Welcome To MM Storyteller
LOGIN
Part 843
ဝင်ရောက်စွက်ဖက်ရန် ခေါင်းမာနေပါက အရာရှိကို ဒေါသဖြစ်စေကာ တရုတ်အားကစားသမားများအား ဒုက္ခရောက်စေမည်ဖြစ်သဖြင့် ပန်းများကို ကြည့်ရှုရန် သွားခဲ့သည်။
မကြာခင်မှာဘဲ နည်းပြပြန့်လည်း ပြေးလာပြီး ဟောဟဲလိုက်ရင်း ဘာမှမသိဟန်ဆောင်ကာမေးလေ၏။
"ဘာလို့ဒီကိုရောက်နေတာလဲ။"
ချီဝေကောက မျက်မှောင်ကြုတ်ပြီး နည်းပြပြန့်ကိုပြောလိုက်သည်။
"မင်းသေချာဂရုစိုက်သင့်တယ်...အဲဒါက အဓိပ္ပာယ်မရှိဘူး... ကံကောင်းစွာနဲ့ပဲ တရုတ်မှာမဟုတ်ဘူး... ဒီလိုမျိုး အရင်းရှင်တွေကို သီးသန့်ဆက်သွယ်တာက အကျင့်စာရိတ္တပျက်သွားလိမ့်မယ်”
နည်းပြပြန့်ကပြော၏။
"အတွင်းရေးမှူးချီ မင်းအရမ်းစိတ်လှုပ်ရှားနေတယ်... ပြိုင်ပွဲကို လာတဲ့အခါ မျက်နှာဖုံးမတပ်ရဘူး... အဆက်အသွယ်မလုပ်ရဘူး...ဥက္ကဋ္ဌကျောက်က မထွက်ခွာခင်မှာ ညွှန်ကြားချက်တွေပေးဖို့ ဒုဥက္ကဌသန်းကို ခိုင်းထားတယ်..လိုအပ်တာရှိရင် ဆက်သွယ်လို့ ရပါတယ်... မဟုတ်ရင် ပုံမှန်ခင်မင်ရင်းနှီးမှုတစ်ခုကို ဘယ်လိုလုပ် ထူထောင်နိုင်မလဲ... ငါတို့ရဲ့ လက်ရှိရည်မှန်းချက်ကနိုင်ငံတွေနဲ့ သံတမန်ဆက်ဆံရေး ထူထောင်ဖို့နဲ့ နိုင်ငံတကာရဲ့ ထောက်ခံမှုကို ပိုမိုရရှိစေအောင် ကြိုးပမ်းဖို့ဖြစ်တယ်...ဥက္ကဋ္ဌကျောက် အသင်းကိုဦးဆောင်ရတဲ့အကြောင်းပြချက်ကလည်း သူ့ရဲ အချိန်ကိုက် ပင်းပေါင်လက်မှတ်ကြောင့်ပဲ"
ချီဝေကောက သဘောမတူသေးဘဲ သူ့လည်ပင်းကို မတ်မတ်ထားကာ စည်းကမ်းဖောက်ဖျက်နေခြင်းအကြောင်း ဆက်ပြောနေခဲ့သည်။
တခြားလက်ထောက်အထွေထွေအတွင်းရေးမှူးက ဝင်ပြောလိုက်၏။
"မင်းတို့ ... ညွှန်ကြားချက်အတွက် ဥက္ကဋ္ဌကျောက် ကို ဘာလို့မမေးတာလဲ "
ချီဝေကောက နှာခေါင်းရှုံလေသည်။
"ဥက္ကဋ္ဌကျောက်က အလုပ်ရှုပ်နေတာမဟုတ်ဘူးလား...သူက အာရှကော်မတီ၊FINA တို့နဲ့ ညှိနှိုင်းဖို့ အလုပ်ရှုပ်နေတယ်...ဘယ်သူက အသေးအဖွဲကိစ္စတွေကို ဂရုစိုက်နိုင်မှာလဲ"
နည်းပြပြန့် သူ၏အလွန်အမင်း ရန်လိုမှုကို မကြိုက်ပေ။
