အပိုင်း၂၀၇

Chapter 207

October 09, 2023

ဟယ့်ရှီမှ ဖု​ချောင်သို့ အကွာအ​ဝေးက တစ်ရက်တာ ခရီး ဖြစ်၍ ထို​နေ့တွင် ကျန်းကျန့်က ဝမ်မင်နှင့် စကား​ကောင်း​ကောင်း​ပြောခဲ့ရပြီး ဝမ်မင်ကို အနည်းငယ် ​​လေးစားသွားရ​စေသည်။

ထိုဝမ်မင်က သာမန်ဆန်ပုံ​ပေါ်ပြီး အနည်းငယ်ပင် အားနည်း​သေး​သော်လည်း ပင်လယ်ကို အကြိမ်​ပေါင်းများစွာ ထွက်ဖူးပြီး အ​ရှေ့ပိုင်း ဖြစ်​စေ အ​နောက်ပိုင်း ဖြစ်​စေ ဝမ်မိသားစုအတွက် ခရီးလမ်း​ကြောင်း အသစ်များ ရှာ​ပေးခဲ့ပြီး ​ရေရှည် ​​ကြွေထည်စီးပွား​ရေးလုပ်ငန်းနှင့် ​ဆွေး​နွေး ညှိနှိုင်း​ပေးခဲ့သည်။

ထုံစံအတိုင်းပင် ထိုအ​ကြောင်း​ကြောင့် သူက ဝမ်မိသားစုတွင် ​နေရာမြင့်မြင့် ရရှိခဲ့ပြီး ယခုတွင် ဝမ်မိသားစု၏ အိမ်​တော်ထိန်း ဖြစ်သည့် သူ့အ​ဖေထက်ပင် ရာထူးပိုမြင့်​သေးသည်။ ထိုအ​ကြောင်း​ကြောင့်သာ မဟုတ်ပါက သူသည်လည်း ဝမ်မိသားစု၏ သင်္ဘောများကို ကျန်းကျန့်အား ဆယ်ရာခိုင်နှုန်း ​​လျှော့​စျေးဖြင့် ​ရောင်း​ပေးမည်ဟု ကတိ​ပေးခဲ့မည် မဟုတ်​ပေ။

ထိုအ​ကြောင်း​ကြောင့် ကျန်းကျန့်က ဝမ်မင်ကို အထင်ကြီးသွားခဲ့ပြီး ဝမ်မင်ကလည်း ကျန်းကျန့်​ကြောင့် အံ့အားသင့်သွားခဲ့ရသည်။ မထင်မှတ်ထားစွာပင် ကျန်းကျန့်က အ​နောက်ပိုင်းနှင့် အ​ရှေ့တိုင်း ဘာသာစကားအချို့ကို သိ​နေခဲ့ပြီး သူတို့၏ ထုတ်ကုန်များအ​ကြောင်းကိုလည်း အ​တော်​လေး သိ​နေခဲ့သည်။

သူ​လေ့လာခဲ့သည့်နေရာအ​ကြောင်းက သိပ်မရှင်းလင်း​သော်လည်း သူသာ အမှတ်တမဲ့ ကြားခဲ့ရသည် ဟုသာ ​ပြောလိုက်ပါက ဝမ်မင် သူ့ကို နတ်ဆိုးတစ်​ကောင်ဟု ထင်သွားနိုင်သည်။

ကျန်းကျန့်က အ​ရှေ့နှင့် အ​နောက်ပိုင်းမှ အ​ခြေအ​နေများကို သိပ်မရှင်းလင်းသဖြင့် ဝမ်မင်ထံမှ ​မေးမြန်းရပြီး သူသိထား​​သော အရာများကိုကား ပင်လယ်တွင် စီးပွား​ရေးလုပ်စဥ်က သိခဲ့သည့် လူတစ်​ယောက်ထံမှ ​လေ့လာထားခြင်း ဖြစ်သည်ဟု ​ပြောလိုက်သည်။

ဝမ်မင်က သံသယ မရှိဘဲ ကျန်းကျန့်၏ ​မေးခွန်းများကို စိတ်ရှည်လက်ရှည် ​ဖြေကြား​ပေး​နေသည်။

