ငါ ပျိုးထောင်ခဲ့တဲ့ ရန်သူက ခင်ပွန်းဖြစ်လာခဲ့တယ်

Description 

နင်ရှန့် နှင့် ရှုလင်းတို့က နေ့စဉ်နှင့်အမျှ တကျိတ်တခဲ ရန်ဖြစ်တတ်ကြသည်မှာ လူတိုင်းသိသည့် အကြောင်းအရာတစ်ခုဖြစ်သည်။ သို့သော် တစ်နေ့တွင်မူ နင်ရှန့်က အသက်ငါးနှစ်အရွယ်သို့ ပြန်လည်ရောက်ရှိသွားသည်ကို သိရှိလိုက်ရ၏။ သူ မျက်လုံးဖွင့်လိုက်သောအခါ မိမိကိုယ်မိမိ မူကြိုကျောင်း၌ ရုပ်သေးခွေးကလေးတစ်ရုပ်ကို ပွေ့ပိုက်လျက်ရှိနေသည်ကိုတွေ့ရသည်။ သူ့ဘေးနားတွင်မူ ဒေါသထွက်နေသည့် သူ၏ ရန်သူ ရှုလင်းငယ်လေး ထိုင်နေ၏။

ရှုလင်းမှာ သူ၏ အင်္ကျီကော်လံကို ဆွဲကိုင်ကာ လက်သီးကို တင်းတင်းဆုပ်လျက် သူ မှတ်မိနေသည့်အတိုင်းပင် ခက်ထန်လှသည်။

“မင်း မုန့်တစ်ခု ပိုယူထားတယ်နော်၊ အခုချက်ချင်း ပြန်ချထားစမ်း!” ဟု ရှုလင်းက ပြော၏။

နင်ရှန့်ကမူ စိတ်ထဲမှ “ဘယ်သူက လိုချင်နေလို့လဲ...” ဟု ကျိတ်၍ တွေးလိုက်မိသည်။

ဤအရွယ်ရှိ ရှုလင်းက နောင်တစ်ချိန်တွင်ဖြစ်လာမည့် မှိုင်းညို့ကာလှည့်ကွက်များလွန်းသည့်လူမျိုးနှင့် မတူဘဲ တက်ကြွလန်းဆန်းသူ တစ်ဦးဖြစ်၏။ ထိုမျှမက ချစ်စရာပင် ကောင်းနေသေးသည်။ ထို့ကြောင့် နင်ရှန့်က သူ၏ ရန်သူနှင့် ရင်းနှီးအောင် ပြုလုပ်၍ နောင်တွင် ရန်သူများ မဖြစ်စေရန် အလို့ငှာ ကောင်းမွန်သည့် ဆက်ဆံရေးတစ်ခုကို တည်ဆောက်ရန် ဆုံးဖြတ်လိုက်သည်။

နင်ရှန့်၏ ရုပ်သေးခွေးလေး ပျောက်ဆုံးသွားသဖြင့် သူ စိတ်မကောင်းဖြစ်နေသည်ကို မြင်သောအခါ သူငယ်ချင်းကောင်းဖြစ်လာသူ ရှုလင်းက သူ၏ ခွေးလေးအဖြစ် နေပေးမည်ဟု ကိုယ်တိုင် ဆန္ဒပြုလာသည်။ ၎င်းအတွက် ရရှိမည့် ဆုလာဘ်မှာ နေ့စဉ် မုန့်တစ်ခုပိုပေးရန်ပင် ဖြစ်သည်။

မုန့်တစ်ခုအတွက် ရှုလင်းက နင်ရှန့်အတွက် မည်သည့်အရာကိုမဆိုပြုလုပ်ပေး၏။ အပြစ်ပေးခံရသည့်အခါ ကိုယ်စားခံခြင်း၊ နေ့စဉ်မှတ်တမ်း ရေးပေးခြင်းနှင့် စိတ်အနှောင့်အယှက်ပေးသည့် အတန်းဖော်များကို ငေါက်ငမ်းပေးခြင်းတို့ကို စေတနာရှေ့ထားကာ ပြုလုပ်ပေးလေသည်။

