အပိုင်း ၂၁၆

Chapter 216

သဲထဲတွင် မြှုပ်နေသော သူ့ခန္ဓာကိုယ်ကို ကြည့်ရင်း သူမမျက်လုံးများ ရုတ်တရက် ပြူးကျယ်လာသည်။ကျန်းကျန့်က သူ့ပုခုံးပေါ်မှာ မည်သည့်အဝတ်မျှ မဝတ်ထားသောကြောင့် သူမက ဒေါသတကြီးဖြင့်ဆိုလိုက်၏။ 

"ရှင်ကအဝတ်တောင် မဝတ်ထားဘူး... ဘယ်လောက်တောင် ရှက်စရာကောင်းလိုက်လဲ"

"မင်းတို့ ဒီကနေ ရထွက်လိုက်တာ ပိုကောင်းမယ်"

 သူ့အသံက ပိုအေးလာသည်နှင့်အမျှ ကျန်းကျန့် ၏မျက်ခုံးများ တွန့်သွားသည်။

ဤဆယ်ကျော်သက်မိန်းကလေးများသည် ငယ်စဉ်ကတည်းက လေးစားမှုခံခဲ့ရပြီး ကျန်းကျန့်က သူတို့ကို မောင်းထုတ်လိုသောအခါတွင် သဘာဝအတိုင်း မပျော်မရွှင်ဖြစ်သွားကြသည်။

"ကျွန်မတို့ကဘာလို့သွားရမှာလဲ...ရှင်ကသာသွားသင့်တဲ့သူပဲ"

"မှန်တယ်..." 

အခြားသူတစ်ဦးကဆိုသည်။

"နင်က ဒီမှာ အစေခံလား အနားက ရွာကလူလား...ငါတို့ဘယ်သူလဲသိလား"

သူတို့စကားပြောနေစဉ် ဆယ်ကျော်သက်တစ်ဦးက ရုတ်တရက် "မှန်"ဟုထအော်သည်။

ဆယ်ကျော်သက်၏စကားကြားပြီး ရှိနေသူတွေ အားလုံး တညီတညွတ်တည်း ကြည့်လိုက်ရာ ဧည့်ကုလားထိုင်ဘေးက သဲပေါ်မှာ လက်ဖဝါးအရွယ် မှန်တစ်ချပ်ကို တွေ့လိုက်ရ၏။

သူတို့က ဝမ်ယင်နျန်းကို အချိန်အတော်ကြာ တောင်းဆိုခဲ့ပေမဲ့ ဝမ်ယင်နျန်း သူတို့ကို မှန်တစ်ချပ်မပေးခဲ့ပေ။ ယခုမူ ထိုကဲ့သို့ တန်ဖိုးကြီးသော မှန်ချပ်ကို သဲပေါ်တွင် ပေါ့ပေါ့ဆဆ ချထားသည်။

ဤဆယ်ကျော်သက်မိန်းကလေးများသည် ဝမ်မိသားစုဝင်များဖြစ်သည်။

ယခင်က ဝမ်ယင်နျန်းက မင်းနန်စီရင်စုနယ်သို့ ပြန်သွားရန် စိတ်ကူးရှိခဲ့သော်လည်း ကလေးမွေးပြီးနောက်တွင် သူမသည် ထိုအကြံကို စွန့်လွှတ်ခဲ့သည်။

ခင်ပွန်းဖြစ်သူက သူမမိသားစုထဲလက်ထပ်ဝင်လာခဲ့သဖြင့် မျိုးရိုးနာမည်ဝမ်ဖြင့် ကလေးတစ်ဦးကို သူမမွေးဖွားခဲ့၏။ဝမ်မင်ကလည်း ဝမ်မိသားစုတွင် မျက်နှာများစွာရရှိခဲ့သည်။ ထိုအခြေအနေမျိုးတွင် သူမသည် မိသားစုကို ခေါ်ဆောင်ပြီး ပြန်လာပါက မိသားစု၏ စည်းစိမ်ဥစ္စာများကို အစ်ကိုများထံမှ လုယက်ချင်သည်ဟု ယူဆခံရနိုင်သည်။

