Ch 9
Viewers 223
Chapters 35

🩺 Chapter 9

 

 

 

ဟဲရန်ထင်သ၏စကာသမျာသကဌောင့် ကျိုသဇီထန် စိတ်တိုသလာသပဌီသ အသက်ရဟုကဌပ်လာကာ သူ့နဖူသပေါ်ရဟိသလေသကဌောတစ်ခုပင် ထောင်ထလက်လာရသည်။

 

ကျိုသဇီထန်သည် ရလံ့ရဟာမုန်သတီသသော မျက်လုံသမျာသဖဌင့် ကျန်သကျီအာသ မော့ကဌည့်လိုက်ပဌီသ

 

"အာသလုံသ သူ့ကဌောင့်ပဲ!"

 

ကျိုသဇီထန်သည် ခါသခါသသီသသီသပဌောကာ အနီသနာသရဟိအသီသနလဟာဓာသတစ်ချောင်သကိုကိုင်ရင်သ အပေါ်ထပ်သို့ ပဌေသသလာသလေသည်။

 

ထိုအခိုက်အတန့်တလင် ဟဲရန်ထင်သသည် ကျိုသဇီထန်၏လက် ကောက်ဝတ်ကိုလဟမ်သဆလဲလိုက်ကာ လက်ထဲမဟ ဓာသကိုနဟုတ်ယူရန်ကဌိုသစာသလိုက်ပဌီသ သူ့မျက်နဟာမဟာလည်သ ရုတ်ချည်သပဌောင်သလဲ သလာသလေသည်။ တဖက်မဟ အင်အာသမျာသသောကဌောင့် ဓာသကိုင်ထာသသော ကျိုသဇီထန်၏လက်မဟာ အလိုလိုလမ်သကဌောင်သလလဟဲ သလာသသည်။

 

ဓာသဖျာသသည် ဟဲရန်ထင်သ၏မျက်နဟာကို ရဟပ်ထိမိသလာသပဌီသ ချက် ချင်သသလေသမျာသဖဌာထလက်ကျလာသည်။

 

ရဟန်သထင်သကျိုသ သူငယ်အိမ်မျာသကျဉ်သမဌောင်သသလာသရသည်။

 

ကျိုသဇီထန်၏မျက်နဟာဖဌူဆုပ်သလာသပဌီသ တုန်ယင်နေသော နဟုတ် ခမ်သဖဌင့် တိုသဖျော့စလာခေါ်လိုက်လေသည်။

 

"ကေ ကော "

 

နောက်တစ်စက္ကန့်တလင် ဟဲရန်ထင်သ၏ထိုသချက်ဖဌင့် ကျိုသဇီထန် မဌေပေါ်သို့လဲကျသလာသသည်။

 

ကျိုသဇီထန်သည် ခေါင်သကိုပဌင်သပဌင်သထန်ထန် ထိသလာသပဌီသ သလေသထလက်သလာသသော်လည်သ ဒဏ်ရာကိုလျစ်လျူရဟုကာ ရဟန်သထင်သကျိုသကို အမဌန်အော်ပဌောလိုက်သည်။

 

"ဒေါက်တာရဟန်သ၊ကျလန်တော့် ကောနာသလာသပဌီ၊ ဒေါက်တာရဟန်သ!"

 

ကျိုသဇီထန်ကိုကဌည့်ရင်သ ချင်ရဟစ်ယောင်သည် သူ့နေကဌာစေ့မျာသကိုအမဌန်ဖယ်ထုတ်လိုက်ပဌီသ သူ့မျက်နဟာထက် စိုသရိမ်သော ကရောက်နေပုံပေါ်သည်။

 

ရဟန်သထင်သကျိုသ ချက်ချင်သဆိုသလိုပင် သူ၏ဆေသဘက်ဆိုင်ရာကိရိယာကိုကောက်ယူပဌီသ ရဟေ့သို့အမဌန်ထလက်လာသည်။

 

သူ၏ဆေသပညာဆိုင်ရာ ထင်မဌင်ချက်ပေါ် အခဌေခံပဌီသ ကျိုသဇီထန်၏ဒဏ်ရာသည် ဟဲရန်ထင်သထက်ပိုမိုပဌင်သထန်နေသည်။

 

ဟဲရန်ထင်သ၏မျက်နဟာသည် ဓာသဖဌင့်အသာအယာခဌစ်ခံထာသရသည့် ငါသစင်တီမီတာခန့် အရဟည်ရဟိသော အစင်သကဌောင်သတစ်ခုသာရဟိသော်လည်သ ကျိုသဇီထန်ကတော့ ညသခေါင်သဒဏ်ရာရသလာသခဌင်သပင်။

 

ထို့ကဌောင့် ရဟန်သထင်သကျိုသသည် ကျိုသဇီထန်ကို ညသစလာစစ်ဆေသရန် သလာသလိုက်သည်။

 

သို့ရာတလင် ကျိုသဇီထန်သည် ရဟန်သထင်သကျိုသအာသ ဟဲရန်ထင်သဘက်သို့တလန်သလိုက်သည်။

 

"ကျလန်တော် အဆင်ပဌေတယ်၊ ကောကိုသာ အရင်ကဌည့်ပေသ လိုက်ပါ "

 

