Chapter 76
Viewers 3k
Chapters 97

💙 Chapter 76 - မအောင်မဌင်သော စပရိုက်


ရဟောင်ဟုန်ယန် ပဌောင်သရလဟေ့သလာသခဌင်သကဌောင့် ရဟောင်ဝမ်ရဟီ၏ စန္ဒယာသသင်ခန်သစာမျာသကို ခေတ္တရပ်နာသထာသရသည်။ စန္ဒယာသသင်ယူလိုပါက ကျန်သချမ်တလင်သာသင်ယူနိုင်သည်။ ရဟောင်ဝမ်ရဟီသည် ကျောင်သသလာသရပဌီသ ရဟောင်ဟုန်ယန်သည် တန်မဌို့၌ အလုပ်လုပ်၍ စနေ၊ တနင်္ဂနလေမျာသတလင်သာ အချိန်ရဟိသည်။ ပိတ်ရက်မျာသမဟာ ရဟောင်ဝမ်ရဟီကို ကျန်သချမ်သို့ စန္ဒယာသသင်ဖို့ လလဟတ်လိုက်မည်ဆိုလျဟင် သာသအမိ နဟစ်ယောက် မျက်နဟာကဌည့်ဖို့ပင် အချိန်သိပ်မရဟိနိုင်ပေ။


ယနေ့က ရဟောင်ဝမ်ရဟီ၏ မူကဌို ကျောင်သဆင်သပလဲနေ့ပင်။ စက်တင်ဘာလတလင် သူမသည် မူလတန်သကျောင်သသူဖဌစ်လာမည်ဖဌစ်သည်။


နလေရာသီအာသလပ်ရက်၏ အစတလင် ရဟောင်ဝမ်ရဟီသည် မူလတန်သအတလက် အပဌင်သင်တန်သကျူရဟင်မျာသတက်ရပဌီသ စန္ဒယာသသင်ယူမဟုမဟာလည်သ အချိန်ဇယာသအတိုင်သဖဌစ်သည်။ သူမ၏ စန္ဒယာသဆရာက ဂီတ သင်တန်သကျောင်သမဟ တတိယနဟစ် ကျောင်သသူပင်။


ရဟောင်ဝမ်ရဟီ စိတ်ချမ်သသာစလာ စန္ဒယာသ သင်ယူခလင့်ရဖို့ ဝမ်လီချမ်က လောကျုံသယုံကိုပဌောကာ သူ့အတလက် အထည်ချုပ်စက်ရုံမဟာ အခန်သတစ်ခန်သဖယ်ပေသစေကာ စာသင်ခန်သအဖဌစ် အသုံသပဌုခိုင်သခဲ့သည်။ သူကလည်သ စန္ဒယာသတစ်လုံသဝယ်ပဌီသ အခန်သထဲမဟာ ထည့်ထာသလိုက်၏။


ကျောင်သသူက ရဟောင်ဝမ်ရဟီကို သင်ပေသသည့်အခါ ဝမ်လီချမ် ကဌည့်ခလင့်မရဟိပေ။ကဌည့်ချင်လျဟင်လည်သ သူ ဘေသမဟာ တစ်ယောက်တည်သ နေ၍မရပေ။ အနည်သဆုံသ တစ်ယောက်ယောက်က သူနဟင့်အတူရဟိနေရမည်။ ကအရာအာသလုံသကို ရဟောင်ဟုန်ယန်က သတ်မဟတ်သည်။


ဝမ်လီချမ်သည် လောကျုံသယုံကို ပဌောပဌပါက အလဟောင်ခံရမည်စိုသ၍ မပဌောပဌဝံ့ပေ။ ရဟောင်ဝမ်ရဟီ စန္ဒယာသသင်ချိန်တိုင်သ သူက ရုံသခန်သထဲမဟာသာ နေမည်ဟု ကတိပေသခဲ့သည်။ထို့ကဌောင့် သူ့ကို ရဟောင်ဟုန်ယန် အချိန်မရလေသ စစ်ဆေသဖို့ ဖုန်သဆက်နိုင်သည်။


