Welcome To MM Storyteller
LOGIN
Part 737
ညစာစားပြီးနောက်တွင် ရှန်ယွီက အနက်ရောင်သံပိုက်များနှင့် အခြားအစိတ်အပိုင်းများကို ယူကာ ရောက်လာလေသည်။
လင်းလန်က ထိုအရာအား သိချင်စွာကြည့်လိုက်၏။သူတို့စက်ဘီးလုပ်ရန် ဘယ်အချိန်တုန်းက ဆွေးနွေးခဲ့ကြသည်ကို သူမမသိပေ။
“ ရှန်ယွီ အဲ့ဒါတွေအားလုံးက အဆင်ပြေပါ့မလား ”
သူမ၏ကလေးများက ငယ်ရွယ်သေးကာ လုံခြုံရေးကို အာရုံမစိုက်ဘဲ ပျော်စရာလုပ်ရန်အတွက်သာ လောဘတကြီးဖြစ်နေမှာကို ကြောက်မိပေသည်။ရှန်ယွီက အမြဲတမ်း တည်ငြိမ်ကာ အလောမကြီးဘဲ အမှားများကို မပြုလုပ်ပေ။သူ့ကိုသာနားထောင်ရပေမည်။
ရှန်ယွီက သူမအား စိတ်ချလက်ချနေပါဟုသော အပြုံးဖြင့် ပြုံးပြလာ၏။
“ ဒါကတကယ်ကို ဖြစ်နိုင်ပါတယ် ဒါကကြည့်တော့မကောင်းပေမယ့် အတော်လေးတော့ ခိုင်ခံတယ်။ လိုအပ်ချက်တွေအရ အစိတ်အပိုင်းတွေကို အတူတူထားလိုက်မယ် ၊ပြီးရင် အသေးစိတ်ပုံစံဆွဲလိုက်ပြီး ပုံကြမ်းကရှင်းလင်းလာရင် ကွန်မြူနတီထဲက ပန်းပဲဆရာဆီကို ဂဟေဆော်ပြီး ရပ်နိုင်ဖို့ အဆစ်အပိုင်းတွေကို တပ်ခိုင်းလိုက်မယ် ”
လင်းလန် :“...” မင်းတို့လူငယ်တွေကတော့ နောက်ဆုံးထိပြောစကားတွေရှိနေကြတာဘဲ။
သူတို့က ပုံစံကြမ်းကိုအရင်ဆွဲကာ အသေးစိတ်ပုံစံကို ပုံစံထုတ်လိုက်ပြီး တခနလောက်တော့ အကုန်လုံးကောင်းနေဦးမှာ မဟုတ်ပေ။ လင်းလန်က သူတို့ကို ဂရုမစိုက်တော့ဘဲ သူတို့ဘာသာ လုပ်စေလိုက်သည်။သူမက ရေဒီယိုနားထောင်ရန် ရှောင်ဝမ်ကို အိမ်ထဲသို့ ပြန်ခေါ်သွားလိုက်သည်။
အခုကာလရှိ ရေဒီယိုအစီအစဉ်များအားလုံးမှာ အလွန်တင်းတင်းကြပ်ကြပ်ပင်ဖြစ်သည်။သူတို့ထုတ်လွှင့်သောအခါ ထုတ်လွှင့်ရေးဌာနသည်သာ အဆုံးစွန်သောလုပ်ပိုင်ခွင့်ရှိ၏။ နားဆင်သူများ၏ ထင်မြင်ချက်ကို မလိုအပ်ဘဲ သူတို့က မလှုပ်မယှက် နားထောင်နေဖို့သာ လိုအပ်ပေသည်။
