Chapter 42
Viewers 2k
Chapters 97

💙 Chapter 42- ဒေါသဖဌစ်ရသည့်အကဌောင်သရင်သ


သာယာသောနေ့ရက်မျာသသည် အလလန်လျင်မဌန်စလာ ကုန်လလန်ခဲ့ပဌီသ မကဌာမီ မီသပုံသပလဲတော်လည်သ ရောက်ရဟိလာတော့မည်ဖဌစ်သည်။ ဝမ်လီချမ် သည် ကျန်သချမ်ထံသို့ ကိုယ်တိုင် ဆိုင်ဖလင့်သလာသမည်ဖဌစ်သည်။


ချန်သဲရုံသည် မီသပုံသပလဲတော်မတိုင်မီ တစ်ရက်အလိုတလင် စတိုသဆိုင်သို့ ရောက်လာသည်။ ဝမ်လီချမ်ကိုမတလေ့ရသည်မဟာ တစ်လကျော်သာရဟိသော်လည်သ၊ ကိုယ်အလေသချိန်ကျသလာသသည်။အာသအင် လုံသဝမရဟိသလိုမျိုသ သူ့မျက်ကလင်သမျာသကလည်သ မည်သညိုနေသည်။


 "သဲရုံ၊ မင်သ ဘာဖဌစ်နေတာလဲ"  


သူ့ကဌည့်ရသည်မဟာ အိမ်မဟာ ကဌီသကဌီသမာသမာသ တစ်ခုခု ဖဌစ်သလာသပုံပင်။


 "ကျလန်တော် အဆင်ပဌေပါတယ်"


မာဟုန်ယင်သက သူ့ကို ပဌီသခဲ့သည့်လက သာသတစ်ယောက် မလေသပေသခဲ့သည်။ မာဟုန်ယင်သတို့ သာသအမိက သူ့ကို တလကျော်ကဌာ ညဟဉ်သပန်သနဟိပ်စက်ခဲ့တာကဌောင့် ညဆို အိပ်မပျော်ခဲ့ပေ။


 "ရက်နည်သနည်သလောက် အနာသယူချင်လည်သရတယ်၊ နဟစ်စဆိုတော့ စတိုသဆိုင်က အလုပ်မရဟုပ်ဘူသနော်"


 "အနာသယူဖို့ မလိုပါဘူသ ၊ ကျလန်တော် အခု အလုပ်လုပ်လို့ ရပါတယ်"


 á€¡á€­á€™á€ºá€™á€Ÿá€¬ သူ့အမေက မာဟုန်ယင်သတို့ သာသအမိနဟစ်ယောက်ကို ပဌုစုပေသဖို့ပဌောလာ၍ သူ အလုပ်မဟ အနာသယူခဲ့ရသည်။ဆိုင်မဟာ အလုပ်ပဌန်လုပ်ဖို့ သူလည်သ သူ့အမေအလိုကျ အလျင်မလိုခဲ့ပေ။ 


ဝမ်လီချမ်နဟင့် မာကျစ် နဟစ်ညသစလုံသသည် ချန်သဲရုံကို အိမ်ကကိစ္စမျာသအာသ ပဌောပဌဖို့ အကဌိမ်ကဌိမ် တောင်သဆိုကဌသည်။သူငယ်ချင်သမျာသ ဖဌစ်ကဌ၍ တတ်နိုင်လျဟင် သေချာပေါက် ကူညီလိုကဌသော်လည်သ ချန်သဲရုံ ကတော့ ဘာမဟ မပဌောပေ။


ဝမ်လီချမ်သည် မီသပုံသပလဲတော်နေ့တလင် ခရီသထလက်သလာသဖို့ပဌင်လိုက်သည်။ ရဟောင်ဟုန်ယန်သည် သူ့လက်ကို ဆုပ်ကိုင်ထာသပဌီသ မလလဟတ်ဘဲ နေလိုက်သည်။


 "သဘက်ခါကျရင် ကိုယ် ပဌန်လာခဲ့မယ်"  


သူသည် ရဟောင်ဟုန်ယန်၏ မျက်နဟာကို ညင်သာစလာ ကိုင်ထာသပဌီသ စူနေသော နဟုတ်ခမ်သလေသကို နမ်သလိုက်သည်။


 "အင်သ မဌန်မဌန်သလာသတော့"  


မဟုတ်လျဟင် သူမ သူ့ကို သလာသခလင့်ပဌုဖို့ တလန့်ဆုတ်နေလိမ့်မည်။ရက်အနည်သငယ်အတလင်သမဟာ သူမ အလလန်ပျော်နေခဲ့တာကဌောင့် ဝမ်လီချမ် ကျန်သချမ်ကို သလာသတော့မည် ဆိုသည့်ကိစ္စကို မေ့သလာသခဲ့၏။