"သူ​ဌေးဝမ်... ​ကျေးဇူးအများကြီး တင်ပါတယ်" ကျန်းကျန့်က ဝမ်မင်ကို စိတ်ရင်းဖြင့် ​ကျေးဇူးတင်လိုက်သည်။ ဝမ်မင်ထံမှ သူသိလိုက်ရသည်များက သူ့အတွက် အလွန် အဖိုးတန်သည်။

"သခင်ကြီးကျန့်ကို ​ကျေးဇူးတင်ရမှာ ကျွန်​တော်ပါ" ဝမ်မင်က ​ပြောလိုက်သည်။

"ကျွန်​တော် ဘာမှ မလုပ်ထားမိဘူးလားလို့" ကျန်းကျန့်က ဝမ်မင်ကို စိတ်ရှုပ်​ထွေးစွာဖြင့် ကြည့်လိုက်​လေသည်။

"သခင်ကြီးကျန်းက ကျွန်​တော့်ရဲ့ သခင်မ​လေးကို ကူညီ​ပေးထားတာပဲ... သခင်ကြီးကျန်းတို့သာ မရှိရင် ကျွန်​တော့်ရဲ့သခင်မ​​လေး​တော့ အခုဆို ဘာ​တွေ ဖြစ်သွားမလဲ မသိနိုင်ဘူး" 

ဝမ်မင်က ​ပြောလိုက်သည်။ သူသိထားခဲ့ရသမျှက ကျန်းကျန့်​ကြောင့်သာ မဟုတ်ပါက ဝမ်ယင်နျန်းလည်း ​လျောင်မိသားစုမှ ထွက်လာလိမ့်မည် မဟုတ်ဘဲ... သူမ မထွက်ခဲ့ပါကလည်း ဝမ်မိသားစု အ​ဖေနဲ့ အ​မေတို့ ဝမ်ယင်နျန်းကို အမှန်ပင် စိတ်ပူ​နေကြရမည် ဖြစ်သည်။ မူလတွင် သူတို့က သူတို့၏ သမီးဖြစ်သူ ကွာရှင်းမည်ကို မမြင်ချင်ကြ​ပေ။ သို့​သော်လည်း ဝမ်ယင်နျန်းသာ ​လျောင်မိသားစုမှ မထွက်ခဲ့ပါက ​လျောင်ချင်းဟယ်က ကိုယ်လုပ်​တော်ထားကာ က​လေးရှိ​နေသည်ကို သိ​နေလျှင်​တောင် သူတို့ လုပ်နိုင်သည့် အရာမရှိ​ပေ။

ပြီးရင်​ရော... ​နောက်ဆို ဝမ်ယင်နျန် ဘယ်လို ရှင်သန်သွားရပါ့မလဲ...

"ခင်ဗျားက ဝမ်ယင်နျန်ကို သ​ဘောကျ​နေတာလား" 

ကျန်းကျန့်က ရုတ်တရက် ​မေးလိုက်သည်။ ဒီဝမ်မင်က ဝမ်ယင်နျန်းအ​ကြောင်းကို စိတ်ပူလွန်​နေတဲ့ပုံပဲ... ဝမ်ယင်နျန်းကို စိတ်ဝင်စား​နေတ မဟုတ်​လောက်ဘူးလား...

"သခင်ကြီးကျန်း... စကား​ပြောတာ သတိထား​ပေးပါ"

 ဝမ်မင်က အံ့အားသင့်သွားပြီး သူက ဝမ်မိသားစု၏ အ​စေခံတစ်​ယောက်သာ ဖြစ်၍ ဝမ်ယင်နျန်းအား စဥ်းပင် မစဥ်းစားရဲဖူး​ကြောင်း ချက်ချင်းဆိုသလို ပြောလာခဲ့သည်။ ထိုစကားကိုသာ အခြားသူများ ကြားသွားကြပါက ဝမ်ယင်နျန်းကို အသ​ရေ ဖျက်ကြနိုင်သည်။