လွန်ခဲ့သည့်နှစ်ကတည်းက စန်းဝမ်သည် နယ်မြေဆိုင်ရာ ရေဒီယိုဌာနနှင့် အဆက်အဆံရှိနေခဲ့ပေသည်။ သူကျောင်းတွင်ရှိနေသရွေ့ ရေဒီယိုဌာနသို့ သွားလေ့ရှိ၏။ သောကြာနေ့ညတွင် ‘ ငါးပျံလေးက မင်းကိုစကားပြောမယ် ’ အစီအစဉ်က ပုံမှန်ရေဒီယို အစီအစဉ်တစ်ခုဖြစ်လာလေသည်။တစ်ကြိမ်စီတွင် နာရီဝက်ကြာမြင့်၏။ အကယ်၍ သူ့တွင်အချိန်မရှိပါက အရင်အသံသွင်းမှတ်တမ်းများကို ပြန်လည်ထုတ်လွှင့်ပေသည်။စန်းဝမ်အပြင် သန်မာသော အခြားအားကစားသမားများလည်းရှိ၏။သို့သော် သူတို့က အချိန်အကြာကြီးနေမှ တစ်ခါသာ အစီအစဉ်တွင် ပေါ်လာကြပြီး စန်းဝမ်ကမူ သောကြာနေ့တွင် အမြဲတမ်းပါဝင်လာ၏။
ဤအရာမှာ နယ်မြေဆိုင်ရာ အားကစားများကိုကြေညာရန်အတွက် ရေဒီယိုဌာနခေါင်းဆောင်ဖန်း၏ အကြံပင်ဖြစ်သည်။
အစီအစဉ်၏ အခြေခံပုံစံမှာ အမေး၊အဖြေဖြစ်ပြီး အကယ်၍ စန်းဝမ်စကားပြောနေပါက တင်ဆက်သူနှင့်ပတ်သက်ပြီး ဘာမှားတာမှရှိမနေပေ။ဤစကားပြောအစီအစဉ်က အထင်ကြီးလောက်အောင် ပြောကာ ဝါဒဖြန့်ချီရေးအသင်း၏ နားတွင် ဖမ်းမိနေပေသည်။လူများကို ဖော်ရွေကာ စိတ်ဝင်စားစရာဟု ခံစားမိစေသော ကျွမ်းကျင်လိမ္မာစွာ စကားစမြည်ပြောခြင်းအစီအစဉ်က ဘယ်သောအခါမှ မရှိခဲ့ဖူးပေ။
အစီအစဉ်က ဒီနေ့၊ သောကြာနေ့ညနေခင်း 7:30အချိန်တွင် စတင်ထုတ်လွှင့်၏။
ကလေးများက အရန်အစိတ်အပိုင်းများအားလုံးကို တောင်ဘက်အခန်းထဲတွင် သွားထားလိုက်ပြီး တစ်ယောက်ပြီးတစ်ယောက် ဆေးကြောလိုက်ကာ ရေဒီယိုနားထောင်ရန်အတွက် အခန်းထဲဝင်ကာ အတန်းလိုက်ထိုင်ပြီး စောင့်နေလိုက်ကြသည်။
အချိန် 7:30 ဟူ၍ အချက်ပြသံထွက်လာပြီးနောက်တွင် အမျိုးသမီးတင်ဆက်သူတစ်ယောက်၏ ရယ်သံထွက်လာ၏။
“ နောက်ထပ်အစီအစဉ်ကတော့ ဒီ တစ်ပတ်အတွက် စောင့်မျှော်နေကြတဲ့