မည်သို့ပင်ဖြစ်စေ သူမ၏ ခင်ပွန်းဖြစ်သူက မိသားစုလက်ထပ်ဝင်လာပြီးနောက် သူတို့၏ သားသမီးတွေက ဝမ်မိသားစုမျိးရိုးဇယား၏ တစ်စိတ်တစ်ပိုင်းဖြစ်ခဲ့သည်။

သူမသည် မိသားစုတိုင်း၏ ချမ်းသာကြွယ်ဝမှုအကြောင်း မကြားချင်သလို သူမ သားသမီးများသာ ဝမ်မိသားစုမျိုးရိုစဥ်ဆက်ဇယားတွင် ရှိသည်မဟုတ်သောကြောင့် ပြန်မသွားရန် ဆုံးဖြတ်ခဲ့သည်။

သို့သော်လည်း ဝမ်ယင်နျန်းက ဝမ်မင် ဝမ်မိသားစုမှ ထွက်ခွာသွားသည်ကိုမြင်ပြီးနောက် သံသယမဖြစ်အောင် အတတ်နိုင်ဆုံးကြိုးစားခဲ့သော်လည်း ဝမ်မိသားစုရှိ အချို့သောလူများက သူ့လုပ်ငန်း ကြီးကြီးကျယ်ကျယ်ဖြစ်လာသည်နှင့် စိတ်မငြိမ်မသက်ဖြစ်လာသည်။

အခြားသူများမဆိုနှင့်၊ဝမ်ယင်နျန်း၏အစ်ကိုများပင်လျှင် ဝမ်ယင်နျန်းက ဝမ်မင်ကို သူမ ၏ကိုယ်ပိုင်လုပ်ငန်းကို တည်ထောင်ရန် ခိုးယူခြင်းနှင့်ပတ်သက်၍ မကျေနပ်မှုများရှိခဲ့သည်။

ဝမ်မိသားစုက ဝမ်ယင်နျန်းနှင့် ဝမ်မင်တို့ကို ပြန်လာစေချင်ပြီး ဖြစ်နိုင်က သင်္ဘောတွေနှင့် သူတို့၏ ပိုင်ဆိုင်မှုတွေနှင့်အတူပြန်လာကာ ဝမ်မိသားစု၏ချမ်းသာကြွယ်ဝမှု၏တစ်စိတ်တစ်ပိုင်းဖြစ်လာရန်မျှော်လင့်ခဲ့ကြသည်။

သို့သော် သဘာဝအတိုင်း ဝမ်ယင်နျန်းက ထိုသို့မလုပ်လိုပါချေ။

သူမက ဝမ်မိသားစု၏ ပိုင်ဆိုင်မှုကို မလိုချင်ပါချေ။ဝမ်မိသားစုက သူမကို ခန်းဝင်ပစ္စည်းပြန်ပေးစေချင်လျှင် သူမဘာမှပြောမှာမဟုတ်ပေ၏။သို့ပေမဲ့ သူမခင်ပွန်းက သားသမီးတွေအတွက် ငွေရှာရန် အသက်စွန့်ပြီး ပင်လယ်ထဲသွားခဲ့ရသည်။ထိုကြောင့် မည်သို့ပင်ဖြစ်စေကာမူ ဝမ်မိသားစုကို ဝမ်မင်အသက်စွန့်ပြီးရှာထားသည့်အရာ သူမ မပေးချင်ပေ။

ဝမ်ယင်နျန်းက ပြန်သွားရန်ငြင်းဆိုလိုက်သည်နှင့် နောက်ဆုံးမှာ ဝမ်ယင်နျန်း၏ဝမ်းကွဲတွေထဲက တစ်ယောက်က ဝမ်မိသားစု၏မျိုးဆက်သစ် လူငယ်များနှင့်အတူ ရောက်ရှိလာသည်။ သူတို့ရှေ့က ဆယ်ကျော်သက်မိန်းကလေးတွေက ဝမ်မိသားစု၏ မျိုးဆက်သစ်တွေပင်။

