Ch 119

အပိုင်း (119)

အနမ်းတစ်ပွင့်

Closeသည် Pro၏ အားသာချက်ကို အဆုံးသတ်လိုက်သည်။ မဟာမိစ္ဆာဘုရင်ကြီးက FTWကို ဆိုးရွားနေသော အနေအထားအတွင်းမှ တစ်ကြိမ်ထပ်ပြီး ဆွဲထုတ်ခဲ့လိုက်သည်။

ဝေ့ရှောင်းက အသက်ပြင်းပြင်း ရှူသည်။ သူ၏ တစ်ကိုယ်လုံး ထိတ်လန့်မှုများက ပြည့်နှက်နေသည်။

“အခွင့်အရေး”

ဒါက တကယ်ကို အံ့ဩဖို့ကောင်းတဲ့ အခွင့်အရေး။ ခေါင်းဆောင်က ဒီဓါးရှည်နဲ့ သူတစ်ယောက်တည်း အင်အားကို သုံးပြီး လူနှစ်ယောက်ကို ဆွဲချပြီးတာနဲ့ သူတို့အတွက် ဟာကွက်ကို ဖွင့်ပေးပြီးပြီ။

Proဘက်ခြမ်းမှ လူနှစ်ယောက်က သေသွားသည်။ သူတို့သည် ငါးယောက်သုံးယောက် ရင်ဆိုင်ရသော တိုက်ပွဲ ဖြစ်သွားသည်။ ထို့ကြောင့် သူကသာ ကင်ဆွန်းဟွန်းကို သတ်နိုင်သမျှ FTWကလည်း ဒီဂိမ်းပွဲကို အသုတ်တစ်သုတ်ထဲနှင့် အဆုံးသတ်နိုင်လောက်သည်။

နိုင်ချင်တယ်။ သူ တကယ်နိုင်ချင်တယ်။ နိုင်လည်း နိုင်ရမယ်။

သူ၏ခန္ဓာကိုယ်အတွင်းရှိ သွေးများက အပူတက်လာလေလေ ဝေ့ရှောင်းဟာ တည်ငြိမ်သွားလေလေ ဖြစ်သည်။ သူက မြေပုံ အသေးစားလေးကို ကြည့်လိုက်သည်။ ထိုနေရာနှင့် ပတ်သက်ပြီး သူ၏ဦးနှောက်အတွင်း ရှင်းလင်းပြတ်သားသော အကြံက ရှိနေပြီဖြစ်သည်။

ယွဲဝမ်လဲ့ကလဲ အောက်သို့ဆင်းလာသော လမ်းတွင် ဖြစ်သည်။ သူသည် အနည်းငယ် ဝေးနေသေး၏။ ထိုအတွက်ကြောင့် တစ်ဖက်သူများ စောင့်နိုင်မည့်အချိန်ကို မစောင့်နေနိုင်ပေ။

ရှောင်နင်ကမူ အားနေသဖြင့် position တန်းယူနိုင်သည်။

ခေါင်းဆောင်သည် သူ့ကိုယ်ပိုင်အားဖြင့် လူနှစ်ယောက်ကို သတ်သွားသော်လည်း ကောင်းမွန်သော အခြေအနေမျိုးတွင် မဟုတ်ချေ။ ထို့ကြောင့် သူ့အနေဖြင့် တိုက်ပွဲတွင် ဝင်ပါရန် ခက်ခဲလေသည်။

ဝေ့ရှောင်း၊ ပိုင်ချန်နှင့် နင်ကျယ်ဟန်တို့က ကင်ဆိုးဟွန်း၊လီဟယ်ယန်နှင့် ပတ်ကွေ့ကျစ်တို့ကို ရင်ဆိုင်ရသည်။

သူတို့ လုပ်နိုင်လား။

“သွား”

သူတို့လုပ်နိုင်လား မလုပ်နိုင်လားက အရေးမကြီးဘူး။ သူတို့ ရောက်နေတဲ့ နေရာမှာ ထိန်းထားဖို့ လိုအပ်တယ်။

FTWက ကစားသမား သုံးယောက်သေသွားခဲ့ရင်တောင်မှ နောက်ကလာနေတဲ့ ယွဲဝမ်လဲ့က killတွေကို တစ်ယောက်တည်း သိမ်းကြုံးယူပြီး လုပ်ဆောင်နိုင်စွမ်း ရှိနေအုံးမှာပဲ။ နောက်ပြီး ခေါင်းဆောင်လဲ ရှိသေးတယ်။

ခေါင်းဆောင်က ဆိုးရွားတဲ့အခြေအနေမှာ ရှိနေရင်တောင်မှ ကိစ္စကြီး မဟုတ်သေးဘူး။ သူက မှန်ကန်တဲ့ အခွင့်အရေးကို ရှာတွေ့တာနဲ့ ရန်သူကို သေသွားအောင် ထိုးသတ်နိုင်လိမ့်မယ်။

နင်ကျယ်ဟန်သည် တိမ်စိုင်ထဲတွင် မျောလွင်နေပြီ ဖြစ်သည်။ ဒီနည်းအားဖြင့် သူက ပတ်ကွေ့ကျစ်ထံ killတစ်စုံကို ကောက်ပေါက်ပစ်လိုက်သည်။