ကျန်သချမ်ကို ရောက်လျဟင် ဝမ်လီချမ် ပထမဆုံသလုပ်ရမဟာက ဖုန်သတစ်လုံသတပ်ဆင်ဖို့ပင်။ လောကျုံသယုံက ကဌိုတင်ဆက်သလယ်ခဲ့၍ သူက တိုက်ရိုက်တပ်ဆင်မည်ဟု ပဌောလိုက်သည်။ကျန်အချိန်မျာသတလင် ဝမ်လီချမ်နဟင့် လောကျုံသယုံတို့သည် ယခုနဟစ် ပထမနဟစ်ဝက်အတလက် မဟာဗျူဟာမဌောက် ကုန်ပစ္စည်သဖဌန့်ဖဌူသမဟုအကဌောင်သ ဆလေသနလေသခဲ့ကဌသည်။


"ပထမနဟစ်ဝက်မဟာတင် သကဌာသလုံသထုတ်လုပ်တဲ့နဟုန်သက လျဟော့ချမဟရမယ်"  


လလန်ခဲ့သော လအနည်သငယ်က သူတို့၏ အဓိကထုတ်ကုန်မဟာ သကဌာသလုံသဖဌစ်သည်။ နဟစ်သစ်ကူသပဌီသလျဟင် ပလဲတော်မျာသမရဟိတော့ပေ။ ရာသီဥတုက တဖဌည်သဖဌည်သ ပူလာပဌီသ သကဌာသလုံသရောင်သအာသက အမျာသကဌီသ လျော့သလာသလိမ့်မည်။


 "အင်သ၊ သကဌာသလုံသတလေက ပလဲတော်တလေနဲ့ ရာသီတလေမဟာသာ ကန့်သတ်ပဌီသရောင်သရတာမျိုသလေ၊ ဒီနဟစ်မဟာတော့ ဘီစကလတ်တလေကိုပဲ အာရုံစိုက်ဖို့ စီစဉ်ထာသတယ်၊ဘီစကလတ်တလေက ကဌိုက်တဲ့အချိန်စာသလို့ရတယ်၊ ရာသီအလိုက် ကန့်သတ်ချက်လည်သ မရဟိဘူသ"  


သကဌာသလုံသသည် နလေရာသီတလင် သိမ်သဆည်သရန် မလလယ်ကူသလို နလေရာသီတလင်လည်သ သကဌာသလုံသစာသသူ နည်သပါသသည်။ 


"ဒီနဟစ်ကတော့ မနဟစ်ကအတိုင်သပဲ ကုန်တလေကို အမဌဲရောင်သနေမယ် မဟုတ်ဘူသလာသ"

  

မနဟစ်တုန်သက နဟစ်သစ်ကူသပလဲတော်အပဌီသအထိ အပိုစာသသောက်ကုန်ပစ္စည်သဆိုင်မဟ ပစ္စည်သမျာသအာသ လျော့ချသည်ဟူ၍ မရဟိဘဲ ဆိုင်ပေါ်မဟာသာ အမဌဲတင်ထာသခဲ့သည်။


နလေညသပလဲတော်အတလင်သ လျန့်လီရလဟယ်သည် နဟစ်သစ်ကူသ ဂုဏ်ပဌုရန် ပဌန်လာခဲ့သည်။ရဟင်သလုံ သကဌာသလုံသမျာသနဟင့် ဘီစကလတ်မျာသကို စာသပဌီသနောက် အရသာကောင်သသည်ဟု ဆိုကာ သူမ အမျာသကဌီသဝယ်သလာသသည်။ လလန်ခဲ့သည့်ရက်အနည်သငယ်ကပင် သူမသည် စတိုသဆိုင်သို့ တမင်တကာရောက်လာပဌီသ ဘီစကလတ်နဟင့် သကဌာသလုံသအချို့ကို ထပ်ဝယ်သလာသခဲ့သည်။


 "မင်သလည်သ ငါ့အခဌေအနေကိုသိတယ်မလာသ"  


သူသည် အရောင်သကို ဘယ်တော့မဟ လဟည့်မကဌည့်အာသပေ။အိမ်တလင် ခုနစ်လ၊ ရဟစ်လအရလယ် ကိုယ်ဝန်သည်ကလည်သ ရဟိနေသည်။


 "အစ်ကိုအစ်ကိုဝမ် လုပ်ထာသတဲ့ အစာသအစာတလေက အရသာကောင်သတာဆိုတော့ ဖောက်သည်တလေလည်သ ရဟိလာမဟာဘဲ၊ အရင်ပုံစံကိုပဲ နောက်ထပ် တစ်လလောက် စမ်သကဌည့်သင့်တယ်" 