‘ခေါင်းဆောင်ငါးပျံလေးက သင့်ကိုစကားပြောမယ်’အစီအစဉ်ပါ။ ကျေးဇူးပြုပြီး ကျွန်မတို့ရဲ့အတန်းဖော်လေး ဟန်ဝမ်မင်ကိုဖိတ်ခေါ်လိုက်ပါရစေ”
စန်းဝမ် :“ နားဆင်သူပရိသတ်များ၊သူငယ်ချင်းအားလုံး မင်္ဂလာပါ၊ ကျွန်တော်အားလုံးကို သတိရပါတယ် ”
အခုတွင် သူက ပိုပြီးကျွမ်းကျင်လာကာ သူ့မိဘများကကောင်းသည်၊ သူ့မောင်နှမများက ကောင်းသည်ဟု မပြောတော့သော်ငြား ဒီ‘သတိရသည်’ ဆိုသည်မှာမူ သူ့မိသားစုအတွက်ဖြစ်ကာ သူတို့လည်းဒါကိုသိကြပေသည်။
ရှောင်ဝမ်က အော်ပြောလိုက်၏။
“ တတိယအကို သားတို့လည်း သတိရတယ် ”
တင်ဆက်သူက စကားအနည်းငယ်ပြောလိုက်ကာ စန်းဝမ်ကို အခုတလောရေပန်းစားနေသော အားကစားအကြောင်း မိတ်ဆက်ခိုင်းလိုက်၏။
စန်းဝမ် :“ ဥက္ကဋ္ဌမော်ရဲ့ တော်လှန်ရေးလမ်းကြောင်း လမ်းညွှန်မှုအောက်မှာ လွန်ခဲ့တဲ့နှစ်ရက်က လက်အောက်ခံနယ်မြေဆိုင်ရာ အားကစားသမားရွေးချယ်မှုကို ကျွန်တော်ပါဝင်ခဲ့ပါတယ်။ရွေးချယ်ပွဲရဲ့ ရလဒ်တွေကို ရဲဘော်တွေကို တင်ပြပါရစေ ”
“ ဟားဟား မရွေးခံရဘူးလို့ အနည်းငယ် သံသယဝင်မိပေမယ့် ....အလယ်ပိုင်းမှာ နည်းနည်းရှက်စရာလေးရှိတယ် ”
“ ဒီတစ်ကြိမ်ရွေးတာက မီတာ800ပါ။အမ်....အကွာအဝေးရှည်တယ် ...ကျွန်တော်..ကျွန်တော်က နည်းနည်းဘဲလေ့ကျင့်ခဲ့တော့ သိပ်မကျွမ်းကျင်ဘူး။ အသွားအပြန်အကြိမ်အနည်းငယ် ကူးရင်းနဲ့ဘဲ ပြီးသွားတာ”
“ အဲ့ဒါ..အဲ့ဒါက 25မီတာရှည်တဲ့ ရေကူးကန်လေ...အသွားအပြန်အများကြီးလုပ်ရတယ်။အဆုံးမှာတော့ ကျွန်တော်က တကယ်ကို စက်ဝိုင်းပုံရေကူးနေမိတော့တာ။ရေထဲမှာဆိုတော့ ကန်ဘောင်ပေါ်က ဘာပြောလဲဆိုတာကို မကြားရဘူးလေ။ပြီးတော့ ကျွန်တော် အကြိမ်ရေဖို့မေ့သွားတယ်။ကျွန်တော်က သင်္ချာမှာလည်း အရမ်းမတော်ဘူးလေ ..”