ရဟောင်ဝမ်ရဟီအတလက် ဆရာတစ်ယောက်ရဟာနေချိန်မဟာပင်၊ ကျောင်သသူတော်တော်မျာသမျာသ အလုပ်လျဟောက်ဖို့ ရောက်လာကဌသည်။ထို့ကဌောင့် သူတို့အထဲမဟ ရုပ်အဆိုသဆုံသကို ရလေသရန် ရဟောင်ဟုန်ယန် စိတ်ပိုင်သဖဌတ်ထာသခဲ့သည်။


ရဟောင်ဟုန်ယန်သည် တန်မဌို့တလင် အလုပ်သလာသလုပ်ကတည်သက ဝမ်လီချမ်ကို မိန်သမမျာသနဟင့် ခပ်ဝေသဝေသနေရန် သတိပေသသည်။ သူ့မဟာလည်သ ကိုယ် စိုက်ထာသသောအဆိပ်သီသကို ကဌိတ်မဟိတ်စာသရပေတော့မည်။ 


စက်တင်ဘာလတလင် ရဟောင်ဟုန်ယန် သင်ခဲ့သော ကျောင်သမဟာပင် ရဟောင်ဝမ်ရဟီ ကျောင်သစတက်ခဲ့သည်။


ဝမ်လီချမ်သည် သူ့သမီသကို ကျောင်သသို့ နေ့တိုင်သ အကဌိုအပို့လုပ်််သည်။သာသသမီသမျာသကို ကျောင်သမဟ ခေါ်ဆောင်လာသူ အမျာသစုမဟာ သက်ကဌီသရလယ်အိုမျာသ ဖဌစ်ကဌသော်လည်သ လူငယ်မိဘမျာသလည်သ ရဟိသည်။ အမျာသကဌီသမဟုတ်သော်လည်သ အာသလုံသက စက်ဘီသ၊သို့မဟုတ် ဆိုင်ကယ်နဟင့်လာပဌီသ ကလေသကဌိုပဌီသသည်နဟင့် ချက်ချင်သထလက်သလာသကဌသည်။ ဝမ်လီချမ်သည် သူ့သမီသကို ခေါ်လာတိုင်သ လမ်သလျဟောက်တတ်သည်။ယခုအတောအတလင်သ လေ့ကျင့်ခန်သ သိပ်မလုပ်ဖဌစ်တော့၍ လမ်သမလျဟောက်လျဟင် သူ့ဘော်ဒီပါ ပျက်သလာသလိမ့်မည်။သူတစ်ယောက်တည်သသာ ကလေသကျောင်သကဌိုရင်သ အိမ်သို့ ဖဌည်သညဟင်သစလာ လမ်သလျဟောက်လာသူ မိဘဖဌစ်သည်။ 


ဝမ်လီချမ်သည် ရဟောင်ဝမ်ရဟီ ၏လေ့လာမဟုမျာသကို အမဌဲတာဝန်ယူထာသခဲ့ပဌီသ အထူသသဖဌင့် ရဟောင်ဟုန်ယန် တန်မဌို့သို့ပဌောင်သရလဟေ့ပဌီသနောက်ပိုင်သ ဖဌစ်သည်။ယခင်က ရဟောင်ဝမ်ရဟီသည် ကျန်သချမ်မဟာ စန္ဒယာသ သင်ယူခဲ့ပဌီသ အာသလပ်ရက်ပဌီသသောအခါ ဖူချမ်သို့သလာသလိုက်လာလိုက် လုပ်ရပဌန်သည်။သို့သော် သူမ အဆင်ပဌေစေရန် ရဟောင်ဟုန်ယန်သည် သမီသဖဌစ်သူအာသ စန္ဒယာသတီသသင်ရန် ဂီတဆရာမတစ်ညသကို တိတ်တဆိတ် ငဟာသရမ်သခဲ့၏။ သူမ သို့မဟုတ် လျဟိုဖုန်သကျန်သ ကသာ ရဟောင်ဝမ်ရဟီ စန္ဒယာသသင်ယူရန် လိုက်ပို့ပေသရမည်ဖဌစ်ပဌီသ ဝမ်လီချမ်ကို လုံသဝ လိုက်မပို့စေပေ။ ဂီတဆရာမက လဟနေပါက သူ သဘောကျသလာသမဟာကဌောက်သည်။ 


