Welcome To MM Storyteller
LOGIN
Part 739
လင်းလန်က ဒီလိုနိုင်ငံရေးကြွေးကြော်သံမျိုးတွင် မပါဝင်ချင်ပေ။သူမ ဘယ်သူ့ကိုမှ မဝေဖန်နိုင်သလို ဒီလိုစိတ်လှုပ်ရှားစေသော ခံစားချက်များကိုလည်း မယူဆောင်ပေးတတ်ပေ။သူမအမြင်တွင် ဒီအရာမှာ MLMနှင့် လေ့လာမှုအောင်မြင်သော စံပုံစံမိန့်ခွန်းပြောသည်နှင့် ဆင်တူနေပေသည်။
လင်းလန်က ချောင်ကွမ်းရုန်ကို လှည့်ကြည့်လိုက်သည်။
“ ရဲဘော်ချောင် ရှင်က ကျွန်မတို့ ရှန်ရွေ့ကွန်မြူနတီရဲ့ ကိုယ်စားလှယ်လေ၊ ရှင်ထပြောလိုက်ပါ ”
ချောင်ကွမ်းရုန်မျက်နှာက ရုတ်တရက်ပင် နီရဲတွတ်လာ၏။
“ မင်း မင်း ပြောလိုက် ”
လင်းလန် :“ ကျွန်မက ကိုယ်စားလှယ်မဟုတ်ပါဘူး ဒါပေမယ့်ရှင်ကတော့ ကိုယ်စားလှယ်လေ ”
ချောင်ကွမ်းရုန်က အံကြိတ်ကာ ထရပ်လိုက်သည်။သူက လင်းလန်မရှိပါက မလုပ်နိုင်ကာ အခြားသူတွေပြောတာကိုနားထောင်နေရမည်ဟု မယုံကြည်ပေ။သူစင်မြင့်ပေါ်ကို တက်သွားကာ မူလတန်းကျောင်းမှာသင်ခဲ့ရသော စာကြောင်းအနည်းငယ်ကိုသာ စတင်ပြီး ထပ်တလဲလဲ ပြောနေလိုက်သည်။သူ၏ဖခင်က တော်လှန်ရေးအတွက် အသက်ပေးခဲ့တာကြောင့် တပ်မဟာ၏ကေဒါများသည် သူ့ကိုဂရုစိုက်ကြပေသည်။ချိုချိုခါးခါး မှတ်မိစရာ အစည်းအဝေးတစ်ခု ရှိပါက သူတို့က သူနှင့်သူ့မိခင်ကို ဖိတ်ကြပေသည်။
အရှေ့အနောက် သွားနေပြီးနောက်တွင်
စကားစုအနည်းငယ်ကို သတိရလာကာ ထိုအရာများကို ဒီအတိုင်း ထပ်ခါတလဲလဲသာ တစ်ခါပြီးတစ်ခါ ပြောနေလိုက်၏။
သူက ဤစကားစုကိုထုတ်ပြောလိုက်ကာ ဟုတ်မှန်သယောင်ရှိသော်ငြား မှားယွင်းနေသော ပြန်လည်ထူထောင်ခြင်းနှင့် ခေတ်နောက်ပြန်ဆွဲမှုများကို ထပ်ပေါင်းထည့်လိုက်၏။
မတိုင်ခင်က လူတိုင်းသည် လှိုက်လှဲစွာပင် ဟောပြောနေကြကာ နောက်ထပ်အထွတ်အထိပ်အခြေအနေဖြစ်သွားအောင် တစ်စုံတစ်ယောက်က တွန်းအားပေးလာမည်ကို စောင့်ဆိုင်းနေကြတာဖြစ်သည်။ သို့သော် အဆုံးတွင် ချောင်ကွမ်းရုန်က ရေခဲရေလောင်းချလိုက်လေသည်။
ဘာလို့မင်းမိသားစုရဲ့ ခရက်ဒစ်ရမှတ်တွေအကြောင်းကို ပြောနေတာလဲ။
ဝန်ကြီးများက စိတ်ပျက်သွားကာ အနည်းငယ် စိတ်အနှောင့်အယှက်ဖြစ်သွားကြပြီး အချင်းချင်း တီးတိုးပြောလိုက်ကြ၏။