Pro၏ စဉ်းစားရေတွက်ပုံက အလွန်ရှင်းလင်းသည်။ ကင်ဆွန်းဟွန်းကို ကာကွယ်ရန်သာ ဖြစ်သည်။

ပတ်ကွေ့ကျစ်က junglarဖြစ်သည်။ သို့သော် သူ၏ဂီယာတစ်ဝက်က tank ဂီယာဖြစ်သည်။ ကိုယ်ပေါ်မှ သံချပ်ကာက သူ့အား လီဟယ်ယန်၏ အခြေပြု နတ်ဆရာထက် မနည်းသန်မာစေသည်။

လီဟယ်ယန်သည် သူအား ခုခံခြင်း အဆောင်ရုပ်တစ်ခုထက် အထောက်အပံ့ ပေးထားပြီး နင်ကျယ်ဟန်၏ damageက သွေးကို လေပေါ်သို့ မိုးစက်များအလား ခွဲကာကျသွားခြင်းအားဖြင့် မသိသာသော damageပမာဏကိုသာ cheating လုပ်စေသည်။

သို့ရာတွင် ရှောင်နင်သည် ပတ်ကွေ့ကျစ်ကို သတ်ရန် ကြိုးစားနေခြင်း မဟုတ်ချေ။ သူသည် ဒီအတိုင်း ကျားကို တောင်ထဲမှ မျှားထုတ်နေခြင်းသာ ဖြစ်သည်။

တိမ်စိုင်အတွင်း ပျံသန်းနေခဲ့သော အမတ မှော်ဆရာက Pro teamမှ လူသုံးယောက်၏ အာရုံကို လွှဲလိုက်ချိန်တွင် ပိုင်ချိုင်က အရိပ်သူခိုး၏ ကိုယ်ပေါ်သို့ buffတစ်သုတ်ကို ပစ်ထုတ်နေရင်း အော်လိုက်သည်။

“သူ့ကိုယူ”

ဝေ့ရှောင်းကလဲ စကားတစ်ခွန်းမှ မပြောချေ။ သူ၏အရိပ်သူခိုးနှင့် အတူတူ အရှိန်အဝါဟာ ရုတ်တရက် ပျောက်ကွယ် သွားပြီးသည်နှင့် သူဟာ Pro၏အနောက်ဘက်သို့ တိတ်တဆိတ် လျှောက်သွားပြီ ဖြစ်သည်။ သူ၏ သွေးနီရောင် ဓားသွားကလဲ လင်းလက်သွား၏။

119 02

ကင်ဆွန်းဟွန်းက အလွန်ပင် အထိမခံဖြစ်သည့်အလျှောက် အရိပ်သူခိုး၏ သဲလွန်စကို ချက်ချင်းလိုလို တွေ့သွားသည်။

“ကွန်း”

လီဟယ်ယန်၏ တုံ့ပြန်မှုက ပို၍ပင်မြန်သေးသည်။ သူသည် healing အဆောင်ရုပ်တစ်ရုပ်ကို ကောက်ထိုးလိုက်ပြီး ကင်ဆွန်းဟွန်း၏ ခန္ဓာကိုယ်ထဲသို့ သူ၏ဘေးဘက်ရှိ အရှိန်နှုန်း မြန်ဆန်ခြင်း အဆောင်ရုပ် တစ်ရုပ်ကို ထပ်မံ ထိုးထည့်ပေးလိုက်သည်။

နတ်ဆရာသည် လှုပ်ရှားမှုများဖြင့် စတင်ကာ ချိန်ဆက်ပြီးလေပြီ။ ထိုသို့ဖြင့် အလင်းစက်ကွင်းရှစ်ကွင်းက ကောင်းကင်နှင့် မြေပြင်ကို လွှမ်းမိုးလာသော အချိန်ဟာ ပေါက်ထွက်လာသော အခိုက်အတန့်တွင် စွမ်းအားတစ်ခုနှင့် အခြေပြု နတ်ဆရာတို့က အသားများသည့်တိုင်အောင် healတစ်ဝက် ကျသည်အထိ ထိုးဖောက်ခံလိုက်ရသည်။

ချိုင်ကော “nice”

ဒီdamageအဆင့်ကတော့ တော်တယ်။ ကင်ဆွန်းဟွန်းက သေမှာ။

လုဖုန်း “….”

FTWမှ လူသုံးယောက်လုံးက ကြောင်သွားသည်။ ဝေ့ရှောင်းကလဲ တစ်စုံတစ်ရာ မှားယွင်းနေကြောင်း သိလိုက်၏။

ချိုင်ကော “fuck သူ မသေဘူးလား”

ဝေ့ရှောင်း “ပြန်လည်ရှင်သန်ခြင်း အဆောင်ရုပ်”

အခြေပြု စွမ်းရည်သုံး နတ်ဆရာသည် သူ၏heal 80ခန့်ကို စတေးထားသည်။ ၀.၀၁စက္ကန့် ကွာဟချက်ကြောင့် သူသည် ပြန်လည် ရှင်သန်ခြင်း အဆောင်ရုပ်ကို ဖန်တီးလိုက်ပြီး ကင်ဆွန်းဟွန်း၏ကိုယ်ထဲသို့ ထိုးထည့်လိုက်ခြင်း ဖြစ်သည်။ ထိုအချိန်တွင် ကင်ဆွန်းဟွန်းက မလဲကျသေးပေ။ အခု…

ကင်ဆွန်းဟွန်းက သေရာမှ ပြန်ရှင်လာသည်။ ရွှေရောင်များက ထွက်လာသည်။ သို့သော် ပစ်မှတ်ကမူ ထိန်းချုပ်ခံထားရသော ဝေ့ရှောင်းမဟုတ်လေပဲ ဟိုးအဝေးမှ လုဖုန်းဖြစ်သည်။ သေဆုံးခြင်းသူရဲကောင်းက healတစ်ဝက်သာ ကျန်ရစ်တော့သည်။ ထိုအချိန်တွင် ရွှေရောင်များက မြေပုံတစ်ခုလုံးအနှံ့ ကျော်ဖြတ်၍ လာသည်။

