Ch 15

🥰Chapter 15 

စကားသာမပြောရင် သူက အိုင်ဒေါတစ်ယောက်ပဲ

 ယနေ့၏ ယာယီအစီအစဉ်တင်ဆက်သူအနေဖြင့် ရွှမ်ဟွေ့ထုန်က အဖွင့်စကားအနည်းငယ်ပြောလိုက်သည်။ ထို့နောက် မကြာသေးမီက စိတ်ဝင်စားစရာကောင်းသော အကြောင်းအရာများအကြောင်း ဆွေးနွေးခဲ့ပြီးတိုက်ရိုက်ထုတ်လွှင့်မှုအခန်း၏ လေထုကို အောင်အောင်မြင်မြင် အသက်ဝင်လာစေသည်။

တစ်ခဏမျှကြာပြီးနောက် တိုက်ရိုက်ထုတ်လွှင့်မှုအခန်းထဲမှ လူအရေအတွက်မှာမှားယွင်းနေကြောင်း တစ်စုံတစ်ယောက်က တွေ့ရှိခဲ့သည်။

[နတ်ဘုရားမရေ...လူလေးယောက်လို့ပြောခဲ့တာ မဟုတ်ဘူးလား...]

[ဟမ်...ငါတို့ရဲ့ကောကော ဘယ်မှာလဲ...အရိပ်လေးတွေက အွန်လိုင်းပေါ်မှာ စောင့်နေပါတယ်...]

[ငါ့ကောကောကဘယ်မှာလဲ...]

[ဟားဟား...တစ်ခုခုလိုနေသလိုပဲလို့ ငါ အခုလေးတင် ပြောခဲ့တာ...ဘုရင်ကြီးက ဒီမှာမရှိနေတော့လုံလုံလောက်လောက် အသက်မဝင်နေတာပဲ...]

[ငါ လွန်ခဲ့တဲ့နာရီဝက်လောက်ကတင် သူ အင်တာနက်ဆယ်လီတစ်ယောက်ကို ဖြတ်ရိုက်ခဲ့တာကို ကြည့်ခဲ့တာ...အရမ်းမိုက်တာပဲ...]

“မင်းတို့်ရဲ့ ကောကောက ဘေးအခန်းထဲမှာအနားယူနေပါတယ်...”

ရွှမ်ဟွေ့ထုန်က သူ့ဖုန်းကိုကိုင်လိုက်ကာ တိုက်ရိုက်ထုတ်လွှင့်မှုအခန်းမှ လူပေါင်းများစွာနှင့်အတူ ဘေးအခန်းတံခါးကို တွန်းဖွင့်လိုက်သည်။

“မင်္ဂလာရှိသောနှင်းတစ်ပွင့်က အကြီးဆုံး ဗီလိန်ကြီးကို အင်တာဗျူးကြရအောင်...”

ရွှမ်ဟွေ့ထုန်: "......"

ကျန်းယင်က ဆိုဖာပေါ်၌ ကွေးနေကာနှစ်ခြိုက်စွာ အိပ်မောကျနေ၏။ သူ့ဖုန်းက ကော်ဇောပေါ်သို့ ပြုတ်ကျနေကာ သူ့လက်ထဲ၌နို့်လက်ဖက်ရည်တစ်ဝက်ကျန်နေသော ခွက်ကို ဆုပ်ကိုင်ထားလေသည်။

“တောင်းပန်ပါတယ်၊ တောင်းပန်ပါတယ်...သူအချိန်အတော်ကြာ အိပ်မပျော်ခဲ့ဘူး ထင်တယ်...”

လက်ထောက်ချန်က ဘေးမှ ညင်သာစွာတောင်းပန်လိုက်သည်။

“အဆင်ပြေပါတယ်...တိုက်ရိုက်ထုတ်လွှင့်မှုကအခုမှ စတာ...”

ရွှမ်ဟွေ့ထုန်ကတိုက်ရိုက်ထုတ်လွှင့်မှု ကင်မရာကို အဝေးသို့ ပို့လိုက်ကာ တီးတိုးပြောလိုက်သည်။

“သူ့ကို ဘယ်သူ နှိုးမှာလဲ...”

[ဒါက ကျန်းယင်လား...ကောင်းကောင်း အိပ်ပျော်နေတာပဲ...]

[အရမ်းကြည့်ကောင်းတာပဲ...ငါတော့ ပရိသတ် ဖြစ်သွားပြီ...]