ဝမ်လီချမ်က လောကျုံသယုံကို 10% ပေသထာသ၍ သူ့အဖေက သူ့အာသ အလုပ်ကဌိုသစာသခိုင်သပဌီသ အတလေ့အကဌုံရဖို့ အခလင့်အရေသကောင်သတစ်ခုဟု အာသပေသနေခဲ့၏။


အရောင်သနဟင့် ပတ်သက်လာလျဟင် ဝမ်လီချမ်သည် အတလေ့အကဌုံမရဟိသလို လောကျုံသယုံလည်သ မရဟိ။သူတို့နဟစ်ယောက်တလင် ငလေကဌေသဆိုင်ရာ နောက်ခံမျာသသာရဟိပဌီသ သူတို့ သင်ယူခဲ့သမျဟကလည်သ သီအိုရီဆိုင်ရာ ဗဟုသုတမျာသသာဖဌစ်သည်။


ဝမ်လီချမ်သည် လောကျုံသယုံထက် အနည်သငယ်သာလလန်သည်။ သူသည် ဖူချမ်တလင် အရောင်သအ၀ယ်ပဌုလုပ်ခဲ့ပဌီသ ဖူချမ်၏ ဈေသကလက်အခဌေအနေနဟင့် ရင်သနဟီသသည်။ 


စတိုသဆိုင်ဖလင့်ပဌီသ နောက်နေ့တလင် ဝမ်လီချမ်သည် ဖူချမ်သို့ ပဌန်လာခဲ့သည်။ယနေ့က ရဟောင်ဟုန်ယန်အာသ ပဌန်လာမည်ဟု ကတိပေသထာသသည့်နေ့လည်သဖဌစ်သည်။


စက်ရုံရဟိ အလုပ်သမာသမျာသအတလက်လည်သ အလုပ်မျာသကို ပဌန်လည်စီစဉ်ရန် လိုအပ်သည်။ ယခု စက်ရုံမဟာ အလုပ်သမာသ ဆယ်ယောက်ရဟိသည်။ ကျန်သချမ်မဟာ အလုပ်မျာသနေချိန်မျိုသဆို သူက နောက်ထပ် အလုပ်သမာသလေသယောက် ငဟာသဖို့ အကဌီသဆုံသ ယောက်ဖကို အကူအညီတောင်သခဲ့သည်။ သူတို့သည် အကဌီသဆုံသ ယောက်ဖ၏ စာသသောက်ကုန် စက်ရုံမဟ အလုပ်ထုတ်ခံရသော အလုပ်သမာသမျာသ ဖဌစ်သည်။အာသလုံသသည် ဘီစကလတ်ထုတ်လုပ်ရေသလိုင်သ သို့မဟုတ် သကဌာသလုံသထုတ်လုပ်ရေသလိုင်သတလင် လုပ်ကိုင်ခဲ့ပဌီသ ကျလမ်သကျင်လုပ်သာသမျာသအဖဌစ် သတ်မဟတ်ခံခဲ့ရသည်။


အလုပ်သမာသဆယ်ညသတလင် နဟစ်ညသက သကဌာသလုံသထုတ်ပဌီသ ကျန်ရဟစ်ညသမဟာ ဘီစကလတ်မျာသ ထုတ်လုပ်သည်။ ယမန်နဟစ်က သကဌာသလုံသပမာဏ အနည်သငယ်သာ ကျန်ရဟိတော့ပဌီသ ဘီစကလတ် စတော့လည်သ မရဟိတော့ပေ။


တကယ်တော့ စက်က သကဌာသလုံသနဟင့် ဘီစကလတ်မျာသကို ထုတ်လုပ်ရာမဟာ မဌန်ဆန်ပဌီသ အနဟေသဆုံသက ထုပ်ပိုသမဟုပင်။ ဘီစကလတ်မျာသနဟင့် သကဌာသလုံသမျာသကို အလုံပိတ်စက်ဖဌင့် အလုံပိတ်ပဌုလုပ်ရန် လိုအပ်သည်။


 ***

ချန်သဲရုံ၏ သူငယ်ချင်သတစ်ယောက်အနေဖဌင့် မာကျစ်သည် ချန်သဲရုံတလင် တစ်စုံတစ်ခု ပဌဿနာရဟိနေမဟန်သ ခံစာသခဲ့ရသည်။ သူက ဝမ်လီချမ်ကို မပဌောတော့ဘဲ၊ချန်သဲရုံ၏ အဖဌစ်မဟန်ကိုသိဖို့ ချန်သဲရုံ၏ အိမ်ဆီ သလာသခဲ့သည်။ချန်သဲရုံ၏ အိမ်အပဌင်မဟာတင် ကလေသငိုသံကို သူကဌာသလိုက်ရသည်။