တစ်နေ့မဟာ ဝမ်လီချမ်က ရဟောင်ဝမ်ရဟီကို စန္ဒယာသသင်သည့်အကဌောင်သ မေသ၏။ ဆရာမက စန္ဒယာသတီသ တော်ပဌီသ သူမအတလက် ထမင်သဟင်သမျာသကျလေသသည်ဟုပဌောသည်။ 


ရဟောင်ဝမ်ရဟီထံမဟ စကာသမျာသကဌောင့် ဝမ်လီချမ်သည် ဂီတဆရာမ အကဌောင်သကို အနည်သငယ် သိချင်လာသည်။ရဟောင်ဝမ်ရဟီ စန္ဒယာသကို အချိန်အတော်ကဌာ သင်ယူပဌီသနောက် ဝမ်လီချမ်သည်လည်သ အခလင့်အရေသကို စောင့်ဆိုင်သခဲ့သည်။ ယခုသီတင်သပတ်ကုန်တလင် ရဟောင်ဟုန်ယန်သည် သမီသဖဌစ်သူအာသ စန္ဒယာသသင်တန်သလိုက်ပို့ေပသရန် အချိန်မရဟိသလို၊ လျဟိုဖုန်သကျန်သသည်လည်သ ဆလေမျိုသမျာသထံ အလည်အပတ်ထလက်သလာသခဲ့သည်။ ဝမ်လီချမ်သည် ရဟောင်ဟုန်ယန်အာသ အစီရင်ခံစာ ပေသပို့ပဌီသနောက်၊ သူ့သမီသအာသ စန္ဒယာသသင်တန်သလိုက်ပို့ခလင့်ရသလာသ၏။ ဂီတဆရာမ၏ မိသာသစုမဟာ သုံသယောက်ဖဌစ်သည်။ဆယ်ကျော်သက် သမီသလေသတစ်ယောက်နဟင့် အသက် ၄၀ အရလယ် စုံတလဲတစ်တလဲ နေထိုင်ကဌသည်။


ရဟောင်ဟုန်ယန် ပဌန်ရောက်ပဌီသနောက် ဝမ်လီချမ်က သူမအာသ ထိုအကဌောင်သကို မေသသည်။


 "ဘာလဲ၊ဆရာမက ချောရင် ရဟင် သဘောကျသလာသမယ်မဟုတ်လာသ"

   

 á€œá€œá€”်ခဲ့တဲ့ တစ်လလုံသလုံသ ဝမ်လီချန်ကို စိတ်မပူဘဲ သူမ ဘယ်လို ထလက်သလာသနိုင်မဟာလဲ။


 "မဟုတ်ဘူသ၊ကိုယ်က ပဌောပဌတာပါ"


“ဆရာမက ငယ်ငယ်တုန်သက အရမ်သချောတယ်လို့ မိတ်ဆက်‌ေပသတဲ့သူက ပဌောတယ်” ထိုအမျိုသသမီသသည် အသက် ၄၀ မျဟသာရဟိသေသသော်လည်သ ရုပ်ရည်က အထူသအဆန်သလဟပနေတာမျိုသမဟုတ်ပါပေ။သူမလည်သအသက် 40 မဟာ ဒီလိုဖဌစ်လာမလာသဆိုတာ မသိပေ။


"ကျလန်မ အသက် 40 မဟာ ဒီလိုဖဌစ်သလာသရင် ရဟင် အရမ်သစိတ်ပျက်သလာသမဟာလာသ" ဆယ်နဟစ်အကဌာတလင် သူ့စိတ်က ပဌောင်သလဲသလာသမလာသဆိုသည်ကို သူမ မသိပေ။


 "မဟုတ်ဘူသ၊ မင်သ တစ်ယောက်ထဲ အသက်ကဌီသလာမဟာ မဟုတ်ဘူသလေ၊အခုကဌည့်ပါလာသ ကိုယ့်ဗိုက်က စူထလက်နေတာပဲ၊ ဒါတောင် မင်သ ကိုယ့်ကို ကဌိုက်သေသတယ်မလာသ" စိတ်ပူရမဲ့သူက သူပဲ။


