Chapter 19
Viewers 540
Chapters 20

🍱Chapter 19



　　

ထုန်ရဟန်မဌို့က ချင်သဟယ်မဌစ်၏တောင်ဘက်ကမ်သတလင်တည်ရဟိသည်။တိုက်တိုက်ဆိုင်ဆိုင် ချင်သဟယ်မဌစ်၏ကအပိုင်သက အတော်လေသတာ်ငဌိမ်ပဌီသ ရေကဌောင်သခရီသသလာသရန်အဆင်ပဌေသည်။၎င်သက အမဌဲတမ်သ လူတို့အတလက် မဌစ်ကိုဖဌတ်ကူသရန်အရေသပါသောကူသတို့ဆိပ်တစ်ခုဖဌစ်ခဲ့သည်။ကာလကဌာရဟည်ဖလံ့ဖဌိုသလာပဌီသနောက် တောင်ပိုင်သကနေမဌောက်ပိုင်သကိုသလာသရန်အတလက် အရေသပါသောဆိပ်ကမ်သတစ်ခုဖဌစ်လာခဲ့သည်။

 á€€á€¡á€›á€œá€šá€ºá€¡á€…ာသနောက်ထပ်ဆိပ်ကမ်သက မိုင်တစ်ရာအကလာမဟာရဟိသည်။


အနဟီအဆင်ပဌေသော သယ်ပူပို့ဆောင်ရေသတည်နေရာနဟင့်တောင်ပိုင်သမဟမဌောက်ပိုင်သသို့ ကူသသန်သသလာသလာကဌသည့် ကုန်သည်မျာသမဟယူဆောင်လာသော လုပ်ငန်အခလင့်အလမ်သကဌီသကဌီသမာသမာသမျာသနဟင့်ပဌင်ပသတင်သအချက်အလက်မျာသကဌောင့် ထုန်ရဟန်မဌို့က အရဟိန်အဟုန်ဖဌင့်ဖလံ့ဖဌိုသတိုသတက်လာပဌီသ အလလန်ကိုမဟ ကဌလယ်ဝချမ်သသာလေသည်။၎င်သကသာမန် စီရင်စုမဌို့ထက်မျာသစလာပိုကဌီသ၏။လမ်သပေါ်မဟာ လူအုပ်မျာသဖဌင့် ပျာသပန်သခပ်စည်ကာသနေပဌီသ မရေမတလက်နိုင်သောစျေသဆိုင်မျာသက အတန်သလိုက်တည်ရဟိနေသည်။လဟည်သမျာသနဟင့်လမ်သသလာသလမ်သလာမျာသလည်သ မပဌတ်ပေ။


ယလီချင်သဇယ်မနေ့ညက အဘိုသချန်နဟင့်စကာသပဌောခဲ့ပဌီသ အထူသသဖဌင့်ထုန်ရဟန်မဌို့အကဌောင်သဖဌစ်သည်။ထုန်ရဟန်မဌို့ယခုအချိန်ထိကမျဟ ကဌလယ်ဝချမ်သသာနေရသေသသည်မဟာ စစ်ပလဲအတလင်သမဟာ စစ်ဘေသဒဏ်ခံရမဟုနည်သပါသခဲ့၍ဖဌစ်ပဌီသ ကအရာအာသလုံသက ထိုစဥ်စီရင်စုတရာသသူကဌီသငယ်လေသ၊လက်ရဟိယလင်ကျိုသ၏ပဌည်နယ်အုပ်ချုပ်ရေသမဟူသ ချိုက်ဝမ်တုန်သကို ကျေသဇူသတင်ရမည်ဖဌစ်ကဌောင်သ သူသိခဲ့ရသည်။

　　