ဝမ်ယင်နျန်း နှင့် ဝမ်မင်တို့ ပြန်လာအောင် စည်းရုံးရန် သူတို့ ဤတစ်ခေါက်မှာ ရောက်လာသည်။ တစ်ချိန်တည်းမှာပင် ဝမ်ယင်နျန်း၏ဝမ်းကွဲသည် ဝမ်ယင်နျန်းက မပြန်လိုလျှင် ဝမ်မင်အား သူ၏သမက်ဖြစ်လာစေရန် ဆွဲဆောင်မည်ဟု တွေးတောမိသည်။

ဝမ်ယင်နျန်းက အမှန်တကယ်မှာ စွမ်းရည်မရှိပေ၊ စွမ်းရည်ရှိသည်က ရွှေဗောဓိသတ္တဖြစ်သောဝမ်မင်ဖြစ်သည်။

ဤလူအုပ်စုက သည်ကိုရောက်လာပြီး သိပ်မကြာခင်မှာပဲ ပင်လယ်ကပြန်လာသည့် ဝမ်မင်ကိုတွေ့၏။ဝမ်မင်က မှန်အချို့ကို ပြန်ယူလာကြောင်းကိုလည်း သူတို့သိပြီး ၎င်းတို့အကြောင်း ဝမ်ယင်နျန်းကို ချက်ချင်းမေးမြန်းခဲ့သည်။သို့ပေမဲ့ ဤအချိန်မှာ သူတို့၏အတွေးလေးတွေကို သိပြီးသားဖြစ်သော ဝမ်ယင်နျန်းက သူတို့ကို ငြင်းဆန်ခဲ့၏။

ထိုဆယ်ကျော်သက်မိန်းကလေးများသည် ဝမ်ယင်နျန်း ၏အရှက်ခွဲမှုကြောင့် ဝမ်မိသားစု၏အိမ်မှထွက်ကာ ကမ်းခြေတစ်လျှောက် လမ်းလျှောက်ခဲ့ကြသည်။

ဝမ်မိသားစုအိမ်နှင့် ကျောက်မိသားစုအိမ်သည် မဝေးတော့သောကြောင့် ကျောက်မိသားစုအိမ်သို့ ရောက်လာကြကည်။ ယခုနက ခြံစည်းရိုးကို ဝမ်မိသားစု၏ ခြံစည်းရိုးအဖြစ် သတ်မှတ်ကြသည်။

မိန်းကလေးငယ်တစ်ဦးသည် မှန်ကိုမြင်ပြီးနောက် ကျန်းကျန့် မျက်မှောင်ကြုတ်ကာဆိုသည်။

"နင်က ဘယ်သူလဲ... ဒီလိုမှန်မျိုး ဘယ်လိုလုပ်ရနိုင်တာလဲ...ခိုးလာတာလား"

ဤလူများသည် ဟယ်ရှင်းစီရင်စုနယ်ကို အခုမှရောက်ဖူးသဖြင့် ဝမ်မင်က နိုင်ငံရပ်ခြားမှ မှန်များစွာကို ယူဆောင်လာကြောင်းသာ သိပြီး ကျန်းကျန့်၏ တည်ရှိမှု သို့မဟုတ် ကျန်းကျန့်ကို မသိခဲ့ကြပေ။

ကျန်းကျန့်နှင့် သူ့ကလေးနှစ်ယောက်က သဲတွေအလူးလူးဖြစ်နေသောကြောင့် ဤအမျိုးသမီးတွေက သူတို့ကို အရေးပါသူဖြစ်လိမ့်မည်ဟု မခံစားရပါချေ။

ဘယ်ဂုဏ်သရေရှိပုဂ္ဂိုလ်က သူ့ကိုယ်သူ ရွှံ့တွေ သဲတွေနဲ့ ဖုံးနေမှာလဲ...