“ ဘာလို့ ရှန်ရွေ့ကွန်မြူနတီက ဒီလိုလူမျိုးကို လွှတ်လိုက်ရတာလဲ။ ကွန်မြူနတီထဲမှာ ရုံးဝန်ထမ်းတွေ အလုံအလောက်မရှိတော့ဘူးလား။ ဒါက တကယ်ကို အဓိပ္ပါယ်မရှိလိုက်တာ”
ချောင်ကွမ်းရုန် ပြောပြီးသွားသောအခါ သူ့ကိုယ်သူ အလွန်အရည်အချင်းရှိသည်ဟု ခံစားနေဆဲဖြစ်ကာ ကိုယ့်ကိုကိုယ် လက်ခုပ်တီးလိုက်၏။ရလဒ်အနေဖြင့် လက်ခုပ်တီးသံများက ကျိုးတို့ကျဲတဲဖြစ်နေကာ စိတ်အားထက်သန်မှုရှိမနေပေ။
ချောင်ကွမ်းရုန်က အနည်းငယ်ရှက်သွားကာ အလျင်အမြန်ပင်ဆင်းလာပြီး လင်းလန်ကို စိုက်ကြည့်လိုက်၏။
လင်းလန်က ဘာမှမဖြစ်သလိုပင် နေလိုက်လေသည်။
ဒီလိုအခြေအနေကောင်းတွင် အကယ်၍သူသာ ကြိုးစားပမ်းစား လေ့လာလိုစိတ်ရှိပါက ဘယ်လိုဖြစ်ပြီး သူ့မိဘတွေကို အရှက်ရစေမှာလဲ။
အဆုံးတွင် သဘာဝကျစွာပင် သူမသည်လည်း မလွတ်မြောက်ခဲ့ပေ။သူမက ကောင်တီဝါဒဖြန့်ချီရေးဌာန၏ အလံနီကိုင်ဆောင်သူဖြစ်ကာ သေချာပေါက်ပင် စင်ပေါ်တက်ရပေမည်။မဟုတ်ပါက ဘယ်သူမှ သဘောတူမည်မဟုတ်ချေ။
လင်းလန်လည်း ပြင်ဆင်လာခဲ့၏။ထို့ကြောင့် သူမက လင်းပိယောင်၏မလျော်ကန်သော လုပ်ဆောင်မှုများ၊ နိုင်ငံတော် သစ္စာဖောက်မှုနှင့် မြေရှင်ပဒေသရာဇ် အကြွင်းအကျန်များက ပြန်လည်ထူထောင်ချင်နေမှုများ အစရှိသဖြင့် ထုတ်ဖော်ဟောပြောလိုက်၏။ ဘယ်လိုဘဲဖြစ်ဖြစ် ဤအရာများသည် လူတိုင်းအော်ဟစ်ကြွေးကြော်နေကြသော အရာများဖြစ်သည်။သို့သော် ကွန်ဖြူးရှပ်နှင့် မင်စီးယပ် တို့၏ နည်းများကို အချို့ခေါင်းဆောင်များက သွယ်ဝိုက်ပြောဆိုကြသော်လည်း လင်းလန်က စကားလုံးတစ်လုံးကိုမှ ရည်ညွှန်းပြောဆိုခြင်းမရှိဘဲ နိုင်ငံရေးကြွေးကြော်သံတစ်ချို့ကို ထပ်ပေါင်းထည့်လိုက်သောအခါ သဘာဝကျကျပင် တာဝန်ကို လိုသည်ထက်ပိုကာ ပြီးပြည့်စုံစွာအောင်မြင်သွား၏။
(Tn : Mencius မင်စီးယပ်စ်က ကွန်ဖြူးရှပ်ဝါဒီမှာ ကွန်ဖြူးရှပ်ပြီးလျှင် အကျိုးပြုဆုံးသော အတွေးအခေါ်ပညာရှင်တစ်ဦးပါ )
“ ကောင်းတယ်ဟေ့ ”
“ အရာရှိလင်းလန်က တကယ်ကိုကောင်းကောင်းပြောနိုင်တာဘဲ ”
လက်ခုပ်ချီးမွမ်းသံများက အလွန်ပင် စိတ်အားထက်သန်နေလေသည်။
အစည်းအဝေးများသည် အခြေခံအားဖြင့် ဒီလိုအရာများသာဖြစ်သည်။မနက်ပိုင်းနှင့် နေ့လယ်ခင်းတွင် အတန်းများရှိကာ ညနေခင်းတွင် ပျော်ပွဲရွှင်ပွဲများဖြစ်သည်။ရဲဘော်များက အချင်းချင်း ရင်ဖွင့်ထုတ်ဖော်ကြကာ သူတို့၏ထင်မြင်ချက်များကို ဖော်ပြကြ၏။အခြားတစ်မျိုးဖြင့် ပြောရလျှင် မျိုးစုံပက်ဖျန်းနေပေသည်။
