🐍Chapter 111
ကိစ္စပြီးသွားသောအခါ မော့လောင်တနှင့် ယင်ရှောင်ရှောင်းတို့ အိမ်ပြန်ကြသည်။ မော့တာယိသည် မော့မြွေနယ်မြေသို့ အမြန်ပြန်သွားကာ လုပ်ငန်းတာဝန်များကို မိမိဆန္ဒအလျောက် ပြန်လည်စတင်ကာ မျိုးနွယ်စုခေါင်းဆောင်မှ ကိုင်တွယ်သင့်သော ကိစ္စများကို ဖြေရှင်းနိုင်ခဲ့သည်။ မော့လောင်တက သူ့အစား မော့တာယိအား တာဝန်ပေးခဲ့သည်။ ထိုသို့သော မျိုးနွယ်စုခေါင်းဆောင်မျိုး အရင်ကမရှိခဲ့ဘူးဆိုလျှင် မော့တာယိ သေလောက်သည်အထိ ညည်းညူနေလိမ့်မည်။
မော့တာမော့ သူ့ကိုလိုက်ရှာသောအခါ မော့တာယိမှာ မော့မြွေနယ်မြေကို ပြန်လာနေပြီဖြစ်သည်။
မော့တာမော့သည် မော့တာယိအား စိတ်မပါလက်မပါဖြင့်အကြောင်းကြားခဲ့သည်။
"ကျွန်တော် မော့လောင်အာ နဲ့ လက်တွဲဖော်ဖြစ်လာတော့မယ်... သုံးလအတွင်း ဖြစ်ပါလိမ့်မယ်...”
မော့တာယိက သူနားလည်ကြောင်း ညွှန်ပြပြီး မော့တာမော့ကို ယခုထွက်သွားနိုင်ကြောင်း ညွှန်ပြနေသည်။
မော့တာမော့သည် မလှုပ်မယှက် ရပ်နေသည်။
မော့တာယိက အံ့ဩစွာမေးသည်။
“အခြားတစ်ခုရှိသေးလား...”
ဒီတစ်ခါတွင် မော့တာမော့ ပါးစပ်မဖွင့်ခင် တုံ့ဆိုင်းသွားသည်။
“မျိုးနွယ်စုခေါင်းဆောင်က ဟိုမှာ ...အကွာအဝေးက အရမ်းဝေးလွန်းတယ်... သူ့ကို အကြောင်းကြားဖို့ အဆင်မပြေနိုင်ဘူးလား..."
မော့တာယိ အံ့သြသွားသည်။ မော့လောင်အာနှင့် မော့လောင်တ၏ ဆက်ဆံရေး မကောင်းသောကြောင့် ဖိတ်စာပေးလိုက်ပြီး သွားရသည်မှာ ကသိကအောက်ဖြစ်နိုင်သော်လည်း ပထမတွင် အဆင်ပြေသည်ဟု တွေးနေခဲ့သည်။ ထို့ကြောင့် မော့တာမော့က သူ့အား မော့လောင်တကို ဖိတ်ကြားပေးဖို့ တောင်းဆိုခဲ့သည်။
ဒါပေမယ့် မော့လောင်တ က လာမှာလား...
မော့တာယိ သံသယဝင်သွားသည်။
မော့လောင်တနှင့် သူ့မိသားစုကြား ဆက်ဆံရေး မကောင်းသည်ကို မော့တာမော့ သိထားသည်။ သို့သော် မော့လောင်တကို ဖိတ်ကြားလိုက်ခြင်းက မော့လောင်အာအတွက် မဟုတ်ပဲ ဖေဖေ မော့၊ မေမေမော့ သို့မဟုတ် တခြားသူအတွက်ကြောင့်လဲ မဟုတ်ဘဲ အဖြစ်သဘောသာ ဖြစ်သည်။ မော့တာမော့ ဆက်ပြောသည်။
“ကျွန်တော်က သူငယ်ချင်းတစ်ယောက်အနေနဲ့ မော့လောင်တကို ဖိတ်ချင်တယ်... သေချာတာက သူကျွန်တော့်ကို မျက်နှာသာ မပေးဘူးဆိုတာမဖြစ်နိုင်ပါဘူး..."