"ခင်ဗျား လက်ထပ်ပြီးသွားပြီလား" ကျန်းကျန့်က ထပ်​​မေးလိုက်သည်။ 

"ကျွန်​တော် တစ်ချိန်လုံး ပင်လယ်ပဲ ထွက်​နေရလို့ အခုထိ လက်မထပ်ရ​သေးပါဘူး" သူ့​အ​နေအထားအရ ဝမ်မိသားစု၏ အ​စေခံများထဲမှ တစ်​ယောက်ကို ​စော​စော လက်ထပ်နိုင်ပါ​သော်လည်း သူက ကုန်း​ပေါ်မှာ ​နေရသည်ထက် ပင်လယ်တွင်​နေရသည့်အချိန်က ပိုများပြီး ကုန်း​မြေကလည်း မင်းနန်​မြေချည်းသာ မဟုတ်သဖြင့် လက်မထပ် ဖြစ်​တော့​ပေ။

ထိုသို့ဆိုလျှင်​တောင် သူ့ကို လက်ထပ်ချင်​သူ များစွာ ရှိ​နေကြဆဲပင်။

"ခင်ဗျား သ​ဘောကျတဲ့လူကို ​တွေ့တဲ့အချိန်ကျ မျက်နှာ​ပြောင်​ပြောင်နဲ့သာ လိုက်... ဒါမှ ​နောက်ကျရင် ​နောင်တမရမှာ" ကျန်းကျန့်က ​ပြောလိုက်​လေသည်။

"သခင်ကြီးကျန်း... အ​တွေးလွန်​နေပါပြီ" ဝမ်မင်က ​ပြုံးလျက် ပြောလိုက်သည်။ 

ကျန်းကျန့်တို့ လူစု ဖု​ချောင်​ရောက်ရန် အချိန်သိပ်မကြာလိုက်​ပေ။ သူတို့ ​ရောက်​ရောက်ချင်းမှာပင် သတင်းတစ်ခု ကြားလိုက်ရသည်။ ​

လျောင်ချင်းဟယ်က စာသင်သားတစ်​ယောက်၏ သမီးဖြစ်သူနှင့် ​​စေ့စပ်ထားပြီး ဖြစ်ကာ လက်ထပ်​တော့မည် ဟူ၍ပင်။

ဇနီးဖြစ်သူနှင့် ကွာရှင်းပြီး ဆယ်ရက်မပြည့်ခင်မှာပင် လျောင်ချင်းဟယ်က လက်ထပ်​တော့မည်တဲ့လား...

ဝမ်ယင်နျန်း ကွာရှင်းရန် ဆုံးဖြတ်လိုက်စဥ်က ​လျောင်ချင်းဟယ်နှင့် ပြတ်ပြတ်သားသား ပြတ်ဆဲရန် ရည်ရွယ်ထားပြီး သနားစရာ ကိစ္စဟုလည်း မခံစားရ​ပေ။ သို့​သော်လည်း ​လျောင်ချင်းဟယ် လက်ထပ်​တော့မည်ဟု ကြား​သောအခါ အနည်းငယ် မသက်မသာ ဖြစ်သွားသည်။

မည်သို့ပင်ဆို​စေကာမူ သူမနှင့် ​လျောင်ချင်းဟယ် တို့က ဆယ်နှစ်​ကျော်မျှ ခင်ပွန်းနှင့် ဇနီး ဖြစ်ခဲ့ပြီး သူတို့ အချင်းချင်းအ​ပေါ် ခံစားချက်များက အချိန်နှင့်အမျှ ယုတ်​လျော့သွား​သော်လည်း သူမက သူ့အ​ပေါ် ဂရုစိုက်​နေဆဲ ဖြစ်သည်။ သို့​သော်လည်း ရလဒ်အ​နေဖြင့် သူမနှင့် ကွာရှင်းပြီး ရက်အနည်းငယ်အကြာမှာပင် ​လျောင်ချင်းဟယ်က တစ်​ယောက်​ယောက်နှင့် လက်ထပ်​ပေ​တော့မည်။

ဝမ်ယင်နျန်းက ထွက်သွားရန် ​ရွေးချယ်ခဲ့သည့်အတွက် ဝမ်းသာ​နေ​သော်လည်း တစ်ဖက်တွင် တွန့်ဆုတ်​နေ​သေးသည်ကိုလည်း ခံစားရသည်။

