[ ဟာသ+ ကလေးများ ပြုစုပျိုးထောင်ခြင်း + အုပ်စုလိုက် ချစ်မြတ်နိုးခံရခြင်း + 1v1 + အချစ်ဦး + ဇာတ်လိုက်မင်းသမီးက သူ​မ၏စုံတွဲဖြစ်သူကို အရွယ်ရောက်ပြီးနောက် တွေ့ဆုံခြင်း】

[ သူမ၏ ရွှင်လန်းသော အသွင်အပြင်အောက်တွင် အကြံအစည်ပေါင်း ၈၀၀ ခန့်ရှိနေသည့် ထူးခြားသော နေမင်းလေး  + သူ၏ စင်ကြယ်မွန်မြတ်သည့် အလှတရားအောက်တွင် ရက်စက်ကြမ်းကြုတ်၍ လိမ္မာပါးနပ်သော စိတ်သဘောသဘာဝရှိသူ 】

နျန်နျန်သည် တစ်လောကလုံး​၏ အချစ်တော်လေးဟူသော ဝတ္ထု အမျိုးအစားထဲသို့ ကူးပြောင်းသွားကာ အလွန်ကြီးမားသော ပါဝါအာဏာများ ကိုင်စွဲထားနိုင်သူ ဖခင်အရင်း၏ ယုတ်မာသော သမီးအရင်းဖြစ်လာခဲ့ကြောင်း တွေ့ရှိလိုက်ရသည်။ သူမ၏ မွေးဖွားလာမှုသည် ဆိုးသွမ်းသော မိသားစုမျိုးရိုးဖြင့် စွန်းထင်းထားသည့်အပြင် လျှို့ဝှက်ကြံစည်မှုများနှင့် ပတ်သက်ဆက်နွယ်နေသည်။

သူမသည် မူရင်းဇာတ်လမ်းတွင်၊ ချစ်ခင်စုံမက်မှုများစွာကို အားစိုက်ထုတ်ခြင်း မရှိဘဲ ရရှိခဲ့သည့် ဇာတ်လိုက်မင်းသမီးအပေါ် မနာလိုမှုကြောင့် ကြီးမားသည့် အမှားတစ်ခုကို ကျူးလွန်ခြင်းဖြင့် ဖခင်ဖြစ်သူ​၏ အမျက်ဒေါသကို နှိုးဆွလိုက်ပြီးနောက် ကျီမိသားစုမှ နှင်ထုတ်ခံခဲ့ရသည်။ သူမသည် အဆုံးတွင် ဇာတ်လိုက်မင်းသား၏ ယုတ်ညံ့သော ကြံစည်မှုဖြင့် ဆိုးရွားစွာ သေဆုံးသွားခဲ့ရသည်။

နျန်နျန်​၏ အတွေး :  ဒီစာအုပ်က ဟောင်းတယ်လို့ ဘယ်သူပြောလဲ။ ဇာတ်ကွက်တွေက မိုးထိုးတဲ့အထိကို စိတ်လှုပ်ရှားဖို့ ကောင်းလွန်းပါတယ်နော်။

သူမသည် အသက်ရှင်ရန်အတွက် စိတ်ဆတ်၍ ကြိုတင် မခန့်မှန်းနိုင်သော စိတ်သဘောထားမျိုး ပိုင်ဆိုင်ထားသည့် ဖခင်ဖြစ်သူ​၏ ရွှေပေါင်တံကို ကပ်တွယ်ထားရန် ဆုံးဖြတ်လိုက်သည်။ ဇာတ်လိုက်မင်းသမီး ရောက်လာသောအခါ၊ ကျီမိသားစု​၏ အ​ကြီးဆုံး သခင်မလေး အရိုက်အရာကို လိုချင်သူ မည်သူမဆို ရယူနိုင်ပြီး သူမကမူ ထွက်ပြေးရန်အတွက် ငွေကြေးများ စုဆောင်းနေမည်ဖြစ်သည်။

သူမ မမျှော်လင့်ထားသည်မှာ ဤကပ်တွယ်နေထိုင်မှုသည် ဆယ်စုနှစ်တစ်ခုကြာသည်အထိ ဖြစ်တည်သွားခဲ့သည်။ သူမ ထွက်ပြေးရန် ကြိုးစားချိန် ပတ်ဝန်းကျင်ရှိ လူတိုင်းက သူမကို ထွက်ပြေးရန် ခွင့်မပြုကြတော့ပေ။ အေးစက်သည့် စိတ်နှလုံးသားပိုင်ရှင် ဖခင်သည် နျန်နျန်၏လွှမ်းမိုးမှုအောက်တွင် ချစ်တတ်လာသည်၊ ဇာတ်လိုက်မင်းသမီးနှင့်အတူ သားသမီးရှစ်ယောက် မွေးဖွားရမည့် အနာဂတ် ဇာတ်လိုက်မင်းသားသည် ဘာသိဘာသာ ပြုမူနေပြီး၊ အနာဂတ်၏ အဓိက ဗီလိန်တစ်ဦးလျှင်ပင် အချစ်အတွက်ကြောင့် စောဒကတက်ခြင်း မရှိဘဲ တတိယဘီးအဖြစ် နေထိုင်ချင်နေသည်။

ကလေးဘဝတွင် ပြင်းထန်သည့် စိတ်ဒဏ်ရာများဖြင့် ကြီးပြင်းလာရသော အရံဇာတ်ကောင်အုပ်စုသည် ၎င်းတို့၏ ခန္ဓာကိုယ်များ အသဲများနှင့် နှလုံးသားများ နွေးထွေးလာခြင်းကို ခံစားလိုက်ရသည်။

"သခင်မလေး အိမ်က ထွက်သွားတာ သုံးရက်ရှိသွားပါပြီ၊ မိသားစုခေါင်းဆောင်"

"အဲ့ဒီ့တော့ သူ့အမှားကို ဝန်ခံပြီတဲ့လား"

"အာ... မဟုတ်ပါဘူး၊ မိသားစုခေါင်းဆောင်က တစ်ခါအီးပါရင် သုံးတန်လောက် ပါနိုင်တယ်ဆိုတဲ့ ကောလဟာလတွေကို သခင်မလေးက အပြင်မှာ လိုက်ဖြန့်နေပါတယ်..."

အဖေ : "……………"