ထိပ်ပိုင်းမှလူများအကြောင်း၊ အခြားသူများ၊ ဆိုဗီယက်ပြည်ထောင်စုအကြောင်းနှင့် အရင်းရှင်ဝါဒအကြောင်း မျိုးစုံပြောဆိုကြကာ ထို့နောက် စည်းကျော်လာပြီး အနားရှိသူများအကြောင်းနှင့် ဒီမှာထိုင်နေသောသူများကို စတင်ပြောလာကြ၏။
ထို့နောက် သူတို့သဘောမကျသော သူများအကြောင်း ပက်ဖျန်းကြ၏။
အဝေးရှိရန်သူများမှာ တိမ်များထဲရှိ မြူငွေ့များဖြစ်ပြီး အနီးရှိရန်သူများမှာ အသားထဲမှ ဆူးချွန်များဖြစ်သည်။ထို့ကြောင့် အကြောင်းအရာမှာ ဝေဖန်သုံးသပ်ရမည်ဟု ဖြစ်နေပါစေတဖြည်းဖြည်းနှင့် သူတို့အနားရှိ ပြိုင်ဘက်များအကြောင်း ပါဝင်လာလေသည်။
စင်မြင့်သည် တစ်ခဏလောက် ရန်ဖြစ်သည့်အစည်းအဝေးအဖြစ် ပြောင်းလဲသွားလေသည်။
ချောင်ကွမ်းရုန်က လင်းလန်ကို အကြိမ်အနည်းငယ်လောက် ပြစ်တင်ဝေဖန်လာ၏။သူမကို ပုဂ္ဂိုလ်တစ်ဦးအလိုက်ထူးခြားကာ အုပ်စုသေးလေးများဖွဲ့တတ်သည်၊ တကိုယ်ကောင်းဆန်ကာ ပြန်လည်ပြင်ဆင်ရေးဝါဒ၊ ပညာတတ်အရင်းရှင်ဝါဒရှိကာ သူမလေ့လာသမျှ စကားလုံးအားလုံးကို အသုံးချသည်ဟု ထင်နေပေသည်။
“ နင့်ကိုယ်နင် အရမ်းသန့်စင်နေတာက မှားတာဘဲ။ နင်မကြားဖူးဘူးလား ခန္ဓာကိုယ်က ပိုပြီးညစ်ပတ်လာလေလေ၊ တော်လှန်ရေးက ပိုပြီးစင်ကြယ်လာလေလေ ဆိုတာကို”
“ရဲဘော်ချောင် အရင်ဆုံး ကိုးကားချက်တွေကို သတိရအောင်လုပ်ပြီးမှ ကျွန်မနဲ့ လာဆွေးနွေးပါ ဟုတ်ပြီလား”
လင်းလန်က သူနှင့်စကားပြောရတာကို တကယ်မကြိုက်ပေ။
သူပြောသမျှက အပေါ်အောက်လန်ပြီး ရှုပ်ယှက်ခတ်နေကာ ဘယ်သူကမှ သူ့ကို စကားမတုန့်ပြန်ကြပေ။ သူစိတ်ကူးထားသော မြင်ကွင်းမှာ လင်းလန်က စတင်မှုတစ်ခုတည်းနှင့် ဝေဖန်ခံလိုက်ရမှုဖြစ်သော်လည်း ထိုအရာက မဖြစ်လာဘဲ ထို့အစားက သူက ဆူငေါက်ခံလိုက်ရပေသည်။
နောက်နေ့များတွင်လည်း အတော်လေး တူတူချည်းပင်ဖြစ်သည်။
လင်းလန်က ချီဖုန်းပေါ်၊ဝမ်ဖုန်းရှာတို့နှင့် အဆင်ပြေနေပေသည်။သူတို့ကအစည်းအဝေးအတူတက်ကာ ဆွေးနွေးကြပြီး အချင်းချင်းမှတ်စုများကူးယူကြပြီး အစည်းအဝေးပြီးလျှင် အတူတူစားကြလေသည်။