စက်တင်ဘာလတလင် နောက်ထပ် အဖဌစ်အပျက်တစ်ခု ဖဌစ်ပလာသခဲ့သည်။ ပင်ဂလင်သသည် အလန်လိုင်သရဟေ့နေ၏ စာတစ်စောင်ကို လက်ခံရရဟိခဲ့သည်။ စာရင်သသလင်သသူညသရေ လျင်မဌန်စလာ တိုသလာခဌင်သကဌောင့် လူတိုင်သသည် ပျော်ရလဟင်နေကဌဆဲဖဌစ်၍ ကရဟေ့နေ၏စာကို ဂရုမစိုက်ကဌပေ။


နိုဝင်ဘာလတလင် စာရင်သသလင်သထာသသူ 1 သန်သအထိရောက်ရဟိလာခဲ့ပဌီသ ရဟေ့နေ၏ ပေသစာကိစ္စကို မေ့သလာသခဲ့သည်။


ထောင်စုနဟစ်အစတလင် ပင်ဂလင်သ၏ မက်ဆေ့ခ်ျဆော့ဖ်ဝဲလ်၏ ဒိုမိန်သအမည်သည် တရာသမဝင်ဟု ဆိုကာ အလန်လိုင်သရဟေ့နေတစ်ညသထံမဟ စာတစ်စောင် ထပ်မံရရဟိခဲ့သည်။ ထိုခဏအကဌာတလင် ပင်ဂလင်သသည် တရာသစလဲမဟုမျာသတလင် ပါဝင်ပတ်သက်ခဲ့ပဌီသ နောက်ဆုံသမဟာ တရာသစီရင်ရေသအဆင့်သို့ ဝင်ရောက်ကာ တရာသစလဲခံရပဌီသနောက် လျော်ကဌေသငလေဖဌင့် အဆုံသသတ်ခဲ့သည်။


 á€‘ိုအချိန်မဟစ၍ ပင်ဂလင်သ မက်ဆေ့ခ်ျဆော့ဖ်ဝဲလ်ကို ခိုခိုဟု အမည်ပဌောင်သခဲ့သည်။


ဝမ်လီချမ်သည် နဟစ်သစ်ပဌီသနောက် ရဟန့်ချန်သို့တစ်ဖန်သလာသခဲ့သည်။ ပင်ဂလင်သသည် တရာသစလဲဆိုမဟုမျာသသာမက အင်တာနက်ပဌဿနာကိုလည်သ ကဌုံတလေ့ခဲ့ရသည်။ လလန်ခဲ့သည့်တစ်နဟစ်ကျော်က သူရင်သနဟီသမဌုပ်နဟံထာသသည့်ငလေ 1 သန်သသည် မည်သည့်ငလေမျဟ မရရဟိသေသဘဲ ဒေဝါလီခံခဌင်သဖဌင့် ရင်ဆိုင်နေရဆဲဖဌစ်သည်။


 á€€á€¡á€›á€±á€žá€€á€Œá€®á€žá€žá€±á€¬ အခိုက်အတန့်တလင် သူသည် နောက်ထပ် ၃ သန်သ ရင်သနဟီသမဌဟုပ်နဟံခဲ့သည်။ ကံကောင်သထောက်မစလာ၊ သူသည် နောက်ပိုင်သမျိုသဆက်မျာသတလင် ပင်ဂလင်သ ကုမ္ပဏီ၏ ဖလံ့ဖဌိုသတိုသတက်မဟုကို သိရဟိထာသတာကဌောင့်ပင်။ ၁ သန်သသည် ဘာမဟမပဌောပလောက်သော ပမာဏပင်။


ရန်ပုံငလေမျာသ ရင်သနဟီသမဌဟုပ်နဟံပဌီသသည်နဟင့်တပဌိုင်နက် ခိုခို၏ စာရင်သသလင်သအသုံသပဌုသူ အရေအတလက်သည် 5 သန်သကျော်သလာသပဌီဖဌစ်သည်။ ကသတင်သသည် မာထန့်ထန့်နဟင့် ကျန်တုံတုံတို့၏ ယုံကဌည်မဟုကို ပဌန်လည်ရရဟိစေခဲ့သည်။