တင်ဆက်သူအမျိုးသမီးက ရယ်တာကိုမရပ်နိုင်တော့ပေ။
“ ဟားဟားဟားးးးကျောင်းသား ဟန်ဝမ်မင်ကတော့လေ ....ဟားဟား ”
ရေဒီယိုရှေ့ရှိ လင်းလန်တို့မိသားစုက ခနလောက်တိတ်သွားကြကာ ကျယ်လောင်စွာ အော်ရယ်လိုက်ကြ၏။
လင်းလန်က ဟန်ချင်စုန့်ပုခုံးကို မှီလိုက်လေသည်။
“ စန်းကော ကျွန်မအရမ်းကို ရယ်နေမိတာ။ ဒါကတကယ့်ကို ဟန်ဆောင်မျက်နှာဖုံးရဲ့ တိုက်ရိုက်ဗားရှင်းဘဲ ဟားဟား ”
ဟန်ချင်စုန့် :“ ....တိုက်ရိုက်ဗားရှင်းဆိုတာ ဘာလဲ ”
ရှောင်ဝမ် :“ တကယ်လို့ သားကိုလိုချင်ရင် သားကအပတ်စဉ် ရေပေးမှာ အကိုကြီး မီတာ800မှာ ဘယ်နှစ်ပတ်ရှိတာလဲ ”
တဝမ် :“....” ငါ့ကိုမမေးနဲ့ ငါသင်္ချာလုပ်ရဦးမယ်။
ရွှင်လန်းတက်ကြွသော ရယ်သံများက အခန်းထဲတွင် ပဲ့တင်ရိုက်နေသည်။
အိပ်ရာဝင်သောအခါ ကလေးများက စန်းဝမ်ပြောတာကို ဆွေးနွေးနေကြတုန်းပင်ဖြစ်သည်။
“ 25မီတာရှိတဲ့ ရေကူးကန်ထဲမှာ မီတာ800ရေကူးရတာက မြည်းတစ်ကောင်း ကြိတ်ဆုံမှာ စက်ဝိုင်းပုံ ပတ်နေရတဲ့အတိုင်းဘဲ နေမှာ”
ကောင်းမွန်သောညအိပ်မှုပင်။
အခုတလောတွင် လင်းလန်က ကွန်မြူနတီသို့ အလုပ်လုပ်ရန်သွားနေရ၏။ညွှန်မှူးဟန်နှင့်ညှိနှိုင်း၍ ည10:30မတိုင်ခင် အိပ်ရာဝင်ကြဖို့ကတိပေးထားသည် ဒီလိုမှသာ မနက်သူမနိုးလာသောအခါ လန်းဆန်းမှာဖြစ်သည်။
အစည်းအဝေးတက်ရမည့်နေ့တွင် ဟန်ချင်စုန့်က လင်းလန်ကို မနက်စောစောတွင်ခေါ်သွားကာ ကောင်တီသို့ လိုက်ပို့လေသည်။
“ စန်းကော ကျွန်မဘာသာသွားနိုင်ပါတယ် ”
“ ကိုယ်လည်း လုပ်စရာရှိလို့သွားမှာ ”
ဟန်ချင်စုန့်ကလည်း အချိန်နှင့်အမျှ ကောင်တီကော်မတီ၏ အစည်းအဝေးများကို သွားနေရပေသည်။နောက်ဆုံးတွင် သူသည် မကောင်းသောအင်အားများကို တိုက်ထုတ်ရန် ကွန်မြူနတီများအကြား ပူးပေါင်းဆောင်ရွက်မှူသန်မာလာစေရမည့် တာဝန်ကိုထမ်းဆောင်နေရသော လက်ထောက်ညွှန်မှူးတစ်ယောက်ဖြစ်နေဆဲပင်ဖြစ်သည်။
“ ဒါဆိုလည်း ကောင်းပြီလေ ”
လင်းလန်က ညွှန်မှူးဟန်အား စက်ဘီးနင်းရန် တည်ငြိမ်စွာ ပြောလိုက်၏။
သူ့ထံတွင် ခြေတံရှည်များနှင့် အားကောင်းကောင်းရှိကာ သူမထက်ပို၍ စက်ဘီးကိုပေါ့ပါးစွာ နင်းနိုင်၏။
