ဆေးဝါးဌာနမှ ကျောင်းသား
စုယန်ယန်
ငါးဟင်းကို ချက်ပြုတ်ပြီးနောက် ဘေးဖယ် ထားလိုက်ပြီး ဆန်ဆေးကာ ဆန်ပြုတ်ချက်ဖို့ စတင်
ပြင်ဆင်လိုက်သည်။ သူမ၏ တိုက်ရိုက် ထုတ်လွှင့်မှု အခန်းသည် ရုတ်တရတ် ကြည့်ရှုသူ များပြားလာသဖြင့်
ပြည့်လျှံ သွားသည်ကို တွေ့လိုက်ရသည်။
အထူးသဖြင့်
ဤလူများ၏ မက်ဆေ့ချ်များသည် အလွန် ထူးဆန်းသည့်ဟန် ပေါ်ပြီး နတ်ဆိုးဆန်သည်။
[တရုတ်ဆေးဖက်ဝင်
ဟင်းလျာ တိုက်ရိုက် ထုတ်လွှင့်မှု အခန်းဆိုတာ ဒီလိုပဲ ဖြစ်သင့်တယ်၊ မဟုတ်လား။]
[ငါ
စီနီယာ အစ်ကိုကြီး ပေးပို့လိုက်တဲ့ လင့်ခ်ကို လိုက်ကြည့်တာပဲ၊ ဒါ အမှန်ပဲ ဖြစ်နိုင်တယ်။]
စုယန်ယန်ရဲ့
တိုက်ရိုက် ထုတ်လွှင့်မှု အခန်းသည် ရေတပ်များ၏ တိုက်ခိုက်မှုကို ကြုံတွေ့ခဲ့ရပြီး လူသစ်များအပေါ်
အနည်းငယ် အကဲဆတ်နေမိသည်။
စုယန်ယန်နှင့်
တိုက်ရိုက် ထုတ်လွှင့်မှု အခန်းမှ ပရိသတ်များသည် ဒီလူတွေကို အသစ် ရောက်ရှိလာသည့် ရေတပ်တွေဟု
ထင်နေချိန်မှာပဲ မှတ်ချက် အချို့က သူမတို့ရဲ့ အာရုံကို ဆွဲဆောင်နိုင်ခဲ့သည်။
[တင်ဆက်သူ၊
မင်း အင်တာနက်ပေါ်မှာ အသုံးပြု ချက်ပြုတ်ထားတဲ့ ဆေးဖက်ဝင် အပင်တွေ အားလုံးက အစစ်အမှန်
ဟုတ်ပါသလား။ မင်းရဲ့ တိုက်ရိုက်ထုတ်လွှင့်မှု အခန်းမှာ ရှေးခေတ်ကမ္ဘာမှ မျိုးသုဉ်း
ပျောက်ကွယ်သွားခဲ့တဲ့ ဆေးဖက်အပင်တွေကို အသုံးပြုပြီး ချက်ပြုတ်ပါသလား။ သူတို့ကို စားသုံးခြင်းဖြင့်
ရောဂါဝေဒနာများကို အမှန်တကယ် ကုသနိုင်ပါသလား။]
[တင်ဆက်သူ၊
မင်းမှာ ရှေးခေတ်ကမ္ဘာမှ မျိုးသုဉ်း ပျောက်ကွယ် သွားတဲ့ တရုတ်ဆေးဖက်ဝင် အပင်တွေ တကယ်ရှိပါသလား။
မင်းရဲ့ ဗီဒီယိုမှတ်တမ်းမှာ ဂျင်ဆင်းကို ငါ မြင်ခဲ့ရတယ်။ အဲ့တာက အရမ်းကြီးတာပဲ။ မင်း
ငါတို့ကို အဲ့တာလေး ထပ်ပြပေးနိုင်မလား။ ကျေးဇူးပြုပြီး…]
[တင်ဆက်သူ၊
ကျွန်တော်တို့က ဆေးဝါးဌာနက ကျောင်းသားတွေပါ။ မင်းရဲ့ တိုက်ရိုက် ထုတ်လွှင့်မှုမှာ ပါဝင်ပစ္စည်းတွေ
အဖြစ် အသုံးပြုတဲ့ တရုတ်ဆေးဖက်ဝင် အပင်တွေက ကျွန်တော်တို့ရဲ့ ပုံနှိပ်စာအုပ်တွေမှာ
မှတ်တမ်းတင် ထားပါတယ်။ ရှေးယခင်ကတည်းက မျိုးသုဉ်း ပျောက်ကွယ်သွားတဲ့ တရုတ်ဆေးဖက်ဝင်
အပင်တွေကို မင်း ဘယ်က ရရှိတာလဲ။ သူတို့ကို စိုက်ပျိုးလို့ ရနိုင်ပါသလား။ မင်း ဒီမေးခွန်းတွေကို