မော့တာယိ၏ နှုတ်ခမ်းများ တွန့်ကွေးသွားသည်။
သူငယ်ချင်းလား...
သူ မသိခဲ့ပေ။
မော့လောင်တနဲ့ မော့တာမော့က ဘယ်တုန်းက သူငယ်ချင်းကောင်းတွေဖြစ်လာတာလဲ...
"ဘာလို့ ကိုယ်တိုင် မသွားတာလဲ..."
မော့တာယိက မေးသည်။
“အခုအချိန်ဆို မော့လောင်တ နဲ့ ယင်ရှောင်ရှောင်း အိမ်ပြန်ရောက်နေလောက်ပြီ.. မော့လောင်တ က မင်းရဲ့သူငယ်ချင်းလို့ပြောတော့ မင်းကိုယ်တိုင်သွားလိုက်ရင် မင်းရဲ့ရိုးသားမှုကို ရောင်ပြန်ဟပ်နေလိမ့်မယ်လို့ ငါထင်တယ်..."
မော့တာမော့သည် မော့တာယိ၏ စကားကိုကြားသောအခါ အနည်းငယ် ထိတ်လန့်သွားသည်။
ဟုတ်တယ်... ဘာလို့ ကိုယ်တိုင်သွားပြီး မမေးရတာလဲ...
မော့တာမော့၏ အကြည့်များသည် အဝေးက သစ်ပင်တစ်ပင်ပေါ်တွင် ငြိမ်ကျနေသည်။ သူသည် မော့လောင်တနှင့် သိပ်မရင်းနှီးသောကြောင့် ဖြစ်ကောင်းဖြစ်နိုင်သည်၊ သို့မဟုတ် မော့လောင်တ ဘက်တွင်ရှိသော ယင်ရှောင်ရှောင်း ဟုခေါ်သော ထိုမြွေသည် မော့လောင်တ၏ တရားဝင်လက်တွဲဖော်ဖြစ်နေသော ကြောင့်ဖြစ်နိုင်သည်။
ဒါပေမယ့် ဘာကြောင့်လဲဆိုတာ ဘယ်သူသိမှာလဲ...
မော့တာမော့သည် မော့တာယိ၏ စကားကို မတုံ့ပြန်ပေ။ သူသည် အကြည့်ကို ဖယ်လိုက်ပြီး ခေါင်းငိုက်စိုက်ချထားသည်။
“ဒါဆို ကျေးဇူးပြုပြီး ငါမင်းကို အကူအညီတောင်းပါတယ်...”
မော့တာယိသည် အဝေးသို့ လျှောတိုက်သွားနေသော မော့တာမော့၏ နောက်ကျောကို ကြည့်ရင်း အံ့သြသွားကာ အနည်းငယ်ဝမ်းနည်းသွားသလို ခံစားလိုက်ရသည်။ သို့သော် မော့တာယိက စိတ်မကောင်းသော အမူအရာဖြင့်ခေါင်းခါလိုက်သည်။
"ငါ အခုမှအဲဒီကနေ ပြန်လာတာ... ဘာလို့ အခုပြန်သွားရမှာလဲ...''
သို့သော် ထိုသို့ညည်းညူလိုက်ခြင်းက အသုံးမဝင်သည်မှာ ထင်ရှားသည်။ မော့တာယိသည် မော့လောင်တ နှင့် ယင်ရှောင်ရှောင်း ၏အိမ်ဆီသို့ တစ်ဖန် လှည့်ပြန်ခဲ့သည်။
ပုံမှန်အားဖြင့် မော့တာယိသည် ကိစ္စများပြေလည်ပြီးနောက် မော့မြွေနယ်မြေကို အမြန်ပြန်ကာ ထိုနေရာတွင် တစ်ရက်နှစ်ရက်နေပြီးနောက်မော့လောင်တနှင့် ယင်ရှောင်ရှောင်း၏အိမ်သို့ ပြန်သွားခဲ့သည်။
ဒါကြောင့် မော့လောင်တ နဲ့ ယင်ရှောင်ရှောင်း ပြန်ရောက်လောက်ပြီလို့မျှော်လင့်ထားတာ...