ကောင်တီသို့ဝင်လာပြီးသောအခါ တော်လှန်ရေးကော်မတီခြံဝင်းထဲ အရင်သွားလိုက်သည်။တံခါးနားတွင် ဟန်ချင်စုန့် စက်ဘီးရပ်လိုက်ကာ လင်းလန်ကိုဆင်းစေလိုက်ပြီး သူက အထဲကိုစက်ဘီးတွန်းသွားလိုက်၏။
တံခါးစောင့်နေသော အစောင့်သည် ဟန်ချင်စုန့်ကိုမြင်သောအခါ ချက်ချင်းပင်အလေးပြုလာလေသည်။ ဟန်ချင်စုန့်က ပြန်အလေးပြုနေစရာမလိုသောကြောင့် ခေါင်းညိတ်ပြကာ ပြန်နှုတ်ဆက်လိုက်၏။
Xxxxxx
Part 738
သူ အသိအကျွမ်းတချို့ကိုတွေ့သောအခါ နှုတ်ဆက်လိုက်ပြီး လင်းလန်က အရင်ဆုံး ဝါဒဖြန့်ချီရေးဌာနကို အစီရင်ခံရန်သွားလိုက်သည်။
“ လင်းလန်ရေ ဒီမှာ ”
တစ်ယောက်ယောက်က သူမကိုခေါ်လာလေသည်။
“ အရာရှိချီ ရှင်လည်း ရောက်နေတာဘဲ ”
လင်းလန်က ချီဖုန်းပေါ်ကို သွားနှုတ်ဆက်လိုက်ကာ သူမ သိသော အခြား သူများကိုလည်း နှုတ်ဆက်လိုက်၏။
“ လင်းလန် မင်း ဒီနေ့အစည်းအဝေးရဲ့ အကြောင်းအရာကိုသိလား ”
ချီဖုန်းပေါ်က လင်းလန်ကို တွေ့ရလို့ အလွန်ပျော်နေမိပေသည်။သူက လင်းလန်နှင့် စာအပြန်အလှန်ရေးနေကြဖြစ်တာကြောင့် သူမနှင့်ရင်းနှီးသလို ခံစားမိပေသည်။
အမှန်တွင် သူက လင်းလန်ဆီသို့ မကြာခဏ စာရေးပို့လာသောကြောင့် ဟန်ချင်စုန့်အား အကြိမ်အနည်းငယ်လောက် စိတ်မကောင်းဖြစ်သွားစေပေသည်။သူ၏စာများကို ဆင်ဆာမဖျက်ထားသော်လည်း ဒီအမည်နှင့်ပတ်သက်လျှင် သူက အလွန်သတိထားနေမိ၏။
သို့သော် အကြိမ်တိုင်းတွင် သူကအလုပ်နှင့် နိုင်ငံရေးအကြောင်းအရာတစ်ချို့ကိုသာ ရေးသားလာပြီး ထင်မြင်ချက်များပြီးလျှင် ထင်မြင်ချက်တွေချည်းဘဲဖြစ်သည်။ပုံမှန်မဟုတ်သော စကားလုံးဟူ၍မရှိဘဲ သူ့စကားလုံးက သင့်တော်မှုရှိကာ စိတ်အားထက်သန်သော်ငြား စော်ကားပုတ်ခတ်ခြင်းမရှိပေ။ထပ်ပြောရလျှင် အခြားသူများကလည်း လင်းလန်ဆီကိုစာရေးလေ့ရှိကြတာကြောင့် ဒါကပြသနာမဟုတ်ပေ။
လင်းလန်က ခေါင်းခါလိုက်၏။
“ ရှင်သိလား ”
“ ငါအဲ့ဒါနဲ့ပတ်သက်ပြီး နည်းနည်းစုံစမ်းကြည့်ခဲ့တယ် ”
သူက လင်းလန်ကို ထိုင်ရန် အမူအရာပြလိုက်၏။