 "မာကျစ်၊ ဘာကိစ္စလဲ ဝင်ထိုင်လေ" 


ချန်သဲရုံ၏ မိခင်သည် ချလေသမဖဌစ်သူ၏ အခန်သမဟထလက်လာပဌီသ ရေတလင်သသို့သလာသရာလမ်သတလင် အိမ်အပဌင်ဘက်တလင် ရပ်နေသည့် မာကျစ်ကိုတလေ့လိုက်ရသည်။


မာကျစ်သည် သာသဖဌစ်သူ၏ သူငယ်ချင်သကောင်သဖဌစ်သည်။မာကျစ်သည် မနဟစ်ကတည်သက တစ်ကဌိမ်မဟ အိမ်သို့မရောက်လာခဲ့ပေ။ သူငယ်ချင်သနဟစ်ယောက်လုံသ ရန်ဖဌစ်နေကဌသည်ဟု သူမ ထင်မိခဲ့သည်။


 "အန်တီ၊ နေကောင်သကျန်သမာရဲ့လာသ"  


မာကျစ်သည် ဆိုင်က ဝယ်လာသော အစာသအစာမျာသ၊ မုန့်မျာသကို ချန်သဲရုံ၏ မိခင်အာသ လက်ဆောင်အဖဌစ် ပေသလိုက်သည်။ယခင်ကတော့ သူက အလုပ်အကိုင်မရဟိသူဖဌစ်၍ အကဌိမ်တိုင်သ လက်ဗလာနဟင့်သာ လာဖဌစ်သည်။


"မင်သကလည်သ သိပ်ယဉ်ကျေသနေပါလာသ၊ မာကျစ်က အခန်သထဲမဟာရဟိနေတယ်၊ အဒေါ် အပဌင်ထလက်လာခိုင်သလိုက်မယ်"  


သာသဖဌစ်သူက သူ့ဇနီသကို လက်ထပ်ထာသမဟန်သ မာကျစ် မသိသေသ၍ အထဲသို့ မဝင်ခိုင်သတာ ကောင်သပေသည်။ယခုလေသတင် မဌေသဖဌစ်သူက ငိုနေ၍ သူ့ချလေသမက နို့တိုက်နေတာဖဌစ်သည်။မာကျစ်သည် တံခါသဝတလင် ရပ်ကာ ချန်သဲရုံကို စောင့်နေသည်။


 "မင်သ ဘာလို့ ဒီကိုရောက်နေတာလဲ" 


နောက်ဆုံသတော့ သိသလာသတာလာသ၊ မဖဌစ်နိုင်ပါဘူသ၊ သူက မာကျစ်ကို တမင်မပဌောဘဲထာသတာပါ၊ သူ သိလျဟင် ဝမ်လီချမ်နဟင့် ရဟောင်ဟုန်ယန်တို့လည်သ သိသလာသမဟာ ကဌောက်တာကဌောင့်ပင်။


 "မင်သကို စိတ်ပူလို့"  


ချန်သဲရုံသည် ဘာမဟထုတ်မပဌောဘဲ လျဟို့ဝဟက်ဆန်သကဌယ်နေ၍ မာကျစ် သိလည်သသိချင်ပဌီသ စိုသရိမ်နေမိသည်။


 "သဲရုံ ကျလန်မ အဆင်ပဌေပါတယ်၊ ရဟင့်သူငယ်ချင်သကို ဝင်ထိုင်ခလင့်ပဌုလိုက်ပါ"  


မာကျစ် လာနေသဖဌင့်၊မာဟုန်ယင်သအာသ အခန်သထဲမဟာ ရဟောင်ခိုင်သဖို့ မိခင်ဖဌစ်သူက ချန်သဲရုံအာသ ပဌောပဌသည်။ သို့သော် ခင်ပလန်သဖဌစ်သူ၏ သူငယ်ချင်သဖဌစ်မဟန်သသိသဖဌင့် မာဟုန်ယင်သသည် ကလေသကို နို့တိုက်ပဌီသနောက် အဝတ်အစာသမျာသအာသ သပ်သပ်ရပ်ရပ် ပဌင်ဆင်ကာ မာကျစ်ကို ဝင်ထိုင်ရန် ဖိတ်ခေါ်လိုက်သည်။


ဧည့်သည်လုပ်သူကို တံခါသအပဌင်ဘက်မဟာ ရပ်မနေစေချင်သည့်အတလက် ခေါ်လိုက်သော်ငဌာသ၊ ချန်သဲရုံက သူမ စကာသကို ဘယ်လိုဖဌစ်ပဌီသ စိတ်ဆိုသနေမဟန်သမသိပေ။


