြစ်သည်။ထိုနိုင်ငံပိုင် စီးပွားရေး စက်ရုံများသည် အမှာစာ မရှိသောကြောင့် ဒေဝါလီခံကာ စက်ရုံများကို ရောင်းချရန်သာ ရွေးချယ်နိုင်ခဲ့သည်။

14 ကြိမ်မြောက် တရုတ်ကွန်မြူနစ်ပါတီ အမျိုးသားကွန်ဂရက်အပြီး သိပ်မကြာခင်မှာပင်။ ဝမ်လီချမ်သည် ဤစက်ရုံများက သူလုပ်ကိုင်ခဲ့ဖူးသော ချည်ထိုးစက်ရုံများနှင့် အတူတူပင်ဖြစ်နိုင်သည်ဟု ခံစားရသည်။မကြာသေးမီနှစ်များအတွင်း လုပ်ငန်းမကောင်းတော့ပေ။ယခုနှစ် အမျိုးသားမူဝါဒကို မိတ်ဆက်ခြင်းသည် ချို့ယွင်းချက်များကို ကြိုတင်ဖော်ထုတ်ထားပြီး ယာယီပြဿနာများကို ဖြေရှင်းရန်အတွက် ဝန်ထမ်းများကို အလုပ်မှထုတ်ပစ်ခြင်းဖြစ်သည်။

 အလုပ်ထုတ်ခံရခြင်းများသည် အလုပ်သမားများကိုသာမက စတိုးဆိုင်ရှိ လုပ်ငန်းကိုပါ ထိခိုက်ခဲ့သည်။ လွန်ခဲ့သည့်နှစ်တွင် စက်ရုံမှ အလုပ်သမားများအား အားလပ်ရက် လက်ဆောင်များ ရောင်းချပေးခြင်းဖြင့် ဆိုင်၏ငွေအများစုကို ရရှိခဲ့သည်။

 ဤကာလအတွင်း စက်ရုံအလုပ်ရုံ မှ အလုပ်သမားအများအပြား အလုပ်ထုတ်ခံခဲ့ရသည်။ အလုပ်ထုတ်ခံရသည့် အလုပ်သမားများသော စက်ရုံက စွမ်းဆောင်ရည် ညံ့ဖျင်းမှန်းသိသာသည်။ စက်ရုံက အမြတ်အစွန်းသိပ်မရှိဘူး၊ဆိုတော့ အလုပ်သမားတွေကို သက်သာချောင်ချိရေးနဲ့ လက်ဆောင်တွေ ပေးတာမျိုး ရှိလာနိုင်ပါ့မလား။

 အလုပ်သမားများ အထိတ်တလန့်ဖြစ်ကာ အနာဂတ်တွင် အစီအစဉ်များချမှတ်နိုင်ရန် အဝတ်အစားများပါ ဝယ်မဝတ်ကြတော့။ဖိအားများကို သက်သာရာရစေမည့် နည်းလမ်းသစ်ကို ရှာတွေ့မှသာ ဤအ‌ေခြအနေမှ လွတ်မြောက်နိုင်မည်ဖြစ်သည်။ 

 ဤအကြောင်းများကို ပေါင်းစပ်လိုက်ခြင်းဖြင့် စတိုးဆိုင်ရှိ လုပ်ငန်းသည် ပို၍ပို၍ ခက်ခဲလာမည်ကို ဝမ်လီချမ် ကြိုမြင်သောကြောင့် သူ့ယောက်ဖကို ကတိမပေးခဲ့ပေ။

 ထွက်လမ်းတစ်ခု၊ နည်းလမ်းရှာရမယ်၊ နည်းလမ်းရှာရမယ်။

 ရက်အနည်းငယ်ကြာပြီးနောက်တွင် အကြီးဆုံး ယောက်ဖဖြစ်သူက ဝမ်လီချမ် ကို ထပ်မံတွေ့ရှိရန် ရောက်ရှိလာခဲ့သည်။ သူတို့စက်ရုံမှာဖြစ်နေသည့်ကိစ္စများအကြောင်းပြောပြီး သူ့အနာဂတ်အတွက် စိုးရိမ်နေရှာသည်။ ညီအစ်မ သုံးယောက်အနက် အကြီးဆုံးသားမှာ ကလေးနှစ်ယောက်ရှိပြီး ဝန်ထုပ်ဝန်ပိုး အလေးဆုံးဖြစ်သည်။ အစ်မကြီး၏ အခက်အခဲကို သူသိသည်။

