Welcome To MM Storyteller
LOGIN
Part 757
ဟန်ချင်စုန့်က သူ့လက်ကို လင်းလန်ခါးပေါ်မှ ဖယ်လိုက်ပြီး ချောင်းဟမ့်ကာ စွန်းကျောက်ဝမ်ကို ကြည့်လိုက်သည်။
“ ဘယ်လိုဖြစ်တာလဲ ”
စွန်းကျောက်ဝမ်က ပြန်ဖြေသည်။
“ မှတ်တမ်းယူထားတာရှိတယ် ကျွန်တော် ခေါင်းဆောင်ကိုပြမယ် ”
သူက ယဉ်ကျေးစွာ မှတ်တမ်းကို ထုတ်ယူလိုက်သည်။ သူက ရုံးတွင်းကိစ္စများကို ဖြေရှင်းရာတွင် အလွန်တော်သည် ဖြစ်ရပ်နှင့် အကျိုးသက်ရောက်မှုများကို ရှင်းလင်းစေရန် မှတ်တမ်းယူထားလေ့ရှိသည်။ ချောင်ကွမ်းရုန်က လင်းလန်၏စာမူဆောင်းပါးအား ခိုးကူးသည်ကို အဓိကထားကာ ရှင်းပြလိုက်၏။ ထို့နောက် လက်ထောက်ညွှန်မှူးက အမှန်တရားကို မသိဘဲ ဆုံးဖြတ်ချက်ချလိုက်သည်ဟူ၍ဖြစ်သည်။ လင်းလန်က ချောင်ကွမ်းရုန်က မေးမြန်းသော်လည်း သူကဝန်ခံရန် ငြင်းဆန်ကာ တမင်တကာရန်စသော စကားများကို ပြန်ပြောလာ၏။ လင်းလန်က ဒေါသထွက်သွားတာကြောင့် ချောင်ကွမ်းရုန်ကို ရိုက်နှက်လိုက်သည်။ ချောင်ကွမ်းရုန်က လင်းလန်ကို ကန်လိုက်သည်၊...အစရှိသဖြင့်ပြောပြလိုက်၏။
မှတ်တမ်းကိုဖတ်ကြည့်ပြီးသောအခါ ဟန်ချင်စုန့်က လင်းလန်အား ဒီမှာအနားယူရန်ပြောလိုက်၏။ သူကလက်သွားဆေးကာ စားရန်သွားလိုက်သည်။
လင်းလန်က သူနှင့်အတူလိုက်သွားကာ နေ့လယ်စာစားပြီးနောက်တွင် လင်းလန်က သူ့ရုံးခန်းဆီအရင်ပြန်နှင့်ရန်ပြောလိုက်ပြီး သူက ချောင်ကွမ်းရုန်ဆီသွားရန်လုပ်လိုက်သည်။
လင်းလန် :“ စန်းကော ၊ ဒါကိုကျွန်မဘာသာဖြေရှင်းနိုင်ပါတယ်။ ရှင့်ကိုအခြားသူတွေက နိုင်ထက်စီးနင်းလုပ်တယ်လို့ ပြောကြလိမ့်မယ်၊ အဲ့ဒီလိုဆို ကြားရတာကောင်းမှာမဟုတ်ဘူး ”
ဘယ်လိုဘဲဖြစ်ဖြစ် သူက ကွန်မြူနတီ၏ ညွှန်မှူးဖြစ်နေပေသည်။
ဟန်ချင်စုန့်က သူမကိုကြည့်လိုက်သည်။
“ ကိုယ်က အရင်ဆုံး မင်းရဲ့ယောက်ျား၊ နောက်ကျမှ ကွန်မြူနတီရဲ့ညွှန်မှုးဖြစ်လာတာ”