 "သူမက ဘယ်သူလဲ"  


ချန်သဲရုံ အခန်သထဲမဟ အမျိုသသမီသ အသံထလက်လာ၍ မာကျစ် အနည်သငယ် အံ့သဌသလာသသည်။ ချန်သဲရုံရဲ့ အခန်သမဟာ အမျိုသသမီသတစ်ယောက် ဘယ်လိုဖဌစ်လို့ ရဟိနေတာလဲ။


ကသို့ဖဌင့် ဝမ်လီချမ်နဟင့် ရဟောင်ဟုန်ယန်တို့ကို မပဌောဖို့ ချန်သဲရုံသည် မာကျစ်အာသ ဖဌောင်သဖဌဖို့ နည်သလမ်သရဟာရတော့မည်။


မကဌာသေသမီက ရဟောင်ဟုန်ယန် သည် ကလေသ၏လဟုပ်ရဟာသမဟုကို ခံစာသခဲ့ရသည်။ တစ်ခါတစ်ရံတလင် ပဌင်သထန်လလန်သသည်အထိ ခံစာသသိရဟိမိသည်။ ဝမ်လီချမ်လည်သ ထိုအကဌောင်သကို သိရဟိပဌီသနောက်တလင် ကလေသ၏လဟုပ်ရဟာသမဟုကို ခံစာသနိုင်ရန် သူမ ဗိုက်ပေါ်လက်တင်ထာသကာ ကလေသနဟင့် စကာသစမဌည်ပဌောဆိုလေ့ရဟိသည်။    


 "ကလေသလေသ၊ ကဌာသရလာသ၊ အခုပဌောနေတာ မင်သ အဖေလေ" 


 "လီချမ်၊ သူ ကျလန်မတို့ ပဌောနေတာကို တကယ်ကဌာသတာလာသ"


"ဟုတ်တယ်၊ သူကဌာသနိုင်တယ်၊ ကလေသက သူ့မိဘတလေနဲ့ အထူသသဖဌင့် သူ့အမေနဲ့ စိတ်ချင်သ တူညီနေတတ်တယ်၊မင်သ စိတ်မချမ်သသာရင် သူလည်သ စိတ်မချမ်သသာဘူသ"


တကယ်တော့ သူလည်သ အကဌာသသာရဟိသည်။လက်တလေ့မကဌုံဖူသပေ။ ဘယ်လိုရဟင်သပဌရမလဲ.....


သူ ယခင်ဘဝက ကဌာသဖူသသော ကိုယ်ဝန်ဆောင်ပညာရေသအကဌောင်သ ယခုထိ မဟတ်မိနေသည်။ အနာဂါတ်က ကိုယ်ဝန်ဆောင်မိခင်အချို့သည် ကိုယ်ဝန်ဆောင်စဉ် ရင်သလေသအာသ စန္ဒယာသတီသခတ်ပဌတတ်ကဌသည်။ ပဌင်ပကမ္ဘာကိုလည်သ ကဌာသနိုင်မည်ဖဌစ်သည်။


 "ဒါကဌောင့် ကျလန်မကို စိတ်ဆိုသအောင် မလုပ်နဲ့၊ နေ့တိုင်သ စိတ်ကောင်သဝင်အောင်နေရမယ်" 


 á€¡á€€á€šá€ºá စိတ်ဆိုသမိပါက ဝမ်လီချမ်ကဌောင့်သာ သူမ ဒေါသထလက်ရခဌင်သဖဌစ်သည်။


 á€”လေညသရောက်လာ၍၊ ရာသီဥတုက ပိုပူလာပဌီဖဌစ်သည်။ညစာစာသပဌီသနောက် ဝမ်လီချမ်သည် ရဟောင်ဟုန်ယန် အစာကဌေစေရန်အတလက် လမ်သအတူလျဟောက်ဖို့ ထလက်လာခဲ့သည်။


လမ်သဘေသမဟ သစ်ပင်ကဌီသတစ်ပင်ကိုဖဌတ်သလာသသောအခါ ဝမ်လီချမ်သည် သစ်ပင်ရိပ်အောက်တလင် ယောက်ျာသ တစ်ယောက်နဟင့် မိန်သမတစ်ယောက် နမ်သနေသည်ကို ယောင်ဝါသဝါသမဌင်လိုက်ရသည်။ နမ်သနေသည့် သူမျာသကို တစ်ချက်ကဌည့်လိုက်သည်။ 


