Welcome To MM Storyteller
LOGIN
Part 841
သူတို့ လှံရှည်များနှင့် အမြောက်တိုများဖြင့် အထိုးခံရကာ ယင်းတို့က သူတို့နှစ်ဦး၏ မျက်နှာကို ထိုးချင်နေဟန်ရှိသည်။
(သူက မိုက်နဲ့ ကင်မရာကိုသူမြင်တဲ့ပုံစံနဲ့ပြောနေတာပါ)
မက်တီဘေးနားရှိ အမျိုးသမီးက အံ့အားသင့်သွားပြီး မျက်နှာကို တစ်စုံတစ်ခုနှင့် ဖုံးအုပ်ရန် ကြိုးစားခဲ့သည်။
မက်တီက မပျော်မရွှင်ဖြင့်ဆိုလိုက်၏။
"ဘာလုပ်နေတာလဲ...ရှက်စရာမရှိပါဘူး... အာရှအားကစားပြိုင်ပွဲမှာ ပါဝင်ဖို့ တရုတ်အသင်းကို ဖိတ်ခေါ်ထားပြီးသား ..ဒါကြောင့် ပွဲတိုင်းကို ပါဝင်ခွင့်ပေးသင့်တယ်"
ပြိုင်ပွဲတွင် တရုတ်အသင်း၏ ပါဝင်ယှဥ်ပြိုင်မှုကို ငြင်းပယ်ခြင်း....
သူတို့ စိတ်လှုပ်ရှားစွာဖြင့် မေးခွန်းမျိုးစုံ မေးကြတော့သည်။
စန်းဝမ် လုံးဝ နားမလည်နိုင်လောက်အောင် မြန်ဆန်ပြီး ရှုပ်ထွေးသည့်က သနားစရာပါပင်။
သူက ဟင်နရီ၏အင်္ကျီလက်ကိုဆွဲပြီးဆိုလိုက်၏။ "လာ...ကျွန်တော် ပြောပြမယ်"
ဒါက သီးသန့်အင်တာဗျူးပဲ...
ဟင်နရီ ဝမ်းသာလွန်း၍ မူးလဲမတတ်ဖြစ်သွားသည်။
တရုတ်အသင်းသည် ယခင်က တင်းကျပ်သော စီမံခန့်ခွဲမှုရှိပြီး စည်းမဲ့ကမ်းမဲ့ အင်တာဗျူးများကို ဘယ်တော့မှ လက်ခံမည်မဟုတ်ကြောင်း သင်သိထားရပေမည်။ အထူးတာဝန်ရှိပုဂ္ဂိုလ်များကသာ အင်တာဗျူးများကို လက်ခံနိုင်ပြီး ၎င်းတို့ကိုယ်တိုင် အားကစားသမားများနှင့် တွေ့ဆုံမေးမြန်းခြင်းကို ခွင့်မပြုပါချေ။
သူ၏ဖြူဖွေးသောသွားကြီးများက လင်းလက် တောက်ပနေပြီး ဟင်နရီ သူ၏လုပ်ဖော်ကိုင်ဖက်များအား ဂုဏ်ယူစွာ လေချွန်ပြလိုက်သည်။
"ဆောရီးကွာ...ငါ့ရဲ့သီးသန့်အင်တာဗျူးကို စောင့်ကြ...အိုး ဟုတ်တယ်...အင်တာဗျူးအတွက် FINA ရုံးကို သွားလို့ရပြီနော်"
ဤသည်က သံသယဖြစ်ဖွယ်မရှိလောက်အောင်ကောင်းသည့်အကြံပြုချက်ဖြစ်ပြီး ထိုသတင်းထောက်များ၏ ထက်ဝက်သည် ၎င်းတို့၏ ကိရိယာများနှင့်အတူ ချက်ချင်း ထွက်ပြေးသွားခဲ့သည်။
