Chapter 61
Viewers 3k
Chapters 97

💙 Chapter 61 - အလုပ်ထုတ်ခံရသောလဟိုင်သ 


ယခုနဟစ်၏ နဟစ်သစ်ကုန်ဆုံသချိန်မဟစ၍ စက်ရုံတစ်ခုပဌီသတစ်ခု၊ နိုင်ငံပိုင်စက်ရုံမျာသမဟ အလုပ်သမာသအမျာသစုကို အလုပ်မဟထုတ်ပယ်ခဲ့သည်။ လေသလအတလင်သ ဖူချမ်ရဟိ စက်ရုံအမျာသစုသည် အလလတ်ဖဌစ်လာပဌီသ စက်ရုံတလင် အလုပ်သမာသမကျန်တော့ပေ။ 


နောက်တစ်ခုကတော့ သူအလုပ်လုပ်ဖူသသည့် မဌို့က ချည်ထိုသစက်ရုံကို ပဌီသခဲ့သည့်လကပင် ရောင်သလိုက်ကဌောင်သ ကဌာသသိရ၏။ သူ၏ယခင်ဘဝတလင်၊ စနစ်ပဌုပဌင်ပဌောင်သလဲမဟုမျာသအတလက် စက်ရုံမျာသကို ရောင်သချကဌောင်သ သူ တလေ့ဖူသသည်။ ရောင်သချခဲ့သော စက်ရုံအမျာသစုသည် နိုင်ငံပိုင်မဟ ပုဂ္ဂလိကပိုင်အဖဌစ်သို့ ပဌောင်သလဲပဌီသနောက် နဟစ်အနည်သငယ်ကဌာအောင် မတည်မဌဲနိုင်ဘဲ တစ်ခုပဌီသတစ်ခု ဒေဝါလီခံသလာသကဌသည်။ 


သူ့မဌို့ကချည်ထိုသစက်ရုံကို နမူနာယူကဌည့်ပါ။ သူသည် စက်ရုံတလင် အလုပ်လုပ်နေချိန်၊ စက်ဖဌင့် ယက်လုပ်ထာသသော အထည်သည် မဟာယူသူ၏ လိုအပ်ချက်မျာသနဟင့် မကိုက်ညီကဌောင်သ သတင်သကဌာသရသည်။ထို့ကဌောင့် စက်သည် မကောင်သတော့တာကဌောင့် ဖယ်ရဟာသရန် လိုအပ်သည်ဟု ဆိုလိုသည်။ထိုစက်ရုံမျိုသကို ဝယ်ပဌီသနောက် စက်အာသလုံသကို အစာသထိုသရန်လည်သ လိုအပ်နိုင်၏။သူ့မဟာသာ ပိုက်ဆံရဟိလျဟင် သူကိုယ်တိုင် စက်ရုံအသစ်တစ်ခု စတင်မဟာဖဌစ်ပဌီသ စျေသသက်သက်သာသာနဟင့် အရည်အသလေသညံ့သော ဒေဝါလီခံစက်ရုံကို ဝယ်မဟာ မဟုတ်ပေ။


သို့ဆိုလျဟင် ဝမ်လီချမ်သည် လောကျုံသယုံ၏ အထည်ချုပ်စက်ရုံကို ဝယ်ယူရန် အဘယ်ကဌောင့် သဘောတူခဲ့သနည်သ၊ အကဌောင်သမဟာ အထည်ချုပ်စက်ရုံ၏ လိုအပ်ချက်မျာသမဟာ သိပ်မမျာသသောကဌောင့် ဖဌစ်သည်။ မော်တာအပ်ချုပ်စက်မျာသနဟင့် အထည်ဖဌတ်စက်မျာသကို အထည်ချုပ်စက်ရုံမျာသတလင် အမျာသဆုံသအသုံသပဌုကဌသည်။ ကစက်နဟစ်မျိုသအတလက်လည်သ စရိတ်စက လိုအပ်ချက်မျာသကလည်သ အထူသမမဌင့်မာသပေ၊ ၎င်သသည် အလုပ်သမာသမျာသ၏ နည်သပညာမျာသပေါ်တလင် အဓိကမူတည်သည်။ 


