အပိုင်း ၁၆

၇၀ ခုနှစ်တုန်းက ငါ ဗီလိန်နဲ့ အတူနေခဲ့တယ်

အပိုင်း ၁၆

 တစ်စုံတစ်ဦး၏ အကျိုးစီးပွားကို ထိခိုက်စေနိုင်မှသာ လူတစ်ဦးက ပစ်မှတ်ထားခံရနိုင်သည်။

 လူ့ခံစားချက်တွေကို အမှန်အတိုင်းသိတဲ့ ဝမ်ရှို့ယင်က ပထမနဲ့ ဒုတိယမိသားစုက သူမနဲ့ ပေါင်းသင်းရတာ မကြိုက်ဘူးဆိုတာ ရှင်းရှင်းလင်းလင်းသိသည်။ ဒီတစ်ခါတော့ သူတို့ပြောခဲ့တာတွေက သူတို့မိသားစုအတွက် ကောင်းတယ်လို့ စိတ်နှလုံးအကြွင်းမဲ့ ပြောနေကြသည်။

 တကယ်တော့ သူတို့နှစ်ယောက်ဟာ လင်းရှောင်ယွဲ့ကို မနှစ်သက်ခဲ့ကြဘူး။

ဝမ်ရှို့ယင်က သူတို့ အပြုအမူများကို မြင်ပြီး ပါးစပ်က ကြွက်သားများကို မလှုပ်စေအောင်ထိန်းထားခဲ့သည်။

လင်းရှောင်ယွဲ့က ချွေးမကောင်းတစ်ယောက်

ဖြစ်သည်။

 ယောက္ခမအနေနဲ့ကတော့ သူမကို အသိဆုံးပဲ။

 မနေ့ညက ညစာစားပွဲမှာ သူပြောခဲ့တဲ့ လင်းရှောင်ယွဲ့ရဲ့ နှေးကွေးတဲ့ စကားလုံးတွေကလွဲရင် တခြားနည်းအားဖြင့် လင်းရှောင်ယွဲ့က အရမ်းကောင်းသည်။

 အထူးသဖြင့် သူမ သားအတွက်ပေါ့ ...

ဝမ်ရှို့ယင်က လင်းရှောင်ယွဲ့ကို နှလုံးသားထဲထိ သဘောကျနေတာကြောင့် ပထမမိသားစုနဲ့ ဒုတိယမိသားစုမှ လူနှစ်ယောက် ဘယ်လိုပြောပြော သူမ အလေးအနက်မထားခဲ့ပေ။

 နောက်ဆုံးတွင် ပထမနဲ့ ဒုတိယမိသားစုမှ လူနှစ်ဦးက စိတ်အားထက်သန်စွာနဲ့ မီးဖိုချောင်မှ ထွက်သွားခဲ့ကြသည်။

 သူတို့နှစ်ဦးရဲ့ အစီအစဉ်များကို ပြန်ပြင်ဆင်ဖို့ကလွဲပြီး ရွေးချယ်စရာမရှိပေ။

ရန်ချန်ယွီက ချန်ချိုင်ယွင်ကို သူမအခန်းထဲသွားခိုင်းပြီး ချန်ချိုင်ယွင်နဲ့ ချက်ချင်း ဆွေးနွေးကြသည်။

 “တတိယယောက်မက ချွေးမအသစ်အတွက် ပိုက်ဆံမပေးချင်ဘူးထင်တယ်။ ဒုတိယယောက်မကော ဘယ်လိုထင်လဲ"

ချန်ချိုင်ယွင် စားပွဲမှာ ဝင်ထိုင်လိုက်ပြီး ရေတစ်ခွက်ကို ဖြည်းညှင်းစွာ ထည့်လိုက်သည်။ တစ်ကျိုက်သောက်ပြီးတော့ “ ချွေးမအသစ်ဝယ်ဖို့ ငြင်းရင် ဘာမှလုပ်လို့မရဘူး။ ငါ့အမြင်အရတော့ တတိယယောက်မရဲ့ချွေးမက မာနကြီးတယ်။ မာနကို ချေမှုန်းပစ်ရမယ်။ မိသားစုထဲက အသက်ကြီးတဲ့သူ နည်းနည်းလောက်ကပဲ သူမကို သင်ခန်းစာတစ်ခု သင်ပေးနိုင်တယ်။ သူမကို ခေါ်သွားပြီး တောအုပ်ထဲမှာ ပိတ်ထားနိုင်တဲ့သူကို ရှာ၊ ညအနည်းငယ်လောက် အငတ်ထားပစ်လိုက်!"