အတိတ်ကာလတွင် သူစစ်သားတစ်ယောက်ဖြစ်ခဲ့စဉ်က မွေးဖွားစဉ်မှသေဆုံးချိန်အထိ သူ၏သေခြင်းရှင်ခြင်းကို ဘေးဖယ်ကာ သူ့ကိုယ်သူ တိုင်းပြည်အတွက် အပ်နှံထားခဲ့ပေသည်။ အလုပ်ကိုင်ပြောင်းကာ အိမ်ပြန်လာခဲ့ကတည်းက သူသည် လွတ်လပ်သောလူတစ်ယောက်ဖြစ်လာပေသည်။ လွတ်လပ်သောယောက်ျားတစ်ယောက်အနေဖြင့် သူကအရင်ဆုံးသူမ၏ ခင်ပွန်းဖြစ်ကာ ညွှန်မှူးရာထူးက ဤမျှလောက်ထိအရေးမကြီးပေ။
လင်းလန်က ရင်ထဲအလွန်ထိသွားကာ သူ့ယူနီဖောင်းစကို ဆွဲလိုက်သည်။
“ စန်းကော ကျွန်မဒေါသမထွက်တော့ဘူး၊ ကျွန်မကိုယ်တိုင် သူ့မျက်နှာကိုဆွဲဖြဲပြီး အနာဂတ်မှာ လုပ်ရဲ့တော့မှာ မဟုတ်ဘူး။ သူနဲ့တန်းတူဖြစ်သွားအောင် ကျွန်မတို့ရဲ့အသိဉာဏ်တွေကို နိမ့်မချပါနဲ့ ”
ဟန်ချင်စုန့်က ချောင်ကွမ်းရုန်ကို ဖြေရှင်းနေစဉ်တွင် လက်ထောက်ညွှန်မှူးယန်က တွေ့သွားမည်ကို စိုးရိမ်မိပေသည်။ ထိုအရာက သူ့အတွက်ကောင်းမည်မဟုတ်ပေ။
ဟန်ချင်စုန့်က သူမခါးကိုတွန်းလိုက်သည်။
“ အဆင်ပြေပါတယ်၊ သွားနှင့်နော် ”
လင်းလန်ကလည်း တစ်ချို့အရာများကို ဟန်ချင်စုန့်ထိန်းမထားနိုင်သည်ကို သိပေသည်။ ထို့ကြောင့် သူမအရင်သွားလိုက်၏။
ဟန်ချင်စုန့်က လင်းလန်ထောင့်ချိုးမှ ကွေ့သွားသည်ကို ကြည့်နေလိုက်ကာ ချောင်ကွမ်းရုန်ကိုရှာရန် ဝါဒဖြန့်ချီရေးဌာနသို့သွားလိုက်သည်။
ဝါဒဖြန့်ချီရေးဌာနမှ လူတစ်ချို့သည်အခုချိန်တွင် တောင်တန်းများအကြောင်းပြောနေကြ၏။
လက်ထောက်ဝန်ကြီးက အဝေးမှာရောက်နေပြီး ဝန်ကြီးကျွမ်းက အခြားလူနှစ်ယောက်ကို ဦးဆောင်ကာ ဟန်ချင်စုန့်အမှုကိစ္စများကိုင်တွယ်ပုံကို အတင်းပြောနေကြ၏။
အရာရှိချိုး :“ ခေါင်းဆောင်ဟန်က အမှုကိစ္စတွေကိုင်တွယ်တဲ့အချိန်ဆို အရမ်းခက်ထန်တယ်လို့ အရာရှိလော့ပြောတာကြားဖူးတယ်။ အဲ့ဒီအချိန်တုန်းကဆို အမျိုးသမီးပညာတတ်လူငယ်ကို ဂန်းစတားတစ်ချို့က အနိုင်ကျင့်နေကြတာ၊ သူက သူတို့တစ်ယောက်ချင်းဆီကို မြေကြီးပေါ်ကန်ထုတ်လိုက်တာ ပြန်တောင်မထနိုင်ဘူးတဲ့။ တစ်ချက်လေးဘဲကန်လိုက်တာနော်၊ သူကအရိုးချိုးဖို့အတွက် အားနည်းနည်းဘဲ စိုက်လိုက်ရတယ်လို့ ငါထင်တယ် ”