သို့သော် သူသည် မော့လောင်တ ၏အိမ်သို့ အပြေးအလွှားသွားခဲ့သော်လည်း မော့လောင်တ နှင့် ယင်ရှောင်ရှောင်း ပြန်မလာသေးသည်ကို တွေ့လိုက်ရသဖြင့် စိတ်ပျက်သွားသည်။
မော့တာယိ: “…..”
မော့တာယိသည် ဂူအပြင်ဘက်တွင် စောင့်ဆိုင်းကာ တာဝန်မှ နုတ်ထွက်ရန် အလေးအနက် စဉ်းစားခဲ့သည်။
နောက်ဆုံးတွင် မော့တာယိ စိတ်မရှည်စွာ ကြည့်နေရင်း မော့လောင်တ နှင့် ယင်ရှောင်ရှောင်း ပြန်ရောက်လာသည်။
ဟုတ်သည်၊ မော့လောင်တနှင့် ယင်ရှောင်ရှောင်း တို့သည် “စစ်အေးတိုက်ပွဲ”၏ အလယ်တွင် ရှိနေဆဲဖြစ်သည်။ တကယ်တွင် ယင်ရှောင်ရှောင်းသည် မော့လောင်တကို အာရုံစိုက်ဖို့ တစ်ဖက်သတ် ငြင်းဆန်ခဲ့ခြင်းဖြစ်ပြီး မော့လောင်တက သူ့ကို စောင့်နေစဉ်တွင် ယင်ရှောင်ရှောင်းကို ဆိုးဆိုးရွားရွား မဆက်ဆံခဲ့ပေ။ ယင်ရှောင်ရှောင်းအတွက် ထိုမြွေသည် မော့လောင်တ၏ ဂရုစိုက်မှုနှင့် မေတ္တာထားမှုကို လက်ခံရန် စိတ်ထင့်နေပြီး မပျော်ရွှင်သောအမူအရာများလဲရှိနေသည်။
မော့လောင်တပဲ သည်းခံနိုင်မှာ...
"ဟင်... မော့တာယိလား... မင်းဘာလို့ဒီကိုရောက်နေတာလဲ..."
မော့လောင်တ၏ နောက်ကျောမှဆင်းလာရင်း ယင်ရှောင်ရှောင်းသည် သူတို့၏ဂူဝင်ပေါက်ရှေ့တွင် လဲလျောင်းနေသော မော့တာယိကို တွေ့လိုက်ရသည်။
မော့တာယိသည် ယခုမှပြန်ရောက်လာသော ယင်ရှောင်ရှောင်းနှင့် မော့လောင်တကို ကြည့်ရင်း ဝမ်းနည်းလာသည်။
"မင်းတို့က အရမ်းနှေးလွန်းတယ်..."
"ဟုတ်တယ်.."
ယင်ရှောင်ရှောင်း ပြန်ဖြေသည်။
"ဒါပေမယ့် မင်းကမပြန်သွားသင့်ဘူးလား... ဘာလို့ပြန်လာတာလဲ..."
"ထုံးစံအတိုင်း တခြားတစ်ခုခု ပေါ်လာလို့ပါ..."
မော့တာယိ၏ အကြည့်သည် မော့လောင်တသို့ ပြောင်းသွားသည်။
“မျိုးနွယ်စုခေါင်းဆောင်... မော့တာမော့နဲ့ မင်းညီမတို့က သုံးလအတွင်း သူတို့ရဲ့ မိတ်ဖက်အခမ်းနားကို ကျင်းပမှာ... မင်းနဲ့ ရှောင်ရှောင်း ပြန်လာဖို့မမေ့နဲ့နော်..."
မော့လောင်တက ယင်ရှောင်ရှောင်း ဒေါသထွက်ပြီး သူ့ကို အသိအမှတ်ပြုဖို့ ငြင်းဆိုခဲ့သည်ကို တွေးနေရင်းအနည်းငယ် မဆိုင်းမတွပဲ ဖြေလိုက်သည်။
“မသွားဘူး...”
မော့တာယိ: “….”