 "ကျွန်မ မြင်တာကတော့ လင်းရှောင်ယွဲ့က လွယ်ကူတဲ့ပစ်မှတ် မဟုတ်ဘူး"

ရန်ချန်ယွီရဲ့ လူတွေအပေါ် အမြင်က တော်တော် အဆိပ်ပြင်းသည်။ ချန်ချိုင်ယွင် အနားမှာ ထိုင်ပြီး "သူမကို ဖယ်ပစ်ပြီး ရိုးသားတဲ့ ချွေးမနဲ့ အစားထိုးဖို့ နည်းလမ်းရှာတာ အကောင်းဆုံးလို့ ကျွန်မ ထင်နေတုန်းပဲ။ ဒါက အသင့်တော်ဆုံး နည်းလမ်းပဲ။ ယောက်မ၊ တတိယ ယောက်မက ချွေးမအသစ်ဝယ်ဖို့ ပိုက်ဆံထုတ်မှာမဟုတ်ဘူး။ ကျွန်မတို့ မိသားစုနှစ်စု ပိုက်ဆံနည်းနည်းစုပြီး အစားထိုးပေးလို့ရတာပဲ "

 "နင် တကယ်ဆန္ဒရှိလို့လား!"

 ရလဒ်အနေနဲ့ ချန်ချိုင်ယွင်က ရန်ချန်ယွီ ရဲ့ အကြံပြုချက်ကို ငြင်းပယ်ပြီး ပြောလိုက်သည်။  "သူတို့မိသားစုကို တစ်ပြားတစ်ချပ်မှ ငါမပေးနိုင်ဘူး။ သူတို့ဘာသာ အဲ့တာကို ပေးရမယ်!"

 “ဒုတိယယောက်မ စဉ်းစားစမ်းပါဦး…”

ရန်ချန်ယွီက "လင်းရှောင်ယွဲ့က မကြာသေးခင်ကမှ အိမ်ထဲဝင်လာတာ။ ပြီးတော့ တတိယယောက်မ မနေ့ညက အိမ်ခွဲနေဖို့ ပြောခဲ့တယ်။ တတိယယောက်မရဲ့ စိတ်က ဘယ်လိုလဲ။ သူ့သားက နှစ်ပေါင်းများစွာ ရူးခဲ့ပေမယ့်၊ အိမ်ခွဲနေဖို့ မပြောခဲ့ဖူးဘူး။ အိမ်ခွဲနေတာကို မပြောရဲတဲ့အတွက် သူမကို ကျွန်မခွင့်လွှတ်ပါတယ်! မနေ့ညက သူနည်းနည်းစိတ်ရှုပ်ပြီး အိမ်ခွဲနေဖို့တောင် အဆိုပြုခဲ့တယ်။ ဆိုလိုတာက လင်းရှောင်ယွဲ့ သူမကို သီးသန့်နှိုးဆွခဲ့တာပဲဖြစ်မယ်!"

 "ဒါဆို သူ ခွဲချင်တယ်ဆိုရင် ငါတို့နဲ့ ခွဲလိုက်ပေါ့!"