ပြိုင်ဘက်တွေ တစ်ယောက်ပြီး တစ်ယောက် ဆုတ်သွားသည်ကို မြင်သောအခါ ဟင်နရီ အပျော်ကြီးပျော်သွားပြီး စန်းဝမ်အတွက် အကောင်းဆုံး ထောင့်ကို ရှာချင်ခဲ့၏။
စန်းဝမ်: "ကျွန်တော်တို့ရဲ့နည်းပြဆီသွားမယ်...နည်းပြက ပိုနားလည်ပါတယ်"
သူက မက်တီဘက်ကိုလှည့်ပြီး ကျေးဇူးတင်စကားဆိုလိုက်သည်။
"ကျေးဇူးတင်ပါတယ် မြင်း...ခွာ"
မက်တီက ချိုသာစွာပြုံးပြီး
"ရပါတယ်... ငါတို့က အိမ်ရှင်တွေပဲ... အဝေးကလူတွေ ဧည့်ခံဖို့က ငါတို့တာဝန်ပါ”
သူမ ပတ်ဝန်းကျင်ရှိ ဝန်ထမ်းတွေကို သူတို့ သူမအား ပြန်ခေါ်သွားမှာ စိုးရိမ်ပြီး လိုက်ကြည့်ရန် လှမ်းခေါ်လိုက်၏။
ထိုအချိန်တွင် လီကျန်းနှင့် အခြားအားကစားသမားတစ်ယောက် ပြေးလာပြီး စန်းဝမ်အဆင်ပြေသည်ကိုတွေ့သောအခါ သက်ပြင်းချကြသည်။
"စန်းဝမ်...မင်းက ငါတို့ကို ရှာရလွယ်အောင် လုပ်ပေးလိုက်တာပဲ"
စန်းဝမ်က ချက်ချင်းဆိုသလို သူတို့ကို တောင်းပန်လိုက်၏။
"တောင်းပန်ပါတယ် ...မင်းတို့ကို စိတ်ပူအောင်လုပ်မိပြီ ငါတကယ်တော့ …သူက အဖြေရှာဖို့ လာတာ”
ထိုစဉ်က သူအတော်လေးဝမ်နည်းခဲပေမဲ့ ယခု ဖြေရှင်းနည်းတစ်ခုကို တွေးကြည့်လိုက်သောအခါ ဝမ်းနည်းမှုကို ချက်ချင်း အာကာသအပြင်ဘက် လွှင့်ပစ်လိုက်သည်။ သူ့အနေဖြင့် မြန်မြန်ဆန်ဆန် လုပ်ရန်လိုအပ်သည်။ FINA မှ ပါဝင်ခွင့်ပြုရန် ငြင်းဆိုပါက သူ သတင်းစာထဲတွင် ကျိန်ဆဲရမည်။မှန်သည်ပင်၊သူ့အနေဖြင့် ကျိန်ဆဲ၍ မရနိုင်ပါချေ။ ၎င်းက မယဉ်ကျေးပေ။
သူက သူ့အသင်းဖော်များကို ဟင်နရီနှင့်မိတ်ဆက်ပေးလိုက်၏။
"လီကျန်း... အရမ်း... အရမ်းတော်တယ်... ရေငုပ်...အားကစားသမား"
သူ့အင်္ဂလိပ်က ညံ့ပေမဲ့ သူက ရှင်းရှင်းလင်းလင်း ပေါ်လွင်အောင်ပြောနိုင်ဆဲပင်။
အဆုံးမှာ သူကထပ်ဖြည့်လိုက်သည်။
"15 နှစ်"
ဟင်နရီက ချက်ချင်း လက်မထောင်ပြပြီး လီကျန်းကိုဓာတ်ပုံ ရိုက်ကာဆို၏။
"အရမ်းတော်တဲ့တရုတ်ကလေး"
လီကျန်းက အနည်းငယ်ရှက်နေသေးပြီး တစ်ချိန်တည်းမှာပင် အမှားလုပ်မိမှာကြောက်နေသည်။