[အား...ငါ့ကောကောရဲ့အိပ်နေတဲ့ မျက်နှာနဲ့ ကိုယ်ဟန်အနေအထားက အရမ်းမိုက်တာပဲ...ငါ့နှလုံးသားလေးခုန်ပေါက်နေပြီ...]

[ဘယ်နေရာဖြစ်ဖြစ်အိပ်နိုင်တဲ့ သဘောထားကြီးတဲ့ အိုင်ဒေါတစ်ယောက်ရဲ့ ဖန်ပါ...]

[အမေရေ...သူက ဘာလို့အိုင်ဒေါတစ်ယောက် ဖြစ်နေတယ်ဆိုတာ ငါ အခု သိပြီ...စကားမပြောတဲ့ အချိန်ဆိုရင် သူကအရမ်း ချောတာပဲ....မျက်နှာကိုအုပ်၍ငိုနေသည်.jpg]

 [လုပ်စမ်းပါ...သူကတကယ် ကြည့်ကောင်းတယ်မလား...သူလွန်ခဲ့တဲ့ ရက်တွေတုန်းက ကြိမ်းမောင်းနေတာကိုမမြင်ခဲ့ကြဘူးလား...သူက စကားမပြောရင် အိုင်ဒေါတစ်ယောက် ဖြစ်ပြီး စကားပြောရင်ထိုးနှက်တတ်တဲ့လူ တစ်ယောက်ပဲ...]  

[စီနီယာအရိပ်လေး တစ်ယောက်အနေနဲ့ မြန်မြန်စခရင်ရှော့ရိုက်ထားဖို့ မင်းတို့ကို အကြံပြုတယ်....]

[@လက်ထောက်ချန်...အိုင်ဒေါကနို့်လက်ဖက်ရည်သောက်နေပြီ...ဝိတ်ထိန်းဖို့ မလိုအပ်တော့ဘူးလား...]

[ဟေး...သူ့ကိုအိပ်ခွင့်ပြုလိုက်ပါဦး...]

ဤအချိန်၌တိုက်ရိုက်ထုတ်လွှင့်နေဆဲဖြစ်ရာ ရွှမ်ဟွေ့ထုန်က ကင်မရာကို ပိတ်ဆို့လိုက်သော်လည်းကျန်းယင်ကို သဘောမကျသူအချို့က သူ့ကို ဝေဖန်ရန် ချက်ချင်း ခုန်ထွက်လာကြသည်။ 

[ဘာလို့မင်္ဂလာရှိသော နှင်းတစ်ပွင့်က ဒရာမာကောင်းတစ်ခုမှာ သူ့ကို သရုပ်ဆောင်ဖို့တောင်းဆိုခဲ့လဲဆိုတာ ငါ နားမလည်သေးဘူး...အခု သူက တိုက်ရိုက်ထုတ်လွှင့်မှုမှာတောင်အိပ်နေတယ်...]

[အလုပ်ကိုသာလေးလေးနက်နက်မလုပ်ရင် စိတ်ခံစားချက်ကောင်းကောင်းရှိဖို့က တကယ်ခက်ခဲမှာ....]

[ဒါက ဖျော်ဖြေရေးနယ်ပယ်ထဲမှာတော့ တကယ် ဆိုးဝါးတဲ့ လုပ်ရပ်ပဲ...]  

တိုက်ရိုက်ထုတ်လွှင့်မှုအခန်းထဲ၌အရိပ်လေးများစွာက ချက်ချင်း ပေါ်လာခဲ့သည်။ ကျန်းယင်မုန်းတီးသူများကဆဲရေးတိုင်းထွာရန်ပင် နေရာမရှိတော့ဘဲ အုပ်စုလိုက် ရန်ဖြစ်သည့်အခြေအနေသို့ချက်ချင်း ရောက်ရှိသွားသည်။

“သူ မနေ့ညကအိပ်တာနောက်ကျသွားတာ...”

ချီကျူးက ပြောသည်။

“ငါကလည်း နောက်ကျသွားပြီးတော့ သူ့ကိုတိုက်ရိုက်ထုတ်လွှင့်မှု စမယ့်အချိန်ကို ကြိုမပြောထားမိဘူး...” 

ကျန်းယင်က မည်သည့်နေရာတွင်မဆိုအိပ်ပျော်နိုင်လိမ့်မည်ဟု လက်ထောက်ချန် မမျှော်လင့်ထားမိပေ။

“ကျွန်တော့်ရဲ့ ကြိုတင်စီစဉ်နိုင်မှုညံ့သွားတာလည်း ပါပါတယ်...”

