Chapter 72

💙 Chapter 72 - သီးခြားအခန်း

ဝမ်လီချမ်က လီလန်ဖန်းကို မကြိုက်တော့ဘူးဟု ပြောသည့်အတွက် ရှောင်ဟုန်ယန် ဝန်ထုပ်ကြီးကျသွားသည်။ သူမ၏ အလုပ်လည်း အဆင်ပြေနေသည်၊ သမီးကလည်း လိမ္မာရေးခြားရှိပြီး ခင်ပွန်းကလည်း ကောင်းကောင်း ဆက်ဆံပေးသည်။

ဝမ်လီချမ်သည် ဟောင်ကောင်မှ ဝယ်လာသော အဝတ်အစားများကို ထုတ်ယူလိုက်သောအခါတွင် သူမ အနည်းငယ် စိတ်မသက်မသာ ဖြစ်မိသည်။ ယခုဆို ဟောင်‌ေကာင်က ဝယ်လာသော စိန်လက်စွပ်ကိုပင် မဝတ်ထားမိပေ။ထို့အပြင် လက်စွပ်ကိုမြင်ပြီး သူမ ထိုအကြောင်းကို ပြန်တွေးနေမိသည်။

 ထိုအဖြစ်အပျက် ပြီးသွားသလို၊ ဝမ်လီချမ်သည် အပြစ်ကင်းသည်ဟု သူမ ကျေကျေနပ်နပ် ယုံကြည်နေသော်လည်း သူမ စိတ်မသက်မသာဖြစ်ကာ မပျော်မရွှင် ဖြစ်နေသေးသည်။ သူသည် ထိုအမျိုးသမီးကို အလွန်တောက်ပစွာ ပြုံးပြခဲ့သည်ပင်။

 "အဝတ်အစားတွေ အများကြီးဝယ်ခဲ့တာပဲ၊ ကျွန်မ ဝတ်မနိုင်တော့ဘူး"

သူမတွင် အဝတ်အစား အများကြီးရှိသည်။ နှစ်ပတ်လောက် မထပ်ဘဲ ဝတ်နိုင်သည်အထိ ပေါများလှသည်။ဟောင်ကောင်ကနေ ဝယ်လာ၍ အဝတ်အစားပိုေပါသွားသည်။သို့သော်လည်း သူမလို လှပကျော့ရှင်းသောအဝတ်အစားများ ဝတ်သူ ရုံးတွင်တစ်ယောက်မျှပင်မရှိပေ။ 

အမျိုးသမီးများသည် အလှအပကို နှစ်သက်ကြသည်၊ အထူးသဖြင့် အဝတ်အစားကိစ္စပင်။လှတပတလေးများဝတ်လိုက်လျှင် မနာလိုသည့် မျက်လုံးများ ပေါ်လာလိမ့်မည်။  

 ဟောင်ကောင်မှ ပြန်လည်ယူဆောင်လာသော ဝမ်လီချမ် ၏ အသားအရေထိန်း အလှကုန်များကို သေတ္တာအောက်ခြေတွင် သိမ်းဆည်းထားသည်။ ယခု သူမက အဝတ်အစားများ ဝတ်ကြည့်လိုက်သော အလှကုန်များက အလင်းရောင်ကို ပြန်မြင်ရပြန်သည်။

 "မင်းကလည်း အမြဲ နည်းနည်းပါးပါးပဲ လိမ်းတယ်၊မသိမ်းထားနဲ့။ ကုန်သွားရင် ကိုယ်တို့ ထပ်ဝယ်ကြမယ်" 

ရှောင်ဟုန်ယန်က သူ ပေးသော ပစ္စည်းများအား မကြိုက်၍ သေတ္တာအောက်ခြေမှာ ထားသည်ဟု သူ ထင်နေသည်။သူမ တစ်ခါမှလိမ်းတာ သိပ်မတွေ့ဖူးချေ။ ဆောင်းရာသီတွင်သာ ခြောက်သွေ့ခြင်းနှင့် အသားအက်ခြင်းများကို ကာကွယ်ရန်သာ လိမ်းတတ်သည်။ 

