MM Story Teller

အပိုင်း ၁၉၈

Viewers 14k

Chapters 210

အခန်း(၁၉၈) - ဒေါသကြောင့် မေ့လဲမတတ်ဖြစ်ခြင်း

ကောချွန်းရုက သိုလှောင်ခန်းက ပစ္စည်းတွေနှင့် မခွဲနိုင်တာကို ရှောင်သခင်မကြီးနှင့် တခြားလူတွေက ပိုသိသွားခဲ့သည်။

ထို့ကြောင့် သူမကို ရှင်းထုတ်ဖို့ ဆုံးဖြတ်ချက် ပိုခိုင်မာသွားခဲ့ကြသည်။

သူမကို စံအိမ်ရဲ့ တာဝန်ခံအဖြစ် ဆက်ထားပါက သူတို့ အကျိုးယုတ်နိုင်သည်။

စစ်သူကြီးရှောင်ရဲ့ စံအိမ်ရဲ့ အောင်မြင်ကြွယ်ဝမှုကနေ ထိုတိရိစ္ဆာန်မတို့မောင်နှမတွေကို အကျိုးအမြတ် ရခွင့် မပြုပေ။

ရှောင်မိသားစုဟောင်းက ထိုမျှလောက် အကြင်နာမဲ့မည်ဟု ရှောင်ယွမ်ရှစ် မထင်ခဲ့ပေ။

သူက ပြောခဲ့သည်။ "အမေ သုံးပုံနှစ်ပုံကတော့ သိပ်များတယ်။"

ရှောင်သခင်မကြီးက စျေးစစ်မခံနိုင်ပေ။ "ဒါဆိုရင် အာဏာပိုင်တွေကို တိုင်ရမှာပဲ၊ ဒီအဆိပ်ပြင်းတဲ့မိန်းမနဲ့ ကွာရှင်းရမယ်၊ ဒီကောင်မက ဘယ်လိုလူလဲဆိုတာ တစ်မြို့လုံး သိအောင် လုပ်ပစ်မယ်၊ ဒီလိုနည်းနဲ့ ဒေါသပေါက်ကွဲရမယ်ဆိုရင်တော့ စစ်သူကြီးစံအိမ်ကနေ တစ်ပြားတစ်ချပ်မှ ငါတို့ မယူတော့ဘူး။"

ခင်ဗျားတို့ အကုန်လုံး သွားသေပေးပါလားဟု ရှောင်ယွမ်ရှစ်က တွေးလိုက်သည်။

မျှော်လင့်ထားသည့်အတိုင်း ရှောင်မိသားစုဟောင်းက သူ့ရဲ့ ချွေးမယုတ်နှင့် အတူတူရှိသည့်အခါ ကိုင်တွယ်ရပိုခက်လာသည်။

"အမေ ဒုတိယမင်းသားက ချွန်းရုရဲ့ ညီမကို သဘောကျနေပြီ၊ သိပ်မကြာခင် သူ့ကို ဒုတိယကြင်ယာတော်အဖြစ် လက်ထပ်ယူတော့မှာ။"

ရှောင်ယွမ်ရှစ်က ဆက်ပြောခဲ့သည်။ "ဘာပဲဖြစ်ဖြစ် ကျွန်တော်တို့ သူ့အတွက် ခမ်းနားတဲ့ ခန်းဝင်ပစ္စည်း ပြင်ဆင်ပေးဖို့ လိုတယ်၊ မဟုတ်ရင် ဒုတိယမင်းသားက ကျွန်တော်တို့ကို ဘယ်လိုထင်ကြမလဲ၊ ချွန်းရုရဲ့ ညီမ ဒုတိယကြင်ယာတော်ဖြစ်လာရင် အမေ့ရဲ့ မြေးအကြီးဆုံးနဲ့ ဒုတိယမြေးကို ဂရုစိုက်ပေးဖို့ ဒုတိယမင်းသားဆီမှာ တောင်းဆိုပေးလို့ ရတယ်။"