"ဒါက အသေးအဖွဲပဲလို့ မင်းပြောတယ်...အဲ့လိုဆို ဘာလို့ စိတ်အနှောင့်အယှက်ဖြစ်နေသေးတာလဲ... အရေးအကြီးဆုံးက လူတိုင်းကို စုစည်းပြီး FINA ရဲ့အခက်အခဲကို အရင်ကျော်ဖြတ်ဖို့ပဲ"
ထိုနေရာ၌ မက်တီက သူမလူများကို ဦးဆောင်၍ အထူးသဖြင့် ရေကူးသမားများကို ကူညီပြောဆိုရန် အခြားနိုင်ငံမှ အားကစားသမားများကို ရှာဖွေခဲ့သည်။
ဖော်ဖော်ရွေရွေရှိသူများကို ဤပြိုင်ပွဲက တရားမျှတပြီး လူတိုင်း ယှဉ်ပြိုင်ခွင့်ရလိမ့်မည်ဟု မျှော်လင့်ကြောင်း သူမက ပြောခဲ့သည်။ ဖော်ရွေမှုမရှိသည့် သူတွေအတွက်မူ "တရုတ်ရေကူးသမားတွေက နင်တို့ကို တအားခြိမ်းခြောက်နိုင်မှာကို ကြောက်လို့လား" ဟုပြောခဲ့၏။
သူမထိုသို့ပြောလိုက်သည်နှင့် ဂျပန်ရေကူးသမားများက တရုတ်အသင်းကို ပြိုင်ပွဲမှာ ပါဝင်ခွင့်ပေးမည်ဟု ထုတ်ဖော်ပြောဆိုခဲ့သည်။
တရုတ်အသင်းကို သူတို့ ဘယ်လို နှိပ်စက်မလဲ ကြည့်ရအောင်...
အားကစားသမားများသည် FINA ၏ လုပ်ရပ်များကို ဆန့်ကျင်ကန့်ကွက်ရာတွင် ပါဝင်ခဲ့ကြပြီးအားကစားကို ဆုံးဖြတ်ရန် နိုင်ငံရေးကို အသုံးပြုခြင်းထက် အရည်အချင်းပြည့်မီသော အားကစားသမားတိုင်းကို အာရှအားကစားပြိုင်ပွဲတွင် ပါဝင်ခွင့် ပေးသင့်သည်ဟု ယုံကြည်ကြသည်။
“နိုင်ငံရေးဆန့်ကျင်ရေး ထောက်ခံလှုပ်ရှားမှု” ဟူသော ဆိုင်းဘုတ်ကိုပင်ပြင်ဆင် ခဲ့ကြသည်။
ဟင်နရီနှင့် အခြားသော သတင်းထောက်များကလည်း အာရှကော်မတီနှင့် FINA ရုံးများကို အလှည့်ကျ (မေးခွန်းများဖြင့်)တရစပ်ထိုးနှက်တိုက်ခိုက်ရန် ပိတ်ဆို့ထားသည်။ တုန်လှုပ်ဖွယ်ရာသတင်းကထွက်ပေါ်လာပြီး ကမ္ဘာကို အလွန်ရော့ရသွားစေခဲ့၏။ ၎င်းတို့သည် ရေဒီယိုနှင့် ရုပ်မြင်သံကြားမှ တိုက်ရိုက်ထုတ်လွှင့်မှုများ ပြုလုပ်ခဲ့ပြီး ကမ္ဘာတစ်ဝှမ်း စည်းလုံးညီညွတ်မှုကို ရှာဖွေကာ အာရှအားကစားပြိုင်ပွဲ ပိုမိုကောင်းမွန်လာစေရန် တောင်းဆိုခဲ့ကြသည်။
ဥရောပဂျာနယ်လစ်များသည် FINA ရုံးချုပ်ကို အုံလိုက်ကြီးသွား၍ လိုက်ဖမ်းပြီး တရုတ်သံရုံးမှ ဝန်ထမ်းများအား ဥရောပသားအုပ်စုတစ်စုကို မျက်နှာစိမ်းဖန့်မသွားမချင်း ပိတ်ဆို့ရန် ကူညီခဲ့သည်။