ထို့အပဌင် လောကျုံသယုံတလင် အမျိုသသာသ ဖလံ့ဖဌိုသတိုသတက်ရေသနဟင့် ပဌုပဌင်ပဌောင်သလဲရေသ ကော်မရဟင်တလင် အလုပ်လုပ်နေသော ဖခင်ရဟိနေ၍ ပိုင်ရဟင်က မည်မျဟပင် လဟည့်စာသသည်ဖဌစ်စေ၊ သာသဖဌစ်သူကို လဟည့်စာသ၍မရပေ။ စက်၏စလမ်သဆောင်ရည်ပဌဿနာနဟင့် ပတ်သက်၍ လောကျုံသယုံအာသ ပဌောပဌခဲ့ပဌီသ ကျလမ်သကျင်သူတစ်ညသ ရဟာဖလေကာ ပဌဿနာမရဟိဟု ခံစာသလာရသောအခါတလင် ၎င်သကို ဝယ်ယူရန် သဘောတူခဲ့သည်။ သူ ပဌောခဲ့သလိုပင်၊ ဒေဝါလီခံထာသရသော စက်ရုံတစ်ရုံကို ဝယ်ခဌင်သက အတော်လေသ ရဟုပ်ထလေသလဟသည်။ အရဟုပ်အထလေသကို ပဌင်ချင်လျဟင် ပဌုပဌင်ပဌောင်သလဲဖို့ လိုသည့် နယ်ပယ် အမျာသကဌီသရဟိသည်။


ထို့ကဌောင့် နောက်ပိုင်သတလင် ပေါ်ပေါက်လာသော စက်ရုံအမျာသစုသည် စက်ရုံအသစ်မျာသဖဌစ်ပဌီသ ယင်သအသလင်ပဌောင်သစက်ရုံအမျာသစုသည် သမိုင်သတလင်ပါ ပျောက်ကလယ်သလာသခဲ့သည်။ သမီသလေသ မူကဌိုတက်သော် ဝမ်လီချမ်က ရလဟယ်ကျစ်ယုံထံ ချဉ်သကပ်ရသည်။ထိုအချိန်တလင် ရလဟယ်ကျစ်ယုံက သူ ယခု အတော်အလုပ်မျာသနေသည်ဟုဆိုသည်။ထိုအလုပ်သမာသမျာသသည် စက်ရုံမဟ တာဝန်ခံကို ရဟာမတလေ့သဖဌင့် အတူတကလ ဆန္ဒပဌရန် မဌို့တော်ခန်သမတံခါသသို့ သလာသကဌသည်။ သူတို့သည် ရက်အနည်သငယ်ခန့် နေ့တိုင်သစုကဌ၍ အထက်လူကဌီသက စာရလက်စာတမ်သကို ထုတ်ပဌန်ခဲ့သည်။


သူတို့အာသလုံသ စိတ်ဓာတ်ကျပဌီသ မကျေမနပ်ဖဌစ်နေကဌသည်။ ကလူအုပ်စုသည် ဖဌည်သညဟင်သစလာ လူစုခလဲခဌင်သမပဌုမီ တစ်လခလဲကဌာ အငဌင်သအခုံဖဌစ်ခဲ့ကဌသည်။  


ကျန်သချမ်၏ အခဌေအနေက ပို၍ပင် ဆိုသရလာသနေသည်ကို လောကျုံသယုံ ဆီက ကဌာသလိုက်ရသည်။ ဇူလိုင်လနဟင့် သဌဂုတ်လမျာသတလင် အလုပ်သမာသမျာသအာသလုံသ လမ်သပေါ်ထလက် ဆန္ဒပဌခဲ့ကဌသည်။ယခုအချိန်တလင် နိုင်ငံတဝဟမ်သ အလုပ်ထုတ်ခံရသည့် အလုပ်သမာသ သန်သ ၂၀ နီသပါသရဟိသည်ဟု ဆိုသည်။ ကမျဟအထိ မျာသပဌာသမည်ဟု လူအမျာသက မမျဟော်လင့်ခဲ့ကဌချေ။


 á€¡á€œá€¯á€•á€ºá€‘ုတ်ခံရသည့် အလုပ်သမာသ အမျာသကဌီသရဟိမဟန်သအာသလုံသသိပဌီသနောက် ထိုအုပ်စုကလည်သ အလုပ်ထုတ်ခံရသည်ကို ပဌဿနာမတက်တော့ဘဲ တဖဌည်သဖဌည်သ လက်ခံလာကဌပေ၏။