ချန်ချိုင်ယွင်က သဘောမတူဘူး။  "သူတို့က နှစ်တိုင်း ငွေအများကြီးမရှာပေမယ့် အရူးအတွက် ငွေနဲ့အချိန်တွေကို ဖြုန်းနေရတုန်းပဲ။ ငါတို့မိသားစုနှစ်စုက ငါတို့နဲ့ကွဲကွာနေပေမယ့် ဘာမှဆုံးရှုံးမှာမဟုတ်ဘူး။ ငါ နင့်ကိုပြောပြမယ်။ တတိယယောက်မ မနေ့ညက ငါတို့မိသားစုနဲ့ ခွဲနေမယ့်အကြောင်းပြောတဲ့အချိန်က မိုက်မဲနေတာဘဲ။ သူတို့က အဆက်အသွယ်ဖြတ်ချင်ရင် သူတို့လုပ်လို့ရတယ်! ငါ့သားရဲ့ပိုက်ဆံကို ခွဲဝေခွင့်မပေးဘူး။ဆိုလိုတာက ငါ့မိသားစုပိုက်ဆံကို  အလဟသဖြစ်စေဖို့ မိသားစုဝင်တစ်ယောက်လျော့တယ် "

 "အလိုလေး ...ယောက်မ.."

 ရန်ချန်ယွီ ချန်ချိုင်ယွင်ကို အကြံပေးလိုက်သည်။ "ကျွန်မရဲ့ အကြံဥာဏ်ကို နားထောင်ကြည့်လိုက်။ လင်းရှောင်ယွဲ့က တကယ်ကို ကိုင်တွယ်ရ မလွယ်ဘူး။ ရန်ရဲ့ မိသားစုမှာ သူမ မတည်မငြိမ် ဖြစ်နေချိန်မှာ စောစောကတည်းက သူမနေရာကို အစားထိုးသင့်တယ်!"

 "တတိယယောက်မက ပြောင်းဖို့ငြင်းနေတယ်လေ! ပိုက်ဆံပေးဖို့ဆိုတာ မဖြစ်နိုင်ဘူး~ တတိယမိသားစုအတွက် ပေးစရာလည်း မလိုဘူး။ လွန်ခဲ့တဲ့ နှစ်အနည်းငယ်က ငါ့သားပေးခဲ့တဲ့ ပိုက်ဆံက တတိယမိသားစုအတွက် ပိုက်ဆံတော်တော်ကုန်နေပြီ "

 ချန်ချိုင်ယွင်က သူမလက်ကို ဝှေ့ယမ်းလိုက်ပြီး မျက်မှောင်ကြုတ်ကာပြောခဲ့သည်။ "ဘာပဲဖြစ်ဖြစ် ငါဆိုလိုတာက အိမ်ခွဲနေချင်ရင် ခွဲနေလိုက်။ အိမ်ခွဲနေတာက အကောင်းဆုံးပဲ။ ငါဘာမှ ဆုံးရှုံးမှာ မဟုတ်ဘူး။ မဟုတ်ရင် လင်းရှောင်ယွဲ့ ကို သင်ခန်းစာပေးဖို့ ဆင်ခြေရှာ။  သူတို့အတွက် ပိုက်ဆံပေးစေချင်တာလား၊ ဒီဘဝမှာ မဖြစ်နိုင်ဘူး!"

ရန်ချန်ယွီနဲ့ ချန်ချိုင်ယွင်ရဲ့ အတွေးတွေက တစ်ကြောင်းတည်းမဟုတ်တော့ပေ။

ချန်ချိုင်ယွင် မယုံကြည်နိုင်တော့တာကို မြင်လိုက်ရတော့ ရန်ချန်ယွီက စွန့်လွှတ်ဖို့ကလွဲပြီး ရွေးချယ်စရာမရှိတော့ဘူး။  ဘာကြောင့်လဲဆိုတော့ သူမကို ဆက်ပြီး ဆွဲဆောင်နေမယ်ဆိုရင် ချန်ချိုင်ယွင်က သူမရဲ့ စိတ်ရင်းကို သံသယဖြစ်မိလိမ့်မည်။

ရန်ချန်ယွီ - "ဟုတ်တယ် ယောက်မပြောတဲ့အတိုင်းလုပ်ရအောင်။ ယောက်မ၊ လင်းရှောင်ယွဲ့ ကို သင်ခန်းစာတစ်ခုပေးဖို့ အကြောင်းပြချက်တစ်ခုရှာရအောင်"

 ချန်ချိုင်ယွင်  - "ဒါက လွယ်ပါတယ်၊ နေ့ခင်းပိုင်းမှာ တတိယစုံတွဲက သူတို့ရဲ့ ကိုယ်ပိုင်လုပ်ငန်းကို သွားလုပ်ရင် သင်ခန်းစာပေးဖို့ သူမကို နင်နဲ့အတူ လိုက်လာခိုင်းလိုက် "

