MM Story Teller

Chapter 42

Viewers 2k

📽️ Chapter 42

စဥ်းစားကြည့်ရာ သူတို့ ထိုနေရာကို ဖြတ်သွားရန် လိုပုံပေါ်ပေသည်။

ဤအခိုက်အတန့်တွင် ရန်ရှူကြောက်လန့်နေမည်ကိုသိပြီး ရန်ရှူအား ကာကွယ်ရန် ကြိုးစားနေသကဲ့သို့ အမှောင်ထဲတွင် လျို့ရွှမ်းက လက်ကို ဆန့်ထုတ်လိုက်သည်။

ဆွေ့ဟို့ယွီက ကြက်ပေါက်လေးတစ်ကောင်ကို သယ်လိုက်သည့်အလား သေသပ်စွာဖြင့် ရန်ရှူအား သူ့နံဘေးသို့

ဆွဲခေါ်လိုက်သည်မှာ နှမြောစရာပင်။

အနီရင့်ရောင်အလင်း၏ အကူအညီနှင့် လူတိုင်းက အခြားသူများ၏ အရိပ်မည်းများကို ဝေဝေဝါးဝါးမြင်နိုင်ကာ မည်သည့်နေရာတွင် ရှိနေသည်ကို သိနိုင်ပေသည်။

ရန်ရှူ ကြောက်လန့်လွန်းသောကြောင့် မြေပြင်ပေါ်တွင် ဆောင့်ကြောင့်ထိုင်ချကာ ဆွေ့ဟို့ယွီ၏ ခြေထောက်အား ဖက်ထားပြီး လွှတ်မပေးသည်ကို လျို့ရွှမ်းမြင်လိုက်ရသည်။

ဆွေ့ဟို့ယွီက ဘယ်၊ညာကို တစ်ခဏမျှကြည့်ကာ ပြောလိုက်သည်။

"ငါတို့ အဲ့လမ်းကိုသွားဖို့ လိုမယ်ထင်တယ်..."

"အစ်ကိုယွီ...ကျွန်တော်ကြောက်တယ်...ကြမ်းပြင်က လေးထောင့်ကွက်တွေ ရွေ့နေတာကို ကြည့်ပါဦး..."

ကြမ်းပြင်က ပြင်သစ်ခေတ်ဟောင်းစတိုင်လ် အဖြူနှင့် အနက်လေးထောင့်ကွက်များ ဖြစ်ပေသည်။ အလင်းရောင်အောက်တွင် ၎င်းက ငါးမျက်လုံးသဏ္ဍာန်သက်ရောက်မှုနှင့် လေးထောင့်ကွက်များက တအိအိလှိုင်းထနေပုံပေါ်နေသည်။

(T/N- fish -eye effect ဆိုတာက တချို့တံခါးပေါက်က ချောင်းကြည့်ပေါက်ကကြည့်ရင် ဒါမှမဟုတ် လမ်းဘေးက တချို့မှန်တွေမှာဆို အနီးကပ်ကြည့်လိုက်ရင် လူက ခေါင်းကကြီးသွားလိုက် နှာခေါင်းကကြီးသွားလိုက်နဲ့ ပြူပြူးပြဲပြဲပုံကြီး ထွက်နေတာလေ သိတယ်မလား အဲ့လိုပုံမြင်ရတာကို ပြောတာပါ...)

ထိုအချိန်မှာပင် ထူးဆန်းသည့် ရယ်သံအကျယ်ကြီးက မဝေးလှသည့်နေရာမှ ထွက်ပေါ်လာကာလေအေးတစ်သုတ်က လည်ပင်းတည့်တည့် ဖြတ်ခနဲ တိုက်ခတ်သွားသည်။

"အစ်ကိုယွီ..."