သူတို့က အကျိုးအမြတ်ကိုပဲ စိတ်ဝင်စားမှတော့ ဒီကိစ္စကို မျှဝေပေးရမယ်။

ဒီကိစ္စကို ပိုစိုးရိမ်လာပြီး သူ့ဇနီးကို အကြမ်းဖက်တော့မည် မဟုတ်ပေ။

ရှောင်မိသားစုဟောင်းက ရင်တုန်သွားခဲ့သည်။

မျှတမှု မရှိဘူး။

ကောချွန်းရုရဲ့ ညီမကတောင် ဒုတိယမင်းသားရဲ့ ကိုယ်လုပ်တော်အဖြစ် လက်ထပ်နိုင်သည်။

တစ်ချိန်လုံး အသံတိတ်နေသည့် ရှောင်သခင်ကြီးက သူ့သားကို ရုတ်တရက် ကြည့်ကာ ပြောခဲ့သည်။ "မင်းက အမြဲတမ်း အများကြီး ကူညီခဲ့တယ် မဟုတ်လား။"

ရှောင်မိသားစုရဲ့ ကိစ္စတွေကို ရှောင်သခင်မကြီးကသာ အမြဲ ဆုံးဖြတ်ပေမယ့် ရှောင်သခင်ကြီး တစ်ခါစကားပြောသည်နှင့် သူ့စကားတွေက အလွန်ထိထိမိမိရှိသည်။

ရှောင်သခင်ကြီးက အမြဲတမ်း တိတ်ဆိတ်နေပေမယ့် ရှောင်သခင်မကြီးနှင့်တခြားလူတွေနှင့်ယှဥ်ရင် အရူးလုပ်ဖို့ မလွယ်မှန်း ရှောင်ယွမ်ရှစ် သိသည်။

ရှောင်မိသားစုဟောင်းထဲမှာ သူ့အဖေက ဉာဏ်အကောင်းဆုံးလူဖြစ်သည်။

သူ စစ်ထဲဝင်တုန်းက သူ့အဖေက သူ့အတွက် တိတ်တဆိတ် ပိုက်ဆံပေးပြီး အစားအသောက်တွေ ပြင်ပေးခဲ့တာကို သူ မှတ်မိနေသေးသည်။

ဟိုးတုန်းက ရှောင်သခင်မကြီးက အိမ်မှာ ဘက်အလိုက်ဆုံးလူ ဖြစ်သည်။

ထို့ကြောင့် သူက သူ့အဖေကို အနည်းငယ် သံယောဇဥ်ရှိသေးသည်။

သူက အဓိပ္ပာယ်ပါပါ ပြောခဲ့သည်။ "အဖေ ချွန်းရုရဲ့ ညီမကို ဒုတိယမင်းသားရဲ့ ကိုယ်လုပ်တော်အဖြစ် ပို့တာက စစ်သူကြီးစံအိမ်ကို အန္တရာယ်ဖြစ်စေတာထက်စာရင် ကောင်းကျိုး အများကြီး ရှိစေတာပါ။"

ရှောင်သခင်ကြီးက သက်ပြင်းချခဲ့သည်။ "မင်းကတော့ကွာ၊ သူသာ ဒုတိယမင်းသားရဲ့ ကိုယ်လုပ်တော်ဖြစ်သွားရင် မင်းက တစ်ဆင့် ပိုနိမ့်သွားမယ်မဟုတ်လား၊ မင်းမိန်းမက ကလေးမမွေးနိုင်တဲ့အပြင် ကျန့်အာတို့မိသားစုနဲ့လည်း ဆွေခန်းမျိုးခန်းဖြတ်တောက်ခဲ့ပြီးပြီ၊ အနာဂတ်မှာ မင်း ဘာဆက်လုပ်မှာလဲ၊ မင်းကို ကာကွယ်ပေးမယ့်လူ မရှိဘူး။"