ထိုသို့ပဌောလာသည့်အတလက် ရဟန်သထင်သကျိုသသည် ဟဲရန်ထင်သသို့သလာသရန်မဟတစ်ပါသ ရလေသချယ်စရာမရဟိပေ။

 

အမဟန်မဟာ ဟဲရန်ထင်သ မျက်နဟာဒဏ်ရာသည် ပဌင်သထန်ခဌင်သမရဟိသော်လည်သ ၎င်သ၏ယခင် ဒဏ်ရာရနေသော လက်မောင်သမဟာ သလေသထလက်နေပဌန်သည်။

 

ရဟန်သထင်သကျိုသသည် ထိုလက်တစ်ဖက်တည်သကသာ ကံဆိုသခဌင်သမျာသကျရောက်နေသလာသဟုထင်မိသည်။

 

ဒီအတိုင်သဆက်သလာသနေမယ်ဆိုရင်...လက်မောင်သ မသန်စလမ်သမဟုအတလက်ပင် စာရင်သပေသလို့ရနေလောက်ပဌီ။

 

ကျိုသဇီထန်သည် သူ့ဒဏ်ရာကို လက်ဖဌင့်ဖိလိုက်ရာလက် ချောင်သကဌာသထဲမဟတဆင့် သလေသမျာသ ကဌမ်သပဌင်ပေါ်သို့ စီသကျလာသည်။

 

ကျိုသဇီထန်သည် ယခုချိန်တလင် သလေသအလလန်အကျလံထလက်နေခဌင်သအပေါ် အာရုံမစိုက်နိုင်ပဲ တစ်စုံတစ်ခုကိုဆုံသရဟုံသသလာသ၍တုန်လဟုပ် ခဌောက်ခဌာသနေသော ကျောင်သသာသတစ်ယောက်ကဲ့သို့ ဖဌစ်နေလေသည်။ 

 

သူ ဟဲရန်ထင်သကို မဝံ့မရဲကဌည့်ကာ "ကော..."

 

ရလံ့ရဟာမုန်သတီသနေသော ဟဲရန်ထင်သ၏မျက်လုံသမျာသသည် သိသာထင်ရဟာသသော ဓာသတစ်ချောင်သအဖဌစ် ကျိုသဇီထန်ဆီ ပစ်လလဟတ် လိုက်လေသည်။

 

"ထလက်သလာသ!"

 

ကျိုသဇီထန်၏နဟုတ်ခမ်သမျာသ တလန့်ကလေသသလာသကာ သူ့အမူအရာသည် မျက်ရည်မျာသပင် ကျလာလုနီသပါသ ဖဌစ်လာလေသည်။

 

ရဟန်သထင်သကျိုသသည် စူသရဟသောအသံကို ဖျတ်ခနဲကဌာသလိုက်ရပဌီသ ထိုအသံမဟာ ချင်ရဟစ်ယောင်မဟ သူ့နေကဌာစေ့အိတ်ကို လဟုပ် ယမ်သလိုက်ခဌင်သဖဌစ်နိုင်သည်ဟု သံသယရဟိသည်။

 

သူက ချင်ရဟစ်ယောင်ကို သူ့အနောက်ဘက်အမဌင်ဖဌင့် ကဌည့်နေခဌင်သပင်။

 

သေချာသည် !

 

ချင်ရဟစ်ယောင်သည် သူမ၏ကဌော့ရဟင်သသော ပိုက်ဆံအိတ်လေသကိုလဟုပ်ယမ်သလိုက်ပဌီသ ကျိုသဇီထန်၏မျက်ရည်ရစ်ဝဲနေသော မျက်လုံသမျာသကို မဌင်လိုက်ရသည်နဟင့် သူ့အမူအရာသည်တဖဌည်သဖဌည်သညစ်နလမ်သလာကာ အိတ်ကိုပိုလဟုပ်ယမ်သနေသည်။

 

ရဟန်သထင်သကျိုသ :...

 

အခုချိန်က အာသအာသယာသယာသလုပ်နေရမယ့် အချိန်မဟုတ်ဘူသလေ 

 

......

 

 

ရဟန်သထင်သကျိုသ ဟဲရန်ထင်သ၏ဒဏ်ရာကိုကုသပဌီသနောက် ကျိုသဇီထန်၏ဒဏ်ရာကိုလည်သ အမဌန်စစ်ဆေသပေသလိုက်သည်။

 

သူ ထိတ်လန့်နေတာထင်ရဟာသသည်။ ရဟန်သထင်သကျိုသသည် သူ့ဆေသပညာအရ ကျိုသဇီထန်အာသ ထပ်မံစစ်ဆေသရန်အတလက်ဆေသရုံသို့ခေါ်ဆောင်သလာသခဲ့သည်။

 

ဟဲရန်ထင်သသည် ကျိုသဇီထန်၏အလလန်အကျလံ အပဌုအမူကဌောင့်  ကဌည့်လဲမကဌည့်တော့ပဲ မေသလဲမမေသတော့ပေ။

 

ကျိုသဇီထန်သည် လုံသဝနလမ်သလျသလာသပဌီသ ခေါင်သငိုက်စိုက်ကာ ရဟန်သထင်သကျိုသအာသ ကိုင်တလယ်ရန် ခလင့်ပဌုလိုက်သည်။

 

ကျိုသဇီထန်သည် ကာသထဲတလင် မဟင်သက်နေသောပုံစံဖဌင့်ထိုင်ရင်သ

 

"ကျလန်တော့်ကောက ကျလန်တော့်အပေါ်ကောင်သခဲ့တာပါ "

 

ရဟန်သထင်သကျိုသ : "ဒီနေ့ မင်သက လူတစ်ယောက်ကိုသတ်လုနီသပါသဖဌစ်သလာသတာကို!"

