MM Story Teller

Chapter 65

Viewers 4k

Chapters 116

📽️Chapter 65

ရန်ရှူ ဗီဒီယိုကို ဆက်ကြည့်လိုက်ပြီး သူလည်း ဗီဒီယိုထဲတွင် ပါဝင်လာသည်ကို တွေ့လိုက်ရသည်။

ကောင်းဟိုင်ယန်က အသံမက်ဆေ့ချ်တစ်ခုကို ပို့လိုက်ပြန်သည်။

"ရန်ရှူက ဆက်ဆံရတာ လွယ်လား... ကိုယ်ကြားတာတော့ သူ့သည်းခံနိုင်စွမ်းက အရမ်းဆိုးတယ်ဆို..."

မုန့်ရှင်းယာက ပြန်ပြောထားသည်။

"အစ်ကိုရန်က အရမ်းအရမ်းကို ခင်ဖို့ကောင်းတယ်ရယ်...သူ့စိတ်က သိပ်မရှည်ပေမဲ့ တကယ်ကို ကောင်းတာ..."

ကောင်းဟိုင်ယန် : " ဒါဆို မင်း ညစာထွက်စားနိုင်မလား..."

မုန့်ရှင်းယာ : "ကျွန်မက တောင်တန်းနက်နက်ထဲကိုရောက်နေတာ အပြင်ထွက်လို့မရဘူး..."

ကောင်းဟိုင်ယန် : "ကိုယ်မင်းကို ခြောက်လကြာအောင် လိုက်ခဲ့ရတာ...မင်းက ကိုယ့်ကို သတင်းမှန်မှန်လေးတောင် မပေးဘူး...အဲ့တာက ကိုယ့်ကို စိတ်လုံခြုံမှုမရှိသလို ခံစားရစေတယ်ကွာ..."

ရန်ရှူ ထိုသည်ကို ကြားလိုက်ချိန်တွင် အကျယ်ကြီး အော်ရယ်ပစ်လိုက်သည်။ အသံမက်ဆေ့ချ် ပို့ပေးသည့်အတွက် ကောင်းဟိုင်ယန်၏အချစ်များကို ကျေးဇူးတင်ရပေမည်။ ထိုသို့မဟုတ်ပါက ထိုမျှလောက် ထင်သာမြင်သာ ရှိလိမ့်မည် မဟုတ်ပေ။

၎င်းမှာ မုန့်ရှင်းယာက ဘာလုပ်ရမည်ဆိုသည်ကိုသိသောကြောင့်မဟုတ်ပေ။ ကောင်းဟိုင်ယန်က ကောင်မလေးတစ်ယောက် ရှိသော်လည်း single အဖြစ်ဟန်ဆောင်ကာ မုန့်ရှင်းယာကိုပင် နှစ်ဝက်မျှကြာအောင် လိုက်လိုက်သေးသည်။

ထို့နောက် ဗီဒီယိုက ကွန်ပြူတာပေါ်မှ စောင့်ကြည့်ဗီဒီယိုတစ်ခုကို စတင်ရိုက်လိုက်သည်။ ဗီဒီယိုထဲတွင် မုန့်ရှင်းယာနှင့်ကောင်းဟိုင်ယန်၏ လက်ချောင်းများရှိပြီး မုန့်ရှင်းယာ၏အသံကို ကြားနိုင်ပေသည်။

"ဒါက ဘားတစ်ခုမဟုတ်ပါဘူး သီးသန့်အလှပြင်ဆိုင်တစ်ခုပါ...အဲဒါတူတူလုပ်ဖို့ သူက ကျွန်မနဲ့ပူးပေါင်းပေးတယ်လေ...အသားအရေနုပျိုအောင် ကုသမှုယူတာမျိုးပေါ့...မြင်တဲ့အတိုင်းပဲ သူက မူးမနေပါဘူး..."