"မင်းပြောလိုက်တာက စကားတစ်ခွန်းတည်းနဲ့ 'မသွားတော့ဘူး'ဟုတ်လား...ဒီကိုပြန်လာဖို့ အများကြီး သည်းခံခဲ့ရတာ..အဲ့လို မပြောနဲ့.. "
သို့သော် ယင်ရှောင်ရှောင်း သည် အမှန်တကယ်ပင် အနည်းငယ် စိတ်ဝင်စားနေခဲ့သည်။
"မော့တာမော့နဲ့ မော့လောင်အာရဲ့ မိတ်ဖက်အခမ်းအနားလား..."
မော့တာယိ ခေါင်းညိတ်လိုက်သည်။
"ဟုတ်တယ်... မော့တာမော့က ကျွန်တော့်ကို ဒီကိုလာပြီး မျိုးနွယ်စုခေါင်းဆောင် ကို အကြောင်းကြားဖို့ တောင်းဆိုခဲ့တာ.. ဟုတ်တယ်... သူက မျိုးနွယ်စုခေါင်းဆောင် ကို သူ့သူငယ်ချင်းအဖြစ် ပါဝင်ခိုင်းတယ်... တကယ်တော့ နည်းနည်းတော့ ထူးဆန်းတာတွေ့တယ်... မော့တာမော့က မျိုးနွယ်စုခေါင်းဆောင်နဲ့ ရင်းနှီးတာလား... ဆွေမျိုးရင်းချာအဖြစ် ဖိတ်တာက ပိုကောင်းမှာ မဟုတ်ဘူးလား... နောက်ဆုံးတော့ အဲဒါ မင်းညီမရဲ့ မိတ်ဖက်အခမ်းအနားပဲလေ... ဒါဆိုရင် မျိုးနွယ်စုခေါင်းဆောင်က ပိုလို့တောင် မငြင်းနိုင်တော့ပါဘူး...”
မော့တာယိ၏ စကားများသော အားနည်းချက်သည် တဖန်ပြန်ပေါ်လာသည်။
"သူငယ်ချင်းတစ်ယောက်အနေနဲ့လား..."
ယင်ရှောင်ရှောင်း ရေရွတ်လိုက်သည်။ ပါးစပ်က ထိုသို့ပြောနေသော်လည်း စိတ်က ပြောင်းလဲဖို့ မမြန်ပေ။ မော့လောင်တသည် မော့တာမော့ တွေးနေပုံကို သိခြင်းရှိမရှိ ယင်ရှောင်ရှောင်းက မသေချာသော်လည်း ယင်ရှောင်ရှောင်းအတွက် အလွန်ရှင်းလင်းပါသည်။ မော့လောင်တ မရှိစဉ်က မော့လောင်တသည် အခြားအရာများနှင့် မထိုက်တန်ကြောင်း မော့တာမော့ ပြောခဲ့သည်။
သူ့အတွေးတွေက လုံးလုံးလျားလျား ပွင့်လင်းမှုမရှိဘူးလို့ သူထင်နေတာလား... တစ်နည်းပြောရရင် သူက အရည်အချင်းပြည့်မီတယ်လို့ ဆိုလိုတာ မဟုတ်ဘူးမလား... ကံမကောင်းလိုက်တာ၊ မော့လောင်တ က အဲဒါကို မသိခဲ့တာ အမှန်ပဲ...
နောက်ဆုံးတွင် သူ သည် မော့လောင်တ ၏ ညီမဖြစ်သူ မော့လောင်အာ နှင့် ဆက်သွယ်ခဲ့သည်။ သို့သော် သူ့ တွေးခေါ်ပုံ ကို နားမလည်ခဲ့ပေ။
ကျွန်တော်က မော့လောင်တရဲ့ လက်တွဲဖော်မဖြစ်လာပေမဲ့ သူ့ညီမရဲ့ လက်တွဲဖော်ဖြစ်လာနိုင်ပြီး မော့လောင်တကလည်း ကျွန်တော့်မိသားစုဖြစ်လာမှာ...
ယင်ရှောင်ရှောင်း တွေးတောပြီးနောက် ရုတ်တရက်ပြောလိုက်သည်။
"တဟေးတန်နဲ့ ငါသွားလိုက်မယ်..."