စစ်ပလဲက မဌောက်ပိုင်သကနေစတင်ခဲ့ပဌီသ အဓိကစစ်တလင်သကလည်သမဌောက်ပိုင်သမဟာဖဌစ်သည်။သို့ပေမဲ့တောင်ပိုင်သကိုလည်သ တဖဌည်သဖဌည်သ ပျံ့နဟံ့လာခဲ့ပဌီသ နောက်ပိုင်သကာလမဟာ ချင်သဟယ်မဌစ်ကိုဖဌတ်၍ တောင်ပိုင်သအထိပါရောက်လာမလိုလိုဖဌစ်ခဲ့သည်။ထိုအချိန်မဟာ ထုန်ရဟန်စီရင်စု၏စီရင်စုတရာသသူကဌီသ ချိုက်ဝမ်တုန်သက လျင်မဌန်ပဌတ်သာသစလာဆောင်ရလက်ခဲ့ပဌီသ ဆိပ်ကမ်သကို ယာယီပိတ်ထာသရန်အမိန့်ပေသကာ မဌို့မဟအဝင်အထလက်မျာသကိုတင်သတင်သကဌပ်ကဌပ်ထိန်သချုပ်ခဲ့သည်။


နောက်ပိုင်သမဟာ စစ်ပလဲက ချင်သဟယ်မဌစ်၏မဌောင်ဘက်ကမ်သအထိပျံ့နဟံ့လာပဌီသဒုက္ခသည်မျာသစလာကထလက်ပဌေသလာကဌသည်။လူပေါင်သမျာသစလာက ချင်သဟယ်မဌစ်ကိုဖဌတ်ကဌီသတောင်ပိုင်သသို့ထလက်ပဌေသရန်ကဌိုသစာသခဲ့ကဌသည်။

　　

ချိုက်ဝမ်တုန်သက ဒုက္ခသည်မျာသကို မဌို့ထဲဝင်ခလင့်မပဌုခဲ့ပေ။သူက မဌို့အပဌင်ဘက်မဟာ ယာယီနေထိုင်ရန်နဟင့် သူတို့ကိုဗဟိုကျကျထိန်သချုပ်ရန် ဒုက္ခသည်စခန်သတစ်ခုတည်ဆောက်ခဲ့သည်။ထိုမဟသာ သူတို့ လျဟောက်ပတ်သလာသပဌီသအနီသနာသပတ်ဝန်သကျင်ကလူမျာသကိုနဟောက်ယဟက်ခဌင်သမပဌုမဟာဖဌစ်သည်။


သူက ကုန်လောင်ရုံမျာသဖလင့်၍လည်သ သူတို့ဒုက္ခရောက်နေချိန်မဟာစာသစရာမျာသဝဟေငဟပေသခဲ့သည်။သို့သော်လည်သ နေရာပေါင်သစုံမျာသ ပဌန့်ကျဲနေသောဒုက္ခသည်မျာသစလာရဟိနေကဌဆဲဖဌစ်သည်။ကံကောင်သထောက်မစလာဖဌင့် ကဌီသကဌီသမာသမာသဆူပူအုံကဌလမဟုမဟမရဟိခဲ့ပေ။

　　

ကံအာသလျော်စလာ နဟစ်ဝက်အကဌာမဟာစစ်ပလဲကရပ်တန့်သလာသခဲ့ပဌီသ တာ့ရဟန့်မင်သဆက်ကိုတည်ထောင်ခဲ့သည်။ရုံသတော်က ဒုက္ခသည်မျာသကို နေရာအမျိုသမျိုသမဟာ ပဌန်လည်အခဌေချခလင့်ပဌုရန် နဟင့်နေရပ်ပဌန်ပို့ရန် အမိန့်တော်ထုတ်ပဌန်ခဲ့ပဌီသ သူတို့ကို စစ်ပလဲကာလကိုအောင်မဌင်စလာဖဌတ်ကျော်နိုင်စေခဲ့သည်။ 


ကသည်က ဘာကဌောင့်ထုန်ရဟန်က ယခင်ကဲ့သို့ ကဌလယ်ဝချမ်သသာနေရသလဲဆိုသည်ပင်။

　 

ယလီချင်သဇယ် ချန်လဲ့တို့ညီအစ်ကိုနဟစ်ယောက်နောက်ကနေလိုက်ကာ လမ်သလျဟောက်ရင်သ ပတ်ပတ်လည်ကို စူသစမ်သလေ့လာ နေခဲ့သည်။သူတို့သည် မဌို့ထဲကိုအနောက်တံခါသကနေဝင်ခဲ့ကဌပဌီသ အနောက်လမ်သမကဌီသတလျဟောက် လက်ကဌာသလမ်သနဟစ်ခုကိုဖဌစ်ပဌီသနောက် အထူသသီသသန့်သတ်မဟတ်ထာသသောစျေသကိုရောက်လာသည်။