အရာရှိလျို:“ ငါလည်း ချင်းယွမ်ဆီက ကြားဖူးတယ်၊ တပ်မဟာထဲက မြည်းတစ်ကောင်လန့်ပြီး ကွန်မြူနတီအဖွဲ့ဝင်တစ်ချို့ကို ကိုက်လိုက်တာ လက်ချောင်းတွေတောင်ကျိုးသွားတယ်တဲ့။ ညွှန်မှူးဟန်က သူကိုယ်တိုင် အဲ့ဒီကိုသွား လူတွေခေါ်သွားလိုက်တယ်။ ပြီးတော့ အခြားသူတွေကို သွားခွင့်မပြုဘဲနဲ့ သူကိုယ်တိုင် အဲ့ဒီရူးနေတဲ့မြည်းကို ထိန်းလိုက်တာတဲ့ အံ့ဩစရာမကောင်းဘူးလား ”
ဝန်ကြီးကျွမ်း :“ မင်းတို့အားလုံးက ကြားဘဲကြားဖူးတာ ငါကကျ ကိုယ်တိုင်မြင်ခဲ့ရတာ။ နျိုထောင်ရွာထဲက ဟိုထောင်မှာ အရမ်းသန်မာတဲ့ အရူးတစ်ယောက်ရှိတယ်။ သူရူးလာတဲ့အခါဆိုရင် ကြက်အရှင်ကိုဖမ်းစားပြီး ခွေးတွေကလည်း သူ့ကိုမကိုက်ရဲကြဘူး။ ရွာထဲကလူတွေက သူရိုက်တာခံရတယ်။ သူအဖမ်းခံရပြီးတဲ့နောက်မှာ ထွက်ပြေးသွားတာ။ နောက်ပိုင်းမှာလည်း တစ်ခေါက်ထပ်ပြီးတော့ ရွာကလူတွေရဲ့ခေါင်းကို အုတ်နီခဲနဲ့လိုက်ရိုက်ပြန်ရော၊ အဲ့ဒါကိုကိုင်တွယ်ပေးရတာက ညွှန်မှူးဟန်ပေါ့၊ အရူးကအုတ်ခဲနဲ့ပစ်ပေါက်လိုက်ရင် ညွှန်မှူးဟန်က အုတ်ခဲကိုကန်ထုတ်လိုက်ပြီး လက်သီးတစ်ချက်နဲ့တင် အဲ့ဒီအရူးကို လွင့်ထွက်သွားစေလိုက်တာ.....ဟီးဟီး အံ့ဩစရာကြီး ”
သူတို့သုံးယောက်သား တစ်ယောက်ကကြားဖူးသည်၊ တစ်ယောက်ကမြင်ဖူးသည်ဟုပြောနေကြရာ ချောင်ကွမ်းရုန်က နေရာတွင် မစားနိုင်တော့ပေ။
ဤအချိန်တွင် ဟန်ချင်စုန့်ရောက်လာ၏။ ချိုးချိန်က အရင်မြင်လိုက်ကာ ချက်ချင်းထရပ်ပြီး နှုတ်ဆက်လိုက်၏။
“ ညွှန်မှူးဟန် ”
ထိုအရာကိုကြားလိုက်သောအခါ ချောင်ကွမ်းရုန်ကချက်ချင်းပင် သူ့မျက်နှာကို နေ့လယ်စာဘူးထဲဝှက်လိုက်ကာ ဘာကိုမှမသိချင်ယောင်ဆောင်လိုက်သည်။
ဝန်ကြီးကျွမ်းသည်လည်း ထရပ်ကာ ဟန်ချင်စုန့်ကို နှုတ်ဆက်လိုက်သည်။ ဟန်ချင်စုန့်က ချောင်ကွမ်းရုန်ကို စိတ်လိုက်မာန်ပါဖြင့် ရိုက်လာမှာကြောက်သောကြောင့် သူကစကားလမ်းကြောင်းလွှဲလိုက်သည်။