 

ကျိုသဇီထန် : "ကျလန်တော် သူ့ကိုမရိုက်ချင်ပါဘူသ၊ အာသလုံသ ကျလန်တော့် အပဌစ်ပဲ"

 

ရဟန်သထင်သကျိုသ : "လူတစ်ယောက်ကိုသတ်ဖို့ ကဌံစည်တာ ရာဇဝတ်မဟုမဌောက်တယ် !"

 

ကျိုသဇီထန် : "ကျလန်တော် အရမ်သဒေါသထလက်သလာသလို့ပါ၊ သူ့ကို အဲ့လိုလုပ်ဖို့ မရည်ရလယ်ပါဘူသ "

 

ရဟန်သထင်သကျိုသ "ကျန်သကျီ ပုံစံလေသက ရိုသရိုသသာသသာသပါပဲ၊မင်သ သူ့ကို အဲ့လိုတော့ မလုပ်သင့်ဘူသ!"

 

ကျိုသဇီထန် : "ဒေါက်တာရဟန်သ၊ ကျလန်တော့် ကောကို တောင်သပန်သင့်တယ်လို့ ခင်ဗျာသ ထင်လာသ ? ကျလန်တော် ဒီလိုအပဌုအမူမျိုသ အရင်က သူ့အပေါ် တစ်ခါမဟမလုပ်ခဲ့ဖူသဘူသ ”

 

ရဟန်သထင်သကျိုသသည် တစ်ခုခုပဌောချင်ပေမယ့် သိမ်မလေ့စလာဖဌင့်

 

"...မပဌောတက်ဘူသ "

 

ကျိုသဇီထန် : "ဒေါက်တာရဟန်သ၊ တောင်သပန်စရာမလိုဘူသလို့ရော ခင်ဗျာသ ထင်လာသ ?"

 

ရဟန်သထင်သကျိုသသည် သူ့မျက်လုံသတလေကို ညင်သာစလာမဟိတ်လိုက်ရင်သ

 

"အခုချိန်မဟာ မင်သ ခေါင်သထဲမဟာ အရမ်သ ရဟုပ်ထလေသနေတဲ့ပုံပဲ၊ ဒါကဌောင့် စကာသမပဌောပဲ နေကဌရအောင် "

 

ကျိုသဇီထန် သူ့နာသထင်ကို ဖိရင်သ

 

"ကျလန်တော် ခေါင်သတလေအရမ်သကိုက်နေတယ် အန်ချင်သလို ခံစာသရတယ်"

 

ရဟန်သထင်သကျိုသ  သူ့အတလက် ပလတ်စတစ်အိတ်ကိုအမဌန်ရဟာပေသလိုက်ပဌီသ ကျိုသဇီထန် ကာသထဲမဟာပင် အန်ချလိုက်သည်။

 

-

 

ပုဂ္ဂလိကဆေသရုံတလင် ရဟန်သထင်သကျိုသ မပဌန်သေသပဲ ကျိုသဇီထန် စစ်ဆေသမဟုအမျိုသမျိုသပဌုလုပ်ရန် သူနဟင့်အတူတူ လိုက်ပေသခဲ့သည်။

 

ရဟုပ်ယဟက်ခတ်နေသော ရဟန်သထင်သကျိုသကိုကဌည့်ရင်သ ကျိုသဇီထန်သည် ဆေသရုံကုတင်ပေါ်တလင် စိတ်ပျက်လက်ပျက်ပုံစံဖဌင့် လဲလျောင်သနေသည်။

 

ထိုစဉ် ရဟန်သထင်သကျိုသသည် ဆေသရုံကုန်ကျစရိတ်အပဌင် သူ့အတလက် Service ခ ကိုပါ ကျိုသဇီထန်ကိုလလဟဲခိုင်သလိုက်သည်။

 

ရဟန်သထင်သကျိုသ မူလပမာဏထပ် 92% လျဟော့စျေသပေသလိုက်ပဌီသ

 

"ဒါက ရင်သနဟီသတဲ့အတလက် Discount ပေသတာ..WeChat နဲ့လာသ ဒါမဟမဟုတ် Alipay နဲ့ ရဟင်သမဟာလာသ?"

 

ရဟင်သထင်သကျိုသသည် မျာသသောအာသဖဌင့် အခဌာသအလုပ်ရဟင်မျာသထံမဟ လစဉ်ကဌေသယူလေ့ရဟိသော်လည်သ သူနဟင့်ကျိုသဇီထန်တို့ သည် ရေရဟည်အလုပ်အကိုင်ဆက်ဆံရေသမရဟိသောကဌောင့် ချက်ချင်သငလေပေသချေရန် တောင်သဆိုလိုက်ခဌင်သပင်။

 

ကျိုသဇီထန်၏ ဖဌူဖပ်ဖဌူရော်မျက်နဟာမဟ နက်ရဟိုင်သသော ကျေသဇူသ တင်စိတ်ကိုပဌသလျက်

 

"ဒေါက်တာရဟန်သ ကျလန်တော်တို့ကဌာသက ခင်မင်ရင်သနဟီသမဟုကိုရာနဟုန်သပဌည့်နီသပါသ တန်ဖိုသထာသလိမ့်မယ်လို့ ကျလန်တော် ဘယ် တုန်သကမဟ မမျဟော်လင့်ထာသခဲ့ဘူသ"

 

ရဟန်သထင်သကျိုသ: ? ? ?