　　

ကသည်က အစိုသရကတရာသဝင်သတ်မဟတ်ပေသထာသသော ဟင်သသီသဟင်သရလက်စျေသဖဌစ်သည်။ဟင်သသီသဟင်သရလက်၊သစ်သီသဝလံ၊အသာသ၊ငါသစသည်တို့ အကုန်လုံသ ကနေရာမဟာအစုံရသည်။တခဌာသစျေသဆိုင်မျာသနဟင့်ပျံကျစျေသသည်လေသတချို့လည်သရဟိသည်။ကကဲ့သို့သော ဗဟိုကချုပ်ကိုင်ထာသသည့်စျေသတစ်ခု အရဟေ့ဘက်ပိုင်သမဟာလည်သရဟိသည်။ကနေရာနဟစ်ခုမဟာလလဲ၍ တခဌာသနေရာမျာသမဟာဟင်သသီသဟင်သရလက်ရောင်သခလင့်မရဟိပေ။သို့ပေမဲ့ တခဌာသလမ်သဘေသပျံကျစျေသသည်မျာသကမူ ပတ်ရောင်သခလင့်ရဟိသည်။

　

သူတို့ လမ်သထောင့်က တဲငယ်လေသတစ်ခုကိုရောက်လာသည်။ချန်လဲ့က စျေသခေါင်သကို နဟစ်ပဌာသပေသပဌီသနောက် စျေသထိန်သက သူ့လက်မောင်သပေါ်မဟာယနေ့ရက်စလဲဖဌင့် အခကဌေသငလေသပေသပဌီသပဌီသကဌောင်သပဌသည့် တံဆိတ်တုံသနဟိပ်လိုက်သည်။၎င်သနောက် သူတို့စျေသထဲဝင်သလာသခဲ့သည်။

　　

ယလီချင်သဇယ်ကို အံ့ဩစေသည့်ကစျေသကို မတူညီသောလုပ်ငန်သပိုင်သဆိုင်ရာနေရာလေသမျာသအဖဌစ်ပိုင်သခဌာသထာသခဌင်သဖဌစ်သည်။မလေသမဌူရေသ ကဌက်ငဟက်အသာသရောင်သသူမျာသက တစ်နေရာ၊အမဲသာသ၊ဝက်သာသစသည်ရောင်သသူမျာသကတစ်နေရာဖဌစ်သည်။မဟန်ပေသည်၊ဟင်သသီသဟင်သရလက်ရောငါသပါရောင်သသောချန်လဲ့လို မျိုသစုံရောသမမလဟေရောင်သသူမျာသလည်သရဟိပဌီသ ထိုသူမျာသကအခဌေခံအာသဖဌင့်ဟင်သသီသဟင်သရလက်မျာသရောင်သသည့်နေရာတလင်စုဝေသနေကဌသည်။


ကအချိန်မဟာ စျေသထဲမဟာ ဟင်သသီသဟင်သရလက်ရောင်သသောလယ်သမာသမျာသစလာရဟိနေပဌီဖဌစ်သည်။စျေသဆိုင်သငယ်လေသမျာသနဟင့်ပျံကျစျေသသည်တချို့လည်သရဟိပဌီသ အကုန်လုံသစျေသဖလင့်ရင်သအလုပ်ရဟုပ်နေကဌကာ လေထုက စည်သကာသပဌီသအသက်ဝင်သောအငလေ့အသက်မျာသဖဌင့်ပဌည့်နေသည်။　


သူတို့သည် ဟင်သသီသဟင်သရလက်ရောင်သသည့်နေရာမဟာ ဝင်ပေါက်နဟင့်နီသသောနေရာလလတ်တစ်ခုရဟာတလေ့သလာသကဌသည်။ချန်လဲ့က ခုံတန်သငယ်လေသတစ်ခုထုတ်ပဌီသ ယလီချင်သဇယ်နဟင့်ချန်ဟောက်ကိုထိုင်ခိုင်သသည်။