မဖြေချင်ရင် ဖြေဖို့ မလိုအပ်ပါဘူး။ ဒါပေမယ့် ကျေးဇူးပြုပြီး ကျွန်တော်ရဲ့ နောက်ဆုံး
မေးခွန်းကိုတော့ ဆက်ဆက် ပြန်ဖြေပေးပါလား - မင်း တရုတ်ဆေးဖက်ဝင် အပင်တွေကို ရောင်းချ
ပေးနိုင်ပါသလား။ မင်းကို ငါ့ကို ရောင်းပေးနိုင်မလား။]
စုယန်ယန်
ကြက်သေ သေသွားသည်။ ဒီရက်ပိုင်း သူမ၏ တိုက်ရိုက် ထုတ်လွှင့်မှုမှာ အသုံးပြုသော ပါဝင်ပစ္စည်းတွေက
တရုတ်ဆေးဖက်ဝင် အပင်များ ဖြစ်ကြောင်း သူမ အမြဲတမ်း အလေးပေး ပြောဆိုခဲ့ပေယ့် တိုက်ရိုက်
ထုတ်လွှင့်မှုကို ကြည့်ရှုသူ အများစုကတော့ ဟင်းလျာများ၏ မွှေးရနံ့ကို တိုးတက်စေလား၊
သူတို့ရဲ့ ရှားပါးသော ရောဂါဝေဒနာတွေကို ကုသပေးနိုင်မလား ဆိုတာကိုပဲ စိတ်ပူပန်ကြသည်။
ဤကဲ့သို့
လူအနည်းစုက သူမ၏ ပါဝင်ပစ္စည်းများ အကြောင်း
မေးမြန်းလာခဲ့ကြသည်။ ဒါက သူမ အဘိုး သိပ်မကြာခင်က သတင်း လွှင့်တာကြောင့် ဖြစ်နိုင်သလား။
စုယန်ယန်
စဉ်းစားဖို့ မလိုအပ်လောက်အောင်ပင် စနစ်က သူမ မေးခွန်းကို အဖြေထုတ်ဖို့ ကူညီပေးခဲ့ပြီး
ဖြစ်သည်။
[လွန်ခဲ့သည့်
မိနစ်အနည်းငယ်က တက္ကသိုလ်အေမှ ဆေးကျောင်းသား တစ်ဦးသည် Host ရဲ့ တိုက်ရိုက် ထုတ်လွှင့်မှုကို
မှတ်တမ်းရယူခဲ့ပြီး ထိုမှတ်တမ်းတွင် ပါဝင်သည့် တရုတ်ဆေးဖက်ဝင် အပင်များ အကြောင်းကို
မျှဝေခဲ့သည်။ ထိုမှတ်တမ်းသည် ဌာနအတွင်းရှိ ကျောင်းသားများ အကြား သဘေထား ကွဲလွဲမှုများ
ဖြစ်ပေါ်စေခဲ့ပြီး အခု သူတို့က Host ရဲ့ တိုက်ရိုက် ထုတ်လွှင့်မှု အခန်းကို ရှာဖွေတွေ့ရှိခဲ့ကြတာ
ဖြစ်သည်။]
“တက္ကသိုလ်အေ
ဆေးဝါးဌာနက ကျောင်းသား တစ်ယောက်လား”
ဖမ်ကျားကျစ်သည်
တက္ကသိုလ်အေ၏ ဆေးပညာဌာနမှ ဘွဲ့လွန်ကျောင်းသား တစ်ဦး ဖြစ်သည်။ သူက ရှေးခေတ် ကမ္ဘာမြေမှ
မျိုးသုဉ်း ပျောက်ကွယ် သွားခဲ့သော တရုတ်ဆေးဖက်ဝင် အပင်များ အထူးပြု လေ့လာခဲ့ရန် သူ့ဆရာနောက်သို့
လိုက်ပါသွားခဲ့သည်။ ထိုတရုတ် ဆေးဖက်ဝင် အပင်များ ယခု လူသားမျိုးနွယ် ပြောင်းရွှေ့ အခြေချသည့်
သူတို့၏ လက်ရှိကမ္ဘာမြေ၏ ပတ်ဝန်းကျင် ရာသီဥတု အခြေအနေနှင့် လိုက်လျော ညီထွေခြင်းမရှိပဲ
ဝမ်းနည်းစရာ ကောင်းလောက်အောင် မျိုးသုဉ်း ပျောက်ကွယ် သွားခဲ့သည်။
လွန်ခဲ့သည့်