မော့လောင်တ ကြောင်သွားခဲ့သည်။
"ဟမ်..."
မော့တာယိ အမြန်ပြန်ဖြေလိုက်သည်။
“ဒါဆို အဆင်ပြေသွားပြီ... ငါအရင်သွားတော့မယ်..."
မော့လောင်တသည် မော့တာယိ၏ အလျင်အမြန် ပြန်သွားခြင်းကို ခပ်တည်တည်ဖြင့် ကြည့်နေပြီးနောက် ယင်ရှောင်ရှောင်းကို စိုက်ကြည့်နေသည်။
ထိုအချိန်တွင် အလွန်ပျော်ရွှင်နေသော ယင်ရှောင်ရှောင်းသည် မော့လောင်တ ပါးစပ်ကို နမ်းရန် ပြေးလာသည်။ ထို့နောက် လှည့်၍ ဟစ်အော်ကာ ဂူထဲသို့ လျှောချသွားသည်။
သူ့ရဲ့ အချစ်ပြိုင်ဘက်ကို သိမ်ငယ်ပြီးတော့ ပျက်စီးသွားတာကို မြင်ချင်ပြီး သူ့ရဲ့ပျော်ရွှင်မှုကို ပြသဖို့ ယင်ရှောင်ရှောင်းက မော့တာမော့ရဲ့ မိတ်ဖက်အခမ်းအနားကို ပါဝင်မှာဖြစ်တယ်...
ယင်ရှောင်ရှောင်း၏ ရုတ်တရက်ပြောင်းလဲမှုကြောင့် မော့လောင်တ ပို၍ပင် ကြောင်သွားခဲ့သည်။
အရူးပေါက်လေးရဲ့ စိတ်နေစိတ်ထားတွေက ဘာလို့ ရုတ်တရတ်ပြောင်းလဲသွားတာလဲ....
မော့လောင်တက အချိန်အတော်ကြာအောင် တွေးနေသော်လည်း နားမလည်နိုင်သေးပေ။ နောက်ဆုံးတွင် သူလက်လျှော့လိုက်သည်။
မေ့လိုက်ပါ.... အရေးကြီးတာကက အရူးပေါက်လေးရဲ့ စိတ်ခံစားချက်က ကောင်းလာပြီး သူ့ကို စိတ်ဆိုးမနေဖို့ပဲလေ.... ညနေဆို ဒီလိုမျိုး... ဟီးဟီး...
မော့လောင်တသည် ခပ်ညစ်ညစ်ပြုံးကာဖြင့် ဂူထဲသို့ လျှောချသွားသည်။
နောက်ဆက်တွဲဖြစ်ခဲ့သည့်အရာသည် မျှော်မှန်းထားသည့်အတိုင်း အတိအကျဖြစ်လာပြီး သူတို့သည် လက်တွဲဖော်ဖြစ်လာပြီးကတည်းက တစ်ကြိမ်သာ လုပ်ဆောင်ခဲ့သောကြောင့် ယခုတစ်ကြိမ်တွင် မော့လောင်တသည် ပို၍ပင် ပြင်းထန်ပြီး ကြမ်းတမ်းခဲ့သည်။ တစ်ညပြီးတစ်ည ထိုအတိုင်း ပြီးသွားသည်။ အတိုချုပ်ပြောရလျှင် မော့တာယိ ထွက်သွားပြီးနောက် သူတို့၏ဂူရှေ့ရှိ နေရာလွတ်တွင် နေပူစာလှုံရန်မှာ ယင်ရှောင်ရှောင်း ချောတိုက်သွားသည့် အဝေးဆုံးနေရာ ဖြစ်သည်။
မော့လောင်တ၏ နှလုံးသားထဲတွင် ပေသီးလေးများ တဒေါက်ဒေါက်ခုန်နေသည်။ ယခု မော့လောင်တ အတွက် သူ့အဓိက တာဝန်က မျိုးနွယ်စုခေါင်းဆောင် အဖြစ် ဆောင်ရွက်ဖို့ မဟုတ်ဘဲ ယင်ရှောင်ရှောင်းက မြွေပေါက်လေးများကို တတ်နိုင်သမျှ အမြန်ဆုံး မွေးဖွားပေးဖို့ပင် ဖြစ်သည်။
သူတို့ကို လေးငါးနှစ်လောက် ပြုစုပျိုးထောင်ပြီးရင် သူနဲ့ အရူးပေါက်လေးကို သူတို့က ထားသွားနိုင်တယ်... ဟုတ်တယ်... ကျန်တဲ့အချိန်က သူနဲ့ အရူးပေါက်လေး အတွက်ပဲ ဖြစ်လိမ့်မယ်...