 "လီချမ်၊ ငါတို့စက်ရုံက အခြေအနေမဟန်တော့ဘူး၊ စက်အသစ်ကို မနှစ်က မိတ်ဆက်တယ်၊ နောက်ဆုံး စက်ရုံရောင်းမယ်လို့ သူတို့ဆီက ကြားတယ်၊ ငါတို့လည်း စက်ရုံထဲဝင်တာ တစ်နှစ်ရှိပြီ၊ ဘီစကွတ်နဲ့ သကြားလုံးတွေ တစ်ခါမှ မရောင်းရသေးဘူး၊ စက်ကလည်းအသစ်စက်စက်နီးပါးပဲ"

 စက်အသစ်လား? 

ယောက်ဖ၏စက်ရုံသည် စားသောက်ကုန်စက်ရုံဖြစ်သည်။ အစားအသောက်ဈေးကွက်ရှိရမည်။ အရသာရှိနေသရွေ့၊ ဘယ်သူမှ မဝယ်မှာကို ကြောက်စရာမလိုပေ။ သို့သော် မကြာသေးမီနှစ်များအတွင်း စားသောက်ကုန်လုပ်ငန်းသည် ခက်ခဲလာခဲ့၏။  

"စက်ရုံမှာ ရောင်းတဲ့ စက်က ဘယ်လို စည်သွပ်ဗူးမျိုးလုပ်တာလဲ"  

ဖူချမ်တွင် လိမ္မော်သီးအများအပြားစိုက်ပျိုးကြ၍ မြို့၏စားသောက်ကုန်စက်ရုံသည် စည်သွတ်လိမ္မော်သီးများကိုအထူးပြုလုပ်သည်။ ပြီးခဲ့သော အကြိမ်က၊ ဝမ်လီချမ်၏ ယောက္ခမသည် စက်အသစ်နှင့် ထုတ်ကုန်အသစ်ကို သူ့အား ပြောပြသော်လည်း ဂရုမစိုက်ပေ။

"စည်သွတ်ဘူးလုပ်တဲ့စက်က ရောင်းလို့မရဘူး၊စက်ရုံက စည်သွတ်အစားအစာကနေ ပိုက်ဆံရှာနေရတာလေ၊ ဘီစကွတ်နဲ့ သကြားလုံးလုပ်တဲ့ စက်တွေပဲ ‌ ရောင်းနိုင်မယ်"  

ဘီစကွတ်နှင့် သကြားလုံးများကို သူ ယခင်တစ်ခါက ဆိုင်မှာတင်ထားခဲ့သည်။သို့သော် အသုတ်လိုက်ထုတ်လုပ်ထားသော ကွတ်ကီးများအားလုံး သက်တမ်းကုန်သွားပြီဖြစ်သည်။ တရုတ်နှစ်သစ်ကူးတုန်းက သကြားလုံးတချို့ ရောင်းခဲ့ရသော်လည်း ယခု ရာသီဥတုက ပူတော့ ရောင်းလို့မရတော့ပေ။ ဂိုဒေါင်ရှိ သကြားလုံးအချို့လည်း အရည်ပျော်နေပြီဖြစ်၏။

 "ဘီစကွတ်နဲ့ သကြားလုံးတွေ ထုတ်လုပ်တဲ့ စက်တွေရဲ့ ဈေးနှုန်းက ဘယ်လောက်လဲ၊ အဲဒါတွေက အသစ်နီးပါးမဟုတ်လား"  