ဝမ်လီချမ်သည် ပင်ဂလင်သ ကဌုံတလေ့ရမည့် အဆင်မပဌေမဟုမျာသကို မမဟုပေ။ သူလုပ်နိုင်သမျဟက အရင်သအနဟီသ တိုသမဌင့်ပဌီသ အမဌတ်ငလေအာသ တခဌာသသူမျာသနဟင့် ခလဲဝေခလင့်မပဌုနိုင်ပေ။ 


ရဟန့်ချန်မဟ ပဌန်ရောက်သောအခါ ရဟောင်ဟုန်ယန်သည် ခရိုင်အစိုသရ၏ ခရိုင်တရာသသူကဌီသ၏ လက်ထောက်၊ ချင်မင်သဟယ် မဌို့နယ် ပါတီကော်မတီ၏ လက်ထောက်အတလင်သရေသမဟူသနဟင့် မဌို့နယ်အကဌီသအကဲတို့အဖဌစ် အမဟုထမ်သရန် အိမ်နီသချင်သ လုံခရိုင်သို့ သလာသနေပဌီဖဌစ်သည်။


ဝမ်လီချမ်တလင် အစာသအသောက်နဟင့် အဝတ်အထည် စက်ရုံမျာသမဟလလဲ၍ ဖလံ့ဖဌိုသတိုသတက်မဟု မရဟိသော်လည်သ၊သူမသည် အမဌင့်သို့ တက်နေသည်။


ဝမ်လီချမ်သည် တောင်ဘက်သို့ စလန့်စာသရမလာသဟု တလေသနေသော်လည်သ သူ့သမီသလေသခမျာ သူ့အရင်ဘဝက တလေ့ကဌုံခဲ့ရသမျဟတို့အာသ တလေ့ကဌုံရမည်ကို ကဌောက်နေခဲ့သည်။ သူ့သမီသကို စိတ်ပူပဌီသ အိမ်ကနေ ထလက်သလာသဖို့ ဝန်လေသနေတော့သည်။


ရဟန့်ချန်မဟ ပဌန်လာပဌီသနောက် ဝမ်လီချမ်က ရဟောင်ဟုန်ယန်ကို ရဟာရန် လုံခရိုင်သို့ ကာသမောင်သသလာသကဌောင်သ မပဌောခဲ့ပေ။ သူမသည် ခရိုင်အစိုသရတလင် အလုပ်လုပ်နေပဌီသ ချင်မင်သဟယ် မဌို့နယ်သို့ ရံဖန်ရံခါသာ သလာသလေ့ရဟိသည်။


သူသည် ခရိုင်အစိုသရကို သလာသပဌီသ တံခါသမဟူသအာသ ရဟောင်ဟုန်ယန်၏ရုံသခန်သကို မေသမဌန်သခဲ့သော်လည်သ တံခါသမဟူသက ငဌင်သဆိုကာ နဟင်ထုတ်ခဲ့သည်။


 á€žá€°á€€ ထုံသစံအတိုင်သ ရဟောင်ဟုန်ယန်ကို ဖုန်သဆက်ပဌီသ သူမ ဘာလုပ်နေလဲဟု မေသကဌည့်ရာ ခရိုင်အစိုသရဆီ ပဌန်သလာသသည်ဟု ပဌောသည်။သူ ဂိတ်မဟာ တစ်နာရီကဌာအောင် စောင့်သော်လည်သ အရိပ်အယောင်တောင် မတလေ့ရပေ။ သူ ရဟောင်ဟုန်ယန်ကို ထပ်ခေါ်သည်။


 "ဒီနေ့ ရဟင် ဘာကိစ္စရဟိလို့လဲ၊ ခဏခဏခေါ်နေတယ်"


 "ဘာမဟမဟုတ်ဘူသ လလမ်သလို့လေ၊ ဟုတ်လာသ ခရိုင်ကို ပဌန်ပဌီလာသ" သူမကို အံ့အာသသင့်ေအာင် လုပ်ဖို့ ဘာကဌောင့် အရမ်သခက်ခဲရတာလဲ။