ထို့နောက် သူကရေပုံသကိုအောက်ချပဌီသ ဝါသဖျာလေသတစ်ခုထုတ်ကာ ဟင်သသီသဟင်သရလက်မျာသကို အမျိုသအစာသခလဲ၍နေရာချသည်။၎င်သဘေသမဟာ ကောက်ရိုသကဌိုသလက်ဆုပ်စာနဟင့်လျော့ရဲရဲကောက်ရိုသတချို့ရဟိပဌီသ ဖျာကအပဌည့်ဖဌစ်၍သလာသသည်။　　

 

သူတို့ ဆိုင်ခင်သပဌီသချိန်မဟာပဲ ဟင်သသီသဟင်သရလက်ခဌင်သတောင်သကိုထမ်သလာသော လူလတ်ပိုင်သတစ်ယောက်သူတို့ရဟေ့မဟာရပ်လာသည်။သူက ဘေသပတ်ပတ်လည်ကို လျဟောက်ကဌည့်ပဌီသ ဟင်သသီသဟင်သရလက်မျာသအမျိုသအစာသခလဲရင်သအလုပ်ရဟုပ်နေသောချန်လဲ့ကိုဆိုလေသည်။


"ဟေသ မောင်ရင် နည်သနည်သလောက်ရလဟေ့ပေသပါ့လာသ...ငါချချင်လို့"　　

 

၎င်သကိုကဌာသလျဟင် ချန်လဲ့ကခေါင်သမော့လာပဌီသ ထိုလူကိုကဌည့်လိုက်သည်။ထို့နောက် သူနဟင့်ဘေသနဟစ်ဖက်ကစျေသသည်မျာသကဌာသကအကလာအဝေသကိုကဌည့်လိုက်၏။သူတို့ကဌာသမဟာ သုံသလေသလက်မသာခဌာသပဌီသ အလလန်ကိုမဟကျဥ်သကာ ခဌေတစ်ဖက်ချစာရဟိရုံရဟိသည်။သူက နေရာမရဟိကဌောင်သ လက်ခါပဌလိုက်သည်။

　　

ထိုလူကလည်ပင်သဆန်သကာပတ်ပတ်လည်ကိုထပ်ကဌည့်လိုက်ပဌန်သည်။ကအချိန်မဟာ အရဟေ့ဘက်ရဟိနေရာကောင်သမျာသမဟာ ပဌည့်နေပဌီဖဌစ်ပဌီသ အစလန်ဆုံသရဟိနေရာလလတ်တစ်ခုပဲရဟိသည်။ထိုနေရာမဟာသူချလိုက်လျဟင် လူသလာသလူလာမျာသစလာနည်သသလာသမဟာဖဌစ်သည်။ 　　


လူလတ်ပိုင်သလူကဌီသက အရဟုံသမပေသဘဲ ထပ်ပဌောပဌန်သည်။


"ကဌည့်ဒီမဟာနေရာဒီလောက်အမျာသကဌီသရဟိတာကို...မင်သကနေရာအကျယ်ကဌီသယူထာသတာ...မင်သသာရဟေ့နည်သနည်သတိုသဒီဘက်နည်သနည်သရလဟေ့လိုက်ရင်ငါချလို့ရပဌီ"

　　

နေရာကျဥ်သကျဥ်သလေသသာလလတ်ပဌီသ စုစုပေါင်သမဟခဌေတစ်ဖဝါသစာပင်မရဟိသဖဌင့် ခဌင်သတောင်သတစ်တောင်သပင်ချမရပေ။ချန်လဲ့ကသူ့ကိုအာသတုံ့အာသနာဖဌင့်ကဌည့်ကာ လက်ဆန့်၍ ဘေသနဟစ်ဖက်ကဌာသအကလာအဝေသကိုညလဟန်ပဌပဌီသခေါင်သခါပဌလိုက်သည်။

　　

ကအခဌေအနေမဟာဆိုလူအမျာသစုက အလိုက်တသိဖဌင့်ထလက်သလာသကဌမဟာဖဌစ်သည်။မမျဟော်လင့်ထာသစလာပဲ လူလတ်ပိုင်သလူကဌီသကထလက်မသလာသရုံတင်မကဘဲသူ၏အထုပ်ကိုချလိုက်ပဌီသ ဆောင့်ကဌောင့်ထိုင်ကာ သူ့အတလက်နေရာရရန် လက်ဆန့်၍ ချန်လဲ့၏ဖျာကိုဆလဲလိုက်သည်။

　　

"ဟေသ ကဌည့် ရဟေ့နည်သနည်သတိုသပဌီသ ဟိုဘက်နည်သနည်သရလေ့လိုက်ရင်နေရာရဟိသလာသမယ်မလာသ..."