ဒီနေ့မနက်ခင်းတွင် အစည်းအဝေးက ဆူညံပြီး စိတ်ရှုပ်စရာကောင်းနေရာ တစ်ယောက်ယောက်က အပြင်ဘက်တွင် လင်းလန်ကို လာရှာလေသည်။
ဝမ်ဖုန်းရှာ :“လင်းလန်ရေ အပြင်မှာ နင့်ကိုလူတစ်ယောက်လာရှာနေတယ် ”
လင်းလန်လှည့်ကြည့်လိုက်သောအခါ အပြင်ကလူက ယန်ဟန်ဖြစ်နေသည်ကို တွေ့လိုက်ရလေသည်။သူမနာရီကိုကြည့်လိုက်ကာ အချိန်ကလည်း တူညီလုနီးပါးဖြစ်နေတာကြောင့် သူမက သူတို့၏အဓိပ္ပါယ်မရှိတာများကို ဆက်နားထောင်ရန် ပျင်းသွား၏။
ချီဖုန်းပေါ် :“လင်းလန် နေ့လယ်ကျရင် နေ့လယ်စာ တူတူစားရအောင် ”
လင်းလန် “အရာရှိချီ ရှင်ကဝမ်ဖုန်းရှာနဲ့ အခြားသူတွေနဲ့အတူ စားလိုက်ကြပါ။ကျွန်မ အပြင်သွားစရာလေးရှိလို့ ”
ချီဖုန်းပေါ်က သူမမှတ်စုစာအုပ်ကိုယူလိုက်၏။
“ ဒါဆိုလည်း မင်းမှတ်စုစာအုပ်ကို ငါကူမှတ်ထားပေးမယ် သွားတော့လေ”
လင်းလန် သူ့ကိုကျေးဇူးတင်လိုက်ကာ ဝမ်ဖုန်းရှာကိုပြောပြီး အပြင်ထွက်သွားလိုက်သည်။
ယန်ဟန်က ကုတ်အင်္ကျီအဖြူမဝတ်ထားပေ။ဘောင်းဘီအမဲရောင်နှင့် အဖြူရောင်ဂျင်းရှပ်အင်္ကျီကို ဝတ်ထား၏။သူက နံရံကိုမှီထားကာ သူမကို အပြုံးတစ်ခုဖြင့် ကြည့်နေလေသည်။
လင်းလန်က ရယ်လိုက်၏။
“ အိုး ဖက်တီးယန် နင်ငါ့ဆီလာပြီး တွေ့ရမယ်ဆိုတာ ဘယ်လိုသိတာလဲ”
Xxxxxx
Part 740
တကယ်တမ်းတွင် သူမနှင့် ယန်ဟန်က အကြိမ်အနည်းငယ်တွေ့ဖူးပေသည်။ သူမဆေးရုံသွားသောအခါတိုင်း ဖက်တီးယန်ဆီပြေးသွားကာ နှုတ်ဆက်လေ့ရှိပြီး တစ်ခါတစ်လေတွင် သူမမိသားစုပြန်သောအခါတွင် သူ့ကိုတွေ့ရပေသည်။
“ နင်ကငါ့ကို လာမတွေ့မှတော့ ငါကဘဲ နင့်ကိုလာတွေ့ရတာပေါ့ ”
ယန်ဟန်က သူမဘေးတွင် ယှဉ်လျှောက်လာ၏။
“ နေ့လယ်စာအတူစားရအောင် ”
လင်းလန် :“ ငါကဘာလို့အမြဲတမ်းနင့်ကိုဘဲ ကျွေးခိုင်းနေရမှာလဲ။ဒီတစ်ခါငါကျွေးမယ် ကန်တင်းဆီသွားရအောင် ”
ယန်ဟန် :“ လန်ဟွားဟွား နင်ကတကယ်ကို ကပ်စေးကုပ်တာဘဲ နောက်ဆုံးတော့ နင်ငါ့ကိုဝယ်ကျွေးဖို့ဖိတ်လာပေမယ့် ကန်တင်းကိုတဲ့လား”
လင်းလန် :“ ဟိတ် အတန်းဖော်ဖက်တီး နင်က ရိုးရှင်းရမယ်၊ ဖောင်းကားနေလို့မရဘူး။နင်က အားကိုးထိုက်တဲ့ ပစ္စည်းမဲ့လူတန်းစား တော်လှန်တိုက်ခိုက်သူဘဲ။ အရင်းရှင်းဝါဒကြောင့် အကျင့်ပျက်ခြစားလို့မရဘူး။ စားသောက်ဆိုင်တွေနဲ့ တခြားအရာတွေက ငါတို့ရဲ့ ပစ္စည်းမဲ့လူတန်းစား သုံးစွဲမှုအယူအဆနဲ့ မသင့်တော်ဘူး”