အနာဂတ်တွင် သူတို့၏ဘဝအကြောင်းကို တွေးတောရင်း မော့လောင်တသည် ဝမ်းသာအားရဖြင့် ပီတိမဖြာပဲ မနေနိုင်ပေ။ မြွေကလေးများရှိခြင်းသည် ၎င်းတို့၏ မြွေ DNA တွင်ရှိပြီးသားဖြစ်ပြီး မျိုးပွားခြင်းသည် သားရဲသတ္တဝါတို့၏ ဗီဇထဲတွင် အရေးအကြီးဆုံးဖြစ်သည်။
ဒါပေမဲ့ အနာဂတ်မှာ မော့လောင်တ အမျှော်လင့်ဆုံးအရာက ယင်ရှောင်ရှောင်း နဲ့ သူတို့ရဲ့ကိုယ်ပိုင်ကမ္ဘာထဲမှာ နေထိုင်ရဖို့ပဲ...
သဘာဝအားဖြင့် သူ့မျိုးရိုးက တော်တော်အစွမ်းထက်သည်။
ဒါကြောင့် အရူးပေါက်လေး ရဲ့ မျိုးရိုးကမကောင်းခဲ့ရင်တောင် သူ့အတွက် လျော်ကြေးပေးတဲ့အနေနဲ့ မြွေလေးတွေ သန္ဓေတည်ဖို့ဆိုတာ ခက်ခဲတဲ့ကိစ္စတစ်ခု မဟုတ်ပါဘူး... သူ ကြိုးကြိုးစားစား အလုပ်လုပ်နေသရွေ့တော့ နှစ်အနည်းငယ်ကြာလိမ့်မယ်…ဒါမှမဟုတ် နှစ်ဒါဇင်အနည်းငယ်ကြာမယ်... မဆိုးပါဘူး... နှစ်ဒါဇင်အနည်းငယ်ကြာတဲ့တိုင်အောင် မြွေပွေးတွေရဲ့အမြင်အရ မိတ်ဖက်ဖြစ်လာခြင်းနဲ့ မြွေကလေးမွေးခြင်းတို့က အရမ်းမြန်တယ်... နောက်ဆုံးမှာ သုံးလမြောက်တဲ့နေ့အထိ သွားဖို့ တစ်လမပြည့်သေးတဲ့အချိန်မှာ ယင်ရှောင်ရှောင်းက မော့လောင်တရဲ့ တိုးတက်မှုတွေကို ပြတ်ပြတ်သားသား ငြင်းဆိုခဲ့တယ်... လုပ်ရပ်တွေက အရမ်းပျော်ဖို့ကောင်းတယ်လို့ ယင်ရှောင်ရှောင်း က ဝန်ခံခဲ့ပေမယ့် သူ့ချစ်သူရဲ့ ပြိုင်ဖက်ရဲ့ မိတ်ဖက်အခမ်းအနားကို တက်ရောက်ရမှာပဲ... လဝက်မပြည့်သေးတော့ သူ့ခန္ဓာကိုယ်ကို ပြုစုပျိုးထောင်ပြီးတော့ မော့တာမော့ကို အားငယ်သွားအောင်လုပ်ဖို့ ပိုကြီးလာအောင် ကြိုးစားရမှာ...