 "ဘယ်မှာဝယ်မလဲ၊ ဟောင်ကောင်ကို ထပ်သွားပြီး ဝယ်ချင်သေးလား"

ရှောင်ဟုန်ယန်က သူမ လုပ်နေသည်များကို ရပ်လိုက်ပြီး ဝမ်လီချမ်ကို စိုက်ကြည့်နေသည်။

 "ဟင့်အင်း၊ ကိုယ် ဟောင်ကောင်ကို သွားလည်တဲ့အခါ မင်းလည်း လိုက်ခဲ့၊တစ်ယောက်တည်း ဘယ်တော့မှ မသွားတော့ဘူး"  

ရှောင်ဟုန်ယန်က သူ့ကို စိုက်ကြည့်နေသဖြင့် ဝမ်လီချမ် နည်းနည်းတော့ လန့်သွားသည်။ ဟောင်ကောင်မှာ သူ ဘာမှမလုပ်ခဲ့သာ်လည်း သူမ၏ တုံ့ပြန်မှုက အတော်အိုဗာဖြစ်နေသည်။

 "ကောင်းပြီ နောက်တစ်ခါ ဟောင်ကောင်ကို အတူတူသွားရအောင်"  

ဤအဖြေကို သူမ ကျေနပ်သည်။ ဝမ်လီချမ်ကို ဟောင်ကောင်က ဘယ်လိုဆွဲဆောင်ခဲ့သလဲဆိုသည်ကို သူမလည်း မြင်ချင်သည်။အဝတ်အစားများကလည်း တော်တော်လှ၍ သူမလည်း စျေးဝယ်ချင်မိ၏။

လွန်ခဲ့သည့် နှစ်ရက်က မာကျစ်သည် ဟောင်ကောင်သို့ မကြာခဏ လာရောက်လည်ပတ်ရန် ကြိုဆိုကြောင်းနှင့် သူ့အိမ်တွင် နေထိုင်နိုင်ကြောင်း အိမ်ဝယ်ထားကြောင်း ပြောရန် ဖုန်းခေါ်လာခဲ့သည်။ဝမ်လီချမ်လည်း အချိန်ရလျှင် လာမည်ဟု မာကျစ်အား ကတိပေးထားသည်။

ယမန်နှစ်က ဟောင်ကောင်မှ ပြန်ယူလာသော အထည်များသည် အမြောက်အမြားထုတ်လုပ်ခဲ့ပြီး ယခုနှစ်တွင် ရောင်းအားကောင်းမွန်ကာ စျေးကွက်တုံ့ပြန်မှုလည်း ကောင်းမွန်ခဲ့သည်။ အဝတ်အစားများပြန်ရဖို့အတွက် ဟောင်ကောင်ကို သွားချင်မိသည်။

ယခု ရှောင်ဟုန်ယန် နှင့် သဘောတူပြီးပြီဖြစ်၍ လောလောဆယ် နောက်တစ်ကြိမ် ထပ်သွားဖို့ အခွင့်အလမ်း မရှိသေး။

 မူလက လောကျုံးယုံ နှင့် ဟောင်ကောင်ကို ပြန်သွားချင်သော်လည်း လောကျုံးယုံက သူ့သမီးက ငယ်သေး၍ သူ ထိန်းနေရသေးကြောင်းပြောသည်။ တကယ်တမ်းက သူ လိမ်နေခြင်းပင်။ သူ့သမီးက နို့မဖြတ်ရသေးပေ။ သူ့အမေကိုသာ လောလောဆယ် လိုသည်။ ဖအေကို သိပ်မတွယ်ကပ်တတ်သေး။ အမှန်က သူက အဖြစ်သည်းနေတာပင်။

လောကျုံးယုံ နှင့် လျန့်လီရွှယ် တို့၏သမီးကို လောရွှယ် ဟုခေါ်တွင်ပြီး သူမ၏မွေးနေ့မှာလည်း ထိုနေ့တွင်ပင်ဖြစ်ကာ ဤအရာများသည် ပြောင်းလဲခြင်းမရှိပေ။