“ ခေါင်းဆောင်ဟန် နွားကိုသတ်တဲ့ တရားခံကိုရှာတွေ့သွားပြီလား ”
ဟန်ချင်စုန့်က အခြားသူများဝင်မရှုပ်ရန် လက်မြှောက်ကာအချက်ပြလိုက်၏။
သူကချောင်ကွမ်းရုန်၏ စားပွဲဆီသွားကာ လူကိုဆွဲထုတ်ရန်လုပ်လိုက်သည်။ ထိုအခါမှ ချောင်ကွမ်းရုန်ခေါင်းက အံဆွဲထဲသို့ဝင်လုနီးပါးဖြစ်နေသည်ကို တွေ့လိုက်ရ၏။ ထို့ကြောင့် စားပွဲကိုခေါက်ကာ ဘာကိုမှမသိချင်ယောင်ဆောင်နေသော ချောင်ကွမ်းရုန်ကို အပြင်ထွက်ခိုင်းလိုက်သည်။
ချောင်ကွမ်းရုန်က ဟန်ချင်စုန့်၏ ခက်ထန်နေသောမျက်နှာကိုကြည့်ကာ သူ့ခြေထောက်များက အနည်းငယ်ပျော့ခွေလာလေသည်။ ဟန်ချင်စုန့်လက်သီးက သူ့ခေါင်းကို ထိုးဖောက်သွားမှာကို ကြောက်မိပေသည်။
ဟန်ချင်စုန့် :“ မင်းက ဆောင်းပါးကို ခိုးကူးခဲ့တယ် ”
ချောင်ကွမ်းရုန်က ကတ်တီးကပ်ဖဲ့ပြန်ပြောချင်သော်လည်း ဟန်ချင်စုန့်၏ထက်ရှနေသော မျက်လုံးများက သူ့အပေါ်ရောက်နေသောအခါ ခုခံရန်မတွေးနိုင်တော့ပေ။ ထိုမျက်လုံးများက အလွန်ကြောက်ဖို့ကောင်းကာ သူကလေးဘဝတုန်းက တွေ့ခဲ့ရသည့် ရွာခေါင်းဆောင်၏အရပ်တစ်ဝက်မျှရှိသော ခွေးနက်ကြီးကို ပြန်အမှတ်ရမိစေပေသည်။ ထိုမျက်လုံးများက အေးစိမ့်ကာ ရက်စက်နေ၏။
သူချွေးစေးများထွက်လာကာ ပြန်ငြင်းချင်သော်လည်း အလိုအလျောက်ပင် ခေါင်းညိတ်ပြလိုက်မိသည်။
ဟန်ချင်စုန့် :“ မင်း အရာရှိလင်းကို ကန်ခဲ့တယ် ”
သူ့စကားသံက အေးစက်နေကာ ချောင်ကွမ်းရုန်ကို တုန်ယင်လာအောင်လုပ်နေပေသည်။ ချောင်ကွမ်းရုန်က ဖိအားအောက်တွင် ခေါင်းညိတ်ပြလိုက်သည်။
ဟန်ချင်စုန့်က တစ်ချက်ဝေ့ကြည့်လိုက်ရာ နံရံအောက်ခြေတွင် တုတ်ချောင်းတစ်ချောင်းကို မြင်လိုက်၍ ကောက်ရန်သွားလိုက်သည်။
Xxxxxxxx
Part 758
အခန်းထဲရှိလူတိုင်းသည် ဟန်ချင်စုန့်က ချောင်ကွမ်းရုန်ကို ရိုက်တော့မည်ဟုထင်ကာ စိတ်လှုပ်ရှားလာကြ၏။
ချောင်ကွမ်းရုန်သည်လည်း ကြောက်လန့်ကာ ခေါင်းခါပြလာ၏။