ထို့အပြင် ပင်လယ်ပြင်သို့ထွက်သော ရေယာဉ်စုမှာ ဝမ်မင်ဖြစ်ပြီး မှန်များနှင့် ဖန်ထည်များအားလုံးသည် ဝမ်မင်၏အပိုင်ဖြစ်သည်ဟု လုံး၀ တွေးတောခဲ့ကြသည်။

ဝမ်မင်က အချို့ကို ရောင်းလိုက်သော်လည်း၊ မှန်နှင့်ဖန်ထည်ဝယ်သူများသည် စီရင်စုတရားသူကြီးများကဲ့သို့ အကောင်းကြီးကြီးများ ဖြစ်သည်။ ဒီလိုလူတွေက ကလေးနှစ်ယောက်ကို သဲနဲ့ဆော့ဖို့ ဘယ်လိုလုပ် ခေါ်လာမှာလဲ...

"နင်က သင်္ဘောသားတစ်ယောက်လား...နင်ဒီမှန်ကို ခိုးခဲ့တာ ဟုတ်တယ်မလား"

"နင်ဘယ်လိုတောင်လုပ်ရဲတာလဲ...ဦးလေးဝမ်မင်ကို နင်ကို သေချာပေါက် ဖမ်းခိုင်းပစ်မယ်"

မိန်းမငယ်များသည် ဝမ်ယင်နျန်းကြောင့်ဖြစ်နေသောဒေါသများကို ကျန်းကျန်းအပေါ် ပုံချကာပြောဆိုကြသည်။

"ငါ့မှန်"

ထိုအချိန်တွင် ကျောက်မင်ကျူး၏ မျက်လုံးများနီရဲလာသည်။

ကျန်းကျန့်နှင့် ဝမ်မင် နှစ်ယောက်စလုံးက သူတို့မိသားစုအတွက် တစ်ခုခု ချန်ထားခဲ့ပေမဲ့ အများကြီးကား မရှိပါချေ။ကျန်းကျန့်က စုစုပေါင်း မှန်သုံးချပ်ချန်ခဲ့ပြီး ကျောက်လျူအတွက် တစ်ချပ်၊ ကျောက်ကျင်းကောအတွက် တစ်ချပ်နှင့် ကျောက်မင်ကျူးအတွက် နောက်ဆုံးတစ်ချပ်တို့ကို အိမ်သို့ ယူဆောင်လာခဲ့သည်။

ကျောက်မင်ကျူးက သူမ၏မှန်ကို အလွန်နှစ်သက်ပြီး သူမနှင့်အတူ တချိန်လုံး သယ်ဆောင်သွားခဲ့သည်။ကျောက်ကျင်းကောက မှန်ကွဲသွားမည် သို့မဟုတ် လုယက်ခံရမည်ကို စိုးရိမ်သဖြင့် ဤအပြုအမူကို သဘောမတူသော်လည်း ကျန်းကျန့်က ၎င်းကို များစွာမတွေးခဲ့ပေ။

မှန်တစ်ချပ်ပဲ မဟုတ်ဘူးလား. . .ကွဲသွားခြင်းဖြစ်ကောင်းဖြစ်နိုင်သော်လည်း လုယက်ခံရနိုင်ခြေအတွက်မူ. . . မင်ကျူးက ငယ်သေးသောကြောင့် သူမသည် အခြေခံအားဖြင့် အိမ်တွင် အချိန်အများစုကို ကုန်ဆုံးခဲ့သည်။ သူ့အိမ်ကို လုယက်ဖို့ လာရဲတဲ့ သူတစ်ယောက် တကယ်ရှိမှာတဲ့လား. . .

သို့ပေမဲ့ ရလဒ်အနေဖြင့်. . . ယခုအချိန်မှာ သူ့ကို လုယက်ရန် ကြိုးစားနေသည့် တစ်စုံတစ်ယောက် ရှိနေ၏။

ကျန်းကျန့် သူ့ခန္ဓာကိုယ်ပေါ်က သဲတွေကျနေသည်ကို ဂရုမစိုက်တော့ဘဲ ဤလူတွေကို အပြင်ပို့ခိုင်းရန် တစ်ယောက်ယောက်ကို ခေါ်မည်ပြုလိုက်သည်။သို့ပေမဲ့ ရလဒ်အနေဖြင့် ကျောက်မင်ကျူးက သူ့ရှေ့ကို ခြေတစ်လှမ်းဦးသွားပြီး ပြေးသွားနှင့်နေပြီဖြစ်သည်။