ဝေ့ရှောင်း၏ ဦးနှောက်အတွင်းသို့ အေးစက်မှုများက အသားကုန် ထိုးဝင်သွားသည်။

နောက်တစ်စက္ကန်တွင် ရွှေမုဆိုး၏မြှားက အရိပ်သူခိုးကို ပစ်ခတ်လိုက်သည်။ ဝေ့ရှောင်က ခပ်မြန်မြန် လမ်းလျှောက်လိုက်သည်။ သို့သော် ကံဆိုးသည်မှာ သူသည် နှေးလွန်းနေသည်။ ရွှေရောင်များက ပိတ်လှောင်လိုက်သည်နှင့် သူက နောက်ဆုတ် လိုက်မည်ဆိုလျှင်ပင် တောက်လျှောက် လိုက်ပါလာမည် ဖြစ်သည်။

ထိုသို့ မြှားနှစ်စင်းဆက်တိုက် အပစ်ခံလိုက်ရသောအခါ အရိပ်သူခိုး၏ heal barက ရှင်းသွားသည်။

နောက်ဆုံးတစ်စက္ကန့်တွင် ဝေ့ရှောင်းက ပြန်လည်ရှင်သန်ခြင်း သံချပ်ကာကို ဖွင့်လိုက်သည်။ သူက စွမ်းအားတစ်ခိုး၏ ground stapက သူ၏ခြေထောက်အောက်သို့ ဆင်းတက်လာချိန်တွင် ထိုနေရာတွင် ရပ်လျက်သားဖြစ်သည်။ ဝေ့ရှောင်း၏ နှလုံးသားက ထိုးဖောက်ခံလိုက်ရသည်။ သူသည် သေချာထိန်းချုပ်ပြီး နောက်ပြန် ဆုတ်လိုက်သည်။ တောက်ပလွန်းသော မြှားအလင်းက သူ၏နှလုံးသားအတွင်း တိုက်ရိုက်ဝင်သွားသည်။

စနစ်၏ကြေငြာသံက ထွက်ပေါ်လာသည်။

Pro-succက FTW-quietကို သတ်လိုက်သည်။

ဝေ့ရှောင်းသည် ဖန်သားပြင်ကို မှင်သက်စွာ ကြည့်လေသည်။ သူ၏လက်က ချွေးစေးများ ရွှဲသွားသည်။

အရိပ်သူခိုးက မြေပြင်ပေါ်သို့ လဲကျသွားသည်။ ရွှေမုဆိုး၏ မြှားပစ်မှတ်က အမတ မှော်ဆရာ ဖြစ်သည်။ နင်ကျယ်ဟန်က မြှားနှစ်စင်းဖြင့် ဆွဲချခံလိုက်ရသည်။ ယွဲဝမ်လဲ့က အပြေးလာသည်။ ကံဆိုးသည်မှာ သူသည် အရာအားလုံးကို မရိတ်သိမ်းနိုင်ခဲ့ချေ။ အဲဒီအစား သူက ground stapကြောင့် လှည့်စားခံလိုက်ရလေပြီး ရွှေရောင်မုဆိုးအား ခေါင်းထိုးပေးရင်း အဆုံးသတ်သွားသည်။ စနစ်၏ကြေငြာချက်က တစ်ကြိမ်ပြီးတစ်ကြိမ် ထွက်ပေါ်လာသည်။

“Pro-succက penta killယူလိုက်ပြီ”

FTWက အရှင်းခံလိုက်ရသည်။

ဒါသည် ကမ္ဘာ့နံပါတ်လေးမှ ခွန်အားဖြစ်သည်။ doubleချန်ပီယံဂိမ်း၏ အခြေအနေ နားလည်မှုလည်း ပါသည်။ အထွတ်အထိပ် အခြေအနေတွင် ရှိနေသော ကင်ဆွန်းဟွန်းက ထိုသို့ဖြစ်ပြီး ပြိုင်ဘက်များကို လွှမ်းမိုးသောအခါ ကြောက်စရာကောင်းသော ဖိနှိပ်မှုမျိုးကို ထုတ်လွှတ်နိုင်သည်။

အရှုံး…

FTWချန်ပီယံရှစ် သလင်းတုံးက ပေါက်ကွဲသွားသည်။ သူတို့က ထိုပွဲတွင် ရှုံးသွားသည်။ ဝေ့ရှောင်းက ဖန်သားပြင်ကို သစ်သားရုပ်လို စိုက်ကြည့်နေသည်။ သူ၏ ချောမောသော မျက်လုံးများက ဦးတည်ရာမဲ့ ပျောက်သွားသည်။ ချိုင်ကောက esportကုလားထိုင် နောက်ကျောဘက်သို့ အားအင်ကုန်ဆုံးသွားသလို မှီလိုက်သည်။

119 03

နင်ကျယ်ဟန်နှင့် ယွဲဝမ်လဲ့တို့က မှင်သက်နေကြသည်။ နောက်ဆုံးတစ်သုတ် အခြေအနေကြောင့် ကြောင်အလျက် တစ်ဖက်အသင်း၏ Aceကိုသာ ကြည့်နေမိသည်။