သူက သူ့မှတ်စုစာအုပ်ကို ထုတ်လိုက်ကာ စာမျက်နှာတစ်ခုကိုလှန်ပြီး လင်းလန်ကို ပေးလာလေသည်။လင်းလန်က တစ်ချက်ကြည့်လိုက်ရာ မြင်သွားပြီး ပြောလာ၏။
“ လင်းပိယောင်နဲ့ ကွန်ဖြူးရှပ်ဝါဒကို ဝေဖန်သုံးသပ်ခြင်းတဲ့လား ”
(Tn : အဲ့ဒါက တော်လှန်ရေး ဥက္ကဋ္ဌမော်စီတုန်းနဲ့ သူ့ဇနီးဖြစ်သူ ကျန်းထင်တို့စတင်ခဲ့တဲ့ နိုင်ငံရေးနှင့် အသိပညာဆိုင်ရာ ကန်ပိန်းတစ်ခုပါ )
လင်းလန်က ချက်ချင်းပင် နားလည်သွားကာ ပြုံးလိုက်လေသည်။
“ မစ္စတာချီက တကယ့်ကို သတင်းရထားတာဘဲ ”
“ ဒီလိုဘဲဖြစ်သင့်တယ်လေ။ကျွန်တော်တို့က ဆောင်းပါးမျိုးစုံးကိုရေးရမှာ။ကျွန်တော်က ဒီမှာထင်မြင်ချက်တွေနဲ့ စကားပုံတွေကိုတောင် မွန်းမံပြီးသွားပြီ။မင်းအဲ့ဒါတွေကို အရင်ဆုံးဖတ်လို့ရတယ် အလျင်မလိုနဲ့”
ချီဖုန်းပေါ်က လင်းလန်ကို စာရွက်တစ်ချို့ကမ်းပေးလိုက်၏။
ချီဖုန်းပေါ်၏ အလုပ်စွမ်းရည်က တကယ်ကောင်းမွန်တာကို လင်းလန်တွေ့လိုက်ရ၏။သူက ကိစ္စရပ်များကို အလွန်စီစဉ်တတ်ကာ စိတ်ဝိဉာဉ်ထဲကပါ သဘောပေါက်နားလည်လာအောင် အရာဝတ္ထုများအား ပြင်ဆင်တတ်ပေသည်။ထိုအရာက အတွေ့အကြုံ၏ ရလဒ်တစ်ခုပင်ဖြစ်သည်။
သူမက ဆောင်းပါးအား စူးစိုက်စွာဖတ်လိုက်သည်။
“ လင်းလန် မင်းဘာလို့ငါ့ကိုမစောင့်ဘဲ ကိုယ့်ဘာသာ လာတာလဲ ”
အစည်းအဝေးခန်းထဲ ဝင်လာလာချင်းပင် လင်းလန်နှင့် ချီဖုန်းပေါ်တို့ အတူထိုင်နေသည်ကို တွေ့လိုက်ရသောအခါ ချောင်ကွမ်းရုန်က အလွန်ပင် စိတ်မကျေနပ်ဖြစ်သွားလေသည်။
လင်းလန်က သူ့ကိုမော့ကြည့်လိုက်၏။
“ အရာရှိချောင် ကျွန်မက ညွှန်မှူးဟန်နဲ့ အတူလာတာပါ ”
အစတုန်းက လင်းလန် သူနှင့်ထိုင်ရန် နေရာတစ်ခုရှာဖို့ စဉ်းစားထားသော်လည်း ချောင်ကွမ်းရုန်၏ လွှမ်းမိုးချုပ်ခြယ်လိုသော ပုံစံက သူမကို စိတ်မကောင်းဖြစ်သွားစေလေသည်။
ငါကဘာလို့ နင်နဲ့ထိုင်ရမှာလဲ။နင်က ငါ့ခေါင်းဆောင်လည်း မဟုတ်ဘူး။ငါဒီမှာဘဲ ထိုင်မယ်။