နှစ်ရက် သုံးရက်အတွင်း FINA သည် အာရှကော်မတီနှင့် ဒေသတွင်းရှိ အခြားသော အားကစားအဖွဲ့ချုပ်များ၏ ဖိအားများအပါအဝင် ကမ္ဘာတစ်ဝှမ်းမှ မလိုတမာမှုများနှင့် လှောင်ပြောင်ခြင်းများကို လက်ခံရရှိခဲ့သည်။
တစ်ချိန်တည်းမှာပင်၊ တရုတ်အစိုးရသည် FINA ရုံးချုပ်နှင့် ဆက်သွယ်ကာ ကန့်ကွက်နေခဲ့သည်။
နောက်ဆုံးတွင် ဖွင့်ပွဲအခမ်းအနားမစမီ တစ်ရက်အလိုတွင် FINA သည် တရုတ်ရေကူးအသင်းကို ပြိုင်ပွဲတွင် ပါဝင်ယှဉ်ပြိုင်ရန် လက်ခံလိုက်ခြင်းကို နောက်ဆုံးတွင် ခွင့်ပြုလိုက်ရသည်။
ဤသတင်းကို ကြေငြာလိုက်သည်နှင် အေလီမဲလ် အားကစားစင်တာဘေးက အာရှအားကစားပြိုင်ပွဲကျေးရွာရှိ တရုတ်ဧရိယာဟာ ဂုဏ်ယူဝမ်းမြောက်နေသော ပင်လယ်ကြီး ဖြစ်သွားပါတော့သည်။
အမြဲတမ်း သီးသန့်နေတတ်သော လီကျန်းက စန်းဝမ်ကို ချက်ချင်းပွေ့ဖက်လိုက်ပြီးအော်လေ၏။
"စန်းဝမ် ငါတို့အောင်မြင်ပြီ..."
"အောင်မြင်ပြီ ငါတို့ပြိုင်ပွဲမှာ ပါဝင်လို့ရပြီကွ..."
"ကောင်းလိုက်တာ..."
ရေကူးအဖွဲ့မှ အားကစားသမားများသည် ဝမ်းမြောက်စွာ အော်ဟစ်ပြီး ခေါင်းကိုလက်မောင်းအောက်ထိုးလျက် ဝမ်းသာမျက်ရည်ကျကြသည်။
အခြားသော အားကစားသမားများကလည်း တစ်ယောက်ပြီးတစ်ယေက် ဝမ်းမြောက်ဝမ်းသာ ဂုဏ်ပြုကြပြီး ထပ်တူဝမ်းသာကြောင်းပြသကြ သည်။
သူတို့က စန်းဝမ်ကို ပစ်မြှောက်လိုက်သောအခါ စန်းဝမ် ထိတ်လန့်လွန်း၍ အော်ဟစ်တော့၏။
“မမြှောက်နဲ့... ငါက ဆုရ ရမှာ...မဟုတ်ရင် မင်းတို့မျက်နှာပျက်သွားလိမ့်မယ်”
လူတိုင်းက ရယ်ကြသည်။
ရုတ်တရက် ရေဒီယိုကနေ တရုတ်ပြည်သူ့သမ္မတနိုင်ငံ နိုင်ငံတော်သီချင်းကို ထုတ်လွှင့်လိုက်ရာ အာရှအားကစားပြိုင်ပွဲ ရွာတစ်ဝိုက်တွင် ကြီးကျယ်ခမ်းနားသော သီချင်းသံက ပဲ့တင်ထပ်သွားကာ လူတိုင်း၏အောင်ပွဲခံနေသော အငွေ့အသက်ကို အထွတ်အထိပ်သို့ တွန်းပို့ခဲ့သည်။
အာရှအားကစားပြိုင်ပွဲမစတင်မီတွင် နိုင်ငံတစ်နိုင်ငံ၏ နိုင်ငံတော်သီချင်းကို တီးမှုတ်ခြင်းသည် အထူးကိစ္စရပ်တစ်ခုဖြစ်သည်။ ယင်းသည် တရုတ်အားကစားသမားများ၏ ဇွဲလုံ့လနှင့် သတ္တိရှိမှုကို ဖော်ပြခြင်းအတွက် လေးစားဂုဏ်ပြုခြင်းတစ်မျိုးဖြစ်သည်။
ဤသည်မှာ အားကစားစွမ်းရည်ကို ဂုဏ်ပြုခြင်းပင်။
....