လောရွှယ် မွေးဖွားချိန်တွင် ဝမ်လီချမ်သည် သူမကိုတွေ့ရန် ဆေးရုံသွားခဲ့ပြီး သူမအား ပွေ့ချီခဲ့‌ေသးသည်။ လောရွှယ် ကို သူ့လက်နှစ်ဖက်ထဲမှာ ပွေ့ထားရသည်ကို မြင်လိုက်ရသည်နှင့် စိတ်ထဲက ရယ်မိသည်။

ထိုနှစ်များ၏ အတွေ့အကြုံများသည် အံ့ဖွယ်ကောင်းသည်ဟု သူခံစားမိသည်။ သူ့ရင်ခွင်ထဲက လောရွှယ် လေးကိုကြည့်ပါ။ မွေးကင်းစ လောရွှယ် ကို သူ ယခုလို ချီပိုးရမည်ဟု သူ ဘယ်တုန်းကမှ မတွေးခဲ့မိပေ။

မာကျစ်သည် စတော့ရှယ်ယာဈေးကွက်မှ အိမ်တစ်လုံးဝယ်နိုင်သည်အထိ ငွေရှာနိုင်ခဲ့ပြီး ဝမ်လီချမ် သည်လည်း အမြတ်များစွာရရှိခဲ့သည်။ သူက မာကျစ်ကို ပိုက်ဆံလွှဲခိုင်းဖို့ မတွေးထားပေ။ ပြည်မကြီးမှ ဟောင်ကောင်သို့ ငွေပို့သည်ဖြစ်စေ၊ ဟောင်ကောင်မှ ပြည်မကြီးသို့ ငွေပို့သည်ဖြစ်စေ ပမာဏကန့်သတ်ထားသည်။ထို့အပြင် မာကျစ်သည် သူ၏ပိုက်ဆံများကို စတော့ဈေးကွက်တွင် ဆက်လက်ရင်းနှီးမြုပ်နှံပြီး ငွေရှာရန်အတွက်လည်း အသုံးပြုနိုင်သည်။

ချန်သဲရုံ ကိစ္စ ဖြစ်ပျက်ပြီးနောက်တွင် သူသည် မာကျစ်ကို သတိထားလာခဲ့သည်။သို့သော် ဟောင်ကောင်မှ လူခံဆို၍ မာကျစ်ကိုသာ သိပြီး သူလည်း ဟောင်ကောင်မှာသာ ငွေရှာနိုင်သည်။

သူသည် စတော့ရှယ်ယာဈေးကွက်တွင် စုစုပေါင်းအမေရိကန်ဒေါ်လာ တစ်သိန်း ရင်းနှီးမြှုပ်နှံခဲ့ပြီး လက်ရှိငွေကြေးအရင်းအနှီးသည် ဟောင်ကောင်ဒေါ်လာ 5 သန်းအထိရောက်ရှိခဲ့သည်။ မာကျစ်က သူ့ကို သစ္စာဖောက်ခဲ့မည်ဆိုလျှင် သူ ငွေများ ဆုံးရှုံးသွားလိမ့်မည်။ ထို့အပြင်၊ ချန်သဲရုံသည် မာကျစ်ထက် ရည်မှန်းချက်ပိုမိုကြီးမားကြောင်း သူ အမြဲသိနေပြီး မာကျစ် သည် ဗိုလ်နေမြဲ ကျားနေမြဲအခြေအနေနှင့် ပိုကျေနပ်သူဖြစ်သည်။ သို့သော်လည်း မာကျစ် ပြောင်းလဲသွားမှာကို သူ ကြောက်သည်။

မည်သို့ပင်ဆိုစေ ဘဝက အလောင်းအစားသဘောမျိုးပင်။ သင်အောင်မြင်ပါက သင့်တွင် သူငယ်ချင်းများနှင့် ငွေကြေးများ ပိုမိုရရှိမည်ဖြစ်ပြီး ဟောင်ကောင်သို့သွားပေါက်သွားလမ်းများ ပိုမိုများပြားလာမည်ဖြစ်သည်။ ရှုံးလျှင် သူငယ်ချင်းနည်းပြီး ပိုက်ဆံလည်း နည်းနည်းသာရနိုင်မည်။