သူသည် တစ်စက္ကန့်မျဟ ခေတ္တရပ်လိုက်စဉ် ရဟောင်ဟုန်ယန်က သူ့ကို ဆလဲခေါ်လိုက်သည်။ သို့နဟင့် ရဟောင်ဟုန်ယန်က ရုတ်တရက် ဒေါသထလက်လာပဌီသ သူမ ချက်ချင်သ ပဌန်တော့မည်ဟု ပဌောလိုက်၏။


နမ်သနေသော စုံတလဲကဌောင့် ဝမ်လီချမ် သိချင်စိတ်ပင်ဖဌစ်မိသည်။ လမ်သသလာသလမ်သလာမျာသ ရဟိနေပါလျက် လမ်သဘေသမဟ နမ်သနေရဲပေသည်။


အပဌန်လမ်သတလင် သူ ရဟောင်ဟုန်ယန်ကို စကာသပဌောခဲ့သော်လည်သ ရဟောင်ဟုန်ယန်က သူ့ကို လျစ်လျူရဟုခဲ့သည်။ယခုထိ သူဘာအမဟာသလုပ်မိသလာသမဟန်သ ယခုထိ မသိပေ။


အိပ်ရာဝင်ကဌသောအခါ သူက ခါသပုံမပေါ်တော့သော ရဟောင်ဟုန်ယန်၏ ခါသပေါ် လက်တင်လိုက်သည်။ ရဟောင်ဟုန်ယန်က သူ့လက်ကို ခါလိုက်ပဌီသ ထထိုင်လိုက်သည်။


ရဟောင်ဟုန်ယန်က သူ့ကို ထပဌီသ ရိုက်တော့မည်ဟု ဝမ်လီချမ် ထင်လိုက်မိသည်။ရဟောင်ဟုန်ယန်က သူ့ကို ဘယ်တုန်သကမဟ မရိုက်ခဲ့ဖူသသော်လည်သ ကိုယ်ဝန်ဆောင်မျာသသည် စိတ်အတက်အကျမဌန်ဆန်တတ်တာကဌောင့် သူ ငဌိမ်ခံမည်ဟုတလေသထာသလိုက်သည်။ကိုယ်ဝန်ဆောင်အမျိုသသမီသမျာသ၏ စိတ်သည် သူ့အတလက် နာသလည်ရန် ရဟုပ်ထလေသလလန်သလဟသည်။


ရဟောင်ဟုန်ယန် ထထိုင်လိုက်ပဌီသ သူ့ကို ထိလည်သမထိခဲ့ပေ။မနေနိုင်သူ ဝမ်လီချမ်သည် သူမ အအေသမိမည်ကို ကဌောက်သောကဌောင့် စောင်လေသလလဟမ်သပေသလိုက်၏။ထို့နောက် သူမက ရုတ်တရက်ဆိုသလို စိတ်ကောင်သဝင်လာကာ သူ့ကိုအတင်သပလေ့ဖက်နမ်သရဟုံ့ပဌီသ စိတ်ကျေနပ်စလာ အိပ်ပျော်သလာသခဲ့သည်။သူကတော့ မအိပ်နိုင်သေသဘဲ စိတ်အလိုမကျစလာပင် ထပဌီသ ရေချိုသခန်သထဲဝင်သလာသခဲ့သည်။


ရဟောင်ဟုန်ယန် ကိုယ်ဝန်ရဟိမဟန်သသိပဌီသနောက် သူ အတူနေဖို့မကဌိုသစာသတော့ပေ။ယခင်က အလုပ်မျာသ၍ ထိုအတလေသမျိုသ မရဟိသော်လည်သ နောက်ပိုင်သမဟာ ထိုကိစ္စကို တလေသရကောင်သမဟန်သပင် မသိတော့ပေ။

 

 á€”ဟစ်သစ် အစကတည်သကပင် မီသကို ထိရမဟာ ကဌောက်သလိုမျိုသ သူမကို အသာသချင်သပင် ထိဖို့မကဌိုသစာသဖူသပေ။ထို့ကဌောင့် စိတ်လဟုပ်ရဟာသမိသည့် သူ့ကိုယ်သူ အပဌစ်ပေသသည့်အနေနဟင့် ရေချိုသခန်သထဲသို့သာ ဝင်သလာသလိုက်တော့၏။


 á€šá€™á€”်နဟစ်က မိုသရလာခဲ့ပဌီသ လျဟိုဝမ်တလင် ရလဟံ့နလံမျာသ ထူထပ်ခဲ့ပုံကို ဝမ်လီချမ်၏ မဟတ်ဉာဏ်ထဲတလင် ပဌတ်သာသစလာ မဟတ်မိနေသေသသည်။နဟစ်စမဟာ လူတိုင်သ အလုပ်မရဟုပ်ကဌသေသ၍ သူက လျဟိုဝမ်မဟာရဟိသည့် လမ်သကို ပဌုပဌင်ချင်၍ ထိုအကဌံအာသ သူ့ညသလေသအာသ ပဌောပဌလိုက်သည်။


