ကျန့်ဝေ: "လူတိုင်း ကိုယ့်ဆုံးဖြတ်ချက်နဲ့ကိုယ် လုပ်သင့်တယ်၊ ငါအစွမ်းကုန် ကြိုးစားခဲ့ပြီးပြီ...ငါစောစောစီးစီး ခေါင်းပြူထွက်လာတာကြောင့် ငါ့ရဲ့လုပ်ဖော်ကိုင်ဖက် ကျွမ်းကျင်ကစားသမားတွေ ငါ့ကို သက်သာပေးပါ၊ ငါ့ကို နောက်ကွယ်ကနေ မဖျက်ဆီးပါနဲ့၊ ဟုတ်ပြီလား...နံပါတ် ၉ က ဝံပုလွေပါ၊ ကျန်တာတော့ လူတိုင်းစောင့်ကြည့်ပြီး မြင်ရမှာပေါ့"

မျက်နှာပြင်ပြင်ပ၌...

တံခါးစောင့်သည် စားပွဲပေါ်ရှိ စာအုပ်ကို ပြန်လှန်လှောကြည့်လိုက်သည်။ ထိုလူတွေ စကားစပြောတဲ့အချိန်ကတည်းက သူစကားပြောသည့် လူတိုင်းအတွက် စာအုပ်ကို လှန်လှောကြည့်နေခဲ့၏။

ယီဝေ ဖုန်းဖြေလိုက်သည်။ အခြားတစ်ဖက်ကလူကို တုံ့ပြန်ရင်း ယီဝေက အံ့သြစွာ မေးလိုက်၏။

"ငါ့ကိုခေါ်တာ ဘာအသုံးဝင်လို့လဲ"

"ရွေးချယ်စရာမရှိဘူး"

ယီဝေက ပြင်းပြင်းထန်ထန် ပြန်ဖြေသည်။

"ကမ္ဘာကြီးက ဖျက်ဆီးခံရတော့မှာ...ကမ္ဘာကြီးပြိုလဲတဲ့အခါ ဘယ်သူမှ မင်းကို အပြစ်ပေးခံရလား မခံရဘူးလားဆိုတာ ဂရုစိုက်မှာမဟုတ်ဘူး"

တံခါးစောင့်သည် သူခိုးနားထောင်နေရင်း တိတ်တဆိတ် နားစွင့်လိုက်သည်။

ယီဝေ ထရပ်လိုက်၏။

"မင်း ခေါင်းဆောင်ကို သွားရှာလို့ရတယ်... သူ မင်းကို အာရုံစိုက်ချင်စရာ ကောင်းတယ်၊ မင်း ငါ့ဆီလာတယ်လို့ မပြောနဲ့... ငါတို့ နှစ်ရက်လောက်က အကြီးအကျယ် ရန်ဖြစ်ခဲ့ကြတာ၊ ဒါကြောင့် မင်း ငါ့ဆီလာတယ်လို့ ကြားရင် သူစိတ်ဆိုးနေလိမ့်မယ်"

"ငါဂရုမစိုက်ဘူး"

ယီဝေက နိဂုံးချုပ်သည်။

"ငါမစီမံနိုင်တာ မဟုတ်ဘူး၊ ငါမလုပ်ချင်ရုံပဲ၊ ငါပျင်းတယ်...နောက်တစ်ခါ ငါ့ဆီမလာနဲ့"

ထို့နောက် သူ ဖုန်းချလိုက်၏။

တံခါးစောင့်က မေးလိုက်သည်။

"ဘယ်သူလဲ"

"မင်း သူတို့ကို မသိဘူး"

ယီဝေ ပြန်ထိုင်ပြီး မျက်နှာပြင်ကို ဆက်ကြည့်နေခဲ့သည်။ သူက ပေါ့ပေါ့ပါးပါး မှတ်ချက်ပေး၏။

"ဝေလငါးကြီးနဲ့ ကစားတာ များသွားပြီး အကုန်ဖျက်ဆီးပစ်လိုက်တာ၊ အခုချိန်ထိ မပြင်သေးဘူး၊ အပြစ်ပေးခံရမှာကို ကြောက်နေကြတာ"

တံခါးစောင့်: "...သူတို့ ဘယ်လိုကစားခဲ့တာလဲ"

"အင်း..."