မော့လောင်တသည် ယင်ရှောင်ရှောင်း၏ အတွေးများကို လုံးဝ သတိမထားမိဘဲ ယင်ရှောင်ရှောင်းသည် မော့တာမော့နှင့် မော့လောင်အာ၏ မိတ်ဖက် အခမ်းအနားသို့ တက်ရောက်ရန် စိတ်အားထက်သန်သောကြောင့် ယင်ရှောင်ရှောင်း သူ့ကို မထိချင်သည်ဟုသာ ထင်နေခဲ့သည်။ ထို့ကြောင့် သူသည် မော့တာမော့ကို အငြိုးထားခဲ့သည်။
အရူးပေါက်လေးက မော့တာမော့ရဲ့ကောင်းတဲ့ဘက်ကိုပဲ မြင်နေတာ ဖြစ်နိုင်လား... ကောင်းပြီ... မော့လောင်တ... မင်း အတွေးတွေ ဘယ်ရောက်သွားလဲ...
ယင်ရှောင်ရှောင်း လိုချင်သည့်အတိုင်း ယင်ရှောင်ရှောင်းနှင့် မော့လောင်တ တို့သည် မော့မြွေနယ်မြေဆီသို့ ဦးတည်သွားသောအခါ ယင်ရှောင်ရှောင်း သည် အမှန်တကယ်ပင် ပြည့်ဖြိုးလာခဲ့သည်။
မော့လောင်တသည် လျှောတိုက်ရင်း သူ့စိတ်ထဲတွင် စိုးရိမ်စိတ်ဖြင့် ရေရွတ်လိုက်သည်။
"...ဘုရားရေ.. သုံးလအကြာမှာတော့ အရူးပေါက်လေး က ပိုပိုထွားလာတာပဲ..."
မော့တာမော့နှင့် မော့လောင်အာ တို့သည် မော့မြွေများဖြစ်သောကြောင့် မော့တာမော့နှင့် မော့လောင်အာ ၏ မိတ်ဖက်အခမ်းအနားသို့ တက်ရောက်လာသူများသည် မော့မြွေများဖြစ်သည်။ စုစုပေါင်း မော့မြွေ ရာဂဏန်းခန့်သာ ရှိသောကြောင့် ယင်ရှောင်ရှောင်းနှင့် မော့လောင်တ၏ မိတ်ဖက် အခမ်းအနား မြင်ကွင်းနှင့် နှိုင်းယှဉ်ပါက မော့တာမော့နှင့် မော့လောင်အာ၏ မိတ်ဖက် အခမ်းအနားသို့ တက်ရောက်သည့် မြွေအရေအတွက် နည်းပါးကြောင်း ကောင်းကောင်း တွေးကြည့်နိုင်သည်။ သို့သော် ဒါသည် တမူထူးခြားသော မော့လောင်တနှင့် ယင်ရှောင်ရှောင်းတို့၏ အခမ်းအနားနှင့် ယှဉ်ရင် သာမန်သာဖြစ်သည်။
မော့လောင်တနှင့် ယင်ရှောင်ရှောင်း ရောက်ရှိလာချိန်တွင် အခမ်းအနား စတင်နေပြီဖြစ်သည်။ သို့သော် ပတ်ဝန်းကျင်ရှိ မော့မြွေများက မော့လောင်တကို မြင်သောအခါတွင် ၎င်းတို့အားလုံးသည် မော့လောင်တကို လမ်းဖယ်ပေးခဲ့ကြပြီး မော့လောင်တနှင့် ယင်ရှောင်ရှောင်းတို့ကို ရှေ့သို့ ချောချောမွေ့မွေ့ လျှောတိုက်သွားနိုင်စေရန် လမ်းဖွင့်ပေးခဲ့သည်။ မော့လောင်တသည် ငြိမ်သက်စွာ လျှောတိုက်သွားနေသော်လည်း ယင်ရှောင်ရှောင်း အနည်းငယ် စိတ်မသက်မသာ ခံစားရသည်။ သူ စိတ်ကူးယဉ်နေလား မသိသော်လည်း ယင်ရှောင်ရှောင်းသည် မော့မြွေအချို့၏ အကြည့်များက မကောင်းဘူးဟု ခံစားရသည်။
ယင်ရှောင်ရှောင်းက သူနဲ့ မော့လောင်တ လက်တွဲဖော်ဖြစ်တုန်းက အခမ်းအနားကိုလာတဲ့ မော့မြွေတွေဟာ အဲဒီလောက် ခံစားချက်တွေကို ပွင့်ပွင့်လင်းလင်း မပြခဲ့ဘူးလို့ ယင်ရှောင်ရှောင်းက တွေးချင်နေခဲ့တယ်...