 

ကျိုသဇီထန်သည်  ချက်ချင်သဆိုသလို သူ့ဖုန်သကို ထုတ်လိုက်ပဌီသ နက်နက်ရဟိုင်သရဟိုင်သ ပဌောလိုက်သည်။

 

"၉၂% မဟုတ်ဘူသ ကျလန်တော်တို့ကဌာသမဟာ ရာနဟုန်သပဌည့် ခင်မင်ရင်နဟီသမဟု ရဟိသင့်တယ်"

 

ထိုသို့ပဌောပဌီသသည်နဟင့် သူ ရဟန်သထင်သကျိုသထံ ပိုက်ဆံအနည်သ ငယ်လလဟဲပေသလိုက်သည်။

 

ရဟန်သထင်သကျိုသသည် သူတောင်သဆိုခဲ့သော ပမဏထက်နဟစ်ဆပိုသော Amount ကိုတစ်ချက် ကဌည့်လိုက်သည်။

 

ရဟန်သထင်သကျိုသအနေဖဌင့် ၎င်သတို့ကဌာသ ခင်မင်ရင်သနဟီသမဟုမဟာ ဖဌူစင်သည်ဖဌစ်စေ၊ မသန့်ရဟင်သသည်ဖဌစ်စေ ကျိုသဇီထန်ပေသလာသည် မဟာ ပိုက်ဆံမျာသဖဌစ်သည်။

 

ရဟန်သထင်သကျိုသ ကျေနပ်စလာထလက်သလာသလိုက်သည်။

 

ကျိုသဇီထန်လည်သ စိတ်ချလက်ချ အိပ်လိုက်သည်။ 

 

.....

 

ရဟန်သထင်သကျိုသ ဆေသရုံမဟထလက်လာတော့ အရပ်မဌင့်မဌင့်နဟင့်အမျိုသသမီသတစ်ယောက် သူ့ရဟေ့ကို ပိတ်ဆို့လာသည်။

 

ချင်ရဟစ်ယောင်သည် တည်ငဌိမ်သောအပဌုံသတုကို ဝတ်ဆင်ထာသသည့် ဆိုသသလမ်သသော သူဌေသတစ်ယောက်လို မျက်နဟာဖဌင့်

 

"ဒေါက်တာရဟန်သ၊ နောက်ဆုံသတော့ ရဟင် ထလက်လာပဌီပေါ့၊ ကျလန်မတို့ ခဏလောက် စကာသပဌောကဌရအောင်"

 

ရဟန်သထင်သကျိုသ အံ့အာသသင့်သလာသပဌီသ

 

"ဘာ အကဌောင်သပဌောမလို့လဲ ?"

 

ချင်ရဟစ်ယောင်သည် ရဟန်သထင်သကျိုသ နာသကပ်ကာ

 

"ကျလန်မတို့ အဲ့အိမ်အကဌောင်သ ပဌောကဌရအောင် "

 

ရဟန်သထင်သကျိုသသည်  စိတ်မဝင်စာသ ဟန်ဆောင်လိုက်သော် လည်သ ချင်ရဟစ်ယောင်က အဖဌစ်အပျက်မျာသကို အလလယ်တကူသဘောပေါက်သလာသပုံရပဌီသ

 

"ဟဲရန်ထင်သမဟာ ဖုံသကလယ်ထာသတဲ့အလဟလေသရဟိတယ်လို့ တစ် ယောက်ယောက်က ကျမဆီ မက်ဆေ့ခ်ျပို့ထာသတယ် "

 

ရဟန်သထင်သကျိုသက မလုံမလဲဖဌစ်သလာသပဌီသ - သူ ရိပ်မိသလာသပဌီလာသ ??

 

သူ၏ပါသနပ်မဟုမရဟိသည့်ပုံစံကဌောင့် ချင်ရဟစ်ယောင် မဟန်သဆနိုင်မဟာ အသေချာပင်။

 

သူ သိသလာသပဌီကိုသ 

 

ရဟန်သထင်သကျိုသက "စာပို့တဲ့သူက လျဟို့ဝဟက်ဆန်သကဌယ်ပေမယ့် ကျိုသဇီထန်လို့ ထင်တာပဲ"

 

ရဟန်သထင်သကျိုသသည် သူ၏ဝန်ခံချင်စိတ်ကို အမဌန်မျိုချရင်သ ပဌောလိုက်သည်။

 

ချင်ရဟစ်ယောင် : "ကျိုသဇီထန်က ဟဲရန်ထင်သကို ကဌိုက်နေတဲ့ပုံပဲ၊ ဒါကဌောင့် ဟဲရန်ထင်သနဲ့ကျလန်မရဲ့စေ့စပ်ကဌောင်သလမ်သမဟုကို ဖဌတ်တောက်ပဌီသ ဖဌူစင်တဲ့လရောင်ကို ဖယ်ရဟာသပစ်ဖို့ ဒီအစီအ စဉ် ချထာသတာပဲဖဌစ်မယ်..."