ယခု နွေရာသီတွင် ရှောင်ဝမ်ရှီသည် အသက်ငါးနှစ်ကျော်နေပြီဖြစ်သည်။ယခု သူတို့မိသားစုမှာ ပြဿနာတစ်ခုနှင့်ရင်ဆိုင်နေရသည်။ယင်းမှာ ရှောင်ဝမ်ရှီ မည်သည့်နေရာတွင် အိပ်သင့်သနည်းဆိုတာပင်။

ရှောင်ဟုန်ယန် ဆိုလိုသည်မှာ သူ့သမီးက အသက်အရမ်းကြီးနေသည့်အတွက် တစ်ယောက်တည်း အိပ်သင့်သည်။

 သမီးလေး အသက်ကြီးလာသည့်အခါ အတူတူအိပ်ခြင်းက နေရာကျပ်ရုံတင်မကဘဲ သူတို့ လင်မယားဘဝကိုပါ ထိခိုက်စေသည်။ သမီးဖြစ်သူကို ယောက္ခမနှင့် အိပ်စေချင်သော်လည်း ဝမ်လီချမ်က သဘောမတူပေ။

 အဖွားနှင့်အိပ်ခြင်းသည် လူကြီးကို အိပ်ရ‌ေးပျက်စေပြီး သမီး၏ကြီးထွားမှုကိုလည်း အထောက်အကူမပြုသောကြောင့်ဖြစ်သည်။ ဤသည်ကို ဝမ်လီချမ်က ပြောလာခြင်းပင်။

ယခု နောက်ထပ်ပြဿနာတစ်ခုရှိသေးသည်။ ဒုတိယထပ်တွင် အခန်းနှစ်ခန်းရှိသည်။ သူတို့ဇနီးမောင်နှံက တစ်ခန်း၊ လျှိုဖုန်းကျန်းက တစ်ခန်းဖြစ်သည်။ တတိယထပ်တွင် အခြားအခန်းတစ်ခုရှိသော်လည်း၊ သမီးဖြစ်သူ တတိယထပ်တွင် တစ်ယောက်တည်း အိပ်ပါက သက်တောင့်သက်သာရှိမည်မဟုတ်ပေ။

 အဆုံးတွင် ဝမ်လီချမ် နှင့် ရှောင်ဟုန်ယန်တို့ ဆွေးနွေးခဲ့ကြပြီး လင်မယားနှစ်ယောက် အပေါ်ထပ်သို့ ပြောင်းရွှေ့သွားကာ သမီးနှင့် လျှိုဖုန်းကျန်းတို့က သည် ဒုတိယထပ်တွင် အိပ်ရမည်ဖြစ်‌ေလသည်။

ပထမညတွင် ညဦးပိုင်းက အတူတူအိပ်ကြပြီး တတိယထပ်အခန်းသို့ မပြန်မီ သမီးဖြစ်သူ အိပ်ပျော်သွားသည်ကို စောင့်ဆိုင်းခဲ့ကြသည်။ မနက်မိုးလင်း၍ အိပ်ရာက နိုးလာသော် သမီးဖြစ်သူက အဖွားနှင့် အတူသွားအိပ်ကြောင်းသိရသည်။ 

 ဒုတိယညတွင် ဝမ်လီချမ်က သူ့အမေ၏ အခန်းကို တံခါးသော့ခတ်ခိုင်းထားလိုက်သည်။ထို့ကြောင့် သူ့သမီးက တတိယထပ်ကို တက်ပြီး သူတို့အခန်းကို ရောက်လာသည်။ညက သူတို့နှင့်အတူအိပ်ခဲ့မှန်း ဝမ်လီချမ် နိုးလာချိန်မှသာ သိခဲ့သည်။

လေအေးပေးစက် မရှိသောကြောင့် မနေ့ညက တစ်ကြိမ် နိုးလာခဲ့သည်။ မနက် အိပ်ရာက နိုးလာသော် သမီးက သူနှင့် ရှောင်ဟုန်ယန် ကြားမှာ အိပ်ပျော်နေသည်ကို တွေ့လိုက်၏။