ရန်ချန်ယွီ - "ဒါပေမယ့် သူ့မှာ ကာကွယ်ပေးမယ့် အရူးတစ်ယောက်ရှိတယ်"

ချန်ချိုင်ယွင်က ရန်ယန်ကို အလေးအနက်မထားပေ။ "အဲ့ကောင်က အရူးလေ။ ဒီကောင်ကို လှည့်စားဖို့ သကြားလုံးပေးလိုက်"

 ရန်ချန်ယွီက ဖြစ်နိုင်ချေရှိတယ်လို့ ထင်ခဲ့သည်။

 ထို့ကြောင့် အစီအစဥ် ချမှတ်ခဲ့သည်။

ဝမ်ရှို့ယင်က ပန်းကန်ဆေးပြီးတာနဲ့ နေ့ခင်းဘက်မှာ ကိုယ်ပိုင်အလုပ်လုပ်ဖို့ အပြင်ထွက်ပြီး သူမ ခင်ပွန်းလည်း အတူတူထွက်သွားခဲ့သည်။

 နှစ်မကုန်မီ ရန်ယန်ကို ဆရာနဲ့ တွေ့ပေးဖို့ ခေါ်သွားဖို့အတွက် ဝမ်ရှို့ယင်နဲ့ သူမယောက်ျားက အလုပ်ပိုလုပ်ပြီး အပိုငွေရှာရမည်ဖြစ်သည်။

ဝမ်ရှို့ယင်က မနေ့က ဖယ်ထားတဲ့ ပြောင်းစေ့တွေကို အမှုန့်ဖြစ်အောင် ကြိတ်ဖို့ လင်းရှောင်ယွဲ့ အတွက် အလုပ်တစ်ခု စီစဉ်ပေးထားခဲ့သည်။

လင်းရှောင်ယွဲ့က အိမ်ကမထွက်ခင် သူမအတွက် အလုပ်စီစဥ်ပေးခဲ့တဲ့ ယောက္ခမဖြစ်သူကို ကျေးဇူးတင်ခဲ့သည်။

ဒါပေမယ့် တတိယ ကိုယ်ခွဲ ရန်ယန်က ဒီနေ့ ဤနေရာတွင် ရှိနေသည်။

လင်းရှောင်ယွဲ့ အလုပ်လုပ်ဖို့ မလိုတော့ပေ။

ရန်ယန်က ပြောင်းစေ့ကို ကြိတ်ကာ ခြံဝင်းထဲ ထိုင်နေပြီး လင်းရှောင်ယွဲ့က သူ့ဘေးတွင် ထိုင်ကာ ပြောင်းဖူးစေ့များကို ရံဖန်ရံခါ ဖြန့်နေတာကို ကြည့်နေခဲ့သည်။

 နေလှန်းထားတဲ့ ပြောင်းဖူးက အစိုဓာတ်မရှိပေ။  ဒီတစ်ခါတော့ ပြောင်းဖူးစေ့တွေကို ခွဲပြီး အမှုန့်ဖြစ်အောင် ကြိတ်ပြီးမှ ပြောင်းဖူးမှုန့် ဖြစ်သွားသည်။ ပြောင်းဖူးမှုန့်ကို အဓိကစားနပ်ရိက္ခာဖြစ်သည့် ပြောင်းမှုန့်ဖြစ်လာစေရန် ကြိတ်ချေနိုင်သည်။ ရန်မိသားစုမှ အဖွဲ့ဝင်အားလုံး စားသုံးမည်ဖြစ်တာကြောင့် ပမာဏက ကြီးမားသည်။

ရန်ယန်က ပြောင်းစေ့များ ပြည့်နေတဲ့ ခြင်းတောင်းကို ကြည့်ကာ သူ့ရဲ့ ဓားလိုမျက်ခုံးများက တင်းတင်းကျပ်ကျပ် ရှုံ့တွနေသည်...