ဘီစကွတ်နှင့် သကြားလုံးများအတွက် စျေးကွက်ရှိသင့်သည်။ အနည်းဆုံးတော့ အနာဂတ်မှာ စည်သွပ် အစားအစာ စျေးကွက် ရှိလာမည်ဖြစ်သည်။ ရင်းနှီးမြုပ်နှံစရိတ် ကြီးကြီးမားမားမရှိလျှင် သူ အရင်လုပ်ကြည့်ရမည်။ငွေမဆုံးရှုံးသရွေ့ နိုင်ငံ၏ စီးပွားရေးအခြေအနေ ကောင်းလာသည့်အခါ ငွေရှာနိုင်မှာဖြစ်သည်။

 "ဒီအကြောင်းတော့ ငါလည်း မသိဘူး"  

သူသည် သယ်ယူပို့ဆောင်ရေးအလုပ်သမားတစ်ဦးဖြစ်ပြီး ဤကိစ္စနှင့်ပတ်သက်၍ မသိပေ။ 

 "အစ်ကို ကျေးဇူးပြုပြီး စျေးနှုန်းကို သိပါရစေ၊ သကြားလုံးစက်နဲ့ ဘီစကစ်စက်တစ်လုံးရဲ့ ဈေးနှုန်းက ဘယ်လောက်လဲ၊ ပြီးတော့ အစ်ကို့စက်ရုံက ဘီစကွတ်နဲ့ သကြားလုံးတချို့လည်း နမူနာ ယူလာပေးလို့ ရပါတယ်"  

အရသာက ကောင်းမကောင်းကို ထုတ်ကုန်ကိုမြင်ပြီး မြည်းကြည့်လိုက်သည်နှင့် သိလာလိမ့်မည်ဖြစ်သည်။

 "လီချမ်၊ မင်း စက်ဝယ်ချင်လို့လား"

 "အင်း ဝယ်ချင်တယ်၊ အစ်ကို့မှာ အကြံတစ်ခုရရင် ကျွန်တော် သိအောင် ကူညီပေးပါဦး။" 

သည်တစ်ခါတော့ အသေးစိတ်နားလည်အောင် အရင်လုပ်ရမည်။ ပြီးခဲ့သည့် အကြိမ်တုန်းက မြို့တော်ကို သွားတုန်းကလောက် စိတ်မြန်၍ မရပေ။

 "လီချမ် မင်း သိပါတယ်၊ ဘီစကွတ်နဲ့ သကြားလုံးတွေကို လုံးဝရောင်းလို့မရဘူးဆိုတာ"  

ကြီးမားသည့် စက်ရုံကတောင် ဘာမှ ရောင်းမထုတ်နိုင်ဘဲ ဝမ်လီချမ်လို ဆိုင်သေးသေးလေးက လုပ်ချင်နေသေးသည်။ထို့အပြင် စက်တစ်လုံးဝယ်ဖို့ ငွေအများကြီးသည်။သူတို့စက်ရုံလို ရောင်းမထွက်နိုင်လျှင် ယောက္ခမနှင့် ချွန်းမေက သူ့ကို သေသည်အထိ အပြစ်တင်နေမှာပင်။

"ရပါတယ်၊ ကျွန်တော် သိပါတယ်၊ အစ်ကို ကျွန်တော့်ကိုအရင်မေးလို့ရတယ်၊ ဝယ်မလား မဝယ်ဘူးလားဆိုတာ ကျွန်တော် ပြောမယ်"  

ဤလုပ်ငန်းကို သူ တစ်ခါမှ နားမလည်ပေ။ စက်ကို တကယ်ဝယ်ချင်လျှင် သူကိုယ်တိုင် စက်ရုံစလုပ်မည်။သိဖို့လိုအပ်သော ကိစ္စများစွာ ရှိပါသေးသည်။ နယ်ပယ်အစိမ်းဖြစ်၍ သတိထားရပါမည်။

ဝမ်လီချမ်သည် သူ့ကိုယ်ပိုင်စက်ရုံဖွင့်ရန် စဉ်းစားနေချိန်တွင် ရှောင်ဟုန်ယန်၏ အားလပ်ရက် ပြီးဆုံးသွားခဲ့သည်။