ရန်ရှူက နောက်တစ်ဖန် အကူအညီမဲ့စွာ အော်လိုက်ပြန်သည်။

"သွား----"

ဆွေ့ဟို့ယွီက ထိုသို့ပြောပြီး ခြေထောက်ကို ရှေ့သို့ရွေ့လိုက်ရာ သူ့ခြေထောက်အား တင်းကျပ်စွာဖက်ထားသော ရန်ရှူပါ တစ်ပါတည်း ရှေ့သို့ရွေ့သွားခဲ့သည်။

ထိုကဲ့သို့ အဆင်မပြေရွေ့နေရသည့်အပြင် ရန်ရှူ၏ခန္ဓာကိုယ်ကလည်း အနည်းငယ် ထိန်းချူပ်ရခက်သောကြောင့် ဆွေ့ဟို့ယွီ လက်ဆန့်ကာ ရန်ရှူ၏ လည်ပင်းနောက်က ကော်လံအားဆုပ်ကိုင်ပြီး ထိုကဲ့သို့ အနေအထားနှင့်ပင် ရှေ့ဆယ်မီတာအဝေးကို ပို့လွှတ်လိုက်သည်။

လမ်းတွင် လျို့ရွှမ်းက သူတိူ့အား လိုက်မှီသွားပြီး မေးလိုက်သည်။

"အချိန်က အချိန်ဇယားက အချိန်နဲ့တူညီလုနီးနီးပဲ... စက်ယန္တာရားကို ဖျက်စီးဖို့ ကျွန်တော်တို့ စက်ခန်းကိုသွားတော့မယ်..."

NPC တစ်ယောက်က ထွက်ပေါက်တွင် ရုတ်တရက်ပေါ်လာ၍ ဆွေ့ဟို့ယွီ ပြန်မဖြေလိုက်ပေ။ လျို့ရွှမ်း၏အစမှတ်က NPC ကဲ့သို့ပင် NPC ၏နောက်မှလိုက်ခြင်းကို လမ်းလွှဲရန် လိုအပ်ပေသည်။

NPC တစ်ယောက် ရုတ်တရက် ပေါ်ပေါက်လာမှုက ဧည့်သည်အများအပြားကို ဖရိုဖရဲ၊ပရမ်းပတာ အခြေအနေကို ကျရောက်သွားစေခဲ့သည်။

ဆွေ့ဟို့ယွီ ရန်ရှူနောက်လှည့်ပြေးသွားမည်ကို ကြောက်၍ ရန်ရှူ့အား သယ်ကာ ရှေ့သို့ပြေးတော့သည်။

လျို့ရွှမ်းက ဆွေ့ဟို့ယွီမှာ ထိပ်တန်းအားကစားသမားကဲ့သို့ အလွန်စွမ်းဆောင်နိုင်သည်ဟု အမြဲခံစားခဲ့ရသော်လည်း ဆွေ့ဟို့ယွီက တစ်စုံတစ်ယောက်ကို ကျောပေါ်တွင် သယ်ဆောင်ပြီး မရပ်မနား အရှိန်ပြင်းပြင်းနှင့် တဟုန်ထိုးပြေးသွားနိုင်လိမ့်မည်ဟု သူတစ်ခါမျှ မစဥ်းစားမိခဲ့ပေ။

သူမတတ်နိုင်ဘဲ ထိတ်လန့်သွားသော်လည်း သူတို့နှင့်အတူ ပြေးလွှားနေဆဲဖြစ်ကာ အတူတကွ အခန်းငယ်လေးတစ်ခုအတွင်းတွင် ပုန်းနေလိုက်ကြသည်။

အခန်းထဲတွင် ခုတင်များစွာရှိ၍ ကုတင်အောက်ထဲ လျင်မြန်စွာ ပုန်းလိုက်ကြသည်။

NPC က အခန်းထဲဝင်ကာ ဒယိမ်းဒယိုင်နှင့်လမ်းလျှောက်ပြီး အခန်းတစ်ပတ်ပတ်ကာ ပြန်ထွက်သွားခဲ့သည်။

သူတို့ခုတင်အောက်မှ ချက်ချင်းမထွက်သွားသေးဘဲ ဆွေ့ဟို့ယွီ သူ့အထင်ကို ပြောပြလိုက်သည်။

"ခေါင်းလောင်း မြည်လာတဲ့အဓိပ္ပါယ်က လျှို့ဝှက်လူက စက်ခန်းထဲရောက်ပြီးပြီလို့ ဆိုလိုတာပဲ...ဘာလို့လဲဆိုတော့ စက်ယန္တရားလည်ပတ်နေဖို့ သူက တစ်နေ့ကို နှစ်ကြိမ် စက်ခန်းထဲကို သွားရမှာ...စက်ယန္တရား လည်ပတ်နေတဲ့အချိန်မှပဲ သန္ဓေပြောင်းသတ္တဝါတွေက စည်းရုံးနိုင်မှာပဲ..."