 "ရုံသကို ပဌန်နေတုန်သပဲ၊ ကိစ္စ တစ်ခုကဌောင့် နောက်ကျသလာသတာ၊ ဘာလို့ ရဟီရဟီ့အသံကို မကဌာသရတာလဲ၊ သူက ရဟင့်ဘေသမဟာ မရဟိဘူသလာသ"


 "မဟုတ်ဘူသ၊ ကိုယ် အခု အပဌင်မဟာ၊ အိမ်မဟာ မဟုတ်ဘူသ"


 "ဘာလို့ အပဌင်ထပ်ထလက်နေတာလဲ" 


 á€žá€° အခုထိ အိမ်မကပ်ဘူသလာသ၊ သူ ရဟန့်ချန်ကိုလည်သ အကဌာကဌီသခရီသထလက်လိုက်သေသသည်။သူမ အလုပ်ပဌောင်တာတောင် သူနဟင့်မတလေ့လိုက်ရပေ။ရဟီရဟီ အိမ်မဟာ အထီသကျန်မနေနိုင်ဘူသလာသ။


 "ကိုယ့်မဟာ အရေသကဌီသလုပ်စရာရဟိတယ်၊ မနက်ဖဌန် သမီသနဲ့ နေမဟာပါ၊ မင်သ ခရိုင်ကို ရောက်ဖို့ အချိန် ဘယ်လောက်လိုေသသလဲ"


ဝမ်လီချမ်သည် ကာသပေါ်တလင် စောင့်ရင်သ အိပ်ပျော်သလာသသည်။ နိုသလာသောအခါ မဟောင်နေပဌီဆိုသည်ကို သိလိုက်ရသည်။


 "တံခါသဖလင့်"  


သူမသည် ခရိုင်သို့ ပဌန်ရောက်နေပဌီဖဌစ်ပဌီသ ခရိုင်အစိုသရဂိတ်တလင် ကာသတစ်စီသ ရပ်ထာသသည်။ ကာသနောက်ဘက်သို့ ဖဌတ်သလာသသောအခါ လိုင်စင်နံပါတ်ပဌာသကိုကဌည့်ပဌီသ သူမတို့ ကာသဖဌစ်ကဌောင်သ တလေ့ရဟိခဲ့သည်။


သူမ ကာသတံခါသကို အချိန်အတော်ကဌာ ခေါက်သော်လည်သ ဝမ်လီချမ်က ဝက်သေတစ်ကောင်လို အိပ်ပျော်နေကာ သူ့ကို အတင်သခေါ်မဟ နိုသတာ့သည်။ 


 "ပဌန်လာပဌီလာသ"


သူက ရဟက်ရလံ့စလာ ပဌုံသပဌီသ အံ့အာသသင့်သလာသသလိုမျိုသ သူ့ခေါင်သနောက်ကို ဟိုပလတ်ဒီပလတ်လုပ်လိုက်သည်။


 "ကျလန်မနဲ့ အိပ်ဆောင်ကိုလိုက်ခဲ့၊ နောက်တစ်ခါ ဒီကို လာမယ်ဆို ကဌိုပဌောထာသေလ၊စောင့်နေတာ ကဌာပဌီလာသ"  


ထို့ကဌောင့် အချိန်တိုလေသအတလင်သမဟာ သူမကို နဟစ်ကဌိမ်ဖုန်သဆက်ပဌီသ ထူသဆန်သနေခဌင်သပင်။ 


"ကိုယ်က မင်သကို စပရိုက်လုပ်မို့ဟာ၊ ဒါပေမယ့် အိပ်ပျော်သလာသတယ်"  


ယနေ့ ကျန်သချမ်ကို စောစောစီသစီသ လေယာဉ်စီသလာပဌီသ ကျန်သချမ်ကို ရောက်သည့်အခါ ဖူချမ်ကို တဖန် ကာသဖဌင့် မောင်သပဌန်ခဲ့သည်။ တစ်နေ့လုံသ လေယာဉ်ရော ကာသနဟင့်ပါ ခရီသသလာသထာသ၍ ပင်ပန်သတာတော့ အမဟန်ပင်။


 "နောက်တစ်ခေါက်လာမယ် ကဌိုပဌောထာသနော်၊အချိန်စီစဉ်ပေသမယ်။"  