“ ကျွန်တော့်ကို မရိုက်ပါနဲ့ ”
ဝန်ကြီးကျွမ်းက စိတ်လှုပ်ရှားစွာ ပြောလာ၏။
“ ခေါင်းဆောင်ဟန် မင်းဒီလိုလုပ်လို့မရဘူးနော် ”
'ဒီလိုကိစ္စလေးအပေါ်မှာ အငြိုးထားနေရင် မင်းအတွက်ကောင်းမှာမဟုတ်ဘူး'
ဟန်ချင်စုန့်က ဘာမှမပြောဘဲ ချောင်ကွမ်းရုန်ဆီ တုတ်ကိုကမ်းပေးလိုက်သည်။
“ ယူလိုက် ”
ချောင်ကွမ်းရုန်က ခေါင်းခါပြီး သူ့ကိုမယုံနိုင်စွာကြည့်လိုက်သည်။
“ ခင်ဗျား ဘာလုပ်မလို့လဲ ”
ဟန်ချင်စုန့်၏အကြည့်များက အေးစက်နေ၏။
“ ငါက ယောက်ျားချင်းဘဲ တိုက်ခိုက်ချင်တယ်၊ မိန်းမတစ်ယောက်ကိုအနိုင်ကျင့်တာက သူရဲဘောကြောင်တယ် ”
“ သူ့ဘက်ကအရင်ရိုက်တာ၊ သူက ကျွန်တော့်ကို အရင်ရိုက်လာတာလေ။ ကျွန်တော်သူ့ကိုရိုက်ချင်ခဲ့တာ မဟုတ်ဘူး။ ခင်ဗျားက အနိုင်ကျင့်နေတာဘဲ ”
ချောင်ကွမ်းရုန်က သူဟန်ချင်စုန့်ကို မယှဉ်နိုင်သည်ကို သိရာ စိုးရိမ်တကြီးဖြစ်လာ၏။
ဟန်ချင်စုန့် :“ လင်းလန်က ငါ့ဇနီး၊ သူရိုက်တာအတွက် ငါ့မှာတာဝန်ရှိတယ် ”
သူက ချောင်ကွမ်းရုန်ရှေ့တွင် တုတ်ကိုချလိုက်၏။
“ မင်းငါ့ကိုပြန်ရိုက်လိုက်၊ ပြီးမှ ငါတို့ကျန်တဲ့ကိစ္စကို ဆက်ရှင်းကြမယ် ”
ချောင်ကွမ်းရုန်က တွန့်ဆုတ်တွန့်ဆုတ်နှင့် တိုးတိုးပြောလာ၏။
“ ခင်ဗျား...ခင်ဗျားက ကျွန်တော်ကို ပြန်ကန်ချင်တာလား ”
သူကချက်ချင်းပင် ဟန်ချင်စုန့်စကားမှ အဓိကအချက်ကို ဖမ်းမိလိုက်သည်။
'တကယ်လို့ ဟန်ချင်စုန့်သာ သူ့ကိုကန်ရင် သူအသက်ရှင်ပါ့မလား ၊ အူတွေ အပိုင်းပိုင်းဖြစ်သွားတဲ့အထိ အကန်ခံရမှာ။ ဟန်ချင်စုန့်ကို ရိုက်တာ ဘာအသုံးဝင်လို့လဲ၊ သူဟန်ချင်စုန့်ကန်တာ မခံချင်ပေ။ '
ဘယ်နေရာမှာများ သူကတုတ်ကိုကိုင်ရဲပါ့မလဲ။ ချက်ချင်းပင် လက်ခါပြလိုက်သည်။
“ ထားလိုက်၊ ထားလိုက်တော့ ကျွန်တော်ပြန်မရိုက်တော့ဘူး ”
ဟန်ချင်စုန့် မျက်မှောင်ကြုတ်သွားကာ အေးစက်စက်ထပ်ပြောလာ၏။
“ ယူလိုက် ”