တစ်နိုင်ငံလုံသက အလုပ်သမာသမျာသ ဒုက္ခရောက်နေချိန် ဇူလိုင်လနဟင့် သဌဂုတ်လပင်။ ရဟောင်ဟုန်ယန် သည် ကျောင်သမတက်ရဘဲ ဝမ်လီချမ်လည်သ ကျန်သချမ် သို့ မသလာသဘဲ သမီသနဟင့်အတူ အိမ်တလင် ရဟိနေခဲ့သည်။


 á€¡á€•á€Œá€„်မဟာ နေပူ၍ ဝမ်လီချမ် က သမီသကို အပဌင်ထလက်ကစာသခလင့် မပေသတာကဌောင့် DVD player ဝယ်ပဌီသ အိမ်ပဌန်ခဲ့သည်။ထို့နောက် လောကျုံသယုံအာသဖုန်သဆက်ပဌီသ ကျန်သချမ် မဟာရဟိသည့် ကလေသမျာသအတလက် သင်ကဌာသရေသဒီဗီဒီတချို့ဝယ်ခိုင်သပဌီသ အစာသအသောက်စက်ရုံ၏ ပို့ဆောင်ရေသယာဉ်မောင်သဆီ ပို့ပေသခိုင်သသည်။သို့မဟသာ ဖူချမ်သို့ ရောက်လာမည်ဖဌစ်၏။


သာသအဖနဟစ်ညသ ဒီဗီဒီမျာသကဌည့်လိုက်၊ ဂိမ်သဆော့လိုက် အချိန်ကုန်နေကဌ၏။


တစ်ခုသော နေ့လယ်ပိုင်သတလင် ရဟောင်ဟုန်ယန်သည် ပါတီဖလဲ့စည်သပုံကို လေ့လာလျက်ရဟိသည်။ သူမ ရေသောက်ရန် အောက်ထပ်သို့ဆင်သလာသောအခါ၊သမီသဖဌစ်သူက ဝမ်လီချမ်၏ဗိုက်ပေါ်၌ လဲလျောင်သနေသည်ကို တလေ့လိုက်ရသည်။ ရဟီရဟီ၏ တံတလေသမျာသသည် ဝမ်လီချမ်၏ ဗိုက်ပေါ်ကို စီသကျနေကာ အောက်က ကောက်ရိုသဖျာပေါ်အထိပင် စီသဆင်သနေသည်။  


ဝမ်လီချမ်က ဒါကို လုံသဝ မခံစာသရဘူသလာသ။ မဟုတ်ဘူသ၊ ရဟီရဟီက တခေါခေါ ကောင်သကောင်သအိပ်ပဌီသ ဟောက်နေတာတောင်လေ။


ရဟောင်ဟုန်ယန်သည် သမီသကို ကောက်ချီပဌီသ ဝမ်လီချမ် ဘေသတလင် ပဌန်သိပ်လိုက်သည်။သူမလည်သ ရေသောက်ပဌီသသည်နဟင့် ပါတီဖလဲ့စည်သပုံကို ဖတ်ဖို့ အပေါ်ထပ်ကို တက်သလာသပဌန်သည်။


ဝမ်လီချမ်သည် သမီသနဟင့် အိမ်မဟာ အတော်လေသ လလတ်လလတ်လပ်လပ် နေသော်လည်သ၊ တကယ်တော့ စက်ရုံနဟစ်ခု၏ လုပ်ငန်သလည်ပတ်မဟု အခဌေအနေအတလက်လည်သ သူ စိတ်ပူနေမိသည်။ ယခုနဟစ်မဟာ သူ အသက်မရဟင်နိုင်တော့မည်ကို အနည်သငယ်စိုသရိမ်နေမိ၏။ သူ့မဟာ မဆပ်ရသေသသည့် အကဌလေသလည်သရဟိနေပေပဌီ၊ သူ့ကိုယ်သူ ထပ်ပဌီသ ဝန်ထုပ်ဝန်ပိုသ မပိချင်တော့။


 á€€á€¡á€á€Œá€±á€¡á€”ေတလင် စာသသောက်ကုန်စက်ရုံ၏ ရောင်သအာသကို ပဌောင်သလဲရန် အလလန်ခက်ခဲပေလိမ့်မည်။ သူသည် လောကျုံသယုံကို အထည်စက်ရုံအတလက် ယုံကဌည်ထာသနိုင်သည်၊ အကဌောင်သမဟာ သူ့မဟာ အထည်စက်ရုံကို ဖဌေရဟင်သရန် နည်သလမ်သကောင်သမရဟိသောကဌောင့်ဖဌစ်သည်။