သူတို့ ဘယ်လို လုပ်လိုက်တာလဲ။

သောက်ကျိုးနည်း သူတို့ ဘယ်လို လုပ်လိုက်ကြတာလဲ။

လီဟယ်ယန်က တစ်ချိန်တည်းနဲ့ အဆောင်ရုပ် ၇ခု၈ခုကို ပစ်လိုက်နိုင်တာလား။

နောက်ပြီး ကောင်းကောင်းဖွံ့ဖြိုးတိုးတက်ထားတဲ့ ကင်ဆွန်းဟွန်းက လုဖုန်းရဲ့နေရာကို ကွက်တိ ခန့်မှန်းနိုင်တာလား။ ဘယ်လိုမျိုးကြောင့်လဲ။

ထိုများသည် မြန်ဆန်လွန်းသည်။ သူကသာ လုဖုန်းကို မသတ်ခဲ့လျှင် မည်သူနိုင်မည်။ မည်သူရှုံးမည်ဖြစ်ကြောင်း ပြောရန်ခက်သည်။ ဝေ့ရှောင်းက သေရမည် ဖြစ်သည်။ ရှောင်နင်ကလဲ အသက်မရှင်နိုင်ပေ။ သို့တိုင်အောင် လုဖုန်းက ရှိနေသေးသမျှ ယွဲဝမ်လဲ့နှင့် ပိုင်ချန်ကို ထပ်သတ်ခြင်းအားဖြင့် သူတို့သည် 3v3ချနိုင်သည်။ သို့သော် ကင်ဆွန်းဟွန်း၏ ပြိုင်ဘက်ကင်းအကွက်က လုဖုန်းကို တိုက်ရိုက် ထိမှန်စေသည်။ FTWက လုံးဝ ရှုံးသွားသည်။

အောင်ပွဲခံ အော်ဟစ်အားပေးသံများက FTW၏ အဖွဲ့ဝင်များကို အသိပြန်ဝင်စေသည်။

ဝေ့ရှောင်းက မတ်တပ်ထရပ်လိုက်သောအခါ လုဖုန်း၏ အကြည့်ကို သတိထားမိသည်။ သူသည် လက်သီးကို ဆုပ်လျက် ခေါင်းကို ငုံ့ရင်း ထွက်လိုက်သည်။

ဝေ့ရှောင်းသည်လဲ သူတို့ မည်သို့ လက်ဆွဲနှုတ်ဆက်ခဲ့မှန်းပင် မသိတော့ပေ။ ထို့နောက် စင်အောက်သို့ ရောက်လာ၏။ သူသိသမျှက သူ၏ခန္ဓာကိုယ် တစ်ခုလုံးဟာ အေးစက်နေချိန် ဖြစ်သည်။ ထိုအချိန်တွင် သူဟာ ထိုင်ချလိုက်ပြီးဖြစ်သည်။ သူသည် အလွန်အမင်း ရင်နှီးကျွမ်းဝင်သော ခံစားချက်ကို ရလိုက်သည်။ လွန်ခဲ့သော နှစ်နှစ်ခန့်က အဖွားဖြစ်သူ ပြင်းပြင်းထန်ထန် ဖျားနာနေကြောင်း သိရချိန်တွင် သူသည် ဒီခံစားချက်များဖြင့် လွှမ်းခြုံခံခဲ့ရဖူးသည်။

သူ့အတွက် အဖိုးအတန်ဆုံးသော အရာကို ဆုံးရှုံးရတော့မလို စိတ်ပျက် အားငယ်စေသော ခံစားချက်မျိုးဖြစ်သည်။ ထိုခံစားချက်က ကူကယ်ရာမဲ့မှု၊ စွမ်းအားမဲ့မှု၊ နာကျင်မှုများနှင့် အစိတ်စိတ်အမွှာမွှာဖြစ်အောင် ခွဲခြေနိုင်သည်။

သူတို့ ရှုံးသွားသည်။

သူ အရမ်းအရေးကြီးတဲ့ ဂိမ်းပွဲကို ရှုံးသွားသည်။

သူ ကတိပေးထားတဲ့ နှစ်သန်းကိုလဲ ရှုံးသွားတယ်။

သူ ဖော်ပြချင်တဲ့ ခံစားချက်တွေကိုလဲ ဆုံးရှုံးသွားတယ်။ သူနောက်ဆုံး အလင်မြှားနဲ့တင် အသတ် ခံလိုက်ရတယ်။

“ဝေ့ရှောင်း” လုဖုန်းက သူ့ကို ခပ်တိုးတိုး ခေါ်သည်။

ဝေ့ရှောင်း၏ နားက တုန်ယင်သွားသည်။ သို့သော် သူသည် မော့မကြည့်ပေ။

ချန်းဖုန်း၏ စိုးရိမ်သော အကြည့်ကလဲ ရောက်လာသည်။

“ဒါက ဒီအတိုင်း ဆောင်းတွင်းလေ့ကျင့်ရေး ပြိုင်ပွဲလေးပါပဲ။ မင်းတို့ တကယ် ကောင်းကောင်း လုပ်ခဲ့ကြတာလဲ”

သူတို့တကယ်ကို ကောင်းကောင်း လုပ်ခဲ့ကြတာ လူတိုင်း မထင်ထားတဲ့ အနေအထားမျိုးထိ လုပ်နိုင်ခဲ့ကြတယ်။