 ကျောင်းပြန်စဖွင့်သောအခါတွင် သူမသည် တတိယတန်း တရုတ်စာကို သင်ကြားရမည်ဖြစ်သည်။ သူမသည် ဤရက်အနည်းငယ်အတွင်း စတိုးဆိုင်မှာ သင်ခန်းစာများပြင်ဆင်နေခဲ့သည်။သူမ အထပ်ထပ်အခါခါ ရွတ်ဖတ်နေသည်ကို ဝမ်လီချမ် ကြားနေရသည်။ဤသည်က ရှောင်ဟုန်ယန် သင်ခန်းစာအတွက် ပြင်ဆင်နေခြင်းကို သူ ပထမဆုံးအကြိမ်မြင်ဖူးခြင်းဖြစ်သည်။

ယခင်က ရှောင်ဟုန်ယန်သည် ကျောင်းမှာသာ သင်ခန်းစာပြင်ဆင်လေ့ရှိပြီး ကျောင်းမစခင်ဆိုလျှင်လည်း သူမ၏ အိမ်မှာပဲ သင်ခန်းစာ ပြင်ဆင်ခဲ့သည်။

 များသောအားဖြင့် ဒေသိယစကားဖြင့် ပြောဆိုဆက်ဆံကြသည်။ လန်ကျိုးတွင်ရှိသော ဒေသိယစကားများသည် ဆင်တူသည်။ ကျန်းချမ်သည် ဖူချမ် နှင့်မဝေးသဖြင့် လေယူလေသိမ်းများက ပို၍ပင်ဆင်တူသည်။ထို့ကြောင့် ဝမ်ရှီသည် ဝမ်လီချမ် ဖြစ်လာပြီးနောက်တွင် အချင်းချင်း ဆက်သွယ်ရန် ဖိအားများမရှိဘဲ ဝမ်လီချမ် ပြောင်းလဲသွားသည်ကို မည်သူမျှ မတွေ့ရှိရပေ။

ဝမ်လီချမ်သည် ရှောင်ဟုန်ယန် မန်ဒရင်းစကား ပြောသည်ကို မကြားဖူးပေ။ယနေ့ သူမ စာဖတ်သည်ကို နားထောင်လိုက်သည့်အခါ သူမ၏ လေယူလေသိမ်းက နှေးကွေးလေးလံပြီး တချို့စကားလုံးတွေက စံနှုန်းမမှီပေ။ သူမသည် တရုတ်ဆရာမတစ်ဦးဖြစ်သော်လည်း အခြားဆရာများက မန်ဒရင်းစကားပင် မပြောတတ်ပေ။

ဘာလို့လဲ။ သူ့မိန်းမက ကျောင်းဆရာမ ဖြစ်ဖို့ တကယ်ကို မမျှော်လင့်ထားဘူးနဲ့တူတယ်။ ရှောင်ဟုန်ယန် တရုတ်ဘာသာစကား သင်ကြားခြင်းသည် အနည်းငယ်လွဲမှားသည်ဟု သူ ခံစားရသည်။

အငယ်တန်းများအား သင်သော တရုတ်ဆရာများသည် စံပြ မန်ဒရင်း စကားမျိုးတတ်ရမည် ဟု သူထင်သည်။ ပထမတန်းသည် ဉာဏ်အလင်း ပေါက်သောအရွယ်ဖြစ်သည်။ ဟန်ယွီပျင်ရင်ကို ပထမတန်းတွင် သင်ယူရသည်။ ပထမတန်းမှာ မြန်မာဘာသာစကားကို ကောင်းကောင်းမလေ့လာလျှင် နောက်ပိုင်းမှာ ပြင်ရခက်လိမ့်မည်။

ဖူချမ် မှာရှိသည့် ကျောင်းသားများအတွက် သူ ရှောင်ဟုန်ယန် ကို ရာထူးကနေ နှုတ်ထွက်ဖို့ တိုက်တွန်းချင်မိသည်။ ရှောင်ဟုန်ယန်က နိုင်ငံရေးဘက်ကို မပြောင်းခင် ရာထူးက နုတ်ထွက်မှာလား။ စာသင်ပြီးရင် နိုင်ငံရေးထဲ ဘယ်လိုဝင်ခွင့်ရမလဲ။