"ဗဟိုပြည်သူ့အသံလွှင့်ဌာနကပရိတ်သတ်များခင်ဗျာ ဒါဟာ အီရန်နိုင်ငံ တီဟီရန်မှာ ကျင်းပတဲ့ သတ္တမအကြိမ်မြောက် အာရှအားကစားပြိုင်ပွဲ ဖြစ်ပါတယ်.... ကျွန်တော်တို့ ကိုယ်စားလှယ်အဖွဲ့ဟာ သြဂုတ်လ 20 ရက်နေ့က တီဟီရန်မြို့က အာရှအားကစားပြိုင်ပွဲရွာကို ရောက်ရှိပြီးနောက် အားကစားသမားတွေ ဆက်လက် လေ့ကျင့်မှု ပြုလုပ်ခဲ့ပါတယ်... ယနေ့စက်တင်ဘာ1ရက်နေ့မှာ အာရှအားကစားပြိုင်ပွဲကို တရားဝင်ဖွင့်လှစ်လိုက်ပြီဖြစ်ပါတယ်...ပြီးခဲ့တဲ့ ရက်အနည်းငယ်ကို ပြန်ကြည့်ရင် စိုးရိမ်စရာအကောင်းဆုံးကတော့ တရုတ်ရေကူးအဖွဲ့ကို FINA က မပါဝင်ဖို့ တားမြစ်လိုက်တဲ့သတင်းပါပဲခင်ဗျာ...ကျွန်တော် တို့..…”
ညွှန်မှူးဖန့်၏ရုံးခန်းမှာ လင်းလန်တို့ မိသားစု အာရှအားကစားပြိုင်ပွဲ၏ တိုက်ရိုက်ထုတ်လွှင့်မှုကို နားထောင်ရန် ရေဒီယိုရှေ့မှာ ပူးကပ်နေကြသည်။
လင်းလန်က သစ်သားဆိုဖာပေါ်တွင် ထိုင်နေပြီး ရှောင်ဝမ်က သူမဘေးတွင် ထိုင်နေသည်။
မိုင်စွေ့နှင့်အားဝမ်က တစ်ယောက်နှင့်တစ်ယောက် မျက်စောင်းထိုးမှာ ထိုင်ကာ အကြောင်းအရာကို ကြွယ်ဝစေရန်အတွက် သူတို့မိသားစု၏ သတင်းစာဖြတ်ပိုင်းများတွင် ရေးရန် ကြံရွယ်ကာ ဘောပင်နှင့် စာရွက်ဖြင့် မှတ်စုများရေးနေကြသည်။
ရေဒီယိုမှာကြားရသည်ပ သတင်းစာတွေမှာကြားရသည်ထက် ပိုစိတ်ဝင်စားစရာကောင်း၏။သတင်းစာများက နိုင်ငံရေးသတင်းများသာပါပြီး ဖတ်ချင်စရာမကောင်းပါချေ။
တဝမ်က လက်နှစ်ဖက်ကို ပိုက်ကာ ပြတင်းပေါက်နားမှာ မတ်တပ်ရပ်နေ၏။
သူ့ကို ဤမနက်မှ ဟန်ချင်စုန့်က သွားကြိုထားခြင်းဖြစ်သော်လည်း လင်းလန်က သူရောက်သည်နှင့် ရေဒီယိုကို နားထောင်ရန်ဆွဲထားခဲ့သည်။