 သူ မပျော်မရွှင်ဖြစ်နေသည့် အမူအရာကိုမြင်လိုက်ရတော့ လင်းရှောင်ယွဲ့ က သူ့ကိုအားပေးရင်း အလုပ်ရှုပ်နေသည်။ "လုပ်စမ်းပါ၊ ရှင်က ရှင့်မိန်းမအတွက် ကြိုးကြိုးစားစားလုပ်နေတာ"

ရန်ယန် ကိုယ်တိုင်က အသက်ကြီးသူတွေအတွက် အလုပ်လုပ်ရတဲ့အတွက် စိတ်တိုနေပေမယ့် လင်းရှောင်ယွဲ့ က သူမအတွက် သူလုပ်ပေးနေတာလို့ပြောတာကို ကြားတော့ သူချက်ချင်း တိုက်ခိုက်လိုတဲ့ စိတ်တွေ ပြည့်နှက်သွားသည်။

 နှုတ်ခမ်းကိုပင့်ကာ ပြုံးလိုက်သည်။ သူက လင်းရှောင်ယွဲ့ ကို မော့ကြည့်မိတိုင်း ဒီစျေးပေါတဲ့ ဇနီးသည်က ပိုပိုပြီးလှလာတယ်လို့ ခံစားလိုက်ရသည်။

 သူ ခဏခဏ မထွက်လာနိုင်တာ သနားစရာပဲ...

 သူက ဒီစျေးပေါတဲ့ဇနီးနဲ့ အချိန်ပိုပေးပြီး ပေါင်းသင်းဆက်ဆံရေးကို တိုးတက်စေချင်တုန်းပဲ။

လင်းရှောင်ယွဲ့က သူ့ကို လှည့်စားတဲ့ အမူအရာနဲ့ ပြုံးပြခဲ့သည်။ သူက  မိနစ်တိုင်း ပိုပိုချောလာသည်။

 မျက်နှာကို တရားမျှတမှုလို့ ခေါ်တယ်။  ဒီစကားစုတွေရဲ့ နောက်ကွယ်က အကြောင်းအရင်းတစ်ခု ဖြစ်ကောင်းဖြစ်နိုင်သည်။

 "ဒီနေ့ တခြားတစ်ခုခုလုပ်ချင်လား"

လင်းရှောင်ယွဲ့  ရန်ယန်ကိုမေးရင်း ကျောက်ကြိတ်စက်ပေါ်တွင် ပြောင်းစေ့တစ်ဆုပ်စာ ဖြန့်ကြဲလိုက်သည်။

 "ကိုယ် ဘာမှလုပ်ဖို့ မစဉ်းစားရသေးဘူး"

ရန်ယန်က ရှေ့ကြည့်ဖို့ ခေါင်းမော့လိုက်ကာ မျက်လုံးများမှေးကျဥ်းထားပေမယ့် သူ့ လုပ်ရပ်များက ရပ်တန့်သွားခြင်းမရှိပေ။

 ဒီလိုပြောပြီးတော့...

ရန်ယန်က ရန်ဟုန်ရင်တစ်ယောက် အပြုံးအတုဖြင့် နောက်လက်နှစ်ဖက်ကို နောက်မှာထားလျက် သူတို့နှစ်ယောက်ဆီ ခုန်ဆင်းလာတာကို တွေ့လိုက်ရသည်။

 သူ ဘာလုပ်မယ်ဆိုတာကို မတွေးထားပေမယ့် တစ်ဖက်က သူမက သူ့အိမ်တံခါးဝဆီ လျှောက်လာနေသည်။ ရန်ယန်ရဲ့ ပါးလွှာတဲ့ နှုတ်ခမ်းတွေက မြင့်မားစွာ ရွဲ့စောင်း သွားသည်။  သူ့မျက်လုံးများက သားရဲတစ်ကောင်က သားကောင်ကို တွေ့ရှိသွားသလိုမျိုး တောက်ပနေခဲ့သည်။ ရောက်လာမည့် ရန်ဟုန်ရင်က သူ၏ ပစ်မှတ်ပင်။

 မတ်တပ်ရပ်ပြီး ပစ်မှတ်ကို တိုက်ခိုက်ဖို့ သွေးဆောင်ပြီး သတ်ပစ်လိုက်လိမ့်မည်။

 ဝိုင်းကစားကြရအောင်။

 "အရူး၊ လင်းရှောင်ယွဲ့!"