သူက ရှောင်ယွမ်ရှစ်ကို စိုးရိမ်သည့် မျက်လုံးများဖြင့် ကြည့်လိုက်သည်။ "နောက်ကျရင် သူ့အဆင့်အတန်း ပိုမြင့်လာရင် အဲ့မောင်နှမ သုံးယောက်က မင်းကိုဖိနှိပ်လိမ့်မယ် မဟုတ်လား၊ ဒါက ငါတို့နဲ့ မသက်ဆိုင်ဘူး၊ ဘာပဲဖြစ်ဖြစ် ငါတို့က မြောက်ပိုင်းနယ်စပ်က်ု သွားရမယ့်လူတွေ၊ အလုပ်မဖြစ်ရင် အဆင်မပြေရင် ရှာ့ရှီရွာကိုပြန်ပြီး လယ်ယာစိုက်ပျိုးလိုက်ရုံပဲ၊ ဒါပေမဲ့ မင်းကနေ ဆင်းသက်လာတဲ့ ကလေးမရှိမှာကိုတော့ ငါစိုးရိမ်တယ်။"

ရှောင်သခင်ကြီးရဲ့စကားက တချို့ တစ်ဝက် မှန်ကန်သည်။

သူက ဒီသားကို သဘောအကျဆုံး မဟုတ်သော်လည်း ဒါက သားအရင်း ဖြစ်သည်။

ဟိုးတုန်းက ရှောင်ယွမ်ရှစ် သူ့ကလေးတွေနှင့် ဆွေခန်းမျိုးခန်း ဖြတ်တောက်တုန်းကလည်း သူဆန့်ကျင်ခဲ့သည်။

သို့ပေမယ့် သူ့သားက သရဲဝင်စီးခံထားရတာနှင့် တူနေခဲ့သည်။

သူက ကောချွန်းရုရဲ့ ညှို့ဓာတ်မှာ ဆွဲငင်ခံခဲ့ရကာ သူ့ကိုယ်ပိုင်ဟန်ပန်ပင် မရှိတော့ပေ။

သူက သူ့စကားတွေကို နားမထောင်ခဲ့ပေ။

အခုတော့ ကောချွန်းရုက ပြဿနာကောင်နှင့် တူနေသည်။

တစ်ဖက်မှာလည်း သူ့မြေး ရှောင်ဟန်ကျန့်က အလားအလာရှိသည့် လူငယ် ဖြစ်နေသည်။

ရှောင်သခင်ကြီး၏ ကြင်နာဂရုစိုက်သည့် စကားတွေကြောင့် ရှောင်ယွမ်ရှစ်ရဲ့ ရင်က နွေးထွေးနေဆဲ ဖြစ်သည်။

ရှောင်ယွမ်ရှစ်က ပြန်ဖြေခဲ့သည်။ "အဖေ ကျွန်တော့်ကို ဂရုစိုက်တာကို သိပါတယ်၊ ဒါပေမဲ့ ကျွန်တော် လုပ်နေတာကိုလည်း ကျွန်တော် သိပါတယ်၊ စိတ်မပူပါနဲ့။"

ကောချွန်းရုရဲ့ ညီမကို ဒုတိယမင်းသားရဲ့ နန်းဆောင်ကို ပို့မယ်ဆိုကတည်းက သူကြိုတင်မပြင်ဆင်ထားဘဲမနေပေ။

ဒါ့အပြင် အနောက်ဆောင်မှ အမျိုးသမီးတစ်ယောက်က ဘယ်လိုလုပ်ပြီး ညီလာခံကို ပြောင်းလဲနိုင်မည်နည်း။

အကယ်၍ ဒုတိယမင်းသားသာ အမျိုးသမီးတစ်ယောက်ရဲ့ လွယ်လွယ်ထိန်းချုပ်ခံရမည့်လူဆိုပါက လူများစွာဆီက အကူအညီရမည်မဟုတ်ပေ။

သူမကို ကိုယ်လုပ်တော်အဖြစ် ပို့ခဲ့တာက ဒုတိယမင်းသားအဆောင်နှင့် သူ့စံအိမ်ကြားက ဆက်ဆံရေးကို ပိုခိုင်မာနက်နဲသွားစေရုံသာရှိသည်။