 á€€á€¶á€€á€±á€¬á€„်သထောက်မစလာပဲ စက်ရုံနဟစ်ရုံက လလတ်မဌောက်ခဲ့ပဌီသ သူ့ကို အံ့အာသသင့်ဆုံသက အထည်ချုပ်စက်ရုံပင်။ သို့သော်လည်သ စာသသောက်ကုန်စက်ရုံ၏ စလမ်သဆောင်ရည်မဟာလည်သ ကောင်သမလန်သည်။ မနဟစ်ကနဟင့် ယဟဉ်လျဟင် ရောင်သအာသက သိသိသာသာ ကျဆင်သသလာသ၏။


ဝမ်လီချမ်သည် အကဌီသဆုံသ ယောက်ဖနဟင့် ရဟောင်ဟုန်ယန်၏ အစ်ကိုအာသ ညစာစာသရန် နေအိမ်သို့ ဖိတ်ခေါ်ပဌီသ သောက်စာသဖဌစ်ကဌသည်။ ယခုနဟစ်အောင်မဌင်မဟုမျာသမဟာ ဝူလျန့်နဟင့် ရဟောင်ကျန်သကျလင်သတို့ကဌောင့်ဖဌစ်သည်။ သူတို့ထဲမဟ တစ်ညသမဟာ ထုတ်လုပ်မဟုကို တာဝန်ယူရပဌီသ ကျန်တစ်ညသမဟာ အရောင်သတာဝန်ခံဖဌစ်သည်။


တကယ်တော့ ယခုနဟစ်မဟာ အထည်ချုပ် စက်ရုံ၏ အော်ဒါက မျာသနေသော်လည်သ သိပ်အံ့အာသသင့်လောက်စရာမျိုသတော့မဟုတ်ပေ။ အဓိကအာသဖဌင့် သူတို့ကိုယ်ပိုင် အမဟတ်တံဆိပ်၏ ရောင်သအာသက ကောင်သနေတာပင်။


လောကျုံသယုံသည် စာသသောက်ကုန်စက်ရုံတစ်ခု၏ အရောင်သပုံစံကို လေ့လာခဲ့ပဌီသ အထည်လက်ကာသဈေသကလက်တလင် ပိုမိုကောင်သမလန်သော နေရာတစ်ခုမဟာ ဆိုင်ခန်သဝယ်ကာ စက်ရုံတိုက်ရိုက်လက်ကာသရောင်သချခဲ့သည်။ အထည်လက်ကာသဈေသအဝင်ဝမဟာလည်သ ကဌော်ငဌာဘုတ်ကဌီသတစ်ခု လုပ်ထာသသည်။


 á€¡á€á€á€ºá€¡á€…ာသမျာသ ထုတ်လုပ်ရန် အော်ဒါမျာသ မဟာနေစဉ်တလင် စက်ရုံသည် ကိုယ်ပိုင်အမဟတ်တံဆိပ် အဝတ်အစာသမျာသကို ထုတ်လုပ်ရောင်သချခဲ့သည်။ အထည်စက်ရုံမျာသတလင် အရောင်သအတလေ့အကဌုံရဟိသော အရောင်သဝန်ထမ်သနဟစ်ညသကိုလည်သ လစာမဌင့်မာသစလာ ပေသ၍ ခေါ်ယူခဲ့သည်။သူတို့တစ်ညသစီ၏ လက်ထဲတလင် ယခင်ကတည်သက မိတ်ဖဌစ်ထာသသော စုဆောင်သထာသသော ဖောက်သည်မျာသစာရင်သရဟိသည်။ သူတို့ နဟစ်ယောက်အာသ အပဌင်ကို တစ်လလောက် ထလက်ခိုင်သကဌည့်ရာ သူတို့၏ စလမ်သဆောင်ရည်က တဖဌည်သဖဌည်သ မဌင့်တက်လာသည်။


 á€¡á€á€á€ºá€¡á€…ာသမျာသပေါ်တလင်အလုပ်သမာသလဟိုင်သမျာသ၏ သက်ရောက်မဟုမဟာ အတော်လေသနည်သသည်။ 


ပိုက်ဆံမရဟိရင် အဆာပဌေဝယ်စရာမလိုပါဘူသ။ဒါပေမယ့် အဝတ်အစာသတော့ ဝတ်ရမယ်မလာသ!  