ရန်ဟုန်ရင်ပ ပြုံးပြုံးရွှင်ရွှင်နဲ့ သူတို့နှစ်ယောက်ဆီ လျှောက်လှမ်းသွားသည်။ သူမ ရုတ်တရက် လက်ကို သူတို့ဆီ ဖြန့်လိုက်သည်။  သူမရဲ့လက်ဖဝါးပေါ်မှာ သကြားလုံးနှစ်လုံးရှိနေတယ်...

 "သကြားလုံးစားချင်လား" ရန်ဟုန်ရင် မေးလိုက်သည်။

 တစ်ချက်ကြည့်လိုက်ရုံနဲ့ လင်းရှောင်ယွဲ့ နဲ့ ရန်ယန်က ရန်ဟုန်ရင်ရဲ့ မကောင်းတဲ့ ရည်ရွယ်ချက်တွေကို တွေ့လိုက်ရသည်။

ဒါပေမယ့် နှစ်ယောက်သားက နားလည်မှု ရှိပြီး ရန်ဟုန်ရင်နဲ့ အတူ ကစားနေဆဲ ဖြစ်သည်။

 လင်းရှောင်ယွဲ့က ရန်ယန်ကို စကားပြောလိုက်သည်။  " ရှင့်ကို သကြားလုံးတွေ ပေးနေတယ်။ စားချင်လား"

 ရန်ယန်က ပြုံးလိုက်သည်။ "အွန်း"

လင်းရှောင်ယွဲ့က ပြောလိုက်သည်။ "ခဏလေး။ ကျွန်မလက်ဆေးပြီးရင် ရှင့်အတွက် ယူပေးမယ်။ ရှင့်လက်တွေက ညစ်ပတ်နေတာ"

 "အဲဒါကို စိတ်ပူစရာမလိုပါဘူး!"

 ရန်ဟုန်ရင်က ရန်ယန်ရဲ့ပါးစပ်ထဲ သကြားလုံးကို  တိုက်ရိုက်ထည့်လိုက်ကာ အခြားသကြားလုံးကို လင်းရှောင်ယွဲ့ဆီ ပေးလိုက်သည်။  လင်းရှောင်ယွဲ့ အဲ့တာကို ယူလိုက်သည်။

 ဒါနဲ့ နှစ်ယောက်သား ရန်ဟုန်ရင်ရဲ့ သကြားလုံးတွေကို စားလိုက်ကြသည်။

 ချိုမြိန်တဲ့အရသာကြောင့် ရန်ယန် မျက်မှောင်ကြုတ်လိုက်သည်။

လင်းရှောင်ယွဲ့ကလွဲပြီး အခြားအမျိုးသမီးတစ်ဦးကျွေးတာကိုမစားချင်ဘူး။

 ညစ်ပတ်တယ်။

 "ဘယ်လိုလဲ အရသာရှိလား"

 ရန်ဟုန်ရင်က သူမ သူတို့နှစ်ယောက်ကို သကြားလုံးနှစ်လုံးနဲ့ အနိုင်ယူပြီးပြီလို့ ထင်ခဲ့သည်။  နောက်ဆုံးတော့ သူတို့ထဲက တစ်ယောက်က အရူးဖြစ်ပြီး နောက်တစ်ယောက်ကတော့ ကောင်းတဲ့အရာကိုမစားဖူးတဲ့ စျေးပေါတဲ့သူပဲ။

 ဒါက သကြားလုံးသေးသေးလေးဆိုပေမယ့် သူတို့နှစ်ယောက်အတွက်ကတော့ ဒါက ကမ္ဘာပေါ်မှာ အရှားပါးဆုံးအရာဖြစ်နေပြီ။

ရန်ဟုန်ရင်က သကြားလုံးနှစ်လုံးနဲ့ သူတို့နှစ်ယောက်လုံးကို ဝယ်နိုင်မယ်လို့ ထင်ခဲ့တာ။