ချောင်ကွမ်းရုန်က သူမကိုအတူထိုင်ရန် အမိအရပင်တိုက်တွန်းနေ၏။လူတိုင်းက ကွန်မြူနတီတစ်ခုထဲက လာသောကြောင့် သေချာပေါက်ပင် သူတို့က အတူတူဖြစ်သင့်ပေသည်။အဓိကအချက်မှာ သူက နားမလည်နိုင်ကာ မှတ်စုမရေးတတ်သောကြောင့်ပင်။သူက လင်းလန်ကိုအတူထိုင်ဖို့ပြောလိုက်ပြီး ဒီလိုမှသာ ဆွေးနွေးရန်၊သို့မဟုတ် တစ်ခုခုရေးရန် အချိန်ကျလာသောအခါ သူက လင်းလန်ကိုလုပ်ခိုင်းလိုက်ပါက သူကဒီအတိုင်း အဆင့်သင့်ရှိနေသည်များကို ယူလိုက်ရုံပင်ဖြစ်သည်။
အကယ်၍ သူသာ အခြားကွန်မြူနတီမှ စာရေးများနှင့် အတူထိုင်ပါက မလွဲဧကန်ပင် ဘာမှမသိသော သူ၏ချို့ယွင်းချက်က ပေါ်ပေါက်လာမည်ဖြစ်ကာ ထိုအချိန်တွင် လူများက လှောင်ရယ်ကြမှာဖြစ်သည်။
သူထိုကဲ့သို့ မျက်နှာအပျက်မခံနိုင်ပေ။
လင်းလန်က သူ့ကိုလျစ်လျူရှုလိုက်၏။
နင့်အသက်က ဘယ်လောက်ရှိနေပြီလဲ။
ချောင်ကွမ်းရုန်က သူမကို စိုက်ကြည့်လိုက်လေသည်။
“ နင်.....ဒါက တစ်ကိုယ်ကောင်းဆန်တာဘဲ ”
ချီဖုန်းပေါ် :“ ဒီကရဲဘော် မင်းက အရာရှိလင်းလန်ကို ဘာလို့ဒီလိုပြောနိုင်ရတာလဲ။ ဒီလောကကြီးမှာ ဘယ်သူကမှ ငါတို့လိုအလုပ်လုပ်နေတဲ့သူတွေကို လက်ညှိုးထိုးနေလို့မရဘူး။မင်းက မင်းစကားနားထောင်ဖို့ လင်းလန်ကိုဖိအားပေးနေတာ အဲ့ဒါက မင်းက တစ်ကိုယ်ကောင်းမှုနဲ့ USနယ်ချဲ့ဝါဒကို ကျူးလွန်နေတယ်ဆိုတာကို ဖော်ပြနေတာဘဲ ”
ချောင်ကွမ်းရုန်က ချက်ချင်းပင် ပါးစပ်ပိတ်သွား၏။
“ ငါတို့က အတူလာကြတာ ဒါဆို မင်းကဒါကို ဂရုစိုက်ပေးချင်လို့လား ငါတို့ကွန်မြူနတီနဲ့ သူငယ်ချင်းမလုပ်ချင်စမ်းနဲ့ ”
ချီဖုန်းပေါ် :“ဟားဟား ”
သူက လင်းလန်ကိုပြောလိုက်လေသည်။
“ ငါတို့ ဟိုမှာအတူထိုင်ဖို့ သွားကြမလား ”
ချောင်ကွမ်းရုန်နှင့် ဝေးဝေးနေဖို့ နေရာပြောင်းကြရအောင်။
လင်းလန် “ ဝန်ကြီးရောက်နေပြီ ”
တော်လှန်ရေးကော်မတီကောင်တီ၏ ဝါဒဖြန့်ချီရေး ညွှန်ကြားရေးမှူးမှာ အသက်ငါးဆယ်အစောပိုင်းရှိ ယောက်ျားတစ်ယောက်ဖြစ်သည်။သူက ကတုံးဖြစ်သောကြောင့် နွေရာသီတွင်တောင် လျှာထိုးဦးထုပ်ဆောင်းထားပေသည်။သူထံတွင် ဝါဒဖြန့်ချီရေးကန်ပိန်းများစွာကို တွေ့ကြုံလာရသဖြင့် ကျယ်လောင် သောအသံရှိကာ အသံအနိမ့်အမြင့်ဖြင့် လှိုက်လှိုက်လှဲလှဲရှိကာ သူဘာပြောနေပါစေ လှံစွပ်ထိုးမှာကို တားဆီးရန်အတွက် အံကြိတ်သောအမူအရာရှိနေပေသည်။(သတအပြည့်)