သူနှင့်အတူ ပါလာသည့် ကျန်းဝေက အသက်ပိုကြီးပြီး နိုင်ငံရေးအကြောင်းပိုသတိထားတတ်၏။ သူ့အမူအယာက ပြောင်းလဲသွားပြီး စန်းဝမ်နှင့်လီကျန်းကိုပြောလိုက်သည်။
"အင်တာဗျူးတွေကို ငါတို့လက်ခံလို့မရဘူး...ငါတို့ အမှားလုပ်မိလိမ့်မယ်"
ပြည်တွင်းတွင် အရင်းရှင်စနစ်နှင့် ပြန်လည်ပြင်ဆင်ရေးဝါဒကို အဆိပ်ရှိသော မြွေများနှင့် ရက်စက်သော သားရဲများကဲ့သို့ သဘောထားကြသည်။ ၎င်းတို့ကို မည်သို့ ပေါ့ပေါ့ဆဆ ထိနိုင်မည်နည်း။
စန်းဝမ်က ခပ်ကျယ်ကျယ်ပြောလိုက်၏။
"ဘာကိုကြောက်ရမှာလဲ... ငါတို့က ကိုယ့်ကိစ္စကိုယ် မပြောဘူး...ငါတို့က FINA အကြောင်းပြောနေတာ...ငါတို့က ဘယ်လိုပုံစံလဲဆိုတာ သူတို့ကို သိစေချင်တယ်... ငါတို့က ရေကူးရတာကို ဝါသနာပါပြီး သူတို့သူငယ်ချင်းလုပ်ချင်တာကြောင့် ဒီကိုလာတာ...ငါတို့ကို အာရှအားကစားပြိုင်ပွဲကို ဖိတ်ခေါ်ထားပြီး... ဘာဖြစ်လို့ သူက ငါတို့ကို မပါဝင်ခိုင်းတာလဲ...သူက ဘာလို့ ဒီလောက်မိုက်ရိုင်းရတာလဲ"
ဟင်နရီက အားတက်သရော ခေါင်းညိတ်ပြပြီး အကြီးကြီးထောက်ခံလိုက်၏။သူက ကင်မရာကိုဖွင့်ပြီး
"ဟုတ်တယ်... မိုက်ရိုင်းတယ်...FINA ကမောက်မာတယ်"
စန်းဝမ်က အံ့သြစွာ မေးလိုက်သည်။
"FINAက ခင်ဗျားတို့ရဲ့အရင်းရှင်ဘက်ခြမ်းက မဟုတ်ဘူးလား...သူ့ကို ဘာလို့ ပြောတာလဲ"
ဟင်နရီက သူ့အံသွားများကို ကြိတ်ပြီး သူ့ကိုယ်သူဒရာမာထည့်ရန်လည်း မမေ့ပေ။
"မဟုတ်ဘူး...အမှန်တရားနဲ့ သတင်းရဲ့ တရားမျှတမှုအတွက် ငါရပ်တည်တယ်..."
စန်းဝမ်က ကျန်းဝေ နှင့် လီကျန်းကိုကြည့်ကာပြောလိုက်သည်။
"ကြည့်...သူပြောတာက အရမ်းစိတ်ဝင်စားဖို့ကောင်းတယ်"
တရုတ်မှာ အရင်းရှင်စနစ်နှင့်ပြန်လည်ပြင်ဆင်မှုကို ဝေဖန်ရန်သာခွင့်ပြုပြီး ကိုယ့်ကိုယ်ကို မကောင်းပြောဖို့ လုံးဝခွင့်မပြုပါချေ။ဒါပေမဲ့ သူကတကယ် 100% မှန်သလား...မိဘတွေက သားသမီးတွေကို ဆူပူကြိမ်းမောင်းလိမ့်မယ်...