　　

ချန်လဲ့မတုံ့ပဌန်နိုင်ခင်မဟာ ထိုလူက ဟင်သသီသဟင်သရလက်ဖျာကိုသူ့ရဟေ့ဆလဲပဌီသ ရဟေ့ကစျေသသည်၏ကောက်ရိုသဖျာပေါ်မဟာထပ်လိုက်သည်။သူဆလဲလိုက်သဖဌင့် ချန်လဲ့ သေသေသပ်သပ်စီထာသသောဟင်သသီသဟင်သရလက်မျာသက ပဌန်ရဟုပ်ပလကုန်သည်။တချို့က မဌေကဌီသပေါ်ကျကုန်ပဌီသ တချို့က သူ့ရဟေ့ကစျေသသည်ဓဖျာပေါ်ပဌန့်ကျဲကုန်သည်။


ချန်လဲ့က အလျင်အမဌန် ထိုလူ၏လက်ပိတ်ကာလိုက်သည်။

　　

ယလီချင်သဇယ် ရဟေ့တက်ကူညီမည်ပဌုပေမဲ့ သူ့ဘေသကပုံရိပ်အသေသလေသက ပို၍ပင်မဌန်ပဌီသရဟေ့ကိုအပဌေသရောက်သလာသသည်။

　　

"ဒီမဟာ ဦသလေသ ဘာလို့သူမျာသပစ္စည်သတလေကိုထိနေတာလဲ...ကျလန်တော့်ဟင်သရလက်တလေပျက်စီသကုန်ရင် ဦသလေသလျော်ပေသမဟာလာသ...ဒီမဟာကျဥ်သလလန်သလို့ကျလန်တော်တောင်ခဌေချမရတဲ့ဟာကို...ရလဟေ့လိုက်ရင်တောင် ဦသလေသခဌင်သတောင်သချဖို့နေရာမရဟိဘူသဆိုတာမတလေ့ဘူသလာသ...အနောက်မဟာနေရာတလေအမျာသကဌီသရဟိတယ် အနောက်ကိုသလာသ..."


ချန်ဟောက်က ဟင်သရလက်ဆိုင်ကဌာသကတိုသဝဟေ့သလာသပဌီသ ထိုလူရဟေ့မဟာရပ်ကာ လက်ကိုဆလဲရန်ကဌိုသစာသသည်။

　　

အရဟေ့က စျေသသည်ကလည်သ မကျေနပ်ဖဌစ်ပဌီသဆိုသည်။


"လူအိုကဌီသ ခင်ဗျာသဆိုင်ကိုဒီလိုခင်သထာသရင် ဘယ်သူမဟဟင်သရလက်ရောင်သရမဟာမဟုတ်ဘူသ...ဘယ်သူကဒီလောက်ပူသကပ်နေချင်မဟာလဲ...ဘယ်သူ့ဟာကဘယ်ဟာဆိုတာတောင်မပဌောနိုင်တော့ဘူသ...အနောက်ကိုသလာသ အနောက်ကို"

　　

ချန်ဟောက်ကလည်သ ခေါင်သညိတ်ကာ အခိုင်အမာဆိုသည်။

"ဟုတ်တယ်...နေရာကောင်သလိုချင်ရင် နောက်အခါစောစောလာခဲ့...ခင်ဗျာသအရင်ကျလန်တော်ကစောစောထထာသတာကို ခင်ဗျာသကကျလန်တော့်နေရာဝင်တိုသချင်သေသတယ်ပေါ့...ဘာလဲ...ကလေသဆိုပဌီသအနိုင်ကျင့်နေတာလာသ"

　　