ယီဝေ မျက်မှောင်ကြုတ်လိုက်သည်။

"သူတို့ အချက်ပြမှုနဲ့ ဝင်ရောက်စွက်ဖက်ပြီး မှားယွင်းတဲ့ အမိန့်တွေ ပေးခဲ့လို့ ဝေလငါးကြီးကို ရှုပ်ထွေးအောင် လုပ်ခဲ့တာ၊ မင်းဘာစဉ်းစားနေတာလဲ"

"ဘ-ဘာမှမဟုတ်ဘူး"

တံခါးစောင့်က အလျင်အမြန် ပြန်ဖြေသည်။

ထိုအချိန်မှာ နံပါတ် ၄ ၏ပြောချိန် ကုန်ဆုံးသွားပြီဖြစ်၏။ တံခါးစောင့်သည် ထိုအကြောင်းပြချက်နှင့်ခေါင်းစဉ်ကို အမြန်ရှောင်ပြီး မိုက်ခရိုဖုန်းထဲ ပြောလိုက်၏။

"ကစားသမား နံပါတ် ၅၊ ကျေးဇူးပြု၍ ပြောပါ"

နံပါတ် ၅ က ရှန့်ချန့်ယန် မနေ့ညက တွေ့ရှိခဲ့သော ဝံပုလွေပင်။ ဤလူနှစ်ယောက်သည် အရာအားလုံးကို အလုံးစုံမြင်နိုင်တဲ့ ရှုထောင့်ကနေ မြင်နေကြ၏။ ထို့ကြောင့် ရှန့်ချန့်ယန်သည် နံပါတ် ၅ က ဝံပုလွေဖြစ်ကြောင်း သိသည်ဆိုတာ သူတို့သိ၏။

ကစားသမား နံပါတ် ၅ သည် အရပ်ပုပြီး အသားမည်းမည်း ဝဖြိုးသော ကောင်လေးတစ်ဦးဖြစ်သည်။ သူသည် သန်မာပြီး ဝိုင်းစက်ကာ သူ၏ခေါင်းက မညီညာသော အာလူးနှင့် ဆင်တူသည်။ ပြုံးလိုက်ပြီး သူက

"ကစားသမား နံပါတ် ၅ က မသေချာဘူး၊ ဒါပေမဲ့ နံပါတ် ၄ က လိမ်နေတာ ဖြစ်နိုင်တယ်လို့ ငါထင်တယ်၊ သူက နတ်ဆရာလို့ ဟန်ဆောင်နေတဲ့ ဝံပုလွေတစ်ယောက်နဲ့တူတယ်၊ သူက နေ့ဘက်မှာ ရှင်းရှင်းလင်းလင်း စုံစမ်းစစ်ဆေးနေတဲ့ နတ်ဆရာပဲ၊ ဒါပေမဲ့ နံပါတ် ၄ က ဝံပုလွေမဟုတ်တာ ဖြစ်နိုင်တယ်၊ ငါကိုယ်တိုင်ကတော့ မင်းလူတိုင်းရဲ့ ကိုယ်ပိုင်လက္ခဏာတွေအတွက် သတင်းအချက်အလက်တွေ ရှာနေတယ်လို့ ထင်တယ်၊ နံပါတ် ၉ က သူ့ကိုယ်ပိုင်လက္ခဏာကို ဖုံးကွယ်မထားဘူးလို့ မင်းခံစားရတာ ဖြစ်နိုင်တယ်၊ ဒါကြောင့် မင်း သူ့ကိုယ်ပိုင်လက္ခဏာကို ရှာဖွေချင်တာလား"

ရှန့်ချန့်ယန်သည် အမြဲတမ်းလို ပျင်းရိနေဆဲပင်။ သူ့လက်ချောင်းများ စားပွဲပေါ်သို့ စတင်ပုတ်နေခြင်းမှလွဲ၍ပင်။

ဒါက သူစဉ်းစားနေသည်ဟူသည့် လက္ခဏာပင်။ ရှန့်ချန့်ယန်၏ မျက်လုံးထဲ၌ ဝံပုလွေတစ်ယောက်၏ ရှုထောင့်ကနေ ပွင့်ပွင့်လင်းလင်း မြင်ရသည်က အသုံးဝင်ဆုံးပင်ဖြစ်သည်။

နံပါတ် ၅: "မလိုအပ်ပါဘူး၊ အစ်ကိုကြီး... တကယ်ကို လိုအပ်တယ်လို့ ငါမထင်ဘူး၊ နံပါတ် ၉ ကို ကြည့်ပါဦး... ဒီချောမောတဲ့လူကြီးက သူ့ကိုယ်ပိုင်လက္ခဏာကို ဖော်ထုတ်ဖို့ လှုံ့ဆော်ခံရနိုင်မလား၊ မဖြစ်နိုင်ဘူး...ခဏနေရင် သူက ဇာတ်ကောင်နေရာကနေ ပြောင်းသွားလိမ့်မယ်၊ ငါ့ကို ယုံပါ"