ရှောင်ဟုန်ယန်အား ရာထူးမှ နုတ်ထွက်ရန် တောင်းဆိုခြင်းသည် စိတ်ကူးတစ်ခုသာဖြစသည်။ သူ အလုပ်ထွက်လိုက်တာတောင် ဖိအားအများကြီး ခံစားရသည်။ အလုပ်သမား နှစ်ယောက်ကိုလည်း လစာတိုးပေးထားရသည်။ တွေးကြည့်လျှင် ခေါင်းကိုက်လာရ၏။

ယခုနှစ်မှာတော့ ဝူလျန့်က သူ့သားနှင့်သမီးကို ကျောင်းစအပ်ဖို့ ခေါ်သွားသည်။ လက်မှတ်ထိုးပြီးသည်နှင့် ကလေးများကို အဖွားဖြစ်သူ၏အိမ်ဆီ ခေါ်သွားပေး၏။ယနေ့ သူ့ယောက်ဖ ဝမ်လီချမ်အား စားသောက်ကုန်စက်ရုံကို ခေါ်သွားရမည်ဖြစ်သည်။

 စက်၏ စျေးနှုန်းကိုမေးမြန်းခဲ့ကြည့်ရာ 20,000 ဖြစ်ပြီး မနှစ်က ဝယ်ထားခြင်းဖြစ်သည်။

ဝမ်လီချမ်သည် ဘီစကွတ်များနှင့် သကြားလုံးများ၏ အရသာကို မြည်းစမ်းထားပြီးဖြစ်ပြီး၊ ၎င်းတို့သည် စျေးကွက်တွင် ရောင်းချသည့်ပုံစံနှင့် ဆင်တူနေကာ ဈေးနှုန်းမှာလည်း သင့်တင့်နေသည်။

သူ့လက်ထဲမှာရှိသည့် ပိုက်ဆံက စက်ဝယ်ဖို့ လုံလောက်သော်လည်း၊ ဆုံးဖြတ်ချက်မချခင် စက်ကို မြင်ချင်နေသေးတာကြောင့်ပင်။

သူသည် စက်ရုံဆောက်နည်းကို မသိရုံသာမက ကွတ်ကီးနှင့် သကြားလုံးလုပ်နည်းကိုလည်း မသိခဲ့ပေ။ ကံကောင်းစွာပဲ၊ သူက ကွတ်ကီးနှင့် သကြားလုံးအတွက် ယောက်ဖကို ကြိုတင်ပြီး မေးမြန်းခိုင်းလိုက်၏။

ဝူလျန့်သည် ကြားထဲက ဒွိဟ‌ဖြစ်နေ၏။တစ်ဖက်ကလည်း သူ့ယောက်ဖ စက်ကို ကိုယ်တိုင်ဝယ်လျှင် ပိုက်ဆံ ဆုံးရှုံးမှာ စိုးရိမ်နေမိသည်။ စက်ဝယ်ရုံဖြင့် ယွမ် ၄၀၀၀၀ ကုန်ကျမည်ဖြစ်သည်။ တစ်ဖက်တွင်မူ ယောက္ခမသည် စက်ရုံကို အမှန်တကယ် တည်ထောင်နိုင်မည်ဟု မျှော်လင့်ပြီး သူ့ယောက်ဖနောက်သို့ လိုက်ချင်သေးသည်။

 နိုင်ငံတော်က ပုဂ္ဂလိက စက်ရုံများ ဆောက်ခွင့်ပေးသည့် ဗဟိုအစိုးရ အစည်းအဝေးနှင့် ဆက်စပ်နေသည်ဟုလည်း ကြားထားသည်။အနာဂတ်တွင် စက်ရုံအလုပ်ရုံများ ပိုမိုတည်ဆောက်လာမည်ဖြစ်ကာ စက်ရုံများမှ ထုတ်ကုန်များကို ရောင်းချရန် ပိုမိုခက်ခဲလာမည်ဖြစ်သည်။ ရာထူးမှ နုတ်ထွက်ခြင်းများ ဆက်တိုက်လာမည်ကို သူမြင်နိုင်သည်။