"အဲဒါက မင်ကျူး ရဲ့ မှန်"

ကျောက်မင်ကျူး၏ ခန္ဓာကိုယ်ကို သဲများဖြင့် ဖုံးအုပ်ထားကာ ညစ်ပတ်နေသောကြောင့် ဆယ်ကျော်သက် မိန်းကလေးအုပ်စုသည် သူမအား ၎င်းတို့နှင့် လုံးဝမနီးကပ်စေလိုပေ။ကျောက်မင်ကျူးကို သူတို့ အနားကပ်ခွင့်မပြုချင်ဘဲ ကန်ပစ်ချင်ခဲ့ကြသည်. . .

ကျန်းကျန့်က ပိုမြန်ပြီး သူ့သမီးကို တိုက်ရိုက်ဆွဲမလိုက်သောကြောင့် ကျောက်မင်ကျူးကို မကန်နိုင်ခဲ့ပါချေ။

သို့ပေမဲ့ ကျောက်မင်ကျူးက အဆင်ပြေနေသည်ဆိုလျှင်ပင် ကျန်းကျန့်က ဒေါသအတော်ထွက်နေပြီဖြစ်ကာ သူ့ခြေထောက်ကို ဆန့်ထုတ်ပြီး ကျောက်မင်ကျူးကို ကန်ရန် သတ္တိရှိသည့်လူကို တိုက်ရိုက်ကန်ပစ်လိုက်၏။

"အား" 

ဆယ်ကျော်သက်လေးသည် သဲပေါ်လဲကျသွားကာ ကျန်းကျန့်ကို ထိတ်လန့်စွာကြည့်ရင်း သူ့ဗိုက်ကိုဆုပ်ကိုင်ထားသည်။ သူ ထိတ်လန့်တုန်လှုပ်သွားပြီး 

"ငါတို့ဘယ်သူလဲဆိုတာ မင်းသိလား...ငါတို့က ဝမ်မိသားစုကနော်... မင်း ငါတို့ကို ရိုက်ဝံ့ရင် ဦးလေးဝမ်မင်က မင်းကို လွှတ်ပေးမှာ မဟုတ်ဘူး"

"ဦးလေးဝမ်မင်က နင့်ကို သင်ခန်းစာတစ်ခု ပေးမှာ သေချာမယ်"

"စောင့်နေ"

…

သူတို့အားလုံး ကြောက်လန့်တကြား တုန်လှုပ်နေကြသော်လည်း ရက်စက်ကြမ်းကြုတ်သော စကားလုံးများကို အော်ဟစ်နေကြဆဲဖြစ်သည်။

"ဝမ်မိသားစုကလူတွေလား" 

ကျန်းကျန့်က သူ့ရှေ့က ဤလူတွေကို မျက်မှောင်ကြုတ်လိုက်ပြီးပြောလိုက်၏။

"သူ ငါ့သမီးကို ရိုက်ဝံ့ရင် ဝမ််မင်ကိုတောင် ငါရိုက်မှာပဲ... မင်းတို့က ဘာအရေးလဲ..."

ဤလူအုပ်စုသည် ငယ်ရွယ်ပြီး ဝမ်မိသားစုမှလည်း ဖြစ်ကြသောကြောင့် ကျန်းကျန့်က သူတို့ကို ဆက်မရိုက်နှက်ခဲ့ဘဲ ရိုးရိုးရှင်းရှင်းသာပြောလိုက်သည်။

"မှန်ကိုချလိုက်ပြီး ဒီကနေ ထွက်သွားပါ...မဟုတ်ရင် မင်းတို့ကို ငါကန်ထုတ်ပစ်မယ်"

ထိုဆယ်ကျော်သက်မိန်းကလေးများသည် အလွန်ရိုင်းစိုင်းသောပုံပေါက်သည့် ကျန်းကျန့်ကို အနည်းငယ်ကြောက်ခဲ့ကြသော်လည်း၊ အထူးသဖြင့် မှန်ကိုကိုင်ထားသော မိန်းကလေးသည် သူ့ရှေ့တွင် မည်သည့်အားနည်းချက်ကိုမျှ ပြလိုစိတ်မရှိပေ။