“ တော်ပြီ၊တော်ပြီ ငါယုံကြည်ပါတယ် နင့်ပါးစပ်ကအရမ်းတော်တယ်လို့ နင်ကြေညာနေတာဘဲ။ငါဦးညွှတ်ဖို့ ဆန္ဒရှိပါတယ် ”
ယန်ဟန်က လျင်မြန်စွာပင် အညံ့ခံသွား၏။
ချီဖုန်းပေါ်က သူတို့ထွက်သွားတာကို ပြတင်းပေါက်ကကြည့်နေလိုက်ကာ မနေနိုင်ဘဲ အရှေ့မှ ဝမ်ဖုန်းရှာကို မေးလိုက်လေသည်။
“ အဲ့ဒါကဘယ်သူလဲ။ သူကလင်းလန်နဲ့ ဆက်ဆံရေးကောင်းရှိတာဘဲ ”
ဝမ်ဖုန်းရှာက ရယ်လိုက်၏။
“ အရာရှိချီ မသင့်တော်ဘူးဆိုပေမယ့် ကျွန်မပြောမယ်နော် ကျွန်မတို့နဲ့လည်း လင်းလန်က ဆက်ဆံရေးကောင်းရှိပါတယ်။ ညွှန်မှုးလင်းနဲ့ ကျွန်မတို့သိတာ ဘယ်လောက်ကြာသေးလို့လဲ။ကျွန်မတို့ထက်စာရင် သူ့သူငယ်ချင်းတွေနဲ့ ပိုပြီးဆက်ဆံရေးကောင်းမှာပေါ့ ”
ချီဖုန်းပေါ်က အနည်းငယ်ရှက်သွား၏။
“ တကယ်လို့ မင်းကိုမင်းအဲ့လိုထင်နေရင် ငါမေးမယ် မင်းကဘာလို့ ငါတို့ကိုလိုက်ယှဉ်ကြည့်နေတာလဲ ”
ဝမ်ဖုန်းရှာ :“ ကျွန်မက မယှဥ်ပါဘူးနော် ရှင်အတွေးလွန်နေတာလား”
ချီဖုန်းပေါ်က ပြုံးလိုက်ကာ ဘာမှမပြောလာပေ။
လင်းလန်က တော်လှန်ရေးကော်မတီတွင် နေ့လယ်စာစားနေစရာမလိုပေ။သူမနှင့် ယန်ဟန်တို့ ဆေးရုံဆီ လျှောက်သွားလိုက်ကြသည်။ ကောင်တီ၏နေရာက သိပ်မကြီးဘဲ တော်လှန်ရေးကော်မတီသည် ထောက်ပံ့ရေးနှင့် ဈေးကွက်တင်ပို့ရောင်းချရေး၊ ရုပ်ရှင်ရုံ၊ ဆေးရုံတို့နှင့် သိပ်မဝေးပေ။၎င်း၏ဘေးဘက်တွင် ဂျုံကြိတ်စက်များ၊ အထည်အလိပ်စက်ရုံများ အစသဖြင့် ရှိနေပေသည်။
လမ်းတွင် လင်းလန်က ယန်ဟန်ကို တစ်ချက်ကြည့်လိုက်၏။
“ ဖက်တီးယန် နင်လည်းမငယ်တော့ဘူးနော် ဘာလို့လက်တွဲဖော်မရှိသေးတာလဲ နင့်မိဘတွေ ဒါနဲ့ပတ်သက်ပြီး စိတ်ပူနေကြမှာဘဲ ”
လင်းလန် သူမမိဘအိမ်သို့ပြန်ရောက်လျှင် အခါအားလျော်စွာ ယန်ဟန်၏အိမ်သို့သွားလည်ကာ သူ့မိခင်ကို မေးမြန်းလေ့ရှိပေသည်။ သူ့မိခင်က အလျင်လိုနေသော်လည်း ယန်ဟန့်ကို မထိန်းချုပ်နိုင်ပေ။
“ ငါလား ။ ငါဒီလောက်ငယ်သေးတာ ဘာလို့စိုးရိမ်တကြီးဖြစ်နေရမှာလဲ။ အခုဆို လူတွေက နောက်ကျမှ လက်ထပ်ကြကာ နင်မသိဘူးလား။ လန်ဟွားဟွာစ နင် ကလေးယူချင်သေးရင် မြန်မြန်အကောင်အထည်ဖော်လိုက်နော်။ နှစ်အနည်းငယ်အတွင်းမှာ နင်တို့မှာ မိသားစုစီမံကိန်းတွေရှိလာလိမ့်မယ် ”