 လွန်ခဲ့သည့် ရက်အနည်းငယ်က ဝမ်ဟုန်မေနှင့် အခြားသော အလုပ်သမားအဖွဲ့တစ်ဖွဲ့သည် အလုပ်ထုတ်ခံရပြန်၏။ 

ဘီစကွတ်အလုပ်ရုံကို အရင်သွားကြသည်။ စက်သုံးစက်သာရှိ၍ အလုပ်သမားလည်းမရှိ၊ ဘီစကွတ် အလုပ်ရုံက အကြာကြီး ရပ်ဆိုင်းထားရသည်ဟု ယောက်ဖက ပြောသည်။ 

အစားအသောက် စက်ရုံများက စက်ရောင်းဖို့ အလျင်လိုနေသည်မှာ အံ့သြစရာ မရှိချေ။ ထိုသို့သောစက်များသည် အသုံးမပြုပါက အချိန်ကြာမြင့်စွာ ချွတ်ယွင်းသွားတတ်သည်။ စက်ကို ပိုသုံးလေ ပိုသွက်လေလေ၊ ရပ်ထားလေလေ သံချေးများလေလေဖြစ်သည်။

ဝမ်လီချမ် သည် စက်၏လုပ်ငန်းခွင်အခြေအနေကို သိချင်သော်လည်း ဒါရိုက်တာက နားမလည်သောကြောင့် ဘီစကွတ်အလုပ်ရုံ၏ အဖွဲ့ခေါင်းဆောင်ကို ခေါ်ခဲ့ရသည်။

ဝမ်လီချမ်သည် စက်၏အသုံးပြုမှုကို ဂရုတစိုက်မေးမြန်းခဲ့ပြီး အလုပ်တစ်ခုစီ၏ လုပ်ငန်းစဉ်နှင့် ကြိုတင်ကာကွယ်မှုများကိုလည်း ပြုလုပ်ခဲ့သည်။

 လည်ပတ်မှုမှာ အတော်လေးလွယ်ကူသည်၊ စက်လည်ပတ်ဖို့ကလည်း မခက်ခဲပေ။ သူ သိထားသော နည်းပညာရှင်များ၏ ပြုပြင်ထိန်းသိမ်းမှုစာအုပ်များသည် ဘာမှမဟုတ်တော့။

ဆရာဖြစ်သူသည် ကောလိပ်တွင် သူ၏မေဂျာကို တစ်ခါမျှ မပြောဖူးသော်လည်း၊ယခုမှ စက်ပြင်ပညာအား သင်ယူခဲ့သည်ကို ဝမ်လီချမ် သိလိုက်ရသည်။

ဆရာ့လိုလူမျိုးက တောအရပ်က စက်ရုံငယ်တစ်ခုတွင် လာအလုပ်လုပ်နေရသည်။ သူသည် ဆရာ၏ ရည်ရွယ်ချက်ကို နားလည်သော်လည်း ဆရာ ယခုလို နစ်နာနေသည်ကို သဘောမတူနိုင်ပေ။ ဆရာ၏ နာကျင်မှုကို နားမလည်နိုင်သောကြောင့်လားမသိ၊လုံးဝ ကိုယ်ချင်းစာပေး၍မရပေ။ 

 စက်၏လည်ပတ်မှုလုပ်ငန်းစဉ်တစ်ခုလုံးသည် ပြဿနာမရှိဟု ထင်ရသည်။ သူကိုယ်တိုင် စက်ရုံဆောက်ပြီး စမ်းကြည့်ချင်မိသည်။

ဝမ်လီချမ်က ဝူလျန့်အား သူ့အမြင်ကို ပြောပြသည်။ စက်သည် အသစ်ဖြစ်သဖြင့် စက်ရုံမှ သိပ်ရောင်းချင်သေးပုံမရပေ။ 