မှန်ကို လုယူသွားသော မိန်းကလေးမှာ ဝမ်လီဟုခေါ်ပြီး ယခုတစ်ကြိမ်တွင် ဝမ်ယင်နျန်းကို လာတွေ့သည့် ဝမ်ယင်နျန်း၏ ဝမ်းကွဲ၏ သမီးဖြစ်သည်။ သူမသည် အလွန်လှပသောကြောင့် သူမ၏မိသားစုက သူမကို မျက်နှာသာပေးကာ လူတိုင်းက သူမကို နာခံကြသည်။သို့ပေမဲ့ ယခု ကျန်းကျန့်က သူမကိုခြိမ်းခြောက်ခဲ့သဖြင့် သူမစိတ်ဆိုးလွန်း၍ ဘာမှ မတွေးဘဲ မှန်ကို ကျောက်တုံးအချို့ပေါ် ပစ်ချခဲ့သည်။

"ငါ ပြန်ပေးမှာမဟုတ်ဘူး"

မှန်၏ အပြင်ဘက်တွင် သတ္တုဖြင့် ဖုံးအုပ်ထားသောကြောင့် ကျိုးပဲ့လွယ်ခြင်း မရှိသော်လည်း ရည်ရွယ်ချက်ရှိရှိ ရိုက်ချိုးခြင်းကိုမူ မခံနိုင်သေးပါချေ။ကျောက်တုံးများထိမှန်၍ ကွဲကြေသွားခဲ့သည်။

ကျောက်မင်ကျူးကို ကျန်းကျန့်က ပွေ့ချီထားသောကြောင့် သူမ အရာအားလုံးကို ရှင်းရှင်းလင်းလင်း မြင်ခဲ့ရ၏။ကျောက်မင်ကျူးက 'ဝူး'ခနဲ အော်ငိုလိုက်သည်။

 "ဖေဖေ မှန်..."

သူ့သမီးလေး ငိုနေသည်ကိုမြင်သောအခါ ကျန်းကျန့်၏ အမူအရာက အေးစက်သွားသည်။သူက လက်ဆန့်ပြီး ထိုကောင်မလေး၏ လက်ကောက်ဝတ်ကို ဆုပ်ကိုင်၍ မြေကြီးပေါ် တိုက်ရိုက် ပစ်ပေါက်လိုက်သည်။

(ဒီအခန်းက တကယ်စိတ်တိုရပါတယ်...ကျွန်တော့်အမြင်အရ လူကြီးလူကောင်းဆန်နေစရာမလိုဘူးထင်တာပါပဲ...အဖေတစ်ယောက်လုံးရှိနေချိန်မှာ မင်ကျူးက အလဟသတ်ဝမ်းနည်းသွားရတယ်)

မှန်ကို ခွဲတဲ့သူက မင်ကျူးသာဆိုရင် သူ့သမီး ဒဏ်ရာရတာ ရှိမရှိ အရင်ကြည့်ရမှာပေမဲ့ ဒီလူက သူ့သမီးမဟုတ်ဘူး...

"အာ့ နာတယ်..." 

ကောင်မလေးက ပါးပါးလေးဝတ်ထားသဖြင့် သူမလက်တွေက ချက်ချင်းပဲ ပွန်းပဲ့သွား၏။

ထိုအချိန်တွင် ဝမ်မင် နှင့် ကျောက်ကျင်းကောက လူအချို့နှင့်အတူ ၎င်းတို့ဆီသို့ ရောက်ရှိလာခဲ့သည်။

ဝမ်မိသားစု၏ မျိုးဆက်သစ်များ ပျောက်ဆုံးသွားသည်ကို တွေ့ရှိပြီးနောက် ဝမ်မင်က ၎င်းတို့ကို ရှာဖွေရန် လူများကို စေလွှတ်ခဲ့သည်။ ကျောက်မိသားစုအိမ်သို့ ပြေးသွားကြောင်း သိပြီးနောက် သူ တတ်နိုင်သမျှ အမြန်လာခဲ့သော်လည်း ရလဒ်အနေဖြင့်… ဤလူများက ပြဿနာရှာခဲ့သည်လား...