ဆယ်စုနှစ်တစ်ခု ကျော်လွန်ပြီးနောက် နင်ရှန့်အား လူကြီးချင်း စီစဉ်သည့် လက်ထပ်ပွဲအကြောင်း ပြောကြားလာသည့်အခါ ရှုလင်းမှာ တစ်ညလုံး အိပ်စက်ခြင်းမရှိဘဲ သူ၏ ပစ္စည်းများကို သိမ်းဆည်းကာ ထိုသူအား မောင်းထုတ်ပစ်လိုက်၏။

“နေဦး... ကျွန်တော်က ခင်ဗျားကို အဲဒီလိုလုပ်ခိုင်းလို့လား...” ဟု နင်ရှန့် အံ့ဩစွာ ပြောလိုက်မိသည်။

ရှုလင်း၏ မျက်နှာပေးမှာ မကောင်းလှသဖြင့် နင်ရှန့် ကြောက်ကြောက်လန့်လန့်ဖြင့်ပင် ကောင်းစွာ လုပ်ဆောင်နိုင်သည်ဟု ချီးကျူးကာ မုန့်ကလေးတစ်ခုကို ထုတ်ပေးလိုက်သည်။

ရှုလင်းက တည်ငြိမ်သော လေသံဖြင့် “မုန့်တစ်ခုတည်းနဲ့ မလုံလောက်တော့ဘူး၊ အခု ဈေးနှုန်းက တက်သွားပြီ” ဟု ဆို၏။

“ဟင်... ဘာလဲဟင်...” ဟု နင်ရှန့်က မေးမည့်အချိန်မှာပင် ရှုလင်းက သူ၏ နှုတ်ခမ်းထက်သို့ အနမ်းတစ်ခုကို ခြွေချလိုက်ပြီး “မင်း အခု ဒီအရာနဲ့ ပေးချေရမယ်” ဟု ပြောလိုက်လေတော့သည်။

ရှုလင်း  x နင်ရှန့် 

ရှုလင်း (Seme/Top): နေရောင်ခြည်လို တောက်ပပြီး ဖော်ရွေတတ်တဲ့ ခွေးကြီးတစ်ကောင်လိုမျိုး။ ချစ်ရသူအပေါ် အရမ်းအလိုလိုက်ပြီး ကာကွယ်ပေးတတ်တဲ့သူ။

နင်ရှန့် (Uke/Bottom): အပြင်ပန်းမှာ မာနလေးနဲ့ တည်တည်တံ့တံ့နေတတ်ပေမဲ့ အတွင်းစိတ်ကတော့ အရမ်းချစ်စရာကောင်းပြီး အူကြောင်ကြောင်နိုင်တဲ့ အလှလေး။ လူတိုင်းရဲ့ အသည်းကျော်။

T/N - ရန်သူတွေကနေ... သူငယ်ချင်း၊ အဲဒီကနေမှတစ်ဆင့် ချစ်သူတွေဖြစ်လာကြတဲ့ ဇာတ်လမ်းလေးပေါ့။ တကယ်တော့ သူတို့နှစ်ယောက်လုံးက ပြန်လည်မွေးဖွားလာကြတာပါ။ ရှုလင်းက နင်ရှန့်ဆီကိုရောက်လာတာ နည်းနည်းလေး နောက်ကျသွားခဲ့တယ်။ အဲဒီလိုနဲ့ အချိန်တွေ ပြန်စကြတဲ့အခါမှာတော့ ရှုလင်းက နင်ရှန့်ကို သူ့အသက်ထက်တောင် ပိုပြီး အလိုလိုက်တော့တာပါပဲ။ နင်ရှန့်လေးကလည်း တစ်လောကလုံးရဲ့ အချစ်တော်အဖိုးတန်လေးမို့လို့ လူတိုင်းက ဝိုင်းပြီး အသည်းယားနေကြရတာပေါ့။