မှတ်ချက်ကဏ္ဍများထဲမှ လူအုပ်စုကကျန်းယင်မှာ အလွန် ကြည့်ကောင်းကြောင်း အော်ဟစ်နေကြပြီး ချီကျူးက ဆိုဖာပေါ်သို့ငေးကြည့်လိုက်သည်။ 

“ဒါဆို မင်းတို့ကိုအကြံပေးမယ်...အခုအချိန်ကို ကောင်းကောင်း တန်ဖိုးထားကြပါ...”

ကျန်းယင်က နှစ်ခြိုက်စွာအိပ်မောကျနေချိန် တစ်စုံတစ်ယောက် စကားပြောနေသည်ကို ကြားလိုက်ကာအိပ်မှုန်စုံဝါးဖြင့် မျက်လုံးများကို ဖွင့်လိုက်၏။ သူ ပထမဆုံးမြင်လိုက်ရသည့်သူမှာ ချီကျူး ဖြစ်သည်။

ချီကျူးက လွန်ခဲ့သော ရက်အနည်းငယ်ကထက်ပို၍ ပုံစံကျစွာ ဝတ််ဆင်ထားပြီး ခေါင်းအစအခြေအဆုံး အထက်တန်းဆန်သော အငွေ့အသက်ကိုထုတ်လွှတ်နေသည်။ 

ကျန်းယင်က နို့လက်ဖက်ရည်ခွက်ကိုကိုင်ကာ ထထိုင်လိုက်သည်။

“ဝိုး...အတန်းခေါင်းဆောင်...ဒီနေ့ဘာလို့ ခရစ်စမတ်သစ်ပင်ကြီးလို ဝတ်စားထားတာလဲ...”

ချီကျူး: "..."

ရွှမ်ဟွေ့ထုန်က မျက်နှာအမူအရာကိုထိန်းသိမ်းရန် ကြိုးစားခဲ့သော်လည်း ကျရှုံးသွားခဲ့ပြီး နောက်ဆုံး၌ ရယ်သံထွက်သွားသည်။

“ခွီး...”

တိုက်ရိုက်ထုတ်လွှင့်မှုအခန်းထဲ၌-

[…] 

[ငါ သိနေခဲ့တယ်...]

 [ခုနက သူ့ပုံစံကို သတိရမိသွားပြီ...တစ်ယောက်ယောက် သူ့ကိုမေ့လဲအောင် ရိုက်ပေးကြပါဦး...]

 [ဟားဟား...အဲ့ဒါကြောင့်ချီကျူးက ခုနက လက်ရှိအချိန်ကို တန်ဖိုးထားဖို့ ပြောခဲ့တာကိုး...ကျန်းယင်ကတော့တကယ့်ကို ကျန်းယင်ပါပဲ...တကယ် ထိုးနှက်တတ်တယ်...] 

[တောင်းပန်ပါတယ်...ဒါပေမယ့်ငါ ရယ်ချင်တယ်...] 

[ကျန်းယင်ရေ...ပါးစပ်ပိတ်လိုက်ပါတော့...ငါတို့ကောကောကဒီလောက်ကြည့်ကောင်းတာကို ဘာလို့ ခရစ်စမတ်သစ်ပင် ဖြစ်ရမှာလဲ...] 

“အခု တိုက်ရိုက်ထုတ်လွှင့်နေတာ...”

 ယင်ကျားယွီက ပါးစပ်လှုပ်ရုံပြောပြလိုက်သည်။

 “တိုက်ရိုက်ထုတ်လွှင့်တာစနေပြီလား...”

 ကျန်းယင်က အိပ်မှုန်စုံဝါးဖြစ်နေရာမှနိုးထလာပြီး မတ်မတ် ထိုင်လိုက်သည်။

 “ဟယ်လို...အားလုံးပဲ မင်္ဂလာပါ...

” သူ နိုးလာသည်နှင့် မှတ်ချက်ကဏ္ဍ၌ကျိန်ဆဲနေသည့် အကောင့်နှစ်ခုက ချက်ချင်း ပျောက်ကွယ်သွားသည်။

“ရှောင်ယင်...နိုးလာတာသေချာပြီလား...” 