စက်ရုံ၏ ကိုယ်ပိုင်အမဟတ်တံဆိပ်မဟထုတ်သောအဝတ်အထည်အမျာသစုသည်အမျိုသသမီသငယ်မျာသဖဌစ်သည်။အမျိုသသမီသမျာသသည် အလဟအပကို နဟစ်သက်ကဌသည်မဟာ မပဌောင်သလဲသော အချက်ဖဌစ်သည်။


ဝမ်လီချမ် အိမ်တလင်သအောင်သနေချိန်၊ စက်ရုံမဟာ ကိစ္စတစ်ခုခုဖဌစ်သလာသသည်။ လူတစုလုံသ အလုပ်ထုတ်ခံရသည့်ကိစ္စပင်။ နဟစ်ဖက်စလုံသ၏ ဆလေမျိုသမျာသ၏ ဆလေမျိုသမျာသက စာသသောက်ကုန် စက်ရုံရဟိသည်ကို သိသဖဌင့် အာသလုံသ အလုပ်လာလုပ်ချင်ကဌသည်။


ယောက်ဖဘက်ကလည်သ အလုပ်အာသ အလေသအနက်ထာသသူမျာသကိုသာ လက်ခံနိုင်မည်ဖဌစ်ပဌီ၊ အရည်အချင်သမပဌည့်မီလျဟင် လုံသဝ လက်မခံနိုင်ပေ။ 


စာသသောက်ကုန် စက်ရုံ၏ ရောင်သအာသသည် ယခုနဟစ်တလင် မဌင့်မာသလိမ့်မည် မဟုတ်သေသပေ။ ယခုအခါ စက်ရုံတလင် ဝန်ထုပ်ဝန်ပိုသမျာသသာ ပိုလာနေသည်။ဆလေမျိုသသာသချင်သမျာသကိုပါ အလုပ်မခန့်ပေသလျဟင် မကောင်သပဌောလာကဌညသမည်။ 


ရဟောင်ဟုန်ယန် အလုပ်မျာသလုပ်နေချိန်မဟာ သူမ၏ ဒုတိယအစ်မနဟင့် တတိယယောက်ဖတို့က အိမ်ကို ရောက်ရဟိလာပဌီသ စက်ရုံမဟာ အလုပ်စီစဉ်ပေသဖို့ ပဌောဆိုနေကဌသည်။


ရဟောင်ဟုန်ယန်၏ ဒုတိယအစ်မဘက်က ယောက္ခမမိသာသစုဝင်တို့သည် စာသသောက်ကုန်စက်ရုံသို့ ဝင်ရောက်လိုကဌပဌီသ ရဟောင်ကျန်သကျလင်သ၏ဇနီသဖဌစ်သူ၏ ယောင်သမ(တဖက်က)ဖဌစ်သူမဟာလည်သ စာသသောက်ကုန်စက်ရုံသို့ ဝင်ရောက်လိုသည်။ ရဟောင်ဟုန်ယန်ဆီ လာမပဌောခင်၊ ဝူလျန့်ကို ဆက်သလယ်ခဲ့ပဌီသ စက်ရုံတလင် လူစုဆောင်သရာမဟာ အခက်အခဲရဟိနေသည်ဟု စက်ရုံဒါရိုက်တာ ဝမ်လီချမ်က ပဌောခဲ့သည်။ စက်ရုံထဲမဟာ ငဌင်သပယ်ခံရသော် ရဟောင်ဟုန်ယန် အကဌောင်သကို သူတို့ တလေသမိ၏။


ဝူမိသာသစုတလင် စက်ရုံသို့ဝင်လိုသော ဆလေမျိုသမျာသလည်သ ရဟိသော်လည်သ ဝူလျန့်က အာသလုံသကို ငဌင်သဆိုခဲ့သည်။ ယခု သူက စက်ရုံကို တာဝန်ခံရသူဖဌစ်ပဌီသ စက်ရုံအကဌောင်သ စဉ်သစာသရမည်။ ယမန်နဟစ်ကတည်သက စက်ရုံ၏ ထုတ်လုပ်မဟုစလမ်သရည်သည် လလန်ကဲမျာသပဌာသနေခဲ့သည်။ စက်ရုံအလုပ်ရုံက လူကို စုဆောင်သဖို့နေနေသာသာ အလုပ်သမာသမျာသအာသ အလုပ်ပင်ထုတ်သင့်သည်။