 လင်းရှောင်ယွဲ့လည်း သူမရဲ့ ဖျော်ဖြေမှုတွေနဲ့ ပူးပေါင်းခဲ့သည်။  သူမက ခေါင်းညိတ်ပြပြီး "အရသာရှိလိုက်တာ၊ ကျေးဇူးတင်ပါတယ် အစ်မ။ ရှောင်ယန် ရှင့်အစ်မကို ကျေးဇူးတင်လိုက်လေ "

 ရန်ယန်က စကားတစ်ခွန်းမှ မပြောဘဲ ပြောင်းဖူးမှုန့်ကို ကြိတ်ဖို့ ခေါင်းငုံ့လိုက်သည်။

ထိုအရူး ရန်ယန်၏ ပါးစပ်ထဲတွင် "ကျေးဇူးတင်ပါတယ်" ဟူသော စကားလုံးနှစ်လုံးက စျေးပေါသည်။ သူ့ပါးစပ်ထဲတွင် အလွန်အဖိုးတန်သော ရွှေများရှိသည်။

တတိယအချက်မှာ ရန်ယန့က ကျေးဇူးတင်ကြောင်းနဲ့ တောင်းပန်သည့် စကားလုံးများကို သူ့ဝေါဟာရတွင် ဘယ်သောအခါမှ မထည့်ခဲ့ဘဲ တစ်စုံတစ်ဦးကို သူက ကျေးဇူးတင်ကြောင်းနဲ့ တောင်းပန်ဖို့ မတတ်နိုင်သောကြောင့် ဖြစ်သည်။

 သူ့အဖေနဲ့ အမေအရင်းတောင်မှ အရည်အချင်းမပြည့်မီဘူး။

 "ငါ့ကို ကျေးဇူးတင်နေစရာ မလိုပါဘူး။ ငါလည်း နင်တို့နှစ်ယောက်နဲ့ အဆင်ပြေချင်လို့ပါ"

ရန်ဟုန်ရင်က သူမရဲ့ ရင်ဘတ်ကို ပွတ်သပ်ပြီး ပြောလိုက်သည်။ည"နောက်ဆို ငါတို့က မိသားစုတစ်ခုတည်းပဲ။ ဒီလို အလကားရတဲ့ အကျိုးကျေးဇူးတွေနဲ့ ငါတို့ အတူတူ မျှဝေလို့ မရဘူးလား"

လင်းရှောင်ယွဲ့က ရန်ဟုန်ရင်ရဲ့ စကားလုံးများတွင် အရေးကြီးဆုံး အချက်အလက်ကို စုပ်ယူခဲ့ပြီး သူမအတိုင်း လိုက်ကစားခဲ့သည်။  "အစ်မ၊ ဒါက အလကားရတဲ့ သကြားလုံးလား"

 ရန်ဟုန်ရင်က လင်းရှောင်ယွဲ့ မျက်လုံးများ တောက်ပလာတာကို မြင်လိုက်ရသည်။ လင်းရှောင်ယွဲ့က ထောင်ချောက်ထဲ ကျရောက်နေပြီဖြစ်ကြောင်း သူမသိလိုက်သည်။

 သူမက ချက်ချင်းပြုံးလိုက်သည်။  "မဟုတ်ပါဘူး၊ ဒီနေ့ မြို့ရဲ့ ရောင်းလိုအားနဲ့ စျေးကွက်ရှာဖွေရေး အေဂျင်စီက ပွဲတစ်ခု လုပ်နေတယ်လေ။ အစားအသောက်တွေကို နမူနာယူဖို့ ဖွင့်ထားတယ်။ ဒီလိုအခွင့်အရေးမျိုးက ရှားတယ်။ နင့်ကို သတိမပေးမိတဲ့အတွက် ငါ့ကို အပြစ်မတင်နဲ့။ အဲ့တာက ဒီနေ့အတွက်ပဲ။ မနက်ဖြန်လည်း ပျောက်သွားလိမ့်မယ်.."