ဟန်ချင်စုန့်အသံကြောင့် ချောင်ကွမ်းရုန် သတ္တိပျောက်သွားရုံသာမက၊ ကြောက်လွန်း၍ခေါင်းကိုအုပ်ကာ ထွက်ပြေးဖို့လုပ်လေသည်။
ဟန်ချင်စုန့်က သူ့ကိုတားရန်ခြေထောက်ဆန့်ထုတ်လိုက်သည်။ ချောင်ကွမ်းရုန်က သူ့ဆီပြေးဝင်မိသွားကာ သူ့ကိုတိုက်ထုတ်လိုက်နိုင်မည့်အစား နောက်ပြန်ကန်သွားကာ နံရံနှင့်တိုက်မိသွား၏။
ဟန်ချင်စုန့်ခြေထောက်လှုပ်လိုက်သည်နှင့် ချောင်ကွမ်းရုန်က ကြောက်လွန်းလို့ ခေါင်းကိုအုပ်ကာ ဆောင့်ကြောင့်ထိုင်လိုက်မိသည်။ သူကအော်ပြောလာ၏။
“ ကျွန်တော်မှားသွားပါတယ်၊ ကျွန်တော်မှားသွားတယ် အသက်ချမ်းသာပေးပါ။ အရာရှိလင်းရဲ့စာမူကို ကျွန်တော်ခိုးမကူးသင့်ပါဘူး၊ ကျွန်တော်မလုပ်ရဲတော့ပါဘူး။ ထပ်မလုပ်တော့ပါဘူး ”
ချောင်ကွမ်းရုန်တစ်ယောက် ဘယ်လိုတောင်ကြောက်လန့်နေသည်ကို တွေ့လိုက်ရသောအခါ ဟန်ချင်စုန့်က ကန်ချင်စိတ်တောင်မရှိတော့ပေ။
ဟန်ချင်စုန့် :“ မှားသွားတယ်လား ”
ချောင်ကွမ်းရုန်က ခေါင်းပြုတ်မတတ်ငြိမ့်ပြလိုက်သည်။
“ မှားတယ်၊ မှားသွားပါတယ်။ ကျွန်တော်ညွှန်မှူးဆီသွားလိုက်ပါ့မယ်....အပြစ်ဝန်ခံဖို့”
အခြားသူများအပေါ် ဘယ်လိုဘဲ ကတ်ကတ်လန်နေပါစေ ဟန်ချင်စုန့်ရှေ့တွင်မူ အသုံးမဝင်ပေ။ သူအသည်းမမာချင်တာမဟုတ်ပေ။ ထိုအရာက အလွန်စိတ်ဖိစီးရပေသည်။ ဒီနေရာတွင်ရှိနေသည့် ဘာ်သူကမှ ဟန်ချင်စုန့်ကို မထိန်းချုပ်နိုင်ပေ။ ညွှန်မှူးယန်က သူ့အပေါ်ဒေါသထွက်ကာ မုန်းတီးနေသော်ငြား ဘာလုပ်နိုင်လို့လဲ။
အဲ့ဒီမိန်းမလင်းလန်ကိုတော့ သူထပ်ပြီး သွားမရှုပ်ရဲတော့ပေ။
ဟန်ချင်စုန့်က စိတ်မကျေနပ်သေးသည်ကို မြင်လိုက်ရသောအခါ သူကဆက်ပြောလာ၏။
“ ပြီးတော့ ဘာကျန်သေးလဲ၊ အိုး ကျွန်တော်အရာရှိလင်းကိုလဲ သွားတောင်းပန်လိုက်ပါ့မယ် ”
သူက ညွှန်မှူးယန်ဆီသို့ အမှားဝန်ခံရန် အမြန်သွားလိုက်၏ ။
ထို့နောက်တွင်မှ ဟန်ချင်စုန့်က ဝန်ကြီးကျွမ်းကို နှုတ်ဆက်လိုက်သည်။
အရာရှိချိုးနှင့် အရာရှိလျိုတို့က ဟန်ချင်စုန့်အား သဘောကျစွာကြည့်လာကြ၏။