Haterများကပင် FTWကို မုန်းရန်မျက်နှာ မရှိသည်အထိ ဖြစ်ရတယ်။

အဖွဲ့ဝင် ငါးယောက်ထဲတွင် နှစ်ယောက်က ပြိုင်ပွဲအတွေ့အကြုံ မရှိပေ။ သို့တိုင်အောင် သူတို့သည် ဆောင်းတွင်းလေ့ကျင့်ရေးပြိုင်ပွဲတွင် ထိပ်ဆုံး သုံးနေရာသို့ ဝင်အောင် လုပ်နိုင်ခဲ့ကြသည်။

ထိုအခြေအနေကတင် တရုတ်နိုင်ငံ gloryအသိုင်းအဝိုင်းတစ်ခုလုံးတွင် နောက်တစ်နှစ်နှင့် နှစ်ဝက်ခန့်အထိ ကြွားရန် လုံလောက်သည်။ FTWနှင့် Proကြားမှ ယခုmatchပွဲက ချီးကျူးမှုများဖြင့် အလွန်ထိုက်တန်သည်။

FTWသည် ဂိမ်း၏အစပိုင်းတွင် အလွန်ကောင်းမွန်စွာ ကစားခဲ့သည်။ အလယ်ပိုင်းအဆင့်တွင် ဖိနှိပ်ခံရပြီးနောက် ပြန်လည် တိုက်ခိုက်နိုင်ခဲ့သည်။ နောက်ဆုံးအသုတ်က အလွန်ပင် ရင်နာစေသည်။

သို့ရာတွင် လုပ်နိုင်သည့် ကိစ္စလဲ မရှိပါပေ။ အတွေ့အကြုံနှင့် ရင့်ကျက်မှုက ဒီနေရာတွင် လိုအပ်လေသည်။ FTWက မှင်သက်ဖွယ်ကောင်းသည့် အရှိန်နှုန်းဖြင့် ကြီးပြင်းလာခဲ့လေပြီ။

ထန်ချန်းက ဝေ့ရှောင်း၏ ပုခုံးကို လာပုတ်သည်။

“အနိုင်နဲ့ အရှုံးက သာမန်ဖြစ်စဉ်ပါပဲ။ ကောင်စုတ်လေး မင်း အရှုံးကို‌ ကြောက်တာလား”

ဝေ့ရှောင်းက အရှုံးကို မကြောက်ပေ။ သူသည် ဘယ်သောအခါမှ မကြောက်ဖူးပေ။ အရှုံးက ပြဿနာမရှိပေ။ သူသည် ဒီအတိုင်း တစ်ကြိမ်ပြီး တစ်ကြိမ် နိုင်ချင်ရုံသာ ရှိပေလိမ့်မည်။

119 04

ဘဝက အရမ်းရှည်တယ်။ နိုင်ဖို့အခွင့်အရေးတွေ အများကြီးပဲ။ ဝေ့ရှောင်းက အရှုံးကို မကြောက်ပါဘူး။

သို့သော် ဒီဂိမ်းပွဲအတွက်မူ အလွန်အမင်း ဆိုးရွားလွန်းစွာ ခံစားနေရသည်။ သူ့အတွက် စုစည်းထားသော သတ္တိများကို ရရှိရန် မလွယ်ကူခဲ့ပေ။ သို့သော် အရာအားလုံးက အလဟဿ ဖြစ်သွားသည်။ ခေါင်းဆောင်ကို မည်သို့ ရင်ဆိုင်သင့်မှန်းပင် မသိတော့ပေ။

လုဖုန်းက လက်ဆန့်ထုတ်လျက် သူ၏ကျစ်ကျစ်ပါအောင် ဆုပ်ထားသော လက်သီးကို ကိုင်၏။ ဝေ့ရှောင်း၏ မျက်လုံးက ရုတ်တရက် ပြူးသွားသည်။ လုဖုန်း၏လက်က အလွန်လှပြီး လက်ချောင်းများက ရှည်ကာ အဆစ်အမြစ်များက သိသာထင်ရှားသည်။ အနုစိတ်ကျသော ကျောက်စိမ်းတုံးတစ်စုံလိုမျိုး မှန်ကန်သော အချိုးအဆစ်အပြည့်နှင့် ဖြစ်သည်။

ဒီလိုလက်တစ်စုံ…ဒီလိုလက်တစ်စုံကို ထိတွေ့ကြည့်ရတာ အရမ်းကောင်းတာပဲ။

သို့သော် သူ၏လက်ဖဝါးကမူ အလွန်ပူနေသည်။ ဝေ့ရှောင်း၏ လက်ခုံကို လာရောက်ရစ်ပတ်သောအခါ နွေးထွေးမှုက သူကိုပင် တုန်ရင်စေသေးသည်။

ဝေ့ရှောင်း၏ နှလုံးသားက မုန်တိုင်းထန်နေသော အနေအထားမျိုးတွင် ဖြစ်သည်။ သူ၏ခံစားချက်များက အလွန်အကြူး ဖိနှိပ်ခံထားရပြီး ပေါက်ထွက်မတတ်ပင် ဖြစ်လာသည်။

သူသည် ထိုလက်ကို ချက်ချင်း ပြန်လှန်လျက် ဆွဲဆုပ်ကိုင်လိုသည်။

သူ ဘယ်လိုခံစားရလဲ ဆိုတာကို ပြောချင်တယ်။

သူ ဘယ်လောက် ကြိုက်သလဲဆိုတာကိုလဲ ပြောချင်တယ်။

ဒီလောက်ကောင်းတဲ့ ခေါင်းဆောင်ကို သူ ဘယ်သူ့ကိုမှ မပေးချင်ဘူး။

သူပဲ လိုချင်တာ။

သူ့အပိုင်ပဲ ဖြစ်စေချင်တာ။

“ရပါတယ်”