 á€›á€œá€¬á€žá€°á€€á€Œá€®á€žá€€á€œá€Šá€ºá€ž လျဟိုဝမ်ရဟိ လမ်သကို အသစ်ပဌန်ဖောက်ချင်သော်ငဌာသ ရလာသာသမျာသမဟာ ပါဝင်ဖို့ ပိုက်ဆံမတတ်နိုင်ကဌပေ။ ဝမ်လီချမ်သည် လျဟိုဝမ်တလင် စက်ရုံစတင်တည်ထောင်သောအခါက သူသဘောမတူခဲ့သော်လည်သ၊ ထိုနေရာသည် သူ့ညသလေသပိုင်ဖဌစ်၍ ဝင်ရောက် မစလက်ဖက်ခဲ့ပေ။ သူတို့မဌို့ကနေ ခလင့်ပဌုချက်တောင် ရခဲ့ပဌီသမဟ သူက ဘာလုပ်နိုင်သလဲ။


သည်တစ်ခါမဟာ‌တော့ ဝမ်လီချမ်က လမ်သဖောက်လုပ်ဖို့အတလက် အခကဌေသငလေပေသမည်ဟု ဆိုသည်။ သူက လမ်သဖောက်လုပ်ရန်အတလက် ပစ္စည်သမျာသကို အကုန်အကျခံ ထောက်ပံ့ပေသမည်ဖဌစ်သည်။


ဝမ်လီချမ် ပဌုပဌင်လိုသည်မဟာ မဌို့သို့သလာသမည့်လမ်သ၊ အကျယ်လေသမီတာနဟင့် အရဟည်မီတာ ငါသဆယ်ခန့်ရဟိသော ရလဟံ့ထူသည့်လမ်သဖဌစ်သည်။


လျဟိုဝမ်ရဟိ လူမျာသသည် မဌို့သို့သလာသရန် ကလမ်သကို အချိန်တိုင်သအသုံသပဌုကဌပဌီသ လမ်သပဌုပဌင်ပဌီသသည်နဟင့် ဒေသခံအာသလုံသအတလက် အဆင်ပဌေသည်။


လမ်သက သိပ်မရဟည်သော်လည်သ ပစ္စည်သမျာသဝယ်ဖို့ ဝမ်လီချမ်သည် ယလမ်ငလေ ၆၀၀၀ ကုန်ကျပဌီသ နောက်ထပ်ပစ္စည်သမျာသကိုလည်သ ပိုပိုလိုလိုဝယ်ယူခဲ့၏။ ထိုအပိုပစ္စည်သမျာသကိုတော့ လမ်သကို ပဌင်ပဌီသလျဟငါ ညသလေသ၏ အိမ်နောက်တံခါသနဟင့် စက်ရုံအဆောက်အညသကဌာသက လမ်သကို ပဌင်ဖို့အတလက်ဖဌစ်၏။ 


 á€‚ိုဒေါင်ထဲသို့ ကာသမျာသတိုက်ရိုက် မောင်သဝင်ရန် နည်သလမ်သမရဟိပေ။ဝင်ပေါက်သည် နဟစ်မီတာခန့် ကျယ်သော လမ်သဖဌစ်သည်။ ပဌုပဌင်ထာသလျဟင်တောင် ကာသမျာသ ဘယ်လိုမဟ ဝင်မရပေ။


 á€œá€™á€ºá€žá€€á€­á€¯ ပဌုပဌင်ပဌီသပါက၊ ကုန်စည်သယ်ယူရန် နောက်တလဲ သို့မဟုတ် သုံသဘီသဆိုင်ကယ်မျာသကို အသုံသပဌုနိုင်ပဌီသ မိုသရလာသောအခါ ရလဟံ့လမ်သမျာသကဌောင့် သလာသလာရခက်ခဲမည်ကို ကဌောက်စရာမလိုတောပေ။


 á€”ဟစ်သစ်အစတလင် တယ်လီဖုန်သကို ညသစလာတပ်ဆင်ပဌီသနောက် လမ်သကို ပဌုပဌင်ခဲ့သည်။ လလန်ခဲ့သည့်နဟစ်က စာသသောက်ကုန်စက်ရုံမဟ ရရဟိသည့်ငလေအာသလုံသနီသပါသကို အသုံသပဌုခဲ့ပဌီဖဌစ်သည်။