"ဦးလေးဝမ်မင် သူက ငါတို့ကို ရိုက်နှက်နေတယ်"

"ဦးလေးဝမ်မင် ဒီလူ မင်းရဲ့မှန်ကို ခိုးထားတာ... မင်း သူ့ကို ဖမ်းရမယ်"

"ဦးလေး ဝမ်မင်"

ဤမိန်းကလေးတွေက တစ်ယောက်ပြီးတစ်ယောက် တိုင်တန်းကြပြီး ကျန်းကျန့် မြေကြီူပေါစ်ပစ်ပေါက်လိုက်သည့် ကောင်မလေးက မျက်နှာကို လက်နှင့်အုပ်ပြီး အလွန်သနားစရာကောင်းသည့်ပုံဖြင့်ငိုရင်း ကျန်းကျန့်ကို မတရားစွပ်စွဲရန်ပင် ကြိုးစားလိုက်သေးသည်။

"ဦးလေးဝမ်မင် ဒီလူက ဒီလူက... ငါ့ကိုစော်ကားဖို့ကြိုးစားတယ်"

ဝမ်မင်က ဝမ်မိသားစု၏ ဘဏ္ဍာစိုးတစ်ဦးဖြစ်ခဲ့ဖူးပြီး ယခု ဝမ်မိသားစုနှင့် ခွဲထွက်ထားသော်လည်း ဝမ်မိသားစု၏ ငယ်ရွယ်သော မျိုးဆက်များနှင့် ဆက်ဆံသောအခါတွင် သူက သူ၏ အနေအထိုင်ကို အနည်းငယ် နိမ့်ချထားခဲ့သည်။

ထို့အပြင် ဤလူတွေက ဝမ်မင်ကို "ဦးလေး" ဟုခေါ်ကြပေမဲ့ သူ့ကို သိပ်ပြီး မလေးစားကြမှန်း ထင်ရှား၏။ 

"ဝမ်မင်...ဒီလူတွေက ငါ့အိမ်ထဲကို ဝင်ပြီး မင်ကျူးကို ရိုက်ဖို့ကြိုးစားတယ်...သူ့မှန်ကိုတောင် ခွဲလိုက်ကြသေးတယ်...ဒါကို ဖြေရှင်းပေးပါ..."

ကျန်းကျန့် ဒေါသတကြီး ရယ်လိုက်သည်။ ဒီမိန်းကလေးက တကယ်ကို ပြောရဲလိုက်တာ...သူက မိန်းကလေးတစ်ယောက်ကို ဘယ်တော့မှ နှောင့်ယှက်မှာ မဟုတ်ဘူး...

ကျောက်မင်ကျူးက ငိုနေတုန်းဖြစ်ကာ ကျောက်ချန်ယုကလည်း ငိုနေပြီး သူတို့ဘေးမှာ ကွဲနေသည့်မှန်တစ်ချပ်ရှိ၏။ကျန်းကျန့်ကို အပြစ်တင်ရန် ဝမ်လီက ပါးစပ်ကို ဖွင့်စရာပင် မလိုပါချေ. . .

ကျန်းကျန့်က သူ့အိမ်ကနေ အဝေးရောက်နေသည့်အချိန်မှာ လူတချို့က သူတို့ရင်ခွင်ထဲ ပစ်ဝင်လာကြပေမဲ့ ကျန်းကျန့်က ပွေ့ဖက်ရန်ပင် ငြင်းဆိုခဲ့သည်ဖြစ်ရာ သူ့သမီးနှင့်သားရှေ့မှာ ကလေးမလေးကို ဘယ်လိုနည်းနှင့်မှ နှောက်ယှက်စောက်ကားရန်မဖြစ်နိုင်ပေ။