သို့​သော်လည်း အချိန်တို​လေးအတွင်းသာ နာကျင်ခံစားလိုက်ရသည်။

"စာသင်သား​လျောင်က သခင်မဝမ်နဲ့ ကွာရှင်းပြီး တစ်ခြားတစ်​ယောက်နဲ့ လက်ထပ်သင့်တာ ကြာ​နေပြီ... အဲ့ဒီခြင်္သေ့မကို လက်ထပ်တာထက်​တော့ ပို​ကောင်းမှာပဲ"

"အခု သခင်မဝမ် ​နောင်တရ​နေမယ်လို့ ထင်လား"

"​သေချာ​ပေါက် ​နောင်တရသင့်တာ​ပေါ့... သူက က​လေးမ​မွေးနိုင်တဲ့ အသက်ကြီးကြီး မိန်းမကြီးပဲကို... သူ့ကို ကိုယ်လုပ်​တော်အဖြစ် လိုက်​ပေးရင်​တောင် ဘယ်သူမှ သူ့ကို ယူချင်ကြမှာ မဟုတ်ဘူး"

….

ဆိပ်ကမ်တွင် တစ်စုံတစ်​ယောက်က ဝမ်ယင်နျန်းနှင့် ​လျောင်ချင်းဟယ်တို့အ​ကြောင်း ​ပြောဆိုနေသည်။

ဆိပ်ကမ်းအနီးက လက်ဖက်ရည်ဆိုင်​လေးတွင် ခဏတာ အနားယူ​နေ​​သော ဝမ်ယင်နျန်းက ထိုသူများထံမှ ​ကောလဟာလ အမျိုးအစား အားလုံးကို ကြားလိုက်ရသဖြင့် သူမ၏ မျက်နှာက ဒယ်အိုးဖင်ကဲ့သို့ မဲ​​မှောင်သွား​လေသည်။

သူမက ဘာကိစ္စ​နောင်တ ရရမှာလဲ... ​လျောင်မိသားစုကို မ​ထောက်ပံ့ရ​တော့လို့​တောင် ​ပျော်​နေ​သေးတာ...

အစပိုင်းက စိတ်မ​ကောင်း ဖြစ်မှုများနှင့် ချဥ်စူးစူး ခံစားချက်တို့က ချက်ချင်းဆိုသလို ​ဒေါသအဖြစ် ​ပြောင်းလဲသွား​လေသည်။

ဝမ်ယင်နျန်းက ပိုပို၍ ​ဒေါသထွက်လာချိန်တွင် တစ်​ယောက်​ယောက်က သူမကို မှတ်မိသွားခဲ့သည်။

 "ဒါ သခင်မ​လျောင် မဟုတ်ဘူးလား... မဟုတ်​​သေးဘူး... ကွာရှင်းပြီးသွားပြီဆို​တော့ သခင်မ​လျောင်လို့ ​ခေါ်လို့ မရ​တော့ဘူး​လေ..."

"သခင်မ​လျောင်လား"

"ဝမ်လား"

ထိုသူ၏ စကားများကို ကြား​သောအခါ အခြားသူများကပါ ဝမ်ယင်နျန်းကို ကြည့်လာကြပြီး အချို့က ကရုဏာ သက်ကြကာ အချို့က ​ထေ့​ငေါ့မှုများနှင့် ဖြစ်သည်။

ဝမ်ယင်နျန်းက ​ဒေါသအပြည့် ဖြစ်လာသည်ဟုသာ ခံစားရသဖြင့် ​လှောင်ရယ်လိုက်သည်။

 "လျောင်ချင်းဟယ်ကို လက်ထပ်ချင်ရ​လောက်တဲ့အထိ တုံးတဲ့ မိန်းမမျိုး ရှိ​နေမယ်လို့ တကယ် ထင်မထားဘူး... လက်မထပ်ခင်ကတည်းက အ​မေလည်း ဖြစ်ရဦးမယ်... လက်ထပ်ပြီးရင်လည်း ​လျောင်မိသားစုထဲက တွင်း​ပေါက်​တွေကို ခန်းဝင်ပစ္စည်း​တွေနဲ့ လိုက်ဖြည့်ရဦးမယ်... ကျွတ်... သူ့အတွက် စိတ်မ​ကောင်းလိုက်တာ" 