သူ့ကို ပို၍ပင် အဆင်မပြေဖြစ်စေသည်က မနက်ခင်းတွင် erection ဖြစ်နေခြင်းပင်။နွေရာသီတွင် သူသည် အဝတ်အစားအနည်းငယ်သာဝတ်အိပ်ခဲ့ပြီး စောင်ကိုလည်း မခြုံထားပေ။ သူ့သမီး အခန်းထဲမှာ အိပ်တိုင်း စောစောစီးစီး ယခုလို ဖြစ်နေခြင်းက သူ့ကို ရှက်ရွံ့စေသည်။

 တတိယညတွင် ဝမ်လီချမ်သည် တတိယထပ်ရှိ သူတို့ အခန်းတံခါးကိုလည်း သော့ခတ်ခဲ့သည်။ ညသန်းခေါင်မှာ သူ့သမီးက တက်လာပြီး တံခါးကို ခေါက်သော် ရှောင်ဟုန်ယန် စိတ်ပူသွားသည်။သူမ တံခါးဖွင့်ဖို့ ထလိုက်သော် သူ့သမီးက အောက်ထပ်ကိုပြန်ဆင်းနေပြီဖြစ်သည်။သူမလည်း သမီးဖြစ်သူ အိပ်ရာဝင်သွားပြီဟု ထင်ကာ အိပ်ရာသို့ ပြန်ပြီး ဆက်အိပ်နေလေသည်။

 နိုးလာသောအခါ သမီးဖြစ်သူသည် အဖွားနှင့်အတူ အိပ်နေပြန်သည်။ ရှောင်ဝမ်ရှီသည် တတိယထပ်သို့ ပထမဆုံးရောက်လာပြီး တံခါးခေါက်ပြီးနောက် ဒုတိယထပ်သို့သွားကာ အဖွား၏အခန်းတံခါးကိုခေါက်သည်။ တံခါးကိုမည်သူမျှမဖွင့်သောအခါတွင် သူမ ငိုနေတော့သည်။ လျှိုဖုန်းကျန်း က သူ့မြေးမလေး ငိုသံကြားသော် မနေနိုင်၍ တံခါးဖွင့်ပြီး ဝင်ခွင့်ပြုလိုက်၏။

 အကြောင်းတရားကို သိသော် ဝမ်လီချမ်က သူ့အမေကို အလေးအနက်ထားပြီး တံခါးမဖွင့်ဖို့ ပြောလိုက်သည်။

 ထိုညတွင် ရှောင်ဝမ်ရှီသည် တံခါးကိုခေါက်ကာ ငိုယို အော်ဟစ်နေသော်လည်း မည်သူမျှ တံခါးမဖွင့်ပေး၍ သူမအခန်းထဲသို့ ပြန်သွားကာ တစ်ယောက်တည်း အိပ်နေလေသည်။ သုံးရက်ဆက်တိုက် တံခါးခေါက်ပြီး ငိုနေသည်။သို့သော် ငိုနေ၍လည်း အသုံးမဝင်မှန်းသိပြီးနောက်မှာ သူမတစ်ယောက်တည်း အိပ်ပျော်သွားခဲ့သည်။

သူတို့သမီးလေးတစ်ယောက်ထဲ အိပ်တတ်ပြီးနောက် ဝမ်လီချမ်နှင့် ရှောင်ဟုန်ယန်တို့သည် သာမန်အိမ်ထောင်ရေးဘဝကို စတင်ခဲ့ကြသည်။ပြီးသွားသောအခါ သူတို့ နှစ်ယောက်လုံး ချွေးများနစ်နေပြီး ရေမချိုးဘဲ အိပ်မပျော်ကြချေ။ 

 လင်မယားနှစ်ယောက် ရေချိုးပြီးနောက် သမီးဖြစ်သူကို စစ်ဆေးရန် ဒုတိယထပ်သို့ သွားခဲ့သည်။

 "ကျွန်မတို့ ရှီရှီကို ဒီလို ဆက်ဆံတာ အဆင်ပြေရဲ့လား" 