ဟန်ချင်စုန့်နှင့် ညွှန်မှူးဖုန့်တို့က အလုပ်သွားလုပ်ပြီးသူတို့ကို ရုံးခန်းထဲမှာနေခိုင်းထား၏။
ရေဒီယိုကနေ ကြည်လင်ပြတ်သားသော အမျိုးသားအသံ ထွက်ပေါ်လာချိန်တွင် ရေဒီယိုရှေ့တွင် စောင့်ကြပ်နေသော လင်းလန်တို့ မိသားစုသည် ပြိုင်ပွဲဝင်ပြိုင်တော့မည်ကဲ့သို့ ချက်ချင်းပင် မတ်မတ်ထိုင်လိုက်ကြသည်။
မြင်ကွင်းကို မမြင်နိုင်ကြသော်လည်း ကြေငြာသူ၏ စိတ်လှုပ်ရှားမှုမှတဆင့် တုန်လှုပ်နေသော ခံစားချက်ကို သူတို့လည်း ခံစားနိုင်သည်။
Xxxx
Part 844
ဗဟိုပြည်သူ့အသံလွှင့်ဌာနမှ အာရှအားကစားပြိုင်ပွဲကို ယမန်နေ့က တိုက်ရိုက်ထုတ်လွှင့်ခဲ့သည်။ ယမန်နေ့က တရုတ်ကိုယ်စားလှယ်အဖွဲ့သည် မိမိတို့သံရုံးနှင့် တစ်ကမ္ဘာလုံးမှ ဖော်ရွေပျူငှာသူများ၏အကူအညီနှင့် တရုတ်ရေကူးအသင်းအား အာရှအားကစားပြိုင်ပွဲ၏ ရေကူးပြိုင်ပွဲတွင် ပါဝင်ယှဉ်ပြိုင်ခွင့်ပြုရန် ကမ္ဘာ့ရေကူးအဖွဲ့ချုပ်ကို အောင်မြင်စွာစည်းရုံးခဲ့သည်။
မနေ့ကထုတ်လွှင့်မှုမှာ ဥက္ကဋ္ဌကျောက်က စကားပြောရုံတင်မကဘဲ တိုက်ရိုက်အင်တာဗျူးကို အသံသွင်းခြင်းပင် ရှိပါသေး၏။
ထိုအထဲမှာ အမေရိကန် သတင်းထောက် ဟင်နရီ အမည်ရှိသည့်သတင်းထောက်တစ်ယောက် ရှိပြီး သူ့အသံက အလွန်ကျယ်သည်။ လင်းလန်တို့မိသားစု သူ့ပါးစပ်မှ "ပိုက်ကွန်ပစ်"ဟူသော အသံကိုပင် ကြားလိုက်ရပြီး အချိန်အတော်ကြာအောင် စောင့်ပြီးနောက်တွင် သူက စန်းဝမ်ကို အမှန်တကယ် ခေါ်နေမှန်း သိလိုက်ရသည်။
(T/N–စန်းဝမ်မဟုတ်ဘဲ Sā wǎng=ပိုက်ကွန်ပစ်ဖြစ်နေတာပါ)
ထိုအချိန်တွင် ရှောင်ဝမ် မိုင်စွေ့နှင့် အားဝမ်တို့ အလွန်စိတ်လှုပ်ရှားနေကြသည်။
"မားမား... ဒီနိုင်ငံခြားသားက စန်းတိကို ခေါ်နေ တာ..."
