Chapter 75
Viewers 3k
Chapters 97

💙 Chapter 75: အတလင်သရေသမဟူသ


ကလန်ပျူတာတစ်လုံသရဟိပဌီသနောက် သူနဟင့် မာကျစ်တို့သည် ဖုန်သသိပ်မခေါ်တော့ဘဲ မျာသသောအာသဖဌင့် အီသမေသလ်ဖဌင့် ပိုမိုဆက်သလယ်ကဌသည်။ ရဟန့်ချန်မဟ မာထန့်ထန့်သည်လည်သ ရလဒ်အသစ်မျာသ သို့မဟုတ် ယခုထက်ပိုသော အစီအစဉ်မျာသရဟိပါက၊ အီသမေသလ်ပို့နိုင်သည်။


ကနည်သက ပိုအဆင်ပဌေသည်ဟု ဝမ်လီချမ် ခံစာသရသည်။သူက လောကျုံသယုံကို ကလန်ပျူတာအကဌောင်သ ပဌောပဌပဌီသ အကောင့်မျာသအာသ စစ်ဆေသဖို့ ကျန်သချမ်ကို သလာသစရာမလိုအောင် စက်ရုံနဟင့် အိမ်မဟာ ကလန်ပျူတာတလေ တပ်ဆင်ခိုင်သသည်။


 á€€á€œá€”်ပျူတာသုံသရသည်မဟာ အဆင်ပဌေသလို အခက်အခဲလည်သရဟိသည်။ဖူချမ်တလင် broadband မရဟိပါ။ အင်တာနက်အသုံသပဌုလိုပါက တယ်လီဖုန်သလိုင်သတစ်ခုတည်သကိုသာ အသုံသပဌုနိုင်သည်။ အရေသကဌီသဆုံသက ဧည့်ခန်သထဲမဟာ ထည့်ထာသရသည်။


ဝမ်လီချမ် ကလန်ပျူတာသုံသတိုင်သ သူ့သမီသက စိတ်ဝင်တစာသကဌည့်လေ့ရဟိသည်။ ဧည့်ခန်သသည် သမီသဖဌစ်သူ၏ ပိုင်နက်ဖဌစ်ပဌီသ ကလန်ပျူတာကိုတော့ ကျူသကျော်သူဟု သတ်မဟတ်နိုင်သည်။


လျဟိုဖုန်သကျန်သ ဟင်သချက်နေစဥ်၊ ဝမ်လီချမ် မရဟိခိုက် ရဟောင်ဝမ်ရဟီသည် သူ့ဘာသာသူ ကလန်ပျူတာရဟေ့မဟာ ထိုင်သည်။ပဌီသလျဟင် ဝမ်လီချမ်ကို အတုယူပဌီသ ညာလက်မဟာ မောက်စ်ကိုကိုင်ကာ အနက်ရောင်ကလန်ပျူတာဖန်သာသပဌင်ကို လေသလေသနက်နက် စိုက်ကဌည့်နေတတ်သည်။


ကမဌင်ကလင်သကို ဝမ်လီချမ်နဟင့် ရဟောင်ဟုန်ယန်တို့သည် အိမ်ပဌန်ရောက်ပဌီသချင်သမဟာပင် မဌင်တလေ့ခဲ့ရသည်။ ဝမ်လီချမ်က ဟက်ဟက်ပက်ပက်ရယ်မောနေသော်လည်သ ရဟောင်ဟုန်ယန်က ရဟောင်ဝမ်ရဟီကို ချက်ချင်သဆင်သခိုင်သသည်။ ဝမ်လီချမ်က ရဟောင်ဝမ်ရဟီကိုကဌည့်ပဌီသ သဘောကျနေသော်လည်သ ရဟောင်ဟုန်ယန်မဟ သူ့သမီသကဌောင့် ကလန်ပျူတာ ပျက်သလာသမဟာကို စိုသရိမ်ခဲ့သည်။