(ဝေဖန်ပေမဲ့ မုန်းလို့မဟုတ်ဘူးပေါ့)
သူက လီကျန်းပြောလိုက်၏။
"FINA က ငါတို့ကို အထင်လွဲပြီး နားမလည်တာဖြစ်ရမယ်... ငါတို့ဘာဖြစ်နေတာလဲ သူတို့ကို ပြောပြပြီး ငါတို့ဆီလာလည်ဖို့ ဖိတ်ခေါ်သင့်တယ်"
ဟင်နရီက နားမလည်နိုင်သဖြင့် အလျင်လိုနေပြီး သူတို့အား အင်းဂရစ်(Ingrid)ဟုဆက်တိုက်ပြောနေခဲ့သည်။
(English...ရှာလိုက်ရတာ... ပြေးကြည့်တာထက်တွေးကြည့်တာကမှန်တယ်ဆိုတာ ဒါမှအစစ်)
စန်းဝမ်က သူ့ကို စိုက်ကြည့်ကာဆို၏။
"ကျွန်တော်တို့တင်အင်္ဂလိပ်စာသင်တာမဟုတ်ဘဲ... ခင်ဗျားလည်း တရုတ်ဘာသာစကားကို သင်ယူသင့်တယ်"
ဟင်နရီက နားမလည်ပေမဲ့ ၎င်းကို ဗီဒီယိုကင်မရာနှင့် သစ္စာရှိရှိ မှတ်တမ်းတင်ခဲ့သည်။
ခဏလောက် ဘေးမှာရပ်ပြီး စောင့်ကြည့်နေသည့် မက်တီက ပြုံးပြီးပြော၏။
"စကားပြန်ရှာပေးလို့ ရပါတယ်"
သူမက ခေါင်းလှည့်ပြီး သူမပတ်ပတ်လည်ရှိလူများကို ညွှန်ကြားချက်တချို့ပေးလိုက်ရာ စီစဉ်ပေးရန်အတွက် လူတစ်ယောက်က ပြေးသွားလေသည်။
၎င်းတို့အားလုံးက တရားဝင်မဟုတ်ကြဘဲ လေးနက်သော တရားဝင်အင်တာဗျူးတစ်ခု စီစဉ်ရန် မည်သူမျှ မစဉ်းစားခဲ့ကြပေ။ယင်းက ဟင်နရီအလိုရှိသည့်အတိုင်း အတိအကျပင်ဖြစ်၏။
မတ်တီ ၎င်းတို့အား အာရှအားကစားပြိုင်ပွဲကျေးရွာအနီးရှိ ဒမားစကတ်နှင်းဆီများ စိုက်ထားသည့်ဥယျာဉ်တစ်ခုသို့ ပို့ဆောင်ခဲ့ပေခဲ့သည်။ ဒမာစကတ်နှင်းဆီများသည် အနီရောင်၊ အဖြူ၊ ပန်းရောင်နှင့် အစိမ်းရောင်များဖြင့် တောက်ပ လန်းဆန်းပြီး ကျက်သရေရှိစွာ ပွင့်လန်းနေဆဲဖြစ်သည်။
အနီးတဝိုက်တွင် ထင်းရှူးပင်များ ပိတ်ဆို့လျက်ရှိပြီး ယခုအချိန်တွင် လာရောက်ရန် စောင့်ဆိုင်းနေသူများ မရှိပါချေ။
Xxxxx
Part 842
ဟင်နရီက မက်တီကို မေးခွန်းအနည်းငယ်ဖြင့် အင်တာဗျူးခဲ့သည်။ မက်တီက မင်းသားမိသားစု၏ သမီးဖြစ်ကြောင်း သူ ချက်ချင်းသတိပြုမိသော်လည်း မက်တီက ထိုအရာများကို သူပြောမည်ကို မကြိုက်သည့်ပုံစံဖြစ်သောကြောင့် ဟင်နရီက ၎င်းတို့အား လိမ္မာပါးနပ်စွာဖြင့် မပြောခဲ့ပေ။ သူ့အမြင်အရ တချိန်က ရှေးရိုးစွဲဝါဒီဖြစ်ခဲ့ကြပေမဲ့ ယခုဥရောပနှင့်အမေရိကန်တို့လို ပွင့်လင်းလာသည့် တရုတ်နှင့် အီရန်တို့က အသိသာကြီးကို ပြဒါးတစ်လမ်း သံတစ်လမ်းပါပင်။