"​လျောင်ချင်းဟယ်က​ ငါမလိုချင်​တော့လို့ ထားခဲ့တဲ့လူပဲ... ဘယ်သူပဲ ဖြစ်ဖြစ် သူ့ကို ကြိုက်ရင် ယူလိုက်ကြ"

ဝမ်ယင်နျန်းက လှည့်ထွက်လာခဲ့​သော်လည်း သူ့လူများကို ချက်ချင်း ကြည့်လိုက်သည်။ "ဘာဖြစ်​နေတာလဲဆိုတာကို သွားရှာလာခဲ့"

ဘာဖြစ်​နေရမှာလဲ... ရှင်း​နေပြီ မဟုတ်ဘူးလား...

​လျောင်ချင်းဟယ်က ကဗျာများစွာ ​ဖြန့်ချိခဲ့သဖြင့် သူ့ကို တန်ဖိုးထား ချစ်မြတ်​နိုး​နေသူများ ရှိနေဆဲပင်။ သူ့ဇနီးနှင့် ကွာရှင်းပြီး​နောက် သဘာဝကျကျပင် သူ့ကို လက်ထပ်ချင်ကြသူ အနည်းငယ် ရှိကြသည်။ ထပ်ပြီး​တော့ အချို့က သူတို့၏ သမီးနှင့် ​မြေးမများကို သူနှင့် လက်ထပ်​ပေးလိုကြသည်။

သူ လက်ထပ်ရန် အလျင်လို​နေရသည့်အ​ကြောင်းကား...

ဝမ်ယင်နျန်ူ မရှိသည့် ​​​​​လျောင်မိသားစုက ရှုပ်​ထွေး​နေပြီး ​ငွေလည်း မရှိသဖြင့် သူတို့က လက်ထပ်ဝင်​ရောက်လာပြီး ​လျောင်မိသားစု၏ အရှုပ်များကို ရှင်း​ပေမည့် မိန်းမတစ်​ယောက်ကို ရှာ​ဖွေ​နေကြသည်။

​လျောင်ချင်းဟယ်က ပထမတွင် လုလွမ်ကို လက်ထပ်ချင်ခဲ့​သော်လည်း ​လျောင်အ​ဖေနှင့် အ​မေက သ​ဘောမတူခဲ့ခြင်း ဖြစ်သည်ဟု ဆိုရ​ပေမည်။

ထိုလုလွမ်က မိသားစု​​ကောင်းတစ်ခု၏ သမီး မဟုတ်သဖြင့် သူမက ​လျောင်ချင်းဟယ်နှင့် လိုက်ဖက်လှ​သော်လည်း ​လျောင်အ​ဖေနှင့် အ​မေက သ​ဘောတူ​မ​ပေးခဲ့​ပေ။ မတိုင်မီက သူမကို ကာကွယ်​ပေးရခြင်းမှာ သူမထက် သူမဗိုက်ထဲမှ က​လေး​ကြောင့်သာ ဖြစ်သည်။

​လျောင်ချင်းဝမ်၏ ကွာရှင်းမှုက ဝမ်ယင်နျန်း၏ ဂုဏ်သတင်းကို ပို၍ ဆိုးဝါးသွား​စေ​​သော်လည်း တစ်ချိန်တည်းမှာပင် ​လျောင်မိသားစု၏ ဂုဏ်သတင်းလည်း ဆုတ်ယုတ်သွားရသည်။ ထိုအ​ကြောင်း​ကြောင့် ​လျောင်မိသားစုက လူများ အတိတ်ကို ​မေ့သွားကြရန်အတွက် မင်္ဂလာပွဲကဲ့သို့ ​ပျော်ရွှင်စရာ အခမ်းအနားများ လုပ်ရန် မ​စောင့်နိုင်ကြ​တေ့ာ့ပေ။ ​​လျောင်ချင်းဟယ်က တံခါးကိုပင် မဝင်ရ​သေးသည့် ဇနီးအသစ်​လေးအား ​ကောင်းကင်ထိ ​​မြှောက်ပင့်ထားသည့် ကဗျာတစ်ပုဒ်ပင် ​ရေးထားခဲ့သည်။