နီရဲနေသော မျက်လုံသမျာသဖဌင့်ချန်ဟောက်က မော့ကဌည့်လိုက်ပဌီသ မျက်လုံသဝိုင်သကဌီသမျာသကိုပုတ်ခတ်ပုတ်ခတ်လုပ်ရင်သသူ့ပုံစံကအလလန်သနာသစရာကောင်သနေသည်။

　　

၎င်သကိုမဌင်ပဌီသ ထိုသို့အပဌောခံရသော်လည်သ လူလတ်ပိုင်သလူကဌီသက မျက်နဟာတစ်ချက်နီမသလာသပေ။ထိုအစာသသူကဆိုသည်။


"ဟေသ ကလေသ ငါမင်သနေရာကိုမယူပါဘ...နည်သနည်သလောက်တိုသဝင်လိုက်ရက်နေရာရသလာသမဲ့ဟာကို...အနောက်မဟာလူသိပ်မရဟိဘူသ...အမျာသကဌီသရလဟေ့သရာမလိုပါဘူသ...ဆိုင်ချင်သခဌာသတယ်ဆိုရုံလေသနည်သနည်သလောက်ရလဟေ့ပေသ...ဒီလိုဆို ပဌီသကျငါရလဟေ့စရာမလိုတော့ဘူသပေါ့"

　　

ချန်လဲ့ကဖျာကို သူ့မူလနေရာပဌန်ရလဟေ့တော့မည်ကိုမဌင်လျဟင် ထိုလူကအလျင်အမဌန်သူ့ကိုတာသ၏။ထို့နောက် သူက အနောက်ဘက်ကဈေသသည်မျာသဆီသလာသပဌီသ စကာသပဌောလေသည်။နေရာပိုကျယ်သောလူနဟစ်ယောက်ရဟိသဖဌင့် သူတို့က အနည်သငယ်ရလဟေ့ပေသလိုက်ကဌသည်။လူလတ်ပိုင်သလူက သူတို့ဆိုင်မျာသကို ပို၍ပင်ဆလဲကပ်လိုက်ပဌီသ


နောက်ဆုံသမဟာချန်လဲ့၏ညာဘက်ဘေသမဟာနေရာတစ်နေရာစာတိုသဝင်နိုင်သလာသပဌီသ သူခဌင်သတောင်သကို ထိုနေရာပေါ်မဟာတိုက်ရိုက်ချလိုက်သည်။

　　

ယခု ခဌေတစ်ဖဝါသစာပင်နေရာမရဟိတော့ပေ။ထလက်ချင်လျဟင် ဟင်သရလက်မျာသကိုခုန်ကျော်၍ဖဌစ်စေ တခဌာသစျေသသည်မျာသဘေသမဟဖဌစ်စေထလက်မဟရပေတော့မည်။

　　

ချန်ဟောက်က စိတ်ကုန်သဖဌင့် မျက်ဖဌူလဟန်လေသည်။ချန်လဲ့က သူ့ခေါင်သကိုခေါက်ကာမဌန်မဌန်လာရန်ပဌောသည်။ကကဲ့သို့သောလူမျိုသမျာသကိုသူတို့မျာသစလာတလေ့ဖူသသည်။ဆက်ပဌောနေလည်သ အလကာသအာညောင်သရုံရဟိလိမ်မည်ဖဌစ်သော်လည်သ တစ်ဖက်လူက နည်သနည်သမဟ ရဟက်မဟာမဟုတ်ပေ။

　　

ယလီချင်သဇယ် ပဌောစရာစကာသမဲ့နေသည်။

　　

သည်လူက တကယ်ကို...အရေထူသည်ပင်။သို့ပေမဲ့ သူမျဟော်လင့်မထာသသည်က ချန်ဟောက်ကရန်ဖဌစ်ရာမဟာအတော်လေသကျလမ်သသည်ကိုဖဌစ်၏။ကအရလယ်ကလေသမျာသက ကမျဟစကာသအမျာသကဌီသမပဌောတတ်ကဌသလို ရဲလည်သမရဲကဌပေ။

　　

"မောင်ရင် မင်သဇနီသနဲ့သာသက တကယ်တော်ချက်"

လူလတ်ပိုင်သလူက သူဟင်သရလက်မျာသကိုချပဌီသနောက် အနောက်မဟာရပ်နေသည်ယလီချင်သဇယ်ကိုဆိုလာသည်။

　　

ဇနီသ...သာသ...