ရှန့်ချန့်ယန်၏ ပါးစပ်မှ ရယ်သံ မသိစိတ်က ထွက်ပေါ်လာသည်။ သူ နံပါတ် ၅ ကို ခေါင်းညိတ်ပြလိုက်၏။

"ကြည့်ပါလား"

နံပါတ် ၅ က ရယ်မောလိုက်သည်။

"သူတောင် ငါမှန်တယ်လို့ ထင်နေတာ၊ သူ့ကို ကြည့်ပါ၊ ဝံပုလွေလို့ အမှတ်အသားခံထားရပေမယ့် သူ မင်းကို နည်းနည်းလေးမှတောင် ဂရုမစိုက်ဘူး...သူတံဆိပ်မရှိတာ မဖြစ်နိုင်ဘူးလား၊ နံပါတ် ၄၊ မင်း ရွေးကောက်ပွဲကနေ နုတ်ထွက်တာ ပိုကောင်းမယ်၊ ငါမင်းအတွက် စိတ်ပူနေသေးတယ်"

ဤလူ၏ ရယ်စရာကောင်းသော စကားပြောဟန်ကြောင့် လေထုက အနည်းငယ် ပေါ့ပါးသွားလေသည်။ လူလေးယောက်သာ စကားပြောပြီး‌သော်လည်း လူနှစ်ယောက်ကို ‘နတ်ဆရာ’ များက ဝံပုလွေဟု အမှတ်အသားပြုပြီးပြီဖြစ်သည်။ လူတိုင်းသည် ဒါကို သိပ်အာရုံမပြုမိသေးဘဲ ဒီသတင်းအချက်အလက် ပမာဏကို ခဏတာ လက်ခံနိုင်ခြင်း မရှိသေးဘူး။

"အစောပိုင်းမှာ ပြောခဲ့တဲ့သူတွေ"

နံပါတ် ၅ က ခဏတာ စဉ်းစားလိုက်သည်။

"နံပါတ် ၃ က ကောင်းတဲ့လူလို့ ငါခံစားရတယ်၊ ကျန်တာတော့ မသေချာဘူး၊ နံပါတ် ၂ က လူရူးလို့ ပြောထားတာ၊ ဒါပေမယ့် သူက လူရူးနဲ့မတူဘူး၊ သူ(မ)ရဲ့ ယုံကြည်မှုက မကိုက်ညီဘူး...ငါသာ သူ(မ)ဆိုရင် နံပါတ် ၁ ကိုလည်း ကျိန်းသေတွင်းထဲဆွဲထည့်မှာပဲ၊ ဒါပေမဲ့ ငါက လူရူးမဟုတ်ဘူး၊ ငါသူ(မ)ကို မဖော်ထုတ်နိုင်ဘူး၊ လူရူးဖြစ်တဲ့သူက လုပ်နိုင်တယ်"

"အမှန်အတိုင်းပြောရရင် ဒီ နတ်ဆရာနှစ်ယောက်လုံးကို ငါတကယ်မယုံဘူး...သူတို့နှစ်ယောက်လုံး တစ်ခုခုလစ်ဟင်းနေတယ်လို့ ငါခံစားရတယ်၊ နံပါတ် ၉ ဇာတ်‌ကောင်ပြောင်းလိုက်တာနဲ့ ငါထပ်စဉ်းစားမိလိမ့်မယ်...ဘယ်လိုပဲဖြစ်ဖြစ် ငါမဲပေးစရာမလိုဘူး... ရွေးကောက်ပွဲမှာ မပါဝင်တဲ့သူတွေကို ပြောခွင့်ပေးလိုက်ပါ၊ ငါနေ့တစ်ဝက်လောက် လျှောက်ပြောခဲ့တယ်၊ ဒီနံပါတ် ၄ အစ်ကိုက ရွေးကောက်ပွဲကနေ နုတ်ထွက်မသွားသေးဘူး၊ တော်တော်ခေါင်းမာတာ...တကယ်တော့ သူက နတ်ဆရာဖြစ်နိုင်တယ်၊ မင်းသာ နတ်ဆရာဆိုရင်တောင် ငါကိုယ်တိုင် သံသယကနေ ကင်းရှင်းအောင် လုပ်ရဦးမယ်၊ ဒါကြောင့် ဘာမှမမှားဘူး... ဘယ်လိုပဲဖြစ်ဖြစ် အခုချိန်မှာ မင်းကို နတ်ဆရာလို့ အသိအမှတ်ပြုချင်စိတ် မရှိဘူး၊ မင်းစကားထဲမှာ တစ်ခုခုလစ်ဟင်းနေတယ်...ဘာလဲဆိုတာ ငါလည်းမသေချာဘူး၊ ငါဒီလောက် မကျွမ်းကျင်ဘူး"

မျက်နှာပြင် ပြင်ပရှိ....