ချီရှန့်က မေးလိုက်သည်။

 “ဒီ့ထက်ပိုပြီးတော့တော့ မနိုးကြားနိုင်တော့ဘူး....”

 ယနေ့ ချီကျူးလည်း ရှိမည်ကိုသိထားသောကြောင့် ကျန်းယင်က အပြင်မထွက်မီ အဝတ်အစားကို သေချာ ရွေးချယ်ထားခဲ့ကာ ယခုသေသေသပ်သပ် ထိုင်လိုက်ချိန်တွင် ကင်မရာထဲ၌ အလွန် ကြည့်ကောင်းနေသည်။ 

[ငါတို့်ရဲ့ကျန်းရှောင်ယင် ဒီနေ့ ဝတ်ထားတာက ပိုပြီး ထူးခြားနေတယ်...ပုံမှန်ထက် ပိုပြီးရင့်ကျက်တဲ့ပုံပေါ်နေတယ်...]

[ဟုတ်တယ်၊ဟုတ်တယ်...ပုံမှန်ဆို ဖြူဖြူစင်စင် ကျောင်းသားပုံစံ ဝတ်လေ့ရှိတာ...ဒီနေ့ dark tone ပုံစံ ဝတ်စုံနဲ့လည်း တကယ်လိုက်တယ်...]

ကျန်းယင်က စိတ်ကျေနပ်စွာဖြင့်နှုတ်ခမ်းထောင့်ကို တစ်ချက် တွန့်ကွေးလိုက်ပြီး ဆိုဖာဘေးတွင် ရပ်နေသည့် ချီကျူးကိုတစ်ချက် လှမ်းကြည့်လိုက်သည်။

[အငြင်းပွားချင်လို့မဟုတ်ပေမယ့် မေးချင်တာလေး ရှိတယ်...အမျိုးသားအိုင်ဒေါတွေက တိုက်ရိုက်ထုတ်လွှင့်ရင်အမြဲ ဒီလောက် အာရုံစိုက်ပြီး ပြင်ဆင်ကြတာလား...ငါတို့ နတ်ဘုရားမက ပေါ့ပေါ့ပါးပါးဝတ်စုံနဲ့ပဲ ထွက်လာတာ...ဒီနှစ်ယောက်က ဘာဖြစ်နေကြတာလဲ...ကော်ဇောနီလျှောက်တော့မယ့်ပုံစံတွေနဲ့...]

[ဒီတိုက်ရိုက်ထုတ်လွှင့်မှုကတော့ အကြီးဆုံးအနိုင်ရရှိသူ ဖြစ်သွားပြီ...]

[အမှန်ပြင်ပေးမယ်နော်...ငါတို့ရဲ့ချီကျူးက အိုင်ဒေါလမ်းကြောင်းဘက်က မဟုတ်ဘူး...သူက အင်အားကြီးတဲ့ သရုပ်ဆောင်...]

[အလုပ်ကိုအလေးအနက်ထားတာ မကောင်းဘူးလား...ကြည့်ကောင်းနေရင် ရပြီ မဟုတ်ဘူးလား...အဲ့ဒါကဘာပြဿနာဖြစ်နေလို့လဲ...]

[ငါကတော့သူတို့နှစ်ယောက် ပြိုင်ဆိုင်နေသလို ခံစားရတယ်...]

[သူတို့က အရင်တည်းကဒီအတိုင်းပဲ...နှစ်ဖက်ဖန်တွေကလည်း အမြဲ ဒီလိုပဲ...]

“အခု မေးခွန်းနည်းနည်းမေးမယ််နော်...တချို့က အင်တာနက်အသုံးပြုသူတွေဘက်က မေးတာ...တချို့က ကျွန်မတို့ဆီကနေမေးတာ...”

ရွှမ်ဟွေ့ထုန်က သဘာဝကျကျပင်တိုက်ရိုက်ထုတ်လွှင့်မှုကို ပြန်၍ ချိတ်ဆက်လိုက်သည်။

“သိတာ အားလုံး ဖြေပေးပါမယ်...” 

ကျန်းယင်စကားပြောချိန်၌ သူ့အိတ်ကပ်ထဲမှ ငွေချိန်းကြိုးလေးက တချွင်ချွင် မြည်နေသည်။

“ပထမဆုံးမေးခွန်းကတော့ ဘာလို့ ရှင်ကဝေ့ပေါ်မှာ လူတွေနဲ့ အငြင်းပွားရတာကိုကြိုုက်တာလဲ...”