ထိုအချိန်တွင် လင်းလန်က နားစွင့်ကာ နားထောင်နေခဲ့သည်။ ဟင်နရီနှင့် စန်းဝမ်တို့သည် တစ်ယောက်နှင့်တစ်ယောက် သိကြသည်ကို သူမ ယောင်ဝါးဝါးကြားလိုက်ရသည် ။ သူတို့က စန်းဝမ်ကို အင်တာဗျူးကာ တရုတ်အသင်းကိုအားပေးကြသည့်အပြင် သတင်းထောက်များစွာနှင့် ပူးပေါင်း၍ FINAကို ဖိအားပေးခဲ့ပြီး ၎င်းတို့၏ ရေဒီယိုနှင့် ရုပ်မြင်သံကြားဌာနများသို့ပင် တိုက်ရိုက်ထုတ်လွှင့်ခဲ့သည်။
တရုတ်အသံလွှင့်သူ၏အသံနှင့်အတူ တရုတ်အသံလွှင့်ဌာန၏ အသံဖြင့် တိုက်ရိုက်ထုတ်လွှင့်မှုတွင် မတူညီသော နောက်ခံအသံများ ထွက်ပေါ်လာခဲ့သည်။
ရှောင်ဝမ်ကနားပါးပြီး စန်းဝမ်၏ အသံကို တန်း ကြားလိုက်ရသည်။ သူက "မြင်းခွာ...မြင်းခွာ"ဟုအော်နေ၏။
တရုတ်အသံလွှင့်သူ့၏အသံက အတော်လေးကို ဆူညံ့နေသည်။လင်းလန်နှင့် ကလေးများသည် ဤဆူညံသံများထဲမှ စန်းဝမ်၏ အသံကို အတိအကျ ဆုပ်ကိုင်ထားဆဲပင်။
သူက တကယ်ကြီးမေးလိုက်၏။
“ဒီမိုက်ကရိုဖုန်းကနေ အပြင်ကို ဘယ်အထိ တကယ်လွှဲလို့ရလဲ... အဲဒါက တယ်လီဖုန်းလား... ရေဒီယိုလား...မားမားကြားလား မသိဘူး”
မိုက်ခရိုဖုန်းထဲသို့"ဟယ်လို ဟေး”ဟု တိုးတိုးလေး လှမ်းအော်လိုက်သေးသည်။အကြိမ်ပေါင်းများစွာ ခေါ်ကြည့်သော်လည်း လင်းလန်၏ အသံမှာ အတွင်းမှ ထွက်မလာသောကြောင့် အနည်းငယ် စိတ်ပျက်သွားသည်။
ထိုအချိန်တုန်းက ဟင်နရီ သေလုမြောပါးရယ်ခဲ့ရသည်။သူက အမေရိကန် ရေဒီယို အသံလွှင့်ဌာနမှာ တိုက်ရိုက် ထုတ်လွှင့်နေ၏။ဟားဟား...ဒီရဲဘော်လေးစန်းဝမ်က တကယ်ကို သေအောင်ရယ်အောင်လုပ်တာပဲ...
တရုတ်အားကစားသမားလေးက ချစ်စရာကောင်းလွန်းသည်ဟု ပြည်တွင်းက ပရိသတ်တွေက ပြောနေကြသည်။
ဟင်နရီ ပြန်လည်ထုတ်လွှင့်သည့်အရာသည် တရုတ်အသံလွှင့်ဌာနများပြောသည်ထက် ပို၍စစ်မှန်သည်။ ၎င်းကို ဖျက်ပစ်ခြင်း၊ပြုပြင် ခြင်းမရှိဘဲ စစ်မှန်သည့်နည်းလမ်းဖြင့် ထုတ်လွှင့်ခဲ့ပြီး အာရှအားကစားပြိုင်ပွဲတွင် တရုတ်အသင်းအစစ်အမှန်ကို ကမ္ဘာကသိစေမည်ဖြစ်သည်။
"ဟင်နရီ... ကျွန်တော့်ကျောက်တုံးကို မြင်းခွာကိုပေးလိုက်တယ်...အဲ့ဒါက ကျွန်တော့်အစ်ကိုကြီးပေးထားတာ... မားမားသဘောကျဆုံးဟာ... ကျွန်တော် မားမားကို ရလားလို့ မမေးခဲ့ရဘူး...မြင်းခွာက ကျွန်တော်တို့တရုတ်တွေရဲ့ သူငယ်ချင်းကောင်းမလို့ သူ့ကို ပေးရတာကိုစိတ်မကွက်ပါဘူး...မားမားလည်း စိတ်ဆိုးမယ် မထင်ဘူး”