"ဟုတ်တယ်..."

စက်ယန္တရား၏ ဖွဲ့စည်းပုံဇယားကို မြင်ပြီးနောက် လျို့ရွှမ်း ထိုစကားကို ထောက်ခံလိုက်သည်။

ဆွေ့ဟို့ယွီ အချိန်ဇယားကိုထုတ်ကာ အချိန်နှစ်ချိန်ကို ထောက်ပြလိုက်ပြီး ယခုလေးတင် ရလာခဲ့သော သဲလွန်စကို လျို့ရွှမ်းအား ထုတ်ပြလိုက်သည်။

"ဒီအချိန်က သူ စက်ခန်းကို သွားတဲ့ပထမအကြိမ်ပဲ...အဲ့အချိန်တုန်းက ငါတို့အဖွဲ့တွေက ဂိုဒေါင်ထဲမှာ..."

ရန်ရှူလည်း အနားတိုးလားခဲ့သည်။ သူက လျို့ရွှမ်းနှင့်အကွာအဝေးခြားရန် ရည်ရွယ်ချက်ရှိရှိနှင့် ဆွေ့ဟို့ယွီနောက်တွင် ဆောင့်ကြောင့် ထိုင်ကာပြောလိုက်သည်။

"အဖွဲ့နှစ်ဖွဲ့ ရောက်လာပြီးတဲ့နောက် သူတို့ရဲ့အစမှတ်က ဘယ်မှာဆိုတာ မင်းကိုပြောပြခဲ့လား..."

ပထမဦးစွာ လျို့ရွှမ်းက ဤအသင်းမှ မည်သူကမှ လျှို့ဝှက်လူမဟုတ်သည်ကို သေချာအောင် ပြုလုပ်ခဲ့သည်။

လျို့ရွှမ်းက ရန်ရှူကိုနားလည်ကာ ရန်ရှူ၏ အခြေအနေကို လေ့လာလိုက်ပြီး သူက လျှို့ဝှက်လူ မဖြစ်သင့်သင့်ဟု မှန်းဆလိုက်သည်။

သူ ဆွေ့ဟို့ယွီကို မခန့်မှန်းနိုင်သော်လည်း ရန်ရှူက နားလည်ရန် အလွန်လွယ်ကူ၍ သူ မဖြစ်နိုင်ပေ။

သဲလွန်စရှာဖွေရာတွင် နှစ်ကြိမ်တိုင်တိုင် တွေ့ဆုံခဲ့ပြီး ယခု တစ်နေရာတည်းတွင် ရှိနေ၍ လျှို့ဝှက်လူက အခြားအဖွဲနှစ်ဖွဲ့မှ တစ်ယောက်သာလျှင် ဖြစ်နိုင်ပေသည်။

ဆွေ့ဟို့ယွီက ဆက်လက် ခွဲခြမ်းစိတ်ဖြာနေပြီး လျို့ရွှမ်းနှင့် သူ့အသင်းသားက သူဘာပြောပြော သဘောတူနေပေသည်။ အရေးကြီးဆုံးအချက်မှာ ရန်ရှူက အားလုံးကို နားလည်သဘောပေါက်နေပြီး မကြာခဏ ခေါင်းညိတ်၍ ဆွေ့ဟို့ယွီ၏ ရှင်းပြချက်က မည်မျှရှင်းလင်းပြီး တည့်တိုးဆန်သည်ကို ဖော်ပြနေပေသည်။

ခုတင်အောက်တွင် သူတို့လေးယောက် သဲလွန်စများကို စစ်ဆေးပြီးနောက် သဘောတူညီမှုတစ်ခု ပြုလုပ်လိုက်သည်။

လျို့ရွှမ်းတို့အဖွဲက စက်ယန္တရားကို လော့ခ်ဖြေရန် စက်ခန်းကိုသွားမည်ဖြစ်ကာ ၎င်းကို လုံးဝ အပြီးပိုင် ပိတ်ရန် အခြားပူးပေါင်းသည့်အဖွဲ့ကို လိုအပ်ပေသည်။