“ ငါတို့တွေက သတိဝီရိယရှိပြီး ကြီးမားတဲ့ ပစ္စည်းမဲ့လူတန်းစားတော်လှန်ရေးကို တိုက်ထုတ်ဖို့အတွက် အမြဲတမ်းအဆင့်သင့်ရှိနေရမယ်။ ကွယ်ဝှက်တတ်တဲ့သူတွေက ပြန်လည်သိမ်းဆည်းပြီး နောက်ပြန်ဆုတ်တာကို တားဆီးရမယ်။သူတို့တွေက ကြီးမြတ်တဲ့ ယဉ်ကျေးမှုတော်လှန်ရေးကို ဆန့်ကျင်လာမှာကို တားဆီးရမယ်။ကွန်ဖြူးရှပ်ဝါဒကို လေးစားပြီး ဥပဒေကိုဆန့်ကျင်တဲ့သူတွေအတွက်၊ တော်လှန်ရေးကိုဆန့်ကျင်ချင်ပြီး နောက်ပြန်ဆုတ်တတ်တဲ့ သူတွေအတွက်၊ ရှေးဦးလက်ယာဝါဒီတွေက သေချာပေါက်ကို ဝေဖန်သုံးသပ်ခံရမယ်၊ ပြင်းပြင်းထန်ထန်ကို ဝေဖန်သုံးသပ်ရမယ် ”
ဤလှုပ်ရှားမှုသည် နှစ်စမှာတည်းက အပေါ်ဆုံးပိုင်းနေ အောက်ဘက်အထိ ရေပန်းစားလာပေသည်။ သို့သော်လည်း ၎င်းက တစ်ဆင့်ပြီးတစ်ဆင့်သာဖြစ်ကာ လင်းလန်အစည်းအဝေးလာတက်သောအချိန်တွင် အဆုံးသတ်နီးပါးရောက်နေပြီဖြစ်သည်။
နေရာတွင်ထိုင်ကာ လင်းလန်က ကလေးများအကြောင်းကိုတွေးနေလိုက်သည်။ အထူးသဖြင့် ဒီနှစ်တွင် စန်းဝမ်က နယ်မြေဆိုင်ရာအသင်းသို့သွားကာ တဝမ်က နောက်အပတ်တွင် စစ်တပ်ထဲသို့သွားပေမည်၊ ထို့ကြောင့် ကလေးများအိမ်မှာမရှိပါက သူမ သူတို့ကိုလွမ်းနေရမှာဖြစ်သည်။တစ်ယောက်ပြီးတစ်ယောက် ဆက်စဉ်းစားနေလိုက်ရာ ဝန်ကြီးမိန့်ခွန်းပြောနေတာ အဆုံးရောက်လုနီးပါးပင် ဖြစ်သည်။
မကြာခင်မှာဘဲ ဝန်ကြီးက ကိုယ်စားလှယ်များကို ထုတ်ဖော်ပြောခိုင်းလာလေသည်။ပို၍ လှိုက်လှိုက်လှဲလှဲဖြစ်လေ ပိုကောင်းလေဖြစ်ကာ ထို့နောက် လူများက ပို၍၊ပို၍ပင် ရှင်းရှင်းလင်းလင်း ဖြစ်လာပေလိမ့်မည်။
လင်းလန် :....ဒီကာလကြီးထဲမှာ ကီးဘုတ်ဖိုက်တာတွေ မရှားဘူးဘဲ။
(Tn: ခေတ်စကားပါ လိုင်းပေါ်မှာဆိုကီးဘုတ်ထဲကနေဘဲ လေလုံးထွားနေတဲ့သူတွေမျိုးကိုပြောတာ တကယ်ကျမလုပ်ရဲဘူး အဲ့လိုသူမျိုး )
“ လင်းလန် မင်းအလှည့်ရောက်ပြီဟ ”
ချီဖုန်းပေါ်က သူမကိုတွန်းလိုက်၏။
Xxxxxx
Welcome To MM Storyteller
LOGIN
Welcome To MM Storyteller
REGISTER