လုဖုန်း၏ လေးနက်သောအသံက သူ၏ နားအတွင်း ဟိန်းထွက်လာသည်။

“ငါတို့ရဲ့အရှေ့မှာ ခရီးအရှည်ကြီး ရှိသေးတာပဲ”

ဝေ့ရှောင်း၏ မျက်လုံးက နီနေသည်။ သူ၏နှုတ်ခမ်းကို ဖိကိုက်ခြင်းကလွဲပြီး ဘာလုပ်သင့်မှန်း မသိချေ။

ဝေ့ရှောင်း မင်း ဘယ်လိုဖြစ်ပြီး မငိုတတ်ရတာလဲ။

ဝေ့ရှောင်း မင်းမှာ အဖေနဲ့အမေမှ မရှိတာ ။ဒါကြောင့် မျက်ရည်လဲ မရှိတာ မဟုတ်လား။

ဒီကလေးက တော်တော် ထူးဆန်းတယ်။ သူ့ကို ကျွေးမွေးပြုစုတဲ့ အဖွား ထွက်သွားတာတောင် မငိုဘူး။

သူ ဘယ်လို ငိုမှာလဲ။

သူက ဘယ်သူ့ဆီမှာ ငိုရမှာလဲ။

အမှန်တကယ် ဂရုစိုက်ပေးတဲ့သူတွေဆီမှာပဲ ငိုဖို့ ထိုက်တန်တာလေ။ ထိုသို့ဖြင့် ကျောက်စိမ်းဖြူအလား အေးစက်သော လက်တစ်စုံပေါ် မျက်ရည်တစ်စက်က ကျသွားသည်။ လုဖုန်း၏နှလုံးသားက ဖျစ်ညှစ်ဆုပ်ခံရသလိုဖြစ်သွားပြီး ထိုလက်ကို ညှစ်လိုက်မိသည်။

ဝေ့ရှောင်းကလဲ ဒီလို အရှက်မဲ့သော ပုံစံမျိုးကို မပြချင်ပေ။ သူသည် လူပေါင်းများစွာ၏ အရှေ့တွင် မျက်နှာမပျက်ချင်ပေ။ အခုလို အခြေအနေမျိုးတွင် ပို၍ဆိုးသည်။

သို့သော်

ဒါပေမဲ့…

လုဖုန်းက သူ့ကိုဆွဲပြီး ပုခုံးအောက်သို့ ခေါင်းထိုးထည့်ကာ ပြောသည်။

“လိမ္မာတယ် ရှောင်ရှောင် မငိုနဲ့”

ထိုစကားလုံးများကို အလွန်လွန် တိုးသောအသံဖြင့် ပြောသွားခြင်း ဖြစ်သည်။ တိုးလွန်းသဖြင့် ဝေ့ရှောင်းကပင် သေချာမကြားနိုင်ပေ။

သူသည် ရိုးရှင်းစွာပင် သူ၏နှဖူးကို ဝေ့ရှောင်း၏ပုခုံးနှင့် ကပ်ထားလိုက်သည်။ သူ၏ အနက်ရောင်ဆံပင်များက သူ၏မျက်လုံးကို အုပ်သွားသည်။

“ခေါင်းဆောင်”

“အွန်း”

“မင်း ဒီလိုလုပ်နေ…”

119 05

ဝေ့ရှောင်းက အသက်ပြင်းပြင်း ရှူသွင်းရင်း ပြောသည်။

“မင်းရဲ့ အချစ်ကြောင့် ငါ အလိုလိုက် ခံရသလိုဖြစ်ပြီး ဆိုးလာလိမ့်မယ်”

လုဖုန်း “…”

သူက အသာတိုးတိုး ရယ်သည်။

သူ၏အသံကို နှစ်ယောက်တည်းသာ ကြားနိုင်သော အသံမျိုးနှင့် ပြောသည်။

“အဆင်ပြေတယ်”

ဝေ့ရှောင်း၏ နှလုံးသားက သူ၏ရင်ဘတ်ကို ဘန်းကနဲ ဝင်တိုက်သည်။ သူက ဆက်ပြော၏။

“ငါမင်းရဲ့ အဝတ်တွေနဲ့ ငါ့ရဲ့မျက်ရည်တွေကို သုတ်ချင်တယ်”

“အွန်း”

“ငါ့ရဲ့ နှပ်ချေးတွေရောပဲ”

“…”

လုဖုန်းက သူ၏လက်ချောင်းများကို အသာဆိတ်သည်။

ဝေ့ရှောင်း၏ နှလုံးသားက လှုပ်ခါသွားသည်။ သူ၏ရင်ဘတ်ထဲသို့ မရေမတွက်နိုင်သော နွေးထွေးမှု စမ်းချောင်းများက စီးဝင်လာပြီး ခပ်ကြမ်းကြမ်း ဖြစ်ညှစ်လာလွန်းသဖြင့် သူကိုယ်တိုင်ပင် သည်းမခံနိုင်လုနီးပါး ဖြစ်သွားသည်။

ဘာလို့ ဒီလောက်ကောင်းတဲ့ ခေါင်းဆောင်က ရှိနေတာလဲ။

ဘာလို့ ဒီလိုCloseမျိုးက ရှိနေတာလဲ။

ဘာလို့ သူက သူ့ကို ဒီလောက်ထိ ကောင်းတာလဲ။

နတ်ဘုရားတစ်ပါးသာ တကယ်ရှိမယ်ဆိုရင် ဒီအခိုက်အတန့်က ဝေ့ရှောင်းကတော့ သူက ဂရုစိုက်အခံရဆုံးပဲလို့ ခံစားမိမှာ။