အလွန်ရဲရင့်ပြီး မျက်စိဖမ်းစားဖွယ်ကောင်းသော ခေါင်းစဉ်ကိုပင် သူစဉ်းစားခဲ့သည်– ကြည့်...သူတို့ရဲ့မနေ့နဲ့မနက်ဖြန်
တစ်ချိန်တုန်းက အီရန်နိုင်ငံမှာ အမျိုးသမီးများက အနက်ရောင် ၀တ်ရုံနှင့် ပတ်ရစ်နေခဲ့ရပြီး ပညာသင်ကြားခွင့် ၊အပြင်ထွက်အလုပ်လုပ်ခွင့်၊စိတ်ကြိုက် သီဆိုခွင့် ကခွင့် မရခဲ့ကြပေ။ ယခု သူတို့သည် အနက်ရောင် ခြုံထည်များကို ချွတ်ကာ ရောင်စုံဝတ်စုံများကို ၀တ်ဆင်၍ ဆံပင်ညှပ်၊ လှပစွာ မိတ်ကပ်လိမ်းခြယ်၊သီဆို ကပြ၊ လွတ်လပ်စွာ ချစ်ကြိုက်ကြပြီး အရောင် အသွေးစုံသော ဆီဆေးပန်းချီကားကဲ့သို့ရှိသည်။
ထိုသို့ဖြစ်ရာ တရုတ်နိုင်ငံ၏ အနာဂတ်သည်လည်း ဤကဲ့သို့ဖြစ်ရမည် ဖြစ်၍ လူတိုင်း၏အာရုံကို ဖမ်းစားနိုင်လိမ့်မည်ဟု သူထင်သည်။
စန်းဝမ်က ဤသည်ကို မစဉ်းစားနိုင်ပါဘဲ FINA ကို လက်ခံလာအောင် ဘယ်လို လုပ်ရမလဲ စဉ်းစားနေ၏။ တရုတ်နိုင်ငံအပေါ် ခွဲခြားဆက်ဆံမှု ရှိပါက အကျိုးသင့်အကြောင်းသင့် ပြော
သင့်သည်။မနားမလည်ပါက တစ်ဖက်သား နားလည်ခိုင်းရပေမည်။
နှစ်ဦးနှစ်ဘက် ရင်ဖွင့်လိုစိတ် ပြင်းပြလာသောအခါ အင်တာဗျူးသည် အထူးသာယာခဲ့သည်။
မကြာမီ စန်းဝမ် သူ၏ချုပ်တည်းထားမှုကို စွန့်လွှတ်လိုက်ပြီး သူ့ထုံးစံအတိုင်း ဟာသမြောက်ကာ မြူးထူးသောလေသံကို ပြန်စလိုက်သည်။
"ဆုရမလားဆိုတော့...ဒါပေါ့ ဆုမရခဲ့ရင် အားကစားပွဲမှာ ပါဝင်ဖို့ ဘာကြောင့် ခရီးထွက်ရမှာလဲ... အိမ်က ရေကူးကန်က သုံးရတာ မလွယ်လို့လား"
" တခြားသူတွေက ကျွန်တော့်ထက် ပိုတော်ရင် ကျွန်တော် ရနိုင်မှာ မဟုတ်ဘူးပေါ့... ဒါပေမဲ့ ကျွန်တော် သေချာပေါက် မရနိုင်ဘူးလို့ မပြောခဲ့ဘူး...ကျွန်တော်က စွန်းတော်တယ်လေ"
မက်တီက ဘေးနားမှာ တိတ်ဆိတ်စွာရပ်နေရင်း အနှီတရုတ်ကောင်လေးကို စူးစူးစိုက်စိုက်ကြည့်နေသည်။ သူက တကယ်ကို စိတ်ဝင်စားးရာကောင်း၏။ သူပြောသည်ကို နားမလည်နိုင်ပေမဲ့ သူ့မျက်ခုံးမွှေးတွေက အရောင်အဝါထုတ်လွှင့်နေပြီး သူ့မျက်လုံးတွေက မည်းနက်တောက်ပနေကာ ယုံကြည်မှုအပြည့်နှင့်ရှိနေလျက် တောက်ပနေသည့် ကျောက်မျက်ရတနာများကဲ့သို့ လှပနေခဲ့သည်။