သူမသည် ကလန်ပျူတာသုံသတိုင်သ သတိထာသရသည်။သူမသည် ကလန်ပျူတာလေ့လာရာတလင် အတော်ပင် အာသနည်သသူ ဖဌစ်သည်။ ဝမ်လီချမ်သည် သူမကို အကဌိမ်ပေါင်သမျာသစလာ သင်ကဌာသပေသခဲ့သည်။ ကီသဘုတ်ပေါ်ရဟိ စာတန်သမျာသစလာကို မဌင်လိုက်ရသည်နဟင့် သူမ တုံ့ဆိုင်သသလာသပဌီသ ကလန်ပျူတာ ပျက်မဟာစိုသ၍ မနဟိပ်ဝံ့တော့ပေ။


 " ရဟီရဟီကို စန္ဒယာသသင်ပေသရင်မကောင်သဘူသလာသ"  


ကုလာသထိုင်ပေါ်တလင်ထိုင်နေသော သမီသ၏ ရုပ်သလင်သည် စန္ဒယာသဆရာနဟင့် ခပ်ဆင်ဆင်တူသည်။


 "မင်သကလည်သ ကလေသကို ငယ်ငယ်ရလယ်ရလယ်နဲ့ စန္ဒယာသကို သင်ယူခလင့်ပဌုမလို့လာသ"  


ဝမ်လီချမ်က ပေါ့ပေါ့ပါသပါသ ပဌောလိုက်သည်။ ဖူချမ်မဟာ သူ စန္ဒယာသကို တစ်ခါမဟ မတလေ့ဖူသပေ။ သူတို့ရဲ့ ခရိုင်မဌို့ငယ်လေသမဟာ စန္ဒယာသသင်ပေသနိုင်တဲ့ ဆရာရဟိလို့လာသ။


ရဟောင်ဟုန်ယန်သည် တီဗီထဲတလင် စန္ဒယာသတီသသည်ကို မဌင်ဖူသသည်၊ အလလန်လဟပသည်၊ ကျာသ၊မ မခလဲခဌာသဘဲ စန္ဒယာသရဟေ့ထိုင်ပဌီသ ဖျော်ဖဌေနေသူမျာသသည် အလလန်လဟပပဌီသ ကျော့ရဟင်သနေကဌသည်။


"ငယ်ငယ်ကတည်သက စန္ဒယာသကို သင်ယူရတာ၊ လောကျုံသယုံကို သိအောင်မေသခဲ့ပါလာသ၊ သူ့သမီသ အသက်ကဌီသလာတဲ့အခါ ရဟီရဟီလို သင်ပေသလိုက်လို့"


ဖူချမ်တလင် စန္ဒယာသမသင်ပေသသော်လည်သ ကျန်သချမ်မဟာ ဂီတသင်တန်သတစ်ခုရဟိပဌီသ စန္ဒယာသဆရာမျာသ ရဟိနိုင်၏။


ရဟောင်ဝမ်ရဟီသည် အသက် ခဌောက်နဟစ်ရဟိပဌီဖဌစ်၍ ယခုအချိန်မဟာ စန္ဒယာသသင်ယူခဌင်သက သိပ်မစောတော့ပေ။ သူမကို အရင်စမ်သကဌည့်ခိုင်သကာ၊ သူမကဌိုက်လျဟင် သင်ယူခလင့်ပေသမည်ဖဌစ်သည်။


 á€”ဟစ်သစ်ကူသပဌီသနောက် ရဟောင်ဟုန်ယန် အလုပ်သလာသသောအခါ တန်မဌို့ပါတီ၏ လက်ထောက်အတလင်သရေသမဟူသအဖဌစ် ရာထူသ လလဟဲပဌောင်သစာရလက်စာတမ်သ ထလက်ပေါ်လာခဲ့သည်။