တံခါးစောင့်: "သူတော်တော်လေး ကောင်းကောင်းပြောသွားတာပဲ"

ယီဝေက သူ့အတွက် ဘာမှဂရုမစိုက်သလိုမျိုး ပြန်ဖြေသည်။

"သူအဆင်ပြေတယ်"

တံခါးစောင့်: "မင်း ရှန့်ချန့်ယန်ကို စောစောစီးစီး ပို့ချင်ခဲ့တယ်လို့ ငါကြားတယ်...သူဌေးထက်တောင် စောတယ်၊ မင်းသိပ်သိသာလွန်းတာပဲ၊ ရှန့်ချန့်ယန်ကတောင် မင်းကို ထိုးကြိတ်ခဲ့သေးတယ်"

ထိုအခါမှသာ ယီဝေ ရယ်မောလိုက်၏။ သူ့အပြုံးက အလျင်အမြန် ပေါ်လာပြီး ပျောက်ကွယ်သွားသည်။

"အဲဒီကိစ္စသာ မဟုတ်ခဲ့ရင် အခု တရားသူကြီးက ငါဖြစ်နေမှာ"

တံခါးစောင့်သည် မိုက်ခရိုဖုန်းကို ဆွဲချလိုက်၏။

"ကစားသမား နံပါတ် ၇၊ ကျေးဇူးပြု၍ ပြောပါ"

"ဒီကမ္ဘာကြီး ပြိုလဲတော့မှာ"

တံခါးစောင့်က ပေါ့ပေါ့ပါးပါး ပြောလိုက်သည်။

"ဒီကိစ္စတွေအားလုံးကို မင်းဘာလို့ ဒီလောက်ပူပန်နေတာလဲ"

ယီဝေက လှောင်ပြောင်သည့်သဘောဖြင့် ပြန်ပစ်လိုက်သည်။

"မင်းဘာသိလို့လဲ”

မျက်နှာပြင်ပေါ်တွင်...

ပထမဆုံးပြောသောသူအချို့ထဲမှ နှစ်ဦးပေါ်လာပြီး လူနှစ်ဦးကို ဝံပုလွေဟု တံဆိပ်ကပ်ခဲ့ကြသည်။ ကျန်ရှိနေသော သတင်းအချက်အလက်များစွာသည် နံပါတ် ၇ ကို မှင်တက်သွားစေ၏။

"ယုတ္တိရှိရှိပြောရရင် နံပါတ် ၄ ရဲ့ အထောက်အထားကို ဆုံးဖြတ်ဖို့ နံပါတ် ၉ ဆီက နားထောင်သင့်တယ်၊ အဲဒါက ဘယ်လိုလုပ်ရမလဲ၊ အဲဒါဆို ငါပြောစရာသိပ်မရှိဘူး... ငါခုမှစကစားတာ၊ ဘာမှသိပ်နားမလည်ဘူး"

"ငါ ဘယ်သူကောင်းလဲဆိုတာ ပြောလို့မရဘူး၊ ဒါပေမဲ့ နံပါတ် ၃ ကောင်မလေး က ကောင်းတဲ့လူတစ်ယောက်လိုပဲ၊ သူ့နာမည်မေ့သွားပြီ၊ သူ မိတ်ဆက်ခဲ့လား၊ အော်...မိတ်ဆက်ဖို့မေ့သွားတယ်၊ ငါ့နာမည်က စူးစူးပါ”

စူးစူးသည် အသားဖြူပြီး စကားထစ်တက်သော ကောင်လေးတစ်ယောက်ဖြစ်၏။ သူက ပြောလိုက်သည်။

"ဆရာနှစ်ယောက်ထဲက တစ်ယောက်ကို ရွေးရမယ်ဆိုရင် ဆုံးဖြတ်ချက်မချခင် နံပါတ် ၉ ကို နားထောင်ချင်တယ်၊ ဒီလောက်ပဲ...ကျော်မယ်"

🌟🌟🌟