L&Pနှင့် Proက final matchဖြည့်သည်။

ကင်ဆွန်းဟွန်းကလဲ သူ၏အလားအလာများကို ဆက်တိုက် ထုတ်ပြသွားသည်။ သူသည် သွေးပူနေသော အခြေအနေကို အခွင့်ကောင်း ယူခြင်းအားဖြင့် L&Pကို အစမှအဆုံး တစ်ဆင့်ချင်းစီ ရှုံးသွားအောင် ဖိအားပေးလိုက်သည်။

ယွမ်ဇယ်နှင့် ဂယ်ရီက သူ၏သေဖော်သေဖက် ရန်သူများ ဖြစ်သည်။ ပုံမှန်အားဖြင့် သူတို့သည် သူ့ကို ပိတ်လှောင်သွားအောင် ရိုက်နှက်တတ်ကြ၏။ သို့ရာတွင်မူ ဒီနေ့တွင် ကင်ဆွန်းဟွန်းက မှန်ကန်သော အခြေအနေသို့ ရောက်နေသောကြောင့်လား သို့မဟုတ် လီဟယ်ယန်က ဆယ်ရက်ကျော်လုံး ဖိနှိပ်သောကြောင့် အဆုံးသတ်တွင် ပေါက်ထွက်သွားသောကြောင့်လား မသိပေ။ ထိုနှစ်ယောက်၏ ပူးပေါင်းဆောင်ရွက်မှုမှာ နတ်ဘုရား ဆန်လေသည်။

သူတို့သည် စကားပြောခဲသည်။ ပါးစပ်နှင့် ဆက်သွယ်မှု မရှိလုနီးပါး ဖြစ်သည်။

သို့ရာတွင် ဖန်သားပြင်ပေါ်တွင် ပေါ်နေသော အထောက်အပံ့နှင့် markmanကမူ တစ်ယောက်တည်းနီးပါး ပြုမူဆက်ဆံသွားသည်။ သူတို့ကလဲ တစ်ဖက်လူ၏အတွေးကို ချက်ချင်း အတိအကျ သိလေသည်။

Proက အင်အားပြင်းထန်သော အရှိန်အဟုန်အပြည့်နှင့် ချန်ပီယံရှစ် ရသွားသည်။ ဒီနေ့၏ Proက မှင်သက်ဖွယ်ပင် ဖြစ်သည်။ လူတိုင်းကလဲ ကင်ဆွန်းဟွန်းက လွှတ်ထုတ်ထားသော အရှိန်အဝါကို ခံစားရနိုင်သည်။ သူက နိုင်ချင်တယ်။ တောင်ကိုရီးယားအသင်း Proက နေရှင်နယ်ချန်ပီယံရှစ်ကို အရမ်းဆာလောင်နေတယ်။

Gloryက ပထမနေရာအပိုင်ပဲ။

ဒေါ်လာသန်းကျော်သော ဆုကြေးနှင့် အဆုံးအစမဲ့သော ချီးကျူးသံများနှင့်အားပေးသံများက ထိုည၏ Proပိုင် ဖြစ်သည်။

ကင်ဆွန်းဟွန်းက Fmvpကို ယူသည်။ သို့သော် သူ၏အမူအရာက တည်ငြိမ်တိတ်ဆိတ် နေသေးသည်။

တင်ဆက်သူက သူ့ကို အင်တာဗျူးသောအခါ သူကပြောသည်။

“နောက်တစ်ကြိမ်မှာ လီဟယ်ယန်က Fmvpရတဲ့လူလို့ ငါ မျှော်လင့်တယ်”

လီဟယ်ယန်၏ တိတ်ဆိတ်သာ မျက်ဝန်းတစ်စုံက သူ့ကို ကြည့်လာသည်။

Fmvpသည် ဖိုင်နယ် ချန်ပီယံရှစ်အသင်းကသာ အသင်း၏အမြုတေကသာ ရသော အရာမျိုး ဖြစ်သည်။

ကင်ဆွန်းဟွန်း၏ စကားအရ Proသည် ချန်ပီယံရှစ်ကို နိုင်ချင်ရုံသာ မကသေးဘဲ လီဟယ်ယန်ကိုလဲ ၂၀၂၀ကမ္ဘာ့တန်ဖိုးအရှိဆုံး gloryကစားသမားနေရာကို ပေးချင်နေသည်။

သူသည် နံပါတ်၁ Adcတစ်ကြိမ် ဖြစ်ခဲ့ဖူးပြီး ခြောက်နှစ်ဆက်တိုက် ကစားခဲ့ဖူးသူ ဖြစ်သလို ထိုနေရာမှ အနားယူလျက် အထောက်အပံ့သို့ ပြောင်းခဲ့သောသူတစ်ယောက် ဖြစ်သည်။ ထို့ကြောင့် တစ်ဖန်ထပ်ပြီး Fmvpကို ရခဲ့၏။

119 06

၁၅ရက်သာ အကြိတ်အနယ် လေ့ကျင့်မှုက အဆုံးသတ်သွား၏။

FTWအတွက်မူ သူတို့၏နောက်ဆုံးပွဲကို reviewလုပ်ရန် လိုအပ်သည်။ သို့သော် အလျင်မလိုပါပေ။

သူတို့အားလုံးက medal full ပြိုင်ပွဲကို တစ်နေ့လုံး ယှဉ်ပြိုင်နေခဲ့ကြပြီး အချိန်နောက်ကျနေပြီ ဖြစ်သည့်အလျောက် အားလုံးက မောပန်းနေကြသည်။