သီးသန့်အလှပြင်ဆိုင်တွင်းတွင် စောင့်ကြည့်ဗီဒီယိုများ မရှိပေ။ အဆုံးတွင် အနုပညာရှင်များက ထိုနေရာသို့မကြာခဏလာလေ့ရှိကြသောကြောင့် ဧည့်သည်များ၏ ကိုယ်ရေးကိုယ်တာကို အာမခံပေးရမည်ပင်။

သို့သော်ငြားလည်း စန့်ရှန်း မည်သို့လုပ်ခဲ့သည်ကို သူမသိပေ။ သူက အမှန်တကယ်ပင် အလှပြင်ဆိုင်နှင့် မျက်နှာချင်းဆိုင် မျက်စောင်းထိုး အဆောက်အဦးရှိ ကုမ္ပဏီတစ်ခု၏ စောင့်ကြည့်ကင်မရာကို ရှာတွေ့ခဲ့သည်။ စောင့်ကြည့်ကင်မရာထဲတွင် အလှပြင်ဆိုင်တွင်းသို့ ဝင်သွားသော လူနှစ်ယောက်၏ ပုံများရှိပြီး 4 စက္ကန့်သာ ကြာလေသည်။

ထို4 စက္ကန့်အား အနှေးပြကွက်ဖြင့် ကြည့်လိုက်ရာ အမှန်တကယ်ပင် မုန့်ရှင်းယာနှင့် ကောင်းဟိုင်ယန် ဖြစ်နေသည်ကို အတည်ပြုလိုက်နိုင်သည်။

ရန်ရှူ ၎င်းကိုမြင်သည့်အချိန်တွင် ကွန်မန့်များက 2 သိန်းကျော်ပင် ရှိနေပြီဖြစ်သည်။

သူ ကွန်မန့်များကို နှိပ်လိုက်ပြီး hotဖြစ်နေသည့်ကွန်မန့်အနည်းငယ်ကို ပထမဆုံး ကြည့်လိုက်သည်။

[ယာယာ နောက်ဆုံးတော့ ပြောပြီပေါ့...ယာယာ မတရား အမှုဆင်ခံရတယ်ဆိုတာ ငါသိတယ်...]

[သူတို့ဦးနှောက်နဲ့ ဖရဲသီးမစားတဲ့အဲ့လူတွေ တောင်းပန်ဖို့ လာနေကြပြီလား...အရင်တုန်းက နင်တို့အားလုံး သူ့ကိုပြင်းပြင်းထန်ထန် ကျိန်ဆဲနေကြတာလေ...ဟမ် အခုကြမှ သေချင်ယောင်ဆောင်နေကြတယ်ပေါ့...]

[တအားကို လွန်လွန်းတယ်...ကောင်းဟိုင်ယန်ရဲ့ အလိမ်တွေက ဒီလောက်အပေါက်တွေနဲ့ ပြည့်နေတာကို တချို့လူတွေက အဲဒါကိုယုံပြီး နစ်နာသူကို တောင် တိုက်ခိုက်လိုက်ကြသေးတယ်...]

[မုခ်ဝက ဒီမှာပါ...ခွေးကောင်@ကောင်းဟိုင်ယန် ကို ကျိန်ဆဲလိုက်ကြပါ...ပြီးတော့ တောင်းပန်ဖို့လက်ရှိကောင်မလေးကို စောင့်ကြပါ @လန်ယင်...မင်းရဲ့အမှားကို သွားပြီး ဝန်ခံလိုက်ပါ...ပြီးတော့ ငါတို့ရဲ့ဦးလေးကို သေချာပေါက် တောင်းပန်ပါ...]

[စုတျန့်တျန့် နင်ထပ်ပြီး hot search ဝယ်ပြီးပြီလား...နင်ပါမယ်ဆိုတာငါသိသားပဲ အခုတော့ သည်းမခံနိုင်တော့ဘူးပေါ့လေ...ရန်ရှူက ထပ်ပြီး အခြေအနေကို ပြောင်းပြန်လှန်လိုက်ပြန်ပြီ.. ပြီးတော့ သူ့ကျော်ကြားမှုကလည်း ပိုပြီး မြင့်သွားပြီနော်...]