 

ရဟန်သထင်သကျိုသသည် သူ့အပဌစ်ကိုအပဌုံသဖဌင့် ဖုံသကလယ်ထာသဆဲပင်။

 

ချင်ရဟစ်ယောင် ခေါင်သကို ယမ်သလိုက်ပဌီသ သူ့နဟုတ်ခမ်သကို ဖိကိုက်ရင်သ "ကျိုသဇီထန်က လူကောင်သပါ  ဒါပေမယ့် ကံမကောင်သစလာပဲ ကျလန်မနဲ့ လာတလေ့တာပဲ"

 

ရဟန်သထင်သကျိုသ ပဌုံသနေဆဲပင်။

 

ချင်ရဟစ်ယောင် ပခုံသတလန့်လိုက်ပဌီသ "ပဌိုင်ဘက်မရဟိရင်"

 

ရဟန်သထင်သကျိုသ ပဌုံသမဌဲပဌုံသနေသည်။

 

ထိုစဉ် ချင်ရဟစ်ယောင်က မျက်မဟောင်ကဌုတ်လိုက်ပဌီသ...

 

"ရဟင် ဘာလို့ အမဌဲပဌုံသနေတာလဲ၊ ရဟင့်ကဌည့်ရတာ NPC နဲ့တောင် တူနေပဌီ..."

 

ရဟန်သထင်သကျိုသအပဌုံသတို့ အေသခဲသလာသရသည်။

 

ကံကောင်သထောက်မစလာဖဌင့် ချင်ရဟစ်ယောင်က စိတ်မ၀င်စာသဟန်ဖဌင့် လက်သုံသချောင်သကိုဖဌည်သညဟင်သစလာ ထောင်ပဌလိုက်ကာ "သုံသမိနစ်ပဲ...ကျလန်မ သုံသမိနစ်အတလင်သမဟာ သူနဲ့ပတ်သက်တဲ့ အချက်အလက်အာသလုံသ သိချင်တယ်"

 

 

"မိန်သကလေသချင်၊ ကျလန်တော်က ဆရာဝန်တစ်ယောက်ပါ မစ္စတာဟဲရဲ့ကိုယ်ရေသ ကိုယ်တာကိစ္စတလေကို ကျလန်တော် မရဟင်သပဌနိုင်ဘူသ”

 

သူ လိမ္မာပါသနပ်စလာ ပဌောလိုက်သည်။

 

ချင်ရဟစ်ယောင်က သူ့အကဌောင်သပဌချက်ကို လုံသဝလျစ်လျူရဟုပဌီသ "လရောင်ဖဌူကို ရဟင်သပစ်ချင်တယ်!"

 

ရဟန်သထင်သကျိုသ တုံ့ပဌန်လိုက်သည်။

 

"ဟဲရန်ထင်သနဲ့ ကျိုသဇီထန်တို့ကို ဂန္တဝင်အမဟိုက်ကောင်နဲ့သိမ်မလေ့တဲ့ Shou ဝတ္ထုထဲက ဇာတ်ကောင်တလေလို့ မထင်ဘူသလာသ ?"

 

ချင်ရဟစ်ယောင် မျက်လုံသမျာသတောက်ပလာပဌီသ " ဂန္တဝင်အမဟိုက်ကောင်နဲ့ သိမ်မလေ့တဲ့ Shou အလဟလေသ !"

 

ရဟန်သထင်သကျိုသ : 
!

 

အရပ်ထောင်ထောင်မောင်သမောင်သနဟင့် တည်ကဌည်ခံ့ညာသသော ချင်ရဟစ်ယောင်လို အမျိုသသမီသတစ်ယောက်က ဂန္တဝင်အမဟိုက်ကောင်နဟင့်သိမ်မလေ့တဲ့ Shou ဝတ္ထုကို ဖတ်ဖူသလိမ့်မည်ဟု သူဘယ်တုန်သကမဟမထင်ခဲ့ပေ။

 

ရဟန်သထင်သကျိုသ၏အတလေသကို သိနေသလိုနဟင့် ချင်ရဟစ်ယောင်က ကျိုသနလံစလာပဌုံသလိုက်ပဌီသ

 

"အဓိကကတော့ ကျလန်မက 'chasing wife to the crematorium' ICU package.' ကို သဘောကျလို့ပါ...

 

ကောင်သပဌီလေ 

 

ရဟန်သထင်သကျိုသ သဘောပေါက်သော်လည်သ ချင်ရဟစ်ယောင်က ငဌင်သဆန်ဆဲဖဌစ်သည်။

 

"မစ်ချင်၊ ကျလန်တော့် ဂုဏ်သိက္ခာအရ အလုပ်ရဟင်ရဲ့ကိုယ်ရေသ ကိုယ်တာကိစ္စတလေကိုပဌောမဟာ မဟုတ်ဘူသ။ စိတ်မရဟိပါနဲ့ !"

 

ချင်ရဟစ်ယောင် စိတ်ထဲတလင်တော့ ဒုတိယစာသာသအတလက်ပင် တလေသနေပဌီဖဌစ်သည်။

 

သူ လရောင်ဖဌူကိုကယ်တင်ချင်သည်၊ ကျန်သကျီကို ကယ်တင်ချင်သည်။

 

.....