စက်ယန္တရားကို ပိတ်ပြီးနောက် ရွက်လှေဖြင့် လွတ်မြောက်ရန် သော့ကို ရှာရမည်ဖြစ်ကာ သော့ကို ရှာတွေ့သည့် အဖွဲ့က အောင်အောင်မြင်မြင် လွတ်မြောက်သွားမည် ဖြစ်သည်။

သဘောတူညီမှု ရပြီးနောက် သူတို့အုပ်စုခွဲလိုက်ကြသည်။

ဆွေ့ဟို့ယွီနှင့် ရန်ရှူက လျှပ်စစ်ဓာတ်အားပေးစက်ထံ သွားလိုက်သည်။

ဤနေရာတွင်ရှိသော ပဟေဠိကိုဖြေရှင်းရန် လိုအပ်ပေသည်။ စက်ယန္တရားကို ပိတ်ရန် လျို့ရွှမ်းတို့အဖွဲနှင့် မပူးပေါင်းမီ မည်သည့်ခလုတ်က အမှန်ဖြစ်သည်ကိုဆုံးဖြတ်ပြီး မှန်ကန်သည့်ခလုတ်ကို ဆွဲချရန် လိုအပ်ပေသည်။

တစ်ချိန်တည်းမှာပင် ဆွေ့ဟို့ယွီက ခလုတ်တစ်ခုအား ဂရုတစိုက်လေ့လာပြီး မရဲတရဲဖြင့်နှိပ်ချလိုက်သည်။ ထို့နောက် ရန်ရှူ၏ဂရုမစိုက်မှုကို အခွင့်ကောင်းယူကာ ဘေးဘက်မှ ဝိုင်ယာကြိုးအနည်းငယ်ကို ရှာတွေ့ပြီး ဂရုတစိုက် ပြင်ဆင်လိုက်သည်။

ထိုသို့ပြုလုပ်ပြီးနောက် မှန်ကန်သည့်ခလုတ်ကို ဆွဲချလိုက်ကာ 5 စက္ကန့် စောင့်ဆိုင်းပြီးနောက် အခန်းထဲတွင် အစိမ်းရောင်အလင်းတန်း ပေါ်လာခဲ့သည်။

တစ်ချိန်တည်းမှာပင် ပင်လယ်ထဲမှ ကျွန်းတစ်ခုလုံး၏ စက်ယန္တရားကြီးက ပိတ်သွားခဲ့လေသည်။

ရန်ရှူနှင့်ဆွေ့ဟို့ယွီက လက်ချင်းရိုက်ကာ အောင်ပွဲခံလိုက်ကြပြီး နောက်ဆုံးitemဖြစ်သည့် ရွက်လှေ၏သော့ကို ရှာဖွေရန် အပြင်သို့အတူတူ ပြေးထွက်လာလိုက်သည်။

သူတို့နိုင်တော့မည်ဟု ရန်ရှူတွေးလိုက်သော်လည်း ကံခေစွာပင် သော့ကိုရှာသည့်နေရာတွင် ကံမကောင်းခဲ့ပေ။ သော့အား အခြားအဖွဲ့တစ်ဖွဲက ရှာတွေ့သွားပြီး ထိုအဖွဲ့က သော့နှင့် ရွက်လှေထံပြေးသွားခဲ့သည်။

ရန်ရှူ သူတို့ကို ကြည့်ကာ သက်ပြင်းချလိုက်သည်။

"ကျွန်တော်တို့ ရခါနီးကို..."

ဆွေ့ဟို့ယွီ လက်မြှောက်ပြီး ရန်ရှူ၏ပခုံးက်ို ပုတ်ကာ နှစ်သိမ့်ပေးလိုက်သည်။

"အဆင်ပြေပါတယ်...ငါတို့မှာ သဲလွန်စတွေ အများကြီီးရှိတာပဲ...လျှို့ဝှက်လူကို ရှာနိုင်လည်းရှာနိုင်မှာပေါ့..."

ထိုအခိုက် ကောင်းကင်နှင့်မြေကြီးက မည်းမှောင်သွားပြီဖြစ်သည်။

စက်ယန္တရားက နောက်တစ်ဖန် စတင်လည်ပတ်နေပြီး NPC ကလည်း နောက်တစ်ဖန် လှုပ်ရှားလာခဲ့သည်။

"ဘာတွေဖြစ်နေတာလဲ..."