ဝမ်လီချမ်၏ ရှက်ရွံ့မှုကို သူမသိသည်။ သမီးက သူတို့နှင့်နဲ့မအိပ်ရလျှင် ယောက္ခမနှင့် အိပ်နိုင်သည်။ ညဘက်တွင် သမီး၏အနားမှာ မည်သူမျှမရှိသည့်အတွက် သူမ စိတ်မသက်မသာဖြစ်မိသေးသည်။

 "ရပါတယ်၊ သူမ ဘာသာသူမ လွတ်လွတ်လပ်လပ် အိပ်တတ်ဖို့ အမြဲသင်ယူနေရမယ်"

မိခင်သည် အသက်ကြီးလာသည်နှင့်အမျှ ရှီရှီ ကိုပါ အတူသိပ်ပါက အိပ်ရေးပျက်စေနိုင်ပြီး ကလေးသည် ကြီးပြင်းလာသောအခါတွင်လည်း သက်ကြီးရွယ်အိုများနှင့် အတူအိပ်နိုင်မည်မဟုတ်ပေ။

တခါတရံတွင် ဝမ်လီချမ်၏ အတွေးအချို့ကို သူမ နားမလည်နိုင်‌ေပ။သူက သမီးအပေါ် အဖြစ်သည်းသူဖြစ်၏။ ယခုမူ သူ့သမီးကို တစ်ယောက်တည်း အိပ်ခိုင်းနေသဖြင့် သူမလည်း ဘာမှမတတ်နိုင်တော့ပေ။ခါတိုင်းဆို သူ့သမီး တစ်ချက်ငိုတာနှင့် အပြေးအလွှားချော့တတ်တာပင်။

ယခုနှစ် တရုတ်နှစ်သစ်ကူးကာလအတွင်း ဖန်ကျန်းနှင့် ၎င်း၏တတိယညီမဖြစ်သူ ရှောင်ဝမ်ရှီ တို့နှင့်အတူ ကစားရန် အရုပ်တစ်ခုတောင်းဆိုခဲ့သည်။ ရှောင်ဝမ်ရှီ ၏အရုပ်အများစုကို ကျန်းချမ် တွင် ဝမ်လီချမ်မှ ဝယ်ယူ‌ေပးခဲ့ပြီး ဟောင်ကောင်မှလည်း ဝယ်လာခဲ့သည်။ ထို့ကြောင့် ရှီရှီ၏ မောင်နှမဝမ်းကွဲများက အိမ်ရောက်လျှင် သူမ၏ အရုပ်များနှင့် ကစားကြလိမ့်မည်။

ဖန်ကျန်းက ရှောင်ဝမ်ရှီ ၏ အရုပ်များနှင့် ဆော့ကစားချင်သော်လည်း ရှောင်ဝမ်ရှီက သူ့ကို မပေးချင်ဘဲ အစ်မကြီး၏ သမီး ဝူလင်း ကိုသာ ပေးခဲ့သည်။ ရှောင်ဝမ်ရှီက သူ့ကို မပေး၍ ဖန်ကျန်းက အတင်းလုပါတော့သည်။ သူသည် ရှစ်နှစ်ရှိပြီဖြစ်၍ ရှောင်ဝမ်ရှီ သူနှင့်ပြိုင်ပြီး မလုနိုင်ဘဲ သူမမှာ ကြမ်းပြင်ပေါ်လဲသွားတော့သည်။ 

တတိယယောက်ဖသည် ဖန်ကျန်းကြောင့် ရှောင်ဝမ်ရှီ ငိုသွားမှန်းသိလိုက်သည်။

ရှောင်ဟုန်ယန်သည် တတိယထပ်မှ ဆင်းလာသောအခါ အောက်ထပ်တွင် တတိယညီမနှင့် တတိယယောက္ခမတို့ စကားပြောသံကို ကြားလိုက်ရသည်။

 "ရှင် ဘာလို့ ဖန်ကျန်းကို ရိုက်တာလဲ၊ ကလေးမှာ အသားတောင်နီသွားပြီ" 

တရုတ်နှစ်သစ်ကူးတုန်းကလည်း သူ့သားကို အပြင်မှာ ရိုက်သေးသည်။ သားက အသက်ကြီးနေ၍ ရှက်တတ်လာပေမည်။