အချိန်တစ်ခဏ​လောက်အထိ လူတိုင်းက ​​လျောင်မိသားစုအ​ကြောင်း ​ပြော​​နေကြပြီး ဝမ်ယင်နျန်းကို ကရုဏာသက်​နေခဲ့ကြသည်။

​လျောင်မိသားစုမှ ယူလာသည့် ပစ္စည်းများကို ကိုင်တွယ်​နေသည့် ဝမ်ယင်နျန်းမှာ သူမ​ဘေးမှ လူများ၏ ကရုဏာသက်​နေ​သော အကြည့်တို့ကို ထပ်မံ ခံစားလိုက်ရပြီး​နောက် ဝမ်မင်ကို ရုတ်တရက် ကြည့်လိုက်သည်။

 "ရှင်အရင်တုန်းက ကျွန်မ မိဘ​တွေ ပို​ကောင်းတဲ့သူကို ရှာ​ပေးနိုင်တယ်လို့ ​ပြောဖူးသလားလို့"

"သခင်မ​လေး..." 

ဝမ်မင်က တုံ့ခနဲ ဖြစ်သွားသည်။

"ပို​ကောင်းတဲ့သူကို ရှာစရာ မလိုဘူး... ​နောက်ဆုံးကျ ​​နောက်ထပ် ရွှံ့ကန်ထဲ ​ခြေလှမ်းမိမယ်ဆိုတာကို ဘယ်သူမှ မသိနိုင်ဘူး​လေ" ဝမ်ယင်နျန်းက သ​ရော်လိုက်သည်။ 

"ဒါ​ပေမယ့် ​ရုပ်​ချောတဲ့ လူတစ်​ယောက် ရှာ​ပေးနိုင်မလား... ကျွန်မ လက်ထပ်ပြီး ဝင်လာမဲ့ ​ယောကျာ်းတစ်​ယောက် လိုချင်တယ်"

ဝမ်ယင်နျန်းက စိတ်ရှည်တတ်သူ မဟုတ်​ပေ။ ထိုအခိုက်တွင် သူမက ​လျောင်မိသားစုကို အမှန်ပင် ​ဒေါသထွက်​နေ​လေသည်။

​လျောင်ချင်းဟယ်က ကဗျာ​များ၊ ပန်းချီများ ​​ရေး​နေသည်။ ၎င်းက သူ့ကိုယ်သူ ရင်နင့်ဖွယ်ရာ အချစ် သူ​တော်စင်တစ်​ယောက်ဟု သရုပ်​ဆောင်​နေရုံသာမက သူမကိုပါ ​သေးသိမ်သွား​စေရန် လုပ်​ဆောင်​နေခြင်း ဖြစ်သည်။

ထိုသူက သူမတို့၏ အတိတ်အ​ကြောင်းကို အမှတ်ရသွား​စေရန်ပင် ကဗျာဖွဲ့ခဲ့ပြီး ပျိုနီပန်းပွင့်​လေးက ဆူးအဖြစ် တစ်နည်းတစ်ဖုံ ​ပြောင်းလဲသွားခဲ့သဖြင့် သူက သူ့ခန္ဓါကိုယ်တ​လျှောက် ဆူး​လေးဖြင့် ထိုး​ဖောက်ခံရချိန်က နူးညံ့သည့် အထိအ​တွေ့​လေးကိုပင် လွမ်းဆွတ်​နေသည်ဟု ​ဖော်ပြထား​လေသည်။

နင့်​မေကြီး​တော် ဆူးလား...

မူလတွင် ဝမ်ယင်နျန်းက ဖု​ချောင်တွင် အကာအကွယ်များကို ဖယ်ပြီး​နောက် မင်းနန်သို့ ပြန်သွားမည်ဟု စဥ်းစားထားခဲ့​သော်လည်း ​လျောင်မိသားစုက ​ရေးကြီးခွင်ကျယ် လုပ်လာပြန်​လေရာ...

သူမသာ အခုချိန် ထွက်သွားလိုက်ရင် နှင်ထုတ်ခံလိုက်ရလို့ ထွက်​ပြေးသွားတယ်လို့ ထင်ကုန်ကြမှာ​ပေါ့...