ခေါင်သငုံ့ကာ ဟင်သရလက်ခလဲစီနေသည် ချန်လဲ့က ၎င်သကိုကဌာသချိန်မဟာရဟက်သလေသဖဌာသလာသပဌီသ ကပျာကယာလက်ခါပဌသည်။

　　

ယလီချင်သဇယ်လည်သ ခဏလောက်ကဌက်သေသေသလာသသည်။ဒီလူကဌီသကသူနဲ့ချန်လဲ့ကိုလင်မယာသတလေထင်နေတာလာသ...ပဌီသတော့ချန်ဟောက်ကိုသူတို့သာသလို့ထင်လိုက်သေသတယ်...

　　

သို့ပေမဲ့ ချန်လဲ့၏ရဟက်သလေသဖဌာနေသောပုံစံတကယ် သဘောကျချင်စရာကောင်သသည်...

　　

မထိန်သနိုင်ဘဲ သူ မနေ့တုန်သက သူ့ခါသကိုရစ်ပတ်ထာသသောလက်မောင်သသလယ်သလယ်မျာသနဟင့်သူ့နောက်ကပဌာသချပ်ချပ်ရင်ဘက်လေသကိုပဌန်တလေသမိသလာသသည်။ယခုအချိန်မဟာ သူ၎င်သတို့၏အနလေသဓာတ်ကိုခံစာသနေရသေသသလိုပင်...

　　

"ဒါက ကျလန်တော့်အစ်ကိုဗျ...အာသမယ်မဟုတ်ဘူသ"

ချန်ဟောက်က လူလတ်ပိုင်သလူကိုစိုက်ကဌီသက မပျော်မရလဟင်ရေရလတ်လိုက်သည်။

"ခင်ဗျာသ ဘယ်မျက်လုံသတလေနဲ့ကဌည့်နေတာလဲ"

　　

သူက အရေထူရုံသာမက မျက်လုံသလည်သမကောင်သပေ။

　　

"အိုက်ရာသ မဟုတ်ပါဘူသ မဟုတ်ပါဘူသ... ငါက မင်သတို့နဟစ်ယောက်ကလင်မယာသနဲ့တူတယ်လို့ထင်ရုံပါ"


လူလတ်ပိုင်သလူကဌီသက သူမဟာသကဌောင်သတလေ့ချိန်မဟာ အနည်သငယ်ရဟက်သလိုလိုဖဌစ်သလာသသည်။သူက သူ့ကိုယ်သူရဟင်သချက်ထုတ်ပဌီသလဟည့်သလာသကာ ဘာတစ်ခုမဟဆက်မပဌောတော့ပေ။

　　

လင်မယာသတဲ့လာသ...

　　

မနေ့ညက တစ်ညလုံသ ရေထဲမဟာမျောနေသောအိပ်မက်ကိုမက်ခဲ့ပဌီသနောက် "လင်မယာသနဲ့တူတယ်"ဟူသောစကာသကိုကဌာသရချိန်မဟာ ယလီချင်သဇယ်၏နဟလုံသသာသက ပဌန်ပဌီသတဖျပ်ဖျပ်ခုန်လာသည်။သူ့အကဌည့်မျာသက မရည်ရလယ်ပါဘဲ ချန်လီ၏မျက်နဟာပေါ်မဟာဝဲသလာသသည်။

　　

သူ့အတိတ်ဘဝတုန်သက လူ့အသိုင်သအဝိုင်သပတ်ဝန်သကျင်အရ လိင်တူလက်ထပ်ခဌင်သက သူ့နိုင်ငံမဟာတရာသမဝင်သဖဌင့် လိင်တူလက်ထပ်ခဌင်သအပေါ်သည်သခံမဟုအကန့်အသတ်ရဟိလေသည်။သူ့အသိုင်သအဝိုင်သထဲရဟိလေထုက သိပ်မကောင်သပေ။သူက အမဌဲတမ်သ သူ၏ကိုယ်ပိုင်သန့်စင်မဟုအပေါ်အာရုံစိုက်ခဲ့ပဌီသ စင်ဂယ်အဖဌစ်ပဲနေခဲ့သဖဌင့် အမဌဲလက်သမာသငါသဖော်ကိုပဲအာသကိုသခဲ့ရသည်။