သို့သော် သူ့အဖေရဲ့ သတိပေးချက်ဖြင့် သူ ပိုပြီး ပြင်ဆင်ထားရမည်။

ရှောင်သခင်ကြီးက ရန်ဆွပေးသည့် စကားမျိုး ပြောတာကို ကြားလိုက်တော့ ကောချွန်းရုက တော်တော်အံ့သြသွားခဲ့သည်။

ဒါက သူမညီမရဲ့ မင်္ဂလာဆောင်ကို မထောက်ပံ့ပေးဖို့ စစ်သူကြီးကို ပြောလိုက်သည့် စကား ဖြစ်သည်။

သူမက ရှောင်သခင်ကြီးကို ရင်ထဲက အမုန်းကြီး မုန်းနေခဲ့သည်။

မြောက်ပိုင်းနယ်စပ်ကိုသွားတဲ့အခါ ဒီအဖိုးကြီးရဲ့ ခြေထောက်ကို ချိုးပစ်ရမယ်။

ရှောင်သခင်ကြီးက လက်ဝေ့ယမ်းပြလိုက်သည်။ "ကိုယ်လုပ်တာ ကိုယ်သိရင် ပြီးတာပါပဲ၊ ငါတို့က အိုနေပြီ၊ မင်းတို့နှစ်ယောက် ရှေ့လျှောက် ကောင်းကောင်း နေထိုင်ဖို့ပဲ မျှော်လင့်တယ်။"

သူ့ရည်ရွယ်ချက်က သူ့သားရဲ့ နှလုံးသားကို စိုးမိုးနိုင်ဖို့သာ ဖြစ်သည်။

အနာဂတ်မှာ သူ့သားက ကောချွန်းရုတို့မောင်နှမတွေကို သိပ်ဂရုစိုက်တော့မည် မဟုတ်ပေ။

သူ့သားက သိပ်ပြီး စိတ်ထားသေးသိမ်တာကို သူ ကောင်းကောင်းသိသည်။

အမျိုးသမီးဝူက မျက်ရည်သုတ်သလို ဟန်ဆောင်လိုက်သည်။ "ဟုတ်တယ်၊ နင့်တူက ဒီလိုဖြစ်နေတာတောင် နင်က နင့်တူကို လျစ်လျူရှုပြီး အန္တရာယ်ပြုခဲ့တဲ့လူကို ကူညီပေးခဲ့သေးတယ်၊ နင့်အသိစိတ်တွေက ခွေးစားခံလိုက်ရပြီ။"

ရှောင်ယွမ်ရှစ်က နောက်တစ်လှမ်း ဆုတ်လိုက်သည်။ "သိုလှောင်ခန်းထဲက ငွေတွေ သုံးပုံ နှစ်ပုံကို ပေးမယ်၊ ဘာပဲဖြစ်ဖြစ် ရှေးဟောင်းပစ္စည်းတွေနဲ့ ပန်းချီတွေက အမေတို့အတွက်လည်း အသုံးမဝင်ဘူးလေ။"

သူ့မှာ ကိုယ်ပိုင်သိုလှောင်ခန်းလေး ရှိသေးကာ ပိုက်ဆံတွေ အများကြီး ကျန်သေးသည်။

ရှောင်မိသားစုဟောင်းက ဘယ်အချိန်မှာ ရပ်တန့်ရမလဲဆိုတာ ကောင်းကောင်း သိသည်။

ဘာပဲဖြစ်ဖြစ် ထိုပစ္စည်းတွေကို သူတို့ခရီးသွားရင်း သယ်ဆောင်သွားလို့လည်း မကောင်းပေ။

ရှောင်သခင်မကြီးက ပြောခဲ့သည်။ "ငွေတွေအပြင် လက်ဝတ်ရတနာတွေလည်း သုံးပုံ နှစ်ပုံ ပေးရမယ်။"