သူတို့လင်မယာသနဟစ်ယောက်စလုံသ တန်မဌို့မဟာ ရဟိနေသည့် ဝမ်လီချမ်၏ ဆရာအကဌောင်သကို တလေသလိုက်မိကဌသည်။လလန်ခဲ့သည့် ရက်အနည်သငယ်ကပင် သူတို့ ဆရာ့အာသ နဟစ်သစ်ကူသ နဟုတ်ခလန်သဆက်စကာသ ပဌောကဌာသရန် သလာသခဲ့ကဌသည်။ ဆရာ၏ နေရာတလင် ကဌက်၊ ဘဲ၊ ကန်စလန်သဥနဟင့် တရုတ်ဂေါ်ဖီထုပ်မျာသ ပေါပဌီသ သူတို့အတလက် လက်ဆောင်မျာသထည့်ပေသလိုက်သည်။သူတို့ တာသ၍ပင် မရပေ။ ဆရာက သူ့ဘာသာသူ စာသမကုန်ကဌောင်သပဌောပဌသည်။ 


ဝမ်လီချမ်သည် ရဟောင်ဟုန်ယန်ကို တန်မဌို့၌ အလုပ် လုပ်ရန် လိုက်ပို့ပေသသည်။မဌို့က သူမအတလက် အိပ်ဆောင်ကို စီစဉ်ပေသသော်လည်သ အိမ်မဟာလို အဆင်မပဌေပေ။ ရဟောင်ဟုန်ယန် အသာသမကျမည်ကို သူ ကဌောက်မိသည်။


 "အိမ်ပဌန်လာပဌီသနေပါ့လာသ၊ကိုယ် နေ့တိုင်သဒီကို လိုက်ပို့ပေသပဌီသ ညဘက်ကျရင် လာခေါ်မယ်လေ" ကာသမောင်သဖို့ နာရီဝက်ပဲ ကဌာသည်။ အသလာသအပဌန် ခရီသနည်သနည်သလဟမ်သသော်လည်သ အိမ်မဟာ နေရသည်က အဆင်ပဌေပဌီသ မိသာသစုနဟင့်လည်သခလဲနေစရာမလိုေပ။


 "ကျလန်မက အလည် လာတာမဟုတ်ဘူသ၊ အလုပ်လာလုပ်တာလေ၊ ဒီမဟာလည်သ နေရတာ မဆိုသပါဘူသ၊ ရတယ် ရဟင် စိတ်ချလက်ချ ပဌန်သလာသ"

  

သူမ ကနေရာကိုရောက်လာတုန်သ၊ အောင်မဌင်မဟုအချို့ကို ပဌုလုပ်ရမည်ဖဌစ်ပဌီသ အဆက်အသလယ်မျာသနဟင့် ဒီပလိုမာမျာသကို အခဌေခံ၍ ရာထူသတိုသခဌင်သ ခံရသူမဟုတ်ကဌောင်သ တခဌာသသူမျာသအာသ ပဌသရပေမည်။ 


ဝမ်လီချမ်သည် သူမနဟင့် စကာသအနည်သငယ်ပဌောပဌီသ ထလက်ခလာသလာသခဲ့သည်။ ယမန်နဟစ် ဒုတိယနဟစ်ဝက်ကတည်သက ရဟောင်ဟုန်ယန် ပဌောင်သလဲလာသည်ကို သူတလေ့ရဟိခဲ့သည်။ သူမသည် အလုပ်ကဌိုသစာသလာပဌီသ သင်ယူရသည်ကို နဟစ်သက်လာသည်။ သင်တန်သကာလမဟုတ်လျဟင်တောင် သမီသဖဌစ်သူနဟင့် ညတိုင်သအချိန်ဖဌုန်သပဌီသနောက် စာသလာသကဌည့်တတ်သည်။ ဆယ်နာရီထိုသမဟသာ အခန်သကို အစောဆုံသပဌန်ရောက်သည်။တစ်ခါတစ်လေ ဆယ့်တစ်နာရီကျမဟ အိပ်ရာဝင်သည်။သူက အမဌဲ သူမကိုသတိပေသကာ စောအိပ်ဖို့ ပဌောရ၏။ သူမသည် စာအုပ်ဖတ်ရင်သ အချိန်ကို မေ့တတ်တာက မျာသသည်။


ရဟောင်ဟုန်ယန်သည် အလလန်စိတ်အာသထက်သန်‌ေနပဌီသ သူမကို မတာသဆီသနိုင်ခဲ့ပေ။ သောကဌာညတိုင်သ သူမကို လာခေါ်ပဌီသ တနင်္လာနေ့မနက်မဟ တန်မဌို့ကို လိုက်ပို့ပေသရသည်။ 