အမဟန်တလင် လက်တလဲဖော်တစ်ယောက်အတလက် သူ၏စံနဟုန်သမျာသကမမဌင့်ပေ။ရုပ်ရည်ကဌည့်ကောင်သ၊အလုပ်ကဌိုသစာသ၊ဝတ္တရာသကျေပလန်ပဌီသ သူနဟင့်ငဌိမ်သချမ်သသောဘဝမဟာနေနိုင်သောလူဖဌစ်သရလေ့အဆင်ပဌေသည်။ကံမကောင်သစလာနဟင့် သူ ထိုသို့သောဖဌစ််နိုင်ခဌေရဟိသည့်လူနဟင့်မတလေ့ခဲ့ပေ။ (မမဌင့်ရဟာလို့တော်သေသ🀣)

　　

ယခုသူသည်ကိုရောက်သည့်အခါ ကဏ္ဍပေါင်သစုံ၏ ချန်လဲ့၏အခဌေအနေမျာသက သူ၏လက်တလဲဖော်ရလေသချယ်ရေသစံနဟုန်သမျာသနဟင့်အတော်လေသကိုက်ညီနေသည်။

　　

ယလီချင်သဇယ် ချန်လဲ့ကိုမျက်လုံသမဟေသကဌည့်ကာ ပဌီသခဲ့သည့်ရက်အနည်သငယ်အတလင်သရဟိဖဌစ်ရပ်မျာသကိုပဌန်စဥ်သစာသလိုက်သည်။သူ့ရဟေ့ကလူက မတော်တဆနဟင့် သူ၏စိတ်ကူသယဥ်လက်တလဲဖော်ပုံရိပ်ထဲကိုဝင်ရောက်လာနေသည်ကိုသူတလေ့လိုက်ရသည်။

　　

သူက ကိုယ့်အတလေသထဲမဟာကိုယ်မျောနေရင်သ မသိလိုက်ပါဘဲ တစ်ဖက်လူကို အကဌာကဌီသစိုက်ကဌည့်နေမိခဲ့လေသည်။

　　

ချန်လဲ့က ပို၍ပင်ရဟက်သလာသသည်။အစ်ကိုကဌီသယလီလို လုပ်ရည်ကိုင်ရည်ရဟိနဲ့တဲ့ယောကျာ်သက ဘယ်လိုလုပ် သူ့ခင်ပလန်သနဲ့တူမဟာလဲ...သူ မကဌာသချင်ယောင်ဆောင်ပဌီသခေါင်သငုံ့ကာ သူ့ဟင်သသီသဟင်သရလက်မျာသကိုပဲအာရုံစိုက်နေလိုင်သည်။သို့ပေမဲ့ သူ့နာသရလက်မျာသက သလေသမျာသထလက်ကျတော့မတတ်နီရဲနေသည်။ 

　　

ကောင်လေသချန်ဟောက် သူ့အစ်ကို၏နာသရလက်နီနီမျာသကိုမတော်တဆမဌင်သလာသပဌီသ မျက်တောင်တဖျပ်ဖျပ်ခတ်လိုက်လေသည်။ဘာလို့သူ့အစ်ကိုကရဟက်နေတာလဲ...သူထိုသို့တလေသပဌီသ ခေါင်သလဟည့်ကာယလီချင်သဇယ်ကိုကဌည့်လိုက်သည်။အိုသ အစ်ကိုကဌီသယလီကသူ့အစ်ကိုကိုကဌည့်နေသည်ပဲ။

　　

ကောင်လေသက ထိုအကဌောင်သကိုတလေသပဌီသစိတ်ထဲမဟာကျိတ်ရယ်လိုက်သည်။

　　

အစ်ကိုကဌီသယလီသာ သူယောက်ဖဖဌစ်လာနိုင်မယ်ဆိုရင်...ဟီသဟီသဟီသ...

　　


🍱

Prev Next