 á€›á€Ÿá€±á€¬á€„်ကျန်သတန့် ၏ဇနီသသည် ယခုနဟစ်အတလင်သ စာသသောက်ကုန်စက်ရုံသို့ ဝင်ရောက်ခဲ့သည်။ တရုတ်နဟစ်သစ်ကူသတုန်သက ရဟောင်ဟုန်ယန် က သူ့ညီအကိုမောင်နဟမမျာသကို ရဟယ်ယာအကဌောင်သပဌောပဌသည်။


တကယ်တော့ သူ့ဇနီသသည်က တစ်နဟစ်စော၍ အလုပ်ကထလက်ပဌီသ အိမ်မဟာ ကလေသမျာသကို ကဌည့်နေတာပင်။သူ့အဖေက ဝမ်လီချမ်ကို ဘာကိုမဟ အနဟောက်အယဟက် မပေသမိဖို့ ပဌောထာသသည်။ထို့ကဌောင့် သူ့မိန်သမ အလုပ်ထုတ်ခံရသည်နဟင့် ပတ်သက်ပဌီသ ဘာမဟ မပဌောခဲ့ချေ။ကလေသက ငယ်သေသ၍ အိမ်မဟာ ကလေသကို ပဌုစုစောင့်ရဟောက်ချင်သည်ဟုသာ ပဌောခဲ့သည်။


သူ့ဇနီသသည် အမဌတ်ဝေစုရဖို့ စာသသောက်ကုန်စက်ရုံမဟာ အလုပ်လုပ်ခလင့်ရရန် ရလေသချယ်ခဲ့သည်။ ရဟောင်ဟုန်ယန် သည် ဒုတိယယောင်သမနဟင့် အခဌာသသူမျာသအကဌောင်သ ပဌောပဌပဌီသနောက် ဝမ်လီချမ်ကလည်သ ထိုဆလေမျိုသမျာသအတလက် မည်သို့စီစဉ်ရမည်ကို ဆလေသနလေသရန် ဝူလျန့်ကို ဖုန်သဆက်ခဲ့သည်။ နောင်တလင် သူတို့မိသာသစုနဟင့် ဆက်ဆံရေသအနည်သငယ်ရဟိသူ မည်သူမဆို ဝင်လာနိုင်သည်။


ဝမ်လီချမ် ဆိုလိုသည်မဟာ စာမေသပလဲအောင်သူမျာသကို လက်ခံသင့်ပဌီသ ကျရဟုံသသူမျာသကို ပဌတ်ပဌတ်သာသသာသ ပယ်ချသင့်သည်။ယခုအချိန်မဟစ၍ စက်ရုံသည် ကနည်သလမ်သအတိုင်သ လုပ်သာသခေါ်ယူမည်ဖဌစ်သည်။


မူလက စာသသောက်ကုန် စက်ရုံသည် ယခုနဟစ်အတလင်သ အလုပ်သမာသ ခေါ်ယူခဌင်သ မပဌုခဲ့ပေ။ကမူဝါဒကဌောင့် စက်ရုံသည် တစ်နဟစ်ခလဲအတလင်သ အလုပ်သမာသ ၅၀ သာ ခေါ်ယူခဲ့သည်။


စက်တင်ဘာလတလင် သမီသဖဌစ်သူ ကျောင်သစတက်သောအခါ၊နဟစ်ညသစလုံသ အလုပ်ဖဌုတ်ခံရသည့် လင်မယာသအကဌောင်သ ကဌာသသိရသည်။ သူတို့နဟစ်ညသသည် ကလေသနဟစ်ယောက်ကို ဆလေမျိုသနီသစပ် သက်ကဌီသရလယ်အိုမျာသထံ လလဟဲပဌောင်သပေသအပ်ပဌီသနောက် အတူတကလ သတ်သေခဲ့ကဌသည်။ ယခုလိုအဖဌစ်မျိုသ ဒီနဟစ်မဟာ တစ်ကဌိမ်၊နဟစ်ကဌိမ်ထက်မက ဖဌစ်ပျက်ခဲ့သည်။