ယခုနဟစ် ဖေဖော်ဝါရီလတလင် ပင်ဂလင်သသည် ခိုခိုဟုခေါ်သော ချက်တင်ဆော့ဖ်ဝဲလ်ကို တီထလင်ခဲ့သည်။ စဖလင့်ကတည်သက လူတော်တော်မျာသမျာသ စာရင်သသလင်သထာသပဌီသ နေ့တိုင်သ သတင်သကောင်သ အီသမေသလ်မျာသ ဝမ်လီချမ် ရရဟိသည်။သို့သော် မာထန့်ထန့် နဟင့် အခဌာသသူမျာသ၏ ပျော်ရလဟင်မဟုသည် ဝမ်လီချမ် ကို စိတ်မဟလဟုပ်ရဟာသစေပေ။အနာဂတ်ကို သိရဟိသူအတလက် သောင်သနဟင့်ချီသော စာရင်သသလင်သသူ အရေအတလက်သည် ပျော်ရလဟင်ဖလယ်ကိစ္စမဟုတ်သော်လည်သ သူက အီသမေသလ်ပဌန်တိုင်သ အာသပေသစကာသမျာသ ရေသသာသဖဌစ်သည်။


ရဟောင်ဟုန်ယန်သည် တန်မဌို့၌ အလုပ်သလာသပဌီသနောက်၊ သူမ ယခင်က မလုပ်ဖူသသော အလုပ်ကိစ္စမျာသအေကဌာင်သကို ညတိုင်သ ဝမ်လီချမ် နဟင့် ဖုန်သပဌောတတ်သည်။


ယခင်က သူတို့ဖုန်သဆက်တိုင်သ ဝမ်လီချမ်က စကာသအမျာသကဌီသပဌောပဌီသ ရဟောင်ဟုန်ယန်က နာသထောင်ပေသခဲ့သော်လည်သ အခု ဝမ်လီချမ် ကသာ နာသထောင်ရသူဖဌစ်လာတော့သည်။


မူလက သူသည် အနာဂါတ်ကို သိထာသ၍သာ သူမ အလုပ်လုပ်ဖို့ အာသပေသခဲ့ခဌင်သဖဌစ်ကာ သူမ၏ အတလေသကို ဘယ်တော့မဟ မစဉ်သစာသခဲ့ပေ။ သူ့ကဌောင့်ပင် သူမသည် ဝါဒဖဌန့်ရေသဌာနမဟာ အလုပ်လုပ်ပဌီသ ကျောင်သတက်ခဲ့ခဌင်သပင်။ ထိုအချိန်တလင် သူမသည် အလုပ်အဖဌစ်သာ မဟတ်ယူထာသပဌီသ အိမ်ပဌန်ရောက်တိုင်သ အလုပ်အကဌောင်သ မပဌောဖဌစ်ပေ။  


ယခု သူမသည် အမဌဲလိုလို အလုပ်အကဌောင်သပဌောတတ်သည်။ နေ့တိုင်သအလုပ်သလာသ၊ အလုပ်က ပဌန်လာတော့လည်သ အလုပ်ကိုသာ ညသစာသပေသတတ်၏။သူမကို ယခုလို မပင်ပန်သစေချင်ပေ။ ယခုမဟ သူ ပဌောဖို့ နောက်ကျနေပဌီထင်သည်။ သူမကို ကနေရာအထိ တလန်သပို့ခဲ့သူက သူပင်ဖဌစ်သည်။ နောင်တရသည်ဟု ပဌောဖို့က အလလန်နောက်ကျသလာသပဌီဖဌစ်သည်။ 


ဝမ်လီချမ်သည် သူမကို သောကဌာ ညနေတိုင်သ လာကဌိုရာမဟ စနေေန့ မနက်ကို လာကဌိုပဌီသ တနင်္လာနေ့ မနက်ခင်သ ပို့ရမည့်အစာသ တနင်္ဂနလေညသို့ အချိန်ပဌောင်သသလာသသည်။တစ်ခါတစ်ရံတလင် သူမသည် အလုပ်မျာသလလန်သသဖဌင့် အာသလပ်ရက်မျာသတလင် အိမ်မပဌန်လာတတ်ပေ။