 " ငါ မင့်သားကို အရင်မရိုက်ရင် မင့်မောင်က ရိုက်မှာပေါ့၊ ငါ့သား ပိုနာလိမ့်မယ်"

 "ဟင့်အင်း ကျွန်မ မောင်က သားကို ဘာလို့ ရိုက်မှာလဲ"  

ဝမ်လီချမ်သည် သူ့တူများကို မရိုက်ဖူးပေ။ နှစ်သစ်ကူးဆိုလျှင်လည် မုန့်ဖိုး ပိုက်ဆံအများကြီးပေးတတ်သည်။ 

 "မင်းရဲ့သားက မင့်မောင်ရဲ့ အချစ်တုံးလေးကို တွန်းလိုက်တာလေ၊ တော်သေးလို့ ငါ မြန်မြန် မင့်သားကို ရိုက်လိုက်တာ"   

ဝမ်လီချမ်သည် မည်မျှ သမီးဖြစ်သူအား ကဲသည်ကို အကုန်သိသည်။ ထို့အပြင် ဖန်ကျန်းသည် အသက်ကြီးနေသော်လည်း သူ့ညီမ၏ အရုပ်လေးကိုတောင် လုချင်နေသည်။ သူသည် အနာဂတ်တွင် စစ်သားဖြစ်လာမည့် ကောင်လေးတစ်ယောက်ဖြစ်သည်။

 ထိုနေ့ပြီးနောက်တွင် ဝမ်လီချမ် သည် သူ့သမီးအပေါ် အလွန်အလိုလိုက်ကြောင်း လူတိုင်းသိကြောင်း ရှောင်ဟုန်ယန် သိလိုက်သည်။သမီီးလေးကို အကဲမပိုမိစေရန် သူမက ဝမ်လီချမ်ကို ထိန်းပေးရသည်။ ယောက္ခမကလည်း သားစကားကို အလွန်နားထောင်သည်။ သူမတစ်ယောက်တည်းသာ ဘက်ပဲ့နေတော့သည်။ ကံကောင်းထောက်မစွာ၊ ဝမ်လီချမ်သည် တစ်စုံတစ်ခု ဖြစ်ပျက်လာတိုင်း သူမနှင့် ဆွေးနွေးလေ့ရှိသည်။

 စက်တင်ဘာလတွင် ရှောင်ဟုန်ယန်သည် မြူနီစီပယ်ပါတီကော်မတီ၏ ပါတီကျောင်းတွင် မြို့နယ်နှင့်ဗျူရိုအဆင့် ကေဒါများအတွက် နှစ်လကြာ လေ့ကျင့်ရေးသင်တန်းတွင် ပါဝင်ခဲ့သည်။

ဝမ်လီချမ် အတွက် သတင်းကောင်းဖြစ်ပြီး ရှောင်ဟုန်ယန် ရာထူးတိုးခံရမည့် သတင်းကောင်းလည်းဖြစ်သည်။ အောက်ရွာများ၊ မြို့များဆီ သွားဖို့ တွေးလိုက်ရုံနှင့် ရှောင်ဟုန်ယန် စိတ်လှုပ်ရှားနေမိသည်။ 

သူမသည် အမှုဆောင်လုပ်ငန်းမှာ အလွန်ကြိုးစားခဲ့သည်။ သူမကိုယ်သူမ တိုးတက်အောင်လုပ်ဖို့သာ မျော်လင့်ထားသည်။ယခင်ကလို ဝမ်လီချမ်၏မျှော်လင့်ချက်‌ေကြာင့် လုပ်နေရခြင်းမျိုးမဟုတ်တော့။သူမသည် မြင့်သည်ထက်မြင့်အောင် တက်နိုင်မည်ဟုလည်း မျှော်လင့်သည်။

အလုပ်နှင့် ရင်းနှီးပြီးနောက်၊ဤအလုပ်က သူမကို ယူဆောင်လာပေးသည့် ကောင်းမွန်သော ခံစားချက်ကို ခံစားလာရသည်။ဝမ်လီချမ်နှင့် အတူ သူမလည်း ဖွံ့ဖြိုးတိုးတက်ရန် မျှော်လင့်ခဲ့သည်။

xxxxxxx💙