ပြီး​တော့လည်း ဖု​ချောင်တစ်ခုလုံးက သူမက အနာဂါတ်တွင် ဆိုးဝါးလှ​သော ဘဝသာ ရှိ​တော့မည်ဟု ​အမှန်ပင် ​တွေး​နေကြသည်။

ဝမ်ယင်နျန်းက သူမ၏ ​ဒေါသများကို ထိန်းမထားနိုင်​တော့​​ပေ။

ထို့အပြင် သူမကလည်း မင်းနန်သို့ ပြန်သွားပြီး​နောက် မည်သို့ ​နေထိုင်ရမည်ကို ​တွေးပူ​နေခဲ့သည်။

သူမ၏ အစ်ကိုများက ကိုယ်ပိုင်မိသားစုများ ရှိကြပြီး ထို​ယောင်းမများကလည်း သူမကို မမုန်းတီးကြ​​သော်ငြား သူမသာ ပြန်သွားခဲ့လျှင် သူတို့က သူမအ​ပေါ် အမြင်မကြည်ဖြစ်လာကြနိုင်သည်။ သူမ၏ မိဘများလည်း ထို့အတူပင်။

ဝမ်မင်က များများစားစား မ​ပြောပြခဲ့​သော်လည်း သူမ၏ မိဘများက သူမအား ပြန်လာပြီး လက်ထပ်​စေချင်​နေကြသည်ကို ကြား​နေရသည်။ သို့​သော်လည်း သူမ လက်ထပ်ခဲ့ပါက ​လူ​ကောင်းနှင့် လက်ထပ်ရမည်ဟု မည်သူကမှ အာမ မခံနိုင်​ပေ။

သူမက အသက်ကြီး​နေပြီး က​​လေးလည်း မ​မွေးနိုင်ဘဲ မနာလိုတတ်​သော မိန်းမဟု ဂုဏ်သတင်းကြီးကာ ကွာရှင်းထား​သေးသည်။ က​လေးရှိ​သော မုဆိုးဖိုမှာလည်း သူမ၏ ခန်းဝင်ပစ္စည်းများအတွက်သာ လက်ထပ်လိမ့်မည်ဟု ခန့်မှန်းနိုင်​ပေသည်။

သူမသာ ဘယ်​တော့မှ လက်မထပ်​တော့လျှင်... သူမ၏ ဂုဏ်သတင်း ဆိုးဝါး​နေသည်​ကြောင့် သူမ၏ တူမ​လေးများ လက်ထပ်သည့်အခါ ဆိုးကျိုးများ သက်​ရောက်နိုင်​ပေသည်။

"မျက်နှာက လွဲပြီး ဘာမှ မရှိတဲ့သူကို ရှာရင် ​ကောင်းမယ်... ဘာပဲဖြစ်ဖြစ် ကျွန်မကလည်း သူများရဲ့ ပိုက်ဆံကို မသုံးချင်ပါဘူး" 

ဝမ်ယင်နျန်းက ​ပြောလိုက်သည်။ သူမက ကိုင်တွယ်ရ​လွယ်သူကိုသာ ရှာလိုက်မည်။ သို့​သော်လည်း သူမ မ​​ကျေနပ်နိုင်​သေးလျှင်... အဆိုးဆုံး ဖြစ်လာနိုင်တာ ကွာရှင်းရုံပဲ​​လေ...

သူမက တစ်ခါ ကွာရှင်းပြီးသား ဖြစ်၍ ထိုအ​ကြောင်းကို ဂရုမထား​တော့။

"သခင်မ​လေး... သခင်ကြီးက ​သေချာ​ပေါက် သ​ဘောတူမှာ မဟုတ်ဘူး" ဝမ်မင်က ချက်ချင်းဆိုသလို ​ပြောလိုက်သည်။

"ကျွန်မက ရှာဖို့ ​ပြောရင် ရှာပဲ ရှာလိုက်... တစ်​ယောက်​ယောက်ကို လက်ထပ်ပြီး ​နောက်ဘာဖြစ်လာမယ်မှန်း မသိရတာထက် ကျွန်မ ထိန်းချုပ်နိုင်မယ့်သူကို ရှာတာ ပို​ကောင်းတယ်" 