ကောချွန်းရုက ရှောင်ယွမ်ရှစ်ကို ဆိတ်လိုက်သည်။ သူမ သဘောမတူနိုင်ပေ။

ဒါတွေက သူမ၏ ညီမအတွက် ခန်းဝင်ပစ္စည်းတွေ ဖြစ်သည်။

ရှောင်ယွမ်ရှစ်က မျက်မှောင်ကြုတ်လိုက်သည်။

သူ့ဇနီးက သူ့မောင်နှမတွေကို အလွန်ဂရုစိုက်လွန်းသည်။

သို့ပေမယ့် သူ့ရဲ့ ဖူးရောင်နေသည့်မျက်နှာကိုမြင်တော့ အနည်းငယ် အပြစ်မကင်း ဖြစ်သွားခဲ့ရသည်။

"သုံးပုံတစ်ပုံပဲရမယ်၊ ဒုတိယမင်းသားက ချွန်းရုရဲ့ ညီမကို ကိုယ်လုပ်တော်အဖြစ် ယူဖို့ ကတိပေးပြီးပြီ၊ ခန်းဝင်ပစ္စည်း နည်းနေရင် ကျွန်တော်တို့စံအိမ် သိက္ခာကျလိမ့်မယ်။"

သူကအဓိပ္ပာယ်ပါပါဖြင့် ရှောင်မိသားစုဟောင်းကို ကြည့်ကာ ဆက်ပြောလိုက်သည်။ "ကျွန်တော်သာ ကောင်းကောင်း လုပ်နိုင်ခဲ့ရင် အမေတို့ရဲ့ မြေးကြီးနဲ့ ဒုတိယမြေးလည်း ကောင်းမွန်တဲ့ အနာဂတ် ရရှိလိမ့်မယ်။"

ရှောင်သခင်ကြီးက စိတ်ဆုံးဖြတ်လိုက်သည်။ "ကောင်းပြီ ဒါဆို သဘောတူပြီနော်။"

သူ့သားသာ ဒုတိယမင်းသားနှင့် တည့်ရှုပါက ကောင်းသည့် အရာ ဖြစ်သည်။

သူ့သားနဲ့ ဒုတိယမင်းသားရဲ့ ဆက်ဆံရေး လုံးဝ ပြတ်တောက်သွားအောင် သူ ဖိအားမပေးနိုင်ပေ။

ထိုအစား ကောချွန်းရုတို့မောင်နှမ အကျိုးအမြတ် မရအောင် လုပ်မည်။

ရှောင်မိသားစုဟောင်းက အခုတော့ ဝှက်ဖဲကို ထုတ်မပြသေးပေ။

သူ့တို့ရဲ့ နောက်ထပ် အစီအစဥ်ကို မပြာပြခဲ့ပေ။

သူတို့ မြောက်ပိုင်းနယ်စပ်ကိုသွားသည့်လမ်းမှာ လုယက်ခံခဲ့ရပါက ရှောင်ယွမ်ရှစ်နှင့် သူ့ဇနီးတို့ရဲ့ အမှားသာ ဖြစ်သည်။

ထိုကိစ္စကို သူတို့ထွက်သွားသည့်နေ့မှ ပြောရမည်ဖြစ်ကြောင်း ရှစ်ချင်းလျို့က သင်ပေးခဲ့သည်။

သဘောတူညီမှုယူပြီးနောက် ရှောင်သခင်မကြီးနှင့် ကျန်လူတွေ ပြန်သွားခဲ့သည်။

ရှောင်ယွမ်ရှစ်က ကောချွန်းရုကို ဖက်ထားပြီး သူက ကိုယ်လုပ်တော်တွေကို မထိကြောင်း ကတိပေးခဲ့သည်။