ချန်းဖုန်းက စကားအနည်းငယ်အားပြောပြီး အားလုံး အခန်းထဲ ပြန်သွားသည်အား ကြည့်နေလိုက်သည်။

ပုံမှန်အားဖြင့် ဂိမ်းပွဲပြီးနောက် မစိုးရိမ်ရဆုံးသောလူက ဝေ့ရှောင်းဖြစ်သည်။ ဒီနေ့တွင်မူ အခြားသော အခြေအနေမျိုး ဖြစ်နေသည်။ အခြားသောအရာတွေက အဆင်ပြေသည်။ သူတို့သည်လဲ ပြိုင်ပွဲတွင် ရှုံးသွားသောကြောင့် ထိုးနှက်ချက်ကြီးကို မခံစားရပေ။ ထို့အစား သူတို့က ပြင်းပြင်းထန်ထန် လေ့ကျင့်ချင်နေကြသည်။ ပို၍ အင်အား ကြီးချင်နေကြသည်။

ပြောရမည်ဆိုလျှင် နင်ကျယ်ဟန်၏ စိတ်ပိုင်းဆိုင်ရာအခြေအနေက ဒီအခြေအနေကြောင့် အများကြီး ခုန်ပေါက် တိုးတက်လာသည်။ သူ၏တင်းကြပ်မှုနှင့် ထိတ်လန့်မှုများက တဖြည်းဖြည်းချင်း ပျောက်ကွယ်သွား၏။

အရူးလေးဝေ့ကမူ ပုံမှန်ဆိုလျှင် စိတ်အား ထက်သန်သော်လည်း ယခုမူကား အလွန်အမင်း တိတ်ဆိတ်နေသည်။ ချန်းဖုန်းက စိုးရိမ်နေသည်။ သို့သော် လုဖုန်းကသာ ထိုအရူးလေးဝေ့အတွက် အကောင်းဆုံးဆေးဖြစ်ကြောင်း သိပြီးချိန်တွင် အပိုစကားများ မပြောတော့ချေ။

ထိုနှစ်ယောက်က အကြိမ်အနည်းငယ်ခန့် soloလိုက်ရုံနှင့် ဝေ့ရှောင်ရှောင်းက healအပြည့်နှင့် ပြန်လည်ရှင်သန်လာမည်ဖြစ်ကြောင်းကို နားလည်သည်။

သူတို့က ဧည့်သည်ခန်းသို့ ပြန်သည်။ ဝေ့ရှောင်းက အနည်းငယ် ကို့ရိုကားယား ဖြစ်သလို စတင်ကာ ခံစားလိုက်ရသည်။ သူတို့က ဂိမ်းပွဲကို ရှုံးသွားသည်။ သူ့ရဲ့ အနမ်းကလဲ ပျောက်သွားသည်။

သူ့ရဲ့ ဝန်ခံမှုက အောင်မြင်မယ်ဆိုတာကိုတောင် မသိတော့ဘူး။

ဝေ့ရှောင်းက နှစ်သန်းတင် ရှုံးသွားတာ မဟုတ်ဘူး။ ဒါက ဘီလီယံနှစ်ဆယ်လောက် ရှုံးသွားတာ။

သူ၏ စိတ်အခြေအနေကို လုရှောင်းက တီးတိုးပြောထားရင်း ချော့မြူထားပြီးသား ဖြစ်သည်။

သို့သော် သူဟာ တစ်ဖန်ထပ်ပြီး နစ်မွန်းနေသော လေသံမျိုးနှင့် ပြောလိုက်သည်။

“ငါ ရေသွားချိုးတော့မယ်”

ဝေ့ရှောင်းက မတ်တပ် ထရပ်လိုက်သည်နှင့် သူ၏လက်ကောက်ဝတ်က အကိုင်ခံထားရကြောင်း တွေ့လိုက်ရသည်။ လုရှောင်းက သူ့ကို ကြည့်သည်။ သူ၏ အနက်ရောင်မျက်ဝန်းတစ်စုံက အဝါရောင်မီးရောင်အောက်တွင် အလင်းများကို ဖုန်းကွယ်ထားပုံ ပေါ်သည်။

ဝေ့ရှောင်း၏ နှလုံးသားက ထိုအကြည့်ကြောင့် ရပ်တန့်လုနီးပါး ဖြစ်သွားသည်။

“ငါတို့နိုင်ရင် မင်း ဘာလုပ်ချင်တာလဲ”

လုဖုန်းက သူ့ကို လေသံတိုးတိုးနှင့် မေးသည်။

ဝေ့ရှောင်းက ဘယ်လိုများ အကျယ်ကြီး ပြောရမှာလဲ။ သူ အသက်တောင် မရှူနိုင်ဘူး။

လုဖုန်း “ငါ အမြဲတမ်း လုပ်ချင်နေတာ တစ်ခုရှိတယ်”

သူ၏ ဘယ်လက်သည် ဝေ့ရှောင်း၏ လက်ကောက်ဝတ်ကို ဆုပ်ကိုင်လိုက်သည်။ သူက ခေါင်းကို စောင်းပြီး ငုံ့ကိုင်းလိုက်၏။ ထိုသို့ဖြင့် ဝေ့ရှောင်း၏ အနည်းငယ် ဟနေသော နှုတ်ခမ်းထံ အနမ်းတစ်ပွင့်က ကျရောက်သွားသည်။

ဝေ့ရှောင်း “…”

******