လင်းလန် ထိုဝါကျကိုကြားလိုက်ရ၏။ နောက်ပိုင်း တရုတ်သတင်းထောက်များက စပြီး အင်တာလာဗျူးသည့်အတွက် ဟင်နရီက စန်းဝမ်ကို ဘာကြောင့်မှန်းမသိမပါဘဲ ဆွဲခေါ်သွားလေသည်။
အသံမလွှင့်ခင် မိသားစုက ခဏလောက် ငြိမ်ကျသွား၏။
လင်းလန် : "သားကြီး... စန်းတိကို ကျောက်ပေးခဲ့တာလား"
ကျောက်ပေးလိုက်သည့်သူကို ရုတ်တရက် တွေးလိုက်မိပြီး အတော်လေး တုန်လှုပ်သွားသလို ခံစားလိုက်ရသည်။ကံကောင်းထောက်မစွာဖြင့် ထိုကျောက်တုံးက ကွဲပြားခြားနားသည့်သဘာဝနှင့် ခင်မင်မှုအထိမ်းအမှတ်ကျောက်တုံးတစ်ခုဖြစ်နေ၏။
တဝမ်က ခေါင်းညိတ်လိုက်သည်။
လင်းလန် : "သားကြီး... မင်းငါ့ကို ပေးတဲ့တစ်ခုမလား... ရှက်မနေနဲ့နော်"
စန်းဝမ်က ကျောက်မျက်ရတနာ ဆိုသည်ကို နားမလည်သည့်အတွက် သူမိသားစု၏အကြိုက်ဆုံး ကျောက်တုံးအဖြစ် မြင်းခွာကို ပေးလိုက်ခြင်းသာဖြစ်၏။ ထိုသူက မည်သူမည်ဝါဖြစ်သည်ပဲဖြစ်ပါစေ ထိုဟာက တရုတ်နှင့် အီရန်ကြား ချစ်ကြည်ရင်းနှီးမှုကို သက်သေပြသည့် မြင့်မြတ်သောကျောက်တုံးဖြစ်သည်။ ဒါပေမဲ့ အီရန်က ဘယ်သူမလို့လဲ...ရှေးခေတ်တရုတ်ပြည်ရှိ ကျောက်မျက်ရတနာအများစုသည် ပါးရှား(အီရန်)ကနေ ဖန်ခွက်အများအဖြစ် ရောက်လာခဲ့ကြသည်။ သူတို့နိုင်ငံက အရောင်အသွေးမျိုးစုံရှိသည့် ကျောက်တုံးများနှင့် ပြည့်နှက်နေပြီး စန်းဝမ်ပေးသည့်အပိုင်း၏ အရည်အသွေးက လမ်းဘေးဆိုင်တစ်ခုကဝယ်သည့်အဆင့်သာရှိ၏။
သူက နားမလည်ပေမဲ့ လူတွေက အရည်အသွေးနိမ့်တဲ့ ပစ္စည်းတစ်ခု ပေးနေတာကို မြင်ရင် သူ့ကိုမရိုးသားဘူးလို့ ထင်မှာလား...
နားလည်မှုလွဲရင် တရုတ်နဲ့ အီရန်ပြည်သူများကြားက ချစ်ကြည်ရင်းနှီးမှုကို ထိခိုက်စေမှာလား...ထိခိုက်ရင် စန်းဝမ် အမှားဖြစ်မှာလား... ဒီလိုဖြစ်ရင် စန်းဝမ်ကို အပြစ်ပေးမှာလား...
အလိုလေး...အမေအိုကြီး ကိုယ့်ဘာကိုယ် စိတ်ပူနေရသည်။ မူလက စန်းဝမ်သည် ငယ်ရွယ်စဉ်တွင် နိုင်ငံ့ဂုဏ်ဆောင်ရန် အာရှအားကစားပြိုင်ပွဲသို့ သွားရောက်ခဲ့ပြီး လင်းလန်က ၎င်းကို စိတ်ပူခဲ့ရသည်။ နောက်ပိုင်းမှာ FINA က သူတို့ကို ပါဝင်ခွင့်မပြုဘူးဟု ရေဒီယိုမှာကြားခဲ့ရသောအခါ ထိုကလေးစန်းဝမ် မည်မျှစိတ်ပျက်နေလိမ့်မည်နည်းဟူ၍ တွေးပူခဲ့ရပြန်၏။ ၎င်းနောက် စန်းဝမ်နှင့် တရုတ်ကိုယ်စားလှယ်အဖွဲ့၊ နိုင်ငံခြားသတင်းထောက်များနှငွ်း မြင်းခွာများအကြောင်း ကြားခဲ့ရသည်။ နောက်ဆုံးတွင် FINA မှ တရုတ်အဖွဲ့ကို လက်ခံရန်