“ခေါင်းဆောင်ဟန်~~~”
အခုကစပြီးတော့ ငါတို့ရဲ့ဝါဒဖြန့်ချီရေးဌာနကြီးကလည်း တစ်စုံတစ်ယောက်ရဲ့ကာကွယ်မှုကို ခံရတော့မှာပဲ။
ဝန်ကြီးကျွမ်းက နားရွက်ထိချိတ်အောင် ပြုံးလာလေသည်။
“ ဒေါသမထွက်ပါနဲ့တော့ ခေါင်းဆောင်ဟန်၊ အချို့ရဲဘော်အသစ်တွေက ဉာဏ်အလင်းမပွင့်သေးလို့ပါ။ ငါတို့ရဲဘော်ဟောင်းတွေဘဲကြည့်ပါလား၊ အရမ်းကိုလန်းဆန်းတက်ကြွနေတာ ”
ကွန်မြူနတီသေးငယ်သည်ကို မကြည့်ပါက ခေါင်းဆောင်အပါအဝင် လူဆယ်ယောက်ရှိပေသည်။ ကျန်လူများက သက်ဆိုင်ရာပစ္စည်းပို့ရမည့် ခရီးတိုသွားနေကြ၏။ သို့သော်ငြား လူဆယ်ယောက်သာရှိသော်လည်း အုပ်စုအသေးများခွဲထားပေသည်။ အုပ်စုကြီးများက အလွန်ရိုးရှင်းပေသည်။ ၎င်းတို့မှာ အာဏာဖီဆန်သူနှင့် အစိုးရအုပ်စုများ အစရှိသဖြင့်ပင်။ အခုချိန်တွင် တော်လှန်ရေးကော်မတီနှင့် အခြားအုပ်စုနှစ်ခုက အတူတူရှိနေသော်လည်း သဘာဝအားဖြင့် အတိုက်အခံများရှိနေဆဲဖြစ်သည်။
လက်ထောက်ညွှန်မှူးယန်က အာဏာဖီဆန်သူအုပ်စုမှဖြစ်ကာ စွမ်းရည်အနည်းငယ်သာရှိ၏။ သို့သော်အခုတွင် သူက အဓိကလွှမ်းမိုးနေကာ နောက်ခံရှိ၏။ လက်ထောက်အတွင်းရေးမှူးနှစ်ဦးလည်း ရှိသေးပေသည်။ သူတို့အား ရှေးရိုးစွဲသူများဟုသတ်မှတ်နိုင်ကာ တော်လှန်ရေးအား အလွန်အကျွံမပံ့ပိုးပေးကြပေ။ အခုချိန်တွင် သူတို့က လက်ထောက်ညွှန်မှူးယန်၏ ချုပ်ကိုင်မှုအောက်တွင် ရှိနေပေသည်။
ဟန်ချင်စုန့်က မည်သည့်အုပ်စုကိုမှ မမှီခိုပေ။ သူက စစ်မှုထမ်းရာမှ ထွက်ခွင့်ပြုထားရသော စစ်သားတစ်ယောက်ဖြစ်ကာ ထိပ်ပိုင်းတွင်လည်း သူတို့ဘက်မှလူတစ်ချို့ရှိနေ၏။ တစ်ယောက် ယောက်က သူ့ကိုဖယ်ရှားချင်လာလျှင်တောင်မှ ဖယ်နိုင်မည်မဟုတ်ပေ။
ဝန်ကြီးကျွမ်းတစ်ယောက် ကောင်တီသို့သွားခဲ့စဉ်က တစ်ယောက်ယောက်ကတိုးတိုးပြောခဲ့သည်ကိုကြားခဲ့ရ၏။