“ဒီတစ်ကြိမ်မှာ မရနိုင်ရင်တောင် အတွေ့အကြုံတွေ စုဆောင်းထားပါတယ်...ပြိုင်ဘက်က ဘယ်လိုပုံစံလဲဆိုတာ သိမယ်..ဂိမ်းက ဘယ်လိုပုံစံနဲ့ စည်းကမ်းကဘယ်လိုလည်းဆိုတာကို သိမယ်... အသက်နည်းနည်းကြီးလာတဲ့အခါ သူများတွေလို သန်မာလာလိမ့်မယ် ဟားဟား... အဲဒီအချိန်ကျရင် ကျွန်တော့်ထက် နည်းနည်း ပိုတော်တဲ့ ကစားသမားတွေက ကျွန်တော့်ရဲ့ ပြိုင်ဘက်တွေ ဖြစ်နေဦးပါ့မလား"
ဟင်နရီက သူတို့၏ ပုံစံနှင့်ကိုက်ညီသည်ံ့ ယခုလို ရဲရင့်သည့် မှတ်ချက်တွေကို သဘောကျ၏။
"ဒါပေါ့...ဒါပေါ့... မင်း အငယ်လေး ရှိသေးတယ်... အသက် 15 နှစ်ရောက်တဲ့အထိစောင့်... အသက် 16 နှစ်ကျော်ရင် အိုလံပစ်ရွှေတံဆိပ်တွေ အားလုံးရလိမ့်မယ်...”
သူက ဖယ်ထုတ်ခံရကာ အာရှအားကစားပြိုင်ပွဲသို့ လာရောက်ကာ အားကစားပွဲများကို သတင်းပို့ရန်မလိုလားသော်လည်း ၎င်းသည် သူက ပရော်ဖက်ရှင်နယ်သတင်းထောက်မဟုတ်ဟု မဆိုလိုပါချေ။ သူသည် အားကစားဆိုင်ရာ အစည်းအဝေး အချက်အလက်များအားလုံးကို ပြည့်နေအောင် သိပ်ထည့်ခဲ့သည်။
အိုလံပစ်အားကစားပြိုင်ပွဲတွင် နှစ်များအတွင်း သြဇာအရှိဆုံးအားကစားသမားများနှင့် ဆန်ဝမ်၏ လက်ရှိအဆင့်ကို သူ တွက်နေဆဲဖြစ်သည်။
သူက လောလောဆယ် အိုလံပစ်ပြိုင်ပွဲမှာ ရွှေတံဆိပ်မရနိုင်ပေမဲ့ သူက တိုးတက်နေဆဲဖြစ်၏။
ဟင်နရီ လီကျန်းကို ထပ်မံအင်တာဗျူးခဲ့ရာ လီကျန်း သတင်းထောက်များရှေ့တွင် ရှက်ရွံ့နေခဲ့သည်။
စန်းဝမ်က သူ့ကိုအားပေးလိုက်၏။
"ကျွန်တော်တို့ ဒီမှာ ရွှေတံဆိပ်ရဖို့ FINA ရောက်နေတယ်ဆိုတာကို FINA ကို အသိပေးချင်ပါတယ်... ဒီနှစ်တင်မကဘဲ နောက်နှစ်ရောပါ"
လီကျန်း : ... မင်း ပြောရဲတယ်...နှိမ့်ချမှုကဘယ်မှာလဲ... နားမလည်နိုင်လောက်အောင် စိတ်လှုပ်ရှားပြီး ပူလောင်နေတဲ့ ကိစ္စကရော ဘယ်မှာလဲ... ရွှေတံဆိပ်မလိုချင်တာ ဘယ်အားကစားသမားလဲ...