လူတိုင်း အတူတကွ ပူးပေါင်းလုပ်ဆောင်ရန် စောင့်မျှော်နေခဲ့ရပြန်၏။ အနှီလုပ်ငန်းစဉ်တွင် မည်မျှထိသော ကြိုးစားအားထုတ်မှုနှင့် ကြောက်ရွံ့မှုတို့ကို သုံးစွဲခဲ့မည်နည်း။
...သူမ၏စန်းတိက မငိုတော့သော်လည်း စန်းဝမ် အထီးကျန်ပြီး စိတ်ပျက်အားငယ်နေသည့် ပုံသဏ္ဍာန်ကို တွေးရင်း လင်းလန် သူမ၏ကိုယ်တွင်းအင်္ဂါတွေကို ဆွဲထုတ်ခံရသလိုခံစားရ၏။
ကျောက်ခဲကြောင့် အပြစ်ပေးခံရလျှင် ဆုံးရှုံးမှုက မတန်ပေ။ စောစောကတည်းက တဝမ်ကို မပြောမိသဖြင့် ကိုယ့်ကိုယ်ကို အပြစ်တင်မိသည်။ သူမသာ ကောင်းသည့်အရာလေးပြန်ပေးလိုက်လျှင် အဆင်ပြေလိမ့မည်ပင်။
တဝမ်က လင်းလန်၏ စိတ်ပူပန်သောကရောက်နေသည့်အမူအရာကိုကြည့်ကာမေးလိုက်သည်။ "ဘာဖြစ်လို့လဲ"
လင်းလန် : "မင်းသူ့ကို ဘယ်လိုကျောက်တုံးမျိုးပေးခဲ့တာလဲ"
တဝမ်က သူ၏သွယ်လျသောလက်မနှင့် လက်ညိုးကို ဝိုင်းပြသည်။
သူ့လက်ချောင်းသွယ်သွယ်များက အတော်လေယ ရှည်သွယ်သည့်အတွက် စက်ဝိုင်းက သိပ်မသေးပါချေ။ လင်းလန်က သက်ပြင်းချရင်းဆိုလိုက်၏။
"တော်တော်ကြီးတာပဲ... အဆင်ပြေတယ်"
တဝမ်က ခဏလောက် တုံ့ဆိုင်းသွားပြီး နောက်ပြန်ဝိုင်းလိုက်ရာ စက်ဝိုင်းက တစ်ဝက်လောက်သေးသွားသည်။
လင်းလန် : ………
လုံလောက်ပြီ... အရမ်းတွန့်တိုလွန်းပြီး ဘဲမည်းလေးကို အရှက်ရစေလိမ့်မယ်...
လူတွေက ဟာသလုပ်ပြီး အရည်အသွေးနိမ့်ကျောက်ကို ကျောက်မျက်မိသားစုဆီ ပို့မှာ သေချာလေသည်။
တဝမ်: "တော်တော်လေး ပြာတယ် "
လင်းလန်က သက်ပြင်းတစ်ချက်ချလိုက်ပြန်ကာ ပြုံးပြီးပြော၏။
"ထွင်းဖောက်မြင်နေရလား"
တဝမ်:"အင်း...မြင်ရတယ်လေ"
လင်းလန်: ...ဒါက...ဘာကိုဆိုလိုတာလဲ...
တဝမ်က သူမကို စိုက်ကြည့်ပြီး နှုတ်ခမ်းကို တင်းတင်းစေ့ကာ ဘာမှ မပြောတော့ပေ။
လင်းလန်က သူ့ကို မျှော်တလင့်တကြီး ကြည့်ကာ သားအကြီးဆုံးက စန်းဝမ်ကို ကြီးမား၊ တောက်ပပြီး ထွင်းဖောက်မြင်ရသည့်တစ်ခု ပေးလိုက်သည်ဟု ပြောမည်ဟုမျှော်လင့်နေ၏။
သို့ပေမဲ့ သူမ၏ခန့်မှန်းချက်အရ အကောင်းဆုံး အပိုင်းကို သူမဆီ ပြန်ယူလာခဲ့ခြင်းဖြစ်ပေမည်။
Welcome To MM Storyteller
LOGIN
Welcome To MM Storyteller
REGISTER