'ဟန်ချင်စုန့်က ဒီဒေသထဲမှာဆိုရင် ကောင်တီတော်လှန်ရေးနဲ့ သက်ဆိုင်တဲ့မှုခင်းမကျူးလွန်သရွေ့ ဘယ်သူမှသူ့ကိုထိနိုင်မှာ မဟုတ်ဘူး။ တကယ်လို့ ကောင်တီတော်လှန်ရေးဖြစ်နေရင်တောင်မှ သူ့ကို စစ်တပ်အုပ်စုက ထိန်းသိမ်းစောင့်ရှောက်ခွင့်နဲ့ ပြန်ခေါ်သွားလိမ့်မယ် '
ထိုအရာက အမှန်ဟုတ်၊မဟုတ် သူမသိသော်လည်း ဝန်ကြီးကျွမ်းက ယုံမိ၏။ ထို့ကြောင့် အစပိုင်းတွင် သူကလင်းလန်ကို ကွန်မြူနတီ၏ ဝါဒဖြန့်ချီရေးဌာနသို့ ဝင်မည့်ကိစ္စနှင့်ပတ်သက်ပြီး ထောက်ခံခဲ့ခြင်းဖြစ်သည်။ သူမကိုနွေးထွေးစွာကြိုဆိုကာ အိမ်ကဲ့သို့ ခံစားရအောင်လုပ်ပေးမည့် လူတစ်ချို့ရှိအောင် ခွင့်ပြုထားလိုက်၏။
ဟန်ချင်စုန့်က ထွက်မသွားခင် သူတို့နှင့် စကားအနည်းငယ်ပြောလိုက်သည်။
လက်ထောက်ညွှန်မှူးယန်က ချောင်ကွမ်းရုန်တစ်ယောက် အလွယ်တကူဒူးထောက်အရှုံးပေးလိုက်သည်ကိုမြင်သောအခါ သံကသံမဏိ မဖြစ်လာသည်ကို မုန်းမိပေသည်။ မင်းသူ့ကိုသေအောင်ရိုက်သတ်လိုက်ပြီးရင် သူက ပြန်ရိုက်ရဲတော့မှာလား။ တကယ်လို့ သူမင်းကိုရိုက်လာရင်တောင်မှ သေတဲ့အထိရိုက်ရဲပါ့မလား။ သူအရှက်မရှိဘူးလား။ သူ့ရာထူးသူအမှတ်မထားဘူးလား။
သို့သော် ချောင်ကွမ်းရုန်ကိုယ်တိုင်က အမှားဝန်ခံလာပြီဖြစ်သောကြောင့် သူလုပ်နိုင်တာဘာမှမရှိပေ။ ထို့ကြောင့် သူက စကားအနည်းငယ်သာပြောလိုက်၏။
“ နောက်ပိုင်းကျရင် သတိထားပေါ့ ”
ယွီရှင်းက ထူးဆန်းသည့်ပုံစံဖြင့် ပြောလာ၏။
“ အရာရှိချောင်က အာဏာကို ကြောက်တတ်သားပဲနော်၊ ဒီလိုဆိုကောင်းမှာမဟုတ်ဘူး ”
ချောင်ကွမ်းရုန် :“ အတွင်းရေးမှူးယွီက ရပ်နေပြီးစကားပြောတော့ နောက်ကျောဘယ်နာပါ့မလဲ ”
သူချွေးများကို သုတ်ကာ မြန်မြန်သွားလိုက်သည်။ သူလင်းလန်ကို တောင်းပန်ရဦးပေမည်။ အကယ်၍ဒီနေ့တွင် လင်းလန်မကျေနပ်သွားပါက ဟန်ချင်စုန့်ကို သူမတွေးရဲတော့ပေ။
‘ ငါလည်းခေါင်းကြိမ်းတယ်၊ ငါ့ကိုယ်ငါ့ဖော်ပြဖို့ ချီးမြှောက်ခံရအောင် အရမ်းလုပ်ချင်နေခဲ့တာ၊ ဒါကိုမမျှော်လင့်ထားမိဘူး '
Xxxxx
Welcome To MM Storyteller
LOGIN
Welcome To MM Storyteller
REGISTER