[ရန်ရှူက အဲ့ဒါကို ကြိုက်တယ် ပြီးတော့ သူ့မှာ ရည်းစားကောင်မလေး သောင်းပေါင်းများစွာလည်း ရှိတယ်နော်...]

မကြာမီအချိန်တွင် လန်ယင်ကလည်း Weibo တွင် ပို့စ်အသစ်တစ်ခု တင်လိုက်လေသည်။

လန်ယင် : ငါသက်သေကို မြင်ပြီးသွားပါပြီ...ငါတကယ်ကို စိတ်သဘောထား ကျဥ်းမြောင်းခဲ့မိတယ်...ငါ@မုန့်ရှင်းယာကို တောင်းပန်ပါတယ်...ငါတောင်းပန်ပါတယ် သူက ငါတို့ကို နာကျင်စေခဲ့တဲ့ အမှိုက်ကောင်ပဲ...ဒါပေမဲ့ ငါက နင့်ကိုထပ်ပြီး နာကျင်စေခဲ့မိတယ်...ငါ ရန်ရှူကိုလည်း တောင်းပန်ချင်ပါတယ်... နင့်မှာ ကောင်းမွန်တဲ့စေတနာရှိတာကို ငါက နင့်ကို ကျန်ဆဲမိခဲ့တယ်..ငါ အနုပညာလောကကနေ ယာယီ အနားယူပါတော့မလို့ပါ...နင့်ကိုဆွဲချမိတဲ့အတွက် တောင်းပန်ပါတယ်...]

ကွန်မန့်တွင် လူများစွာ ရှိနေကြသည်။

[အစ်မလှလှလေး အနုပညာလောက ကနေ မထွက်ပါနဲ့.. တကယ်ထွက်သင့်တဲ့သူက ကောင်းဟိုင်ယန်ပဲ...]

[ဦးလေးက ဒါကို လေးလေးနက်နက်ပြောခဲ့တယ်လေ...ဦးလေးမှာ ငါ့အစ်မကို အနုပညာလောကကနေ ထွက်စေချင်တဲ့ ရည်ရွယ်ချက်မရှိပါဘူး...သူက မင်းတို့နှစ်ယောက်လုံးကို ချစ်ပါတယ်...]

[နင်က မုန့်ရှင်းယာကို နာကျင်အောင်လုပ်ခဲ့တာပဲ...]

[နင် အနုပညာလောကကနေ ထွက်လိုက်သင့်တယ်...နင့်မှာ ဘာအလုပ်ကောင်းကောင်းမှလည်း မရှိဘူး အနုပညာလောကထဲ တရားဝင် ဝင်ထားတာလည်းမဟုတ်ဘူး...]

[တချို့သူတွေက ကောင်းမွန်တဲ့အကျင့်စရိုက် ရှိသင့်တယ်..သူတို့စကားလုံးတွေက အရမ်းကြမ်းတမ်းရက်စက်လွန်းတယ်...ယင်ယင်ကလည်း နစ်နာသူတစ်ယောက်ပဲလေ...]

၎င်းကို ဖတ်ပြီးနောက် ရန်ရှူ ဖုန်းကိုချကာ မိတ်ကပ်ကို ဆက်လက်ဖျက်လိုက်သည်။

အဓိကအချက်မှာ လက်ရှိအခြေအနေက ကောင်းမွန်သည့် အပြောင်းအလဲတစ်ခုပင်။ ကုမ္ပဏီအားလုံးက ဤကိစ္စတည်ငြိမ်သွားစေရန် သူတို့၏ အကောင်းဆုံးကျွမ်းကျင်မှုများကို အသုံးချလိမ့်မည်ပင်။

မုန့်ရှင်းယာ၏ အသက်မွေးဝမ်းကြောင်းအား ထိမ်းသိမ်းနိုင်လျှင် ရန်ရှူနှင့် စန့်ရှန်း၏အားထုတ်မှုများက အလဟဿ ဖြစ်သွားလိမ့်မည် မဟုတ်ပေ။

ကားထဲက ထွက်ပြီးနောက် ကောင်းချင်က သူ့အား ပြောလိုက်သည်။

"ကောင်းဟိုင်ယန်ရဲ့မန်နေဂျာရော လန်ယင်ရဲ့မန်နေဂျာရော နှစ်ယောက်လုံးက မင်းကို ဆက်သွယ်ချင်နေကြတယ်..."