ရွှမ်ဟွေ့ထုန်က မေးခွန်းကတ်ပြားပေါ်မှမေးခွန်းကို ဖတ်ပြလိုက်သည်။ 

“ဒါက အင်တာနက်အသုံးပြုသူ [ငါ့ကိုချစ်ရင်ပိုက်ဆံပေးပါ] က မေးထားတဲ့မေးခွန်းပါ...”

ကျန်းယင်:“အိုး...ပထမဆုံးအနေနဲ့ ကျွန်တော်က ငြင်းခုံရတာတွေကို မကြိုက်ဘူး...ဒုတိယအနေနဲ့ကျွန်တော်က တစ်ယောက်ယောက်နဲ့ ငြင်းခုံဖို့ အစပျိုးတာမျိုးလုပ်ခဲတယ်....ပုံမှန်အားဖြင့် သူတို့က ကျွန်တော့်ကို အရင်ကြိမ်းမောင်းကြတာ...အဲ့တော့ ဒါက ကျွန်တော်က ငြင်းခုံပြီးတိုက်ခိုက်နေတာမဟုတ်ဘူး...ဒါက ကျွန်တော့်ရဲ့ ဂုဏ်သိက္ခာကိုကာကွယ်ဖို့ပဲ...တတိယအနေနဲ့ပြောရရင် ဒီ သူငယ်ချင်းရဲ့ ID ကို နည်းနည်းလေးရင်းနှီးနေတယ်...”

“ဒါကို မကြိုက်ဘူးလား...”

 ချီကျူးက ဘေးမှ မေးလိုက်သည်။ 

တိုက်ရိုက်ထုတ်လွှင့်မှုအခန်းမှမှတ်ချက်များမှာ တစ်ခဏမျှပင် ရပ်တန့်မသွားဘဲ သူ မေးခွန်းများကို ဖြေသည်ကို နားထောင်နေချိန်၌ပို၍ပင် များပြားလာသည်။

 [ငါ မယုံဘူး...သူကအငြင်းပွားရတာကို တကယ်မကြိုက်ဘူးလား...]

 [ဟေး...ရိုးရိုးသားသားပြောရရင်ငါက အစတည်းက သူ့ရဲ့ဖန် ဖြစ်ခဲ့တာက သူ့ရဲ့ ဒီ ပြန်ပြီး ထိုးနှက်တတ်တဲ့ အားအင်ကိုသဘောကျလို့ပဲ...တကယ်တော့ ကျန်းယင်က မဆိုးဘူး...သူက ထိုးနှက်တတ်ပေမယ့်ကျိုးကြောင်းဆီလျော်မှု ရှိတယ်...လူတွေကို အကြောင်းမရှိဘဲ မကြိမ်းမောင်းဘူး...]

[ရယ်ရလို့သေတော့မယ်...မင်းတို့ သတိထားမိကြလား...ကျန်းယင်နဲ့ ချီကျူးက အပြင်မှာရောတိတ်တဆိတ်ရော လျှို့ဝှက်ပြီး အချင်းချင်း ထိုးနှက်နေကြတာ...]

“အဲ့ဒါဆို ဒုတိယမေးခွန်းကို မေးပါမယ်...”

ရွှမ်ဟွေ့ထုန်က မေးခွန်းကတ်ကိုပြောင်းလိုက်သည်။

“အင်တာနက်အသုံးပြုသူ [TMW-Sunny] ဆ်ီကမေးခွန်းတစ်ခုပါ...အိုင်ဒေါတစ်ယောက်အနေနဲ့၊ လူသိများတဲ့ ပုံရိပ်တစ်ခုအနေနဲ့ လူတစ်ချို့နဲ့ အမြဲတမ်း လိုက်ပြီး အသေးစိတ်ငြင်းခုံနေတာက ကိုယ့်ကိုယ်ကိုယ် သဘောထားကျဉ်းမြောင်းတယ်လို့ မခံစားရဘူးလား...”

“မထင်တာမဟုတ်ဘူး...ငါက တကယ်ကိုစိတ်သဘောထားကျဉ်းမြောင်းတာ...”