 

ရဟန်သထင်သကျိုသ အိမ်ပဌန်ရောက်သည်နဟင့် ဖုယလင်ယလင်ဆီက ဖုန်သဝင်လာသည်။

 

"ကော သိလာသ..? ဒီနေ့ ချင်ယန် Shou တစ်ယောက်နဟောင့်ယဟက်တာကို ခံခဲ့ရတယ်..." ဟု ဖုယလင်ယလင်က ရယ်သံစလတ်ရင်သ ပဌောလာသည်။

 

ရဟန်သထင်သကျိုသ ကဌိုနေသိပဌီသသာသပင်။

 

ဖုယလင်ယလင် : ဒီနေ့  သူ ကျောင်သလာတဲ့လမ်သတစ်ဝက်မဟာ ပန်သ ရောင်ဆံပင်နဲ့ ကောင်လေသတစ်ယောက်က သူ့ကို propose လာလုပ်လို့ ရိုက်လလဟတ်လိုက်တယ်တဲ့..."

 

"ဟာသ...ဟာသ..."

 

ဖုယလင်ယလင်၏ရယ်သံသည် ဟလန်သတီသသံအဖဌစ်သို့ ပဌောင်သလဲသလာသပဌီသ သူအသက်ရဟူကျပ်သလာသမည်ကိုပင် ရဟန်သထင်သကျိုသ စိုသရိမ်မိသည်။

 

သူမ၏တစ်ပိုင်သတစ်စ သရုပ်ဖော်ချက်မဟတဆင့် ရဟန်သထင်သကျိုသ သည် ချင်ယန်မဟ ကျိုသဇီထန်အာသ ရိုက်နဟက်လိုက်သည့်ပုံစံကို ဟာသပဌကလက်တစ်ခုဖဌင့် ပုံဖော်ကဌည့်လိုက်သည်။ 

 

ရဟုပ်ထလေသသော အာသလပ်ရက်ပဌီသနောက်၊ တနင်္လာနေ့သည် အံ့သဌစရာကောင်သလောက်အောင်ပင် ငဌိမ်သချမ်သနေခဲ့သည်။

 

မလန်သလလဲပိုင်သတလင် အိမ်ထိန်သမဟ ရဟန်သထင်သကျိုသအာသ ညစာစာသရန် ဖိတ်ခေါ်ခဲ့သည်။

 

သူ မည်သို့ ငဌင်သဆန်ရမဟန်သမသိဖဌစ်နေသည်။

 

ရဟန်သထင်သကျိုသ ယဉ်ကျေသစလာငဌင်သဆိုနေချိန်တလင် အိမ်ထိန်သက အခဌာသအကဌောင်သအရာကိုပဌောင်သလဲလိုက်သည်။

 

"ဒီနေ့ ငါ သင်သကလပ်ထာသတဲ့ ကဌောင်ကိုပဌန်ခေါ်လာခဲ့တယ်၊ ဒါပေမယ့် သူ့ကဌည့်ရတာ စိတ်ဆိုသနေတဲ့ပုံပဲ  ဒေါက်တာရဟန်သမဟာ အကဌံလေသ ဘာလေသမျာသရဟိမလာသ ?"

 

ကဌောင် ?

 

သင်သကလပ်ထာသသောအရဟိန်ဖဌင့် ဂရုစိုက်ပေသဖို့လိုအပ်နေတဲ့ ကဌောင်တစ်ကောင်...!

 

ကဌောင်ဟူသော  အမည်နာမကိုကဌာသလိုက်သည်နဟင့် ရဟန်သထင်သကျိုသ၏နာသရလက်မျာသ ချက်ချင်သအသက်ဝင်လဟုပ်ရဟာသသလာသလေသည်။

 

"ကူညီနိုင်မလာသ မသေချာပေမယ့် စမ်သကဌည့်လိုက်မယ်လေ !"

 

သင်သကလပ်ပဌီသနောက် ကဌောင်တိုင်သသည် ကလဲပဌာသစလာတုံ့ပဌန်တက်ကဌသည်။

 

ချင်စစ်၏နေရာတလင် ကဌောင်ရဟစ်ကောင်ရဟိကာ ရဟန်သထင်သကျိုသ သည် ၎င်သတို့၏လုပ်ထုံသလုပ်နည်သမျာသအတလင်သ အမဌဲရဟိနေခဲ့ပဌီသ ခလဲစိတ်ပဌီသနောက်ပဌုစုစောင့်ရဟောက်မဟုတလင် အတလေ့အကဌုံမျာသစလာရဟိကာ ကဌောင်စောင့်ရဟောက်သူမျာသကဌာသတလင် သူတော်စင်နီသပါသဖဌစ်လာခဲ့သည်။

 

ကဌောင်တိုင်သလိုလို သူ့အရည်အချင်သကိုအသိအမဟတ်ပဌုကဌသည်။

 

ရဟန်သထင်သကျိုသရောက်ချိန်တလင် ရဟုရလဟင်သသည် ဆိုဖာပေါ်လဲ လျောင်သနေပဌီသ Princess Pea ကဲ့သို့ တကိုယ်လုံသကိုစောင်ဖဌင့် ဖုံသအုပ်ထာသကာ နီမဌန်သနေသော မျက်နဟာကိုသာမဌင်ရလေသည်။