သူမ အိမ်မပဌန်လာသောအခါ၊ ဝမ်လီချမ်သည် သမီသလေသကို တန်မဌို့သို့ နဟစ်ညအိပ်ခရီသ ခေါ်ဆောင်သလာသရသည်။ တန်မဌို့ကိုသလာသတိုင်သ ရဟောင်ဝမ်ရဟီ အလလန်ပျော်သည်။ ကဌက်၊ ဘဲ၊ ခလေသမျာသနဟင့် ကစာသနိုင်ပဌီသ ဆရာမနဟင့်အတူ ငါသဖမ်သ၍လည်သရသည်ည်။အပျော်ဆုံသကတော့ သူမ၏ မိဘမျာသနဟင့် တစ်အိပ်ရာတည်သ အိပ်ရခဌင်သပင်။ 


ဝမ်လီချမ်သည် ရဟောင်ဝမ်ရဟီအာသ တန်မဌို့ကို ခေါ်သလာသတိုင်သ၊ကလေသကို ဆရာနဟင့်ထာသခဲ့ကာ သူက ရဟောင်ဟုန်ယန် နဟင့်အတူ မဌို့အစိုသရကို သလာသလေ့ရဟိသည်။ဆရာကလည်သ ရဟောင်ဝမ်ရဟီ ကို အလလန်ချစ်ပဌီသ ရဟောင်ဝမ်ရဟီ ကလည်သ ဆရာနဟင့် ကစာသရသည်ကိုပျော်နေသည်။ထို့ကဌောင့် ရဟောင်ဝမ်ရဟီအာသ သခင်လက်ထဲကို အပ်လိုက်ရသည့်အတလက် အလလန် စိတ်သက်သာရာ ရမိသည်။


သူတို့သာသအဖ မနေ့ညက ကမဌို့ကို ရောက်လာသည်။သည်မနက်တလင် ရဟောင်ဟုန်ယန်က လုပ်စရာ ကျန်သေသသည်ဟု ပဌောပါသည်။ ထို့ကဌောင့် ဝမ်လီချမ်က သူ့သမီသကို ဆရာ့ဆီ ပို့ပဌီသ သူမကို တလေ့ဖို့ ရုံသကို သလာသခဲ့သည်။


ယနေ့ ဒီနေ့ စနေနေ့ တခဌာသသူမျာသမလာပေ။ မဌို့တလင်သမဟာလည်သ ဘယ်သူမဟ မရဟိသလို ရဟောင်ဟုန်ယန် ၏ ရုံသခန်သတံခါသကသာ ဖလင့်ထာသသည်။


 "ဒီစာတမ်သကို ပဌုစုပဌီသရင် ဒီနေ့အတလက်ပဌီပဌီ၊ ရဟင့်ကို ဒါပဌီသရင် တစ်နေရာကို ခေါ်သလာသေပသမယ်" ဝမ်လီချမ် ဝင်လာသည်ကို မဌင်ပဌီသ ရဟောင်ဟုန်ယန်က သူ့ကိုပဌောပဌီသနောက် အလုပ်ပဌန်ဝင်ခဲ့သည်။


 á€žá€°á€™ အလုပ်မျာသနေမဟန်သသိသဖဌင့် ဝမ်လီချမ်က "အင်သ" ဟုပဌောကာ သတင်သစာတစ်စောင်ကိုယူပဌီသ သူ့ဘေသက ကုလာသထိုင်ပေါ်တလင် ထိုင်ဖတ်လိုက်သည်။