အင်တာဗျူးကို နောက်ဆုံးတွင် တရုတ်ကိုယ်စားလှယ်အဖွဲ့၏ လက်ထောက်အထွေထွေအတွင်းရေးမှူး နှစ်ဦးက အနှောင့်အယှက်ပေးခဲ့သည်။
ချီဝေကောက သူ၏ဒေါသကို မဖုံးကွယ်နိုင်ဘဲ စန်းဝမ် ၏ ကြမ်းတမ်းသော အပြုအမူကြောင့် အလွန်ဒေါသထွက်နေ၏။
"ဒိလိုအင်တာဗျူးမျိုးက စည်းမျဉ်းတွေနဲ့ မကိုက်ညီဘူး"
၎င်းတို့၏ မြင်မကောင်း ရှုမကောင်း မျက်နှာများကို မြင်လိုက်ရသဖြင့် ဟင်နရီက ချက်ချင်း အသံကျယ်ကျယ်ဖြင့်ပြောလိုက်သည်။
" FINA ကို ငါတို့ အတူတူ ဖိအားပေးလို့ရတယ်... ဒါကြောင့် တရုတ်အဖွဲ့ဟာ အချိန်ဇယားအတိုင်း အချိန်မီတက်ရောက်ပြီး ပြိုင်ပွဲမှာ ပါဝင်နိုင်မှာပါ”
အချို့သော တရုတ်ခေါင်းဆောင်များသည် စည်းကမ်တင်းကျပ်ပြီး ဗျူရိုကရက်တစ်ဆန်ပြီး အယူအစွဲဝါဒကို ဆန့်ကျင်သည်ဟု ဆိုကြသော်လည်း နေရာတိုင်းတွင် တစ်ယူသန်ဖြစ်နေကြသည်ကို သူသိသည်။ အင်တာဗျူးများကို ရှောင်တခင် ဆက်သွယ်၍မရပါချေ။ သူသွားသည်နှင့်တပြိုင်နက် နာမည်ကြီးသွားမည်ဖြစ်ပြီး သူ၏ကိုယ်ပိုင်အင်တာဗျူးများသည် စန်းဝမ်ကို ထိခိုက်စေနိုင်ပြီး နာမည်ဆိုးရနိုင်သည်။
ချီဝေကောက ဟင်နရီအပေါ် ယဉ်ကျေးသော်လည်း စန်းဝမ် နှင့် အင်တာဗျူးခဲ့သော အခြားသူများအပေါ် မယဉ်ကျေးခဲ့ပေ။ထိုနေရာ၌ပင် သူက လက်နှစ်ဖက်ကိုနောက်ပစ်ကာဆိုလိုက်၏။
"အရင်းရှင်စနစ်ကို လျှို့ဝှက်ပြီး ဘယ်လိုလုပ်ဆက်သွယ်လို့ရမှာ... အဲ့ဒါက အမှားတစ်ခုပဲ “
စန်းဝမ်က လက်မခံပေ။ ပြိုင်ပွဲမှာ ပါဝင်ခွင့်မရခဲ့တာကို သူက ဘာကြောင့် ဒီလိုပြောတာလဲ...