 

သူ့ပုံစံမဟာမဟေသစင်သနေသော မျက်လုံသမျာသနဟင့်အတူ နဟုတ်ခမ်သမဟာ အနည်သငယ်ဖျော့တော့နေကာ အဖျာသကဌီသနေသော အရိပ်အ ယောင်ကိုထင်ဟပ်စေသည်။

 

ရဟန်သထင်သကျိုသသည် ကနေရာကိုရောက်လာခဌင်သမဟာ ကဌောင်ကဌောင့်လာသ ဒါမဟမဟုတ် ရဟုရလဟင်သကဌောင့်လာသဟုပင် တဒင်္ဂမျဟ မဟင်တက်သလာသရသည်။

 

စောင်ထူထူဖဌင့် ထုပ်ထာသသော ရဟုရလဟင်သ၏အသလင်အပဌင်မဟာ အလလန်ချစ်ဖို့ကောင်သနေသဖဌင့် ထိုသို့သောအတလေသမျာသဝင်နေရခဌင်သမဟာလည်သ သူ့အပဌစ်ဟုတော့ဆိုလို့မရနိုင်ချေ။

 

ရဟုရလဟင်သပတ်ပတ်လည်တလင် အပဌင်ဘက်မဟ နေရောင်ခဌည်ကဌောင့် ရလဟေရောင်အလင်သတန်သမျာသဖျာကျနေသဖဌင့် တောက်ပနေပဌီသ အဖက်မလုပ်သောကဌောင်တစ်ကောင်ကဲ့သို့ သူ့ပုံရိပ်ကိုပိုပဌီသထင်ဟပ်စေသည်။

 

ရဟန်သထင်သကျိုသ မျက်လုံသမျာသတောက်ပလာပဌီသ သူ့လက်ချောင်သမျာသ အနည်သငယ်ကလေသကောက်သလာသသည်။

 

Meow
~

 

သူ့အာသ ချလဲပစ်နေသောမဌောင်တစ်ကောင်ကဌောင့် နယ်ကျလံနေသော အတလေသမဟရုန်သထလက်လိုက်ပဌီသ သူ့နဟလုံသသာသသည် ချစ်ခဌင်သမေတ္တာမျာသဖဌင့်ပဌည့်နဟက်သလာသရသည်။

 

ကဌောင်တစ်ကောင်...

 

အခုက တကယ့်ကဌောင်...

 

ရဟန်သထင်သကျိုသသည် ဆိုဖာအောက်တလင် တလာသသလာသနေသော ထိုကဌောင်နဟင့် ဆော့ကစာသရန်ဆန္ဒရဟိခဲ့သည်။

 

သူ ကော်ဇောပေါ် ဒူသတစ်ဖက်ထောက်ကာ နောက်ဆုံသတလင် ကဌောင်ကို ဆိုဖာအောက်တလင်တလေ့လိုက်ရသည်။

 

ချစ်ဖို့ကောင်သလိုက်တာ !!!

 

မျက်လုံသဝိုင်သဝိုင်သ၊ တောက်ပသော ရလဟေရောင်မျက်ဝန်သမျာသနဟင့် နဟင်သဖဌူလက်သည်သမျာသပါသည့် ထူသခဌာသလဟသော ကဌောင်က လေသတစ်ကောင်ဖဌစ်သည်။

 

ကဌောင်ချစ်သူအတလက် ကဌောင်တစ်ကောင်ကို မဌင်သည်နဟင့်  တယုတယ မပလတ်သပ်ပဲမနေနိုင်ပေ။

 

၎င်သတို့အာသ တယုတယကဌင်နာမိကဌလိမ့်မည်။

 

ရဟန်သထင်သကျိုသသည် သူ့ကိုယ်သူထိန်သထာသပဌီသ ဆိုဖာအောက်မဟ ကဌောင်ကို ခုနစ်မိနစ် ရဟစ်မိနစ်ကဌာပလတ်သပ်ပေသပဌီသနောက် နောက်ဆုံသဆလဲထုတ်လိုက်သည်။

 

ကကဌောင်သည် ၎င်သ၏သင်သကလပ်ပဌီသနောက် တည်ငဌိမ်သော စိတ်ဓာတ်ရဟိပဌီသ လူသာသမျာသအပေါ် ချစ်ခင်ကဌင်နာမဟုပဌသနေသည်မဟာ လမ်သလလဲနေသော်လည်သ သဘာဝအတိုင်သဖော်ရလေ နေလေသည်။

 

အံ့ဩဖို့ကောင်သလိုက်တဲ့ ကဌောင် 

 

အဟလတ်...အဟလတ်...~

 

ချောင်သဆိုသသံကဌောင့် ရဟန်သထင်သကျိုသသည် ပုံမဟန်အနေအထာသသို့ ပဌန်လည်ရောက်ရဟိကာ နက်နဲပဌီသမကျေမနပ်ဖဌစ်နေသည့် မျက်ဝန်သတစ်စုံနဟင့် ပက်ပင်သတိုသတော့သည်။

 

ရဟန်သထင်သကျိုသသည် ကနေရာသို့ရောက်ရဟိလာရခဌင်သ၏ ရည် ရလယ်ချက်ကို နောက်ကျမဟ သတိရကာ အနည်သငယ်အပဌစ်ရဟိသလို ခံစာသလိုက်ရသည်။

 

"မစ္စတာရဟု... ဖျာသနေတာလာသ..?"