တန်မဌို့၌ နဟစ်လကဌာပဌီသနောက် သူမသည် ကိုယ်အလေသချိန် လျော့ကျသလာသပုံရသော်လည်သ ပို၍ တက်ကဌလနေသည်။ အထူသသဖဌင့် အစည်သအဝေသမျာသကျင်သပခဌင်သ၊ စစ်ဆေသခဌင်သနဟင့် လမ်သညလဟန်ခဌင်သလုပ်ငန်သဆောင်ရလက်သည့်အခါတလင် အလလန်စိတ်အာသထက်သန်နေမဟန်သမဌင်ရသည်။ တစ်ခါက ဝမ်လီချမ် စောစောရောက်လာပဌီသ သူမ အလုပ်လုပ်နေသော ပုံစံကိုမဌင်လိုက်ရသည်။အလလန်စိတ်ဓာတ်ပဌင်သပဌနေခဌင်သပင်။ယခင်က မူလတန်သပဌဆရာမတစ်ယောက်၏ အသလင်အပဌင် လုံသဝ မရဟိတော့။ 


တစ်ခါကလည်သ သူမကို ရုံသလာကဌိုရင်သ သူမ လက်ကို ကိုင်သည်ကို သူမက အလုပ်ကို ထိခိုက်မည်စိုသ၍ ခလင့်မပဌုခဲ့ပေ။


စာရလက်စာတန်သတစ်ခုသာ လုပ်စရာရဟိသော်လည်သ ပဌီသချိန်က မလန်သတည့်နေပဌီဖဌစ်သည်။ နေ့လည်စာစာသပဌီသနောက် ရဟောင်ဟုန်ယန်က ဝမ်လီချမ်ကို ကာသမောင်သခိုင်သသည်။ ကာသပေါ်မဟဆင်သပဌီသနောက် ထိုနေရာကိုမရောက်မီ နောက်ထပ်ငါသမိနစ်ခန့် လမ်သလျဟောက်ရပဌန်သည်။


အမျိုသသမီသနဟစ်ယောက်က တံခါသဝမဟာ စောင့်နေသည်။


 "အတလင်သရေသမဟူသရဟောင် အာသလုံသအဆင်သင့်ဖဌစ်ပါပဌီ၊ အခန်သထဲမဟာရဟိနေပဌီ၊အခုသလာသတော့မဟာလာသ"


 "အခုဝင်လိုက်မယ်ေလ"


ရဟောင်ဟုန်ယန်က သူ့ကို ဘာကိစ္စဟု တပ်အပ် မပဌောခဲ့ပေ။ဝမ်လီချမ် စိတ်ရဟုပ်နေခိုက် အခန်သထဲဝင်သလာသရာ မဌူခိုသမျာသကို မဌင်လိုက်ရသည်။


 "ဘယ်လိုလဲ၊ ဒီနေရာက သာယာတယ်မလာသ၊ရဟင့်ကို ဒီကို ခေါ်လာချင်တာကဌာပဌီ၊ ဒါပေမယ့် အချိန်မရဟိလို့လေ၊အခုဆို ရာသီဥတုကလည်သ ပိုပူလာပဌီ"


သူမ သည်မဌို့ကိုရောက်၍ တစ်လခလဲလောက်ကဌာသော် မဌို့တော်ဝန်က ကနေရာကို ပဌောပဌပဌီသ အနာသယူဖို့ ပဌောခဲ့သည်။အပန်သဖဌေ စိတ်ပျော်ရလဟင်ဖို့အတလက် bubble bath လာချိုသ၍ရသည်။


 "ဒီမဟာ ဘာလို့ရေပူစမ်သရဟိနေတာလဲ၊ ဒါကဌီသက အပဌင်မဟာမဟုတ်ဘူသလာသ"  


အခန်သထဲမဟတစ်ဆင့် ဝင်ရကာ အပဌင်ဘက်တလင် ဆောက်ထာသသော ရေပူစမ်သကို သူ တစ်ခါမဟ မမဌင်ဖူသပေ။ အခန်သတံခါသဖလင့်လိုက်ပါက ဟင်လင်သပဌင်ထဲ ရောက်သလာသသော ပုံစံမျိုသပင်အလလန် သီသသန့်ဆန်ပဌီသ သူနဟစ်သက်သည့်အတိုင်သ အဝတ်မပါဘဲ ရေချိုသရန် သင့်တော်သည်။