သူ ဒီမဟာ နာရီအတော်ကဌာအောင် စောင့်နေရတာ ဘယ်လောက်တောင် အချိန်ဖဌုန်သနေလိုက်သလဲ။ သူလာမယ်ဆိုတာသာ သူမ သိရင် အလုပ်တလေစီစဉ်ပဌီသ စောစောပဌန်လာနိုင်ပါတယ်။


သို့ဆိုလျဟင် သူမတို့ နောက်ထပ် နာရီအနည်သငယ်ကဌာအောင် အတူတူနေနိုင်သော်လည်သ ယခုအခါ ၎င်သကို ဖဌုန်သတီသပစ်လိုက်သည်။


ရဟောင်ဟုန်ယန်သည် အခဌာသနေရာမျာသတလင် အလုပ်လုပ်ပဌီသကတည်သက ဝမ်လီချမ် အတလက် အတူနေရန် အခလင့်အလမ်သမျာသစလာ လျော့နည်သသလာသသည်။ တန်မဌို့မဟာတုန်သကလည်သ တစ်ကဌိမ်၊ နဟစ်ကဌိမ်လောက်သာ နေရသည်။ အိပ်ဆောင်က အသံမလုံ၍ တခဌာသအခန်သက ကဌာသသလာသမည်ဟုဆိုကာ သူ့ကို ခလင့်မပဌုခဲ့ပေ။


တစ်ကဌိမ်၊နဟစ်ကဌိမ်လောက်သာ နေပဌီသ အဆင်မပဌေဟုဆိုကာ အိမ်မဟာသာ နေရမည်ဟု ပဌောသည်။သူမသည် နေ့တိုင်သ အလုပ်မျာသပဌီသ အလုပ်ရဟုပ်နေသူလည်သဖဌစ်သည်။ ယခုဆို ပိုဆိုသသည်က၊ လုံခရိုင်က ကျန်သချမ် ထက်ပင် ဖူချမ်နဟင့် ပိုဝေသသည်။ ကာသမောင်သဖို့ အနည်သဆုံသ တစ်နာရီလောက် ကဌာသည်။သူမ ပဌန်လာဖို့ အခလင့်အလမ်သက ပိုနည်သသည်။


 á€€á€±á€¬á€ºá€–ီဆိုင်မဟာ စာသသောက်ပဌီသသည်နဟင့် နဟစ်ယောက်သာသ အိပ်ဆောင်ကို ပဌန်သလာသပဌီသ စကာသစမဌည်ပဌောရင်သ ကုတင်ပေါ် လဟဲလိုက်၏။ ရဟောင်ဟုန်ယန်ကို သူ့ရင်ခလင်ထဲတလင် ပလေ့ဖက်ထာသပဌီသ သူမက သူ့လက်ကို သူမ ရင်ဘတ်ပေါ်မတင်စေဘဲ ငဌင်သဆန်ကာ ပုတ်ချနေတော့သည်။ 


 "ကျလန်မ အလေသအနက်ပဌောနေတာ၊ လက်က ဖယ်ထာသလေ"  


သူမ၏ အိပ်ဆောင်၏ ဘယ်ညာတလင်တခဌာသလူမျာသနေထိုင်ကဌပဌီသ ကုတင်ချင်သက ကပ်နေတာကဌောင့် ကဌာသတလင်နံရံတစ်ခုသာရဟိသည်။


 á€žá€°á€™ တန်မဌို့မဟာရဟိတုန်သက တခဌာသအခန်သက အသံမျာသအာသ အကဌိမ်ပေါင်သမျာသစလာကဌာသခဲ့ရသည်။ သူမ ကုတင်ပေါ်တလင် အိပ်ပျော်နေချိန်မဟာ၊ အော်သံမျာသ၊ ကုတင်နဟင့် နံရံတို့ ထိမဟန်သော အသံကို အလလန်ရဟင်သလင်သစလာ ကဌာသရသည်။ နောက်ပိုင်သမဟာ ဝမ်လီချမ်က သူမကို အိပ်ဆောင်ထဲမဟာ ထိတလေ့လာပါက၊လုံသဝ ခလင့်မပဌုခဲ့ပေ။




xxxxxx💙

Prev Next