ကိုယ်လုပ်တော်ယူခြင်းက ဟန်ပြသာ ဖြစ်သည်။

ထိုအခါမှ ကောချွန်းရုက စိတ်တည်ငြိမ်သွားခဲ့သည်။

ရှောင်ယွမ်ရှစ်က သူ့အဆောင်ကိုပြန်ရောက်သည့်အခါ အလွန်ပင်ပန်းနေပြီဖြစ်သည်။

နောက်ရက်အနည်းငယ်ကြာတော့ သူရုံးတော်ကိုသွားသည့်အချိန်ကျတော့ ရှောင်ယွမ်ရှစ်ရဲ့ လုပ်ဖော်ကိုင်ဖက်တွေက သူ့ကို သနားနေကြသည်။

နောက်ကွယ်ကစကားတွေက သူက မယားကြောက် ဟူသည့် အဓိပ္ပာယ် ဖြစ်သည်။

ထို့ကြောင့် သူ့မျက်နှာက မည်းမှောင်သွားခဲ့သည်။

သူက ဘယ်တုန်းက မိန်းမကြောက်သွားတာလဲ။ ဒီလူတွေက အဓိပ္ပာယ်မရှိတာတွေ ပြောနေတာပဲ။

သူပတ်မေးကြည့်လိုက်တော့ သူ့ဇနီးက ကလေးမမွေးနိုင်ဘဲ သူ့ကိုလည်း ကိုယ်လုပ်တော်ထားခွင့် မပေးသဖြင့် သူ့မှာ တစ်ယောက်မှ မရှိကြောင်း သူ့အမေက လူတွေကို ပတ်ပြောထားကြောင်း သိလိုက်ရလေသည်။

ထိုစကားကို ရှောင်ယွမ်ရှစ်ကြားတော့ သူ တကယ်သွေးအန်သွားချင်သွားလေသည်။

သူက ရှောင်မိသားစုဟောင်းကို မြို့ပြင်ကို တတ်နိုင်သမျှ မြန်မြန် ပို့ပစ်ချင်နေသည်။

လိမ်လည်ခံရတာတွေ သူ တကယ် ကြောက်နေပြီဖြစ်သည်။

ကောချွန်းရုက သူမ မျက်နှာ အရောင်ကျအောင် စောင့်ပြီးနောက် သူမ ညီမကိုခေါ်ကာ လက်ဝတ်ရတနာဆိုင်ကိုသွားတော့ လူအများစုရဲ့ အထင်သေးသည့် အကြည့်နှင့် ဂရုဏာသက်သည့် အကြည့်တွေ ရလိုက်လေသည်။

သူမက သည်းမခံနိုင်တော့ဘဲ အစေခံမလေးနှင့် သွားမေးခိုင်းလိုက်လေသည်။

အကြောင်းပြချက်က သူမကို ဒေါသထွက်ကာ မေ့လဲမတတ်ဖြစ်စေခဲ့သည်။

သူမက တကယ်ကို ယုတ်မာသည်။

သူမက လက်ဝတ်ရတနာ ဝယ်ဖို့ စိတ်မပါတော့ပေ။

သူမက ညီမဖြစ်သူကိုဆွဲပြီး လှေကားကနေ ပြန်ဆင်းသွားခဲ့သည်။

သူတို့က စံအိမ်ကိုပြန်ဖို့ ပြင်ဆင်လိုက်လေသည်။

ထို့နောက် သိပ်မဝေးသည့်နေရာက တီးတိုးပြောသံကို ကြားလိုက်ရလေသည်။

"စစ်သူကြီးရှောင်က အပြင်မှာ ကိုယ်လုပ်တော်ရှိနေတာလည်း မဆန်းတော့ပါဘူး၊ စစ်သူကြီးရဲ့ မိန်းမက ကလေးမှ မမွေးပေးနိုင်တော့တာ။"

ထိုစကားကြားတော့ ကောချွန်းရဲ့ မျက်နှာက ဖြူဖတ်သွားကာ ကိုယ်ခန္ဓာက ပျော့ခွေသွားခဲ့သည်။

အကယ်၍ သူမ ညီမသာ မတွဲထားပေးပါက မြေပေါ်လဲကျသွားနိုင်သည်။

Prev Next