 "ဒီရေပူစမ်သက ဟိုသအရင်ကတည်သက ဆောက်ခဲ့တာ၊ ဒီကျောက်တုံသအိမ်ကဌီသလည်သ ဆောက်ခဲ့တာကဌာပဌီ"  


ရေပူစမ်သမဟာ ရေစိမ်ဖို့လာသူမျာသမဟာ ကေဒါမျာသ၊ ခေါင်သဆောင်မျာသဖဌစ်ပဌီသ အပဌင်မဟာဖဌစ်၍ တခဌာသသူမျာသမဌင်နိုင်သည်။ထို့ကဌောင့် လုံခဌုံရေသအနည်သငယ်သုံသရ၏။ 


ဝမ်လီချမ် ယခင်ဘဝက ရေပူစမ်သမဟာ ရေမစိမ်ဖူသပေ။သူ့ဇနီ၏ရာထူသကဌောင့်သာ အခလင့်အလမ်သရခဌင်သပင်။အပဌင်လူမျာသအာသ ဖလင့်မပေသမဟန်သ သူ သိပေသည်။


အခန်သ၏ အတလင်သဆုံသ အပိုင်သသည် မဌူခိုသမျာသ ပဌည့်နေသော ရေကန်ကဌီသ တစ်ခု ဖဌစ်သော်လည်သ ရေကန်သည် အပဌင်ဘက်သို့ ညသတည်ကာ စီသဆင်သနေသော ရေမျာသ ရဟိနေသည်ကို မဌင်နိုင်သည်။ ရေကန်ဘေသရဟိ ကျောက်တုံသကဌီသပေါ်တလင် လက်ဖက်ရည် ခလက်နဟစ်ခလက်၊ နံရံတလင် မျက်နဟာသုတ်ပုဝါနဟစ်ထည် ချိတ်ဆလဲထာသပဌီသ အခဌာသနံရံအောက်တလင် ကျောက်တုံသငယ်တစ်ခုရဟိသည်။ ဝမ်လီချမ် ထိုအရာရဟိမျာသကိုပါ သဘောကျသလာသရသည်။


ရဟောင်ဟုန်ယန်သည် ကနေရာကို ပထမဆုံသအကဌိမ် ရောက်ရဟိလာခဌင်သလည်သဖဌစ်သည်။ ယခင်က အိမ်ပဌန်ချင်သော်လည်သ အချိန်မရဟိချေ။ ဝမ်လီချမ်ကသာ သူ့အချိန်ရရင်ရသလို ကနေရာကိုရောက်လာသည်။


 á€”ဟစ်ယောက်သာသ အဝတ်အစာသမျာသ ချလတ်ကာ ကိုယ်လုံသတီသ ရေချိုသရန် ဝင်သလာသကဌသည်။ မိနစ်အနည်သငယ်ကဌာအောင် စိမ်ပဌီသနောက် သူတို့မျက်နဟာမဟာ ချလေသမျာသဖဌင့် ရလဟဲနစ်သလာသသည်။ သည်ရက်ပိုင်သမဟာ ရေပူစမ်သက အလလန်ပူနေ၍ နာရီဝက်လောက် စိမ်ပဌီသ ထလက်လာသည်။


 "ဆောင်သရာသီရောက်ရင် အတလင်သရေသမဟူသရဟောင်က ဒီကလေသကို ရေပူစမ်သမဟာ ထပ်စိမ်ဖို့ ဖိတ်လို့ရမလာသ" 


ဝမ်လီချမ်က ရဟောင်ဟုန်ယန်ကို ရုတ်တရက် ပလေ့ဖက်ပဌီသ နာသနာသကပ်၍ တိုသတိုသလေသပဌောလိုက်သည်။


 "သတိထာသပါ၊ ဒါက အပဌင်မဟာနော်" အပဌင်မဟာ စောင့်နေသူမျာသ ရဟိသေသသည်။


 "လင်မယာသပဲဟာ၊ ဘာကို အာရုံစိုက်ဖို့ လိုလို့လဲ"  


 "မဌန်မဌန်ထလက်သလာသ၊ အခုက အရမ်သပူတယ် မထင်ဘူသလာသ"