ယန်ဟန်က သူ့လက်ကို ဘောင်းဘီအိတ်ကပ်ထဲထည့်ကာ လမ်းကိုဖြေးဖြေးလျှောက်နေလေသည်။
လင်းလန်က သူ့ကို အံ့ဩစွာ ကြည့်လိုက်၏။
“ နင်ကဘယ်လိုသိတာလဲ”
သူမမှတ်မိသလောက်ဆိုလျှင် မွေးဖွားမှုထိန်းချုပ်ခြင်းသည် ၈၀ခုနှစ်၊ ၇၅ခုနစ်လောက်မှမလား။သူမတွင် မွေးဖွားမှုထိန်းချုပ်ခဲ့ရသော ဆွေမျိုးအနည်းငယ်ရှိခဲ့သောကြောင့် ၎င်းနှင့်ပတ်သက်ပြီး အနည်းငယ်သိပေသည်။
ယန်ဟန်က ကျောက်တုံးလေးကို ကန်လိုက်လေသည်။
“ ငါကဆရာဝန်လေ၊ စီရင်စုမြို့တော်ကို အစည်းအဝေးတက်ဖို့ သွားခဲ့တယ်။အဲ့ဒါက လွန်ခဲ့တဲ့နှစ်နှစ်တည်းက မြို့ကြီးတွေမှာ စတင်နေပြီ။ငါတို့ကျေးလက်ဒေသကသာ ဝေးလံနေလို့။ငါထင်တာတော့ နှစ်အနည်းငယ်အတွင်းမှာ ငါတို့ဆီမှာလည်း အတူတူဖြစ်လာလိမ့်မယ် ”
လင်းလန်က သဘောမကျသည့်အနေဖြင့် သက်ပြင်းချလိုက်၏။
“ ငါ့မှာ ကလေးငါးယောက်တောင်ရှိနေပြီ။အဲ့စီမံကိန်းက ငါနဲ့မဆိုင်ဘူး။ဟိတ် ဖက်တီး အဲ့ဒါက နင်နဲ့တော့သက်ဆိုင်တာအများကြီးရှိတယ်ဟ။ နင်ဘဲကြည့်လေ ငါတို့ကအသက်တူတူဘဲကို ငါ့မှာကလေးငါးယောက်တောင်ရှိနေပြီ၊ နင်ကအခုထိလက်မထပ်ရသေးဘူး။ တကယ်လို့ နင်အိမ်ထောင်ကျသွားတဲ့အချိန်မှာ မွေးဖွားနှုန်းထိန်းချုပ်မှုတွေက ပိုကြီးတင်းကြပ်လာရင် နင်မလှုပ်မယှက်ကြီးနေရတော့မှာလား ”
နင်က ကလေးမွေးလို့မရဘူး၊ ဒါပေမယ့် ကလေးယူချင်လာရင် အဲ့ဒါက အရမ်းနာကျင်ရမှာဘဲ။
ယန်ဟန် “....”
“ ငါတကယ်ပြောနေတာနော်၊ ဘယ်လိုဘဲဖြစ်ဖြစ် နင့်တစ်ဘဝလုံး လူပျိုကြီးလုပ်သွားလို့မရဘူးလေ။မဟုတ်ရင် နင်ဘုန်းကြီးဝတ်မှဘဲရမယ်။ စောစောစီးစီးလက်ထပ်ဖို့ လက်တွဲဖော်တစ်ယောက်ရှာသင့်နေပြီ။ မဟုတ်လို့ကတော့ နင့်မိဘတွေက နင့်နားတွေကို စကားပြောနေမှာမဟုတ်ဘူး ”
နောက်ပိုင်းမျိုးဆက်များက လက်ထပ်မှုကိုတိုက်တွန်းရာတွင် အလွန်တော်ကြပေသည်။အခုကာလမှ သူများကိုမူ ပြောနေစရာမလိုတော့ပေ။
လင်းလန်က ယန်ဟန်ကို သူမ၏ အကောင်းဆုံးသူငယ်ချင်းတစ်ယောက်အဖြစ် မှတ်ယူထားကာ သူ့အတွက် ကောင်းစေချင်ပေသည်။
ယန်ဟန်က သူမကို အကြည့်ဗလာတစ်ချက်ပေးလိုက်၏။
“ အဲ့ဒါအကြောင်းစဉ်းစားဖို့ ငါအရမ်းအသက်မကြီးသေးပါဘူး ”
လင်းလန်၏အမူအရာက ရုတ်တရက်ပင်ပြောင်းလဲသွားကာ ယန်ဟန်ကိုလှည့်ကြည့်လိုက်လေသည်။
“ ငါသိပြီ....”