"သူတို့က ဘာအတွက် ကျွန်တော့်ကို ဆက်သွယ်ချင်နေကြတာလဲ...ဒါက ကျွန်တော့် အလုပ်မဟုတ်ဘူးလေ...တောင်းပန်ဖို့ကတော့ သူတို့ကို သခင်ကြီးဆီသွားခွင့်ပြုလိုက်ပါ..."

ရန်ရှူ လျင်မြန်စွာပင် သူ့ဖုန်းကို ထုတ်ပြီး စန့်ရှန်းထံ မက်ဆေ့ချ်ပို့လိုက်သည်။

[လောင်ကုန်း...လောင်ကုန်းက ဘာလို့ အဲ့လောက်တော်ရတာလဲ...]

ရွံစရာ ရွံစရာ [အီးပုံ] : [ကိုယ်သာ တစ်မိနစ်နောက်ကျရင် မင်းလေးက တစ်မိနစ်ထက်ပိုပြီး ဒေါသထွက်နေမှာလေ...ကိုယ်ဘယ်လိုလုပ်ပြီး မကြိုးစားဘဲ နေနိုင်မှာလဲ...]

RS : [မဆိုးပါဘူး ဒါဆို လောင်ကုန်း ဆုကြီးကြီးရမယ်...]

ရွံစရာ ရွံစရာ [အီးပုံ] : [ဘာအတွက်ဆုလဲ...]

ရန်ရှူ တခဏ စဥ်းစားလိုက်သည်။ သူအမှန်တကယ်ပင် စန့်ရှန်းအား ဆုအများကြီး မပေးခဲ့ပေ။ သူ တခဏကြာအောင်စဥ်းစားပြီးနောက် စာရိုက်ကာ ပြန်လိုက်သည်။

[လျှို့ဝှက်ချက်...စောင့်မျှော်နေလိုက်နော်...]

ပို့ပြီးပြီးချင်းပင် သူက စကားပြောထားသည်ကို လျင်မြန်စွာ ဖြတ်ညှပ်ကပ်လုပ်ပြီး မုန့်ရှင်းယာထံ မက်ဆေ့ချ်ပို့လိုက်သည်။

[မင်းကို ကူညီတဲ့အတွက် ငါ့သူဌေးဆီမှာ အကြွေးအကြီးကြီးတင်သွားပြီ...အခုသူ့ကို လက်ဆောင်တစ်ခု ပေးဖို့လိုတယ်...မင်းငါ့ကို ကူပြီးစဥ်းစားပေးချင်လား...ငါသူ့ကို ဘာပေးသင့်လဲ...]

အခြားတစ်ဖက်မှ ချက်ချင်း ပြန်စာရောက်မလာပေ။

ရန်ရှူက အံ့အားသင့်နေဆဲပင်။ မုန့်ရှင်းယာက ရှင်းလင်းချက်တစ်ခုကို ထုတ်ခဲ့ရပြီး ကိုင်တွယ်ဖြေရှင်းရန် လိုအပ်သည့် ကိစ္စများစွာ ရှိနေသေးသည်။ ထို့ကြောင့် သူမတွင် သူ့ကို စကားပြောရန်အချိန်မရှိပေ။

မကြာမှီ သူ စန့်ရှန်းထံမှ အခြားမက်ဆေ့ချ်တစ်စောင်ကို ရလိုက်သည် : [ပေါင်ပေ့ မုန့်ရှင်းယာရဲ့ဖုန်းက ဒီမှာ...]