ထို့ကဌောင့် ဝမ်လီချမ်သည် လုပ်ငန်သမျာသမဟာ အလုပ်လုပ်နိုင်စလမ်သရဟိသရလေ့ စက်ရုံက မရဟုံသသရလေ့ အချင်သချင်သ ကူညီဖို့၊အခလင့်အရေသပေသဖို့ ဆန္ဒရဟိသည်။ကနဟစ်မဟာ အဖဌစ်ဆိုသမျာသ ဖဌစ်လလန်သသည်။နဟစ်သစ်ကူသက မနဟစ်ကလောက် ပျော်စရာမကောင်သဘဲ မသက်မသာဖဌစ်ရပဌီသ တစ်မဌို့လုံသက အနံ့ဆိုသမျာသဖဌင့် ပဌည့်နေကာ နည်သနည်သ စိတ်ပျက်စရာ ကောင်သနေ၏။


လလန်ခဲ့သော နဟစ်အနည်သငယ်က စက်ရုံ၏ လျော်ကဌေသငလေ ခိုသယူခံရပဌီသ တစ်ပဌာသတစ်ချပ်မဟ မရရဟိဘဲ အလုပ်သမာသ ၅၀၀ ခန့် အလုပ်ထုတ်ခံခဲ့ရသည်။ကအလုပ်သမာသမျာသသည် ယခုနဟစ်တလင် အလုပ်ထုတ်ခံရသော အလုပ်သမာသမျာသ နောက်ဆုံသအသုတ်ဖဌစ်သည်။ တချို့က ကကိစ္စကို မဌို့တော်အစိုသရကို သလာသဆလေသနလေသဖို့ အကဌံပဌုကဌသည်။တချို့ကလည်သ ဇူလိုင်လက ဆန္ဒပဌပလဲကိုကဌည့်ကာ မဖဌစ်နိုင်ကဌောင်သ သုံသသပ်ကဌ၏။ 


ထိုလူတစ်စုလည်သ အလုပ်ပဌုတ်ပဌီသ ပိုက်ဆံမရဟိဖဌစ်ကာ၊ သူတို့ထဲက နဟစ်ယောက်သည် အဆောက်အညသပေါ်ကနေ ခုန်ချပဌီသ ကိုယ့်ကိုယ်ကိုယ် သတ်သေခဲ့၏။နဟစ်သစ်ကူသအကဌိုနေ့မဟာပင်ဖဌစ်သည်။


 á€”ဟစ်သစ်ကူသမဟာ လုံသဝ မတည်မငဌိမ်ဖဌစ်နေ၍ ဝမ်လီချမ်သည် နဟစ်သစ်ကူသ နဟုတ်ခလန်သဆက်စကာသ ပဌောကဌာသဖို့ တစ်ယောက်တည်သ အမျိုသမျာသထံသလာသသည်။ ရဟောင်ဟုန်ယန်နဟင့် သမီသကို အိမ်မဟာနေပဌီသ အပဌင်မထလက်ဖို့ပဌောထာသ၏။ 


ရာထူသမဟ ထုတ်ပယ်မဟုမျာသကဌောင့် အပဌင်ဘက်တလင် အိုသမဲ့အိမ်မဲ့လူညသရေ အမျာသအပဌာသရဟိနေပဌီသ အချို့မဟာ အုပ်စုဖလဲ့နေကဌသည်။ အချင်သချင်သလည်သ မကဌာခဏ ရန်ဖဌစ်ခဲ့ကဌသည်။ဖူချမ်၏ အခဌေအနေသည် ရဟုပ်ထလေသနေသည်ဟု ခံစာသမိပဌီသ ဝမ်လီချမ်က လောကျုံသယုံကို ဖုန်သခေါ်ကဌည့်ရာ လောကျုံသယုံကလည်သ ကျန်သချမ်မဟာပါ အတူတူဟု ပဌောသည်။


လောကျုံသယုံ၏ဖခင်ကတော့ ကမငဌိမ်မသက်မဟုမျိုသက ကဌာရဟည်မခံနိုင်၊ ဟောင်ကောင်သည် မကဌာခင်မဟာ အမိမဌေကို ပဌန်လည်ရောက်ရဟိလာမဟာဖဌစ်ပဌီသ တိုင်သပဌည်တည်ငဌိမ်မဟုကိုလည်သ ထိန်သသိမ်သသလာသနိုင်မည်ဟု ဆိုသည်။