ထိုနေရာတွင်ပြသမှုကို မော့တာမော့ နှင့် မော့လောင်အာ တို့က မြင်တွေ့ခဲ့ရသည်။ မော့လောင်အာက ပေါ့ပေါ့ပါးပါး အော်ဟစ်လိုက်သည်။ ထိုသို့ အော်ဟစ်လိုက်ခြင်း သည် မော့လောင်တသို့ ဦးတည်သွားလား သို့မဟုတ် ယင်ရှောင်ရှောင်းကို ဦးတည်သွားလား မသိနိုင်ပေ။
မော့တာမော့၏ အကြည့်များသည် ပို၍ရှုပ်ထွေးသွားသည်။ မော့တာမော့သည် ယင်ရှောင်ရှောင်း၏ ဝလာပုံကို ကြည့်လိုက်သည်။ ဟုတ်သည်၊ မော့တာမော့ သည် 'အဝလွန်ခြင်း' ဟူသော စကားလုံးကို မလိုမုန်းထားစိတ်ဖြင့် တွေးနေသည်။ သူ့စိတ်ထဲ၌ သူ့ကို လှောင်ပြောင်နေချိန်တွင် မော့လောင်တက သူ့အပေါ် တုန်နေအောင်ချစ်ကြောင်း သူသိသည်။ သူမည်သို့ ခံစားနေရသည်ကို တကယ်မသိပေ။ ယင်ရှောင်ရှောင်းတွင် အကြောင်းပြချက် သေချာပေါက် ရှိနေကြောင်းသာ သူ သိသည်။ ထို့နောက် မော့တာမော့သည် မော့လောင်တကို လှည့်ကြည့်လိုက်သည်။
ယင်ရှောင်ရှောင်းသည် မော့တာမော့ကို အစကတည်းက စောင့်ကြည့်နေခဲ့သည်။ မော့တာမော့၏ အကြည့်က မော့လောင်တဆီသို့ လှည့်သွားသည်ကို မြင်လိုက်သောအခါ ယင်ရှောင်ရှောင်းသည် ချက်ချင်းပင် မပျော်မရွှင်ဖြစ်သွားကာ မော့တာမော့၏ မြင်ကွင်းကို ပိတ်ဆို့ရန် ကြိုးပမ်းရင်း မော့လောင်တရှေ့သို့ တမင်တကာ ရပ်လိုက်သည်။ ယင်ရှောင်ရှောင်း သာလျှင် သူ့ကိုယ်သူ အလွန်အမင်း တွက်ဆထားသည်မှာ ထင်ရှားသည်။
မော့လောင်တကို သူလုံးဝ ပိတ်ဆို့ထားနိုင်မယ့် နည်းလမ်းတော့ မရှိပါဘူး...
ဒေါသထွက်ပြီး မာန်ဖီနေသော ယင်ရှောင်ရှောင်း ကပြောသည်။
"တဟေးတန်... နည်းနည်းတိုး..."
ကျန်းဘုန်းကြီး နှစ်ပါးကဲ့သို့ ပဟေဋိဖြစ်နေသော မော့လောင်တသည် နာခံရုံသာရှိသည်။ ယင်ရှောင်ရှောင်း ကျေနပ်စွာနှင့် မော့လောင်တကို ပိတ်ဆို့ရန် တတ်နိုင်သမျှ ကွယ်ထားလိုက်သည်။
မော့တာမော့သည် ဖြစ်ပျက်သမျှကို ငေးကြည့်နေမိသည်။ ယင်ရှောင်ရှောင်း ၏ ဘဝင်မြင့်နေသော မျက်နှာကို ကြည့်ရင်း နောက်ဆုံးတွင် မော့တာမော့သည် စိတ်မပါလက်မပါဖြင့် အကြည့်မှ ဖယ်လိုက်သည်။