RS : [...]

ငါလေးက နမော်နမဲ့နိုင်လိုက်တာနော်...

ထိုအကြောင်းတွေးလိုက်ပြီးနောက် သူသာ ဤအခိုက်အတန့်၌ မုန့်ရှင်းယာအား ဆက်သွယ်ချင်ပါက သူမမန်နေဂျာ သို့မဟုတ် သူမလက်ထောက်ကို ဦးစွာဆက်သွယ်ရန် လိုသေးသည်ကို ခန့်မှန်းနိုင်သွားသည်။ အဆုံးတွင် မုန့်ရှင်းယာ၏ဖုန်းက စန့်ရှန်းနှင့်ရှိနေဆဲပင်။

သို့သော် ယခုမှ မုန့်ရှင်းယာက ယခုမှ ရှင်းလင်းချက်ထုတ်ပြီးရုံသာရှိသေးပြီး သူမ နောက်ဆက်တွဲ ကိုင်တွယ်ဖြေရှင်းရမည့် အကြောင်းအမျိုးမျိုး ကျန်နေသေးသည်။

စိတ်ခံစားချက် အတက်အကျမျိုးစုံအောင် ခံစားပြီးနောက် သူ သူမကိုမဆက်သွယ်မီ အချိန်အနည်းငယ် ယူရလောက်ပေသည်။

သူ အကူအညီပေးသည်က အမှန်တကယ် အောင်မြင်သွားသည်ကို တွေးလျက် ရန်ရှူ ပျော်ရွှင်စွာဖြင့် သူ့ကားထံ ခုန်ဆွခုန်ဆွနှင့် သွားလိုက်သည်။

သွားရာလမ်းတွင် ဘေးဘီဝဲယာကို အေးအေးလူလူကြည့်လိုက်ရာ သူ့ပရိသတ်ဟု ထင်ရသည့်သူများက မဝေးလှသောနေရာတွင် သူ့အားစောင့်နေသည်ကိုမြင်လိုက်ရသည်။ တစ်ခဏတွန့်ဆုတ်ပြီးနောက် ကားထဲသို့ ချက်ချင်းမဝင်လိုက်ဘဲ ထိုအစား ပရိသတ်များထံသွားကာ နှုတ်ဆက်လိုက်သည်။

"မစိုးရိမ်ပါနဲ့...ငါဒီမှာ အဆင်ပြေပါတယ်..."

ပရိသတ်များက သူ့ကို အားပေးစကားများ တစ်ခွန်းပြီးတစ်ခွန်း ပြောလိုက်သည်။

"ဦးလေး...ဦးလေးက အတော်ဆုံးပဲ..."

"တကယ်တော့ ဦးလေး ယာယာ့အတွက် ပြောပေးကတည်းက ယာယာက လုံးဝ အပြစ်ကင်းတယ်ဆိုတာ ကျွန်မသေချာသိတယ်..."

"ဟုတ်တယ်..အဲ့သောက်ကောင်က လွန်လွန်းသွားပြီ..."

"ဦးလေး ထပ်ပြီး ဒေါသမထွက်နဲ့တော့နော်..လန်ယင်ကလည်း တောင်းပန်ထားတယ်..."

ရန်ရှူက သူတို့ကိုခေါင်းညိတ်ပြကာ ဆက်ပြောလိုက်သည်။

"လန်ယင့်ကို မတိုက်ခိုက်ကြနဲ့နော်...လန်ယင်လည်းအပြစ်ကင်းရှာပါတယ်...ဒါတွေအားလုံးရဲ့အဓိကအကြောင်းအရင်းက အဲ့စက်ဆုပ်စရာကောင်းတဲ့ ခွေးကောင်ကြောင့်ပဲ...မင်းတို့စောစောပြန်သင့်တယ်...အခုတောင် နောက်ကျနေပြီ...ဒီနေ့ ငါ့ကိုတွေ့ပြီးပြီပဲ မနက်ဖြန်မလာကြတော့နဲ့...သွားပြီး စာကိုကြိုးစားကြ..."