နှစ်ရက်က သူ့ညီမသည် မကြာသေးမီက သူမ နှစ်သက်စွဲလမ်း သွားခဲ့မိသော အစားအသောက် ကဏ္ဍရှိ
တင်ဆက်သူ တစ်ဦး၏ အချက်အပြုတ် ဗီဒီယိုတစ်ခုကို ရုတ်တရက် သူ့ထံသို့ ပေးပို့ခဲ့သည်။ တင်ဆက်သူသည်
အချက်အပြုတ် ကောင်းမွန်ပြီး သူမ ချက်ပြုတ်သည့် ဟင်းလျာတွေက နာမကျန်းမှုများကိုပင် ကုသပေးနိုင်သည်။
ဆေးဝါးဌာန၏
ထိပ်တန်း ကျောင်းသားတစ်ဦး ဖြစ်သည့် သူ့ထံသို့ သူ့ညီမသည် ဒါကို သူ့အတွက် အတုယူလို့ ရစေရန်
မျှော်လင့်ချက်ဖြင့် ထိုဗီဒီယိုကို မျှဝေပေးခဲ့သည်။
ဖမ်ကျားကျစ်သည်
လွန်ခဲ့သည့် နှစ်ရက်က သူ့စာတမ်းကို ပြန်လည် တည်းဖြတ်ရာတွင် အာရုံစူးစိုက် ထားခဲ့သည်။
သူ့ညီမဖြစ်သူက သူ့ကို နောက်ပြောင်တယ်လို့ ယူဆသည့် အတွက်ကြောင့် ဒါကို အလေးအနက် မထားခဲ့ဘူး။
စုယန်ယန်
တိုက်ရိုက် ထုတ်လွှင့်မှု မတိုင်ခင် မိနစ် အနည်းငယ် အလိုတွင် သူ့အလုပ်ကြောင့် စိတ်ဖိစီးနေခဲ့သဖြင့်
ဒီဗီဒီယိုကို ကြည့်ဖို့ ဆုံးဖြတ်လိုက်သည်။
ဖမ်ကျားကျစ်သည်
မျက်မှောင်ကြုတ်နေတာကို ဖြေလျော့ရင်း စိတ်ကြည်လင်စေရန် အတွေးဖြင့် ဗီဒီယိုကို ဖွင့်ကြည့်
လိုက်မိသော်လည်း စုယန်ယန်၏ လက်ထဲတွင် ကိုင်ဆောင်ထားသော ဧရာမဂျင်ဆင်းသည် သူ့အာရုံကို
ရုတ်တရက် ဖမ်းစားသွားခဲ့သည်။
ဒီတင်ဆက်သူက
ဘာပြော လိုက်တာလဲ။ အဲ့တာက... ဂျင်ဆင်းလား။ ဂျင်ဆင်းကို ရှေးမှတ်တမ်း မှတ်ရာများတွင်သာ
တွေ့ရှိရပြီး ‘ဆေးဖက်ဝင် အပင်များရဲ့ ဘုရင်’ ဟုပင် တင်စား ခေါ်ဝေါ်ခဲ့ကြသည်။
ဖမ်ကျားကျစ်သည်
မတ်မတ် ထထိုင်ကာ တုန်ယင်နေသော သူ့လက်များဖြင့် ဆက်စပ် စာအုပ်များကို ရှာဖွေရန် ကြိုးစားခဲ့သည်။
စာအုပ် တစ်အုပ်ထဲတွင် ဂျင်ဆင်းကို ဆိုးဆိုးဝါးဝါး ပုံသဏ္ဌာန်ဖြင့် ပုံနှိပ်ထားသော အဖြူအမည်း
ပုံတစ်ပုံကို ရှာမတွေ့မီ အချိန်အတော် ကြာခဲ့သည်။
သူသည်
ဒီပုံကို ရိုက်ယူပြီး ဗီဒီယိုထဲမှာ ပါဝင်တဲ့ ဂျင်ဆင်းနှင့် အချိန်အတော်ကြာ နှိုင်းယှဉ်
ကြည့်ရှုခဲ့သည်။ တူညီသည့်ဟန် ပေါ်သော်လည်း အနည်းငယ် ကွဲပြားခြားနားသည်ဟု ခံစားခဲ့ရပြီး
ဒါက သူ့စိတ်ထင်တာ ဟုတ်မဟုတ်ကိုပင် သူ မဆုံးဖြတ်နိုင်ခဲ့ပေ။
သူက
စိတ်ပျက် အားငယ်စွာဖြင့် ထိုဗီဒီယိုကို ဆေးဝါးဌာနမှုး သူ့ဆရာဖြစ်သူ ယဲ့ချီလျန့်ထံသို့
ပေးပို့ခဲ့သည်။
***