 "အဲလောက်ကောင်းတာရှိလို့လား"

လင်းရှောင်ယွဲ့က ဒီကိစ္စမျိုးကို သူမ မယုံကြည်နိုင်သလို တမင်တကာ ပြန်ဖြေခဲ့သည်။

 ပစ္စည်းများရှားပါးသည့်ဤခေတ်တွင် ထောက်ပံ့ရေးနှင့်စျေးကွက်ရှာဖွေရေးသမဝါယမများက ဤဖန်စီပွဲမျိုးတွင် ပါဝင်မည်မဟုတ်ပေ။

ရန်ဟုန်ရင် တစ်ခုခုစဉ်းစားနေတာဖြစ်ရမယ်....

"ဟုတ်တယ်!"

ရန်ဟုန်ရင် ခေါင်းညိတ်ပြီး " နင်သွားချင်လား အရူး။ ငါ နင့်ကို ခေါ်သွားမယ်လေ! ငါတို့မြို့နဲ့ မဝေးဘူး။ ငါတို့ မြန်မြန်လျှောက်ရင် တစ်နာရီအတွင်း အဲဒီကိုရောက်လိမ့်မယ်"

ရန်ယန် ကိုယ်တိုင်က မသွားချင်ပေမယ့် သူတို့ဘာတွေဖြစ်နေကြတာလဲဆိုတာ သိဖို့အတွက် သူလည်း တိတ်တဆိတ် ပူးပေါင်းဆောင်ရွက်ခဲ့သည်။

ရန်ယန်က ခေါင်းလှည့်ပြီး လင်းရှောင်ယွဲ့ကို မေးလိုက်သည်။ "မိန်းမ၊ မင်း ငါ့ကိုသွားစေချင်လား" 

လင်းရှောင်ယွဲ့က သူ့ကိုပြန်ပြုံးပြလိုက်သည်။ "သွားလေ၊ အလကားရတဲ့ သကြားလုံးတွေရှိတာပဲ။ ရှင် အဲဒီကိုသွားလိုက်။ ကျွန်မတော့ မလိုက်တော့ဘူး။ ကျွန်မ ဒီမှာနေခဲ့မယ်။ ရှင့်အစ်မနဲ့ တူတူသွားလိုက်ပေါ့။ ပြန်လာရင် ကျွန်မအတွက် သကြားလုံးတွေ ယူလာပေး"

 "ကောင်းပြီ!"  ရန်ယန်က နာခံစွာ ခေါင်းညိတ်လိုက်သည်။

ရန်ဟုန်ရင်က ရန်ယန်ကို အဝေးကိုခေါ်သွားခဲ့သည်။  အစီအစဥ်က အလွန်ချောမွေ့တယ်လို့ သူမ ထင်ခဲ့သည်။

 ရန်ယန်ကို သူမ ချော့နေသရွေ့ လင်းရှောင်ယွဲ့က တစ်ယောက်တည်း နေခဲ့ရမှာ။

 ထိုအချိန်တွင် လင်းရှောင်ယွဲ့ကို သင်ခန်းစာတစ်ခုသင်ပေးဖို့ မိသားစုက အကြီးအကဲနှစ်ဦးရှိလိမ့်မည်။

လင်းရှောင်ယွဲ့ အများကြီး ဒုက္ခရောက်မှာ။

 သူမကို ရက်အနည်းငယ်ကြာအောင် တောအုပ်ထဲမှာ ထားရမယ်။

ရန်ဟုန်ရင်က ထိုအကြောင်း တွေးရင်း ပိုစိတ်လှုပ်ရှားလာသည်။

 ရလဒ်အနေနဲ့ ရန်ယန်ကို ခေါ်ထုတ်ပြီး သိပ်မကြာခင်မှာပဲ...

သူမ ရန်ယန်ကို ရုတ်တရက် တိုက်ချလိုက်ပြီး မြေပြင်နဲ့ ထိသွားခဲ့သည်။

 ..........

 တစ်ဖက်တွင် ပြောင်းဖူးစေ့ကို နာခံစွာကြိတ်နေတဲ့ လင်းရှောင်ယွဲ့က တိုက်ပွဲဝင်မည့် ချန်ချိုင်ယွင်ကို ကြိုဆိုခဲ့ရသည်။