"ဟုတ်ကဲ့ပါ ဦးလေး..."

ပရိသတ်များ တစ်ယောက်ပြီးတစ်ယောက် ခွန်းတုံ့ပြန်လိုက်ကြသည်။

ရန်ရှူ ကားထဲဝင်ပြီး အိမ်ပြန်ရာလမ်းတွင် သူမလက်ထောက်ဖုန်းနံပါတ်ကို အသုံးပြုနေသော မုန့်ရှင်းယာထံမှ ဖုန်းခေါ်ဆိုမှုတစ်ခုကို လက်ခံရလိုက်သည်။

ရန်ရှူ ဖုန်းလက်ခံလိုက်ချိန်တွင် ကျေးဇူးတင်စကားတစ်ခုကို ကြားရမည်အထင်နှင့် 'ရပါတယ်' ဟုပင် ပြောလိုက်သေးသည်။ သို့သော် သူဖြန်းပြန်ဖြေလိုက်ချိန်တွင် မုန့်ရှင်းယာ၏ ဆွဲဆွဲငင်ငင် ငိုကြွေးသံကိုသာ ကြားလိုက်ရလေသည်။

"အစ်ကိုရန်...ဝူး...ဝူး...အစ်ကိုရန်..."

ဒီလောက်လှတဲ့ မိန်းကလေးက ငိုတဲ့အချိန်ကျတော့ ဘာလို့ မြင်းဟီသံကြီးနဲ့ တူနေတာလဲ…

ရန်ရှူ ဖုန်းကို သူ့နားနှင့် ခပ်ဝေးဝေးတွင်ထားကာ ပြောလိုက်သည်။

"အသက်လည်းရှုပါဦး...ငါသေသွားသလိုကြီး မငိုနဲ့လေ..."

"အစ်ကိုရန်...အားးးး..."

"ဟင်...မင်းက ဘာလို့ အဖမ်းခံလိုက်ရလို့ စိတ်ကယောက်ကယက်ဖြစ်နေတဲ့ ခြင်္သေ့တစ်ကောင်လို ငိုနေရတာတုန်း..."

"ကျွန်မ..စကားပြော...စွမ်းရည်...ပျောက်..အု့ပ်.."

မုန့်ရှင်းယာ စိတ်ငြိမ်ငြိမ်ထားကာ ပြောလိုက်သည်။

"ဒါ..ဒါဆို ကျွန်မ...ခဏလောက် ငိုလိုက်ဦးမယ်...ပြီးမှ ပြန်ခေါ်လိုက်မယ်..."

"အိုကေ..."

မုန့်ရှင်းယာ လျင်မြန်စွာ ဖုန်းချလိုက်သည်။

ရန်ရှူ အားရကျေနပ်မှုအပြည့်နှင့် ဖုန်းစခရင်ကိုကြည့်ကာ ရှိုးပွဲတစ်ခု ကြည့်တော့မည့်အချိန်တွင် ကောင်းချင်က သူ့လက်ကို ရိုက်ချလိုက်သည်။

"ဒီကိစ္စရဲ့ ရလဒ်ကို မြင်ပြီးပြီဆိုရင် ထပ်ပြီးလော့ခ်အင်မဝင်နဲ့ဦး...မင်းက ချီးမွမ်းစရာကောင်းတဲ့ဆောင်ရွက်ချက်တစ်ခုကို ဖုံးထားတဲ့အတွက် ဘယ်လုပ်ဆောင်မှုကိုမှလည်း မပြနဲ့...ငါတို့ရဲ့အစီအစဥ်အကြမ်းကိုလည်း မထုတ်ဖော်မိစေနဲ့..."