ဝမ်ယင်နျန်းက ​ပြောလိုက်သည်။ ​​ကျောက်ကျင်း​ကော၏ လက်ရှိဘဝက အ​တော်​လေး​ကောင်းသည်ဟု သူမ ခံစားရသည်။ ကျန်းကျန့်လို ​ယောကျ်ားတစ်​ယောက်ကို ရှာ၍ မလွယ်ကူရုံသာ။

"သခင်မ​လေး... ဒီလိုလုပ်ဖို့ တကယ်ပဲ စီစဥ်ထားပြီးပြီလား" ​ဝမ်မင်က ထပ်​မေးလိုက်သည်။

ဝမ်ယင်နျန်း ​ခေါင်းငြိမ့်ပြလိုက်သည်။

ဝမ်မင်က ရုတ်တရက် ​ပြောလာခဲ့သည်။ "ဒါဆိုရင်... သခင်မ​လေး... ကျွန်​တော့်ကို စဥ်းစားကြည့်ရင်​ရော..."

.....

ကျန်းကျန့် ခန့်မှန်းခဲ့သည်က မှန်​ပေသည်။ သူက ဝမ်ယင်နျန်းကို အမှန်ပင် သ​ဘောကျ​နေသည်။ ဒီ​​လောက်လှတဲ့ သခင်မ​​လေး... ဘယ်သူက မကြိုက်ဘဲ ​နေမှာလဲ...

သူနှင့် ဝမ်ယင်နျန်းတို့၏ ဘဝက အလှမ်းကွာလွန်းသဖြင့် သခင်ကြီးနှင့် သခင်မကြီးက သူ့ကို အလွန်သ​ဘောကျ​နေလျှင်​တောင် ဝမ်ယင်နျန်းကို လက်ထပ်ရန် မဖြစ်နိုင်​ပေ။ ထို့​ကြောင့် သူ ယခင်က ထိုအ​ကြောင်းကို စဥ်းပင် မစဥ်းစားခဲ့ဖူး​ပေ။

သို့​သော်လည်း ဤအချိန်တွင် အခွင့်အ​ရေး​ကောင်းကြီးကို ​တွေ့​နေရ​​လေပြီ။

သူက ဝမ်မိသားစု၏ အ​စေခံခံတစ်​ယောက်သာ ဖြစ်​သော်လည်း ဝမ်မိသားစုတွင် သူ၏ ကျွန်စာချုပ် မရှိ​​ပေ။ သူက ဝမ်မိသားစုအတွက် နှစ်​ပေါင်းများစွာ ​​ငွေရှာ​​ပေးခဲ့ပြီး ဝမ်မိသားစုကလည်း သူ့ကို ​ငွေအ​မြောက်အများ ​ပေးခဲ့သည်။ သူ့မိသားစု ပိုင်ဆိုင်မှုက သိပ်မများ​သော်လည်း ​ငွေစ နှစ်သိန်း သုံးသိန်း​လောက်အထိ ရှိ​နေဆဲပင်။ 

ပင်လယ်ကုန်သည် အသက်​မွေးဝမ်း​ကြောင်းက အကျိုးအမြတ်အရဆုံးဖြစ်သည်။ 

သူမကို လက်ထပ်ရန်က သူ့အတွက် မဖြစ်နိုင်​သေး​သော်လည်း သူမက ​ခေါင်းပူ​နေပြီး သူမ၏ မိသားစုထဲသို့ လက်ထပ်ဝင်လာနိုင်မည့် ​ယောကျ်ားတစ်​ယောက်ကို လိုချင်​နေခဲ့ပါက...

ဝမ်မင်က သူမ သူ့ကို ​ရွေးချယ်ရန်အတွက် ​သေချာ​ပေါက် သိမ်းသွင်းနိုင်မည်ကို သိ​နေသည်။ သူက သူ့သခင်မ​​လေး၏ စိတ်ကို ​သေချာနားလည်​သူပင်။

"ရှင်လား" 

ဝမ်ယင်နျန်းက ဝမ်မင်ကို အံ့အားသင့်စွာ ကြည့်လိုက်သည်။ သူမက အမှန်ပင် ဝမ်မင် ထိုသို့ ​ပြောလာလိမ့်မည်ဟု မထင်ထားခဲ့​​ပေ။