ကျန်းယင်က အေးဆေးစွာ ဝန်ခံလိုက်သည်။

“ငါ ပြန်ပြီးတော့ မထိုးနှက်လိုက်ရရင်ရက်ပေါင်းများစွာ ဒေါသထွက်နေရမယ်...မနက်အိပ်ရာနိုးတာနဲ့ပထမဆုံးလုပ်တာကဒေါသထွက်တာပဲ....’အဲ့ဒီတုန််းကဒီလို ပြန်ပြောလိုက်သင့်တာ’ လို့ နေ့တိုင်း တွေးနေရမှာ...နောက်ကျအဲ့ဒီလူနဲ့ ငြင်းခုံတဲ့ မြင်ကွင်းကို ခေါင်းထဲမှာ အကြိမ်ကြိမ် ပြန်မြင်နေရမယ်...အဲ့လိုဖြစ်တာထက်စာရင်တစ်ခါတည်း အကုန်ပြောပြီး ရှင်းလိုက်တာက ပိုကောင်းတယ်...”

[ဟုတ်တယ်...ငါတို့ကောကောက ငြင်းခုံတတ်တဲ့သူ ဖြစ်ပြီး ငါတို့ကလည်း အဲ့ဒါကြောင့် ဖန်ဖြစ်လာတာပဲ...]

[အသေအချာကိုပဲ အစစ်မှန်ဆုံးစရိုက်ပဲ...ငိုလျက်ရယ်နေသည်.jpg]

ကျန်းယင်၏ စရိုက်မျိုးအား သဘောကျသူရှိသကဲ့သို့ သဘောမကျသူများလည်း ရှိသည်။ ကျန်းယင်မှာ စိတ်သဘောထားကြီးသူဖြစ်၍အခြားလူများ၏ အမြင်ကို များစွာ ဂရုမစိုက်ပေ။

“တကယ်တော့ ငါ ကလေးတုန်းက တော်တော်ဝတယ်...နောက်တစ်ကြိမ်အခွင့်အရေးရရင်မင်းတို့ကို ဓါတ်ပုံတွေ ပြမယ်...မူကြိုတက်တုန်းက လူတွေက ငါ့ကို အနိုင်ကျင့်ကြတယ်...အဲ့ဒီတုန်းကငါက ငိုပဲ ငိုတတ်တာ...နောက်တော့ ငါသာ သူတို့ကို ပြန်ကြိမ်းမောင်းလိုက်ရင် စိတ်တိုမှာမဟုတ်တော့ဘူးလို့တစ်ယောက်ယောက်က ငါ့ကို ပြောခဲ့တာ...ငါ တစ်ခါ စမ်းကြည့်လိုက်တယ်...ပြီးတော့ အဲ့စကားကအရမ်းမှန်တယ်လို့ ငါ ခံစားလိုက်ရတယ်...ဝတာက ဘာဖြစ်လို့လဲ...ငါက သူတို့အိမ်ကဝက်သားကို စားထားလို့လား...”

“အဲဒါဆို နောက်ဆုံး မေးခွန်းမေးပါမယ်...’ငြင်းခုံကြမယ်’ လို့ခေါ်တဲ့app ကို သိလား....”

ရွှမ်ဟွေ့ထုန်က မေးသည်။

“သိပါတယ်...အဲ့ဒါကို ရှာဖွေမှုအများဆုံးစာရင်းထဲမှာမြင်ဖူးတယ်...”

ကျန်းယင်၏ မျက်နှာက မပြောင်းလဲသွားပေ။

“အဲ့ဒါဆို အဲ့ဒီမှာ [ဂဏန်းဘုရင်] လို့ခေါ်တဲ့ အရမ်း‌ကျော်ကြားတဲ့ အသုံးပြုသူ တစ်ယောက် ရှိတာကို သိလား...” 

ရွှမ်ဟွေ့ထုန်က ဆက်မေးသည်။

ကျန်းယင်: "? ”

ကျန်းယင်: "...သိတော့ သိလောက်မယ်ထင်တယ်... ”

“အဲ့ဒါဆို ကောင်းတယ်...”

ရွှမ်ဟွေ့ထုန်က ပြုံးလိုက်သည်။

“ကျေးဇူးပြုပြီး မေးခွန်းကို နားထောင်ပေးပါ...သေချာဖြေပေးပါနော်...တကယ်လို့[ဂဏန်းဘုရင်] နဲ့ အွန်လိုင်းပေါ်မှာတိုက်ပွဲလုပ်ရမယ်ဆိုရင် ဘယ်သူနိုင်မယ်လို့ ထင်လဲ...”

ကျန်းယင်: "??? ”

 ကျန်းယင်: "ဒီမေးခွန်းကို ဘယ်သူမေးတာလဲ...”

😍😍😍