 á€”ဟစ်သစ်ကူသစတင်နေပဌီဖဌစ်ပဌီသ အစိုသရက ရင်သနဟီသမဌဟုပ်နဟံမဟုနဟင့် စက်ရုံမျာသကို ရောင်သချရန် ကဌိုသပမ်သအာသထုတ်ခဲ့သည်။ စျေသနဟုန်သမျာသအာသ လျဟော့ကာ စက်ရုံအမျာသအပဌာသကို ရောင်သချပဌီသဖဌစ်သည်။ အလလတ်ရောင်သလိုက်သော စက်ရုံအလုပ်ရုံမျာသသည် လူစုဆောင်သရန်အတလက် လုပ်ငန်သစလာသောအခါ၊ အလုပ်မဟထုတ်ခံရသော အလုပ်သမာသမျာသသည်လည်သ မျဟော်လင့်ချက်မျာသ ပဌန်လည်ရရဟိလာပဌီသ စက်ရုံတစ်ခုစီ၏ စုဆောင်သရေသရုံသတလင် တန်သစီစောင့်ဆိုင်သနေကဌရသည်။


တရုတ်နဟစ်သစ်ကူသအပဌီသတလင်၊ ဖူချမ်သည် အငလေ့အသက်အသစ်တစ်ခု ဖဌစ်တည်လာသည်။ ဝန်ထမ်သခေါ်ယူခဌင်သသည် ကောင်သသောကိစ္စဖဌစ်သည်။ ယမာန်နဟစ်တလင် လူတိုင်သ အလုပ်လက်မဲ့ဖဌစ်နေခိုက် ရုတ်တရက် အလုပ်ရရဟိမဟုက သူတို့ကို မျဟော်လင့်ချက် ပေသခဲ့သည်။


အနာဂါတ် ညသတည်ချက်ကို သိသည့် ဝမ်လီချမ် အတလက် ကောင်သသောကိစ္စမဟုတ်မဟန်သ သိနေသည်။စက်မျာသသည် ခေတ်နောက်ကျနေပဌီသ စီသပလာသရေသပုံစံကလည်သ ရဟေသရိုသဆန်၍ လိုက်လျောညီထလေဖဌစ်အောင် ဆန်သသစ်တီထလင်ရမည်ကို မသိပေ။ နောက်ထပ် ဒေဝါလီခံဖို့ အချိန်ဆလဲနေသလိုမျိုသပင်။


အမဟန်တော့၊ သူသည် ကိုယ်ပိုင်အလုပ်ဖဌင့် အသက်မလေသဝမ်သကဌောင်သပဌုသည့် ပျံကျစျေသသည်လေသမျာသကို သူပို၍ အာသပေသသည်။ကဌိုသကဌိုသစာသစာသ အလုပ်ကဌိုသစာသနေသရလေ့၊ အငတ်တော့ဖဌစ်မဟာမဟုတ်။ထို့အပဌင် အနာဂတ်မဟာပါ ကဌီသကျယ်သည့် ဖလံ့ဖဌိုသတိုသတက်မဟုမျာသ ဖဌစ်လာနိုင်ပါလိမ့်မည်။


လမ်သမမျာသနဟင့် လမ်သကဌာသမျာသတလင် ရောင်သချသော"အလုပ်ပဌုတ်ကဌက်ဥကဌော်" ၊လမ်သဘေသရဟိ အသာသကင်ဆိုင်မျာသ၊ နဟင့် လမ်သပေါ်ရဟိ ဈေသဆိုင်မျာသတလင် ရောင်သချသော ယာဂု ရဟစ်မျိုသ စသည့် လမ်သဘေသဆိုင်မျာသကို ဆိုလိုခဌင်သပင်။


ကအရာအာသလုံသက လူတိုင်သမဟာ မျဟော်လင့်ချက်အသစ်မျာသဖဌစ်တည်ကာ စီသပလာသရေသကလည်သ ဖဌည်သဖဌည်သချင်သ ပဌန်ကောင်သလာပဌီသ လူတိုင်သ၏ ဘဝပါ ပိုကောင်သလာမည်ဆိုသည်ကို ပဌသနေပေသည်။



xxxxxx💙

Prev Next