လျို့ရွှမ်း ထိတ်လန့်သွားသည်။

"ငါတို့ စက်ယန္တရားကို ပိတ်ပြီးသွားပြီလေ..."

အခြားသူများကလည်း မေးလိုက်သည်။

"ငါတို့အကုန်လုံးက ဒီနေရာမှာကို စက်က ဘယ်လိုလုပ် ပြန်ကောင်းသွားရတာလဲ..."

လူတိုင်းက သတိလက်လွတ်ဖြစ်နေခဲ့ကာ အလျင်အမြန် ပုန်းလိုက်သော်လည်း သူတို့အားလုံးကို NPC များက ဖမ်းမိသွားသည်။

ပရိုဂရမ်အဖွဲ့က ကြေညာလိုက်သည်။

"သတ်မှတ်ထားတဲ့အချိန်အတွင်းမှာ ထွက်ပြေးလွတ်မြောက်ဖို့ ကျရှုံးသွားခဲ့ရင် လျှို့ဝှက်လူက အနိုင်ရပါမယ်..."

လျှို့ဝှက်လူက မည်သူဆိုသည်ကို မဲပေးရန်အချိန်ရောက်လာသည့်အခါ ရန်ရှူနှင့် ဆွေ့ဟို့ယွီက အချိန်အကြာကြီးတိုင်ပင်ပြီး နောက်ဆုံးတွင် မဲပေးလိုက်ကြသည်။

မဲပေးသည့် အခန်းကဏ္ဍပြီးသွားပြီးနောက် လျို့ဝှက်လူအဖြစ် မဲပေးခံရသည့် လူတစ်စုက အပြစ်ကင်းစွာ ထွက်လာကြသည်။

"ဒီအပိုင်းမှာ လျှို့ဝှက်လူအဖြစ် ကစားခဲ့တဲ့ ကစားသမားကတော့ တကယ့်ကို ကောင်းကောင်းကစားခဲ့တယ်လို့တော့ ပြောရမယ်...ငါတို့အားလုံးနေရာတစ်ခုတည်း အတူတူရှိနေတဲ့အချိန် သူတို့က စက်ယန္တရားကို ပြန်အသက်သွင်းလိုက်ကြတာလေ...ပြီးတော့လည်း ငါတို့နှစ်ယောက်ကို လျို့ဝှက်လူလို့ ထင်အောင်လည်း လမ်းကြောင်းက ဖောက်လိုက်သေး..."

"ဒရာမာက အဲ့လောက်ကောင်းလို့လား..."

ရန်ရှူက ထိုအကြောင်းကို မယုံကြည်ဘဲ ခိုင်မာစွာပြောလိုက်သည်။

"ငါ့အစ်ကိုယွီကို ငါယုံတယ်...သူက မင်းလို့ပြောရင် သေချာပေါက် မင်းပဲဖြစ်ရမယ်..."

"မင်းသေချာပေါက် နောင်တရလိမ့်မယ်..."

ဧည့်သည်အုပ်စုက ပြိုကွဲသွားသည်။

"မင်းတို့ကောင်တွေ ငါ့အစ်ကိုယွီရဲ့ခွန်အားကို နားမလည်ပါဘူး...ငါ့အစ်ကိုယွီက ကောလိပ်ဝင်ခွင့်စာမေးပွဲမှာ နံပါတ် ၁ ဖြစ်ပြီး ထိပ်ဆုံးကျောင်းသား ဖြစ်ခဲ့တာကွ..."

ထိုအခိုက် ပရိုဂရမ်အဖွဲ့က နောက်ဆုံးတွင် အဖြေကို ထုတ်ဖော်လိုက်သည်။

"ဒီအပိုင်းမှာ လူတိုင်းက လွတ်မြောက်ဖို့ ကျရှုံးသွားခဲ့ပါတယ်...ဒါ့ကြောင့် လျှို့ဝှက်လူက ဆုတံဆိပ်နှစ်ခုကို ရသွားမှာပါ...ထပ်ပေါင်းပြောရရင် လူတိုင်းက တကယ့် လျှို့ဝှက်လူအစစ်ကို မဲမပေးခဲ့ကြပါဘူး...ဒါကြောင့် လျှို့ဝှက်လူက ဆုတံဆိပ် ၄ ခုကိုရသွားပါမယ်..."