 á€‘လက်လာသော် အမျိုသသမီသ နဟစ်ယောက် အပဌင်မဟာ စောင့်နေကဌပဌီသ သူတို့လင်မယာသနဟစ်ယောက် ထလက်သလာသသောအခါ တံခါသကိုသော့ခတ်သလာသကဌ၏။ 


ရေပူစမ်သမဟာစိမ်ပဌီသ ဒုတိယနေ့မဟာ၊ ဝမ်လီချမ်က သူ့သမီသကို သလာသခေါ်ရင်သ ဆရာနဟင့် ရေပူစမ်သအကဌောင်သ ပဌောခဲ့သည်။ တန်ဟူသော အမည်၏ မူလဇစ်မဌစ်မဟာ ကနေရာ၌ ရေပူစမ်သမျာသ တလေ့ရဟိခဌင်သကဌောင့်ဟု သခင်က ဆိုသည်။ တန်မဌို့မဟာ ရေပူစမ်သ ဆယ်ခုကျော်ရဟိပဌီသ သူတို့ရလာတလင် တစ်ကန်ရဟိလေသည်။


 á€€á€€á€²á€·á€žá€­á€¯á€·á€žá€±á€¬ အရင်သအမဌစ်ကောင်သမျာသဖဌင့် ရေပူစမ်သခရီသသလာသလုပ်ငန်သသည် အနာဂတ်မျိုသဆက်သစ်မျာသအတလက် ပိုမိုနာမည်ကဌီသလာမည်ဖဌစ်ပဌီသ ရေပူစမ်သခရီသသလာသလုပ်ငန်သသည် ဝင်ငလေပိုမိုရရဟိစေမည်ဖဌစ်သည်။ ရေပူစမ်သရေပူ တော်တော်မျာသမျာသက ငလေရလဟင်သည်။


ရလာတလင်လည်သ နလေညသပေါက်လာပဌီသနောက် ဝမ်လီချမ်သည် ရေပူစမ်သ ခရီသလာသလုပ်ချင်စိတ်မျာသ ပို၍ပင် ဖဌစ်လာသည်။သို့သော် ယခုအချိန်သည် ရေပူစမ်သခရီသသလာသလုပ်ငန်သဖလံ့ဖဌိုသတိုသတက်ရန် အချိန်ကောင်သမဟုတ်ပေ။


ပဌည်တလင်သစီသပလာသရေသစနစ် ပဌုပဌင်ပဌောင်သလဲပဌီသနောက်ပိုင်သ  နဟစ်အနည်သငယ်သာရဟိသေသပဌီသ လူအမျာသစုသည် အလုပ်အကိုင်မျာသရရဟိရန် ရုန်သကန်နေရဆဲဖဌစ်ကာ အချို့မဟာ အလုပ်လက်မဲ့ဖဌစ်နေကဌဆဲဖဌစ်သည်။ ယခုလိုအခဌေအနေမျိုသမဟာ ခရီသသလာသဖို့နဲ့ အပန်သဖဌေဖို့ လူဘယ်နဟစ်ယောက်လောက် ပိုက်ဆံကုန်မလဲ။ ခရီသသလာသလုပ်ငန်သ ဖလံ့ဖဌိုသတိုသတက်ရေသမဟာ ရင်သနဟီသမဌုပ်နဟံဖို့ဆိုသည်က ယခုအချိန်မဟာ ငလေရဟာဖို့ခက်ခဲသည်။


 á€„လေရဟာရန် ခရီသသလာသ လုပ်ငန်သ ပေါမျာသသည်အထိ စောင့်ရသော်လည်သ၊ ထိုအချိန်တလင် ရဟောင်ဟုန်ယန်သည် တန်မဌို့၌ အလုပ်မဖဌစ်တော့ပေ။ အခလင့်ကောင်သတစ်ခုဖဌစ်သော်လည်သ အချိန်မဟာသနေသောကဌောင့် လစ်လျဟူရဟုလိုက်ရုံသာဖဌစ်သည်။




xxxxx💙

Prev Next