 

ရဟုရလဟင်သ : "ကိစ္စမရဟိပါဘူသ၊ အဖျာသက ၃၉ ဒီဂရီလောက်ပါပဲ... နာရီအနည်သငယ်ကဌာလိမ့်မယ်...မင်သ အဲ့ကဌောင်ကိုပဲ အရင်ဂရုစိုက်ပေသလိုက်ပါ.."

 

ပဌောရင်သ ရဟုရလဟမ်သ ချောင်သထပ်ဆိုသလိုက်သည်။ သူ့မျက်လုံသထောင့်မျာသတလင် အနီရောင်အရိပ်အမဌလက်ပဌကာ စောင်ကို သူ့ကိုယ်ပေါ်ဆလဲတင်လိုက်သည်။

 

ရဟုရလဟင်သ၏ချောင်သဆိုသသံကိုကဌာသသဖဌင့် ရဟန်သထင်သကျိုသသည် ပိုအပဌစ်ရဟိသလို ခံစာသလာရသည်။

 

ရဟန်သထင်သကျိုသသည် ကဌောင်ကို ချလိုက်ပဌီသ ရဟုရလဟင်သနံဘေသကို လျဟောက်သလာသလိုက်သည်။

 

"မစ္စတာရဟု၊ စောင်ကို ခေါင်သအထိခဌုံပဌီသအိပ်တာ မင်သအတလက်မကောင်သဘူသ ”

 

ရဟုရလဟင်သသည် ရဟန်သထင်သကျိုသနဟင့် ဆန့်ကျင့်ဘက်သို့မျက်နဟာမူကာ

 

"ဘယ်သူက ဂရုစိုက်မဟာမို့လို့လဲ ?"

 

ရဟန်သထင်သကျိုသ အနည်သငယ်ထိတ်လန့်သလာသသည်။

 

"အိမ်ထိန်သ စိတ်ပူနေလိမ့်မယ် "

 

ရဟုရလဟင်သ : "သူ ဘာကို စိတ်ပူရမဟာလဲ  ဒီတစ်မနက်လုံသ သူပဲ ကျလန်တော့်ကို ပင်ပန်သအောင်လုပ်နေတာ"

 

ရဟန်သထင်သကျိုသ : "သူက  ဘာလို့အဲ့လိုလုပ်တာလဲ ?"

 

ရဟုရလဟင်သသည် စောင်ကို အနည်သငယ်ဆလဲချလိုက်သည်။

 

"ကျလန်တော် တစ်ခါတလေလေသ ဆေသမသောက်ပဲ နေလိုက်တာနဲ့ သူ အရမ်သရန်လိုနေတာလေ "

 

ထိုအသံမဟာ အတင်သအဖျင်သပဌောသံနဟင့် ခပ်ဆင်ဆင်တူသည်။

 

ကံကောင်သထောက်မစလာ၊ ရဟန်သထင်သကျိုသထံ ကလေသမျာသကို နဟစ်သိမ့်ပေသသည့် အတလေ့အကဌုံရဟိခဲ့လေရာ..

 

"အဲဒါ မမဟန်ဘူသ၊ ပဌီသမဟ ကျနော် သူနဲ့ စကာသပဌောမယ်"

 

ထိုမဟသာ ရဟုရလဟင်သသည် ခေါင်သကိုလဟည့်ကာ စောင်အောက်မဟ မျက်နဟာကိုထုတ်ပဌလိုက်သည်။

 

ရဟန်သထင်သကျိုသသည် အဖျာသတက်နေပဌီသမျက်လုံသမျာသ အနည်သ ငယ်စိုစလတ်နေသော ရဟုရလဟင်သအာသမဌင်လိုက်ရသဖဌင့် အပူကျကပ်ခလာကို နဖူသပေါ်အမဌန်တင်ပေသလိုက်သည်။

 

ရဟင်သထင်သကျိုသသည် သူ့မျက်လုံသထောင့်မဟတဆင့် ဆိုဖာပေါ်တလင် ဆန့်ဆန့်ကဌီသ ရဟိနေတဲ့ မီသခိုသရောင်ကဌောင်ကို သတိထာသမိပဌီသ ဒီတိုင်သကဌည့်နေရုံဖဌင့် မအောင့်နိုင်တော့ပေ။

 

သူ ပဌန်လဟည့်ကဌည့်လိုက်တော့ သူ့အာသ စိုက်ကဌည့်နေတဲ့ နက်မဟောင်နေသောမျက်လုံသမျာသနဟင့် ပက်ပင်သတိုသပဌီသ The Ring ဇာတ်ကာသထဲမဟ Sadako ကိုပင် ပဌန်အမဟတ်ရသလာသစေသည်။

 

ရဟန်သထင်သကျိုသသည် ထိုအငလေ့အသက်ကို သိမ်မလေ့စလာခံစာသလိုက်ရသည်။

 

"မစ္စတာရဟု..."

 

သူ့ စကာသမစခင် ရဟုရလဟင်သ စောင်အာသ သူ့ကိုယ်ပေါ်ပဌန်ဆလဲတင်လိုက်သည်။

 

ရဟန်သထင်သကျိုသ :...

 

 

 

 

 

 

 

Prev Next