စျေးနှုန်းညှိနှိုင်းမှုအတွင်း ဝမ်လီချမ်က ဝူလျန့် အား စားသောက်ကုန်စက်ရုံမှ ကုန်ကြမ်းများအား ဝယ်ယူရန်နှင့် ကုန်ကြမ်းဝယ်ယူမှုလမ်းကြောင်းများကို ရှာဖွေရန် ညွှန်ကြားခဲ့သည်။ ပမာဏအနည်းငယ်ကို အရင်ထုတ်ပြီး စမ်းကြည့်ချင်သည်။

 စက်ရုံတစ်ရုံတည်ဆောက်ရန် လိုအပ်ချက်မှာ စက်ရုံရှိရန်ဖြစ်သည်။ မြို့ပြမှာ စက်ရုံများဆောက်ဖို့ဆိုသည်က မဖြစ်နိုင်သလောက်ပေ။နိုင်ငံပိုင် စက်ရုံများတောင် မြို့ပြင်မှာ ဆောက်နေကြသည်။

သို့သော်လည်း ဖူချမ်သည် သေးငယ်ပြီး ဆင်ခြေဖုံးများပင်လျှင် သိပ်မဝေးပေ။စက်ဘီးစီးသွားလျှင် 10 မိနစ်ကနေ 20 မိနစ်အထိ ကြာမြင့်သည်။

သူ့အမေ လျှိုဖုန်းကျန်း၏ ဦးလေးဖြစ်သူ၏ အိမ်နောက်ဘက်ရှိနေရာအား စက်ရုံတည်နေရာအဖြစ် ရွေးချယ်ခဲ့သည်။ အကြီးဆုံးဦးလေး၏အိမ်သည် မြို့သို့သွားသောလမ်းနှင့်အနီးဆုံး လျှိုဝမ်၏ အပြင်ဘက်စွန်းတွင်ဖြစ်သည်။

 သူ့ဦးလေးအိမ်နောက်မှာ မြေကွက်လပ်တစ်ခုရှိနေသည်။ငယ်ငယ်က လယ်ကွင်းဖြစ်ခဲ့သော်လည်း နှစ်အတော်ကြာ စွန့်ပစ်ထားကြ၏။

 ဦးလေး၏ မိသားစုဝင်များကလည်း မြို့ထဲမှာ အလုပ်လုပ်ကြသည်။ထိုမြေကွက်လပ်က ဦးလေးအိမ်၏ နောက်မှာရှိလေသည်။

ဝမ်လီချမ်က အကြီးဆုံးဦးလေးကို သူဝယ်သည့် မြေအား ငွေပေးချေ၍ဝယ်ယူမည်ဟု ပြောသော်လည်း အကြီးဆုံးဦးလေးက သဘောမတူပေ။

 မည်သို့ပင်ဆိုစေကာမူ စက်ရုံများ ဆောက်လုပ်ရန် အတော်အသင့်ကျယ်ဝန်းသည့် မြေရှိနေပြီဖြစ်၏။

 စက်ရုံ၊ ဂိုဒေါင်၊ ရေနှင့် လျှပ်စစ်မီးအတွက် ယွမ် ၈၀၀၀ ကျော် ကုန်ကျသည်။ ငှားရမ်းထားသော ပန်းရံဆရာများအားလုံးသည် အသိမိတ်ဆွေများဖြစ်၍ လစာ များစွာသက်သာသည်။

 စက်၏စျေးနှုန်းကို ညှိနှိုင်းပြီးသောအခါတွင် စက်ရုံအဆောက်အအုံကို ဦးစွာတည်ဆောက်ခဲ့သည်။

စက်ကကြီးပြီး စက်ရုံကိုသွားမည့် မြေသားလမ်းက ကျဉ်းမြောင်းနေသည်။ စက်သယ်သည့် ကုန်တင်ကားကြီးလည်း ဝင်လို့မရပေ။နောက်ဆုံးတော့ သူက ဦးလေးဆီသွားပြီး စက်ယူဖို့ လူအင်အားဖြင့်သာ သယ်ဆောင်ခဲ့သည်။

ကျေးဇူးတင်ကြောင်းဖော်ပြရန်အတွက် စားသောက်ဧည့်ခံခြင်းမှာ လက်တွေ့အကျဆုံးနည်းလမ်းဖြစ်သည်။

xxxxx💙