သူမ၏အမူအရာကို မြင်လိုက်ရသောအခါ ယန်ဟန်က ထိတ်လန့်သွား၏။
“ နင်ဘာလုပ်နေတာလဲ ”
လင်းလန် “ ဖြစ်နိုင်တာက နင်..ကြိုက်တာက.....”
ယန်ဟန်ကရုတ်တရက်ပင် စိတ်လှုပ်ရှားသွားလေသည်။
“ ဘာအဓိပ္ပါယ်မရှိတာတွေလဲ ”
လင်းလန်က အသံတိုးလိုက်ကာ သူ့အနားကိုကပ်လာပြီး တိုးတိုးလေးပြောလာ၏။
“ ဖက်တီး တကယ်လို့ နင်အဲ့ဒါကိုကြိုက်ရင်တောင် ကိစ္စမရှိပါဘူး ငါနင့်ကိုနားလည်တယ် ”
21ရာစုမှ ယောက်ျားတစ်ယောက်တောင်မှ ယောက်ျားအချင်းချင်းစိတ်ဝင်စားမိလျှင် ခွင့်လွှတ်ခံရဖို့ မလွယ်ချေ။အခုကာလကိုမူ ပြောနေစရာမလိုတော့ပေ။ လူတွေသိသွားပါက သူတို့က သေချာပေါက်ကို ခွင့်လွှတ်ခံရမှာ မဟုတ်ပေ။
သူမအနားကပ်လာသည်ကို မြင်လိုက်ရသောအခါ ယန်ဟန်က လန့်လွန်းလို့ သူ့အိတ်ကပ်ထဲမှ လက်များကို တင်းကြပ်စွာဆုပ်ကာ ကိုယ်ကိုအနောက်လှန်လိုက်၏။
လင်းလန်က ကြည်လင်စွာ ပြုံးပြလိုက်၏။
“ ငါနင့်ကို ခွဲခြားဆက်ဆံတာမျိုး မလုပ်ပါဘူး၊ စိတ်မပူနဲ့ ”
သူမ၏မဲ့ပြုံးကြီးကိုကြည့်ကာ ယန်ဟန်က စိတ်သက်သာရာရစွာ သက်ပြင်းချလိုက်၏။
“ နင်က ဘာမှမသိရင်လည်း အဓိပ္ပါယ်မရှိတာတွေ ပြောနေတာဘဲ ”
“ ဒါဆိုရင်လည်း ငါပြောမယ်နော် ”
လင်းလန် :“တကယ်လို့ နင်အိမ်ထောင်မပြုချင်ဘူးဆိုရင် နင်က ယောက်ျားတွေကို ကြိုက်တာလား.....”
ယန်ဟန်က သူမကို စိတ်လှုပ်ရှားတကြီး ကြည့်လိုက်ကာ အခုတွင် သူကရှက်ရွံ့ကာ နီရဲသွားပြီး သူ့မျက်နှာက ဖြူဖျော့သွားကာ အဆုံးတွင် ပြာနှမ်းသွားလေသည်။ သူက အံကြိတ်လိုက်၏။
“ အနာဂတ်မှာ ငါ့ဆီကနေ ပစ္စည်းတစ်စုံဝယ်ဖို့ စိတ်မကူးနဲ့တော့ ။ငါတို့က ပိုကောင်းတဲ့ဟာတွေကို တစ်သုတ်လိုက်ဝယ်ခဲ့လာတယ် ”
Xxxxxxxx
Welcome To MM Storyteller
LOGIN
Welcome To MM Storyteller
REGISTER