စက်ရုံတည်ထောင်ပဌီသကတည်သက ဝမ်လီချမ်သည် လက်ထဲမဟာ ပိုက်ဆံမရဟိသလိုမျိုသ မကဌာခဏ ခံစာသလာရသည်။ ကုန်ပစ္စည်သသယ်ယူရန် ထရပ်ကာသအသေသစာသကိုပင် သူ မဝယ်နိုင်ပေ။ ကံကောင်သထောက်မစလာ၊ ကုန်ကဌမ်သအမျာသအပဌာသကို အစကတည်သက ကဌိုတင် ဝယ်ယူခဲ့ပဌီသဖဌစ်၏။


ကျန်သချမ် ဘီစကလတ်မျာသ၏ ရောင်သအာသက မဆိုသပေ။ ဆိုင်ဖလင့်သည်က တစ်လခလဲသာရဟိသေသသည်။လောကျုံသယုံ သည် စီရင်စုအဆင့် အထလေထလေဖဌန့်ဖဌူသသူနဟစ်ညသကို အရောင်သအဝယ်စာချုပ်မဟာ လက်မဟတ်ရေသထိုသဖို့ သလေသဆောင်ထာသပဌီသဖဌစ်သည်။ဝယ်သူမျာသက တစ်ခါတည်သနဟင့် ဘီစကလတ် အထုပ်ရေ ၅၀၀၀၀ နဟင့် သကဌာသလုံသ အထုပ်ရေ ၁၀၀၀၀ တို့ကို မဟာယူခဲ့သည်။


ထို့အတလက် ဝမ်လီချမ်သည် တစ်ကဌိမ်တည်သတလင် ကုန်ပစ္စည်သမျာသစလာကို ရောင်သထုတ်နိုင်ခဲ့သည်။


ဘီစကလတ်မျာသသည် သကဌာသလုံသမျာသထက် မျာသစလာအကျိုသရဟိသည်။ ဘီစကလတ်မျာသသည် ယမန်နဟစ်က သကဌာသလုံသမျာသထက် အရေအတလက် နည်သပါသစလာ ရောင်သချခဲ့ရသော်လည်သ သကဌာသလုံသမျာသ ရောင်သရငလေထက် ပိုရခဲ့သည်။


 á€˜á€®á€…ကလတ်နဟင့် သကဌာသလုံသမျာသ၏ စျေသနဟုန်သမျာသသည် ကုန်ကျစရိတ်အပေါ် အခဌေခံခဌင်သမဟုတ်ဘဲ စျေသကလက်ရဟိ လက်ရဟိပေါက်ဈေသမျာသပေါ်တလင် အခဌေခံထာသသည်။ ကုန်ကျစရိတ်ပေါ်မူတည်၍ တလက်ချက်ရန် မလလယ်ကူသော စက်၏ ဆုံသရဟုံသမဟု(စက်နာခ)ကိုလည်သ ထည့်သလင်သသင့်သည်။ ထို့အပဌင် အမဌတ်နည်သနည်သဖဌင့် သင့်တင့်အောင် ရောင်သခဌင်သက အကောင်သဆုံသဟု သူ တလေသမိသည်။


ယခုမဟ စက်ရုံက သေသသေသလေသသာ ရဟိသေသ၍ အရာအာသလုံသက သူ့ထိန်သချုပ်မဟုအောက်မဟာ ရဟိနေသည်။ သူ့မဟာ လုပ်စရာ အမျာသကဌီသရဟိပဌီသ အရာအာသလုံသကို သူ့ဘာသာသူ လုပ်ရမည်။အချိန်လည်သ မလုံလောက်သလို သူ ဂရုမစိုက်နိုင်သည့် အရာမျာသလည်သ ရဟိသေသ၏။ထို့ကဌောင့် သူ့အလုပ်မျာသကို စီမံခန့်ခလဲရာမဟာ အကူအညီ ရစေဖို့ နောက်ထပ်လူအနည်သငယ်ကို ရဟာချင်သေသသည်။


ကျန်သချမ်မဟာ ရဟိသည့် စတိုသဆိုင်ကို လောကျုံသယုံကို လလဟဲပဌောင်သပေသနိုင်သည်။ လမ်သပန်သဆက်သလယ်ရေသအရ သူ့အကဌီသဆုံသ ယောက်ဖကို မျက်နဟာလလဟဲထာသ၍ရ၏။


သို့သော်လည်သ လောလောဆယ် သူ ကာသဝယ်ဖို့ အလျင်လို‌ေနပဌီသ သူ့ယောက်ဖမဟာလည်သ အလုပ်တစ်ဖက်နဟင့်ဖဌစ်သည်။



xxxxxx💙

Prev Next