၎င်းကိုကြားပြီး ရန်ရှူ၏ မျက်လုံးများက မယုံနိုင်မှုဖြင့် ပြူးကျယ်သွားသည်။ သူ ပရိုဂရမ်အဖွဲ့မှ လူများကို ကြည့်လိုက်သည်။ ထို့နောက် ဆွေ့ဟို့ယွီကို ကြည့်လိုက်ပြီး အံ့အားသင့်မှုဖြင့် ပြောလိုက်သည်။

"အစ်ကိုယွီ ကျွန်တော်တို့အသေးစိတ် တစ်ခုခုများ မေ့နေခဲ့တာလား...ခွဲခြမ်းစိတ်ဖြာထားတာက မှားသွားတာလား..."

ပရိုဂရမ်အဖွဲ့က ထပ်ပြောလိုက်သည်။

"ဘာလို့လဲဆိုတော့ ဒီအပိုင်းက အရင်ကတစ်ခါမှ မသုံးဖူးတဲ့ ဂိမ်းကိုသုံးထားတာလေ...လျှို့ဝှက်လူရဲ့အဖွဲ့သားတွေတောင် သူ့ရဲ့သရုပ်မှန်ကို လျှို့ဝှက်လူအဖြစ်မသိကြဘူး ဖော်လည်းမဖော်ပြထားဘူး...ဂိမ်းရဲ့အခက်အခဲကို ပိုတိုးသွားစေတဲ့ အဆင့်မြှင့်ထားတဲ့နေရာအပြင်အဆင်နဲ့ သူက အကျွမ်းတဝင်မဖြစ်ခဲ့လို့ ငါတို့က သူ့ကို နောက်ထပ်ဆုတံဆိပ် နှစ်ခုပေးဦးမှာ..."

ထိုသည်ကိုကြားပြီးနောက် ရန်ရှူ တိတ်ဆိတ်သွားသည်။

လျို့ရွှမ်း တစ်ခုခုကို ခန့်မှန်းမိသွားပြီး ရန်ရှူနှင့် ဆွေ့ဟို့ယွီကို လှမ်းကြည့်လိုက်သည်။

အခြားဧည့်သည်များလည်း တစ်ယောက်ပြီး တစ်ယောက် ရန်ရှူကို ကြည့်လိုက်ကြပြီး အချို့သူများက

မထိန်းနိုင်ဘဲ ရယ်လိုက်ကြသည်။

" သူ့အသင်းသားက သူ လျှို့ဝှက်လူမှန်းမသိဘူးလား..."

ပရိုဂရမ်အဖွဲ့ : "မှန်တယ်..."

ရန်ရှူ ဆွေ့ဟို့ယွီကို ကြည့်လိုက်သည်။

ဆွေ့ဟို့ယွီက ပြုံးပြလိုက်သည်။ သူ့အပြုံးက အလွန်အပြစ်ကင်းလှကာ သူ၏ချောမောသည့် မျက်နှာနှင့်ပေါင်းစပ်လိုက်ရာ နတ်သားလေးတစ်ပါးအတိုင်းပင်ဖြစ်သည်။

ရန်ရှူ မဝံ့မရဲနှင့်မေးလိုက်သည်။

"အဲ့တာအမှန်ပဲလားဟင်...အစ်ကိုယွီ...အဲဒါ အစ်ကိုယွီမဟုတ်ဘူးမလား..."

ဆွေ့ဟို့ယွီက မငြင်းခဲ့ပေ။

"အဲဒါ ငါပဲ..."

ရန်ရှူ ငိုရမည်လား မငိုရမည်လား မသိတော့ပေ။

"ကျွန်တော်က အဲ့လောက်ဥာဏ်မကောင်းပါဘူး..."

"ဒါပေမဲ့ မင်းမှာ တံဆိပ် ခြောက်ခုတောင် ရှိတယ်လေ..."

"အိုး...ကြည့်ရတာ...ဟုတ်သားပဲ..."