"ကျွန်တော်တို့ အမျိုးသားရေကူးအဖွဲ့ချုပ်ကို ဆက်သွယ်တဲ့အခါ...အရင်းရှင်စနစ်နဲ့လည်း မဆက်သွယ်တာပဲမဟုတ်ဘူးလား...အဲဒါတွေကို မဆက်သွယ်ရင် ဘာကြောင့်ပြိုင်ပွဲမှာ ပါဝင်ဖို့ လာနေ သေးတာလဲ"
ချီဝေကော သူ့ကြောင့်နင်သွားပြီး ပြောစရာစကားမဲ့သွားရသည်။
လီကျန်နှင့်တခြားသူတွေလည်း ထိတ်လန့်သွားကြ၏။အမြဲတမ်းပြုံးနေသည်စန်းဝမ်က ခေါင်းဆောင်ကိုပြန်ပြောရဲလိမ့်မည်ဟု သူတို့မမျှော်လင့်ထားကြပေ။မင်းက မင်းရဲ့အသက်မွေးဝမ်းကြောင်းလုပ်ငန်းကို မရွယ်မရောက်ခင်မှာ ရပ်တန့်ပစ်ချင်နေတာလား
လီကျန်း သူ့ကြောင့် အတော်လေး ထိတ်လန့်သွားသည်ကို မြင်လိုက်ရသဖြင့် စန်းဝမ် စိတ်မြန်လွန်းသွားကြောင်း သဘောပေါက်သော်လည်း သူ့အမှားကို ဝန်မခံချင်ပေ။ သူတို့က ဤသို့ စိတ်လှုပ်ရှားစွာနှင့် ရောက်လာကြသည်။ပြိုင်ပွဲမှာ မပါဝင်ဘဲ စိတ်ပျက်လက်ပျက်နဲ့ ဘာကြောင့် ပြန်မသွားကြတာလဲ...
အခြားလက်ထောက်အထွေထွေအတွင်းရေးမှူးက ပြုံးပြီး ဝင်ဖြန်ဖြေလိုက်၏။
"မင်း ဘာမှသိပ်မပြောဘဲနေရင် အဆင်ပြေတယ်"
ကျန်းဝေက ကမန်းကတန်းပြောလိုက်သည်။ "ရေကူးပြိုင်ပွဲအကြောင်းပဲပြောစမ်းပါ"
ဟင်နရီက သူ့ကင်မရာကို မပိတ်ပါချေ။ချီဝေကောက သူနားမလည်ဘူးဟုထင်ပြီး ယင်းကိုသတိမထားမိသည်အား တိတ်တဆိတ်ရိုက်ကူးနေဆဲဖြစ်၏။
မက်တီက ၎င်းတို့၏ အင်တာဗျူးကို တိတ်တဆိတ် နားထောင်နေခဲ့ပြီး တရုတ်ခေါင်းဆောင်များ ရောက်ရှိလာသောအခါတွင်လည်း သူမ ဝင်ရောက်မစွက်ဖက်ခဲ့ပေ။ ယခု စန်းဝမ်ကို အပြစ်တင်နေပုံရသဖြင့် သူမက ကူညီပြောဆိုလိုခဲ့သည်။
သူမအနားက လူတွေက သဘောမတူကြပေ။ အရာရှိတွေ ပါ၀င်ပြီး တရားဝင် မိန့်ခွန်းဖြစ်သည့်အတွက် ကလေးများကို ထွက်ပြောရန် မသင့်တော်ပါချေ။
မက်တီက ပြင်းထန်သော အခြေအနေများတွင် မိမိကိုယ်မိမိ မည်သို့ ပြုမူရမည်ကို သိရှိပြီး စည်းကမ်းများကို နာခံတတ်သည့် အသိဉာဏ်ရှိသော မိန်းကလေးဖြစ်သည်။
Xxxxxx
Welcome To MM Storyteller
LOGIN
Welcome To MM Storyteller
REGISTER