ဝမ်မင် အလွန်အပြစ်ရှိသလို ခံစားခဲ့ရပြီး ကျန်းကျန့်ကိုတောင်းပန်လိုက်၏။

"အစ်ကိုကျန်း တောင်းပန်ပါတယ်... ဒီကိစ္စအတွက် သေချာပေါက် ရှင်းလင်းချက်တစ်ခုပေးပါ့မယ်"

ထိုသို့ပြောပြီးနောက် သူက ဆယ်ကျော်သက်မိန်းကလေးများကို ကြည့်လိုက်ပြီး သူ့မျက်နှာ ချက်ချင်း မည်းကျသွားသည်။

 "ဒီကိုလာပြီး တောင်းပန်ပါ"

"ဦးလေး ဝမ်မင်" 

ဤလူများသည် ဝမ်မင်ကို တအံ့တသြကြည့်ကာ တစ်ချိန်တည်းတွင် တစ်ခုခုမှားနေပြီဟု ခံစားလိုက်ရသည်။

ခုနကက သဲထဲမှာ သူ့ကိုယ်သူမြှုပ်ထားတဲ့ ဒီလူက သူ့အဆင့်အတန်းက သာမန်မဟုတ်ဘူးလား...

ဒါ မဖြစ်နိုင်ဘူးမလား...ဘယ်အဆင့်အတန်းရှိတဲ့သူက သားသမီးတွေကိုခေါ်လာပြီး သူ့သားသမီးတွေကို သူ့ကို ဒီလောက်ကြီး လွန်စွာညှဉ်းပန်းနှိပ်စက်ခိုင်းမှာလဲ...

"ဒါ့အပြင် ဒီမှန်တွေကို ငွေ ၁၀,၀၀၀ နဲ့ရောင်းတာ ဒီအကြောင်းကို ဆဋ္ဌမသခင်ဝမ်နဲ့ ပြောလိုက်ပါ့မယ်..."

ဝမ်မင်ကဆက်ပြောသည်။

သူသည် ဝမ်မိသားစုတွင် မွေးဖွားခဲ့ပြီး လွန်ခဲ့သည့် သုံးနှစ်အတွင်း ဝမ်မိသားစု၏ လုပ်ငန်းကို တစ်ခါမျှ မလုယက်ခဲ့ပေ။ ဝမ်မိသားစုကနေ အရင်ဆုံးထွက်လာခဲ့သည်ကပင် သူ့အတွက် အဆင်မပြေဖြစ်နေပြီဖြစ်သဖြင့် သူက သည်ကိုရောက်လာသည့် ဆဋ္ဌမသခင်ဝမ်ကို အမြဲတမ်း ယဉ်ကျေးသိမ်မွေ့စွာ ဆက်ဆံခဲ့ပေမဲ့ ယခုအချိန်မှာ ဤလူတွေကို အလိုလိုက်အကြိုက်ဆောင်ချင်စိတ် မရှိတော့ပေ။

"ဦးလေးဝမ်မင် နင်က ငါတို့ကို ဒီမှန်အတွက် ပိုက်ဆံပေးစေချင်တာလား...ဒီမှန်က နင်ပိုင်တာမဟုတ်ဘူးလား..."

ဝမ်လီသည် သူ့စကားကြားသောအခါ အံသြသွားသည်။

"သခင်မလေးဝမ်... ငါ မင်းကို အစောကတည်းက ပြောထားပြီးသား...ငါက တခြားလူ စီးပွားရေးလုပ်ဖို့ ပင်လယ်ထဲသွားတာကို လိုက်သွားရုံပဲ..." 

ဝမ်မင်က ပြောလိုက်သည်။

"ဒါက နင့်ရဲ့အကြောင်းပြချက်သက်သက်....."

ဝမ်လီက ပြောလိုက်ပေမဲ့ ရုတ်တရက် တွေးမိသွားသည်။

"ဒါ ကျန်းကျန့်အကြောင်း ပြောနေတာလား"

အားလုံးက ကျန်းကျန့်ကို တအံ့တသြကြည့်လိုက်ကြသည်။သူ့ခန္ဓာကိုယ်မှာ အမာရွတ်တွေ အများကြီးရှိတဲ့လူက ကျန်းကျန့်လား...