ရန်ရှူ မှင်တက်စွာဖြင့် တံဆိပ်ယူရန် သွားလိုက်ပြီး အခြားသူများကို ပြောလိုက်သည်။

"ဘာတွေဖြစ်သွားမှန်း မသိဘဲနဲ့ ကျွန်တော်နိုင်သွားခဲ့တာပဲ..."

လျို့ရွှမ်း အမြန်မေးလိုက်သည်။

"စက်ယန္တရားကိစ္စကရော ဘယ်လိုဖြစ်သွားတာလဲ..."

ဆွေ့ဟို့ယွီ အေးအေးဆေးဆေး ပြောလိုက်သည်။

"ငါက မင်းရဲ့ စက်ယန္တရားဖွဲ့စည်းတည်ဆောက်တဲ့ပုံကို ဆွဲထားတဲ့ပုံကြမ်းကို မြင်ဖူးတယ်လေ အဲဒါကို လေ့လာဆန်းစစ်ခဲ့တာ...ငါ ဝိုင်ယာကြိုးတစ်ကြိုးကို ခလုတ်မှာ ချည်လိုက်ပြီး ဝိုင်ယာကြိုးကို (နာရီ)ချိန်သီးပေါ်မှာ ချိတ်ဆွဲထားလိုက်တာ...အချိန်တစ်ခုကြာပြီးတော့ နာရီလက်တံက မြင့်သွားပြီးတော့ ခလုတ်ကိုလည်း မ'လိုက်လိမ့်မယ်...ခလုတ်ကို မြှင့်လိုက်တဲ့အချိန်ကျ မင်းဘက်မှာ လုပ်ထားတဲ့ဘာမှ အသုံးမဝင်တော့ဘူး...အဲဒါကြောင့် စက်ယန္တရားပြန်ကောင်းသွားတဲ့အချိန် နောက်ပြန်ဆုတ်လိုက်ဖို့က နောက်ကျသွားပြီလေ..."

လျို့ရွှမ်းက ပဟေဠိ ဖြစ်နေဆဲပင်။

"ဒါပေမဲ့ မင်းစက်ခန်းကို သွားဖို့လိုတဲ့အချိန်တုန်းက ငါတို့အားလုံး ဂိုဒေါင်ထဲမှာလေ..."

"ငါမင်းကိုပြခဲ့တဲ့ အဖြေက သတိမေ့နေတဲ့NPC ဆီကနေ ငါယူခဲ့တဲ့ တစ်ခုလေ...ငါ ဂဏန်းတွေ ပြောင်းထားခဲ့တာ..လက်ဝှေ့ထိုးတဲ့စက်ကနေ ယူခဲ့တဲ့ သဲလွန်စကိုလည်း ဝှက်ထားသေးတယ်..."

"အိုး..."

လျို့ရွှမ်း ကြိတ်မှိတ်လက်ခံပြီး ခေါင်းညိတ်လိုက်သည်။

အခြားဧည့်သည်က သက်ပြင်းချလိုက်သည်။

"ရန်ရှူက သေချာပေါက် ဒီတစ်ခေါက်မှာ နိုင်သွားတာပဲ..."

အခြားဧည့်သည်တစ်ယောက်ကလည်း ပင့်သက်ရှိုက်လိုက်သည်။

"အရင် seasonတွေတုန်းက သူတစ်ခါမှတောင် အဲ့လောက် တံဆိပ်တွေအများကြီး မရဖူးဘူး...ဒီတစ်ခေါက်ကျ သူ 6 ခုတောင်ရသွားတာ...6 ခုတောင်..."

ရန်ရှူ အဆုံးတွင် ရယ်မောလိုက်သည်။ သူက ဆုတံဆိပ်များ ကိုက်ထားလျက်နှင့် မတ်တတ်ရပ်လိုက်သည်။ သူအလွန်ပျော်ရွှင်နေပေသည်။

"အစ်ကိုယွီက တစ်ကယ်အံ့ဖွယ်ပဲ..."

ထို့နောက် သူ့မေးကို ဆွေ့ဟို့ယွီရှိရာမော့၍ တောက်ပစွာ ပြုံးလိုက်သည်။

"ဒီကို ခဏခဏ လာရအောင်..."

📽️

Prev Next