ရန်ရှူ ပြုံးကာ ပြောလိုက်သည်။

"ဒါဆို ကျွန်တော့်ကို ဘယ်လို အားပေးကြော်ငြာပေးမှာလဲ...အချစ်တွေ သမာဓိတွေကိုပဲ ကျွန်တော်တန်ဖိုးထားရမယ်လို့ ပြောဖို့ကြိုးစားနေတာလား..."

"အင်း သေချာတာပေါ့...အဓိကအကြောင်းကတော့ မင်းသူငယ်ချင်းကို စိတ်ပူနေရတာနဲ့ ဒီရက်တွေမှာ မင်းပင်ပန်းသွားရပြီ..အဲ့အကြောင်းကပဲ ပြည်သူအများစုကို စိတ်ထိခိုက် ဝမ်းနည်းသွားစေလိမ့်မယ်..."

"ဒါပေမဲ့ အခုပဲ ကားထဲဝင်တုန်းက ကျွန်တော် ပတ်ပတ်လည်မှာ ခုန်ပေါက်လာတာလေ..."

"စိတ်မပူနဲ့..."

ရန်ရှူက ယာယီတည်းနေသည့် ဟိုတယ်ကို ပြန်လာခဲ့ပြီး ဇာတ်ညွှန်းကို ဖတ်နေလိုက်သည်။ မုန့်ရှင်းယာ ဖုန်းခေါ်လာခဲ့ပြီး သေချာပေါက်ပင် ယခင်ထက်ပို၍ တည်ငြိမ်သွားလေသည်။

"အစ်ကိုရန် ရိုက်ကူးရေးပြီးသွားပြီလား..."

"အင်း ဒီဒရာမာအတွက် ငါ့မှာ စာချုပ်ကောင်းကောင်းတစ်ခု လုပ်ထားတယ်လေ...အဲ့တော့ ရိုက်ကူးရေးအချိန်ကလည်း အရမ်းကို ကျိုးကြောင်းဆီလျော်ပါတယ်..."

"အခုကိစ္စအတွက် ကျေးဇူးတင်ပါတယ်...အစ်ကိုသာ မရှိရင်...ကျွန်မ..ဖြစ်နိုင်တာက...ဝူး..."

ထို့နောက် နောက်တစ်ဖန် စတင် ငိုကြွေးပြန်တော့သည်။

ရန်ရှူ တခဏမျှ အကူအညီမဲ့သလို ခံစားလိုက်ရသည်။

"မင်းဘာလို့ ထပ်ပြီး ပြီးအောင် မငိုလိုက်တာလဲ..."

"ဒါဆိုလည်း ငိုလိုက်ဦးမယ်နော်..."

မုန့်ရှင်းယာ စိတ်ထိခိုက်စွာ ဖြေလိုက်ပြီး ဖုန်းချလိုက်သည်။

15 မိနစ်ကြာပြီးနောက် မုန့်ရှင်းယာ ထပ်ခေါ်လာခဲ့သည်။

"အစ်ကိုရန်...ကျွန်မ ဒီတစ်ခေါက်တော့ အဆင်ပြေပြီထင်တာပဲ...အစ်ကိုရန်သာ ဒီတစ်ကြိမ် မကူညီခဲ့ရင် ကျွန်မကံဆိုးမိုးမှောင်ကျပြီး ပျက်စီးသွားလောက်ပြီ...ကျွန်မမွေးရပ်မြေကို ပြန်ပြီး လယ်စိုက်ဖို့တောင် စဥ်းစားထားတာ...ဝူးးးးးးး..."

ထို့နောက် သူမနောက်တစ်ခေါက် စတင် ငိုပြန်သည်။

ရန်ရှူ သူ့ခေါင်းအား အကူအညီမဲ့စွာ တဗျင်းဗျင်းကုတ်လိုက်သည်။

"ဘာလို့ ငါတို့အချင်းချင်း စာရိုက်မပြောတာလဲ..."

"အိုး...ဟုတ်သားပဲ..."

ထို့နောက် သူမ ဖုန်းချလိုက်ပြန်သည်။

📽️

Prev Next